#(jan li moli e mi) (kepeken ilo moli)

[magpiereplika]

for a blog with a toki pona url i do not toki very much pona

[kmesons]

a toki pona translation of the "kick my head" scene from 'the guy who didn't like musicals'

(i.e., something nobody needs or asked for but I did it anyway)

please provide feedback on my toki pona if you spot a mistake! I am certainly not an expert and this was just something fun I did for practice.

the characters

(names have been tokiponized for completeness)

jan Pili = Bill Woodward

jan Tete = Ted Spankoffski

jan Pa = Paul Matthews

the translated scene

jan Pili: ona li toki e tomo pi telo nasa ni li jo ali. mi jo ala e kili loje lili. mi pali e telo pi jan Sali Tanpo tan seme?

jan Tete: a jan Pili, ali li tawa pini. taso sina tawa telo la sina tawa alasa pali e telo pi jan Suli Tanpo?

jan Pili: a, ali li ike mute la mi toki e ni: mi ken wile e jan pona tawa!

jan Tete: pona. mi pilin e ni: jan lawa li lukin e sina la sina ken pona e ilo kon ona. ni la ona li jaki e sina kepeken ijo jaki laso ona. o lon!

jan Pili: sina awen toki ike e mi la mi tawa... pali ijo e sina!

jan Tete: a, jan Pili? sina tawa pali e seme?

jan Pili: mi tawa... noka e... lawa sina!

jan Tete: a. lawa mi.

jan Pili: lon!

jan Tete: sina tawa noka ala e monsi mi?

[tenpo lili la jan Pili li awen.]

jan Pili: lon!

jan Tete: a, mi tawa lukin e ni! a? o noka e lawa mi! jan utala Kalate suli o tawa! mi wile lukin e ni: sina noka e ijo pi sewi sijelo sina. o pana lukin e noka sike ni tawa mi! o pana lukin e noka sewi tawa mi, jan utala sewi li pana sona e ni tawa sina!

jan Pa: a, sina tu o pona! jan Tete o sona e ni: jan Pili li noka ala e lawa sina.

jan Tete: ona li noka ala tan seme? lawa li ijo sijelo wawa lili! jan sewi Pili li pana sona e ni tawa mi.

jan Pa: ona li toki ike pakala, o awen toki ala e ona. mi sona a ni: ona li ken toki sin la ona li toki e "monsi".

jan Tete: ala, ala, sina wile moli e akesi linja la sina pali e seme? a? sina kipisi e lawa ona. sijelo kala li kama jaki lon seme? lawa ona. sina weka e lawa la sijelo ali li moli! tan ni la jan alasa pi kala li alasa... e lawa!

[jan Pili li utala e luka jan Tete.]

jan Tete: a! o tawa ala, jan Pili o tawa ala!

jan Pa: o pana e ni tawa mi...

[jan Pa li jo e telo nasa tan jan Tete.]

jan Pa: ni li wile pona e mi, ni li kama ala e pilin ike insa mi.

jan Tete: suli ala!

[pini.]

the original scene (starting at 52:47 and ending at 54:33)

just in case you're seeing this post and have not seen the guy who didn't like musicals (which could be likely, seeing as I'm posting this under the toki pona tag), the scene I've translated above is in the video linked below for reference.

[artemis-zinc]

jansowia-weka20160327

meli olin tu wan mi. lon la, ona li moku kon e kasi nasa laso.

🎇  kiwin

ona li moku kon e kasi nasa laso anu seme?

🚨  jansowia

a, lon kin.

🔼  sikekusi

sina toki e ni anu seme: ona li kepeken ala palisa nasa taso? ona li kepeken palisa pi kasi nasa laso anu seme?

🚨  jansowia

palisa li jo e nimi "palisa i kasi taso".... lon ala la ona li "palisa pi kasi nasa laso"... taso, lon la, ona li palisa i kasi taso laso. meli tu wan li moku kon e palisa i kasi taso laso la, mi uta olin. (ona li meli olin mi,)

📗  nimipimeja

lukin la ona li moku kon ala e kasi nasa laso.

