#منى ليك

[tarekabouomar]

الين خلف - منى ليك - ريمكس طارق أبوعمر

[ala-mhmd]

النهاردة شفت اكونت لشيخ قدرا وبشبّه عليه جدا وانا متأكدة انى قابلته قبل كده فالحقيقة .. بس مش فاكرة فين !

فضلت اليوم كله احاول انى افتكر ..لحد ما افتكرت امتى شفته !

من 4 سنين كان ابنى بيتهته مش بيتكلم كويس بعد انتكاسة نفسية كده وكان لسه عنده 3 سنين ونص والدكتور بتاعه قالى إياك توديه تخاطب هتدخلى فى دوامة كبيرة .. وديه يحفظ قرآن ويقعد فى حلقة فيها أطفال فى نفس السن ..

لما جوزى راح المسجد رفضوه وقالوله لازم ميقلش عن 5 سنين !

رجع وقالى مش قابلينه خلينا نوديه تخاطب ..

قلتله لا .. هدخله يعنى هدخله خلينى اروح انا المسجد وبما انه عارف انى هفضل ازن ليل نهار قالى روحى ..

قابلت مشرف المسجد وقالى نفس الكلام ال قاله لجوزى وانا قلتله لا هيدخل خليه وسط العيال مستمع .. قالى مينفعش وفى إدارة وحجات قلتله لا هينفع هيقعد ساكت و مؤدب متقلقش قالى مش هيعرف يروح التواليت وحده ومفيش شيخ هيسيب الحلقة ويوديه قلتله هقعد لك على باب المسجد اوديه واجيبه طول ماهو فالحلقة انا ممكن اوديلكم كل العيال ال فالمسجد الحمام اساسا ..

بعد إلحاح و غلاسة منى .. الشيخ قالى خلاص سيبيه هدخله

فاللحظة دى بقى كان ابنى حاله صريخ وانهيار وعياط وتشنج لأن اول مرة يسيبنى فى حياته واتمرمط فالأرض وانا اتخضيت وتراجعت وقلت للشيخ خلاص مش هدخله لما يكبر يبقى يجى ..

الشيخ بص لى بكل جدية وقالى سيبي ايدك منه !

راح شاله و خده و دخله المسجد و قفل ال 3 بوابات وانا سامعه صوت العياط مقطع قلبى وهو بيخبط عالابواب ..

هو يعيط جوة و انا اعيط برة

بعد 10 دقايق بدأ الصوت يقل يقل يقل

قمت بصيت من ورا الازاز

لقيت الشيخ مقعده فى حجره وجايب بونبونى و عصير

بعدها ب نص ساعه قام قعده وسط حلقة

بعد ما خلصوا لقيته مطلعهولى وانا قاعدة عالسلم برة المسجد

و بيقلى هاتيه تانى بكرة !

الشيخ استمر كده حوالى اسبوع لحد ما ابنى اتعود على الحلقة والناس وبعد 6 شهور بقى يتكلم كويس كأن مكنش فيه حاجة !

وبعد 6 شهور تانية كان اتعلم الحروف و بعد 6 شهور تانى بدأ يتعلم القاعدة النورانية ويحفظ .. !

الشيخ ده ممكن واكيد ميفتكرنيش ولا يفتكر الموقف ولا اى حاجة لكن تخيل أن بونبوناية وصبر ساعة تكون سبب فى أجر ليك طول عمرك انك مش بس أنقذت طفل صغير.. هو اتعلم كتاب الله بسببك !

وهيفضل كل مرة بيتكلم فيها أو بيرتل فيها فى ميزان حسناتك !

لا تحقرن من المعروف شىء !

جزى الله الطيبين كل خير💛💛

[a7md2468]

من اكتر الحاجات اللي بتخليني اقيس درجه حب الشخص ليا هي " اني مهونش عليه"

الكلمه دي كبيره اوي ! كبيره بكل المعاني ..

عشان تقريبًا هي الكلمه الوحيده اللي توصف الحب

و التقدير و الخوف والاهتمام و الحنيه وكل حاجه ..

" ازاي عايز توصل لنفسك انك اقرب حد ليا وانت

بيهون عليك زعلي

تبقي حنين عليا ازاي و انت هاين عليك تعبي .

تبقي مقدرني ازاي و انت هاين عليك تقلل منى و تزعلنى

تبقي بتهتم بيا ازاي وانت مش بتدور على اللى

يبسطنى ويفرحنى

فين الحب او القُرب فـ كده ..؟.

- لو هونت على شخص ع اي سبب حتي لو كان بسيط او اخر الدنيا ، اعرف انه مش بيحبك ، عمر ما حد بيحب حد بيهون عليه مهما عمل ....

اللي يلمح الحزن ف صوتك او فى عنيك و ميقلبش الدنيا يبقي مش بيحبك ، اللي يعرف انك مضايق منه و ميقلبش قرد عشان يصلح اي حاجه يبقي مش اقرب حد ليك ،

اللي عادي ينام و انت فيك زعل حتي لو صغير وهو

متأثرش يبقي ببقي مش بيحبك

- بالنسبالي ، الكلمه دي اكبر دليل ع اي مشاعر جوانا لاي حد. صحابنا ، اهالينا ، حبايبنا ..

حتي انت لو عايز تتأكد من مشاعرك ل حد ،

جرب يتحط ف موقف زعل بنكم و شوف هتهون عليه

ولا لاء ! لو هونت يبقي الشخص ده مش بيحبك ، شخص بيتكلم بس انما يجى عند الفعل وما يعملش ..

لو مهنش عليه زعلك .. فـ هو خلاص هيدخل فـ دايره حياتك المهمه شويه شويه لان كل مره مش هتهون عليه هيزيد

حبه فى قلبك ..

