#خايب

[loliaziz]

"يا أيتها النفس المطمئنة

يا أيتها النفس

ارجعي إلى ربك واقطعي فينا الونس

وسيبيلنا الخرس

و الضلمه في الأوضه"

"كنت ضعيف يا زينب واللفظ ده بالذات قسوته في معناه ."

أحمد الطحان في رثاء حبيبته زينب

"لأول مرة أحس إني خايب بجد

وإني ماعنديش حاجة أقولها

لأي حد

وإني صغير أوي

جوا حزن كبير

لأول مرة

أفقد القدرة على التعبير

وإسأل عليا

هيقولوا بيموت في الهزار

بس آخر مرة

كان بيموت بجد"

أحمد الطحان ، مشي من عالمنا النهاردة الشاب الشاعر المُبدع احمد الطحان

[nour44]

انت عليم بكل الخفايا وعالم بما في قلبي

مترُدنيش خايب ياربّ :))

[sacredsadsong]

احساس خايب اوي تيجي تدور على حد قريب تحكيله الي مضايقك تلاقي مفيش حد ف تطفي الموبيل و تنام

[bluejayworldstuff]

مكسوف من نفسه ضايع متهان مهزوم مطحون خايب الرجا وخلي القوس مفتوح احتياطي

[ibrahimshoukri]

حابب اشارككم درس مهم رغم بساطة سرده

عارف أنت كلمة بإذن الله بتقولها أنت كل يوم و كل ساعة لكن أنت مش مقدر معني بإذن الله ده فعلآ بتقولها علشان بس تخلص ضميرك قدام ربنا كده و تستعين بالله ولا أنت فعلا من قلبك عارف و متأكد انه بإذن الله

ده النقطه بقي و السؤال إللي تسأله لنفسك

شاب كان بيحكي قصة بسيطه جدا جدا عن انه كان بيحكي مع صديق ليه وقت السحور و بيقوله بلاش بتنجان بيقولوا بيعطش رد عليه" هيعطش بإذن الله" الشخص أستغرب قاله بإذن الله¡¡ تقصد ايه،رد و قاله ثق تماما اي حاجة بتحصل بإذن الله لازم يبقى عندك يقين مشيئة واذن الله في أي حاجة بتعملها

أنا كمان حقيقي القصة ابهرتني وخلتني اراجع حساباتي في أبسط جمله بنقولها كل يوم معقول أنا فعلا من جوايا مش مقتنع تماما أنه بإذن الله الصراحه اه دايما اقول مش هعرف مش هلحق يدوب طب خلاص باظت فرجعت بقالي اسبوع بقول بإذن الله في أي حاجة كانت بايظة مني والله بدون مبالغه خلال الأسبوع ده حاجات كتير عملتها كنت بخاف أعملها وأحس إني خايب فيها

ربنا فعلا قادر علي حاجة توكل ع الله و خد بالاسباب الاتنين مع بعض

[nermeanissawy]

زعلانه اوي اني في ليالي الدعوات المجابه ومش عارفه ادعي!

حاسه بالهزيمه والخساره وقلبي مش عارف ينطق بحاجه غير يارب وبعيط

يارب انت عالم بالخفايا وشايف قلبي يارب

متردنيش خايب 😞

[colored-entropy]

