#dussä

[ontheroadwithus]

Tag 11 - Reise nach Lissabon

Guten Tag

Hüt morgä hämmer im schünä agriturismo zmörgelet und im gartä chli entspannt. Uf diä 12i simmer dä los gfahrä richtig lissabon. Rund 4 stund fahrt sind vor üs glägä dur eigentli relativ grüäni wälder und dörfli und küstädörfli und mängmal am meer entlang. Eimal, näbscht dä bisi-stopps, simmer usgstigä, willmer dänggt händ es hät ä schünä hafä. Ä huufä möwä und fischer hämmer gseh, aber so schü isches dä glich nöd gsi und mir sind witer gfahrä. Irgendwänn vor lissabon hämmer dä uf d autobahn gwächslet und vor üs isch diä risig brugg 'ponte vasco da gama' erschinä. Diä isch usinnig lang und mehrspurig und richtig idrügglich gsi. D stadt lissabon erschiint aber no vill grösser hinder derä brugg. Si isch liächt im dunscht glägä.

Dännä achu simmer id stadt inägfahrä. Dur ä hufä spurä, kurvä, chreisel, schnällstrassä und schlussändli bi üserem hotel voremnä 5-spurigä chreisel achu. D tüüfgarage isch ängg gsi. Mir händ kuum chännä ustigä und diä hinderä tüürä hätmä praktisch nümmä ufbracht. Uiii bis mir da alles dussä ka händ us dem auto.

Z hotel isch eländ tüür im verglich zu dä bisherigä underkünft. D usstattig isch guät und mir sind zfridä hämmer für diä letschtä täg ä rächti bliibi. Nach dem mir üsers zimmer bezogä händ simmer id stadt diä erstä idrügg gu gwünnä. Ide u-bahn hämmer ZWEI (in porto gelernt) billet kauft und sind id innästadt gfahrä. Diä hät üs gad überrascht womer nur schu us de u-bahn usächu sind. Irgendwiä königlich, herrschaftlich, verspilt mit dä farbä, schüni gässli und wunderbari gebüde. Immer wieder entdecktmä öppis nüüs. Will fritig isch, isch au viel ide stadt loos und es wird eim nöd langwilig. Teilwiis lädä händ sogar nachem ässä noch offä ka. Und z ässä, das isch das mal feeeein gsi. Mir händ üs im internet erkundigt und es restaurant gfundä wo berüähmt für ihri pizzas isch. Es isch imnä gässli chlä abseits glägä gsi und ganz chli und gmüätlich. Bis mir dänn gässä händ isches dä au bumsvollä wordä.

Nachem ässä simmer nuch ä chlä dur d stadt gloffä und händ ä paar wunderschüni gebüde gseh wo prächtig belüchtet wordä sind. Diä eintä händ wiä burgä usgseh und anderi wiä regiärigsgebüde oder museeä. Es sind ganz ä huufä mänschä dur gässli zogä und es isch ä schüni stimmig gsi da ider stadt.

Jetzt zrugg im zimmer ghöremer gad dases nöd ä so schallisoliärt isch wiä erhofft. Isch ä chlä lärmig im zimmer. Jänu, schlafä wärdemer nachemnä sonä erläbnisrichä und schünä tag trotzdem chännä.

Guät nacht, bis morä

[ramonakeller-blog]

Samstig, 09. September 2017 (Costa Rica)

Ja... hei... han scho lang nüt meh innä gschribä. Mir sind immer fliessig id Schuäl, aber händs au chli gmüätlicher gno mit allem. Sind au nüm so vil Lüüt gsi... dNebäsaison (Regäzit) hät voll agfangä und isch gat guet, dassi ez gangä bin. Alli Restis und Bars händ ez än Monät zuä. Ich has au chli gseh gha mit lernä, isch scho no vil Stoff und än Huufä Grammatik. Ich chan ez eich scho meh oder weniger swichtigst sägä. Isch chli schad gsi, dass mär nid no meh alltäglichs Voci glernt händ sondern vil Zitformä. Isch halt usgleit uf äs suuber ufbauts Spanisch und nid ich schlah mi mal so durä.

Ich han witer Salsa und Merengue güebt, nid das is ez chönt, aber wer sicher öpis zu, witer verfolgä. Was ich ez mega cool findä und gern machä isch surfä. Han namal ä Lektion gno, will mich das Afängerzüüg afangä langwillä hät, zum i di grüänä Wellä zga. Das isch det wo mär uf äm Brett dussä sitzt und wartet bis ä gueti chunt. Han glernt wiä mär mit äm Brett det usä chunt mit über dWellä ga oder Tortugadive machä, wo mär uf äm Brett lit sich trüllt und dWellä dänn obä durä gat. Ez mussi dänn mal luegä, obi in Cartagena nomal eis chan miete oder dänn in Brasiliä.

