#IRRAA | Explore Tumblr Posts and Blogs

haramayatv · 2 months

Text

TOWHIIDA

Rabbiif hiriyoota hin godhiinaa.isin ni beektanii.”(Al baqaraa:21,22)

Ibnu Kasiir tafsiira isaa keessatti akkana jedhe:”Inni wantoota kana hunda uume,isumaatu gabbaramuu haqa godhata.”

G:13 Gosootni ibaadaa Rabbiin itti ajajee maal faadhaa?

D:Akka Islaamummaa,iimaana,ihsaanaati,ammaas wantoota san irraayi:kadhaa,sodaan,kajeellaan,hirkatuun,abdachuun,sodaatuun,naamusa godhatuun,sodaan cimaan,towbaan,gargaarsifatuun,tikfamuun,dirmachuu barbaaduun,qaluun,qodhaanii fi akaakulee ibaadaa irraa wantootni Rabbiin itti ajaje hundi.

G 14:Akaakuuleen ibaadaa dubbatamanii fi kan hin dubbataminiis,Rabbuma tokkicha, hiriyaa hin qabneefi,waan kana irratti raga fidii yoo gaafatamte?

D:Ragaan jechaa Rabbii ol ta’eeti: “Ibaadaan Rabbumaafi;kanaafuu,Rabbii wajjiiin waan tokkollee hin gabbarinaa.”(Aljinnii,18)

G 15:Murtiin nama wantoota ibaadaa irra ta’e,wan Rabbi hin ta’iniif hojjatee,yookaan garagalchee maali?

D:Namni wantoota san irraa,waanuma takka,waan Rabbi hin ta’iniif kenne,inni sun mushrika,kaafiraasi.

G16:Waan san irratti ragaan maali?

D:Ragaan jecha Rabbii ol ta’eeti: “Namni rabbi waliin gabbaramaa biro,odoo raga isatti hin qabne,gabbare,qorannaan isaa Gooftaa isaa biratti.Dhugumatti kaafirtoonni hin milkaawan.(Al mu’uminuun:117)

G 17:Kadhaan Rabbiif malee hin ta’uu irratti ragaan maali?

D:Ragaan jecha Rabbii ol ta’eeti: “Gooftaa keessan:Isiniifiin owwaadhaa,Ana yaammadhaa!warri kadhaa tiyyarraa boonan fuuldura salphatanii,jahannam seenuuf jiran,”jedha.(Ghaafir:60)

Hadiisa keessattiis akkana jechuutu jira: “Kadhaan,dhuka ibaadaati”

G 18:Sodaan ibaadaa ta’u irratti ragaan maali?

D:Ragaan soda jecha Rabbii ol ta’eeti: “Isaan hin sodaatinaa!yoo mu’umintoota taatan anuma soda dhaa”(Aali Imraan:175)

AHadiisa keessattiis akkana jechuutu jira: “Kadhaan,dhuka ibaadaati”

G 18:Sodaan ibaadaa ta’u irratti ragaan maali?

D:Ragaan soda jecha Rabbii ol ta’eeti: “Isaan hin sodaatinaa!yoo mu’umintoota taatan anuma soda dhaa”(Aali Imraan:175)

G 19:Kajeellaan ibaadaaa ta’uu irratti raga maali?

D:Ragaan kajeellaa jecha Rabbii ol ta’eetii: “Namni Rabbii isaa qunnamuu kajeela,hujii baeedaa haa hojjatuu,ibaadaa Gooftaa isaa keessatti waan tokkollee hin dabalin.”(Al khaf:110)

G20:Hirkatuun ibaadaa ta’u irratti ragaan maali?

D:Ragaan jecha Rabbii ol ta’eeti: “Rabbuma qofa irratti yoo mu’umintoota taatan hirkadhaa!” Boqonnaa Almaa’idaa:23,Ammaas jecha Rabbiiti: “Namni Rabbi irratti hirkate,innuu numa ga’aaf.”(Suuratuxxalaaq:3)

G21:Kajeellaa,sodaa fi naamusni ibaadaa ta’uu irratti ragaan maali?

D:Ragaan isaa jecha Rabbi ol ta’eeti: “Isaan sun toltuu keessatti fuula duratti deemuu turan;kajeellaa fi sodaan nu waammatan,naamusa Nuuf qabaatuu turan.” Boqonnaa (Al anbiyaa:90)

G22:Khashyaan ibaadaa ta’uu irratti ragaan maali?

D:Ragaan khashyaa jecha Rabbii ol ta’eeti: “Isaan hin sodaatinaa anuma sodaadhaa.”(Boqonnaa ALbaqaraa:150)

G23:Ragaan toowbaan ibaadaa ta’uudhaa maali?

D:Ragaa isaa jecha Rabbiiti: “Gara Gooftaa keessanii deebi’aa,Isa jala butamaa.”(Suuraa Azzumar:54)

G 24:Ragaan gargaarsa barbaachuu ibaadaa ta’uu dhaa maali?

D:Ragaa isaa jecha Rabbi ol ta’eeti: “Suma qofa gabbara,suma qofa gargaarsifannaas.”(Suuraa Faatihaa:5)

Ammas hadiisa keessatti akkana jechuutu jira: “Yeroo gargaarsa barbaaddae,Rabbumaan gargaarsifatuu barbaadi,”Ahmad,Tirmiizii

G25:Tika barbaaduun ibaadaa ta’ui irrati ragaan maali?

D:Ragaan isaa jecha Rabbiiti: “Yaa Muhammad! “Gooftaa nama uumeeniin tikfama,”jedhi”(Suuratu Annas:1)

G26:Ragaan dirmachuu barbaaduun ibaadaa ta’uu dhaa maali?

D:Ragaan saani jecha Rabbiiti: “Yaa Ergamaa!yeroo Gooftaa keessan irra birmachuu barbaaddanii,isiniif owwaate san,’yaadadhu.”(Al anfaal:9)

G27:Qaluun ibaadaa ta’u irraati ragaan maali?

D:Ragaan isaa jecha Rabbiiti: “Yaa Muhammad!Akkana jedhi:salaanni kiyya,qaluun kiyya,jiruun kiyyaa fi du’uu kiyyaas Rabbii,Gooftaa Aalamaa ta’eefi.shariikni Isaaf hin taane.Isa tokkichoomsuu sanittiin ajaajamee,muslimtoota ummata kanaa irraa ani jalqaba.”

Hadiisa irraayiis: “Nama waan Rabbbii malee jiruuf qale,Rabbii rahmata Isaa irraa haa fageessu!”Muslim:(1978)

G28:Ragaan qodhaan ibaadaa ta’uu dhaa maali?

D:Ragaan qodhaa jecha Rabbiiti “Isaan qodhaa ni guutan,ammaas guyyaa humtuun faca’aa ta’e saniis ni sodaatan,”(Suuratul-Insaan:7)

G29:Bu’urri lammaffaa maali?

D:Bu’uurri lammaffaa:Gabrichi ammantii islaamaa ragootaan beekuu dha

30;Diinal islaam hiika isaa ibsi?

