#DeleAlli | Explore Tumblr Posts and Blogs

karlomatinov · 5 years ago

Text

გოლების აღნიშვნა - მთლიანა კულტურაა. გოლების აღნიშვნის ევოლუცია. მალე ვიდეოც იქნება.

თანამედროვე ფეხბურთში გოლებს სხვადასხვანაირად აღნიშნავენ და ყველა აღნიშვნას თან, რაღაც აზრი ახლავს - ფეხბურთელები ცეკვავენ, უგზავნიან გზავნილებს მუსიკალურ ჯგუფებს, გადასცემენ მოკითხვებს ოჯახს და გულშემატკივრებს, მაგრამ ეს ყველაფერი 90-იან წლებამდე არ იყო.

50-იან და 60-იან წლებში ფეხბურთელები გოლებს მოკრძალებულად აღნიშნავდნენ - წევდნენ ხელებს ზევით, მინდორზე გაირბენდნენ რამდენიმე მეტრს, ეხვეოდნენ ერთმანეთს, მაქსიმუმ ჰაერში ნახტომს ასრულებდნენ.

აი, მაგალითად, ალფრედო დი სტეფანოს აღნიშვნა, ბარსელონასთან გატანილი გოლის შემდეგ 1959/60 წწ. ჩემპიონთა თასის ნახევარფინალში

ნახტომში უყვარდა გოლის აღნიშვნა ეუსებიოს, მისი აღნიშვნა 1966 წლის მსოფლიო ჩემპიონატზე, ბულგარეთთან გატანილი გოლის შემდეგ

ეს კი უკვე მეფეა, ანუ პელე

1970 წლის მსოფლიო ჩემპიონატის ფინალში, ბრაზილიელმა ემოციები ვერ შეიკავა. იტალიასთან პირველი გატანილი გოლის შემდეგ, ის ჟაირზინიოს შეახტა. ეპიზოდი, ერთ-ერთ ყველაზე დასამახსოვრებელ სურათად გადაიქცა. საბოლოოდ ჟაირზინიო ჩემპიონატის ბომბარდირი გახდა, პელე კი პირველი ფეხბურთელი, რომელსაც მსოფლიო ჩემპიონატებზე 3 ოქროს მედალი დაუგროვდა.

ყოფილი გუნდების წინააღმდეგ გოლებს ჯერ კიდევ 70-იან წლებში არ აღნიშნავდნენ. დენის ლოუმ მაშინ იუნაიტედს გაუტანა

დღეს, მიღებულია, რომ ყოფილი გუნდის კარში გოლი არ უნდა აღნიშნო, ერთ-ერთი ასეთი სიტუაცია, მანჩესტერ იუნაიტედის ლეგენდას, დენის ლოუს უკავშირდება. 1973 წელს, ლოუ მანჩესტერ სიტიში დაბრუნდა, სეზონის ბოლო მატჩში, მანჩესტერ სიტი თანაქალაქელ მანჩესტერ იუნაიტედს ოლდ ტრაფორდზე ხვდებოდა. მისი ყოფილი კლუბი გადარჩენისთვის ბრძოლობდა, ლოუს კიდევ არ უნდოდა, რომ გამხდარიყო ის ადამიანი, ვისი ხელითაც მანჩესტერი უმაღლეს დივიზიონს დატოვებდა, მაგრამ ინსტინქტები უფრო ძლიერი აღმოჩნდა, ლოუმ მანჩესტერს ქუსლით გაუტანა, რის შემდეგაც თავი დახარა და მოედნის ცენტრისკენ წამოვიდა. სხვათაშორის ეს იყო დენის ლოუს ბოლო საკლუბო მატჩი კარიერაში. იუნაიტედი გავარდა, მაგრამ ლოუს გამო არა. მანჩესტერი მხოლოდ საკუთარ თავზე არ იყო დამოკიდებული და რომც მოეგო ეს თამაში მაინც გავარდებოდა, კონკურენტებმა მოიგეს, ასე რომ წითელ ეშმაკებს ვერაფერი შველიდათ.

კიდევ ერთი ნათელი მაგალითი - ბატისტუტაა. 2000 წელს, ის ფიორენტინადან რომაში გადავიდა, სადაც იტალიის ჩემპიონი გახდა. მატჩში ყოფილი კლუბის წინააღმდეგ, არგენტინელმა ყუმბარისებული დარტყმით აიღო მეტოქის კარი და ცრემლები ვერ შეიკავა.

