#في منتهى اللطف

[rdory]

عاوزه اروح قصر عائشه فهمي ومتحف محمود مختار ومتحف الفن الاسلامي ومعارض فنيه لرسامين كتير واقعد ف الساقيه اقرأ كتاب شعر انجليزي او شعر جاهلي او فاروق جويده حبيب قلبي 💖

[weirdnoury]

ذكريات ألطف الكائنات..

النهاردة جه في بالي اول ولد قاللي بحبك، كنت في خامسه ابتدائي ومحمد أيمن جارنا واللي حتى بعدما نقلوا عمارة تانية كان بيجيب اخواته البنات يلعبوا معايا وهو يجي معاهم بحجة إنه بوصلهم بقى اعمل ايه ونقعد نلعب كلنا في منتهى السلام ولما اعترفلي بحبه انا كنت مكسوفة اوي ومصدومة اللي هو يعني ايه ياعم انت فهمني انا مفيش جوايا المشاعر دي لسه منزلتش في الابديت بتاع شخصيتي انا بحبك عشان انت محمد ايمن اللي بحب العب معاه وبس ومكانش في بالي غير أنه بيكدب عليا عشان كان في بنت اسمها سما بتلعب معانا كانت اجمل و شعرها ناعم واتراكتيڤ اكتر وانا اقول لنفسي ميحبهاش هي ليه دي أحلى وانا الحقيقة مكنتش بحبه لأنه كان قموصه و واحنا في أولى ابتدائي كان لما بزعله واحنا بنلعب كان بيعيط جامد ويقولي هجيبلك الشرطة اقوله وانت حافظ رقمهم يقولي اه ٩٩٩ وده كان رقمهم في السعودية فعلاً.. المهم الولد ده بعد اعترافه بالحب أصبح جنتل مان جداً معايا ومخلي ليا الأولوية في كل لعبة بنلعبها لدرجة إنه لما كنت بروح لهم البيت كان بيلاعبني على الكمبيوتر بتاعهم طول ما احنا هناك ويحارب في اخواته عشان محدش يلعب غيري وكان بيمسك ايدي بمنتهى اللطف وانا كان كل اللي في بالي ايه الولد الوقح ده كنت بحس إنه اه مبسوطة بس لا ياعم استغفر الله سيب ايدي، سنة وكل ده انتهى واحنا روحنا عمارة أبعد ومبقاش في تواصل ودورت عليه النهاردة الصبح لقيت الاكاونت بتاعه على فيسبوك، محمد بقى دكتور أسنان جميل وخاطب بنت كيوت وقمر بشكل لا يوصف ماشاء الله، حسيت إنه جدع يا محمد طلع ذوقك حلو طول عمرك معرفش كنت بقول على نفسي ما يحب البنت التانية اللي أجمل مني ليه مع اني بردو كنت جميلة ومازلت

[3-zooooooz]

في فيديو كدا لشاب بعد خروجه من عمليه وهو في البينج ماسك ايد والدته وبيقبِّلها وبينشدلها "أمي جنّه "، الفيديو حقيقي في منتهى اللطف والجمال اللي في الدنيا كلها اتفرجت عليه كذا مره، وبعيدًا عن انه مد ايده عليا جامد وبكاني، بس دا برضو ميمنعش انه من احلى الحاجات اللي شوفتها .

في رمضان اللي فات دا كنا في المستشفى لحد من العيله بيعمل عمليه، المهم كان في ايه بقى ! في نفس الاوضه كان في ام عامله عمليه برضو وكان اللي بيبقى معاها دايما ولادها الشباب بس، هما اللي بيأكلوها ويشربوها ويحكوا معاها كانوا ولدين ما شاء الله عليهم ربنا يحفظهم، كان بقى لما ييجي وقت انها تتمشي شويه كانوا بيوقفوها وفي ابن من الابنين دول بيلبس والدته الخمار والله فيما لا يقل عن ٥ دقايق ويمكن اكتر هو واقف مبيعملش حاجه غير انه بيظبطلها فيه مش عارفه لا التنيه اللي في الجنب دا مش قصاد التنيه اللي في الجنب التاني واهم حاجه يأكد كذا مره ان شعرها ميكونش باين، بعد ما خلص حسيت الست جمالها زاد كدا ووشها نوّر اكتر ما هي كانت جميله والله ما شاء الله ، كنت براقبهم بصمت من بعيد وانا مرسومه على وشي ابتسامه قد الدنيا وببكي من كتر الجمال والحنيه اللي في المشهد دا وبدعي ان ربنا يتم شفا والدتهم دي على خير وميشفوش فيها حاجه وحشه ابدا ويحفظهالهم من كل سوء .