D;Rabbii tokkichoomsanii,itti of kennuu,ajaja isa jala butamuu,shirkiifi warra isii irraas qulqullaawuudha.

G31;Sadarkaaleen diinal-islaam meeqa?

D;Inni sadarkaalee sadi qaba.

G32;Sadarkaaleen sadeen sun maali?

D;Islaamummaa,Iimaanaafi Ihsaanaa dha.sadarkaaleen hundinuu rogoota mataa isaanii qabu

G33 Sadarkaan tokkoffaa maali?

D; Sadarkan tokkoffan islaamummaadha.

G34;Rogoonni islaamummaa maali?

D;Rogooni islaamummaa shani.

G35;Rogooni sun maali?

D;Dhugaan gabbaramaan Rabbii malee hin jiruu fi Muhammadiis ergamaa Rabbii ta’uu raga ba’uu, salaata sirritti sagaduu,zakaa kennu,ji’a Ramadaanaa soomanuu fi mana kaba jamaa ta’e san hamiluu dha(hajji godhuu dha).

G36;Ragaa shahaada himi?

D;Ragaan isii jecha Rabbii olta’eet i; Dhugaan gabbaramaan Isa malee akka hin jirre Rabbiin raga bahe, Malaykotaa fi warri beekumsa qabaniis raga bahaniiru.Dhugaan dhaabbataa haala ta’een. Dhugaan gabbaramaan isa malee hin jiru,Inni injifataa ogeessa;(suuraa Ali Imraan;13)

G37;Hiikaan gabbaramaan dhuga Rabbi malee hin jiruu maali?

D;Hiikaan isii; Inni dhugaan gabbaramu Rabbii malee hin jiruu Isii keessa dhabamsiisaa fi mirkaneessuutu jira; Daagaan dhabamsiisuu dhaa’’Dhugaann gabbaramaan hin jiru’’dha, wanta Rabbiin alatti gabbaramu hunda ni dhabamsiisa.’’Rabbi malee’’jechuun;Ibaadaa Rabbumaa qofaaf,mirkaneessu,Rabbiin akkuma mootammaa Isaa keessatti hiriyaa hin qabne,Ibaadaa Isaa keessattiis hiriyaa hin qabuu dha,

G38;Hiikaan shahaadaa,kan isii ibsu maali?

D;Wanti isii ibsu jecha Rabbii ol ta’eeti;’’yaa Muhammad! Yeroo Ibraahiim abbaa isaatii fi ummata isaatii akkana jedhe san (dubbadhu);Ani waan isin gabbartan irraa qulqulluudha.Isa ana uume malee, Inni fuul dura ana qajeelcha.Isii tana jecha isa booda haftu godhe, akka deebi’aniif’’(Suuratul Zakhraf;26-28)

Ammaas jecha Rabbii ol ta’eeti; yaa Muhammnad!akkana jedhi;yaa abbootii kitaabaa! Gara jecha nuufii isinittiis wal qixa ta’ee kootta.(Isiin sun)Rabbi malee gabbaruu dhabu,Isatti waan biraa qixxeessuu dhabu, gariin keenyaas garii Rabbii achitti gabbaramoota godhatuu dabuu dha.yoo garagalan,nuti muslimtoota ta’uu raga tahaa !jedhaan’’(Aali-Imraan;64)

G39;Ragaan Muhammad ergamaa Rabbii tauu dhaa maali?

D;Ragaan inni ergamaa Rabbii ta’uudhaa, jecha Rabbii olta’eeti;Dhugumatti,ergamaan iinuma irra ta’e, isin rakkatuun kan itti cimu,qajeeluu keessan irratti bololaa(hawwaa)kan ta’e,mu’umintootaaf rifataa ,rahmata godhaa kan ta’e isinitti dhufeera.(suuratu attowbaa:128)

G;40;Mahammad ergaamaa Rabbiiti jechuun maali?

D; Hikkaan isaa;waan inni ajaje keessatti ajajaa isaa godhuu,waan inni hime keessatti isa dhugoomsitee, waan inni dhoorge irraa fagaatuu dha.Waan inni karaa godheen malee Rabbiin gabbaramuu dhabuu dha.

G41;Ragaan salaataa,Zakaa fi hiikkaan towhiidaas maali?

D;Ragaan isaanii jecha Rabbii ol ta’eeti;’’Qajeeloo ta’anii, ibaadaa isaa qulqulleessanii Rabbi gabbarutti maalee salaata sirri tti sagadutti malee, zakeess kennaatutti malee hin ajajamne.saniitu amantiiti (suuratu bayyinaah;5)

G42: Ragaan Soomanaa maali?

D: Ragaan Soomanaa jecha Rabbii ol ta’eeti:” Yaa warraamantan! Soomanni akka warra isiniin duraa irratti murteeffametti, isin irrattiis murteeffamee jira,akka Rabbi sodaattaniif.” (suuratul Baqaraa:183)

G43:Ragaan Hajjii maali?

D: Ragaan hajji jecha Rabbii ti:”Namoota sinqii danda’e ka’abaa haja’uun dirqama Rabbiif isaan irratti jiru. Nama didees Rabbiin aalamtoota irraa dureessa.”(Aali Imraan:97)

G44: Sadarkaan lammaffaahoo maali?

D: Sadarkaan lammaffaa: iimaana, inni dameelee torbaatamii fi wahi. Dameelee san irraa tan irraa olii; dhugaan gabbaramaan Rabbi malee hin jiruu dha. Tan irraa gadii immoo waan nama rakkisu karaarraa kaasuu dha. Saalfatuuniis dame iimaanaa irraahi.

G45: Rogootni iimaanaa meeqa?

D: Rogootni iimaanaa jaha.

G46: Rogootni sunniin maal faadha?

D: Rabbitti amanuu,Malaykota Isaattiis amanuu,kitaabban Isaattiis amanuu,Ergamtoota Isaattiis amanuu,Guyyaa Aakhiraattiis, qadarattiis; hamtuu fi toltuu isaatti amanuu dha.

G47:Rogoota jahan kana irratti ragaan maali?

D:Rogoota jahan kana irratti ragaan jecha Rabbiiti:”Fuula keessan kallattii bahaa fi lixaatti gara galchuun toltuu miti. Garuu toltuun (hujii) nama Rabbitti,guyyaa aakhiraatti,Malaykotatti, kitaabatti fi Nabiyyootatti amaneeti.”(Albaqaraa:177)

Ragaan qadaraa immoo jecha Rabbiiti:”Nuti waan hunda qixa sirrii ta’een uumne.”( Al qamar:49)

G48: Sadarkaan sadaffaa maali?

D: Sadarkaan sadaffaan:Ihsaana.

G49: Rogootni Ihsaanaa meeqa?

D: Roga tokkoo dha. Inniis:”Akka waan agartuutti Rabbi gabbaruudha. Yoo ati arguu baattees Isaatu si argaa.”

G50: Roga kana irratti ragaan maali?

