tamillit - Tumblr blog

[tamillit]

Vanathi's Message

தூவெண்மதி சூடி

தோடுடைய செவியன் விடையேறியோர்

தூவெண்மதி சூடிக்

காடுடையசுட லைப்பொடிபூசி

என்உள்ளங்கவர் கள்வன்

ஏடுடையமல ரான்முனைநாட்பணிந்

தேத்தஅருள் செய்த

பீடுடையபிர மாபுரம்மேவிய

பெம்மானிவ னன்றே

[tamillit]

Kurunthokai

Kurunthokai-40, The Hero says,

"What could my mother be

to yours? What kin is my father

to yours anyway? And how

did you and i meet ever?

But in love

our hearts have mingled

like red earth and pouring rain."

– Cempulap peyaṉīrār (The Poet of the Red Earth and Pouring Rain).

It is interesting to note that the poet is named after the Metaphor in the Poem.

__

Kurunthokai is a Anthology of poems that belong to Sangam Literature ( Third Century BC to Third Century AD)

__

இயற்கை புணர்ச்சி புணர்ந்த பின்னர், ‘பிரிவர்’ என அஞ்சிய தலைவியைக் கண்டு தலைவன் கூறியது,

என்னுடைய தாயும் உன்னுடைய தாயும் எத்தகையில் உறவினர் ஆவர் ? என் தந்தையும் நின் தந்தையும் எந்த முறையில் உறவினர் ? யானும் நீயும் இதற்கு முன் எவ்வாறு ஒருவரை ஒருவர் அறிந்தோம்? இந்த மூன்றுமே இல்லை என்றாலும் செம்மண் நிலத்தில் பெய்த மழைநீரானது அந்த மண்ணோடு கலந்து அதன் தன்மையை அடைவதைபோல் நம் இரு அன்பு நெஞ்சங்களுக்கு தாமாகவே ஒன்றுபட்டுன.

- செம்புலப் பெயனீரார்

கருத்து : நம் பிரிவென்பது நிகழாது. நீ அச்சம் கொள்ள தேவையில்லை என தலைவன் தலைவியிடம் கூறுகிறாள்.

[tamillit]

புத்தரின் படுகொலை

நேற்று என் கனவில்

புத்தர் பெருமான் சுடப்பட்டிறந்தார்.

சிவில் உடை அணிந்த

அரச காவலர் அவரைக் கொன்றனர்.

யாழ் நூலகத்தின் படிக்கட்டருகே

அவரது சடலம் குருதியில் கிடந்தது.

.

.

.

இரவின் இருளில்

அமைச்சர்கள் வந்தனர்.

'எங்கள் பட்டியலில் இவர் பெயர் இல்லை

பின் ஏன் கொன்றீர்?'

என்று கேட்டனர்.

.

.

.

'இல்லை ஐயா,

தவறுகள் எதுவும் நிகழவே இல்லை

இவரைச் சுடாமல்

ஓர் ஈயினைக் கூடச்

சுடமுடியாது போயிற்று எம்மால் -

ஆகையினால் தான்…'

என்றனர் அவர்கள்.

.

.

.

'சரிசரி,

உடனே மறையுங்கள் பிணத்தை'

என்று கூறி அமைச்சர்கள் மறைந்தனர்.

சிவில் உடையாளர்

பிணத்தை உள்ளே இழுத்துச் சென்றனர்.

.

.

.

.

தொண்ணூறாயிரம் புத்தகங்களினால்

புத்தரின் மேனியை மூடி மறைத்தனர்.

சிகாலோகவாத சூத்திரத்தினைக்-

கொளுத்தி எரித்தனர்.

புத்தரின் சடலம் அஸ்தியானது

தம்ம பதமும்தான் - சாம்பலானது! —நுஃமான்

.

. (சிகாலோகவாத சூத்திரம், தம்மபதம் ஆகியன பெளத்தமத அறநூல்கள்)

__

நூல் : 20ம் நூற்றாண்டு ஈழத்துத் தமிழ்க் கவிதைகள்.