التقدير ف الزعل هو تقريبًا اكتر حاجه بتتشال للشخص

طول العمر .. الحب اهتمام ع طول مش شويه و شويه ... سؤال ... غيره ...تضحيه .... مهما كان عنده جبل التزامات و جيش من اللى حواليه هتكون انت دايما حاجه تانيه

وفى مكانه تانيه

لو حد حس بغير كده صدقوني كل حاجه بتموت مشاعرنا واحساسنا من ناحيتهم ....

هاني هانى الشاعر

[fozdoaa]

قولتلكوا انى بسمى الناس بوقع احساسى ليهم !انا حد نساى جدااا فطبيعى اسمك يتوه منى بس اللى مابيتوهش منى وقع احساسى ليك فتلاقينى رمزتك باسم يوصف الإحساس ده واللى بيتعامل معايا بيعتاد الوضع والله بحسها حاجه كلها انتيمسى قوى .

[mustaphi]

من حقك تطلب منى أى حاجة من منطلق إن كان ليك عند الكلب حاجة، بس ساعتها أنا كمان من حقى أعضك و أخربشك و أشوِّه معالم اللى جابوك !!

[amrs-posts]

مش كل معانى البعد رفض

ممكن ابعد عشانك.... عشان حياتك ببعدى عنك هتكون افضل.... ابعد عشان قربى ليك هيصب تعب عليك وارهاق لمشاعرك

ممكن ابعد خوف مش منك لا ...خوف عليك منى ومن قربى اللى هتعلقك بشباك دايبه ..وممكن باى لحظه تاخدنا وتقع بينا احنا الاتنين بارض الجحيم

ابعد بكل قوه من قوه اللى جوايا ليك وسيطرته عليا وعليك

ورغم انى كل مابعدت عنك قربت اكتر من وجدانى

وفكره وجودك اتشعبت بشكل اوسع جوه روحى

الا انى لازم ابعد

ممكن ابعد عشان خايفه اكون حمل تقيل عليك

ابعد عشان خايفه اكون بستغل احتياجى ليك

وممكن جدا اكون ببعد عشان تعبت وقوه مقومتى ليك بقت تحت الصفر وخايفه ضعفى يسيطر عليا باى لحظه

بعدى عنك مش رفض بالعكس بعدى عنك قمه الحب والخوف عليك🖤

[maram2sworld]

قرب منى وقال لى إنت جميلة جدا قلت له شكرا

قال عندى ليك مفاجأة بس غمضى عينك..غمضت عينى راح بايسنى

حسيت أن وشى احمر ومش قادرة اتكلم وفجأة قلت له انت حيوان عملت كدا ليه

قال ما قدرتش أمسك نفسى قدام أجمل بنت فى الدنيا

وسامحينى مش هكررها تانى

فى نظركم أسامحه ولا أعاقبه؟

[ibrahimshoukri]

بينى و بينك أحزان و يعدوا بينى و بينك أيام و ينقضوا شجر اللمون دبلان على أرضه

فينك...

أنا من غيرك أنا مش عاقل و لا مجنون أنا مطحون و الدنيا دى رحايه و قلبى حب الحب و حباب عيون شجر اللمون دبلان على أرضه و كل شئ بينسرق منى العمر م الأيام و الضى م الننى و كل شئ حواليه ينده ليك جوايا بانده لك يا ترى بتسمعنى شجر اللمون دبلان على أرضه

[anawii]

بفكركم و بفكر نفسي علشان لاحظت ان كلنا هنا مشتركين في حاجة واحدة وهي اننا بنندب حظنا

فا لو سمحت اقرأو دي حتى لو هي مجرد تأليفة من وحي خيال اللي كاتبها وركزو اوي في السطر اللي قبل الاخير

بقالى ساعة بلف بالعربية عشان ألاقي ماكينة ATM فاضية عشان أعرف اسحب فلوس ومش لاقي يا عطلانة يازحمة جداااا..مشيت كتييير عشان ألاقي وآخر مازهقت لقيت واحدة خفيفة شوية

نزلت متأفف جدا إنى هقف ف الطابور ..المهم وقفت ...

لاحظت الراجل اللى قدامى حد ف أوائل الخمسينات من عمره ومن الطبقة المطحونة...الراجل كان عرقان جدا وجسمه بيتنفض مع إن الجو مش برد ولا حاجة بس ماركزتش أوى معاه ....

بعد شوية لقيته بيقولى " هستأذنك بس تحجزلى المكان عشان مش قادر أقف وخايف أقعد يروح عليا دورى"

فقلت له اتفضل ودورك محجوز....

الراجل قعد ع الرصيف اللى جنبي وبدأ ينشف العرق اللى مغرقه ورافع ايديه للسما وبيقول "يارب وحياة حبيبك النبي أنا مينفعش خالص أعيا انهارده بالذات خد بإيدى بس لحد بكرة يارب والنبي"

الراجل كان بيتوسل لربنا إنه ميتعبش بطريقة لفتت انتباهى ...قربت منه وسألته "أنت كويس؟"

قالى كلمه هزتنى بجد "الحمد لله فى زحام من النعم "

بقوله واضح إنك تعبان طيب ماتروح لأقرب دكتور ...

لقيت الراجل عينيه دمعت وهو بيقولى ماينفعش اتعب يا أستاذ دى رفاهية أنا مش أدها ...

أنا زوجتى متوفية من 8 سنين وعندى 4 ولاد كبيرهم فى الكلية ومحتاج مصاريف كليته انهارده ووعدته إنى هقبض واروحله الجامعة أديهومله ...التلاتة التانيين ف ثانوى وإعدادى وكتر خير والدتى كانت بتراعى ولادى بعد موت مراتى ...

لكن دلوقت أمى كمان مريضة مرض موت وبراعيها هى وعيالى. ..

أنا موظف حكومة مرتبى 2700 جنيه وبشتغل بعد الضهر عامل توصيل مطعم بألفين جنيه وكل ده مش ملاحق ع البيت والولاد والدروس ومصاريف علاج والدتى ....

