#مسلسل ليه لأ

[evmorfi-a]

مسلسل ليه لا الجزء 3 الحلقة 13 الثالثة عشر

[nourr-9]

هو مسلسل الطائر المبكر حلو اوي كدا ليه ، مقتصر علي الابطال بس الناس الشريره والحرابيق لأ 😂

[zahraa17]

- شايفة نفسك فين بعد 5 سنين ؟

= في أي حتة غير بيتنا

مسلسل ليه لأ 3

[beautysofia]

عايز ارجع لحياتي قبله ، يعني أرجع اصحي ارقص و أنا برتب اوضتي و اعملي فطار حلو و اعمل تمارين أو اخرج اجري و أصلي و ادعي ربنا ، و اذاكر الكورسات و اتعلم مع نفسي تركي و شوية انجلش و اتفرج على مسلسل بليل و مكنش في دماغي وجود راجل أوي!

شهر و أسبوعين من عمري غيروني لدرجة مبقتش أنا! و مش عارفة اكسر الدائرة و أرجع أنا!!

و مش فاهمة لما هو مش هيكمل معايا ليه ربنا بعته طيب ليه هو حسسني إشارات كلام علامات إنه مكمل و حاببني و فجأة قال لا مش لاعب أصل مش مستريح فجأة بدون اسباب مقنعة انبسط له حبه ما تعبش ولا فارق له حاجة و بعدين شكراً يمشي!! و اتساب أنا لدماغي و ليهم اسألهم و للي حواليا يحاو��وا يداوا حزني الي معرفتش اسيطر عليه لوحدي و اسمع منهم كلام يضايق اكثر ما الموضوع مزعلني و هو فين من ده كله باشا فجأة قرب فجأة سيب!

طيب أنا ما اتحبش يعني! طيب لو كان فيا حاجة يقولي كنت هحلها ماهو كان فيه و أنا كملت ما قولتلهوش حاجة! حاسة إني اتعاقبت علي مشاعري و علي نفسي إني كنت واضحة حقيقية صريحة معه عبرت له مشاعري مكنش المفروض ابقي البنت دي هو ما يستاهلهاش ما قدرهاش أو أنا الي المفروض مبقاش دي!

انا كنت فاكره خلاص بيني و بين حلمي خطوة لسه بلمسه اتحول لسراب!

يعني كنت فاكره خلاص أنا هتخطب اهو و هحتفل بعيد ميلادي معه و هنزل اقدم ع شغل ع أول الشهر و علي عيد ميلادي هكون بإذنه تعالى بشتغل و حياتي هتضبط و تحلو اخيرا بعد كل صبري و حزني طول الفترة إلي فاتت!

ليه الوقت و المشاعر و الطاقة الي ضاعت دي ده أنا كان فاضلي خطوة بجد ع إني اوصل لهدفي في وزني و إني اشتغل و اني انزل اكمل كورس الانجلش!!

دلوقتي أنا حاسة اني برجع لنقطة الصفر بعيد من الأول!!

رجعت تخنت و رجعت اجاهد نفسي بصعوبة في كل حاجة حرفياً حاسة بثقل رهيب كأنه رجل فيل فوق دماغي! إني أخد و أقوم اعمل أي حاجة و فوق ده كل مش قادرة اتقبل اني رجعت تاني لنفس النقطة أنا من غير راجل أنا لوحدي! أنا كنت تمام و أنا لوحدي بس لما هو جه و جربت معه مبقاش لوحدي و رجعت تاني بقي صعب ع قلبي و نفسي أوي! زي الي ما يعرفش طعم الشكولاتة مثلاً و داقها مرة و عجبته بس خلاص اقنعه إنك مش هتأكلها تاني لوقت غير معلوم أوانه!!

و مفيش اصلا حد كويس مفيش حد مالي عيني و قلبي أنا وهمت نفسي عشان اسكن ألمني لأن مافيش حد منهم عمل إلي هو عمله ليا اداني الاحتياج إلي كان نفسي فيه بقالي زمن!

