#samfélagsmiðlar

[simmix1]

Tweeted

Mögulega eitt af fyrstu dæmunum um að stafrænt efni sé viljandi lekið og samfélagsmiðlar notaðir til þess að draga úr trausti á sérfræðingum og vísindum. https://t.co/6ilJ8eJEEh

— Sigmundur Halldorsson (@simmix1) Oct 31, 2021

[frettanetid]

Það er nefnilega það… Snapchat gerir þig HAMINGJUSAMARI… en aðrir samfélagsmiðlar

http://frettanetid.is/thad-er-nefnilega-thad-snapchat-gerir-thig-hamingjusamari-en-adrir-samfelagsmidlar/?utm_source=dlvr.it&utm_medium=tumblr

[hugsmidjan]

Markaðssetning árið 2016, ekki 2006

Það dylst engum hvað máttur samfélagsmiðla er í dag mikill. Landslagið hefur breyst, nú kemur mesta traffíkin inn á vefi fyrirtækja af samfélagsmiðlum og að sama skapi eiga notendur miklu auðveldara með að hafa áhrif á ímynd fyrirtækja.

Við hjá Hugsmiðjunni vitum hvað samspil vefja og samfélagsmiðla er gríðarlega mikilvægt og höfum að undanförnu unnið að því að efla samfélagsmiðladeildina okkar með ráðningum, námskeiðum og samfélagsmiðlaráðgjöf til viðskiptavina.

Samfélagsmiðlar eru orðnir eitt mikilvægasta markaðstæki fyrirtækja því þar leynast tækifærin til að ná til fólks. Þeir sem læra að virkja rétta miðla á réttan hátt geta öðlast gífurlegt forskot og útbreiðslu með margfalt lægri kostnaði heldur en með hefðbundinni markaðssetningu.

Gögn frá þessum miðlum má auðveldlega nota til að búa til markvissara efni og auglýsingar sem skila talsvert meiri árangri en áður var mögulegt með hefðbundinni markaðssetningu.

Við bjóðum upp á samfélagsmiðlaráðgjöf sem felur m.a. í sér:

Mótun samfélagsmiðlastefnu í samvinnu við þig og þitt fyrirtæki,

markhópagreiningu,

framleiðslu á efni,

umsjón með birtingum,

daglega umsýslu,

mælingar,

tengingar við áhrifavalda / vinsælar fígúrúr,

reglulegar skýrslur með yfirliti yfir árangur, 

eftirfylgni.

Samfélagsmiðlar eru stórkostlega öflugt tæki og henta vel hvort sem fyrirtæki eða einyrkjar eru að reyna að selja vöru eða koma ákveðnum málstað á framfæri.

Heyrðu í okkur í síma 5 500 900 og fáðu nánari upplýsingar um samfélagsmiðlaráðgjöf Hugsmiðjunnar. 

Samfélagsmiðlun sem virkar!

Vefakademía Hugsmiðjunnar heldur hið sívinsæla námskeið Samfélagsmiðlun sem virkar, en aðsóknin á þetta námskeið hefur verið frábær og hvert sæti setið.

Þar er m.a. kennt að móta samfélagsmiðlastefnu sem ber sýnilegan árangur fyrir fyrirtækið, farið er yfir dæmi um notkun á samfélagsmiðum sem eru til fyrirmyndar og kynntir eru eiginleikar og tækifæri helstu miðla.

Næsta námskeið verður haldið daganna 3. og 10.maí frá kl 13:00 - 16:00. Nú er fullt á námskeiðið en þú getur skráð þig á biðlista.

[atonblogg]

Facebook hefur löngum mælt hversu vel auglýsingar samsvara áhuga notenda sinna, en nú stendur markaðsfólki einnig til boða að notfæra sér slíkt samsvörunnargildi (e. relvevance score) sem sýnilegan mælikvarða fyrir Facebook auglýsingar sínar.

Samsvörunnargildið spáir fyrir um hvernig auglýsingunni mun vegna gagnvart markhópi hennar, en sú spá byggir á væntanlegum viðbrögðum við auglýsingunni. Gildið, sem getur verið frá einum og upp í tíu, uppfærist þegar eiginleg viðbrögð við auglýsingunni berast. Spáin byggir á hversu jákvæð eða neikvæð viðbrögð auglýsingin er líkleg að fá – því jákvæðari viðbrögð sem auglýsingunni er spáð, því hærra samsvörunnargildi fær hún, og öfugt.