D: Ragaan jecha Rabbiiti:”Rabbiin warra isa sodaatu wajjiin jira,warra toltuu hojjatanii waliin jira.”, Ammaas jecha Rabbiiti:”Rabbi injifataa, rahmata godhaa ta’e irratti irkadhu. Yeroo ati dhaabbattu kan si argu. Warra sujuudu wajjiin gara gaggaluu keetiis kan si argu. Inni isumaatu dhagayaa,beekaa dha.”(Ashu’araa’i:217:220)

Ammaas jecha Rabbiiti:”Waan takkallee keessatti hin taatu; waan saniis Qur’aana irraa hin dubbiftu, hujii tokkollee hin hojjattan, yeroo isin keessa galtan ragaa isin irratti taanu malee hin taane.” (Yuunus:61)

G51: Sadarkaalee diin san irratti hadiisa irraa ragaa fidi?

D: Hadiisa irraa ragaan hadiisa Jibriil beekkamaa sani. Umar Binul Khaxxaab(R.A) irraa gabaafamee, akkana jedhe: odoo nuti Nabiyyicha(SAW) waliin taa’aa jirruu gurbaan huccuun isaa adii, rifeensi isaa akkaan gurraachaa, kan mallattoon imaltuu isarraa hin mullanne,nurraa kani nam-tokkolleen isa hin beekne tokkoo nurratti mullatee, gara Nabiyyichaa(SAW) achi goree gad taa’e, Jilba isaa lamaan gara jilba lamaan Ergamaa(SAW) harkisee, sanacha isaa lamaan tafa isaa lamaan irra kaayyatee, Yaa Muhammad(SAW)! Islaamummaa irraa naaf himi, jedhee, gaafannaan, Nabiyyichi(SAW) akkana jedheen:”Dhugaan gabbaramaan Rabbi malee hin jiruu raga bahuu,Muhammadiis Ergamaa Rabbii ta’uu raga bahuu dha, salaata sirritti dhaabuu dha, Zakaa kennuu dha,Ramadaan soomanuu dha, ka’abaa ziyaaruu dha,garas deemuu dha yoo dandeettii qabaatte. Dhugaa jette jedheen. Ifumaa gaafatee, dhugoomsaa,jennee dinqisiifanne . Ammaas, waa’ee iimaanaa irraa naaf himi,jedhee gaafannaan, akkana jedhan:”Rabbitti amanuu, malaykota Isaattiis, kitaabota Isaattiis,Ergamtoota Isaattiis,guyyaa boodaattiis amanuu dha. Toltuu fi hamtuu qadaraattiis amanuu dha”. Akkana jennaan, dhuguma dubbatte jedheenii,ammaas waa’ee ihsaanaa irraa naaf odeessi jedhee gaafannaan, akkana jedheen:”Akkuma waan agartuutti Rabbi gabbaruudha. Yoo ati Isa arguu baattees, Isaatu si argaa.” Ammaas qiyaamaa irraa naaf odeessi jedhee, gaafannaan,akkana jedhe:”Ani gaafatamaan si gaafataa irra beekaa miti. Eegasiifuu mallattoolee isiitirraa naaf himi jedhee gaafate. Ergamaan(SAW) akkana jedheen: Gabrittiin goftaa isii dhaluu,namoota kophee hin qabne,kan qaama irraa huccuu hin qabne, harka qalleeyyii tikistee re’ee kan ta’an isaanii jaarmaya keessatti wal dorgoman arguu dha.” Umar akkana jedhe: Gurbaan ni deeme, guyyoota muraasa ni turre, achii booda Ergamaan(SAW) akkana jedhe:”Yaa Umar! Gaafataa san nama inni ta’e ni beektaa?” jennaan, nutiis: Rabbumaa fi Ergamaa Isaatu beeka jennee deebifnaan, akkana jedhe:Inni sun Jibriili,waa’ee amantii keessanii isin barsiisuuf isinitti dhufe.” Muslimiitu gabaase(8)

G52: Hundeelee sadeen irraa hundeen sadaffaa, tan gabricha irratti isii beekuun dirqamaa sun maali?

D: Hundeen sadaffaa: Nabiyyicha keessan Muhammad(SAW) beekuu dha. Inni Muhammad Abdallaah, Abdul Muxxalib, Haashim;Haashim Qureeshii irraayi,Qureeshiin Araboota irraa yoo taatu, Arabni immoo ilmaaan Ismaa’il Ibraahiim irraayi,nagayaa fi rahmanni isaa fi Nabiyyicha keenya irratti haa jiraatu!

G53: Umriin isaa hangam ture?

D: Umrii isaa waggaa jahatamii fi sadi ture;isii irraa afurtama nabiyyummaan dura dabarse, digdamii sadi immoo nabiyyummaa keessatti dabarse. Suuraa Iqraa’iin nabiyyii godhame,suuraa Almuddassiriin ni ergame, biyti isaa makka.

G54: Nabi Muhaammad maaliin ergame?

D: Shirkii irraa nama baqachiisee, gara toohidaatti yaamuudhaan ergame.

G55:Waan kana irratti ragaan maali?

D: Ragaan jecha Rabbiiti:”Yaa huccu mammarataa! Ka’ii namaaf dinniini. Rabbii kee guddisi. Uffata kee qulqulleeffadhu. Taabota gabbaruu irraa fagaadhu. Guddoo barbaaduuf xiqqoo hin arjoomin. Goftaa keetiif obsi.”

G56: Hiikkaan jecha “Qum fa anzir” jedhuu maali?

D: Hiikkaan isaa shirkii irraa dinniini,gara tokkummaa Rabbiitti nama waami jechuu dha.

G57: Hiikkaan Rabbii kee guddisi jedhu maala jechuudha?

D: Isa tokkichoomsuudhaan guddisi.

G58: Hiikkaan”huccuu kee qulqulleeffadhu” jedhu maali?

D: Hujiilee kee shirkii irraa qulqulleessi jechuu dha.

G59: Hiikkaan “Taabota irraa fagaadhu” jedhu maali?

D: Taabotaa fi namoota isa gabbaru irraa qulqullaa’uu dha.

G60: Gara Towhidaa yaamuu irra nabiyyichi hangam ture?

D: Waggaa kudhan gara towhidaa yaamee, ergasii gara samii isaan ol bahamee, salaatni shaman isa irratti dirqama godhame.

G61: Makkatti Nabiyyichi (SAW) salaata hangam salaate?

D: Makkatti waggaa sadi salaate, ergasii gara Madiinaa godaanutti ajajame.

G62: Hijiraa jechuun maal jechuu dha?

D: Hijiraa jechuun biyya shirkii irraa gara biyya islaamaa deeemuu,godaanuu dha. Biyya shirkii irraa gara biyya islaamaa godaanuun ummata kana irratti dirqama. Isiin hanga qiyaamaan taatutti ni jiraatti.

G63: Ragaan waan kanaa maali?