فيا رب ساعدني اتحرر و اتعافي و رد لقلبي عافيته و لعقلي حكمته و لنفسي سلامها و سكينتها و لطاقتي قوتها و نور قلبي و بصيرتي و الطف بحالي و اجبرني و صبرني و عوضني خير و قويني فإني من دونك لأ حول ولا قوة إلا لي إلا بك!

[yooo-gehn]

عن باب الشمس وقبلات حلا عمران (الكلمات القادمة على لسان حلا عمران نفسها)

بمناسبة عودة الحديث عن فيلم باب الشمس وسعادتي بترميمه واعادة عرضه عندي رغبة احكي عن بعض ردود الفعل العربية على دوري بهاد الفيلم من لما نزل بال ٢٠٠٤ لليوم.

شخصية شمس اللي لعبتها بالفيلم مكتوبة بالرواية وبالسيناريو بشكل ساحر ومغري برايي لاي ممثلة، والعمل مع مخرج متل يسري نصرالله هو امنية كتير من الممثلين، لكن مع هيك يبدو انه كذا ممثلة رفضت الدور بسبب القبل والمشاهد « الجريئة » اللي مكتوبة لشمس، طبعا هاد كان سريالي بالنسبة الي، ومازال بالمناسبة… اولا هي المشاهد « الجريئة » هي اقل جرأة من كتير مشاهد بافلام عربية قديمة، تانيا برايي هي المشاهد اقل من عادية بهاد المجال….وين الجرأة بالقبلة او بانه يبين فخذ الممثلة اوبانه ممثلة وممثل نايمين بسرير واحد!!!!!! ثالثا وهاد الاهم، عمري مافهمت معنى الجرأة بالنسبة للممثل وعمري ما اشتغلت شي، مسرح او سينما وفكرت انه وااااو هاد جريء، عمره ماكان عندي تحفظ على شي، لانه بالنسبة الي الفن و« الاخلاق » بالمنظور الاجتماعي مابيظبطو مع بعض، مجرد انك فنان فانت اصلاً خارج المنظومة الاجتماعية، جسمك وصوتك وخيالك هني ادواتك، ومجرد انك تبلش تحط حدود ورقابة عليهن فانت حطيت حدود على ابداعك.

بالمناسبة بعض الفنانين ومنهم كان مشارك اصلا بالفيلم اعتبر مشاهد شمس « الجريئة » اساءة للقضية وللمرأة الفلسطينية… No Comment🙃 ف.. اذا كان هاد رأي بعض الفنانين العرب فما بالك بالجمهور العربي!؟ الجمهور العربي صار يتداول هي المشاهد على انها مشاهد اثارة والروابط اللي عنوانها قبلات حلا عمران مليانة عالنت،،، من ناحية هاد بيعصبني ومن ناحية تانية وبكل صراحة واللهي وبهالعمر بيطمنني على انوثتي 😆

من كم سنة صار نقاش حول «جرأتي » كمان كممثلة، لما اصدقاء عزيزين كمان بيشتغلو بالفن شافو عرض « عساه يحيا ويشم العبق » لعلي شحرور، ياللي بواحد من المشاهد بكون عم غني عارية الصدر، وكان طرحي نفسه تماما، انه هي ما بسميها جرأة، هي فقط اخلاص لمهنتي اللي هي مابتنفصل ولا لحطة عن حياتي احيانا، بحس انه ربط اسمي بالجرأة عند البعض وبالاباحية عند البعض الاخر، هني شغلتين بيشبهو بعض بس مابيشبهوني، اكيد هي مبالغة مني تشبيههن ببعض بس الحقيقة انا ببساطة بحب لما حدا بده يحكي عني يقول حلا عمران ممثلة، ممثلة وبس. 😊

***

يسري نصر الله مخرج غير مَعني مطلقا بمسألة السينما النظيفة، لا تشغل باله ولا يقدمها من التسعينيات، الممثلين اللي بيشتغلوا معاه بتوجههم معايير فنية تخدم الفيلم اللي بيخرجه، من أول سرقات صيفية مرورا بالمدينة وباب الشمس ومرسيدس واحكي يا شهرزاد، دي تاني ممثلة اشتغلت معاه تضطر لمخاطبة العامة المعتادين على السينما النظيفة، بعد سناء عكرود في احكي يا شهرزاد، الناس خلاص اتعودوا يدينوا مشاهد القبلات في العلن ويتداولوا المشاهد الساخنة لفيلم أحاسيس في السر، فيه حاجز نفسي بينهم وبين تقديم أي مشهد ليه طابع جنسي بيدينوه أخلاقيا فورًا، ويريّلوا عليه بينهم وبين نفسهم، وده زي ما لمّحت حلا عمران، مشكلتهم هما مش مشكلة الفن