Auglýsingar Facebook sem öruggt er að komist til skila með því að kaupa svokallað „boost“, heyra ekki undir samsvörunnar mælikvarðann, enda hafa þær auglýsingar almennt ekki þann tilgang að leiða til aðgerða, s.s. sölu, heldur frekar til þess að byggja upp ímynd vörumerkja og fyrirtækja.

Það sem er mest heillandi við þetta nýja auglýsingafyrirkomulag, er það að því hærra samsvörunnargildi sem auglýsingin þín fær, því ódýrari er hún. Þetta stafar af því að Facebook er alltaf að leita að nýjum leiðum til þess að gera auglýsingabirtingar sínar skilvirkari gagnvart notendum.

Facebook heldur því einnig fram að þessi nýja auglýsingaleið muni gera markaðsfólki kleift að prófa sig áfram við nýjar auglýsingaherferðir. Það er að segja með mismunandi samsetningum mynda og efnis, þar sem tólið geti spáð fyrir um hvernig auglýsingin muni falla í kramið hjá markhópnum, og sýnt það með sönnu, þegar líður á herferðina. Með þessum hætti geti markaðsfólk því breytt stefnu herferðarinnar, ef gildið sýnir að auglýsingarnar séu ekki að höfða til markshópsins, eins og ætla mátti.

Facebook tekur þó fram að þetta nýja auglýsingartól sé aðeins ætlað að aðstoða markaðsfólk í sinni markaðssetningu, og þarf því að horfa á gildið í samhengi við önnur markaðssetningarmarkmið.

[icesocialmedia-blog]

Að svara á tímalínu

Það fer gífurlega í taugarnar á mér að sjá fyrirtæki svara fólki á tímalínu þegar það á ekki við. Þá meina ég þegar kúnni kemur með spurningu eða vandamál sem eingöngu á við hann.

Vandamál sem snúa að einum kúnna á að taka í einkaskilaboðum og/eða bjóðast til að hringja í viðkomandi eða eiga samskipti við hann í gegnum tölvupóst.

Kannski er ég einn um þessa skoðun en ég held að svona geti skapað frekari vandamál því samtölin á tímalínunni eru jú fyrir allra augum.

Gott dæmi um svona mistök er að finna á Facebook-síðu fjarskiptafyrirtækisins 3 Sverige.

Kannski er þetta bara í lagi? Hvað finnst þér?

[kansas-is-blog]

Dæmi um notkun fyrirtækja á Twitter

Ég rakst á áhugaverða samantekt Ecounsultancy á dæmum um góða og slæma notkun fyrirtækja á samfélagsmiðlinum Twitter.

Alþjóðleg fyrirtæki líta á Twitter sem gríðarlega mikilvægt verkfæri í markaðsaðgerðinum á netinu, en það er vandmeðfarið hvernig vörumerki nálgast notendur og svara gagnrýni, hrósi eða almennum umræðum sem tengast vörumerki.

Þó svo að Twitter hafi náð ágætis kjarna af notendum á Íslandi, virðast íslensk fyrirtæki ekki leggja mikla áherslu á Twitter samanborið við Facebook.

Það verður áhugavert að fylgjast með því hvort og hvenær íslensk fyrirtæki fara að nýta sér Twitter sem markaðstól að auknum krafti.

http://econsultancy.com/is/blog/62639-five-good-and-four-bad-examples-of-brands-using-twitter

[andrimarkristinsson]

Samfélagsmiðlar - Vertu like-sins verður

Samkvæmt neyslukönnun Capacent notuðu 57.6% Íslendinga samfélagsmiðla daglega eða oft á dag í lok árs 2012 en það er 11% aukning frá árinu áður. Þetta er sérstaklega áhugavert þegar litið er til þess að fjöldi notenda á samfélagsmiðlum fækkar örlítið á þessu sama tímabili. Ákveðinni mettun virðist því hafa verið náð þegar litið er til fjölda notenda en notkunin er að aukast.