🚨  jansowia

sina o pakala. sina o pakala. sina o pakala. sina o pakala. sina o pakala. sina o pakala. sina o pakala. sina o pakala. sina o pakala. sina o pakala. sina o pakala. sina o pakala. mi pilin utala a, sina o pilin pona a tan ni: meli tu wan mi pi monku kasi li luka pona e sijelo mi tawa ni: mi pilin utala ala. mi pilin utala mute lon tenpo ni.

👿  melikakamine  Follow

meli sina pi "moku kasi" li jo e sitelen pi soweli Alokisi lon sinpin sijelo ona. meli insa.

🚨  jansowia

mi pali e sitelen jan sina lon lipu, mi pana e ona tawa palisa len pi wile utala, mi utala e ona la mi toki e nimi sina lon utala wawa ale, sina lili o.... tenpo ale la o Toki ala e jan Pesi e Sitelen(sitelen sijelo) epiku ona pi pali mi lon tenpo ale, sina jo e poki loje telo nasa lon tomo mi lon tenpo pimeja la mi wile Ala lukin e sina lon tenpo ale, sina sona ala sona? o weka tan mi, ni li TOKI PINI A LON TENPO PI UTALA ALA

🙂  janlijase  Follow

aaa ni li kama suli kepeken tenpo lili......

🚨  jansowia

ni, li seme? n? o toki sin. *jan Pesi li alasa awen e sijelo mi* jan Sowi o, sina ken ala kama jo tan ona, mi wile e utala ala! * mi tawa e sijelo mi li weka e luka ona* ALA! AAAAALA!!! *mi open utala e sina kepeken luka suli a mi. utala ale la mi kalama wawa. utala li kama wawa mute, kalama li kama suli mute. mi kalama mute mute li open telo oko. TENPO PAKALA. tenpo esun ni li pana e ike, mi ken ala awen lon ike. mi telo oko sunli lon tenpo ni, sina kalama nasa pi telo loje sijelo lon poka. meli tu wan mi li pali tawa ni: mi weka tan ni. pali mute la ona li tawa e mi tan ko pi sijelo sina*

🎆  jansapeke

a a a sewi mi

jan ni li seme? jan li wile kama sona e nasin pi pilin utala ala.

ni li musi tawa mi: tenpo mute la ona li toki "MI JO E MELI OLIN TU WAN", li toki "ONA ALE LI UTA OLIN E MI", li toki "ONA LI MOKU KON E KASI NASA LASO NNNNN"

kin la, mi o weka ala sona e jan "jan Pesi" e "sitelen epiku" ona, e ni: toki "sina jo e poki loje telo nasa lon tomo [ona] lon tenpo pimeja la [ona li] wile Ala lukin e sina lon tenpo ale", en toki "ni li TOKI PINI A LON TENPO PI UTALA ALA".

"ko pi sijelo sina"

mi moli a, jan sewi

jan Sowi o, mi wile e ni: sina en mi li utala tokki pi kulupu ilo; mi sona e ni: ni li ken musi.

🚨  jansowia

*mi moli e sina* a a, jan pi sona ala... *mi en meli tu wan mi pi monku kasi li weka tawa ni: mi luka e luka li uta olin.*