[abdelwahaab]

‏"والله ما رأيت من الله إلا الخير، وما اعتدت منه إلا اللطف والكرم والرحمة والفضل، وما مسّني في الدنيا نصب ولا وصب إلا كان منجاة من أذى أو دليلاً إلى نور، خير الله يحيط بي ونعمه تدثرني وعنا��ته لم تفارقني حتى في أوقات غفلتي وتباطؤ خطواتي دونه، الحمدلله حمداً لا منتهى له ولا حد ولا عد"

[judmpto]

مش عارفة ليه مبعرفش أستحضر بشكل دائم فكرة اللطف الإلهي، أن واللّه ربنا رحيم وأحن من الأم على ولدها، دائمًا بستحضر أنه شديد العقاب، أنه يعلم ما تخفيه الصدور وحقيقة النوايا، يعلم الظلام اللي نفسي وأفكاري الطائشة، يرى محاولاتي المبتورة، يعلم كل الشك الذي يعتريني، رغم أن فكرة أني لسه مؤمنة بكونه هو الرب الحاكم مالك الملك كله دي لوحدها لطف رباني منه مليش أي دخل فيه..

أن واللّه مش معنى أن ربنا الهداية بيده يهدي بها من يشاء أنك مش هتنولي منها، أن رحمته أوسع بكثير جدًا من غضبه، ليه بقى أنا بشوف كده بس معرفش واللّه ما أعرف..

أنا قلبي بيتمزق كل مرة ألاقي حد بيناجي ربنا، وكل مرة حد ألاقيه منزل "يا واسع اللطف، يا دائم الرحمة" بيتمزق واللّه أني على طول مخي بيكمل الجملة ex: me. لييييه واللّه ما أعرف، ليه ميزان اليقين مختل عندي كده، ليه كل حاجة خوف وترقب وهلع، بحاول أراقب نفسي دائمًا وأشوف ردود أفعالي، بحاول أرجع الشريط لورا أشوف كل حاجة بقت غلط امتى، بحاول آخذ خطوات تعلم بس بلا جدوى لأني دائمًا بقع،

أنا ماشية بمبدأ يتعبني يأسي وخلاص، مش أتعبه أنا بقى لا، هو يتعبني وخلاص.

إلا أنه في لحظات نادرة جدًا قليلة جدًا أستشعر فيها اللطف الإلهي هذا وببقى عايزة أبكي من الدفء واللّه، القليل هذا من حياتي أفتديه بها كلها واللّه!

بتخيل حد عايش أغلب لحظات حياته في هذا اليقين أو على الأقل التصديق بأن رحمة اللّه تداركه إن شاء اللّه، شيء في منتهى البهاء والأنس واللّه، ربنا يوعدنا يارب !

لا إله إلا أنت سبحانك إني كنتُ من الظالمين.

[bonboony]

‏احساس في منتهى اللطف انك تبقى مش مهتم تعرض your side of the story على حد،، و دي مرحله من السلام الداخلي بنوصلها لما نقتنع بعدم اهميه رأي اي كائن ف حياتنا او عدم اهميه اي كائن حي عموما..

[0pium1618]

وتوثيقا لليوم اتعرض عليه اني اصلح سنارة بابا واطلع في رحلة بحر اتعلم واصطاد بيها وده كان عرض في منتهى اللطف

[strawberry-shortcake98]

مؤخرا بيملؤني شعور بعدم الانتماء لاي شئ ولا لأي شخص، شعور مزعج، ضاغط احيان كثيرة واوقات اخرى بحس اني خفيفة قابلة للطي واكتشاف أبعاد جديدة من الحياة.

عين بتسيل وعين بتحب. قابلت أشخاص في الفترة الأخيرة بصدفة بحتة كانو في منتهى اللطف الحقيقة، منهم شخص اتمشيت معاه سبعة الصبح سوا وشاركني حاجات كتير لطيفة زيه، مش هشوفه تاني غالبا بس دا اوقات مش حاجة سيئة.