واللافت إن الممثلتين من خارج مصر، لأن السينما النظيفة سيطرت على مصر تماما، والممثلين بقوا بيكسبوا الجمهور لما يقولوا أنا ماخليش بنتي تمثل، أو نفسي ماموتش وأنا بغني، أو يعملوا قاعدة للتلامس في المسلسلات، أو إن شخصية ممثل يشيل أخته اللي اغمى عليها في أحداث مسلسل وجوزها في الواقع يعملها مشكلة وتبقى تريند يستمر شهور، لأن ده الامتداد الطبيعي للهطل ده.

وافتكر هنا مذيعة حاولت تحرج الممثلة المصرية انتصار، وسألتها بنبرة إدانة، هل انتي فعلا قولتي أنك نفسك تشوفي فيلم فيه مايوه؟ ياللصاعقة، فانتصار ردت بإن خلاص نرمي كل أفلام السبعينات، والمذيعة قالت لأ المجتمع في السبعينات كان مختلف والمفترض نتكلم دلوقتي بمعايير 2023، فانتصار قالتلها تمام المفترض المجتمع دلوقتي يكون متحضر ومتنور أكتر، وإذا كانت الناس في سينما الأربعينات والخمسينات لابسة مايوه عادي، زعلانين ليه دلوقتي؟

المذيعة ردت، وهي بتحاول تنتصر لأخلاق المجتمع، طيب هل التحضر في السينما هاييجي بالمشاهد الساخنة والمايوه؟ وانتصار الحقيقة قالت كلام أثلج صدري. قالت لها إحنا لو كنا متحضرين ماكناش أجرينا هذا الحوار أساسا. وإن المفترض التحضر هو إن الناس مايكونوش مركزين اهتمامهم على وجود المايوه من عدمه.

أنا بوجّه كلامي دلوقتي لأي متدين أو محافظ رافع راية الأخلاق، أو في ذهنه آية إشاعة الفاحشة، لو مش عاجبك المايوه والبوسة في الأفلام ماتتفرجش عليهم ولا تشتغل ممثل وتعملهم، لكن مش من حقك تمنع الكل منهم، وهوسك بالموضوع و��دم قدرتك على مجرد التعايش مع ناس عايشة بأفكار وقيم مختلفة عنك، هو ببساطة إنعكاس سيء ليك أنت مش للممثلين ولا للفن. *****

_ كلميني عن علاقتك بوالدك؟ _ مافيش.. هو كان بيجيلنا كدا بس _ كان بيعلّق على أدوراك الجريئة في السينما؟ _ لا بابا كان كاره السينما، بس مرة واحدة علّق، يوم قررت أنا أزوره عشان كنت عايزة أصالحه، ودي كانت غلطة.. لقيته عامل حاجة وحـشة أوي، عارفة لما يبقى حد كارهنا على النت فيجمعلك كل المشاهد الجريئة؛ عشان يبينك قد إيه وحــشة، تخيلي بابا اللي كان عامل كدا.. كان محضر ده عشان يواجهني بيه ويقنعني إن أنا كنت غلط، وهو اللي كان صح.. اتفرج على أفلامي كلها ولقيته عامل مونتاج ومجمع كل اللقطات الجريئة، يعني واخد لقطة وأنا برقص ولقطة وأنا لابسة قميص نوم مفتوح، لقطة وأنا بتدلع على حد، لقطة و حد حاضني.. كان عايز يحرجني و يكسفني و يقولّي إن هو كان صح _ واتحرجتي؟ _ لأ *****