كنت بسرش على شوية حجات ووقعت في الفيلم ده من شوية ومش قادر مكملوش. فيلم تسجيلي /دراما ليسري نصر الله انتاج مصر العالمية سنة 95. البطل باسم سمرة وأهله، أبوه وأمه وأخواته وخالاته وسته. سته عسولة شبه ستي فاطمة الله يرحمها. وقتها كان باسم مدرس في مدرسة صنايع وبيحلم يخش السينما ومعملش غير فيلمين، مرسيدس والقاهرة منورة بأهلها. (الأخير ده ليوسف شاهين بدور عليه لو حد يعرف له سكة يباصيلي) أمه بتفطر وتقعد تقرا الجرنان وأبوه سافر السعودية عمل قرشين ورجع بعربية بيجو سبعة راكب بتصرف ع البيت وأهله في مساكن الهرم. حواره القصير مع أبوه حوالين الأحلام والسينما والسفر حوار عسول. رغم الخلفية الاجتماعية والطبقة بس يبدو ان الأب متفهم تطلعات ابنه لعال السينما وبيشجعها. عندهم تلفون ارضي في البيت والأب سواق والام ست بيت والأبناء كلهم تعليم متوسط ومش عارف تفصيلة التلفون الأرضي دي تصنفهم ضمن أي طبقة وقتها. أبوه عايزه يشتغل ع العربية بعد المدرسة وهو أولى من السواق على كل حال، وباسم بيحلم بالسينما وعايز يسافر فرنسا.

مش قادر أفهم الجيل ده كان ساذج ولا كان شجاع في الحلم بجد، بقيس ظروفنا على ظروفهم وبشوف فرق القدرات والامكانيات والأحلام ومش عارف مين فينا أشطر م التاني. ولا ده أصلا سؤال خايب مني؟ جايز.

[fozdoaa]

العيد حجة وصل، الغايب خايب.

[some-one-you-may-know]

يوم شخص كويس ومؤمن ، يوم شخص خايب وجازع ويوم لا شئ ..

[jojo-purple]