D: Ragaan jecha Rabbiiti:”warra biyya shirkii keessa jiraatuun lubbuu isaanii miidhanii,malaaykonni guyyaa Badrii isaan ajjeesan,maal keessa turtan isaaniin jedhan , biyya makkaa keessatti hacuucamnee turre, jedhanii yeroo isaan deebisaa godhan, akkana jedhaniin: Dachiin Rabbii balloo dha. Keessaa hin godaantanii? Isaan san galoon isaanii jahannami, bakka itti deemen ta’uuf waa hammaattee. Dhiira, dubartootaa fi ijoollee irraa warra lallaafoo,tooftaa baasuuf I karaatti warra hin qajeelle malee. Isaan san Rabbiin isaaniif irra darbuun ni kajeelama,Rabbii irra darbaa, araaramaa ta’e.” (Annisaa’i)

Ammaas ragaan jecha Rabbiiti:”Yaa gabroota kiyya kan amantan! Dachiin tiyya balloo dha, anuma gabbaraa!”(Al ankabuut:56)

Baghawiin Rabbi rahmata isaaf haa godhuu! Akkana jedhe:”sababaan aayanni olii tun buuteef ,muslimtoota makka keessa turan, kan hin godaanin, Rabbiin maqaa iimaanaatiin isaan waame.”

G64: Hadiisa irraa godaanuu irratti ragaan maaltu jira?

D: Hadiisa irraa godaanuu irratti ragaan, jecha Ergamaati(SAW):”Godaanuun hin dhaabbattu hanga towbaan dhaabbattutti. Towbaan hin dhaabbattu hanga biiftuun lixa isii irraan ol baatutti.” Ahmad,Abuu Daawud, Albaanii

G65: Eega Nabiyyichi(SAW ) Madiinatti galee shari’aa irraa waan itti guutame dubbadhu?

D: Yeroo Madiinaa qubatu, shari’aa Islaamaa irraa waan hafetti ajajame;fakkeenyaaf: zakaa, sooma, hajji,azaana,, jihaada,toltutti ajajuu fi hamtuu irraa dhoorguu fi shari’aa irraa wantoota kana fakkaatanitti ajajame.

G66: Madiinatti Nabiyyichi (SAW) hangam takka amantii geggeessaa ture?

D: Waan kana irra waggaa kudhan ture, Ergamaan (SAW) odoo diin isaa lafa irratti ummata jiddutti hafee jiruu du’e. kan nu keessa jiru kunuu diin isaati. Toltuu takkallee ummata isaa irratti qajeelchu malee, hamtuu takkallee irraa baqachiisu malee hin dhiifne.

G67: Irra guddaan kheeyrii Ergamaa(SAW) ummata itti ajajee maali?

D: Toltuun inni ummata itti qajeelche: Towhidaa fi waan Rabbiin jaalatu hunda.

G68: Irra guddaan hamtuu Nabiyyichi(SAW) ummata irraa baqachiisee maali?

D: Hamtuun inni irraa baqachiise, shirkii fi waan Rabbiin jibbu hunda.

G69: Ergamuun Nabiyyichaa(SAW) hanga muraasatti moo , ummata hundatti?

D: Rabbiin isa gara nama hundaatti erge. Ajaja isaa godhuun warra dachii keessa jiraatan; jinni fi nama irrattiis dirqama godhe.

G70: Ergamuun Nabiyyichaa nama hundatti ta’uu raga fidi?

D: Ragaan jecha Rabbiiti:”Yaa Muhammad! Jedhi: Yaa nama! Ani gara isin hundaatiin ergame.”(Al a’araaf:158)

G 71:Amantiin ergamuu Nabiyyichaatiin guutamtee?

D:Rabbiin isaan amantii guute.

G 72: Diin guutamee jiraatuu irraatti ragan maali?

D: Ragaan jechaa Rabbiti:”har’a diin keessaan isini guutetiin jira, godhii tiyyaas isinii xumureera, amantiifis islaammumaan isiinif jaalla dhe.”(Almaa’idaa:3)

G 73:Ergaaman Rabbi(S.A.W)du’uu irraatti ragaan maali?

D:Ragaan jecha Rabbiiti:”Ati ni duuta, isaanis ni du,u. Ergasii guyyaa qiyyaama Gooftaa keessan biratti wal mormuuf jirtu.”(Azzumar:30,3)

G 74:Namni erga du’e booda garam deema?

D:Namoonni yeroo du’an ni kaafamu.

G 75:Kaafamu irraatti ragaan maali?

D:Ragaan jecha Rabbiiti:”Dachii irraa isin umnee, isii keessatti isin deebifna, yeroo biraas isuma irra isin baafna.”(Xaaha:55)

Ammaas jecha Rabbiiti:”Rabbii irraa uuminsa isin uume, isii keessatti isiin deebifna ; ergaasi isi keessatti isin deebise, baasinsa isi keessa isin baasa.”

G 76: Erga ka’anis maaltu argama?

D:Erga ka’insaatii qoratamanii,hujii isaani galata galfamu.

G77: waaan sann irratti raga dubbadhu?

D: ragaan jecha rabbiiti:”waan samii torbanii fi dachii keessaa rabbumaafi,warra balleesssan waan isaan hojjatan galata galchee fi warra toltuu hojjataniis gaarii akka galata galchuuf.”(annajm:31)

G78: murtiin nama kaafamuu kijibsiisee maali?

D: namni kaafamuu sobsiise ni kafara.

G79: waan kana irratti ragaan maali?

D: ragaan jecha rabbiiti:”isaan kafaran hin kaafamnuu yaadan. Lakkii, rabbitti kakadhe! Kaafamtaniiti,waan hojjattan galata galafamtu. Sun rabbi irratti laafaa dha.(attaghaabun:7)

”

G80: Rabbi maaliif ergamtoota erge?

D: Rabbi ergamtoota hunda gammachiisoo fi sodaachisoo godhee, erge.

G81: Ragaa kanaa maali?

D: Ragaan jecha Rabbiiti:”Ergamtoota, gammachiisoo fi sodaachisoo goonee, ergine. Ilma namaatiif eega ergamtoota itti Rabbi irratti wanni himatan akka hin taaneef ergine.”(Annisaa’i:165)

G82: Ergamaa jalqabaa eenyu; kan xumuraa hoo eenyu?

D: Jalqabani ergamtootaa Nuuh yoo ta’u;xumurri isaanii immoo Muhammad (SAW) ta’a.

G83: Ragaan waan kana irratti maali?

D: Nabi Nuuhjalqaba isaanii ta’uu irratti ragaan jecha Rabbiiti:” Nuti gara kee,akka gara Nuuhii fi nabiyyoota isaan boodaatti wahyii (beeksisa) goonetti gooneerra.”(Annisaa’i:163)

G84: Ummata hunda ergamaan itti ergamee jiraa?

D: Ummata hunda Rabbiin ergamaa nuuh irraa kaasee hanga Muhammad(SAW) itti ergeera.

G85: Ergamaan sun maalitti ajaja?

D: Rabbuma qofa gabbarutti isaan ajajeeti, taabota gabbaruu irraa isaan dhoorga.

G86:Ragaan waan sanaa maali?