وأشخاص تانية حسسوني ان الحياة فيها حاجات كتير اوي انا معرفش عنها حاجة، جوانب كتير تحفظي خلاني مش بخرج برا حدودي واني هبقي تعيسة لو فضلت كدا

اخر ذكرى وهي ألطفهم وأرقهم وأبسطهم الحقيقة هحتفظ بيه لنفسي لان اوقات الواحد ممكن يحس بشعور مماثل لقراءة الشعر من خلال حاجات بسيطة الرك الوحيد ان الواحد يفضل قادر ان ينبهر بكل حاجة وابسط حاجة واقدر اقول ان دي اكتر حاجة بحبها فيا.

[elea-nor]

انا مش عارفه اشارك الحدوتة الصغيرة من حياتي دي مع مين ..

بس تمبلر دايما كان براح بيساع كل كلامي ، ف هسيبها هنا عشان ممتنه بس ..

جيرانا جابو كلب بلدي صغير ربوه قدام البيت و كان ودود جدا و عرف سكان الشارع و كنت بحبه اوي و جارتنا ف مره وانا واقفه قدام بوابة البيت سألتها سمتوه ايه ؟ قالتلي هنسميه ليه ؟ و ابنها الصغير كان واقف ف قالي خلاص سميه انتي .. قولتله حاساه كوكي اوي ...

و من يومها كوكي جزء لا يتجزأ من المكان .. كانت ماما بتفتكره بالاكل دايما رغم أنه كان بيوسخلها سلالم البيت الي طاله ع الشارع .. بس كان ودود و بيونسني الصبح وانا راحه الكليه ، كان يشوفني الصبح بدري و انا نازله و اصبح عليه و يفضل ماشي معايا لحد ما اوصل للعربيه .. و يستنى اخويا و بابا بالليل خالص و هما راجعين من الشغل يوصلهم لعتبه البيت .. و حاجه في منتهى الرقه و اللطف يعني 💙

و ياما زعقت لاطفال حاولوا يسرقوه من الشارع ، بس ف يوم صحيت ع صوت اخويا بيزعق جامد ف الشارع لواحد و بيقوله و تاخده ليه ؟!

و اكتشفت أن واحد من أصحاب الأراضي المجاوره جاي ياخده عشان يسمه ! و السبب أنه بيدوسله ع المحصول بتاعه

و مفهمتش ازاي فيه إنسان عنده القسوة و عدم الرحمه بأنه ب أيده يسلب روح بريئه معملتش حاجه تضره .. و لما ماما نزلت ع الصوت كوكي جرى يستخبى وراها ، و الموقف فضل مأثر فيها جدا أنه ازاي بعد ما يتحامى فيها تسيبه

حاولنا باستماته يومها ننقذه لان الراجل بعد شد و جذب قالنا معاكم لحد بالليل لو ممشاش من الشارع انا هسمه

كوكي خاف و جري مع اننا جبنا حد ياخده بلد تانيه بعيد عن ايدين الراجل ده .. و بعدها بفتره شوفنا كلاب ميته متولع ف جثثها بعيد ع طريق الترب .. و افتكرناه كوكي 💔

ماما عيطت عشانه و انا كنت مش مستوعبه القسوه و بدعي أن ربنا يجازي الي عمل كدا ...

و لكن ، من فتره بابا و هو راجع من الشغل كان مبتسم جدا و هو داخل و بيقول لماما كوكي وصلني لباب البيت ❤️ ، و كلنا كنا مش مصدقين الخبر و كأن فرد من العيله رجع تاني

و خرجنا نتأكد هل هو كوكي فعلا ولا كلب تاني .. و طلع هو فعلا قاعد ف مكانه المفضل قدام البيت و بيهوهو في انصاص الليالي بدون سبب كالعادة 😂 و حد ابن حلال بعده عن المكان فتره و رجعه

معرفش ليه كتبت كل ده ، بس انا بحب لين قلب بيتنا ❤️ و بحب حبي لمخلوقات ربنا .. و رغم أن ده مش اول تعلق لبيتنا بحيوان و لكن كوكي الي كان له سبق الحديث عنه

حاليا كوكي بيهوهو تحت الشباك الساعه 3 بعد منتصف الليل و مونسني ❤️

[anonaccount]

في ناس بتعمل علشانهم حاجات كتير و بتبذل مجهود و مش بيشوفوا إنك بتعمل حاجه علشانهم مهما كانت الحاجه كبيره و واضحه..