لا عندي دموع أعيّط ولا عندي جناح أطير في قلبي تُقل الجبل ورِقة العصافير بحلم كإنّي بعيّط زي باقي الخَلق يا دمعة العين متخافيش تجري لا بُد مِنك في الحماس الحق بكيت مسحت دموعي بمسح دموعي بكيت يا حتة من قلبي بتتقطع يا حتة من قلبي أنا المقطوع بيسألوني سؤال مُضحك أحب أموت ولّا مَعيشّي يوم أقول الموت أخف ويوم مكانتش الدنيا سايعاني بَعتَرت عمري في الفضا على بال ما يلحقني القضا كنت حالف تحت عين الله إني آخُد حقي من موتي أعيش واخد على خاطري وأموت مَسرور لا أنا مُنهزم ولا مُنتصر ولا مُستريح وفـِ كل خطوة أنا بنكسر وأرجع صحيح مرضيتش أعيش من غير عيونْ وودانْ مرضيتش أعيش من غير فؤاد ولسانْ بصرخ كأنّي قطر مش فايت بصرخ كأن الدنيا مش سامعة أنا المُغنّي ضلوعي زي الشجر بتفرش الظلة عمرك شقيت من غنوة تسمعها كنت غنوة في أخر الطُرقة قاعدة بتعیّط بصوت واطي كنت طفل عيونه أوسع من هدوم العيد بعرف تمن كل شيء ما دُمت أنا المَغلوب أنا جرحي زي الريحان بيضُم ويفتّح أنا في إختراع الأمل صاحب عَشَر براءات صاحب مزاج فلسفي فرحي ضعيف؟ لأ، عفي .. حزني خفيف؟ لأ، خفي خايب؟ لأ .. خاين؟ لأ .. خايف؟ آه كل شيء إلّا الخيانة يجوز الناس بتاكُل بعض مش واكل بُص تحتك يا أسير الأسَى التراب بيغربل اللي إتنسى شِب فوق السور كما يَلْزَم لَم أَزَل منصور ولم أُهْزَم أصرُخ على الأوضاع يا مين يصحح الجحيم بيساوي قسوة بني آدم والجنة فرط الحنان بين الحبايب كل نظرة هدية والحب أرحم لمَّا يبقى مغازلة حِمل الليالي خفيف لمَّا يشيلوه إتنين فيه آثر للعشرة مهما تهون تعرف الإنسان من الطلّة الكريم يستقبلك بالحضن محدش تِعب قد اللي شقى كان صريح يضحك لي من قلبه ينجح في الإنسانية يسقط في كل شيء وكأنه وحده في السبيل عابر وشيء في قلبه يدُق ما يعرفوش يا أخضر بقيت كل الألوان إلّا الأخضر لسّه إبتسامتك هتكبر كل ما تآسي ليه كل ما نقول آه الناس تقول الله ويقولولك الحياة ديّة ماتساويش الهَم والديّة راح تموت بطريقة ودّية لو تعيش بطريقة ودّية آمِنت بالإنسانية وإلتفت جريح الشعور بالإنسانية آليم كل قلب ومهما كان قاسي يطلب حنان الأهل ولا عُمر خطوة إنتهت ولا جرح صادِق لَم إيدك تكون أخشن وقلبك أرق قلبك بيجري والساعات واقفة مين اللي أكبر؟ مقامَك في قلوب الناس ، ولاّ مقامهُم فِـ قلبك لولا فراقكم أنا مش حزين مليش غيركم وطن تاني ولا صاحب ولا مطرح مكتوب نقرّب لمَّا نِتبَاعد مكتوب لكل الحبايب وَعد يتقابلوا في يوم حنيّن أحن من اللي كان قبله طلّيت من الشباك على الشباك يا طول حنيني من هنا لهناك دُخانك إسود يبقى قلبك شايل لكن هسيب حضني في حضنك مايل فين طلّتك بالدقايق تسبق المواعيد والإبتسامة اللي أحلى من السلام بالإيد كانت عيونِك بتحفر في الليالي طريق جمّعت قلبي وكنتي في قلبي وفي ريقي فرّقت قلبي ونابِك كل تفريقي وإنقطع قلبي لشفايفك لمَّا حاولت الإبتسام يا ريتني أعمى أشربك باللَمس ولّا أشمك في بيار الأمس لسّه محتاج لِك خُدي بِيَدّي وإمسحي اللي بيجري فوق خَدّي كنت أسمع منِك الكلمة ألقى فيها الحب والنعمة القهوة تحب كنكة والكنكة تحب كنبة والكنبة تحب قعدة مبسوطة مِربّعة وكنّا أربعة .. أنا وإنتي .. وأنا وإنتي أنا بتغلب لِك يا قمر مخصوص عشان نمِد السهرة ونطبّق القمر يشوف ودنها يعمل حَلَق يشوف حلقها يعمل ودان بِنتنا ترضى بقليلها قلبها الرايق دليلها بَفتكر طريقتها لمَّا تبوس يا حتة من خدي في شفايفها من شفتي في خدها يا حتة من ضحكي اللي مش قدها يا حتة من عقلي اللي مش ليَّا أشيل الدنيا بجناحي أنا وهيَّ إبتسامِة كل واحد فينا إبتسامة من بطل مضطر ولا بنحب نبكي ولا بنعرف نطير ألفين سنة ويفضل كلامي جميل

[marmarika-world]

- لماذا هو صديقك ؟

= لاننا بنكمل بعض .. هو الموكوس وانا خايب الرجا

[ala-mhmd]

- انت راجل خايب أخرك جواب صايص، انا أهد الدنيا علشان الست اللي بحبها.

#لعبة_نيوتن

[ehab-elmasry]

اغنيه سمعت كلامكو عني طلع الكلام خايب - رضا البحراوي وعبسلام 2022 - SoundCloud

Listen to اغنيه سمعت كلامكو عني طلع الكلام خايب - رضا البحراوي وعبسلام 2022 by رضا البحراوي / Reda Elbahrawy on #SoundCloud

[sometimesghala]

يضيق بخاطري .. لما أشوف الفرق الشاسع بيني وبين شريكي بالغرفة

.. يعني اللي بيننا مو مخده ولا لحاف وصوف وكم قطن محشي بمخدة

اللي بينا ثقافة ونظرة شاسعه مفعمه بحب الحياة وأم��اااااال ثلاث أربعها خايب.. ودايم بكل مرة أفكر من هالناحية