🔽  sila-supipeman

jan ni li musi a a a

🚨  jansowia

o toki sin? *tomo pi telo nasa li kama kalama ala. jan ale li wile ala kalama, tan ni: sina toki e toki ike lon tenpo pi ken utala mute. mi awen lon supa pi telo nasa. mi lukin ala tawa sina. luka nanpa wan li jo e poki pi telo lili, luka nanpa tu li jo e lawa mi. mi toki sin, kepeken suli sin.* o toki sin?! *sina kute e nasa pi toki mi, kute la toki li wile e pali mute tan mi. sona sina la lawa mi li nasa. sina kama sona e ni: ken la sina pakala mute mute. jan ante ale li pali sama ni: ona li lukin ala e mi e sina. jan pi pana telo li weka e jaki tan poki. ona li len e oko ona, li toki pi kalama lili. jan mute li weka wawa. jan wan li lukin tawa sina, li jo e sinpin pi pilin ike. ona li open toki, taso ona li lukin anpa, li weka. taso, sina weka ala. sina ken ala. sina lukin la, mi awen lon supa. sina lukin e lupa, sina jo e tenpo. taso sina jo ala, li jo ala, li jo ala. sina open toki la ni li ken ala ante.* pakala a.. sina toki e seme?! *mi tawa pi wawa ala tan supa. mi onpe tawa sina. mi ike lukin. linja mi li ike, mi weka ala e linja sinpin mi lon tenpo suli, anpa oko mi li suli li pimeja, len mi li jaki li jo e lupa mute, mi jo e len noka wan taso. taso, ni taso li suli tawa sina: mi jo e ilo utala, e luka suli wawa. lukin la, luka mi li lon tawa ni: ona li utala. sina sona ala sona e kalama musi pi toki ni: len noka li lon tawa ni: ona li tawa? lon, ni li sama, taso, len noka li luka mi, kin la tawa li utala. mi tawa nasa tawa sina la, sina lukin insa e jan sama sina... tenpo kama la ona li pilin ala pilin ike tan moli sina? ante la, ona li alasa ala alasa weka sona ni: jan sama ona li toki ike tawa jan Sowi a lon ma pi jan mute, ni li lon? toki sina li weka tan ni: mi lon sinpin sina. mi luka e sinpin sina li tawa e sina tawa mi.* musi?! musi li lon ala... musi ala, sina pakala o. musi ala... ona li lon.. ona li lon suli tawa sona mi.. pilin... olin. mi olin e ona... jan Pesi.... jan Sasa... jan Pon... mi olin e ona tu wan... taso ona...*sinpin mi li telo tan oko mi, mi ken ala pini e telo.* ona li weka tan mi... weka... *tenpo poka la pilin telo li weka tan sinpin mi. ona li ante tawa pilin utala taso.* musi? musi?! *luka mi li weka tan sinpin sina. ona li tawa ijo. sona sina la, ijo ni li ilo utala. sina pini e oko sina, li lukin e jan sewi. ona li toki e ni: "a, ni li kama lon tan sina." la ona li alasa weka e sina. taso, luka mi li kama jo e ilo utala ala. luka mi li kama lon luka sina. oko sina li open wawa. pilin utala li weka tan sinpin mi. pilin telo taso li lon.* weka tan mi... * mi tawa anpa. mi kalama pi pilin telo. aaa, o kama suli. *sina toki e ni, sina weka tan tomo, taso tenpo poka la sina moli tan pakala pi tomo tawa.*

[kulupumun]

jan Unamuno: lukin e mun kepeken ilo

sina lukin ala lukin e mun? ona li sinpin pi ko walo. ma sike ike a! sina lukin e tenpo kama sina: ni li sama. sinpin moli pi tenpo pini. kiwen moli li kama tan tomo sina. sitelen mun a! sewi a! ali moli a! — mun li mun a. sina sinpin pi pilin ike, li jan unpa pona lon poka mi. sina kulupu e sike pi mi mute tawa suno pi seli en walo. suno li pana e len lon ijo lon, lon pilin pimeja, lon oko pi tenpo ale.

(Miguel de Unamuno: La luna al telescopio)

[tissitpoispaita]

I'm currently reading Lahtarit, a novel about the Whites in the Finnish Civil War, written by Anneli Kanto. There's a chapter told from a horse's point of view, and the writing style gave me strong Toki Pona vibes, so I decided to translate it.

mi lape lon kiwen. soweli li ken ala lape, ona li wile pali. mi ken ala sewi e sijelo, ni la mi soweli ike anu seme. mi wile weka tan ma ni, pilin ike li lon ni. jan li luka e mi: o ala. o lon ni. insa mi li pakala. jan lili li lape lon poka. ona li jo e poki monsi len. jan lili li tawa ala. mi pilin nena e ona, ona li moli.

mi sona ala e ma ni. tenpo pini mute la mi lon ma ni: mi sona ala e ona. kalama pakala suli li lon. kalama pi pakala sewi. kiwen lili pi kalama pipi li tawa kon. mi wile tawa weka. monsuta ike li lon ni. jan li mu a li tawa a. jan mije en ilo palisa pi kalama ike. jan li luka e linja lawa li tawa e mi. mi tawa lon nasin kiwen, lon poka tomo suli. soweli li wile pilin ni: jan li pona. jan li sona e ni: mi tawa ma seme. ni li jan pona, jan mute li pona sama ala.