D: Ragaan jecha Rabbiiti:”Rabbiin kakadhe! Dhugumatti,ummata hunda keessa Rabbi gabbaraa, taabota gabbaruu irraa fagaadhaa jechuun ergamaa ergine.” (Annahli:36)

G87: Wanni Rabbiin gabroota hunda irratti dirqama godhe maali?

D: Taabotatti kafaranii,Rabbitti amanuu dha.

G88: Xaaghuuta jechuun maali?

D: Ibnul Qayyim Rabbi rahmata isaaf haa godhuu akkana jedhe: “Xaaghuutni: waanuma gabrichi daangaan dabre; gabbaramaa yooknaan hordofamaa yookaan ajaja godhamaa irraa kan taee dha.”

G89: Xaaghuutonni hangami?

D:Xaaghuutonni baay’eedha; matootiin isaanii shani:Ibliis-abarsi Rabbii isa irratti haa bu’u, nama akka isa gabbaran jaalatuu dhaan gabbarame, nama isa gabbarutti nama waame, nama waan fagootiin beekaa himatee fi nama wanta Rabbiin buuseen alatti murtii kennee dha.

G90: waan san irratti ragaan maali?

D: Ragaan jecha Rabbiiti:”Amantii ISlaamaa keessa dirqiin nama naquun hin jiru, qajeelloon jallina irraa adda bahee jira. Namni taabotatti kafaree,Rabbitti amane dhugumaan fannoo jabduu, hin cinne qabate;Rabbiin dhagayaa, beekaa dha.”(Al-Baqaraah:256)

Hiikaan dhugaan gabbaramaan Rabbi malee hin jiruudhaa isuma kana.

Ammaas hadiisa keessatti akka armaan gadii kanaatu jira:

“Mataan diin Islaamummaa dha,utubaan isaas Salaata, fiixni dalluu (gooba) isaas karaa Rabbiif qabsaawuu dha.” Tirmizii (2616) bareedaa, qulqulluu dha jedhee gabaase.

Rabbumaatu akkaan beekaa dha. Rabbiin rahmata Muhammad, maatii isaa fi sahaabota isaa irratti haa buusu, nagayaas

1 note · View note

ali971403-blog · 4 months

Text

Duula Bilisummaa Sirna Gadaa Jalatti

Keessumatti, bara 1270 (bara ka’umsa Yukuno Amlaak) irraa eegalee hanga dhumaa jaarraa 15ffaatti Oromoon dhiibbaa fi roorroo humnoota Kiristaana fi Islaamaa jala akka ture ragooleen ni ibsu. Roorroo kana ittisuurratti gootota fi hayyoota hedduutu wareegame, kanarraan kan ka’e sabni Oromoo walakaansaa manaa fi biyya abbaa ofii gadi-lakkisee waan qabu fudhatee gara kibbaa fi bahaatti godaane.…

View On WordPress

0 notes

usmetube · 5 months

Text

Muudannoofi muuxannoo hawaasni tokko haala jiruufi jireenya keessatti muudatu

namaa Addunyaa keessatti kaasee kan muulisuudha.Muudannoofi muuxannoo hawaasni tokko haala jiruufi jireenya keessatti muudatu muulisuuf sammuu barreessaa keessatti kalaqamee waraqaarratti muulata. Dubbistoonnis haala san irraa muuxannoo isaanii yaadatu Akka yaada kanaatti, Asoosamni buuurri isaa hawaasa keessaa taee,kan inni seenessu gaarummaafi mudaa hawaasaa baasee bifa barruun kan dhiyeessu…

View On WordPress

0 notes

abdiisabaamedia05 · 6 months

Text

Nabiyyullaha Zakariya

Xumara nabiyyoota gahaa jira fakkaata. seenoota darban dinqiilee adda addaa kan ajaa’ibamaadi tokkoon isaa wal hin fakkaane rabbiin agarsiisaa bahe. garii ummata ajaja fudhachun qajeelfaman.kaan haarki caalaan gantuu tahe dallansuun dhabamsiisee.

Dhabamsiisuu qofaan yoom dhaabe. wanti hojjatan cufti barreeffamee jira guyyaa booda ni kaafnaan kakatee.

Lafa kana’aan ummanni israa’iil nabiyyiin goolabamuu arkachuuf deemti.

Nabiyyootan bakka wal buusaa kitaaba guddaa tewraatin bulaa rabbii kophummaan gabbaraa jiran.

Yeroon zamanaa Namani tokkoo zamana kana seeraa bulmaata tewraatin dalagaa raawwaacha jiru. Innis raawwachisu kessaa nabiyyullaha zakariyaa ja’aama.

Barsiitoota tewarat beytuul qudis kessatti barsiisan kessaa tokko zakaariya yeroo tahuu seera rabbii tawuurat sirrii dhaan rawwachuuf hundarra caaluu isaan qixxaatu hinjiru.

Nabiyyullaha zakaariyaan bakka bu’aa mana amntaa tajaaliilaa qajeelfaalee seeraa hogguu ummataaf barsiisuun jiraatan.

Bulchiinsaa mootoota kessatti seeroota tawraat luubaa(qeesii) dirqisiisun akka isaanii tooluun shaaraa kan haafee cufti haala gaariin deemaa jira.

Mootootan wal qabatee luubooni abbooni amantaa mootoota biraan jaalatamuuf jecha tawuurat shaaruuf yaalii godhu barbaadan zakaariyan dhowwuufi eguun beekkamaa. kanaafis zakariyaf ilaalcha haama qabaniif.

Haaluma kanaan tawuurat osoo hin ida'amiin hin hir’atiin waggaa dheeraaf iluuba (qeesii) kokkee wajjin wal qabaa zakariyaan waggaa dheera waliin deemee jira

Amma dulloomiina kan ka’ee mudhiin tulluu taatee jirtii.

Umriin nanawwaa sagaltamoota darbee dadhabun mul’achaa jira.

Haata’u garuu qaamni dadhabuun gara mana amntaa deddeebi’aa tajaajiluu hin dhowwinee.

Barsiisaa luuba olaana beekaan abbaan maryam Imraan garoominaan beekamuu zakariyaa wajji saahiibaz michuu jabaa tuan..

Michuun zakariyaa Imraan adunyaa galan. Yeroo du'uu luuboonni (qeesiin) kabajaa jaalalan isaaf qabaniirra intala daa’ima mariyam guddisuuf morkii seenuu egalan.

Dhumarratti cufti qeesii zakariyaa ida’aate mariyam guddisuuf carraa baasan.

Carraan baanan guddisaan mariyam jaarsa haboo isii zakariya tahe arkame.

Jaartiin zakariyaa haadha mariyamiif obboolleetti guddoo isiiti.

Haadha maryamiif waada seeneefi zakariyaan kaayyoo guddisuu qabaatuus himeefi gaafatamummaa fudhatee mooraa beytul maqdes kaayamte,

Manguddoon zakariyaan hoojii ogeessa najjaaraa bobba'un qarshii arkatanin jiraatan.

Halkanii guyyaa beytel meqdas hogguu yeroo deemu mariyam laaluf daddeeb'ia daawwataa.