أقول كم من بنات جوعانين حياة

أرتبطوا برجال شبعانين حياة

شايفين مدى البؤس وقمع الحرية وكره الذات اللي بتتولد بداخلها؟

[ker0o]

مفيش حد فينا مش خايب، مفيش حد معكش في حياته وبهدل نفسه في مستنقع احلامه اللي كان فاكر صفاء النية كافي وهيسهل وصوله ليها ! .. مفيش حد متوسخش قلبه بعلاقات مُقرفة كانت بتعصره ومرحمتش حتى طلبه للرحمه لما ظهر في عينيه ، سكوته ، اختفاءه ، ضحكته البهتانة

صدقني مفيش

[smallbutkindcouch]

كل ما بيجيلي أرق بفتكر إني مكنتش عارفة أنام من بعد ما بابا مات.. لإني كنت متعودة أحضنه وأنا نايمة.. كنت أصلا بخاف أنام لوحدي أو أنام والنور مطفي.. اعتقد ساعتها بس خدت قرار مهم إني أنشف ومخافش واتعامل إن دي حياتي الجديدة، وإن أي حاجة كانت موجودة وبابا موجود خلاص كدا راحت ولازم أتعامل ع الوضع دا.. بقيت أنام لوحدي والنور مطفي، في الأول كنت خايفة وكنت بعيط لحد ما انام.. وحاليًا عندي مشكلة إني أنام جنب حد أو أن يبقى فيه أي نور حواليا.. حتى نور زرار التكييف بيعصبني.. من يوم وفاة بابا وأنا مقتنعة إن الحياة هتجبرني على كل شيء، وكإن حريتي ماتت بموته.. كنت بجبر نفسي أعمل حاجات بكرهها؛ آكل أكل مبحبوش، أقعد مع ناس مبستلطفهاش، عشان أعود نفسي على شكل حياة الإجبار اللي هعيشها، لكن كنت بقنع نفسي إني أنا اللي عايزة كدا. ( بيدي لا بيدِ عمرو) لحد ما اكتشفت إن كل حاجة في حياتي بضان وبكرهها، وإني بخاف أقرّب من أي حاجة بحبها عشان متبعدش عني، وفي المقابل برمي نفسي في كل شيء بكرهه وأحاول أعتاده، لإن هو دا اللي هيحصل.. أو هو دا اللي استحقه.. كنت بحاول أخلي كل حاجة تبان قدام الناس إن هي دي اختياراتي.. خوفي من الإجبار دفعني لاختيار الخرا بشكل حر وواعي عشان متحصليش لحظة أحس فيها إن هو دا الموجود وإني مجبرة عليه .. بتجيلي لحظات مش متأكدة من اي حاجة، مش عارفة أنا بحب دا فعلًا ولّا بعند مع الدنيا.. ورغم حواطتي أوي إلا إن الدنيا استمرت تديني على قفايا.. لإن اللي داخل يلاعب الدنيا ولابس بدلة حديد عشان يحمي نفسه. الدنيا في أول لحظة مواجهة هتخليه واقف بالفانلة والكلوت وتضحك عليه.. حاليًا بواجه الدنيا ملط، وريني هتقلعيني ايه.. نفس الغباوة واللامنطق بتاع ( الصباع اللي يوجعني أقطعه) لحد ما اكتشفت إن كل حاجة بتوجعني.. والدنيا بصالي مستنياني أكمل في غباوتي وأموّت نفسي.. ساعتها بس عرفت إن عادي تلاعب الدنيا بأي حاجة وعادي لو قلعت، انت لعيب خايب بيحاول يكسب بطل العالم.. يكفيك تطلع م الماتش جايب جون واحد.. عشان لما أموت أقول بضمير مرتاح ( إديت الدنيا واحدة مش هتنساها) …