jan mije lawa pi tomo mi li jan pi pona mute. mi soweli lili la, mi lon poka ona. ona li jo e pan e suwi lon poki len. tenpo lete la, ona li seli e ilo kiwen uta pi linja lawa, kepeken luka ona. ona li pana e pilin nena ni: kasi moku en jaki en palisa nasa. mi tu li kama kepeken tomo tawa linja li tawa ma ni. kalama ike en pilin nena jaki li lon, soweli li pilin monsuta li wile tawa ma pona. mi sona ala e ni: mi wile kama tan seme. tomo li pona, ijo ale ni li lon: pali sama lon tenpo ale, soweli pi linja monsi nasa, tomo lape mi, soweli lili lape lon mi, kalama ike ala, pilin nena monsuta ala. jan lawa li wile ala kama. mi lukin e sijelo ona la, mi sona e ni: ni li ike tawa ona. ona li jan lawa, taso ona li pilin monsuta. mi pilin nena li lukin.

open la, supa tawa mi en jan lawa mi li lon. ni li pona. moku li lon supa. telo walo en pan, ale ni li pona. mi kama jo e pan lon tenpo suno ale. jan lawa li moli lon pakala pi kalama suli. mi sona e ni: ona li moli. ona li lon ko walo li pakala lukin li sewi e luka. mi uta e kute ona li wile pana e pilin pona tawa jan lawa moli. ni li ike a: jan lawa li weka.

jan mije ante li ike. mi tawa nena sewi la ona li lon supa. ona li pana e ijo mute ike lon supa. ona li tawa e mi lon nasin kiwen, la ona li pakala e supa. ona li kama ala tan supa, li lukin ala e nasin, li utala e mi kepeken linja lawa. kiwen li lon sinpin pi palisa noka. mi sona e ni: ni li ike. taso jan li utala. supa li pakala.

pan ala en telo ala li lon supa, jan pakala li lon ona. mi tawa e ona lon nasin ike tawa ma mute. pilin nena pi telo loje li ike. mi pilin monsuta. jan mije ante li utala li pana e kalama pi pilin ike wawa, li tawa ike e linja lawa. ona li pana e telo lete tan poki kiwen, li pana ala e len tawa mi. mi wile utala e ona kepeken noka tan ni: ona li jan ike a. taso mi soweli pona. a, mi ike lili ni: ona li wile utala e mi kepeken palisa suli, la mi utala uta e luka ona.

soweli moli mute li lon. ona li lape lon poka nasin, insa ona li sike. soweli ante li wile moli, li wile e pona li mu. jan li pana pona ala, li tawa weka. soweli li ken ala pana pona tawa soweli. mi tawa, li tawa e supa, li kute e ni: soweli li mu a, jan li weka e ona, ona li moli. kute pi ijo ni li ike.

kiwen noka li weka, noka li pakala. jan li pana e kiwen noka sin tawa mi. jan pi pali kiwen li jo e luka pona. ona li ken pana pona e kiwen.

supa sin en jan mije sin li kama. ona li pona. ona li toki mute. ona li seli e telo moku e ilo kiwen uta lawa. ona li pana e pan ko pona e pan sike kin. ona li pana e len tawa mi li lukin e noka mi. ona li tawa pona e mi. ona li jo e mi. soweli Sali o tawa, ale li pona. mi tu o tawa, o kama, ike ala li kama. mi kama pilin ni: jan pona ni li toki lon. kalama suli en pilin nena ike li lon, taso tawa li pona lon poka ona. kalama li monsuta e mi, taso mute ala. jan lawa li pona mute, taso jan ni li pona kin.

jan ni li weka ala e mi. tenpo ni la, ona li lon poka mi, li pana e noka ona lon anpa lawa mi. ona li luka e uta mi e kute mi, la pilin pi luka ona li lon nena mi. jan li pana e sinpin ona lon sijelo mi. ona li pana e telo lukin mute. ona li toki e ni: soweli Sali suwi o. ona li pilin ike. kalama ona li pakala tan ike. mi kin li pilin ike.