صاحب البيت كاسر عليا إيجار متأخر وآخر معاد انهارده عشان ياخد نص فلوسه بعد محايلات منى وم الجيران عشان ميرميش عفشي وأمى المريضة وعيالى ف الشارع

أنا وقفت قدام كلام الراجل مش عارف أقول إيه ....

الراجل عنده كل ده وبيقولى"الحمد لله فى زحام من النعم "

وأنا اللى ظروفي أحسن منه مليون مرة متضايق ومخنوق ...كأنه إدانى قلم على ��شي وقالى أنت جاحد بنعم ربنا ...

المهم بعد ما صرف الفلوس أخدته المستشفي بعد محايلات منى وأصريت استناه وأوصله بيته بالعربية ...عشان أتفاجئ بمفاجأة أكبر ...

والدته ف التمانيين من عمرها وكفيفة وراقدة على فراش الموت وكل كلامها الحمد لله على نعمه والشكر لله على واسع فضله ...

بصيت حواليا أشوف واسع فضل الله اللى بتشكره عليه لقيت بيت عبارة عن دور أرضي حيطانه أكل عليها الزمان وشرب وكله رطوبة

الفرش سريرين ودولاب وكنبتين بلدى وحصيرة.......

لسه ببص حواليا لقيت الباب بيخبط وطلع كلامه حقيقي كان صاحب البيت عاوز فلوسه وداخل يزعق ويتوعد ويهدد بطرده.....

المهم بعد تدخل ��نى ورفض شديد من الراجل المحترم ده اللى علمنى درس عمرى

كان رافض تماما إنى أدفع الفلوس بتاعة الإيجار

دفعت الفلوس لصاحب البيت ومعاهم إيجار سنة مقدم وأخدت منه إيصالات الإيجار واديتهاله ....

الراجل فضل يعيط زى الأطفال ويقولى " إنت طلعتلى منين ؟...أنا طول الليل منمتش وعمال أصلى وادعى ربنا يسترنى وماتفضحش قدام الجيران ف الشارع"

قلتله ربنا عطل لك 4 ماكينات صرافة وزحم 6 ماكينات تانيين عشان يبعتنى ليك

وبعتك أنت كمان ليا عشان تعلمنى أتأدب مع ربنا ف ابتلائي

اللهم حمدا كثيرا كما ينبغي لجلال وجهك وعظيم سلطانك

[unbreakablesal]

النهاردة إبليس ماسك دماغى طول اليوم و بيقولى اخرجى من جروب القرآن اخرجى اخرجى ما قرايبك كلهم خرجوا و كل الناس اللى تعرفيهم خرجوا .. و انتى مش قادره و كمية الضغط العصبي اللى عليكى من واجبات و طلبات و اسلوب معامله زى الزفت كأننا اطفال و تهزيق صبح و ليل و انتى عيانه و مش قادره ! برغم ابن اللذينه كل اسبابه كانت مقنعه جدا و انا بقول بصوت عالى لا مش هسيب القرآن لو سيبته مش هيبقى مني لو خرجت مش هيبقى تقصير منى يارب انا مش هسيبه و هموت ع الطريق و مش هستسلم و لو كل الناس خرجت انا مش هخرج بس انا مضغوطه اوى و زعلانه عشان لا فيه تقدير و لا احترام لينا و يارب انا كنت عيانه اوى و صراع داخلى مفيش بعده صراع ! صراع بين انى اختار نفسي و اختار الاسلوب اللى اتعامل بيه و انا بحفظ القرآن و بعمل حاجه لوجه الله عز و جل و بين انى يارب لو اى طريق هيوصلنى ليك انا متمسكه بيه لآخر نفس حتى لو فيه ما اكره من طريقة و اسلوب و ذل !! و فى لحظة و انا قاعده بعمل الواجب بمنتهى الهدوء .. لقيتها خرجتنى من الجروب !! كأن دى اجابة للصراع النفسي اللى كان جوايا طول اليوم بجد ! انا متمسكه بطريق ربنا و كل حاجه توصلنى لربنا عز و جل بس اوصل بعزه اوصل بحب اوصل بتسامح ! مش اوصل و انا متهزقه و كرامتى بتتبعتر كل يوم و ابقى عيانه و ف المستشفى افتح الجروب الاقينى بتهزق بمنتهى قلة التقدير و لا تهديدات ليل نهار و اسلوب من علينا طول الوقت !! لا لا لا الحمد لله .. الحمد لله ربنا كان عالم بنيتى و عالم انى قاومت الشيطان بكل طاقتى و قاومته كل يوم و كل شوية و مع كل موقف و ربنا اراد ده و طرق ربنا كتير و ما بتنتهيش و ربنا سبحانه و تعالى يحب انى اوصل له بحب و حبا و خوفا منه عز و جل .. مش خوف من بشر ملهومش لازمه يبوظوا عليا نيتى و يفسدوها !! الحمد لله الحمد لله

[25s-of-mariam]

بعد حوالى سنتين من الشغل الحر-ربنا يديم نعمته علينا- عايزة اتكلم فى حاجة كدة..

انا كان عندى مشكلة-و ماكنتش حاسة بيها- فى فهم مسألة الرزق، و فيه حاجات كتير اتعلمتها من فكرة انك تكون بتشتغل شغل حر... انت مش موظف،ولا ليك دخل ثابت، بس جيس وات؟ بيجيلك زي اللى بيتاخد فى الشغل الثابت -و زيادة- رغم أن مفيش ورقة و قلم تقول بيهم انك هيجيلك المبلغ كذا يوم كذا ، انت على الله حرفياً

كان شئ مُسلّم بيه بالنسبالى و انا بتخرج إنى اول ما هخلص هلاقى شغل ثابت، خصوصًا مع الكلام بتاع اتخرجى انت بس و مالكيش دعوة و الجو ده، بس الدنيا مشيت فى سكة ثانية خالص

قبل ما أناقش مشروعى لقيت حد عزيز عليا (و من الجنود المجهولين فى حياتى) بتتصل تقولى على ناس عايزة منى شغل (فى مجال ثانى غير العمارة اصلا كنت بتعلمه من فترة) و الناس تكلم ناس، و يتصلوا يتفقوا معايا و انا أأجلهم لحد ما أناقش مشروع تخرجى..