_ الموضة اللي طالعة دلوقتي إن الممثلة ماتتباسش في الأفلام علشان عندها ولاد مع إن اللي بتتباس الشخصية مش هي = ما الشخصية هي الممثلة! _ لأ أنا آسف، الفن والسينما لها قوانين يا تندرجي تحتها يا تبعدي عنها تروحي تلعبي كورة ولا أي حاجة، لكن علشان تمثلي قوانين السينما هي اللي تمشي عليكي مش إنتي اللي تعملي قوانين للسينما = مين اللي حاطط القوانين.. أنت؟ _ طول عمرها، ليه فاتن حمامة مالبستش مايوه وإتباست ونادية لطفي وسعاد حسني، فجأة طلعولنا دول حسب المد الديني الجديد اللي جه من الخليج. = ده أنت المفروض تفرح إن الناس مش عايزة تتباس! _ يعني حضرتك لما بتروحي العجمي بتلبسي بدلة وانتي ماشية في العجمي ولا مايـــوه، ما يحدث في الحياة أو في الواقع يحدث في السينما، إن إحنا بقي بشخصيتين دي حاجة تانية، زي ما حضرتك كدة تقولي ما هند رستم كانت بتعمل المشاهد الجـنسية بأدب فأنا أقع من الضحك، فيه حاجة اسمها مشاهد جنـسية بأدب؟!! = طب ما هو الجـنس طول عمره بأدب في السينما العربية _ انتي مصدقة نفسك، مش من أول ما جم من هناك وقالوا عايزين نعمل السينما النضيفة اللي هي مستحمية وغاسلينها قبل ما تخرج وكده!

[sarahyagh92]

عن مسلسل الحشاشين..

مين هما الحشّاشين!

بدأت الحكاية عند الفاطميين أصحاب الأسرار والحكايات الغامضة، لمّا انفصَل مجموعة عنهم وعرّفوا نفسهم بـ طائفة الإسماعيلية النزارية، وأسّسوا فرقة اسمها (الحشّاشين) بقيادة الحسن بن الصبّاح، بهدف الدعوة لإمامة واحد اسمه: نزار المُصطفى لدين الله ونسله، وقرروا يستقروا في قلعة حصينة فوق جبل في إيران، معروفة بـ: قلعة ألموت، ومن هنا.. كان دا المكان اللي منه هيتم نشر دعوتهم وأفكارهم.

طائفة الحشاشين تميّزت باحتراف القتل والاغتيالات للشخصيات السياسية العامة اللي ممكن تعارض أفكارهم، دا غير المُعتقدات الغريبة اللي كانوا من خلالها بيقنعوا الناس إنهم يضحوا بنفسهم ويسمعوا كلامهم عشان يروحوا الجنة، فيُقال (حسب رأي الرحالة الإيطالي ماركو بولو) إنهم بعد ما كانوا بيملوا دماغ الإنسان بأفكارهم، قبل ما يدخل أي عملية يطلبوها منه بيشرّبوه جرعة معينة من الحشيش من غير ما يحس، وبعد ما بينام بيحطوه في قبر ويلبسوه لبس أبيض، وبعدين يظهروله مجموعة من البنات على قدر كبير من الجمال، ياخدوه لحديقة كلها شجر وورود جميلة ويطوفوا بيه، زي ما يكون دخل الجنة ودول هما الحور العين، فـ يقتنع إنه شاف رؤية وإنه فعلًا هيدخل الجنة:))

سنة 1176 كان حاكم مصر هو صلاح الدين الأيوبي، وطبعًا لإنه قضى على الفاطميين، فـ كان هو أول وأهم عدو للحشاشين، ولازم يتخلصوا منه بأي شكل، وفي نفس الفترة دي برضو كان حاكم الحشاشين واحد اسمه: رشيد الدين سنان.. وطبعًا العداء بينه وبين صلاح الدين كان كبير جدًا.

الحشاشين حاولوا أكتر من مرة يغتالوا صلاح الدين، فـ كانت أول محاولة -فاشلة- في ديسمبر سنة 1174 وقت حصاره لـ حلب، قدر مجموعة من الحشاشين يتسللوا داخل مُعسكره ويهاجموه، وبدل ما يقتلوه، قتلوا الأمير أبو قبيس اللي كانوا فاكرينه هو، وعشان كده اتكشف أمرهم ودارت معركة واتقتلوا ونجى صلاح الدين منهم.

