#بحبكم

[colored-entropy]

فيه ناس هنا على تمبلر كان نفسي أعرفهم بشكل شخصي. فيه درجة عالية من الصدق والشفافية والبساطة فيهم مخلياني عندي فضول قوي تجاههم وحب حقيقي لضمهم لدوايري، حتى لو كانت هتبقى دواير مش وطيدة اوي. مكانش هيجرى حاجة لو كنا زملا في مدرسة ولا شغل او اتلاقت طرقنا بشكل ما.

من ساعة ما دخلت تمبلر من 2013 وأنا بتعامل معاه كمكان لصور حلوة أستخدمها خلفيات لموبايلي، قبل ما اكتشف ان فيه ناس بتكتب وتشارك وتحكي، وأنا شخص تأسره الكتابة والحكايات والمشاركات، ولما اكتشفتهم غرقت في تمبلر لكام سنة قبل ما أنشغل في سياقات أخرى ويبقى حضوري خفيف هنا.

خلال السنتين تلاتة اللي فاتوا اتعرفت على ناس هنا وانتقلنا من اللاف والكومنت للشات ثم لانستا وواتساب وتيليجرام وغيرهم، ناس لطيفة حتى لو متقابلناش ولا مرة، بس بحبهم حقيقي، بحبكم يا عيال. والود ودي اعمل منشن لكل واحد وواحدة فيكم بس هتراجع منعا للكرنجة، بس انتو عارفين نفسكم ونفسكن يعني

ليا صديقة تونسية داخلين في 10 سنوات صداقة، كتابة وقراية ومناقشات وصور وفيديو كولز رايحة جاية في شوارع القاهرة واسكندرية وتونس العاصمة وصفاقس، وكانت نشرت لي اول مقال اكتبه في حياتي، باعتالي كتب هدية ولازم انزل القاهرة قريب عشان أستلمهم من صديق مشترك، كنت بقولها دايما لماذا لسنا جيران في هذا العالم؟ الواحد بيحب القرب والونس ويتمنى لو كل حبايبه ساكنين جمبه.

محبة كبيرة يا شباب، وحضن عابر للجغرافيا وكابلات الانترنت النائمة في عمق المحيطات

[yasmin-abdulftah]

بالغو بحبكم عادي،

في ناس بتستاهل والله

[feluka]

تاني، رمضان كريم يا حبايبي انتم اجدع و اطيب ناس اعرفها و تستاهلوا كل خير و سلام بحبكم جدا جدا💕💕💕

[feelings-king]

مساء الخير يا شعب tـمبلر الدهب

شعب تمبلر الجميل اللي مهما قولت فيه مافيش كلام حلاقيه يوفي حقه عليا

أيوه ..

أيوه هو أنا الـ KING

الكينج اللي كان في ذمة الله و قابل وجه كريم ..

رجع تاني من الموت

رجع تاني علشان يطمن اصدقائه إنه بخير و يكذب واحد/ة وسطينا ازبل من إني اذكره/ا

و للأسف معروفة و متابعينها كتير و محبوبه من كتير زي ما هي مكروها من البعض برضه

لكنها حيله رخيصه استخدمتها علشان تعجل بظهوري

و رجوعي تاني علشان أكذب الكذبة اللي بقت وصمة عار حاتلازمها ليوم موتها لأنها وجعت قلوب و اصدقاء و متابعين لمدونتي و أبكت بعضهم بفعلها ده ..

لكنها في الحقيقة أظهرت معدن ناس كتير أقل ما يقال عليهم أنقى من نقاء الذهب اللي ندر وجودهم في زمنا ده

و كم الحب و الحزن الكبير اللي اتفاجئت به منهم

* خبر وفاتي ينزل علشان غبت عن مدونتي قرابة الثلاث شهور

مع أني غبت اكتر من المدة دي من قبل و غيري غاب أكتر بكتير و رجع تاني و ما نزل له خبر وفاته ..

* بالرغم من الخبر الاولاني و التأكيد التاني نزلوا من Anonymous لكنكم صدقتوها للأسف ..

