#اى كلام

[excitinglifee]

عندما اكون وحيداً اكل ايس كريم ولكن

[mg4designs]

أغلب الأوقات نحتاج لأن نكون وحيدون ليس منشغلون بما قيل وما قال وما يقيل لآننا عشنا عمرًا كلهً بالاتكاء على أشغال الأخرين

[its-okay]

إبعتلي سلام قول اى كلام مــن قلبك أو من ورا قلبك.

[ahmedworldstuff]

فى مصطلح نفسى مهم و قديم اسمه " جاذبية الإنكار " و ده معناه بمنتهى البساطة ان الانسان لما يواجه موقف صعب جدا عليه تقبله بيبدأ ينكر ده و يقول لا لا مستحيل او مش ممكن أو اى كلام من هذا القبيل و فى نفس الوقت ده بيبتدى العقل الباطن يعمل استراتيجية محكمة و وضع حيلة دفاعية تلتف حوالين الحقيقة اللى حاصلة علشان تغير الواقع و تجعله اكثر قبولا .. الحقيقة دى مشكلة كبيرة ومش سهلة و متكررة جدا لأن رغم ان الإنكار بيحميك بشكل مؤقت من انك تنهار او تفقد نفسك الا انه فى نفس الوقت بيخليك تهمل وجود مشكلة حقيقية و واقعية لدرجة انك ممكن تسيب المشكلة دى بدون حل للأبد او تتعايش معاها او يقف جزء مهم من حياتك وانت ساكن و فى ثبات فى أحوالك و حالة من الرضا الخادع انك على ما يرام و امورك تمام .. الإنكار محتاج مواجهة حقيقية مع نفسك و تقبل ان فى مشكلة و محتاجة حل و التنازل التدريجى عن تضخيم الأنا عندك و الاعتراف ب انك عادى ممكن تغلط او تفشل او تتعرض لأى موقف يهزك و يفقدك ثباتك النفسى .. ده هيفيدك انك تاخد خطوات حقيقية وطبيعية فى المواجهة والحل ؛ أخطر حاجة كلاسيكية بتحصل هى إنكار انك محتاج مساعدة و الخضوع التام لحيلك الدفاعية بحماية نفسك بأى شكل حتى لو غلط .. و ده كتير جدا بيحصل فى العلاقات ..كتير لدرجة لا تصدق .. لو انتبهت للحيلة دى فى حاجات كتير جدا هتفرق فى حياتك وخصوصا الحاجة اللى انت شايفها ثابتة و مبتتغيرش و بتقول ليه ده بيحصلى ؟!

[alpostagy]

صباح الخير اما بعد:

الثبات النفسى اهم من الثبات على المبدأ

حافظوا على نفسيتكم اهم تحدى فى هذا التوقيت ابعد عن اى مصدر يعكر النفسية حتيدى لو هتبعد عن الكل

طبعا الكلام ده مالوش علاقة بالشغل لأن الشغل إذا ارتبط بالنفسية والحب والكره باظ الشغل

كلام الناس أشبه بالتراب.... اذا لم يطير بالهواء.... فهو يداس ��الاقدام... عش عفويتك فالالسنة لن تصمت...

حافظ على شعور اللى أمامك اى كان وضعه.

[fozdoaa]

جماعه ممكن نكبر شويه !لما نبعت لحد فولو هو حر يفولو باك اولا لاءه وانت كمان حر تفضل تفولو او لاءه مبنعملوش بلوك !

يعنى يا اهبل انت بتبلك حد لا تعرفه ولا يعرفك ولا حصل بينكم اى كلام او احتكاك حتى ! دا ايه دااا يختى !!!

[mysteriouslyclearenemy]

( بر الوالدين)

قبل ما نبدأ في اى كلام هل يعقل ما نراه اليوم من بنات وشباب المسلمين فى معاملاتهم مع آباءهم

أصبح فى زمننا هذا نفعل اشياء لا ترضي الله ولا رسوله ؛ واصبح القليل منا هو الذى يتقي الله عز وجل فى أفعاله وأقواله

وأن الله عز وجل حث خلقه على أن يتدبروا القرآن فقال عز وجل ( أفلا يتدبرون القرآن ولو كان من عند غير الله لوجدوا فيه اختلافا كثيراً)

وصفة ذلك أن يشغل قلبه بالتفكير فى معنى ما يلفظ به ؛ فيعرف معنى كل آية ، ويتأمل الأوامر و النواهي ، فإن كان مما قصر عنه فيما مضى اعتذر واستغفر ، واذا مر بآية رحمة استبشر وسأل ، ويجب على كل من سمع القرآن أن يتبع ما فيه لأنه دستور وقانون للأمة الإسلامية ويجب العمل به

قال الله تعالى ( الذين يستمعون القول فيتبعون أحسنة أولئك الذين هداهم الله وأولئك هم أولوا الألباب)

ومن أوامر الله عز وجل هو بر الوالدين والإحسان إليهما وطاعتهم فى كل شىء إلا الشرك بالله

وأمرنا الله عز وجل العمل والسعي فى رضاهم ونهانا عن الإساءة لهم حتى بأدنا الألفاظ لهم ألا وهو ( اف)

وقد أمرنا رسول الله صل الله عليه وسلم فى أحاديث كثيرة على الإحسان إلى الآباء والأمهات وأن من اسباب دخول الإنسان الجنة هو الإحسان إليهم

قال رسول الله صل الله عليه وسلم ( رغم أنف ثم رغم أنف ثم رغم أنف) قيل من ؟ يارسول الله قال ( من أدرك أبويه عند الكبر أحدهما أو كليهما فلم يدخل الجنة )

[gomls-world]

للعلم فقط

اى دوله لا تنتج دوائها وسلاحها ولا تزرع غذائها هى دوله كتب الله على شعبها الفناء وان عاشوا .عاشوا كالمتسولين على مؤائد اللئام.انتهى الكلام وعليه فنصيحتى للجميع اتركوا كلام الاعلام الحكومى والاعلام المعارض من الخارج فهؤلاء لا يتصارعون الا على القليل الذى تبقى فى ايديكم.

