timoon11

[timoon11]

اللي بيحب حد عشان صوته بس؛ ممكن يسجل فويسات ليه ويحتفظ بيها.. واللي بيحب حد عشان شكله حلو بس؛ ممكن يصوره صورة ويخليها في جيبه يطلعها يتملى في جمالها كل شوية.. لكن اللي بيحب حد عشان عايز يكمل معاه يبقي يهيأ نفسه إن فيه عيوب.. مهما كان اللى هيقع عليه إختيارك فى الحب؛ فهو مش شخص كامل، ولا هيبقي ولا هتلاقي.. لإن بساطة أنت نفسك مش كامل.. مفيش حد ناقص بس فيه ناقص مش بيشوف غير نقص الناس.. اللي عايزك هيشوف عيوبك مميزات أو أضعف الإيمان هيحاول يساعدك تتجاوزها.. مش هيتلكك عشان يخلع.. مش هيتأثر بكلام حد عنك.. هيشوفك بعيونه، وقلبه سوا.. حتى لو في لحظة اكتشف إنه مش قادر يكمل مش هيجرح اللي قدامه ويعمل نفسه أهبل بـ كلمة أو تصرف يفضلوا معلمين فى نفسية اللىي قدامه للأبد، وهيختار أسلم، أرقى، وأنضف طريقة عشان يوصل بيهم ده.. سأل المريد شيخه: “كيف تبردُ نار النفس؟”.. قال: (بالاستغناء، استغنِ يا ولدي فمن تَركَ مَلَكْ).. قال المريد: “وماذا عن البشر؟”.. قال: (هم صنفان من أراد منهم هجرك وجد في ثقب الباب مخرجاً، ومن أراد ودك ثقب في الصخرة مدخلاً)

[timoon11]

لا تخبروا الناس كذباََ عن سهولة التخلي وأن في البُعد نضج و قوة ..

أو أن في الهجر راحة .. بل قولوا لهم قولاََ حقاََ ..

و أخبروهم أن يتجاوزوا و يحاولوا و يتشبثوا ببعضهم البعض قدر ما يستطيعون .. فوجع فراق الأحبة يعادل آلام الموت ..

وأن القلوب بعد الفراق تشيخ و تصبح مليئة بالتجاعيد ..

وان الحياة لا تعود كما كانت الأمال تموت

والأحلام تشيخ و السبل تتقطع .. 💔

[timoon11]

استيقظتَ بهدوء لا على خبر مُفجع.. تناولتَ إفطاركَ المفضل.. احتسيتَ قهوتك بصمت.. مضى يومكَ بصورة عادية جدًا أو حتى أقل من العادية.. لا أخبار مُفزعة في وسط النهار.. أو صدمات متوقعة في أواخر الليل.. لا تحاليل طبية ولا انتظارات طويلة بأروقة المشافي والعيادات.

تعيشُ في بيتكِ الصغير وترتزقُ من عملك الذي لا تحبه وتروح وتغدوا على قدميك المنهكتين.. لا سرير أبيض.. ولا بطالة مؤسف�� ولا عكاز أو مقعد متحرك.!

تبصر ما حولك بعينيك.. وتتناول ما تريد بيديك وتأكل ما تشتهي معدتك.. لا ظلام دامس تغرق فيه.. ولا شلل تام يحول بينك وبين قضاء حاجاتك.. ولا أوامر أطباء تمنعك من احتساء ما ترغب.

هذه أيام مملوءة بلطف الله تستحق أن تحمدهُ عليها.. ولحظات محفوفة برعايته فاطلب منه أن يديمها عليك.

دعك من هوس اللحظات الخارقة والأيام السعيدة الاستثنائية يكفيك أن تستيقظ كل صباح مطمئن البال وأن تنام كل ليلة هادىء القلب وادعُ الله دائمًا أن يحاوطك بلطفة وأن يغشاك دائمًا وأبدًا برحمته..