في موقف صغير حصل معايا وحسيت إنه في منتهى اللطف و حبيت أشاركه جدا، وهو إنه شخص قالي إنه بيتضايق جدا لما ببعت حاجه و أمسحها قبل مايشوفها و انا عامة لما بكون بكلم حد ماسنچر و ببعت اللايك بالغلط بمسحه، ف حصل إني عملت كده بعد ماقالي ف كتبتله *على فكره كان لايك* رد عليا قالي *شكراً إنك مش عيزاني أتضايق*

و ده كان رد في منتهى اللطف الحقيقه و انا شايفه إن دي فعلا العلاقات الصحيه و الطريقه اللي المفروض نعامل بيها بعض.. هي إنك تحاول ماتضايقش حد بتحبه حتى لو الحاجه بسيطه جدا و أثرها بسيط اوي على الشخص، و الألطف كمان إنك تكون على علاقه بحد بياخد باله بيشوف و بيقدر أبسط الأشياء منك و بيحسسك بده إنه شايف و مقدر كل حاجه بتعملها علشانه مهما كانت بسيطه :')

23.Nov.20 8:30am

[weirdnoury]

النهارده وأنا فارده دراعي لدكتورة التحاليل وبتسحب مني دم جسمي قرر ميطلعش دم خالص فاتوترت شوية و جسمي بدأ يعرق ونزلت الكمامة ففجأة لقيتها بتقوللي الله انتي شبه أمينة خليل! مناخيرك حلوة اوي 😂.. البنت في ثانية حولت شعوري من توتر وألم إلى ابتسامة بلهاء وقعدت تتكلم معايا لحد ما هديت شوية وتقوللي انتي ٢٣ سنة بس شكلك اصغر انتي كيوت خالص رغم شكلي المبهدل فوق إني باين عليا التعب وكانت في منتهى اللطف معايا وانتهى الحال إنها سحبت من الدراع التاني بسلام بعدما شربت ازازة مايه.. وحقيقي ممتنة لأي حد قرر يبقى لطيف معايا وسط أيامي الصعبة، الكلمة الطيبة بتفرق وبتهون على الواحد كتير وبتخليه مبتسم وسط ماهو على تكة وهيعيط ويغرقلكم المكان

[3-zooooooz]

ههه لا جد احكي أي شي 😁

يوم الأربعاء اللي فات وانا رايحه الكليه الصبح لقيت بنوته ذي القمر اول مره اشوفها بتهرول علشان تلحقني وتسألني بدون أي مقدمات "انتي رايحه المدرسه ؟ " فا قولتلها ايوه انا رايحه المدرسه قالتلي وانا كمان .. بصي ! وهي بتوريني ايديها الاتنين قالتلي معايا ٣٠ جنيه وفي ايدها التانيه ٥ جنيه ، فاسألتها ليه الفلوس الكتير دي ؟ قالتلي علشان " ادي الميس عيد الأم " ❤️.

عرفت من اسألتي ليها بعدين ان اسمها جنى وفي KG1 وبعدين خدتها في أيدي لحد ما وصلتها الحضانه بتاعتها ومشينا .

حاجه في منتهى اللطف انها في السن دا (٥ سنين مثلا) وفكرت ازاي ممكن تفرح الميس بتاعتها في مناسبه ذي عيد الأم ووصلت لإنها تديلها المبلغ دا ، يعني حتى لو كان المبلغ رمزي جدا ، بس انا متأكده ان فرحه الميس هتبقى لا توصف ❤️ .

وهي جنى كانت فرحانه لدرجه انها كانت بتحكي لأي حد عشوائي ماشي في الشارع من غير حتى ما تسأله عن اسمه (انا يعني ) عن انها هتدي الميس بتاعتها "عيد الأم" ربنا يحفظها ان شاء الله .