Þessarar auknu notkunar er hugsanlega hægt að rekja til þess að fleiri samskiptamiðlar eru að ryðja sér til rúms sbr. Twitter og Instagram ásamt því að snjallsímavæðing hefur gert samfélagsmiðla aðgengilegri.

Íslensk fyrirtæki hafa nýtt sér þessa þróun í markaðsstarfi sínu með ýmsum hætti. Leikir og auglýsingar á Facebook hafa líklega verið þær aðgerðir sem hafa verið hvað sýnilegastar en einnig ber að nefna líflega samfélagsmiðla fyrirtækja og stofnana sem hafa náð langt í að vera aðgengilegir og farið lengra í að veita notendum sínum betri þjónustu og jafnvel afþreyingu. 

Í nýlegri skýrslu Nielsen kemur fram að áhrif samfélagsmiðla á kaupákvarðanir notenda fara vaxandi en sömuleiðis að auglýsingar á samfélagsmiðlum færu meira í taugarnar á þriðjungi notenda en auglýsingar á öðum netmiðlum. Það er því mikil áskorun á ná árangri á samfélagsmiðlum í markaðsstarfi.

Rökrétt spurning er því hvað er góður árangur og hvernig mælir maður hann? Er það fjöldi fylgjenda, fjölda deilinga, fjöldi svara við færslum, spurningar frá fylgjendum, fjöldi heimsókna á heimasíðu frá samfélagsmiðlum, sýnileiki eða sala? Ég held að það sé ekki neitt eitt rétt svar en mikilvægt er að fyrirtæki skilgreini þau markmið í upphafi og hafi þau að leiðarljósi í rekstri samfélagsmiðla.

Kansas hefur unnið með fyrirtækjum í því að móta stefnu í samfélagsmiðlum ásamt því að veita ráðgjöf í rekstri þeirra. Þótt að verkefnin séu eins ólík og þau eru mörg höfum við fundið nokkur atriði sem við teljum alltaf mikilvæg. Við tókum því saman lista yfir þá hluti sem ber að hafa í huga í rekstri samfélagsmiðils. Við leggjum sérstaka áherslu á Facebook þó að margt megi heimfæra á aðra samfélagsmiðla.

1. Hlustaðu og svaraðu Gullna reglan. Ef þetta er ekki gert missir samfélagsmiðillinn allan trúverðugleika og best að pakka saman og fara heim. Til að vera viðbúin er gott að hafa viðbragðáætlun fyrir erfiðar spuriningar sem gætu komið.

2. Stuttar færslur Rannsóknir sína að notendur bregðist síður við lengri færslum. 100 slög er þumalputtareglan okkar.

3. Myndir Fólk bregst frekar við ef myndir fylgja færslum. Samkvæmt Facebook næst 120% betri svörun við færslum með myndum.

4. Tímasetning Þú vilt alltaf setja inn færslur þegar markhópur þinn er að nota viðkomandi samfélagsmiðil. Ég hef séð margar kenningar um hvenær best er að setja inn færslur. Frá kl. 13-15 er notkun á Facebook mest en að mínu mati þarf að prófa sig áfram og finna þann tíma sem hentar viðkomandi síðu. Bestu viðbrögð sem ég hef séð við færslu fór í loftið kl. 20 á föstudagskvöldi.

5. Gæði, ekki magn Ekki drekkja fylgjendum þínum í færslum en gamla reglan um að maður á að hlusta helmingi meira en maður talar á ágætlega við. Þumalputtareglan okkar er max. 1-2 færslur á dag.

6. Útlit Sjáðu til þess að útlit samfélagsmiðils tóni við annað útlit fyrirtækis eða vörumerkis. Þú vilt að notendur þínir fái sömu upplifun á samfélagsmiðli og frá öðrum miðlum.

7. Auglýsingar Staðreyndin er sú að aðeins hluti fylgjenda þinna sér færslunar þínar. Til að ná til stærri hluta fylgjendahóps gætu kostaðar færslur verið svarið. Annar kostur auglýsinga á Facebook er hversu hnitmiðaður maður getur verið í markhópavali en sá eiginleiki reynist vel ef stækka á vinahópinn.