იყო მაგალითები, როდესაც ფეხბურთელები გოლებს მეტოქე გუნდის ცალკეული მოთამაშის გამო არ აღნიშნავდნენ, მაგალითად 2012 წელს ტიმ ჰოვარდმა და 2013 წელს ასმირ ბეგოვიჩმა (მეკარეებმა) შეძლეს მეტოქის კარში გოლის გატანა და მეტოქე გუნდის მეკარის პატივისცემის და გამო გოლები არ აღნიშნეს.

დღეს, ყოფილი გუნდის კარში გატანილ გოლზე უარის თქმით ვერავის გააკვირვებ. ასე იქცეოდნენ დიდი ფეხბურთელებიც, შორს არ წავიდეთ, მაგალითად: ლამპარდი, ფალკაო, ტორესი, რონალდუ, იგუაინი, გიოტცე და ა.შ., მაგრამ ყველა არ თვლის, რომ ტრადიციაში დევს აზრი.

მაგალითად, დეპაი, როდესაც პსვ-დან მანჩესტერში გადავიდა, თქვა, რომ დიდ პატივს სცემს თავის ყოფილ კლუბს, მაგრამ თუ გაუტანს გოლს, აუცილებლად აღნიშნავს. ეს უბრალოდ ემოცია არისო. დეპაიმ მანჩესტერის შემადგენლობაში პსვ-ს წინააღმდეგ ითამაშა, გოლი გაიტანა და აღნიშნა კიდეც.

2015 წელს, მანჩესტერის აღზრდილმა, დენი უელბეკმა ინგლისის თასზე, გოლი თავის ყოფილ კლუბს არსენალის მაისურით გაუტანა და რატომღაც ემოციები ვერ შეიკავა.

ერთ-ერთი ყველაზე დასამახსოვრებელი აღნიშვნა ყოფილი გუნდის წინააღმდეგ, ვფიქრობ, რომ არის ადებაიორის მიერ გატანილი გოლი არსენალის კარში, 2009 წლის სექტემბერში. სიტიში ახალ გადასული ემანუელ ადებიორმა მთელი მოედანი გაირბინა და გოლი არსენალის გულშემატკივრებთან პროვოკაციულად აღნიშნა, რა თქმა უნდა ამას არეულობა მოჰყვა და ერთი სტიუარდიც კი დაშავდა. ასეთი პროვოკაციისთვის FA-მ ადებაიორი 2-მატჩიანი დისკვალიფიკაციით დასაჯა.

გოლის აღნიშვნა სალტოთი, ასე იცის ობამეიანგმა, უყვარდა კლოზეს და ინდოეთში ერთი ფეხბურთელიც კი გარდაიცვალა

რაც შეეხება სალტოებს გოლის აღნიშვნის დროს, ერთ-ერთო პირველი ადამიანი, ვინც გოლი სალტოთი აღნიშნა, 80-იან წლებში იყო მექსიკელი ბომბარდირი, უგო სანჩესი. როგორც ჩანს ის იყო პირველი ფეხბურთელი, რომელმაც აკრობატიკის დემონსტრირება დაიწყო მოედანზე.

გატანილი გოლი, სალტოთი თავი ნიგერიელმა ფორვარდმა, ჯულიუს აგაჰოვამ დაგვამახსოვრა, რომელიც ფეხბურთის მოყვარულებს დონეცკის შახტარიდან კარგად უ��და გახსოვდეთ. 2002 წლის მსოფლიო ჩემპიონატზე, მან შვედეთის კარში გატანილი გოლი, ზედიზედ 6 სალტოთი აღნიშნა და მინდორზე მშვიდობიანად დაეშვა.

სალტოთი გოლის აღნიშვნა მიროსლავ კლოზესაც უყვარდა

მაგრამ ხანდახან სალტოები ტრავმებით სრულდებოდა. 2006 წელს კონგოელმა ფორვარდმა ლომანა ლუა-ლუამ, რომელიც პორტსმუტში თამაშობდა, არსენალის კარში გატანილი გოლი სალტოთი აღნიშნა და ფეხის ტრავმა მიიღო, რის შემდეგაც კლუბმა მას სალტოს შესრულება აუკრძალა.

იყო ერთი სამწუხარო მაგალითიც. 2014 წელს, 23 წლის ინდოელი ფეხბურთელმა, პიტერ ბიაკსანგზუალამ გოლი ორმაგი სალტოთი აღნიშნა, ცუდად დაეშვა მინდორზე და ��ერხემლის მოტეხილობა მიიღო, რის შემდეგაც, სამწუხაროდ გარდაიცვალა.