طب بالذمه في حد يصدق كلمه واحده من أنون برضه

* أختار ناس مقربين مني على حد معرفته و نسي منهم ناس

و في تاني مرة نزل تاني بالخبر و أكده علشان لقى المعظم مش مصدقه و نشره على نطاق أوسع علشان ينتشر في التمبلر كله "ده انتي جاحده قوي"

حقيقي احساس غريب و شعور صعب يتوصف إنك تشوف سيرتك بين اصدقائك اللي عرفوك و عاشروك و حتى الناس اللي ما عرفتك ولا اتقابلت معاها ولا جمعتكم محادثه ولا حتى مداخله على بوست كلهم حزن و بيدعوا لك و منهم من بكى ..

حق كل واحد و واحده منكم على راسي من فوق في الاشاعه الرخيصة دي

فـ "الرخيص ما يخرج منه إلا كل رخيص"

شكر الله سعيكم جميعاً و ما اعزيكم في عزيز عليكم ابداًاًاً يا رب

بكرر آسفي من اللي حصل و غيابي عنكم الفترة دي كلها بسبب ضغوط عملي و اللي بيكون شاغل معظم وقتي فــ أرجو من كل واحد و واحده منكم تقبل اعتذاري

و رجاءً

مافيش داعي تنشروا و تتداولوا أي خبر على مدوانتكم إلا لما تتأكدوا من صحته و مصداقية مصدره

ليكم مني و من قلبي كل حبي و تقديري

بحبكم كووووووووووولكم

--=_👑_=--

[rrrrrrrr-rrrrrrr]

أهل تمبلر الاعزاء انا بحبكم فشخ♥

[haneeensblog]

Thank you to everyone who got me to 250 likes!

شكرا من القلب

بحبكم ❤

[flybirdsworld]

كل مرة بنادي و أقول ماما بابا و أدخل الأوضة و أقوم ناطة علي السرير و حضناهم بيتخضوا ، و أقولهم بحبكم أوي و افضل أبوس فيهم لحد ما يزهقوا و يقولوا احنا كمان بنحبك بس كنتي هتكسري السرير من النطة يا ريشة البيت 🙆🏻‍♀️😂😂

[ward77]

@white-tulip323 @darina2121 يا الله شو بحبكم سويرتي و دودي 💞💜💙

[cairoman]

في أواخر ايام السنة أحب أقول لمعظم الناس اللي عارفها من زمان والي عرفتها السنادي اني فعلا بحبكم جدا وبحبلكم كل الخير والصحة والسلام أهلي علموني احب كل الناس اللي حواليا وأتمنالهم الخير ودي فعلا بقت حاجة في شخصيتي صعب تتغير اتمنى ليستة الناس اللي بتكرهني تكون أقل وعارف اني اختفيت عن ناس كتير يا رب مايكونوا زعلوا لدرجة المقاطعة واتمنى اكون عند حسن ظنكم دايما حسيت بحب كبير لكل من حواليا في الحقيقة وكمان هنا وحسيت اني عايز اشارككم المشاعر دي عشان حقيقي كلنا بنحب يتقالنا كلام حلو وان احنا كمان نستاهل نتحب كل سنة وانتم طيبين

[sirr7a]

بحب تدوينات فرح و رزون و سارة و صداقتهم تقريباً ما بدخل تلمبر غير عشان اشوف أخبارهم فقط و انهم بخير بحبكم يا رفاق و بتمنالكم الراحة و الهدوء و السكينة و تحقيق الأماني ليكم انتوا و من تحبوا ❤️

[ffatma45]

حلمت حلم غريب كالعاده، كنت قاعده مع بنتين وبقولهم انا بحب الشعر جدا وبحب الابنودي واحده منهم قالتلي قوليلنا حاجه قولتلها لا انا بحب اقرأ لكن مش حافظه اكيد وانا بتكلم الابنودي عدى من جنبي وقولتلها ايوه وبحب الابنودي جدا، ف هو رد قالي انا ولا فؤاد حداد قولتله بحبكم انتو الاتنين بس كلامك انت احلى شويه، وصحيت وانا كالعاده مستغربه عبث احلامي، انا اصلا معرفش شكل فؤاد حداد، المفروض بجد اعملكم فقره كل يوم الصبح اصحى اقولكم حلمت ب ايه، علشان حقيقي احلامي كلها ويرد 😆