8. Leikir Því miður hafa verið ansi mörg dæmi hér á landi um vafasamar leiðir til að auka vinafjölda með leikjum en þeir einkennast af kröfu um kvitt, deilingu eða like til að taka þátt. Engu að síður hafa einnig verið flottir leikir þar sem afþreying og/eða upplýsingalegt gildi fyrir notandann er haft að leiðarljósi. Ég tel að rétt samsettur leikur getur haft mjög jákvæð áhrif á núverandi vini og aukið vinafjöldann til lengri tíma.

9. Vefsíðan Í færslu hér á blogginu skrifaði Daníel um mikilvægi vefsíðna. Samfélagsmiðill er góð viðbót og markmið hans ætti að vera að færa notendur inn á vefsíðuna.

10. Mæla, mæla, mæla Stærsti kostur markaðssetningar á netinu er mælanleiki. Facebook er þar engin undantekning. Insights í Facebook gefa þér upplýsingar um vinahópinn þinn ásamt hvað er að virka og hvað ekki. Social mælingar í Google Analytics er líka mjög hjálplegt til að  mæla áhrif samfélagsmiðla á vefsíðunni.

11. Þolinmæði Góður samfélagsmiðill er ekki byggður á einum degi. Finndu tón þíns fyrirtækis eða vörumerkis og prófaðu þig áfram.

[sigurdursvansson-blog]

Email + Twitter + Facebook

„Í dag er níundi hver jarðarbúi með aðgang að Facebook, 190 milljón skilaboð (tvít) eru send út daglega á Twitter og á síðasta ári voru send út 107 trilljón Email“

Út frá þessum staðreyndum þá er með vissu hægt að segja að þau fyrirtæki sem nýta sér ekki ágæti emaila og samfélagsmiðla séu að missa af miklum tækifærum til að auka tengsl sín við viðskiptavini sína, tengsl sem gætu hugsanlega leitt til aukinna viðskipta við fyrirtækið. 

Nýlega sendi Lyris út leiðarvísi (Email+Twitter+Facebook : 22 Tips to Cross-Channel Success) þar sem farið er yfir þróun og tækifæri í samtvinningu emaila og samfélagsmiðla (Facebook og Twitter) . Farið er yfir 22 ráð sem ættu að geta  hjálpað fyrirtækjum við það að samtvinna þessa miðla auk þess  þar sem skoðaðar eru reynslusögur hjá fyrirtækjum .

Brot af þeim atriðum sem farið er yfir :

Email drives social campaigns

Increases potential for a “word of mouth” multiplier effect

Truer one-to-one conversations happen in social media

Discover how your brand is being discussed.

Use existing metrics to work to social ROI

Ég mæli eindregið með að þið náið ykkur í þennan leiðarvísi HÉR. 

[frettanetid]

FIMM ÁSTÆÐUR… fyrir því að samfélagsmiðlar… eru SLÆMIR fyrir þig

http://frettanetid.is/fimm-astaedur-fyrir-thvi-ad-samfelagsmidlar-eru-slaemir-fyrir-thig/?utm_source=dlvr.it&utm_medium=tumblr

[hugsmidjan]

Vefakademía Hugsmiðjunnar tekur til starfa í haust

Hugsmiðjan

Hugsmiðjan mun í haust bjóða upp á sex námskeið í nýstofnaðri Vefakademíu okkar.

Námskeiðin eru fyrir vefstjóra, markaðsstjóra og aðra sem vinna við vefmál í fyrirtækjum og stofnunum en þau eru einnig fyrir alla þá sem hafa áhuga á að starfa innan þessa geira. 

Námskeið sem boðið verður upp á:

Starf vefstjórans

Skrif fyrir vefinn og árangur í leitarvélum

Undirbúningur vefverkefna

Grunntækni vefviðmótsins (HTML, CSS og JavaScript)

Samfélagsmiðlar

Uppskrift að góðum innri vef

Ýmsir reynsluboltar úr vefgeiranum munu sjá um kennsluna. Má þar nefna Sigurjón Ólafsson (funksjon.net) sem hefur m.a. kennt vefstjórn í MA-námi í hagnýtri ritstjórn og útgáfu við Háskóla Íslands, Finn Pálma Magnússon (Gommit) sérfræðing í samfélagsmiðlum og vörustjóra hjá Marorku, Má Örlygsson sérfræðing í aðgengismálum og stjórnanda vefforritunarteymis Hugsmiðjunnar og Snorra Pál Haraldsson, sérfræðing í vefmælingum og vefforritara hjá Hugsmiðjunni. 

