#بلوجرز

[tamer-92]

الصوص و هو واخد الساندويتش ف حته تانيه خالص 😂

[ibrahimshoukri]

مين الشباب اللي بتغير همومها قدام الكاميرا ده و إيه البصات المريبة ده و بتبوس مين آخر الفيديو يا نجم

[egylite2022]

"الداخلية" تكشف تفاصيل ضبط بلوجر وزوجها وشقيقته وزوجها لنصبهم على المواطنين

“الداخلية” تكشف تفاصيل ضبط بلوجر وزوجها وشقيقته وزوجها لنصبهم على المواطنين

كشفت الداخلية ملابسات ما تبلغ من 16 مواطنا باتهام (“بلوجر أزياء” – وزوجها “له معلومات جنائية” – وشقيقته وزوجها ) لقيامهم بالنصب والاحتيال عليهم والتحصل منهم على مبالغ مالية عقب إيهامهم بامتلاكهم مجموعة شركات تعمل فى عدة مجالات “السيارات، العقارات، تداول الأوراق المالية” بزعم استثمارها لهم مقابل أرباح مالية وقيام “البلوجر” المشار إليها بالترويج عبر صفحتها على موقع التواصل الاجتماعى “إنستجرام”…

[cairosyndrome]

لو الأكل بيتعمل بنفس سهولة فيديوهات الفود بلوجرز مكنش حد غلب والله

[sarahtarek]

شوية بلوجرز كلاب عاملين اعلان ل ليبتون شوية كلاب بجد منهم لله

[mennamkh]

فيديوز الاطفال الاندرايدچ اللي عاملين نفسهم فاشون بلوجرز بتستفزني

[somaya-a]

والله انا كنت هاخد نصايحك في العلاقات على محمل الجد لولا إنك حطتلي صورة اتنين بلوجرز أخر البوست

[judmpto]

الواحد محتاج يقرأ ويثقف نفسه أكثر في موضوع food and it's relationship with mind and body

طبيعة الاكل اللي بتدخل لجسمك وعناصره وكميته، الأكل ذُكر في غير موضع في الإسلام، أنه من أسباب بطء الفهم وفساد القلب وموت الروح ومدعاة للكسل والخمول.

والأكل عامةً تحول لبروباجندا كبيرة دلوقتي وانتشر كالنار في الهشيم، كل المشاريع الجديدة بقت مطاعم وكل الكونتنت كريتورز بقوا فوود بلوجرز، والأكل تحول لتجربة ممتعة وشهوة أكثر من كونه زاد يبقيك على قيد الحياة.

مبقولش أننا لا نتذوق الأكل ونستمتع بيه، الأكل من النعيم المُعجل في الدنيا وربنا وعد في الجنة بأنهار من خمر ولبن وعسل وفواكه كنعيم وجائزة في الجنة، وسيدنا محمد كان بيشتهي طعام عن طعام، ولكن سيدنا محمد وصحابته في ذات الوقت مكانوش بيأكلوا غير قدر حاجتهم والأكثر أقل من حاجتهم وكان حبيبي صلى اللّه عليه وسلم يربط بطنه بحجر من الجوع، وسيدنا عمر بن الخطاب يأكل الخبز بالزيت وهو أمير المؤمنين.

الفكرة كمان رغم هذا التقشف في الطعام إلا أن طبيعة الأكل نفسه رغم قلته كانت حاجة الجسد، فالتمر والحليب يوفر كمية سكر رهيبة تدي طاقة كويسة لإكمال اليوم حتى مع شعور الجوع وقدر لا بأس به من البروتين، قس على ذلك باقي غذائهم + أنه أيامهم م��انش فيه زيوت مهدرجة ولا سكريات مصنعة ولا أي حاجة تتراكم في الجسم وتعمل تصلب شرايين وتلعب في الأنسولين.

الأكل ليه عامل كبير جدًا ليس بالهين في ال mood swings والتركيز والفهم وبذل الجهد والتنفس والدورة الدموية وحتى صحة الجلد والشعر، الموضوع مش كالوريز بس ما أنت ممكن تخس وأنت بتاكل برجر اكسترا تشييز بس تعالى قارن صحة كبدك وإفرازات جسدك وأنت بتاكل ده، وأنت بقى بتشرب ٣ لتر مياه في اليوم وبتاكل سلطات ولحمة مضمونة المصدر وجبن طبيعية ومكسرات وتعمل أكلك بسمنة وزبدة فلاحي تعملها في البيت من وش اللبن بعيدًا عن الزيت المهدرج وسمك أنت حافظه في البيت في محلول ملحي بدل التونة الجاهزة.