[arwannn]

ابعتلى سلام قول اى كلام من قلبك او من ورا قلبك ..

مش يبقى حرام اسهر وتنام وتسبنى اقاسي نار حبك ..

[marmarika-world]

بصوا يا جماعة اى حد يدخل يبعتلى كلام شمال ووسخ زيه ياريت يحل عنى.... بتخلونى اشتمكو وبتجيبوا لاهلكو الشتيمة وبيتمسح بيك وبكرامتك الارض..... بتطلعونى عن شعورى وانا ست مؤدبة...

اى اندر ايدج وسخ اهله مربهوش ميهوبش هنا .... عيب يا بابا... كخ كده..

[saraudai]

مبقتش الاقى راحتى فى المكان هنا زى الأول حتى مشاعرى مش عارفه أبوح بيها ولا الـ اى كلام اللى كان بيختر على بالى و أشاركه، يمكن اعتزازى بيه هو اللى مخلينى مش بعمل ديأكتيف و مهما اختفى ارجع تانى و دا لإنه فى وقت ما كان بمثابة عالمى الخاص و الجانب الحلو و المريح فى أوقاتى الصعبه و برغم تغير الأحوال من كل قلبى ممتنه لتمبلر و ناسه 🫶🏻.

[excitinglifee]

انا حاسس انى بقى عندى متلازمة نقص النوم

[mg4designs]

نمضى ونقول لا بأس لعل وعسى أن يكون للبأس ملاذًا بعيدا عن أذهاننا

[horyyaa]

باجى هنا بحاول افضى دماغى وبرغى كتير موت بكتب اى حاجه واى كلام بس بحس دماغى بتتزحم اكتر بصدع نفسى وبصدع الناس اللى هنا ولله مش عارفه اعمل حاجه

[ahmedworldstuff]

لما يفضل يبعتلى فيديوز كتير بتتنمر على التخن او عريس شال عروسه و وقع بيها و نكت سخيفة على التخن و يفضل يقولى خسى وانا مش بمزاجى باخد ادويه مزوده وزنى و كورتيزون وهو عارف ومع ذلك بيكرر الكلام مثلا امبارح بيقولى اودام اختى بلاش اكل حلويات مش هعرف الف بيكى فى الفرح نفسيتى اتخربت انا اسفة انى بكتب اى كلام بس انا متابعك و برتاح لرأيك

الف سلامة عليكى اولا .. عارفة غالبا اللى بيعمل كده او بيركز على نقط ضعف اللى معاه او الحاجة اللى بتزعله سيبك خالص من انها قلة ذوق وجليطة و شغل فلاحين ؛ الفكرة فى انه بيغطى بيه على نقص عنده هو وفي نوع من الاستعلاء رغم انه ممكن يكون شخص مواصفاته اقل بكتير من العادى .. لما هو مستاء من وزنك او بيتنمر كتير مفكرتيش تسأليه ليه اختارتنى مثلا ؟ كان اكيد متاح ليك أوزان اقل و ناس ناشفة على عودها كنت اختارلك واحدة مناسبة لمقاييسك الفتاكة؛ ليه بتقبلى منه تنمر او تلميح او كلمة تزعلك من غير رد فعل مناسب ؛ لدرجة انه بيضايقك عادى فى حضور اى حد ! و بعدين يعنى ايه يلف بيكى فى الفرح هو بسلامته كان شغال فى فرقة رضا وهيقدم استعراض .. انا ضد قبولك اى استخفاف منه و فى نفس الوقت عاوزك تثقى فى نفسك اكتر من كده و تهتمي بحالك بغض النظر عن ماهية الشخص ده فى حياتك ..والمرة الجاية لما يتكلم فى وزنك قوليله حرفيا .. الرجل الجامد بيشيل اى وزن يمكن انت اللى محتاج تطور من نفسك .

[fozdoaa]

م��صله ايه ونهايه ايه ومكانه ايه ؟ انا معرفش انت بتتكلم عن ايه وان كان الأسك اتجاهه باين بس انت عارف لو انت الأنون صاحب الأسكس القذره اللى بتجيلى فأنت فعلا حد مش طبيعى وعلى فكره الكلام الأهبل اللى انت بتبعته او بتقوله دا ولااااا يفرق معايا فى اى حاجه انت اصلا مش طبيعى دا اسمه قرف مش اكتر ولا اقل .

انت عارف الحاجه الوحيده المقرفه ايه؟انك تكون حد انا عملاله فولو او مش عملاله مش فارقه بس اكون بريبلاى او بريبلوج او فى كلام ع الداش فصدقنى دى حاجه مقرفه جدا .