بعد يومين من التخرج نزلت شغل، من حيث لا أحتسب، من مجال ثانى أصلا، ليه؟ عشان ده رزق مكتوب عند ربنا يوصل لى، ف هتتهيأ الأسباب لده، حتى و انا لسه متخرجة امبارح!

لقيت إنى بادخّل نفسى فى التزامات مفيش حسبة ورقة و قلم اقول بيها أنه أنا هيدخل لى المبلغ الفلانى يوم ١ فى الشهر زى اى موظف مثلاً، بس كل مرة بيبقى جوايا يقين أن اللى رزقنى و كفانى النهاردة، هيرزقنى و يكفينى بكرة حتى لو كل الأسباب و الخطط مش أكيدة ١٠٠% .. و أن طالما أنا دخلت التزام معين و استعنت بالله و بدأت فى حاجة ربنا هيرزقنى اللى يكمل الحاجة دى،

فكرة أنك تتعامل مع المتغيرات و تبقى هادى فى تقبل أن ممكن وقت ييجى يكون فيه شغل كتير و ماتبقاش ملاحق ، و وقت تانى شغل أقل، الثابت فى كل ده أن ربنا بيدبرها، حتى لو انت معندكش فكرة ازاى بالظبط

و ده بشوفه معنى مهم جدًا جدًا فى عقيدة أى حد،، أنت مؤمن الأمور بتمشى عشان ربنا عايزها تمشى ولا عشان أنت جامد و عامل حسابك ؟

من جواك بتتوكل على ربنا أوى فعلاً و ملكش سكة غيره ولا عارف انك هتعرف تتصرف و هتحل الموضوع فى كلمة عشان أنت مسيطر و مأمن نفسك؟

بحس اصلا أن الواحد لما يكون متوكل على ربنا اوي ، بيبقى جرئ فى حاجات كتير لو هنتكلهم فيها بالمنطق فهو مش المفروض يكون جرئ فيها خالص ،، بس الثقة فى ربنا و اليقين بيخلوا الواحد يقطع نفسه شغل و هو واثق أن ربنا معاه

بشوف أن اى حد فى شغل حر، أو عنده مشروع خاص بيه، أو مصدر دخله متغير عمومًا، بتبقى المنتاليتى بتاعته مختلفة عن الموظف، مش بقول أحسن ولا لا، و لكن بتكلم أنه نظرة كل واحد فيهم لأمور كتير -غالبًا -بتكون مختلفة .. و انا حتى و ربنا رازقنى بشغل ثابت فأظن أنى محظوظة بتجربة شغل حر فى بداية حياتى عشان المعانى و القناعات اللى اتعلمتها مكنتش هعرفها ولا هستوعبها و انا موظفة قاعدة فى الكومفرت زوون و بقبض يوم ١ فى الشهر... ربنا يديم نعمته علينا

[karamharby]

هاتللى صاحب يبقى جنبي

ويسند القلب الضعيف

يبقى  ضي البدر مني

يعني وسط الضلمه اشوف

يعني سند لو تجور الدنيا يوم

بيساعدني بكلمه بتخفف هموم

بيساندني  لو وقعت اقدر أقوم

يعني بيأزرني.   فى وقت ضيق

يعني صاحب  شبه منى او رفيق

لو لقيت فى الدنيا زيه

تحمد المولى عليه

الصداقه فى  أبهي صوره

لما بتميل عليه

ايد وبتشد فى ايديه

كتف تتسند عليه

يعني اخوك من بعد أبوك

أو ولادك يسندوك

بس صاحبك او صديقك

حاجه تانيه فى كل دول

ضحكه عايشه من الطفوله

فرحة شباب مخصوصه ليك

نكته  بتفرح فؤادك

وقصه مخصوصه ليك

وفرحه تانيه يوم زفافك

ما تكملش دايما الا بيك

ودرس تاني للصداقه

يمر جرى العمر بيك

تفضل وحيد  والدنيا حال

والشهامه فى الصديق

من شيم الرجال 

خلى بالى من صديقك

  اللى دايما بيحس بيك

اللى بيحافظ عليك

وسط اهلك وسط ناسك

وفى حياته ماضر بيك

اوعاك تعيش العمر وحدك

   خللى فى حياتك دايما صديق

#صحبي

#كرم_محمد_حربي

#خللي_في_حياتك_صديق

[anobis-vodo2]

كمان ساعتين وهيكون ليا 24 ساعة بالظبط صاحى.

أعتقد البلوج دى كانت غلط ، من بدايتها كانت غلط ، والغلط الأكبر لما حولتها عنها.

صحيت إمبارح عن حلم مزعج ومن بعده خايف أنام ، تخيلت تجاوزنا هذا منذ زمن لكن ها نحن ذا.

يمكن دى تالت مرة مسجلة ليا فى الخترفة او الكلام وانا نايم ، سجلها المرة دى ابن عمى اللى نايم معايا فى الغرفة.

"عقلك ممكن يكون أكبر صاحب وونس ليك ، وفى نفس الوقت ممكن يكون اسؤ عدو لو انقلب علبك لأنه عارف ايه اللى بيخوفك".

برغم إدراكى لمخاوفي بشكل واعى ، لكن تستخدمها دماغك ضدك وتخليك تقوم متسائل ، أظنها شئ تخلي الصحيان بهذا الشكل المتعب هو القرار السليم.