Vefakademían hefur verið í mótun á þessu ári þar sem við viljum svara ákveðinni eftirspurn viðskiptavina okkar. 

Skráðu þig á póstlista Vefakademíunnar til að fá ítarlegri upplýsingar um námskeiðin þegar þær liggja fyrir.

[atonblogg]

Í dag fagnar YouTube10 ára afmæli sínu, en lénið www.youtube.com var skráð þann 14. febrúar 2005. Írski tæknivefurinn Siliconrepublic fjallar um þessi tímamót og rifjar upp söguna. 

Fyrsta myndbandið birtist á YouTube þann 23.apríl 2005, og hét það „Ég í dýragarðinum“, og var því hlaðið inn af Jawed Karim, einum stofnanda YouTube. Nú eru mánaðarlegir notendur YouTube rúmlega einn milljarður sem horfa á rúmlega sex milljarða klukkustunda af myndböndum á hverjum mánuði.

Vegna vinnsælda YouTube er vefurinn orðinn mjög mikilvægur þegar kemur að markaðsetningu og kynningu á fyrirtækjum og vörum þeirra. Með samvinnu YouTube og Facebook, geta myndbönd tröllriðið internetinu, og keppist hvert stórfyrirtækið á fætur öðru við að búa til skemmtilegar og flottar auglýsingar sem fólki langar að horfa á og deila.

Hér er er upplýsingamynd eftir Tom Hopkins hjá One Productions með öllum helstu upplýsingum um YouTube.

[icesocialmedia-blog]

Að svara eða svara ekki...þarna er efinn

Ég tók eftir því að umræður höfðu skapast á vefmiðlinum Vantrú um spurningu sem Þröstur Hrafnkelsson hafði sett inn á Facebook-síðu Þjóðkirkjunnar.

Spurningin var svohljóðandi:

Umræðan á Vantrú snérist þó aðallega um að Þresti hefði ekki verið svarað. Það er ekkert að þessari spurningu hans og ekki er hún dónaleg á nokkurn hátt, þó svo að hann sé greinilega aðeins að espa kirkjunarmenn.

Mér finnst eiginlega alveg ótrúlegt að honum hafi ekki verið svarað. Það sýnir sig líka að svarleysið við þessari spurningu Þrastar hefur nú undið upp á sig og það er tekið eftir því að engin svör hafa borist.

Í gær hafði aðili sett inn sömu spurningu. Honum hefur heldur ekki verið svarað.

Ég verð að segja að mér finnst þetta vera mjög lélegt af þeim sem sjá um Facebook-síðu kirkjunnar.

[helgihorn-blog]

Markaðssetning á netinu

Hef setið í dag og lært um samfélagsmiðla og notkun þeirra í markaðssetningu. Mjög fróðleg vinnustofa undir stjórn Andrésar Jónssonar.

[simmix1]

Skemmtilegt hvernig samfélagsmiðlar búa til óvænt trend og tengir saman fólk - How Instagram is making jigsaw puzzles cool again - via @techreview https://t.co/Sd2BGlmX38

Skemmtilegt hvernig samfélagsmiðlar búa til óvænt trend og tengir saman fólk - How Instagram is making jigsaw puzzles cool again - via @techreview https://t.co/Sd2BGlmX38

— Sigmundur Halldorsson (@simmix1) February 5, 2020

via Twitter https://twitter.com/simmix1 February 05, 2020 at 08:28AM

[frettanetid]

Það er nefnilega það… Snapchat gerir þig HAMINGJUSAMARI… en aðrir samfélagsmiðlar

http://frettanetid.is/thad-er-nefnilega-thad-snapchat-gerir-thig-hamingjusamari-en-adrir-samfelagsmidlar/?utm_source=dlvr.it&utm_medium=tumblr

[frettanetid]

Það er nefnilega það… Snapchat gerir þig HAMINGJUSAMARI… en aðrir samfélagsmiðlar

http://frettanetid.is/thad-er-nefnilega-thad-snapchat-gerir-thig-hamingjusamari-en-adrir-samfelagsmidlar/?utm_source=dlvr.it&utm_medium=tumblr