22 مايو سنة 1176 كانت المحاولة التانية، والأخطر، واللي فيها قدروا إنهم يتنكروا في زي جيش الأيوبيين، ودخلوا وسطهم واتعاملوا معاهم فترة وكإنهم منهم بجد، لدرجة إنه وقت حصاره لـ حصن عزاز، كانوا معاهم كمان، لحد ما جات اللحظة اللي كانوا مستنيينها..

في يوم كان صلاح الدين خارج من الخيمة بتاعته ولابس الدرع والخوذة، علشان يمر على الجنود ويتكلم معاهم ويحمّسهم، ولقى جندي من الجنود مقرب ناحيته، وطبعًا لإن محدش عارف إن فيه بعض الخاينين وسطهم، فـ هو ماقلقش منه وفكّره هيتكلم معاه في حاجة، لحد ما فجأة هجم عليه ومعاه سكينة علشان يقتله، أول طعنة كانت محاولة طعن في الرأس، لكن الخوذة كانت حماية كاملة لصلاح الدين، بعدين حاول يطعنه في أماكن مختلفة، فـ سببله جروح بسيطة وقدر صلاح الدين يتمكن منه ويقتله هو والأمير سيف الدين يازكوج اللي راح بأقصى سرعة لما شاف المنظر علشان ينقذه..

وفجأة الواحد بقا اتنين وتلاتة وأربعة كلهم بيحاولوا يقتلوا صلاح الدين الأيوبي وبيظهروا من أماكن مختلفة، قدروا يسببوله جروح في الوجه لكن ماقدروش يقتلوه بسبب تصدّي الأمير علي أبو الفوارس اللي أخد طعنة مكان صلاح الدين، ووق��ف ناصر الدين محمد بن شريكوه وحمايته ليه، وغيرهم.... لحد ما خلّصوا عليهم كلهم، واللي حاول يهرب منهم جابوه وقتلوه.

محاولة الاغتيال كانت فعلًا خطيرة..

كان ممكن فيها يموت جزء مهم من التاريخ..

بسببها فضل صلاح الدين فترة كبيرة بيعاني من الوسواس القهري ورهاب النوم لدرجة إنه كان بيخلّي الحُرّاس يحطوا دقيق على الأرض حوالين المكان اللي نايم فيه عشان لو حد تسلل ليه وهو نايم!

وبعدها، قرر صلاح الدين يعلّمهم درس، وحاصر حصونهم وأراضيهم، وقتل عدد كبير منهم، واشتد العداء بينهم، لحد ما تدخّل بينهم خاله شهاب الدين محمود تكشي حاكم حماة، وهما اللي طلبوا منه يتشفّع ليهم عنده بما إنهم جيران، فـ حصلت هُدنة وصُلح بينهم بما إنهم مش قادرين يقتلوه، وهو كمان كان لازم يتفرّغ للصليبيين، فـ انتهت معاركهم ومحاولات اغتيالاتهم ليه اللي أدركوا تمامًا إن كلها هتنتهي بالفشل..

لسنين كانوا أخطر طائفة اغتيالات على الإطلاق، ومن ضمن أشهر محاولات اغتيالاتهم لشخصيات عامة:

الوزير نظام المُلك وزير السلاجقة، ريمون الثاني كونت طرابلس، كونراد الأول ملك القُدس، مودود بن التونتكين أمير الموصل، الخليفة الفاطمي الآمر بأحكام الله، الوزير الأفضل بن بدر الدين الجمالي....

لحد ما جات نهايتهم سنة 1256، فـ قضى عليهم هولاكو وجنود چنكيز خان في بلاد فارس، وقضى عليهم السلطان المملوكي الظاهر بيبرس في الشام وانتهت فروعهم.

اللي يقرأ عنهم، رح يعرف قديش كانوا أخطر، وأفشل طائفة على مر العصور، اتسجّلوا في التاريخ رغم عدم انتمائهم له، رغم محاولتهم إبادته.. لكنه باقي، وهما لأ.