بطلب من الناس انها تتكلم عن مخاوفها وأحلامها السيئة...مش دايما...لكن فى الأوقات اللى بكون واثق فى قدرتي على المساعدة.

فكرت أرجع أعك تانى ، أعتقد عارف اللى عايزه هلاقيه فين ومع مين وإزاى هاخده ، بس مفيش فلوس.

رقم المديونية اللى عليا فى النهاية مع الأرباح المستقبلية مش كبير لكن لما تبص ليه من هنا يبدو جبل لا يمكن تجاوزه بعد سنين ، فالأمور كلها معلقة على ما سيخبأه لنا المستقبل.

بكره الفلوس وبكره اللى بيحبها ، وزى ما قال أحدهم من قبل "المال ليس كل شئ ، لكن كل شئ يلزمه المال لشرائه".

نويت أسد عجز الشهر الجاي بما إن الوضع على هذا الحال بالاستدانة "محمد معيط" استايل.

من الحاجات اللى كنت بحبها فى نانسى ولا زلت الحقيقة ، انها لا تلقى إعتبار للمال بس عارفة انه مهم.

من اول الناس اللى فكرت فيها استلف منها الشهر ده ، وشئ جميل إن يكون لسه فيه هذه الطمأنينة والثقة فى شخص بعد كل ما حدث من الآخرين واخرهم حسن.

فكرت فى حسن بالليل وسؤال لو مشاعري ناحيته اتغيرت ، وان كنت هعامله بالمثل واكتشفت إنه لا عادي ، الأمر سهل وبسيط لا زلت بحب هذا الحيوان.

أول صدمة مالية اخدتها فى حد ، او اول مرة الفلوس تكون حاجز ما بيني وبين حد كان عمرو منصور ، وبعد سنين وسنين من المحاولات والاعتقاد ان فيه تغيير ، لكن ممكن أكون غلطان مين عارف.

بكره الفلوس تانى وبكره اللى بتعمله فى الناس ، ومن يمتلك جزء منها بيستغني وبيتعامل معاها او مع اى حد يقرب منها او يتكلم عنها انه هياخدها منه او هيقاسمه فيها او طمعان فيها فيصاب بهلع جوع، ماضى كمثال.

فى جزء الغلوس ده مش بيفرقلي تعاملك مع غيري بيها إزاى ، ما يهمنى تعاملك معايا انا ، بس بقدر أتفهم حالة البعض والبعض الآخر مش بقدر اشوفها غير نقص وجوع.

من الأمور اللى كانت صادمة وغريبة بشكل كويس عبدالسلام وناصر وتعاملهم المعاكس معايا فى الموضوع ده وكانو اكتر اتنين بحرص منهم فى طلب حاجة ، واكتر اتنين بيتعاملو معايا كما كنت اتمنى من المقربين ان يفعلو.

المستقبل ضبابي شويتين ، وتسائلت إمبارح لو يخلص على كدة ، العجلة هتمشى لوحدها بس انا مش هيبقى عليا هذا الحمل ولا هذا الوضع ، المستقبل ليهم من غيري أضمن وأفضل.

محمد طلب منى ادورله على ورقة فى شنطة اللاب اللى معايا ، مش مكسل ومش ناسي بس مش عايز ، الأمر ليه أكتر من سبب.

البلوج دى كانت غلطة كبيرة ، وكتابتي دلوقت إحدى روافد هذه الغلطة.

مدرك ان مشكلتي مش خيانتها هى حاليا ، ولكن كلمتها والنماذج الأخرى اللى شفتها وتعايشت معاها لاحقا ، وتسائل هو إزاى بثق فى الناس او النساء بشكل محدد.

خبر كان منشور عن عننيل المحلة بشكل ساخر وانه على الأسفلت معرفش مدى التاريخ بتاعه وان كانت شئ معاد استهلاكه زيه زي كل الزمن الحالي ، بس غصة كبيرة فى قلبي كأن حد بيطعني وسؤال "ايه كان ناقص هؤلاء السيدات علشان يعملو كدة مع شخص كهذا ، ما هى الميزة فيه ، ولا هى خيانة من اجل الخيانة ولذة المغامرة كما عبر أحدهم من قبل؟"

"طبعا انا لو حلفتلك بالله ان مفيش مصيبة عندي غير مصيبة **** ، مش هتصدقني" مش عارف قلت اللى فى دماغي ولا لا ، لكن بشكل واضح ومتكرر "هو العمق عزيزتى"

عزيزتى الأولى برضو نكتة ساخرة برضو ولا ينطبق عليها سوى "يا إلاهي أقنعونى بأنى القاتل والدماء التى تسيل كانت دمي"

بفكر بقالي يومين دلوقت او يومين وشوية بعد ما صحيت الصبح وتم تقديم كاس مرار بيور على الريق ، ان الواحد يفضل لوحده كدة أضمن وأأمن من كل هذا التساؤلات الحالية والمستقبلية.

فكرت برضو إن الواحد محتاج حد فى جرأة وشجاعة كلا مريم فى قول الحقيقة ، ومحتاج برضو إلى صدق نانسى وكرهها للكذب.

تسائلت برضو هل هعرف أنسى؟!

لمعت فى ذهنى والمفتاح الانجليزي قدامى لو ضربت نفسى بيه هفقد الذاكرة ووقتها نقدر نبداء من جديد على نضافه.

مش عارف انا اللى بدأت بالكلمة ولا كانت إعادة سرد لكلام حد ليا ، لكن فى كلتا الحالتين عايز حد زيي فى حياتي ، عايز حد لما ينقلب عليا يكون موجود ويعرف يتصرف ، علشان كدة انا بحب الأذكياء مش الطيبين عكس كل ما يتم ترديده بلا وعى.