jan ante li kama. jan mi li toki e ni: o pana moli, sina jo e ilo palisa. jan ante li toki: mi ken ala, mi kalama la jan ike li lukin. pilin pakala li wawa. mi kon mute. mi mu, taso kalama li kama ala.

mi weka tan ma ike ni. mi tawa wawa a, noka mi li seli. mi tawa waso, linja monsi en linja lawa li sewi, kon li tawa wawa lon selo mi, noka li kalama a. mi tawa tan ma pi tomo tawa linja, li tawa tomo mi. mi sona pona e nasin. mi tawa, mi tawa, mi tawa ma mi, mi ken lukin e tomo lape mi. jan lawa li lon poka tomo, li jo e palisa nasa lon uta, mi tawa tomo lape li tawa poki lape. mi anpa, li lon poka sijelo wan, li lon poka sijelo ante, li pana e mu pi pilin pona, li tawa e monsi mi lon supa kasi, li tawa e noka mi lon kon. mi kama lape, mi pana e lawa mi lon supa kasi. jan lawa li tawa poki lape, li lukin, li toki: soweli Sali o, sina kama tawa tomo.

[giant-goldfish]

two sisters toki pona cover based on emily portman’s version, with lyrics taken from various versions of twa sisters/the wind and rain and of course inspired by ghost quartet :) full lyrics + loose translation under the cut! this project rlly made me appreciate how vague tp is & how well that works for songs and stories so actually ignore that if you can. imagine with me how well this miller could work as a fisherman and how the sisters aren’t gendered except by the king and the minstrel. rotate it in ur minds

jan sama tu li lon tomo suli (la lon telo tawa) jan sama lili li pona lukin (telo li awen tawa)

two sisters lived in a manor (meanwhile, in the river) the younger sister was beautiful (the water keeps moving)

mije lawa pona li toki e ni: (la lon telo tawa) "tenpo kama lili la mi wile e meli" (telo li awen tawa)

the good king announced: (meanwhile, in the river) "i will need a wife soon" (the water keeps moving)

jan sama suli li kama jo e ijo (la lon telo tawa) e mani e kiwen pona laso (telo li awen tawa)

the older sister was given material things (meanwhile, in the river) money and blue precious stones (the water keeps moving)

jan sama lili li kama jo e olin (la lon telo tawa) ale li anpa ona li sewi (telo li awen tawa)

the younger sister was given love (meanwhile, in the river) she was put above all others (the water keeps moving)

"jan sama jan jama o tawa poka mi" (la lon telo tawa) "o kama jo e luka mi" (telo li awen tawa)

"sister, sister, walk next to me" (meanwhile, in the river) "and take my hand" (the water keeps moving)

"jan sama lili o kute e waso" (la lon telo tawa) "o lukin anpa e telo laso" (telo li awen tawa)

"little sister, listen to the birds" (meanwhile, in the river) "and look down at the blue water" (the water keeps moving)

tempo ona tu li lon telo tawa la (la lon telo tawa) jan sama suli li utala

when the two of them were at the river (meanwhile, in the river) the older sister pushed (her in)

"sina pana e luka sina tawa mi" (la lon telo tawa) "la mi pana tawa sina e ali" (telo li awen tawa)

"if you give me your hand" (meanwhile, in the river) "i'll give you anything" (the water keeps moving)

"sina pana e luka taso tawa mi" (la lon telo tawa) "la mi kin pana e olin mi" (telo li awen tawa)

"if you give me only a hand" (meanwhile, in the river) "i would even give away my love" (the water keeps moving)

"olin sina li kama e olin mi" (la lon telo tawa) "taso sina moli lon ni"