ცეკვები გოლის აღნიშვნისას, რომელიც როჯერ მილამ დაიწყო, გააგრძელა რონალდინიომ, კრაუჩმა, სტარიჯიმ და კიდევ სხვებმა

რეალურად გოლების ორიგინალურად აღნიშვნა, 80-იან წლებამდე არ იყო. შესაძლებელია, ის სატელევიზიო ინდუსტრიის განვითარებამ მოიტანა. 1990 წელს ბრწყინვალე კამერუნის ნაკრების გარდა, რომელიც 1/4 ფინალამდე მივიდა, დასამახსოვრებელი იყო 38 წლის, როჯერ მილას გოლის აღნიშვნა კუთხურის ალამთან, ცეკვა ცეკვით.

შეუძლებელია, რომ რონალდინიოს სამბა დავივიწყოთ

პიტერ კრაუჩი და რობოტის ცეკვა

დანიელ სტარიჯის საფირმო ცეკვა, რომლის განმეორებასაც თვით კლოპიც კი ეცადა

პოპ კულტურა და აღნიშვნები

დღეს ფეხბურთელები ყველაფრით ცდილობენ შთაგონებას, დაწყებული ჰიპ ჰოპით, დამთავრებული ვიდეო თამაშებით.

მაგალითად, გრიზმანის საფირმო ცეკვა კომპიუტერული თამაშ Fortnite Battle Royal-დან. Take The L-ის მოძრაობა, ერთგვარი დაცინვა დამარცხებულის მიმართ.

კილიან მბაპეს ცნობილი აღნიშვნა ყველამ კარგად იცით, რომელიც უმცროსს ძმას მოპარა.ეს ჟესტი ორიგინალურია, მაგრამ მისი იდეა არ არის, ის მან ძმას მოპარა, რომელმაც Playstation-ის თამაშის დროს უფროს ძმას გოლი გაუტანა და ასე აღნიშნა.

პაოლო დიბალას ნიღაბი კი, შთაგონებულია ფილმიდან ‘’გლადიატორი’’. როგორც ჩანს არგენტინელს უყვარს ეს ფილმი - გლადიატორის ნიღაბი.

აი, ეს კი, მთავარი საფეხბურთო გლადიატორის სელფია, 2015 წელს რომის ლაციოს წინააღმდეგ გატანილი გოლის შემდეგ. ალბათ, ყველაზე ლეგენდარული სელფია ფეხბურთის ისტორიაში.

მარკო როისს, როგორც ჩანს, JAY Z მოსწონს და თვლის, რომ ის კარგ მუსიკას ქმნის.

გახსოვთ უეინ რუნის აღნიშვნა სიტის წინააღმდეგ? სერიალში ‘’ახალგაზრდა მამა’’ ჯოდ ლოუ, როდესაც მისი პერსონაჟი ლოცულობდა, ზუსტად ასე აღნიშნა მან ქალაქელების კარში გატანილი ლეგენდარული გოლი.

ნელ-ნელა უფრო რთულდება გულშემატკივრის გაოცება ახალ ახალი აღნიშვნებით, თითქოს ფეხბურთელებმა ყველაფერი გამოიყენეს თუ რამე შეიძლებოდა, მაგრამ 2018 წელს, დელე ალიმ მაყურებლის გაოცება, კიდევ ერთხელ შეძლო. ამ ჟესტის განმეორება ბევრს არ შეუძლია, სოც. ქსელებში კი მასზე ფლეშმობები იმართება და იუთუბზე სასწავლო ვიდეოებსაც კი წააწყდებით.

მოკლედ, გოლების აღნიშვნის ევოლუციამ დიდი გზა გაიარა. ჩვეულებრივი ნახტომებიდან, ჩახუტებიდან, ხელების ზევით აწევიდან - მივედით ბრწყინვალე პერფორმანსებამდე, რამდენიმე მათგანი კი, საფეხბურთო ისტორიაში საბოლოოდ დამკვიდრდა.

ერთ სტატიაში ყველას ჩატევა ძალიან ძნელია და ვერ მოვახერხე, რადგან მართლა ძალიან ბევრი საინტერესო და სახალისო აღნიშვნა მინახავს, ასე რომ გამოუშვით თუ რამე კიდევ იცით.

პ.ს. მე ყველაზე მეტად მაინც, დიდიე დროგბას გასრიალება მომწონდა და ახლაც ასე ვფიქრობ, ბაფეტიმბი გომისის აღნიშვნაც ორიგინალური და დასამახსოვრებელი იყო ხოლმე.

მადლობა ყველას, გისურვებთ ჯანმრთელობას.

#ფეხბურთი #აღნიშვნა #ევოლუცია #საქართველო #თბილისი #tbilisi #georgia #football #footballers #soccer #Followme #bloger #youtuber #karlomatinov #delealli #rooney #pele #dybala

2 notes · View notes