محتاج حد زيي برضو يعرف ينحي مشاكله الداخلية او تجاربه السابقة ويعاملني بالشكل الصحيح ، قادر اعمل ده ل13 سنة أهو وأظهر الثقة فى الناس اللى معايا وكلامهم.

السجاير خلصت ومش مكسل انزل اشتري ولا حاجة ، كدة كدة محتاج صابون بس عايل هم الفلوس اللى هتخلص ، علبة السجاير بدينار يا مؤمن مع تلات علب حاليا فى اليوم فاحنا بنتكلم على ثروة فى ظل هذه الظروف.

"فقر وعنطزة" دى كلمة والدتى المعتادة فى الهزار على اي حد وكل حد ، نقدر نعتبرها تنمر برضو عادي معنديش مشكلة ، بس هى فى الوقت الحالي تنطبق عليا ، يعنى مش قادر او محاولتش علشان اقول مش قادر انى اغير نوع السجاير لنوع ارخص ، مالها ال l&m الاحمر ما هى زى الفل وكانت معيشاني فى مصر تمام.

بكره الفلوس جدا وبحب السجاير الصراحة ، كانت رفيقة دايمة فى كل الأوقات الصعبة وكل السهر.

بتسائل دلوقت ليه المشاكل الفلسفية او العقائدية مبقيتش تاخد معايا تفكير زي الاول ، هل بقيت أذكى فبوصل لحل بسرعة ولا بقيت أغبى فبقتنع بأى حاجة بسرعة.

بكتب وقالع الندارة وعيني بدأت تحرقني ، مش عارف ده غباء اخر ولا ايه.

من ضمن الغباء برضو انى مجبتش القطرة معايا من مصر ، والعلاج التاني اللى جبته من مصر مش باخده ، اللهم الا برشام الحساسية اللى ادتهوني نانسى لما بحس بحكة ، او برشام الاكتئاب من فترة للتانية اللى ادهونى الدكتور.

من الظلم القاء اللوم على جانب واحد فى حياتي وهو السبب للانا فيه ، فى الواقع حاليا مش بلقي اللوم غير على نفسى ، بس نقدر نقول عتبان والله على باقي الجوانب انها مش بتهون ، مفيش جانب بيهون على التاني.

نوران بعتتلي امبارح او النهاردة مش عارف ، بس بتطمن عليا للحظة شكيت ان يكون فيه حد وصل للبلوج دى غير شخصين عملين لي فولو وانا عملهم فولو ، المريب انها كانت كلمتني قبلها بيوم ، فمش طبيعي ولا مستساغ انها تسألني على صحتى ، بس حقيقى اتبسطت بالالتفاته برغم انى كنت جعان.

بمناسبة الجوع لا زلت جعان شوية برضو.

أعتقد محتاج اقوم استحم يمكن حرارة دماغي تهدا ، بس المشكلة ان الميا هنا كلها سخنة هى بتنزل من الحنفية سخنة.

وعايز احلق وبرغم ان الحلاق تحت السكن المرة دي وبرغم ان مفيش حاجة بعملها ، بس إحساس انى مش فاضى ماليني.

لازم نكون دقيقين واحساس الفضا الداخلي او الفراغ مليني ، وبرغم كدة ممتلئ حد التخمة والثقل بشكل ما.

البلوج دى غلط وبكره الفلوس وبكره اللى بيحبها ، بس بحب السجاير.

بتفرج على فيديو وفيه رسايل او كلام سخيف عبارة عن شات ما بين واحدة وصاحبتها ، واشياء تجعلك تقول أحذر عزيزي الإنسان انت فى قاع المستنقع المصنوع من البيي.

برجع اقرا مانهوا فوق عشر الاف شخص ، لا زالت مسليه برغم انها المرة الثالثة ليها ، فيحبها هى والسجاير.

البلوج دى غلط ومكنتش مستعد لغتح هذا الباب وما يتبعه ، تخيلت بعد كل هذه السنين الأمر انتهى ، ومفترض انه انتهى والله بس لولا التجديد المستمر والدايم من أفعال آخرين تخلي الأمر حاضر وبقوة.

الحسابات الرقمية مش فى صفي على العكس تخليني غبي انى بثق فى أنثى وخاصتا لما تكون مصرية.

صوت جوايا لا زال مستمر ان فيه حاجة غلط ، بس انا تعبان ومعنديش إستعداد ادور على الغلط ده فين ولا إزاي.

فى السكن عايزين يعملو كبدة ، وانا اللى اعملها ، بس بعد اخر تجربة ليا فى الأمر اعتقد الأمر مش نافع وكان مفترض انام واصحى علشان هيكون اليوم طويل لانى قلت هاتو لحمة جنب الكبدة بحيث اللى مش عاجبه ده ياكل ده.

بس هل هقدر انام؟ نظريا ينفع برشامة منوم حتى ولو كانت بتنشف الريق وده حرفيا ريقى ناشف دايما طول ما انا تحت مفعولها الممتد ل 12 ساعة ، بس خايف مما يمكن أن يكون فى العالم الآخر.

"إن كنت أستطيع التعامل مع ليس معناه انه كان سهل او لم يؤلم" غايبة الجملة دي عن بالى وعن ذهني وممكن تكون ملخصة لحاجات كتير ، خاصتا مع الاشياء اللى اتقالت متأخر.

نرسم إبتسامة عريضة بقى ونستعوض ربنا فى دينار اخر وننزل نجيب سجاير خلاص ازفت.

جدير بالذكر برضو قبل ما نقفل ، من المرات النادرة اللى ميكنش هاممني رأي حد او ماذا سيقول لو قراء ده ، أظنه مع باقي المؤشرات الأخرى قريب للنهاية ولنرى ما سيكون بعدها.

[mustaphi]

- عايزة تتكلمي في إيه؟؟

= مفيش يعني حاجة محددة.. بس عندي سؤال.

- اسألي..