#منقول

[mibrahimf11]

- مالَك انت كويس ؟

=لأ ، بصحى كل يوم أفكر فيكي ، صورتِك في خيالي مبتفارقنيش ، ماسك التليفون في إيدي و عايز أكلمِك طول الوقت ، مش مركز في أي حاجة ولا في أي حد

انتي مفيش حاجة عايزة تقوليهالي ؟

- انت شايف إيه ؟

= شايف إني بعٰرق

- و عايزني أنقذك ؟

= أنا خـ ـايف لا تنقذيني..

- أنا كمان بفكر فيك طول الوقت على فكرة

= ليه ؟

- من غير ليه ، مش كل حاجة بتحصل بيبقى ليها سبب

#مسلسل النزوة | ٢٠٢٢

[marmarika-world]

مش فاهمة ليه نقدم شخصية زي أم كلثوم نجحت في مسلسل بصابرين وعملتها فردوس عبد الحميد فيلم وفشل وعايزين نقدمه فيلم تاني ، في إيه في حياة أم كلثوم متقدمش في العملين دول طيب

هل هيحكي حياتها بعد البعث ولا في البرزخ

والست يعني مهما كانت مهمه فا يعني ليه نلت ونعجن في سيرتها كل شويه ما خلاص إتقدم وكان ناجح والمسلسل لسه بيتعرض عادي ، الشرايط مضاعتش مثلا وإحنا مش قادرين نلاقي العمل العظيم ده فا اللي هو هنقدمه تاني

لأ ده متلقح عادي وكتر خيرها النيل للدراما مش مقصره بتعيده كل شهر

ناقص تنزله على بطاقة التموين

فا لييييه !!!

ومين اللي هيقدمه منى زكي ، مع كل إحترامي لتمثيلها بس تجسيد شخصيه كانت ظاهره للناس ومعروفه محتاج شخص بيعرف يقلد مش بس يجسد الشخصيه زي أحمد زكي كده ، قادر يتقمصها شكلآ وموضوعا لكن مواصفات منى الجسمانية حتى ملهاش علاقه خالص بأم كلثوم ولا صوتها

وده ظهر جدا في مسلسل السندريلا يعني سعاد حسني اللي كانوا بي��ولوا إنها شبهها مقدرتش تجسدها

والمسلسل لبس في حيطه

وبعدين لو عايزين تجسدوا حد ما تجسدوا حد تاني ميكونش إتعمل ، هند رستم ، شادية ، فاتن حمامة ،عبد الفتاح القصري أي حد بس قدموا حاجه جديده

لكن فقر في الإبداع بالشكل البشع ده حاجه تدعوا للقئ الصراحه ❤️

[ayman-wanees]

نيللي كريم تنفي انحيازها فنياً لقضايا المرأة وتؤكد أن مسلسها الرمضاني المقبل مفاجأة

نيللي كريم تنفي انحيازها فنياً لقضايا المرأة وتؤكد أن مسلسها الرمضاني المقبل مفاجأة

أكدت الفنانة المصرية نيللي كريم أنها أعلنت حالة الطوارئ مع بدء تصوير مسلسل «عملة نادرة»، الذي تنافس به في سباق دراما رمضان، وتدخل من خلاله عالم الدراما الصعيدية لأول مرة، مشيرة إلى حماسها لمسلسل «رجل البيت»، وهو الجزء الثالث من مسلسل «ليه لأ»، الذي انتهت من تصوير مشاهده الأخيرة قبل أيام، منوهة بترقبها وبشغف عرض مسلسل «روز وليلى» على منصة «شاهد»، الذي يجمعها بالفنانة يسرا، قائلة إنها «استمتعت…

[petrified-clouds]

[evmorfi-a]

مسلسل ليه لا الجزء 3 الحلقة 12 الثانية عشر

[alahramplatform]

تفاصيل شخصية الفنانة نيلي كريم في مسلسل ليه لأ

تفاصيل شخصية الفنانة نيلي كريم في مسلسل ليه لأ

متابعة: هديه محمد تشارك الفنانة “نيلي كريم” في تصوير الجزء الثالث من مسلسل (ليه لأ)، المكون من 15 حلقة المقرر عرضه خلال الفترة القادمة وتقوم فيه الفنانة “نيلي كريم” شخصية آمرأة مطلقة أسمها “شيري” وهي أم لشاب وهو الممثل “معتز هشام” ويقوم بشخصية والدها في المسلسل الفنان الكبير “صلاح عبد الله”. وعلى الجانب الأخر كان الموسم الأول من مسلسل (ليه لأ) من بطولة الفنانة “أمينة خليل” وشاركها البطولة “هالة…