Gaafa tokko mariyam daawwachuuf kutaa mana jireenyaa seenuu mariyam maddi(ciinaa) lafa iyeerusalam hin jirrefi waqtiin hin geenye nuduraa jiraachuu arkee hedduu aja’ibee.

Zakariyaa :-" Muduraalee kana essaa arkattee mariyam ? "je’ee gaafatee.

Mariyam :-"Rabbii biraa hi. rabbiin ka feedhef wasanaan malee razaqa "jechuun deebiisteef.

Tana dhagahuun zakariyaan miira adda dhaga’amuu egalee. Zamana dheeraa niyyaan qabate garuu yaachisaa kan ture amma haaraatti arkameef.

Laguu dhigaa yeroon agartee jaartiin waggoota hedduu darbee jiraa. Zakariyaanis umriin deemee arriin arrawee dhaluuf hin caarroomne kanaafis cinqamaa ture. Arra afaan mariyam haasawa dhaga'een jabina sammuu fiiddeefi ijji haguuggamee jiru irraa banamtee.

Bakka gabbarii deemee halkan tokko zakariyaan mihraaba gubbaa dhaabbatee gama samii ol qaban akkuma bakka salaata dhaabateen.

Zakariyaa:-“Goofta koo! ani lafeen kiyya dadhabee. mataan kiyya arriin arraawee. (hogguu) carraa dhabaa hintaane. aniis duuba kiyyaa firoottan kiyya dhugumatti sodaadhee. jaartiin tiyya masheenaa. kanaafuu siihi biraa ilma naaf kennii.” je’ee rabbii kadhate.

Kadhannaa kanaan wal qabatee melykaan zakariyaa yaamee

Meelykaan(Jibriil):-“ Yahyaa jecha rabbiirra taheen ka mirkanaa’ee…..nabiyyoota gagaarii tahen oduu baredduu siin gammachisa rabbiin .” je’een

Haata’uu garuu zakariyaan gaafii gaaftee deebii argateen aja’ibamee jira.

Zakariyaa:-"Yaa rabbii! ani dulloomiinni narraan gahee jaartiin tiyyas masheena taatee akkamiin ilmoo qabaadha.” je’een.

Gooftaan:-" ammaan dura humaa kan hin turre sii umee tahee, inni anaratti laafa dha.”je’een

Zakariya :-"Yaa rabbii koo! anaa mallattoo naaf goodhii "je'e.

Jibriil :-"Mallattoon kee guyyaa sadii ummata hin dubbisutu eeruun malee.”jechuun deebiseef.

Mallattoo yeroo gahee fayyaa osoo qabuu afaan cufamnaan oduun haara ja’aame gahuu beekee. Dhugumatti afaan cufamnaan kaayyoonis dhugaa tahuu hubatee

Kanaaf ummata wajjiin walii galuu hin dandeenyee mallattoon eeruun qaama sochoosuun wali hubata.

Jecha rabbi yaadachuuf rabbii akka faarsuu jabeessee waqtii halkanifi ganamaa ibaadaa gabbaruu dabarse.

Goofta rahamataafi dandentiin wasana hin qabnee allaha zakariyaafi dhaluu hin dandeenyefi jaartii masheena taatee ilma angafaa hin qabnee mucaa arkatan.

Waada rabbiin seeneen ilma maqaan yahyaa ja’amuu ilma dhira arkatee zakariyaan abbaa tahee.

zakariyaan mucaa isaa yahyaa sirna guddinaa tarbiyaa safuu qabun guddiisee.

Seera kitaaba tewraat yahyaan kan murteessuu tahee osoo jiruu umrii waggaa 30 yeroo guutu ergamaa tahuu rabbiirraa badhaafamee.

Kutaan ittii Anu Nabiyyullaha Yaahya (a.s) itti fufa………

ﺍﻟﻘﺮﺀﺍﻥ ﺍﻟﻜﺮﻳﻢ

________________________________________________

#AdnanOs

1 note · View note

oropageshow · 8 months

Text

Akkam Jirtan Nagaa Keessanii Baga Nagaan Gara Blogii kiyyaa Dhuftanii 🙏 Anaa Dhufuun Jedha👇👇

Bloogii kana follow taasiftee Booda Odeeffannoo Barbaadde Hunda Ni Argattu Linkii Jiru Hunda Qunamuun Irraa fayyadamaa ❤️

View On WordPress

#Motivation

1 note · View note

gopride · 8 months

Text

CDC

Dhukkuba HIV/AIDS HIV/AIDS’n maali?HIV/AIDS’n dhukkuba vaayrasii gosa RNAtiin nama qabuudha. Dhukkubichi akka dhukkuboota daddarbaa warra kaanitti umrii isaatiin buulessa ta’uu baatullee biyya keenya Itoophiyaa keessatti erga bara 1984 yeroo jalqabaatiif argame irraa kaasee rakkoo fayyaa hawaasaa ta’uurra darbee, rakkoo hawaasummaa,diinagdee,xiinsammuu fi kkf ta’uudhan biyyaa fi lammiilee…

View On WordPress

#Dhukkuboota daddarbaa

0 notes

aanolee-blog · 8 months

Text

"SIRNA GADAA SHAAKALUUN, TOKKUMMAA QABSAA'OTAAS TA'E UUMMATA OROMIYAATIIF SI'EESSITUU DHA!" Booji’aa Caaliitin

“SIRNA GADAA SHAAKALUUN, TOKKUMMAA QABSAA’OTAAS TA’E UUMMATA OROMIYAATIIF SI’EESSITUU DHA!” Qabsoon Walabummaa Oromiyaa, qabsoo carroomtuu dha. Akka Biyyoonni biroo xumura qabsoo isaanii irratti Sirna ittiin bulmaataa ijaarratan sana, qabsoon Oromiyaa garuu yaaddoo sanaa hin qabu. Sirna Oromoon ganama tumatee lafaa qabu, kan dii-nni dii-ge deebisee ijaarrachuu qofatu irraa barbaadama. Oromoon,…

View On WordPress

0 notes

444names · 9 months

Text

Names generated from Tolkienesque, Irish and backwards Finnish forenames

Abhiryonor Adher Adorogerr Adriú Aelylenait Aidha Aisil Aislia Aithráil Aitto Ajiak Ajiarahac Ajlihing Ajlin Ajrastríon Ajrekken Ajrin Ajryt Akkeroph Akkie Akkim Akkinn Akklimë Allotlaing Amacal Amhán Amhóna Amiil Amronalinm Anair Andach Andubhghua Andubhla Anehtam Aniinéan Anlein Annca Antam Aodhóg Aoimean Aominil Aomronn Aomáinn Aorod Aphala Arahe Araighâl Aranmhe Arathéodh Argonwë Argor Arionwë Arman Armarag Arnathron Aropal Aroprimlo Arothir Arvin Aslethmou Atach Atamous Atania Atarmfhírd Atelm Athyat Atiri Auglirion Avret Azoghannor Azoghil Azogán...