[hobaz]

الحلقات بتاعة محمود سعد اللي بينزلها على يوتيوب في منتهى اللطف والجمال، انا بحبه من زمان كده كده، بسبب اني كل ما بتفرج عليه بحس انه بيتكلم معايا أنا، الكلام موجه ليا ولامس حتة فيا، خصوصاً في الحلقات اللي بيكون فيها حكي.. ولو ان أنا مش شخص بيحب ياخد المعلومة من فيديو وبحب اخدها من القراءة أكتر، بس محمود سعد بيتكلم ببساطة وبيدخل في المواضيع من هنا لهنا من غير ما اتوه منه ولا أحس بملل.. وحكاية انك تكبر اوي وتطلع انت تحكي عنك انت وعن ذكرياتك ورؤيتك للأمور حكاية جميلة جداً جداً.

[hippolyta-dream]

غريبة تركيبتنا النفسية ... منتهى العبث عندما نخلط بين الوهم و الحقيقة ... بين تمثلاتنا و مشاعرنا ... فيغدو الفضاء الأزرق و كأنه واقعنا المعيش ... نحب فيه و نكره فيه و نشبع الرغبة فيه و نرمي فيه مركبات النقص و مكبوتات الداخل و لو بأسلوب وتصنع فيه اللطف و القيم و الأدب ...!!!! سيدتي نقطة مما سبق : ما رأيك فيمن يجاملنا و يتغزل فينا في هذا الفضاء الافتراضي و هو لا يعرفنا ؟!!

البعض تكون نيتهم جبر خاطر انسان ربما يبدو حزين..و البعض تكون نيتهم نشر البهجة و رسم ابتسامة علي شفاه احدهم كمجاملة لطيفة لا تنقص من قدره شئ والبعض تكون نيتهم ابداء الرأي في المطلق من باب ان الحلو نقول له يا حلو في عيونهحتي لو كانت نية المتحدث سيئة..... لا ينتج ضرر ابدا عن كلمة طيبة طالما لم يؤخذ بناءا عليها اي فعلسيب الناس تتغزل في بعض افتراضيا يا سيدي مش كفاية في الواقع مبوزين في وش بعض

[anwerghani]

معنى اسم (اللطيف)

معنى اسم (اللطيف)

قيل ان اللطف مشترك لفظي الا ان الحقيقة ان له معنى واحد هو دقة بكمال لصفة او فعل. قال في القاموس المحيط - لَطَفَ، كنَصَرَ، لُطْفاً بالضم رفَقَ ودنَا، واللّهُ لَكَ أوْصَلَ إليك مُرادَكَ بلُطْفٍ. وكَكَرُمَ لُطْفاً ولَطافَةً صَغُرَ ودَقَّ، فهو لَطيفٌ. واللَّطيفُ البَرُّ بِعبادِهِ، المُحْسِنُ إلى خَلْقِهِ بإِيصالِ المنافِعِ إليهِم بِرِفْقٍ ولُطْفٍ، أو العالِمُ بخَفايا الأُمورِ ودَقائِقِها، ومن الكلامِ ما غَمُضَ مَعْنَاهُ، وخَفِيَ. واللُّطْفُ، بالضم من اللهِ: التَّوْفِيقُ، وبالتحريكِ: الاسمُ منهُ، واليَسيرُ من الطعامِ وغيرِه. انتهى أقول لاحظ كيف ان جميع المعاني تنتهي الى الدقة الموصلة لكمال، حتى التوفيق فانه نوع من الدقة في الرزق بكمال. قال في تاج العروس - قالَ شَيْخُنا : حاصلُه قَولانِ قيل : الأَوّلُ من لَطَفَ كنَصَرَ لُطْفاً : إذا رَفَق والثاني : على أَنَّه من لَطفَ ككَرُمَ لُطْفاً ولَطافَةً بمعنَى دَقَّ وقال الفَيُّوميُّ : إِنَّهما متقاربان . قلتُ : وقالَ ابنُ الأَثيرِ في تفْسيرِه : اللَّطِيفُ : هو الَّذي اجْتَمَعَ له الرِّفْقُ في الفعْلِ والعلْمُ بدَقائق المَصالحِ وإيصالها إلى من قَدَّرَها لَهُ من خَلْقِه. أقول وقول الفيومي هو الصحيح، ومرده الى الدقة، فان الرفق دقة في المعلمة بكمال. وهكذا في الرفق في الفعل فانها دقة في الفعل بالغة لكمال. فاللطف الدقة في الفعل، كما ان الدقة هنا ليست مطلقة بل دقة بكمال.