= هو انت عايز تتجوزني عشان اتعودت عليا و انا البني آدمة المناسبة ليك و لا عشان بجد بتحبني؟؟

- مناسبة؟ لأ من ناحية مناسبة، فمانتيش اللي في دماغي خالص يا زينة !!

= ازاي يعني؟

- يعني... انتي عارفة اني بحب البنات اللي شعرها اصفر الطويلة، والحاجات دي كلها، فاكرة نرمين صحبتك اللي كانت معاكي في الجامعة وانتي عرفتيني عليها….

= بجد يا أحمد مش عايزة اهزر

يعني ازاي البني آدم يختار حد ويحس، ويبقي متأكد و عارف انه عايز يقضي بقية حياته معاه؟!

- انتي بتسألينى و لا بتسألى نفس�� يا زينة؟

= لا انا بتكلم في العموم. مش يمكن بعد شوية تقابل واحده و تحبها اكتر وتحس أن هي دي اللي عايز تقضي معاها بقية عمرك؟

- انا عن نفسي شوفت كتير.. وعارف كويس اني مش هبقي مع حد غيرك يا زينة..

عارفة ليه؟؟ عشان انا بحب روحك يا زينة.. ودي حاجة مبتتغيرش مع الوقت!!

آسر ياسين (أحمد) / منى زكى (زينة)

أسوار القمر - ٢٠١٥

[daahsha]

رواية #لعنة_شهد_و_بناتها كاملة https://daahsha.blogspot.com/2024/06/blog-post.html بكل قوتها دفعته بعيدا عنها. من يظن نفسه هو ومن يظنها هو هى. اتسعت عينيه بصدمه وهو يراها تدفعه بعيداً وهى تصرخ قائله :ابعد عنى.... انت فاكرنى اييييه... وفاكر نفسك ايييه. يونس محاولا كبت غضبه:شهد... اهدى. شهد بحدة :ماتنطقش أسمى على لسانك... ازاى تقرب كده منى... انت اتجننت.. انا مرات اخوك.

وعلى ذكر هذة السيره تحول حقا الى رجل مجنون وعاد عضبه من جديد هيئته حقا لا توصف احمرار عينيه كاللهيب وصدره يعلو ويهبط من شدة الغضب والغيرة وملامح وجهه توحى بقدوم الجحيم. اقترب منها بهدوء القى الرعب والرجفه فى جميع اوصالها وقال وهو يشعر بالحقد على اخيه الصغير.. الحقد الذى حاول كثيرا مقاتلته ولكنها بتمسكها بذكراه تنمى هذا الحقد اكثر واكثر. يونس بقوه وغضب :انتى مراتى انا... بتاعتى انا... ممنوع تقولى كدة تانى... انتى بتاعتى خلاص.. انتى مراتى انا... واقرب منك وقت مانا عايز... لا واقرب على طول.

رغم خوفها الشديد منه إلا أن ذلها وكسرتها فى الأيام الماضية جعلتها تنظر له بكره شديد وعادت دفع يده عنها وإبعاده بقوه قائله:قولتلك ابعد عنى... جوز مين انت.... انت عمرك ماتبقى جوزى... جوزى هو سعد... تيجى ايه انت فى سعد.

صرح بحقد كبير:انا احسن منه... انا اشترى 100زيه بفلوسى.... انا مليونير ودكتور... انا احسن منه 100مره.

كانت تستمع له بزهول مصدومه من كمية الحقد الظاهره عليه فى حديثه. حقا مصدومه متى ولماذا تحول هكذا. لا تعلم هى.. لاتعلم انها وبدون قصد هى من فعلت ذلك هى من جعلت المستحيل حقيقه واصبح يونس يكره ويحقد على اخيه بل ابنه الذى رباه. شهد بصدمه :انت... انت ازاى بتقول كده... انا ازاى ماكنتش شايفه انك كده.. معقول كنت بتمثل انك بتحبه وانه ابنك مش اخوك... معقول انا كنت فهماك غلط.

صرخ بها بحزن:انتى السبب. اتسعت عيونها حتى استدارت وهى تردد بصدمه :انا... انا ازاى... انت هتستهبل. يونس :شهد... اتكلمى كويس. شهد بكره وحده :انا مش عايزة اتكلم معاك اصلاً.... انت ليك عين تكلمنى وبكل بجاحه جاى تقرب مني كمان بعد الى أمرت انه يتعمل فيا.

اخذ نفسا عميقا وحاول التحدث بهدوء قائلاً :انا ما امرتش بحاجة... مروه عملت كده من نفسها ولسه عارف النهاردة من البواب. شهد باستنكار:يا سلام والمفروض انى أصدق مش كده. يونس بحده طفيفة :امال المجزره اللى كانت في البيت دى ليه... وكسرت على مروه البيت وطلقتها ليه.

رفعت عيونها له تنظر له بقوه فارتجف هو بعشق ورغبه بعشقها وهى ترفع عيونها له فهذه من المرات القلائل التى تحدث فيها فحتى وهى غاضبه لا تركز ببصرها عليه. شهد :يعني انت ماعملتش كده فيا. تنهد براحه لبداية اقتناعها:لا.. مستحيل اعمل كده فيكى.

شهد :يعني انا كل ده كان بيتلعب بيا... وابله مروه ليه تعمل فيا كده... دى.. دى كانت بتخلينى.. ااا. ولم تتحمل وصف ماحدث لها وشرعت فى البكاء.