[mysteriouslyclearenemy]

ربي إن صفحتي مليئة بأشخاص

لا أعلم ظروفهم ولا حاجتهم ولا أعلم مافي قلوبهم

فاللهم من كان منهم مريضًا فاشفه

ومن كان مبتلى فعافه

ومن كان محتاجًا فاقض حاجته

ومن كان يريد الزواج فزوجه

ومن كان مهمومًا ففرج همه

ومن كان مديِّنا فاقضي عنه دينه

ومن كان يريد الذرية فارزقه الذرية الصالحة

ومن كان في نفسه حاجة لا يعلمها إلا أنت فيسرها له

واختر لهم ما هو خير ولا تردهم خائبين يارب💙🤲🌹

بحبكم فى الله

[3zef-el-harf]

السلام عليكم ورحمة الله وبركاته

عيدٌ مضى وعيدٌ حل ونحن معكم نسعد بكم وندوم بحبكم ..اعزائي الكرام يسرني أن أقدم لكم ازكى ايات التهاني والتبريكات بمناسبة عيد الاضحى المبارك اعاده الله عليكم بكل خير وكتبكم الله من حجاج بيته الحرام ..دعوه منا لطيّ الماضي والتسامح فيما بيننا فلا يوجد في هذه الحياة احلى واسمى من المحبة والتسامح ..وكل عام والجميع بخير ..

[reem-sherif]

شكرًا من قلبي لكل واحد كلمني و كل حد دعا ليا بحبكم كلكم و الحمدلله خفيت انا سعيده خلاص ♥️

[theo-3]

في البداية نصحني صديق بإستخدام تمبلر ولأني بحب الاستكشاف وعندي فضول قولتله هبقا أشوفه، رحت أشوف إيه تمبلر دا حملته ورحت مسحته تاني ساعة، محسيتوش وكان كل الكونتنت عليه أجنبي ومش عارف أتاقلم لأني وقتها كنت مدمن للشبكات التاني زي ريديت وتويتر فيسبوك...

في حديث آخر مع صديق تاني غير الأول، وبندردش على تويتر قد إيه البيئة بتاع تويتر توكسيك فشخ قالتلي "جرب تمبلر"!! تمبلر تاني إيه المشكلة بقا أكيد المشكلة فيا قولتلها هبقا اشوفه وبعديها بفترة لما قفلت كل الاكونتات بتاع السوشيال مفضلش غير مكان واحد أكلم فيه نفسي وهو هنا.

عملت أكونت في البداية وظبطت التايم لاين قبل ما أحس بالزهق، عشان مسمحهوش تاني.

طب بالنسبة لحبايبي الاتنين اللي قالولي على تمبلر بصراحة مكلمتهمش تاني في موضوع الابلكيشن ولا يعرفوا أني هنا، لقيت معظم الحسابات هنا anonymous والمكان زي مساحة للتوثيق أو الجورنالج حسيت أني ممكن أفسد عليهم حرية التعبير وأفسدها على نفسي لو عرفنا بوجود بعض فاخترت الصمت، بس لو حتى شافوا البوست دا بالصدفة بحبكم.

[68ih]

‏"أود أن أقول إن من أفضل أيام المرء تلك التي يشعر بها أنه محبوبٌ لدى أحدهم، إحساسه أن أحدًا يحبه إحساسٌ ثمينٌ، وساحرٌ جدًا، أشعروا من تحبون بحبكم لهم، أشعروهم أن لهم طاقة حبٍ تكمن في دواخلكم لهم، ليس ليتصدوا للصعاب في حياتهم فحسب، بل ليشعروا بوجود جدارٍ دافئ يلجئون له في كل لحظة."