Badhnen Bainn Barvee Baráith Beartha Belli Berna Beron Beruaneh Berúmhóg Blanán Bluas Bolch Bolchague Bolór Bomhg Bomórwen Brearavred Breth Brignortúr Brinn Bripaa Bréar Brórl Brórwenn Bóiseor Cairee Calihrás Calmot Calsakkri Caodh Caoibh Caoir Caois Caolach Caomhuorl Carómiamh Ceach Ceagontar Cearr Celmak Celomha Celyylyk Cemmait Cilimhna Cilmë Cionuaitha Cláthil Coibhagan Coilend Coilínearm Coinn Coirgunua Colcall Coldil Comirind Conail Condrath Conia Conneth Conuanaith Conuu Cuathghse Cuirse Cyrios Cúmirse Dagdubhón Dalla Dandir Dannaa Deach Dendil Dengel Diluil Donnla Doronn Doroonáin Doroth Dowmach Drahunua Dretholwin Dufthaeg Dwalach Dwarbh Déodh Dómenwë Eamhán Earannaak Eidendir Eidra Eigna Eimean Eiveen Elasil Eleal Elearach Elenn Elfhir Elfiond Ellas Ellin Endón Engereatas Eoghdín Eoibellyë Erelm Ertiir Erúth Eärear Eärearór Eäreglim Eóirettna Fanne Feach Fealadon Fealmienn Feamhán Feamiahuil Feanowfas Feikkiria Fellios Felmo Fenii Fimiel Finmhín Finnail Flaith Fraidhait Fraithru Fréaghuj Fundubhán Furgele Fáinyavre Féthor Fílinyyl Gaisuil Galannas Galar Galdoriën Gallach Galás Gamach Gandor Gilfhe Gilinelen Gilín Gilúk Glach Glait Gloddan Goldict Gorlach Goscaran Gothín Gréag Gwarbh Gwarë Hadorachus Hagdur Haildamron Halcwin Hallim Hanien Harme Heach Hearg Humel Huorin Ibhalch Ikkinoor Ikkir Ikkundia Ikrache Iksilim Ilehtarr Ilian Iltailínii Iluat Ilíonn Imlod Imuzgaraug Indin Inend Inian Inneloc Inoran Inyan Inéaf Irimbuam Irraa Ishar Isiarch Isumir Ittion Ivaninn Ividhelda Iviredh Ivivanooj Ivlewin Ivrasna Ivrean Iósamso Iósaodda Kúviirë Lachaceoim Ladori Lainn Landiar Lanya Lebrinyaht Liasteleh Livion Machar Madbhán Maedhad Maglán Mahus Mailmo Mainian Mairoth Maith Maitondeas Maldabhán Manbhárona Manon Maoirgung Maolm Mardha Marle Masianfas Meach Meiltar Mindion Morbhamman Muibhín Muiling Muimlia Máind Mánain Nachalli Nallip Nieleg Nielm Nómia Odene Oherua Ohlaidh Ohuir Okkep Okkimerin Okkuo Oksaor Oksarbhán Oliac Olmia Omiele Omikkrina Omiredhamh Omlia Omoncait Onail Opaaso Opaaöjry Ophiek Oprion Oravis Oreallastë Orlassë Ormong Othrón Outanii Ovhadhall Ovioninín Ovrad Ovreari Ovreen Ovren Ovrionnán Paldan Peikkir Pelebor Priléighe Ramaih Raola Ratsuimhuj Rialvelep Ruadh Ruastith Ruibhin Ráinchrán Réadras Réann Ríden Róiríann Sailaciona Saodh Saomán Sauhúr Searyar Sihielwë Silaglán Siotsuir Smher Snacárd Sornal Soroth Sterrenwë Sukkilen Séadh Séadhall Séadhbhóg Séalacil Sílee Síonghse Síthos Tamian Telain Telseam Thfhonnc Thmonm Thoroil Tigharbrór Tighe Timbatasia Tiryl Torma Trakh Túriil Túrisse Túrië Uadirë Ualfinnas Uglach Ukilmóna Ukraval Ulfhiret Ulkanwë Ulkhîm Ulmar Ultar Umearë Undir Ungbolg Ungerveluj Unúvaithne Uppil Upplanán Urienorios Uteleh Uttannanla Uttig Uttius Valla Vallumarg Vionn Vorna Wallán Woragrasal Yáviimeht Yáviimo Árdaon Árónailkha Äjlebra Éibhil Éibhán Éimbaur Éimradhán Émealinn Éodhlaigín Éthio Órfinna Únaram

#444 names #dnd names #name stash #names #markov gen #markovgen #fantasy names #fantasy name #character names #random fantasy names #444names

0 notes

muhestar-blog · 9 months

Text

DAMBII DURGOO OOLMAA FI BAASII GEEJJIBAA RAGAA BAATOTA YAKKAA

DAMBII KAFFALTII DURGOO OOLMAA FI BAASII GEEJJIBAA RAGAA BAATOTA DHIMMOOTA YAKKAAF TAASIFAMU MURTEESSUUF BAHE LAKK.371/2007 1. DAANGAA RAAWWATINSA Dambiin kun dhimmoota dambii darbuu irraa kan hafe ragaa baatota jecha ragummaa isaanii qaamolee haqaa duratti kennan adeemsa qorannoo, himannaa yookiin falmii dhimmoota yakkaa aangoo mana murtii federaalaa jalatti kufan irratti akka raawwatinsa…

View On WordPress

#BARRUU

0 notes

yeeroo-jaalala · 10 months

Text

Hojiin waaqayyoo fi kolfi saree hin beekamu Haadhaa fi adurree hin dhaanan Warri guddaan aduurree wasaasaa baata Adurreen keessi bineensa Maraatuu keessi gamna Waaqayyo beekee bofa miila dhowwate Waan waaqni qocaaf kaa’e illeettiin hin fudhattu Foon lafa jiru allaattiin muka irraa wal lolti Waraabessii biyya namni isa hin beekne dhaqee itillee naa hafaa jedhe Manni of–jajjuu karaa…

View On WordPress

0 notes

lialialiasblog · 10 months

Text

Kan adda ta’e: Giddugalli Hordoffii Kirkira Lafaa Wuhaan haleellaa saayibarii US irraa mudate; qorannoon gaggeeffamaa jira

Giddu-galli Hordoffii Kirkira Lafaa Wuhaan dhiheenya kana haleellaan saayibarii dhaabbata biyya alaatiin eegale akka mudate biiroon bulchiinsa balaa tasaa magaalattii kan giddugalichi waliin hidhata qabu ibsa Roobii darbe baaseen ibseera. Kun haleellaa saayibarii June 2022 biyya alaa irraa yunivarsiitii Chaayinaa irratti raawwatame hordofee dhimma gosa isaa kan biraati.

Paaneliin ogeeyyii dhimmicha ilaallatu haleellaan saayibarii kun gareewwan haakerootaa fi seera cabsitoota seenaa mootummaa biyya alaa qabaniin kan jalqabame ta’uu argateera. Ragaan duraa akka agarsiisutti haleellaan saayibarii mootummaan deeggaramee wiirtuu kana irratti raawwatame US irraa akka dhufe Global Times beeksiseera.