🤗❤️

[timoon11]

أجيبلك أيه و أنا جاي ؟

هاتلي مخدة أحُط عليها راسي أنام

هاتلي قلب يزعل بس يصفى قوام

هاتلي ساعة راحة بال .. وحبة فرح ولو بريال

وهات أقفال أقفل بيها باب الحُزن

و هات من الحُب مليون حضن

و هاتلي معاك شوية صبر

و هات للخواطر جبر

هاتلي أمان وضحكة طالعة باطمئنان

أقولك علشان ما تتلغبطش هاتلي العُمر من الأول وهات حبايبنا من تاني وهات الجيرة والصحبة وهات قلب مايسودش وعيون جميلة ماتحسدش وعيش وملح ما يتخانش !

وعجبي🥺

[timoon11]

- كارفور مش مكان تتفسح فيه ، ده مكان تشتري منه وتمشي

- ستاربكس أحلى مكان تشرب فيه كوفي ، بس أوحش مكان تفطر فيه

- مراسي ، وهاسيندا ، وديبلو ...... أحلى 3 قرى سياحية في الساحل ...

وبفلوس أسبوعين فيهم تلف أوروبا كلها مرتين تلاتة.

-دوس c مره واحده بس الأسنسير هييجي .. لو دوست تلاتين مره ورا بعض مش هييجي أوي أو هييجي أسرع .

-ماكدونلز وسط البلد وروكسي وحشين متروحش هناك .

- كنتاكي وحش في كل حتة ماعدا فرع شاع الثورة.

- أحلى محلات دهب ميدان الجامع مصر الجديدة.

-كلنا بنروح نقف آخر عربيه في المترو فعمرها ما هتبقي فاضيه متعملش ناصح .

-محدش بيعمل السينابون غير سينابون وأحلى سينابون فرع الدقي

-العلاقه لو فشلت فالبنت هي السبب، ولو نجحت وكملت برضو البنت هي السبب، إحنا ملناش طلبات وعايزين نعيش غالبآ .

-بنتولد مره واحدة ، وبنموت مرة ، وبنعيش مرة واحدة وبنحب مرة واحدة .

-صاحبك اللي هتسمع منه جملة " لو إنت رايح أنا هروح" ده صاحبك بجد حاول متخسروش .

-البنت اللي حاطه صورتها هي وصاحبتها بروفايل بيكتشر غالبآ الحلوه هي صاحبتها فمتتسرعش وتعمل آد .

- سيتي ستارز أوسخ مول في العالم ممكن تخرج فيه ، وكايرو فيستيفال انضف وارقى.

- مول العرب خروجة اللي جايين من الفيوم وبني سويف والصعيد ، أهل القاهرة واكتوبر بيهربوا من زحمته دي ويروحوا زايد أروق ..... ( تكدس رهيب بسبب الموقع الجغرافي لتلك المناطق )

- طلعت حرب مش مول ، وجنية مول برضو مش مول

- مدينة نصر أوحش مكان في القاهرة ممكن تعيش فيه ،وبعد منها الدقي والمهندسين

- الزمالك وجاردن سيتي المنطقتين الوحيدتين اللي مبيدخلهمش ميكروباصات ، باستثناء شارع 26 يوليو ، واللي عايشين فيهم فعلا تلت ارباعهم بشوات....وبيكرهوا باقي المصريين.

- مصر الجديدة يعني الكوربة وبس ، وباقي مصر الجديدة بيتمسحوا فيها

- الكوربة شارع بغداد وشارع بيروت ، وشارع ابراهيم باشا ، وابراهيم اللقاني ، وشارع الثورة....

- جروبي اللي في الكوربة أحلى من جروبي وسط البلد.

- أبوحيدر وأبوعمار أحلى اتنين تاكل منهم شاورما ، والاتنين في الكوربة ......

بس محدش يقدر يقول مين فيهم أحلى من التاني.

- أشهر قهوة في مصر قهوة أسوان في الكوربة.

- البنات اللي في مراكب سراي الجزيرة الزمالك اللي لابسين قصير دول المكان مأجرهم عشان يلموا الدبان والأوساخ اللي زيهم..

- الأكل التشاينيز في مصر ملوش علاقة لا من قريب ولا من بعيد بالأكل الصيني اللي الصينيين بياكلوه.

- لو عايز تاكل أكل هندي كل في مهراجا التجمع وبس.

- لو عايز تاكل أكل تركي كل من Bosporus التجمع برضو.

- تيفولي و the district وبلاتفورم والكورتيارد كانوا أجمد خروجات زمان ، دلوقتي أزبل أماكن في مصر...

