#mi jan sin lon lipu Tanpa

[chopbird]

mi pali e ni lon tenpo pini. taso, mi pana ala. ni la o jo.

[sowelinowe]

toki a, jan ale pi ilo Tanpa o!

mi kon pona Nowe.

sona toki ala la mi pali e sitelen tawa lon ilo Jutu lon ilo Si! kin la mi pali e kalama musi e ijo ante mute! mi sona e toki Sonko, taso sona ni li lili.

tenpo sike 2023 la mi open kama e sona pi toki pona. toki pona li suli li pona tawa mi. open kama la mi kepeken sitelen tawa “12 days of toki pona.“ ni pini la mi esun e lipu pu. sona mi pi toki pona li lili, taso mi alasa kama e sona mute.

nimi lawa mi li nimi “kon pona“ tan ijo tu. nanpa wan la kon Allay pi musi Manka li nimi “kon pona.” nanpa tu la kon pona li suli tawa mi.

pali mi pi toki pona nanpa wan li “jan Pi en soweli Papika: moku.” mi ante toki pi toki pona e sitelen tawa Bee and Puppycat tan kulupu musi Frederator. ken la mi wile sitelen tawa e ni.

tenpo ni la mi alasa pali e “lipu sonamako.” ona li lipu sona pi pali moku. lipu ni la sina ken pali e moku pona. kon ona li tan lipu lipamanka. kin la mi ante toki pi toki pona e musi Manka e musi Telawija e musi Pukatoli.

lipu ni pi ilo Tanpa la sina ken lukin e sona nasa mi e pali lili mi pi toki pona.

sina wile lukin e pali suli mi pi toki pona la sina ken alasa e ni lon https://konpona.la!

toki Inli la mi lon @rubiecava! o lukin e ni (mi toki mute lon lipu ni)!

sina jan pi toki pona la o toki tawa mi! jan pona sin li pona mute tawa mi :D