"your love will be mine" (meanwhile, in the river) "but you will die here"

ona li anpa li sewi lon selo telo (la lon telo tawa) tempo ni la jan pali li lukin e ijo (telo li awen tawa)

she rose and sank below the water's surface (meanwhile, in the river) just then a miller saw something (the water keeps moving)

jan pali li sewi e ona (la lon telo tawa) tan telo lete kepeken ilo kala (telo li awen tawa)

the miller pulled her up (meanwhile, in the river) from the cold water with a fishing hook (the water keeps moving)

ona li weka e ona lon anpa suno (la lon telo tawa) ona li awen kiwen walo taso (telo li awen tawa)

he left her under the sun (meanwhile, in the river) (until) only bones remained of her (the water keeps moving)

jan kalama musi li tawa lon ni (la lon telo tawa) ona li lukin e kiwen meli (telo li awen tawa)

a minstrel was walking by there (meanwhile, in the river) he saw the woman's bones (the water keeps moving)

ona li pali e ilo kalama musi (la lon telo tawa) kepeken kiwen walo meli (telo li awen tawa)

he crafted an instrument (meanwhile, in the river) using the woman's white bones (the water keeps moving)

ona li linja e ilo ni (la lon telo tawa) kepeken linja jelo meli (telo li awen tawa)

he strung the instrument (meanwhile, in the river) using the woman's yellow hair (the water keeps moving)

ona li tawa tomo jan lawa (la lon telo tawa) jan mute li kute e musi ona (telo li awen tawa)

he traveled to the royal castle (meanwhile, in the river) many people listened to his performance (the water keeps moving)

ona li pali ala e ilo pona (la lon telo tawa) taso ilo li kama kalama

he did not play the fine instrument (meanwhile, in the river) but it began to make sound

mije lawa li lon supa li kute (la lon telo tawa) pilin ona li kama lete (telo li awen tawa)

the king sat on the throne and listened (meanwhile, in the river) his heart turned cold (the water keeps moving)

sinpin meli lawa li kama walo (la lon telo tawa) ona li kute e kalama telo (telo li awen tawa)

the queen's face turned white (meanwhile, in the river) she heard the sound of water (the water keeps moving)

ona li kalama musi e ni taso "la lon telo tawa" ona li kalama musi e ni taso "telo li awen tawa"

it played only this: "meanwhile, in the river" it played only this: "the water keeps moving"

[jansegers]

TP Rhyme Dictionary

For toki pona songwriters and poets. mi_soweli | 2019

I have made a list of all rhyming words in toki pona. They are kind of randomly organised, but I tried to put words that rhyme better closer together. Enjoy!

a la ma ala kala utala pakala nasa alasa mama sama pana lawa tawa wawa kalama kama anpa nanpa apeja pimeja nena weka sina palisa insa linja ona pona sona noka poka lupa supa luka uta monsuta unpa

jan pan tan wan

e ale lape ante lete seme ike sike mije wile loje mute kute kule

en len sitelen ken kepeken kiwen awen open

li mi ni pi ali pali jaki kasi mani akesi meli seli soweli sewi kili lili nimi pini pipi kipisi moli poki toki monsi musi suli suwi

kin lukin sin nasin olin pilin sinpin

o jo ko laso taso waso namako walo jelo selo sijelo leko tenpo telo ijo ilo oko tomo suno

kon lon

mu pu tu anu kijetesantakalu lipu moku kulupu

esun mun

Please tell me if I have made a mistake!

https://www.reddit.com/r/tokipona/comments/e1lxon/for_toki_pona_songwriters_and_poets/

#TokiPona #rhyme #kalama_sama #anno2019

[tissitpoispaita]

mi pali e sitelen tawa pi meli tonsi li toki e ni: "ni li suli ala: sina jo e len seme li seme lukin. sina toki e "mi meli" la, sina meli." ni la, jan wan li sitelen: "taso mi wile sona: seme li meli?" mi pilin pona a tan wile sona sina. mi o pana sona.

meli li suwi! meli li sewi! meli li pakala kama poka! meli li len ni pi tawa telo: sina pini e musi lon ilo pi pana telo li pana e len lon ma la, ilo pi kipisi kasi li kipisi e ona. meli li pilin ni: kon li tawa e linja noka sina. ilo pi kipisi kasi li meli kin.

meli li ni: tenpo suno pi kon tawa la, sina tawa lon poka tomo la kon li utala e sinpin sina. sina lukin ala lukin e sitelen tawa ni: kijetesantakalu li kama jo e ko suwi? ni li meli.