ومن هنا فمعنى اللطف هو معنى يكمل بمتعلقه، أي انها في الأصل صفة لصفة، وانما تطلق على الذات اذا كان ذلك الوصف ملازما لفعله، فكيف اذا كان وصف اللطف ملازم لجميع افعاله كما هو سبحانه وتعالى. فمعنى اسم اللطيف له سبحانه وتعالى أي انه لطيف في جميع افعاله، أي دقيق وكامل في جميع افعاله، كما ان الدقة هنا ليست مما يحد بحد عقلائي لا عرفي ولا علمي بل هي الكمال ودقة لا متناهية فكلما تصورت او علمت دقة وكمال فالله تعالى يتصف في تلك المعرفة بالأدق منها والاكمل، فلو كانت الصفة علما، فالله لطيف في علمه، ولو علمت حقيقة بخصوص موضوع وكانت في منتهى الدقة كالنووي والذري فان الله تعالى يعلم ما هو ادق من ذلك. كما انه اذا كانت الصفة الرفق، وعرف الرفق في اعلى صوره عند العرف او العقلاء فان الله تعالى يرفق برفق هو ادق واكبر من كل رفق معلوم. وباختصار كلما علم او تصور نموذج كمال لفعل او ذات فان الله تعالى فوقه في ذلك، فالله تعالى فوق كل كمال يدرك بخصوص الذوات او الصفات. فاللطف بحقه تعالى هو الكمال اللامتناهي في الذات والصفات. فكما نقول (فوق كل ذي علم عليم) فاننا نستطيع القول (فوق كل ذي لطف لطيف).

وفي المعجم الوسيط -  قال ( لاطفه ) باره ورفق به وألان له القول وقال ( تلاطف ) القوم ألطف بعضهم بعضا وفي الأمر رفق بعضهم ببعض وقال ( استلطف ) الشيء قربه منه وألصقه بجنبه وعده أو وجده لطيفا وقال ( اللطف ) من قبل الله تعالى التوفيق والعصمة وفي العمل الرفق فيه ( ج ) ألطاف ثم قال ( اللطيف ) من أسماء الله الحسنى البر بعباده الرفيق بهم والعالم بخفايا الأمور ودقائقها. أقول قد يتصور ان اللطف هنا فعل وصفة لذات، الا ان الحقيقة هذا من الخلط بين الصفة ومتعلقها وبين الصفة ووصفها، وبين الصفة وموصوفها، فاللطف صفة لصفة وصفة لفعل ومتعلقها فعل الذات، الا انه يصعب عرفا تمييز الذات عن الصفة خارجا فان الذات توصف بصفة الصفة. فالرفق والبر والقرب والتوفيق والعصمة، هي متعلقات اللطف و اللطف صفة لها، فعرفيا ان الانسان لطف في رفقه ولطف في بره ولطف في قربه او تقريبه لاخر.  واما بخصوصه تعالى فان الله تعالى لطيف في رفقه ولطيف في بره ولطيف في تقريبه وفي قربه ولطيف في توفيقه ولطيف في عصمته للإنسان ولطيف في علمه، وهكذا فهو لطيف في كل فعل من افعاله، فهو لطيف لان اللطف ملازم له في افعاله كلها.

ومن هنا يظهر ما في قول الكفومي وقول المعتزلة قال في كتاب الكليات ـ لأبى البقاء الكفومى - واللطف ما يقع عنده صلاح العبد آخر عمره بطاعة الإيمان دون فساده بكفر وعصيان هذا مذهب أهل السنة وقالت المعتزلة اللطف ما يختار المكلف عنده الطاعة تركا وإتيانا أو يقرب منهما مع تمكنه في الحالين ويسمى الأول عندهم لطفا محصلا والثاني لطفا مقربا كلاهما بصيغة اسم الفاعل. واللطيف من الأسماء الحسنى معناه البر بعباده المحسن إلى خلقه بإيصال المنافع إليهم برفق ولطف فيكون من صفات الأفعال فالصفات الجميلة للعباد بخلق الله تعالى وإقداره إياهم على كسبها أو بإقداره إياهم على خلقها فتكون من أنوار ذاته وآثار صفاته واللطيف معناه العالم بخفايا الأمور ودقائقها فيكون من صفات الذات. انتهى أقول عرفت ان اللطف هو دقة بكمال فلا تشمل الدقة بنقص، فالقول انه تمكين واختيار للطاعة فعلا او تركا ليس تاما، بل هوتمكين للطاعة واختيار لها بما ينجيه أي ان يموت على ذلك.  واما قول الكفومي ان اللطيف بمعنى إيصال المنافع لهم برفق، فيكون من صفات الأفعال ففيه ان اللطف صفة للرفق لا انه الرفق وكذا قوله ان اللطيف العالم بخفايا الأمور فانها من صفت الذات فهو يعني ان العلم من صفات الذات، وانما الله تعالى لطيف في علمه. فالله تعالى لطيف في صفاته الذاتية ولطيف في صفات الأفعال.