الموضوع بجد فعلاً مهم ومحتاج تستثمر فيه وقتك (مش لازم فلوس لأننا لو جبنا سلمون وأڤوكاتو هنشحت البيضة بقت ب ٢.٥ يا عالم :)، عادي جدًا تاكل أكل صحي بالميزانية اللي معاك، الجبنة القريش مثلاً دي أعلى جبنة في نسبة البروتين أخف جبنة في نسبة الfat, وأرخص جبنة في السوق) بدل ما تجيب فيتا ومثلثات وهكذا

من أحسن فترات حياتي صحيًا لما كنت براقب أكلي والنوعية اللي بدخلها وبشرب مياه كتير وبلعب ورك أوت خفيف آخر اليوم، كنت بحس جسمي خفيف ويروح وييجي ومركزة أكتر، دلوقتي بحس جسمي دائمًا ثقيل وبنهج وعلى طول مرهقة وكأني برميل زيت متحرك :).

جسدنا أمانة، وأنك تستثمر فيه في سبيل أنك تقوم بالمهام اللي عليك ولما تكبر وتعجز تفضل بصحتك ومتبقاش عبء على الناس ومتصرفش معاشك في علاج أعصاب وغضاريف عشان السمنة ولا ضغط ولا سكر وتروح وتييجي وتنزل وتطلع عادي، دي نعمة وأمانة.

[m-a-l-a-a-z]

يمكن المجتمع محتاج الناس الي زيي يبقوا بلوجرز ويروجوا لأفكار أن اللبس غرضه الأساسي ستر عوراتنا.. زاتس ات بيبول

ويقولوا أرائهم بردو عن عدم انجذابهم للناس الي بتصرف تلت وقتها ولا أكتر في الحنتفة والمبالغة في الاهتمام بالمظهر..

I personally believe the more time u spend choosing an outfit reflect the magnitude of emptiness u wanna fill.. i may be wrong but this is my first impression when i see a designer heels or an expensive suit..

We shouldn't spend that much on food n clothes أيها البيبول من الطبقة المتوسطة استيقظوا

[bodavich]

بوست في كره الفاشونيستات والحجاب بلوجرز وكل من سلّع نفسه واصبح رخيص

[nadaa1111]

التنقل في حد ذاته ممكن ميكونش مكلف لكن الطبيعي عشان تكتشف مكان وتقعد فيه هيكلفك

بشوف بلوجرز بيتكلمو علي اماكن كتير مبتكونش غاليه والله بتبقي كانك سافرت الساحل هنا عادي او اقل كمان

[tar-ek]

متي ترعرع في وادينا كل فيديوهات الاكل دي البلد كلها بقت بلوجرز ولا ايه اومال مين بياكل

[elsherifeg1]

يُطبخ الآن علي نار هادئة جيل لا يعترف بالمبادئ ولا بالبعد الأخلاقي، دستوره المصلحة و قدوته "تيكتوكرز" علي شوية "بلوجرز" و المجتهد المثقف منهم قدوته لاعب كرة قدم ، جيل يسخر من أدبيات التعامل و الذوق البشري و يتنمر علي كل الموروثات الثقافيه من أجل التنمر ، يحلم بالثراء السريع و يقنط من كل مثابرة و اجتهاد

ياريت نطفي عليه علشان مايتحرقش

[marwazahran]

#celebrity

أقول ايه تاني عن الدراما الكوري؟

خلصت كل الكلام الحلو

بجد مبدعين ومجانين... جنون حلو يخليك تكر حلقة ورا التانية لحد ما تخلصه وانت مستمتع مش حاسس بملل

المسلسل ده فكرته مختلفة كالعادة وواقعية جدا... مراية وبتحطنا قدامها

مع اني من الناس اللي عايشة في مية البطيخ وماليش في الانستجرام ولا متابعة ولا اعرف أي بلوجرز بس حسيت انه فعلا وصف أدق تفاصيل العالم ده بلوجرز ومتابعين

أنا مش بعرف أكتب ريفيو أو أوصف أد ايه كانت متعتي بس على رأي تعليق شخص ما على كيدراما " أحلى حفرة وقعت فيها في حياتي... على قلبي زي العسل "

اللي بيقع فيها مش بيعرف ولا بيكون عايز يخرج

[eman-azab]

https://instagram.com/stories/yasserstahp/3112006638151502996?igshid=MTc4MmM1YmI2Ng==

انا عمري ما شكرت ولا تابعت بلوجرز او كابل بس دول عسل اوي بجد 🥺♥️

[nadeeeer26]

عايز اكون بلوجرز هنا