[hebabutterfly]

أنا اللي غلطانة من الاول.. غلطانة علشان سيبت نفسي للعلاقة دي

حظي.. اللي حصل حظي، زي ما بيحصلي في كل علاقة

بس المرة دي كنت فاكرة نفسي كبرت وهعرف امسك نفسي، بس اكتشفت ان انا لسه حمارة وبتزحلق عادي.

[beautysofia]

قعدت أسبوع من غير نت قاطع من الشركة بسبب مشكلة في البنية التحتية ، مش عارفة أخرج اجري بسبب إني نسيت الهاند فيري بتاعتي عند أختي ، فيديوز الرياضة إلي عندي قديمة و مش قادرة اندمج معاهم!

أسبوع و يوم فتحت ملقتش أي رسالة ليا محدش افتقدني ولا افتكرني!

أسبوع محدش ��يتكلم معايا ولا أنا بكلم حد بذاكر و اعيط و في النص أرقص شوية و بليل الفجر اتفرج علي مسلسل الحفرة من على Fox movies الحمدلله إني لقيتها ك��ت هتجنن من القعدة لوحدي في الاوضة كأنها سجن مافيش غير صوتي و صوت الأغاني و القرآن و دكتور الكورس!

دلوقتي من بعد ما ماما طلعت معاش و بقي معاشها نص مرتبها كل الحاجات بقت صعب عليا اطلبها اجدد مت كريم لشعري مناديل للحمام اجيب إن شاء الله حاجة حلوة ليا!

رجعت تاني اعاني من المرض و نومي يتلغبط و اعيط كثير ماهي كل الحاجات صعبة على قلبي أوي..

ما بين مرض و وحدة لأ فيه راجل ولا صاحبة و حتي الفيس شيء تافه بس مهما شيرت بوستس مش بلاقي حتي لايك من صاحبة و طبعاً مش هنسي الاهم الاحتياج المادي و شايلة في قلبي أوي فشخ من أخواتي و بنات خالتي من آخر تجمع كلامهم الي اذاني نفسياً كل مرة لازم قبل ما يمشيوا يسيبوا ألم في قلبي و ما عرفش اخذ حقي بالرد عليهم!

حاسة إني عايزة دلوقتي اسافر تطوع إن شاء الله انضف حمامات بس ارحم و اهون لي من حياتي مع بابا و ماما إلي مش مرتاحة لها و حابها و ابعد عن اخواتي و بنات خالتي إلي كلامهم اذي نفسي أكثر ما بلاقي و أحس بحب منهم!

أنا مش عارفة أسافر إزاي طيب اشتغل الأول اجيب حق شنطة السفر و اقدر أعمل جواز السفر و الفيزا و اتعالج جسدياً و نفسياً من فلوسي الاول و بعدين أشوف إزاي أقدم و اسافر صح؟ صح آه بس صح صعب اوي!

حاسة أن اهدأ دلوقتي و أنا بكتب عن امبارح طبيعي اكون اهدأ بعد انهيار و عياط امبارح ما تبقاش دموع بس وجع في قلبي قلبي هو الي بيبكي و متألم..

ابتلاء صعب و مش بيدور جوايا غير سؤال ليه! مش ليه بيحصلي كل ده لأ ليه أصلا اتولدت طيب ليه من بعد ما اتولدت لسه عايشة لحد دلوقتي بجد!!

[nadasabry2396]

- انتي عيلة.. انتي تفهمي ايه في الحياة !

= طب سيبيني أفهمها !

[elwarsha]

خطيبة الشرنوبي وجوز الخشت هما الأكثر واقعية في ليه لأ، غير كدا كله معمول للشريحة اياها اللي هتشوف ان شقة أمينة خليل في المسلسل شقة ضيقة واحنا بنتفرج عشان ننبسط ونتريق