meli li wawa. meli li pali. sitelen tawa pi jan Pepi en jan Pinija li pona tawa meli. meli li kule. meli li kala soweli lon tawa telo suli. meli li sike suli lawa kiwen ala, meli li luka pakala pi jan pi pali kiwen. meli li uuuu! meli li aaaa! meli li laso loje walo li jelo laso ala.

sina esun e ijo kepeken ilo sona li kama sona e ni: tenpo pini la sina jo e ijo ni. ni li meli. meli li aaaa, meli li aaaaaaa. meli li ii-. tenpo ni la mi pana e telo pi pilin seli. ni li tan meli. meli li esun lipu ni: sina ken ala pini e ona. sina toki ala toki mute e sona pona tawa wile sona ni: jan ala li kute e ona? ni li lon la, ken la sina meli.

meli li ma!! meli li sewi!! sewi li meli pi olin meli!! meli li kon sewi. meli li mama e ijo. meli li moli e ijo. meli li ale. n. meli li lipu kasi. o uta e lipu kasi ni. tenpo ale la sina sona e meli tan ~ijo suli ni~: ~ijo suwi ni~: ~kon jan ona~. ~n~. o pona tawa ona! ni li suli a: meli li ijo ale tan sitelen lape monsuta nasa ona.

sina jo ala jo e wile sona?

based on this wonderful tiktok. i shortened it a little.

[tissitpoispaita]

Here we go again with my Toki Pona translations of Finnish literature that absolutely no one asked for. This time it's the uncensored version of Lahtinen's toboggan monologue from Sotaromaani.

If anyone came here just for Toki Pona and is not familiar with this novel:

It's about the Continuation War between Finland and the Soviet Union from an ordinary soldier's POV. In this excerpt Lahtinen, a communist, lashes out at Finnish military leadership and rants about the war and capitalism.

jan Lasinen/Mata/Salo/Siponen = Lahtinen, Määttä, Salo and Sihvonen, soldiers

jan Sumi/Lusi/Nijon = Finns, Russians and Japanese people

jan Lapuwa = supporters of the fascist and anticommunist Lapua movement

Even as a native Finnish speaker, I have no idea what "kyllä hän touhua on" means. "ona li jo e pali mute kin" is an educated guess.

Edit:

It's probably the "warlords" that are getting paid a lot from the people's money and not the journalists. So I changed "jan sitelen li kama jo e mani suli tan jan pali" to "jan lawa li kama jo - - ".

Corrected some punctuation that felt off

Broke apart a sentence to avoid la-stacking. Aforementioned part about the people's money was part of the previous sentence

Deleted a useless sentence that I added for no reason ("mi sona ala e ni" after "sike moli ni li kama tan ma seme")

jan Lasinen en jan Mata en jan Salo li tawa e supa tawa lon ko walo mute. jan Siponen li lon monsi li tawa e linja pini li tawa e supa kepeken palisa tawa pi ko walo. tenpo pini la, ona mute li lon poka kulupu wan pi palisa moli. taso tenpo ni la, ona li jo e supa ni la kulupu li weka. supa li jo e ijo mute mute la, ona li lon ma lon insa ko. tenpo wan la, mije li tawa kepeken palisa tawa pi ko walo, taso ona li ken ala pali ni tan ijo mute lon supa. ona li pana e palisa tawa lon supa li tawa kepeken noka. kon li lete, taso ona li pilin seli li pana e telo mute mute. ona li kon wawa li pana e nimi ike li tawa lon nasin pi kulupu ona. ona li wile lape mute mute la, lawa ona li pilin kon. kalama utala li kute lili nasa. ona li ken ala kute e ni: kalama seme li kama tan jan pona tan jan ike.

lon sinpin la, jan Salo li tawa kepeken luka noka tan ni: supa li tawa ala li anpa e ona. jan Mata li tawa li kalama ala. ona li lukin e nena e lupa la, ona li tawa pona mute. jan Lasinen li tawa e supa kepeken wawa ona ale. supa li pini tawa tan kiwen anu kasi la, ona li tawa wawa e linja li pilin ike mute li kalama ike:

”pa… ka… la.”

tenpo wan anu tu la, ona mute li lape lon supa li kama jo e kon. jan Lasinen li kon:

”a, pakala a. kiwen moli pakala o kama o moli e mi. a, mi jo e pali mute, taso jan lawa pi ma tomo li lon supa lape li nanpa e mani pi pan pi esun pimeja. mi wile e ni: jan sona wan li kama. lawa ona li pakala ala tan toki ike ale. ona li sona taso e ijo pona e ijo suli la, ni li nasa tawa ona: mije suli li tawa e supa jaki ni tawa weka tawa poka lon ma kasi…”

jan ante li toki ala li mute e wawa, taso kon pi jan Lasinen li awen wawa. ona li awen toki li pali e toki pi ona en jan sona pi insa lawa ona:

”ona li lukin e palisa kiwen ni e ilo lupa ni la, ona li toki e ni: ’sina pali e nasin anu tomo, anu seme?’ mi toki e seme? e ni: ’a… ala, mi pali e tomo ala. mi wile tawa insa ma. mi tawa ala la jan li moli e mi.’ taso ilo suli jaki ni li nasa mute tawa ona: ’ilo pona ni li seme? jan li pali seme kepeken ona?’ ’a, mi moli e jan kepeken ona.’ ’jan? jan ni li pali ala pali ike?’ ’a… ala. mi pilin ni: ona li pali ike tawa jan ala. taso ni li utala. sina sona ala e ni, anu seme? jan lawa pi ma tomo li wile e mani suli tan pan, jan mani pi ma kasi li wile e ma kasi ni pi ma Lusi. jan lawa suli li wile e lawa e mani, jan unpa ona li wile e kiwen mani e selo soweli. tan ni la jan li moli e jan lon ma ni. tan pona pi jan Sumi. tan ni: jan pi nasin sewi li awen e jan lon anpa jan mani. jan li kute ala la lawa li ken moli e ona. jan moli li ken ala toki. jan lawa li sitelen e lipu ni: sina utala ala tawa ma mi tawa poki mani mi la, mi moli e sina lon monsi tomo seli.’ taso tenpo ni la mi wile tawa.”

ona mute li tawa. jan Lasinen li pini, taso ijo ona li pini ala la ona li kama toki. ona li tawa e supa la, ona li kon li pana e nimi jaki:

”pakala a, jan li pali e toki ike. tomo en nasin sewi en ma mama. mi lawa ala e tomo, kulupu mani li lawa e tomo mi. mi weka e kulupu sewi li jo ala e kipisi lili pi ma mama. jan utala lawa wan pi ko jaki li toki e ni: mi wile utala tawa mama mi. mama meli mi taso li lon. jan Lusi li wile e meli majuna jaki wan la, ona li ken kama jo e ona, pakala. pakala jaki a, noka kasi ni li suli sama mije lili pi mani ala… jan li ken pali e noka kasi lili, anu seme? ona li jo e pali mute kin. mi lawa la mi pana e jan Lapuwa e jan lawa utala lon tomo pi pona lawa. taso tenpo ni la, lipu pi ijo sin li jo e sitelen suli pi sewi ma ni. jan lawa li kama jo e mani suli tan jan pali.”

jan Siponen li tawa anpa. ko walo li tawa insa len luka ona. tan ni la, ona kin li pilin ike mute li kalama suli. ona li kon wawa li pana e luka ona tawa jan ike li toki:

”lon ni, lon ni. jan sona li lon ma ni. ona li utala ala. sike moli ni li kama tan ma seme. jan Nijon li utala lon monsi ona. ona li alasa ala e ma pi jan ante. ona li awen taso e pona ona.”

jan Lasinen li pini e toki pi nasin kulupu, taso jan Salo li jo e wawa ala li tawa lili e linja. jan Lasinen li kalama:

”sina kin o tawa, pakala. tenpo ni la sina pana ala e telo.”

jan Salo li tawa e linja kepeken wawa ale li kon:

”mi wile ala pana e telo. mi wile e ni taso: supa ni li tawa.”