ولقد ورد اسم (اللطيف) مختصا به تعالى في القرآن الكريم سبع مرات، هي:

لَا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ وَهُوَ اللَّطِيفُ الْخَبِيرُ  [الأنعام/103]

وَأَسِرُّوا قَوْلَكُمْ أَوِ اجْهَرُوا بِهِ إِنَّهُ عَلِيمٌ بِذَاتِ الصُّدُورِ (13) أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ [الملك/13، 14]

وَاذْكُرْنَ مَا يُتْلَى فِي بُيُوتِكُنَّ مِنْ آَيَاتِ اللَّهِ وَالْحِكْمَةِ إِنَّ اللَّهَ كَانَ لَطِيفًا خَبِيرًا  [الأحزاب/34]

وَرَفَعَ أَبَوَيْهِ عَلَى الْعَرْشِ وَخَرُّوا لَهُ سُجَّدًا وَقَالَ يَا أَبَتِ هَذَا تَأْوِيلُ رُؤْيَايَ مِنْ قَبْلُ قَدْ جَعَلَهَا رَبِّي حَقًّا وَقَدْ أَحْسَنَ بِي إِذْ أَخْرَجَنِي مِنَ السِّجْنِ وَجَاءَ بِكُمْ مِنَ الْبَدْوِ مِنْ بَعْدِ أَنْ نَزَغَ الشَّيْطَانُ بَيْنِي وَبَيْنَ إِخْوَتِي إِنَّ رَبِّي لَطِيفٌ لِمَا يَشَاءُ إِنَّهُ هُوَ الْعَلِيمُ الْحَكِيمُ [يوسف/100]

أَلَمْ تَرَ أَنَّ اللَّهَ أَنْزَلَ مِنَ السَّمَاءِ مَاءً فَتُصْبِحُ الْأَرْضُ مُخْضَرَّةً إِنَّ اللَّهَ لَطِيفٌ خَبِيرٌ [الحج/63]

يَا بُنَيَّ إِنَّهَا إِنْ تَكُ مِثْقَالَ حَبَّةٍ مِنْ خَرْدَلٍ فَتَكُنْ فِي صَخْرَةٍ أَوْ فِي السَّمَاوَاتِ أَوْ فِي الْأَرْضِ يَأْتِ بِهَا اللَّهُ إِنَّ اللَّهَ لَطِيفٌ خَبِيرٌ [لقمان/16]

أَلَا إِنَّ الَّذِينَ يُمَارُونَ فِي السَّاعَةِ لَفِي ضَلَالٍ بَعِيدٍ (18) اللَّهُ لَطِيفٌ بِعِبَادِهِ يَرْزُقُ مَنْ يَشَاءُ وَهُوَ الْقَوِيُّ الْعَزِيزُ (19) مَنْ كَانَ يُرِيدُ حَرْثَ الْآَخِرَةِ نَزِدْ لَهُ فِي حَرْثِهِ وَمَنْ كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآَخِرَةِ مِنْ نَصِيبٍ [الشورى/18-20]

والتنكير دليل على المراتب فيصح ان يوصف غير الله تعالى بذلك الا انه مع اعتبار للمراتب فان لطف الله تعالى لا متناه ولا يقاس به لطف.  ومن الواضح من السياق ان اللطف هنا متعلق بالصفات من العلم والفعل، وهو من المثال فيعمم لكل صفة من صفاته تعالى، أي انه تعالى لطيف في صفات ذاته وافعاله، وهو من علامات كمال الله تعالى ذات وفعلا. وان اللاتناهي يعني انه تعالى الاكمال ذاتا وفعلا، وبخصوص العلم هو بمعنى (عَالِمِ الْغَيْبِ لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ وَلَا أَصْغَرُ مِنْ ذَلِكَ وَلَا أَكْبَرُ [سبأ/3] ويجمع ذلك كله قوله تعالى (إِنَّ رَبِّي لَطِيفٌ لِمَا يَشَاءُ [يوسف/100] أي انه دائم الكمال علما وفعلا لما يشاء، فاسمه (اللطيف) أي كمال علمه وكمال فعله.