يونس بانفاس ثقيله من الرغبة :شهدى... خليكى... ماتبعديش. شهد بحزم:لو سمحت يادكتور ما.. قاطعها وهو يجذبها إليه :يونس.... أسمى يونس.. عايز اسمعها منك. شهد :لأ طبعاً مايصحش... ولو سمحت ابعد... كده ماينفعش ابدا. يونس :هو ايه اللي ماينفعش.... انتى مراتى.. انا جوزك. شهد بقوه:انا مرات سعد😡💔 يونس بغضب:مافيش سعد... مش عايز اسمعك بتنطقى الاسم ده تانى أبدا انتى سامعه... انتى مراتى انا وبتاعتى انا... تمسحى من حياتك الاربع سنين إلى فاتوا... مافيش فى حياتك غير جوزك يونس... يونس العامرى انتى سامعه😳😡

يارب تعجبكم وقرأة ممتعة للجميع😉😘💖 لتكملة اضعط على الصورة او اللينك

[ahmedalys-blog]

الثلاثاء، 31 مايو 2016

ساقتلك

==قالت لى ساقتلك بانفاسى---حتى ارتوى بكل كيانى

سامنع انفاسك تنسال--- حتى اشبع من هواك

ستكون انت وانفاسك---داخل قلبى بكل الاشواق

دعنى اروى شريانى---بنسيم وعطر انفاسك

----- خلينى اتنفس من انفاسك ----حتى تحيا روحى بهواك

اصارع امانى واحب انفاسك ---كانها بلسم من انوارك

لن اترك فائك بيدى ---حتى انال ما يشغى فوادى

ساخنقك بانفاسى---حتى اموت انا من هواك

قالت لى ساقتلك بانفاسى---حتى ارتوى بكل كيانى

سامنع انفاسك تنسال--- حتى اشبع من هواك

ستكون انت وانفاسك---داخل قلبى بكل الاشواق

دعنى اروى شريانى---بنسيم وعطر انفاسك

----- خلينى اتنفس من انفاسك ----حتى تحيا روحى بهواك

اصارع امانى واحب انفاسك ---كانها بلسم من انوارك

لن اترك فائك بيدى ---حتى انال ما يشغى فوادى

ساخنقك بانفاسى---حتى اموت انا من هواك

يمكن يوم تفهمنى

ولا حتى يوم تسلم وتعاتبنى

ياريت ما قلت كلمنى

دة ضميرى جالدنى

وعقلى زعل منى

وقلبى انسرق منى

حاسس كدة بذنبى

يمكن اتوب من همى

وانسى هواك وذنبى

واعقل كدة واتلم على عقلى

وشوف ضميرى الى شايل همى

لان فى يوم شفت ذنبى

كلمنى وناقشنى وعاتبنى

انت والبحر سوى

خلانى اشوف الحب والهوى

الحنان منك على القلب استوى

قلبك وعقلك على الشط هوى

ابحرت على شط قلبك لانال الهنا

بحرك غرام وشطك رضا

اشكى لمين هواك

اانساني ماتاخد عنواني

ولا حتى تصاحب زمانى

وان جييت تانى انسى كلامى

ولا عينى حتشوفك تانى

ولا قلبى يدق باب مرة تانى

ولاشوقى يشدنى ليك تانى

نومت قلبلى وضميرى صحانى

وصحيت ضميرى وقلبى اعيانى

‏شغلت قلبى وحالى يازهرة الوادى

عطرك ندا ياام النسيم العالى

شوقى اليك نظرة عنيك ارحم حالى

بشتاق اليك بحلم بيك بخاف عليك

حبك امانى ممكنة

الحب يفتح فى البحر الف طريق

وبشوقة يخلى الورد يبوح برحيق

لمسة ايدة تسحركل قلب رقيق

بحرك امانى وشراعك ضى عنية

دليلى ودليلك نجمة معدية

قلبى وقلبك فى بحر الامانىية

نسيم قلبك سحابة صيف معدية

ونظرة عنيك فى عنية بالف هدية

يابحر الامانى حنن حبيبى علية

يا قمر الليالى نور قلبة علية

يا نجوم السما لالئ قلبى لة معدية

يا عروس البحر اغزلى لحبيبى هدية‏

اشتياقى اليك خلانى اشوف بعنيك====واسمع همس قلبك ولمسة ايديك

افرح بحبك ويشتاق قلبى اليك====خلينى بسمة وهمسة ولمسة ليك

بسمتى من صفاء قلبى اليك====وهمستى بتحبك وتنادى عليك

ولمستى بتسرى بين ايديك ====وحنينى غلبنى ويشتاق عنيك

سالونى لية قلبك مشدود ليك====روحى وروحك تنادى عليك

روحى بتحبك وبتشتاق اليك====وروحك فى انفاسى بتعيش بيك

قالت لى انت كل انفاسى

قالت لى انت كل انفاسى ===حياتى نفس محب لذاتى

وكل انغامك تسرى فى دمى===كانها انغام حياتى

هالاتك تشدوا وتنير اشواقى====كانها انوار تشرق ذاتى

روحى تنادى مالى سواكى=====هل حان وقت القائى

جعلتنى فى اعماق وجدانها====كا وليد حى فى رحمى

تنادى انفاسها هل ارتوا====من كان يسكن وجدانى

هل انا وليد فى ثناياكى====ام روحى تسموا فى حياتك

يموت قبلى شوقا اليكى====فهل رحمتى حنين

العاشقىيموت قبلى شوقا اليكى====فهل رحمتى حنين

العاشقى

ينادى قلبى هواكى====فهل سالتى عن مستجيرى

خفقات قلبى ترانين حبى===هل سمعتى يوما انينى

همسات يدى تهفوا اليك===ترجوا انفاسك يا حبيبى

تواصلنا فى دنيا الاحلام====حتى نامت جفونى واشتياقى

ينادى قلبى هواكى====فهل سالتى عن مستجيرى

خفقات قلبى ترانين حبى===ه�� سمعتى يوما انينى

همسات يدى تهفوا اليك===ترجوا انفاسك يا حبيبى

تواصلنا فى دنيا الاحلام====حتى نامت جفونى واشتياقى

يموت قبلى شوقا اليكى====فهل رحمتى حنين

العاشقى