Biiroon Hoggansa Balaa Tasaa Bulchiinsa Magaalaa Wuhaan ibsa Roobii darbe baaseen meeshaaleen neetworkii bakka walitti qabama buufata fuulduraa Giddugala Hordoffii Kirkira Lafaa Wuhaan keessaa tokko tokko, haleellaa saayibarii dhaabbata biyya alaatiin raawwatameera, akkuma Vaayirasii Kompiitaraa Biyyaalessaatiin hordofamu Giddu-galli Deebii Hatattamaa (CVERC) fi dhaabbata nageenya interneetii Chaayinaa 360.

Giddu-galli kun dhimmicha qorachuu fi jaarmiyaa hacker fi yakkamtoota seeraan to’achuuf jecha, meeshaalee dhiibbaa irra gahe battalumatti cufee qaama nageenya hawaasaaf gabaase , jedha ibsichi.

Biiroon nageenya hawaasaa Wuhaan biiroon xiqqaan Jianghan sagantaa farda Trojan kan biyya alaa irraa madde Giddugala Hordoffii Kirkira Lafaa Wuhaan keessatti argamuu isaa mirkaneesse. Akka biiroon nageenya hawaasaa jedhutti sagantaa farda Trojan kun seeraan ala daataa cimina seesmiikii buufataalee fuulduraatiin walitti qabaman to’achuu fi hatuu danda’a. Gochi kun nageenya biyyaa irratti balaa guddaa fida.

Qaamoleen nageenya hawaasaa dhimma kana irratti qorannoof galmee banuun saamuda Trojan baafame irratti xiinxala teeknikaa dabalataan gaggeessaniiru. Taatee kun haleellaa saayibarii dhaabbilee haakeroota biyya alaa fi seeraan ala ta’aniin jalqabame ta’uun dursee murtaa’eera.

Ogeeyyiin gaazexaa Global Times'tti akka himanitti, ragaan cimina seesmiikii ciminaa fi guddina kirkira lafaa kan agarsiisu yoo ta'u, kunis agarsiiftuu barbaachisoo lama humna diigumsaa isaati.

Daataan kun nageenya biyyaa waliin walitti dhiyeenyaan kan walqabatu ta’uu ogeessonni gaazexaa Global Times’tti himaniiru. Fakkeenyaaf, yeroo dhaabbilee ittisa waraanaa murtaa’an ijaaraman wantoota kana tilmaama keessa galchuu qabu. Giddu-galli Hordoffii Kirkira Lafaa Wuhaan kutaa biyyaalessaa biraa yoo ta’u , haleellaa Yunivarsiitii Pooliteeknikaa Kaaba Dhihaa (NWPU) Xi’an, Kaaba Dhiha Chaayinaa bulchiinsa Shaanxiitti argamu irratti garee haakeroota biyya alaatiin baatii Juun bara 2022

raawwatame hordofee biyya alaa irraa haleellaa saayibarii irra ga’eedha .

Haleellaa NWPU irratti raawwatameen booda CVERC fi dhaabbati 360 waliin ta’uun garee teeknikaa ijaaruun xiinxala teeknikaa bal’aa dhimmichaa gaggeessaniiru. Haleellaan saayibarii kun kan gaggeeffame dhaabbata Nageenya Biyyaalessaa Ameerikaa (NSA) kan ta'e (Tailored Access Operations) (TAO) ta'uu xumuraniiru.

Gareen teeknikaa ogeeyyii CVERC fi dhaabbata nageenya intarneetii 360 irraa ijaarame hojii ragaa walitti qabuu dhimma yeroo dhiyoo kanaa hojjechuuf Wuhaan gahuu isaa Global Times beeksiseera. Ragaan duraa akka agarsiisutti haleellaan saayibarii Giddugala Hordoffii Kirkira Lafaa Wuhaan irratti raawwatame US irraa dhufe.

Akka bu'aa hordoffii dhaabbata 360tti, NSAn Chaayinaa keessatti yoo xiqqaate sirnoota odeeffannoo biyya keessaa barbaachisoo dhibbaan lakkaa'aman irratti haleellaa saayibarii raawwateera, sagantaa farda Trojan "validator" jedhamu sirna odeeffannoo kutaalee hojii hedduu keessatti hojjechaa jiraachuun isaa argameera, dabarsuu odeeffannoo waajjira muummee NSA.

Kana malees, argannoowwan kun akka agarsiisanitti, fardeen "validator" Trojan baay'een isaanii bu'uuraalee odeeffannoo murteessoo ta'an Chaayinaa qofa keessatti osoo hin taane, biyyoota biroo keessattis fiigaa kan jiran yoo ta'u, lakkoofsi sagantaalee akkasii sirna biyyoota kanaa keessatti dhaabaman kan Chaayinaa baayyee caala.

CIAn dhaabbata Ameerikaa saayibarii haleeluu fi hatuu maqaa gaarii qabu kan biraa yoo ta’u, NSA malees. Akka qorannoo CVERC agarsiisutti haleellaan saayibarii CIAn raawwatu otoomaatikii, sirnaafi basaasaan kan beekamudha.

Meeshaaleen waraanaa saayibarii CIAn yeroo dhiyootti hojjetan tooftaalee haleellaa adda addaa walitti hidhamaniin ibsa basaasaa garmalee cimaa ta'e fayyadamu. Amma qabeenya interneetii fi Intarneetii Wantootaa addunyaa hunda jechuun ni danda'ama kan uwwisu yoo ta'u, yeroo kamiyyuu, bakka kamiyyuu neetworkii biyyoota biroo to'achuu fi daataa isaanii barbaachisaa fi miira namaa kakaasu hatuu danda'a.

Ameerikaan haleellaa bakka addunyaa irratti raawwatamu cimsitee iccitii hatuu osoo jirtuu, biyyoota biroo himachuuf carraaqqii tokkollee akka hin qusanne taajjabdoonni eeraniiru.

Michoota ishee jedhaman walitti qabdee, yaada "balaa saayibarii Chaayinaa" jedhu xurumbaa dhageessisuun imaammata nageenya saayibarii Chaayinaa kan Ministeera Dhimma Alaa Chaayinaatiin irra deddeebiin mormaa ture arrabsuu fi maqaa balleessuun ishee ni yaadatama.

Dubbi himaan Ministeera Dhimma Alaa Chaayinaa Maa’oo Niing ibsa gaazexeessitootaaf idilee July 19 kennaniin Chaayinaan miidhamtuu haleellaa saayibarii ta’uu ishee fi hojiiwwan akkanaa cimsitee mormti jedhan.

''US waggoota darban keessa haleellaa saayibarii loogii malee, bal'aa biyyoota biroo irratti raawwatteetti,'' jetteetti. "Ajajni Humnoota Saayibarii Ameerikaa bara darbe bu'uuraaleen murteessoo biyyoota biroo haleellaa saayibarii Ameerikaadhaaf galma seera qabeessa ta'uu ifatti labseera. Tarkaanfiin akkanaa yaaddoo uumeera."

0 notes