[hum-el-num]

الدنيا غدارة وقاسية دا معلوم.. في فترات زي دلوأتي كدا بحس بقرصة الدنيا ليا من لباليبي.. ناس بتبعد عني وانا كمان ببعد.. انا اصلا قليلة الناس.. علاقاتي قليلة سواء زمالة أو صداقة أو معرفة أو حب.. صحبتي من ايام كلية بنرغي انا وهي في التافهة قبل المهمة، لو واحدة فينا دخلت الحمام بتقول للتانية أما اقوم ادخل الحمام..اه بجد مش مبالغة.. بنرغي واتس ليل نهار، وبنتقابل كل فترة، لقيتها عملالي بلوك م الفيس ومكملة رغي معايا عادي عالواتس آب!! بطلت ارد عليها مش طايقة ولا قابلة اللي هي عملته! شخص تاني فريند عندي عالفيس بنتكلم بقالنا كتير، كان مسافر ولما رجع بعد ٣سنين طلب نتقابل خصوصا ان لينا نفس المهنة وكمان من نفس المدينة بس معرفتنا جت من الفيسبوك، بينا حاجات مشتركة نوعا ما، احنا الاتنين عندنا جينات تخن وبنحاربها طول الوقت، احنا الاتنين أهالينا ليهم نفس الشغلانة ونفس المجال، احنا الاتنين إنتروفيرت، احنا الاتنين مش عارفين نريح بعض ف الكلام، احنا الاتنين دماغنا وتفكيرنا مختلف عن محيطنا ومجتمعنا وغالبا لينا نفس الآراء في الدنيا والحياة وما إلى ذلك ! المهم اني قابلته فعلا في الجامعة هو دا مكان شغله ودا كمان مكان تواجدي وورقي ومصالحي، اتكررت مقابلتنا مرتين كمان بشكل متحفظ جدا من طرفي طبعا. ونظرا لصعوبة الموضوع بالنسبالي بحس بتوتر وبخاف كلمة تتقال عني ان كنت مع حد وكمان بخاف اتعلق بحد مش عارفة مصير ولا نوع علاقتنا أيه! طلب نتقابل تاني صديته طلب أكتر من مرة صديته طلب آخر مرة وكنت فعلا في الجامعة وهو كمان، وشفته من بعيد كلمني قالي خلصي محاضرتك مستنيكي قولتله أنا هروح، يعني صديته تاني، قفل ولغى الصداقة عالفيس!! يعني بخ .. صديقتي الأنتيم اللي اتعرفت عليها في أول يوم جامعة وبقينا بيست فريندس، ونظرا لصفة الإستفزاز اللي بتتميز بيها، علاقتنا اتقطعت ٣أو ٤ سنين ورجعنا تاني نرجع صداقتنا لمجراها، وبصراحة ماحسيناش إن فاتنا كتير، كإننا ماتفارقناش، قضيناها كلام وخروجات وأكل ومطاعم وتليفونات كعادتنا.. بس واحدة واحدة بدأ الموضوع يبخخخ،، بقت مكالمة كل شهر ، بقت رسالة عالواتس كل شهرين.. بقى تاتة تاتة ششششش سكوووت .. زميلتي وصحبتي اللي معايا في نفس شغلي ونفس التخصص ونفس كل حاجة، بنت منتهى اللطف مرحة ومحبة للحياة ومجاملة ، علاقتي بيها كانت لطيفة شديدة اللطف، المهم مؤخرا بدأ جفا وتحفظ يلوح في الأفق، هل بسبب ان عندنا امتحانات فمضغوطين ولا الجفا سيطر علينا احنا الاتنين وهنكتفي بكوننا زملا ... بخ كله بخ