Mir händ no äs Erdbebä gha, nid das vo Mexiko, öpä 1 Wuchä vorher. Hät Stärki 4.7 gha, mir sind no im Usgang gsi wos passiert isch, dänn hät dä ganz Klub gwacklet. Ich has nid mega schlimm gfundä, will letscht Jahr im Wallis scho eis erlebt han wo öpä glich Stark gsi isch. Aber di Iheimischä sind recht ufbracht gsi, wills vor 5 Jahr es grosses gä hät und sie drum Angst gha händ.

Suscht häts di letscht Wuche jedes Mal wänns das obligatä Mal vom Tag gregnet hät, mega fest gregnet, dass nachä jedes Mal alles Landunter gsi isch. 2 Fuässballnatispiel hämer na glueget ihrä Bar, dass gat da so richtig ab. Diä sind voll däbi und chönd chum ruhig uf äm Stuähl sitzä. Ich han am Mati sis Nati Shirt därfä alegä. Isch mega herzig gsi, ich han dEstefania gfräget, ob sie äs zweits hät, sie hät aber keis gha. Plötzli chunt dä Mati und seit ich därf sis uslehnä.

Hüt morgä bini in Bogota (Kolumbiä) acho und ez gat da mini erst Reis los. Ich freu mich mega, vili Sachä zgseh, ez gats so richtig los. Vorher simer mit dä Gruppe go zNachtässä und mir händ ois scho mal so chli kännä glernt. Mir sind 14, davo nur 2 Männer, sind vo Neuseeland, Australiä, England, USA, Kanada, Dütschland öper, Österriich öpär und ich.

So ez mussi schlafä morn mümer am 6.30 zMorgä ässä.

Tschüss

[hey-pretty-beauty-blog-official]

9 out of 10 moquitos prefer yellow #dussä #heyprettytravels #heypretty (hier: Davos Muns) https://www.instagram.com/p/CEqj7vhj9os/?igshid=1gt4ighvpxa4n

[ontheroadwithus]

Tag 6 - Reise nach Evora

Hallihalloo

So, hüt simmer früäner draa als di letschdä tääg und ich glaubä au chli chürzer.

Mir händ imenä uu bequemä bettli ganz lang uuspfüüselet hüt morgä und sind dänn inä feinä zmorgä i dem härzigä agriturismo. Gad wumer d tüürä ufmacht händ isch es eidächsli ihnächuu. Wumer z zimmer ufgruumt händ isch dänn aunu ä häugümper fürächuu. Natur puur. Dussä häts ä huufä schnäggli adä wänd gha. Härzigi hüüslischnäggä.

Nachem zmorgä und dr härzlichä verabschiedig (mir händ nuch ä fläschä wii und ä spezielli portugiesischi frucht, ä birä, überchuu) simmer zerst numal az meer. Gad bi obidos isch ä schüüni laguunä, dett simmer fürä az meer gloffä, händ z plastikproblem fudä wältmeer analysiärt, romantisch wiä mir sind uuund händ dänn dä surfer zuägluäget. Au da häts wider ganz ganz hööchi wällä ghaa, ideal für d surfer. Mir händ dä d füässli dünggt und gfundä, dases doch es müüüüü z frisch isch für üüs und mir sind wider zrugg. Dänn hämmer ä halt gmacht z obidos. Dett isch au es dörfli ufmä hügel obä buut, so richtig altmodisch, fast chli griächisch gsehts uus. Diä meistä hüüser sind wiss agmaalet und de understi meter isch blau. Ussäummä häts stadtmuurä wu zum schloss ghööred. Uf diä simmer aunu gchlättered und händ am schluss nuch d ussicht ufmä chliinä plätzli mit ä huufä oliväbäumli gnossä.

Irgendwänn häts üs aber wiiterzogä und mir händ de 3 h wäg uf evora i agriff gnuu. Dur dörfer, über bruggä, städtischi gebiät, aber au ort wo sich vermuätli chuum ä mänsch je niederlaa hät.

Am viertel ab 7ni simmer dä da achuu, nett vum george empfangä wordä und händ üsers apartement i empfang gnuu für diä nacht. Ganz abglägä und ufm land ussä. Mir händ ihn dä nach tipps zum ässä gfraget, und so rächt häter dä aber au nüüt gwüsst. Usserdem isch sunntig und viel hät zuä. Das hämmer na im internet au gseh und üs entschiedä i nächstä lidl z fahrä und üs pasta und tomatäsaucä z chaufä. Es hät da nämmli es chuchäli und üserä znacht isch wunderbaar fein usächuu. Und so simmer ez parad zum pfüsälä, händ aber au daa natur pur und ä spinnä im zimmer wu üs vermuätli nüd rächt schlaafä laht (2 hämmer schu verwütschd, aber 1 grossi versteggt sich guät!)

Guät nacht und bis morä, dä mäldemer üs bereits vuder algarvä...