#pra byćcio

[wurcuburcu]

Nastroj na siońnia: apranucca ŭ načnuju kašulu wiktaryjanskaj epochi dy lažać ceły dzień u niehłybokim woziery siarod harłačykaŭ.

[wurcuburcu]

Siońnia pieršy dzień wieraśnia, kali ja ŭ dobrym humory j mnie ničoha nie balić. A ŭsio praz klatyja rehuły, kab jany lasnulisia ŭ padwarotni.

[wurcuburcu]

Adna ź niadaŭnich načej nahadała mnie atmasferu Drakuły. Užo doŭhi čas na dware brachaŭ wialiki sabaka; kali ŭrešce źwiarnuła na heta ŭwahu, uświadomiła, što staić hłuchaja ciš. Mianie heta wielmi ździwiła, bo zwyčajna ŭ hety čas čuwać roŭ ruchawikoŭ, jaki mocna razdražniaje słych dy nahadwaje mnie pra nawakolny świet. Ja prašmyhnuła za firanki j wyhlanuła ŭ wakno. Sabaki widać nie było, choć ja doŭha ŭzirałasia ŭ paŭzmrok, namahajučysia jaho adšukać; ale tady moj pozirk začapiŭsia za praświet u wobłakach, za jakimi chawaŭsia miesiac, i heta nahadała mnie pieršyja zapisy ŭ dziońniku Džonatana. Ja chacieła pačakać, pakul miesiac wyhlanie z-za abłokaŭ, ale ich napaŭzło stolki, što ŭrešcie nawat miesiačnaje światło nie mahło prabicca praź ich. Tut było b nadzwyčaj zachaplalna j wuścišna, kali b mima majho wakna pralacieŭ kažan, ale, na žal, usio skončyłasia, nawat brech sabaki. Ad rasčarawańnia ja wyklučyła łeptop i pajšła spać.

[wurcuburcu]

Ja ŭčora tak wyjšła z domu ŭpieršyniu za niemawiedama kolki ja nie ličyła dzion. Usio zdałosia takim čužym i warožym, što ja zławiła wielmi dziŭnyja adčuwańni. Alienation u čarhowy raz goes brr.

[wurcuburcu]

Ad kolkaści pawalenych drewaŭ u lasach stanowicca sumna. Śniehu, widać, było zamnoha sioleta, i drewy nia wytrymali taho ciažaru; inakš nie mahu patłumačyć uwieś toj žach, jaki pabačyła.

[wurcuburcu]

U majoj miascowaści leki zwyčajna daražejšyja za siaredniuju canu. Prosta niesprawiadliwa, što ja pawinna pakutawać ad alerhii jašče j materyjalna, kali niedzie na druhim kancy miesta cana na ich nia tolki mienš, a jašče j zaležyć ad terminu dziejańnia. Ja nawat ździwiłasia, kali pabačyła, što takaja praktyka prodažu lekaŭ uwohule isnuje.

[wurcuburcu]

Letam 2021-ha ja amal kožny dzień katałasia na rowary. Letam 2022-ha ja hibieła ŭ čatyroch ścienach, paśla čaho mnie było wielmi drenna; ale ciapier mnie prosta laniwa kudy-kolečy wybiracca, choć ja i razumieju, što heta (u teoryi) krychu padbadzioryła b mianie. Ja ŭsio jašče časam wybirajusia na špacyry, ale chadžu pa adnych i tych ža miescach (bo pieššu daloka nia zojdzieš), ad jakich nudzić užo.

Takoje adčuwańnie, što 2022 wysmaktaŭ ź mianie ŭsio zdaroŭje j radaść; i ja bolš nia ŭ stanie ciešycca žyćciom. Dzie ŭziać choć-jakuju matywacyju?..

[wurcuburcu]

Praz duchatu paspała ŭsiaho dźwie z pałowaju hadziny. Pračnułasia na świtanku. Lublu zachady bolš za ŭschody — praŭda, uwiečary palaniłasia iści hladzieć na kalarowaje wiačerniaje nieba — ale hetym rankam było pazorna, na niebie widnielisia soniečnyja pramiani. Praz paru hadzinaŭ znoŭ lahła spać, bałazie chutka zasnuła dziela niedasypu. Abudzili mianie hrymoty. Bliskawicy šuhali amal bieśpierapynna, i tak blizka, što adrazu-ž hrymieła. Hrymieła tak hučna, što pad woknami aŭty syhnalili — bač, jakija čulliwyja. Ustała j pajšła hladzieć na maje ŭlubionyja małanki. Pabačyła adnu šykoŭnuju, uściešyłasia. U takija momanty razumieješ, čamu ludzi ŭ daŭninu wieryli ŭ roznych bahoŭ. Časam ad pryrodnaha charastwa až duch zanimaje.

[wurcuburcu]

committing a crime rn

wish I were doing this instead

[wurcuburcu]

U mianie nastolki niecikawaje žyćcio, što kali ja rablu niejki dopis, mnie zdajecca, niby padobnaje ja ŭžo pisała. Jak staraja babka, jakaja raskazwaje adnu j tuju-ž historyju swaim unukam užo niemawiedama jaki raz.

[wurcuburcu]

Wobłačnaja sytuacyja ŭ maim aknie: sick. Až zakarcieła na wulicu wyjści. Ale nielha; u mianie lipieńskaje abvastreńnie alerhii, i pihulki amal nie dapamahajuć. Kali pajdu, zaŭtra mnie budzie kapcy jak drenna.

[wurcuburcu]

Paŭdnia hrymieli hrymoty, a daždžu tak i nie było. *slightly annoyed*

[wurcuburcu]

Apošnim časam mianie apanawała takaja mlawaść i abyjakawaść, što nia chočacca ni pra što pisać.

[wurcuburcu]

Jak ža chočacca pakatacca na rowary; i jak ža laniwa za im jechać. 

[wurcuburcu]

Me saying ‘fuck my life’ and then proceeding to do nothing to unfuck it.

[wurcuburcu]

Wialikija trabły z majim stareńkim łeptopam; uklučajecca tolki raza z šostaha, i tak kožny dzień. Hladzieła nowyja, ale za tyja hrošy možna lepšy PK sabrać; bałazie maju manitor. Nia wiedaju, što rabić; ci dabiwać jaho da kanca, ci marnawać apošniuju zanačku...