- كورنيش المعادي أجمل من كورنيش وسط البلد.

- عايز تركب يخت في النيل اركب يخت جراند حياة وبس.

- سوفيتيل أحلى فيو ع النيل.

- مطعم Aura اللي ف 4seasons أحلى مطعم رومانسي في مصر....

- القطامية هايتس والقطامية ديونز لو هتجيب فيلا ب 30 مليون فيهم برضو شوية عليهم .... مش هتفهم غير لو روحت شفت بنفسك....

ولو عايز تقعد فيهم اقعد ف the smokery أو Westin golf resort

- أحلى وأغلى gold's gym في مصر فرع كونكورد بلازا التجمع.

- فندق الدوسيت التجمع و Lake House club حتة من تايلند جوا مصر..

-قراية الروايات مبتعملش مثقف، وأحمد مراد مش كاتب، وأحلام مستغانمي عايزه عريس، وأحمد خالد توفيق جامد فشخ .

-الجيش مبيعملش رجاله، ولو إنت عيل ابن أمه هتخرج منه لسه بتجري على أمك عشان تكويلك قمصانك وتلمعلك الجزمة وتعملك كباية الشاي .

-متحاولش تثبت أو تقول لحد إنك كويس و حلو، سيبه يلف وهيعرف لوحده إنك حلو .

-برانش أحلي من بونجورنو، وبيبسي أحلي من كوكاكولا وبتكرع أكتر، وكرانشي أحلي من شيبسي بس مفيش منه كبير ،ومفيش لايز في الأكشاك .. للأسف .

-السعاده مش بنت، والأمان مش راجل، والجدعنه صاحب، والتلاته مع بعض هتلاقيهم في أمك بس .

-التجربه أو العلاقه اللي منجحتش دي هتفشخك في حياتك فعلآ .. وهتخليك مش مبسوط في أي علاقة تانية حتى لو حلوة .... علمت عليك آه بس هتعلمك .

-90 %من الناس بتسب الدين للسبكي و85 % من ال90 دول حافظين أفلامه بالتتر.

- لو هتفطر في TBS فالعيش البانيني Panini أحسن من العيش الباجيت Baguette عشان أطرى ومبيوجعش السنان .......

واطلب هاف بورشن تركي ، وهاف بورشن سموكد تشيكن أجمد حاجة.

- دانكن دونتس أحلى دونتس في مصر ،

ونولا أحلى كاب كيك ،

وسيدرا أحلى كنافة وجلاش وقطايف ،

وقويدر أحلى بسبوسة .....

وكوبرميلت أحلى من اللي فات كله.

-زي ما مفيش صاحب بيتصاحب، مفيش حد بياخد مرتبه كامل غير المدير .

-المحترم والدوغري غالبآ هيلبس، وإللي مدورها هيلبس برضو وعمره ما هيسلك في حياته حتى لو اتجوز رابعة العدوية.

-الحب في العلاقات أول خمس سنين بس وباقي المده عد تنازلي لحد ما ينفصلو .

- فرنسا فيها أكتر بنات رفيعة ، وأحسن بنات بتلبس في العالم ، وأسبانيا مفهاش دوري، ومصر مفهاش كوره .

- انجلترا وألمانيا أوسخ بلدين ممكن تعيش فيهم بسبب العنصرية ... تروحهم سياحة وبس.

-الsale علي اللبس في البرندات والمحلات الكبيره مش زي م إنت فاكر،

الجاكت أبو 8000 بقي ب6500 مش أكتر، فميشغلناش يعني .

-هتلبس في حياتك من أكتر حته إنت مآمنها ، وأكتر ناس حبيتهم واعتبرتهم أهلك ... ومفيش حاجة مضمونة ... وافتكر إن بوسي سابت نور الشريف بعد تلاتين سنه جواز وأما مات عيطت عليه عادي .

-البنت اللي بتشرب سجاير ، في الغالب مبتشربش سجاير بس ، البنت اللي بتعمل صوتها زي الأطفال وهي بتتكلم مش رقيقة في الأصل .

-لو معاك واحده انت مكفرها ومع ذلك مش قادره تسيبك عشان مش عارفه تقدر تسيبك .... حافظ عليها .... ولو طلبت عينك إقلعهم واديهوملها وامشي انت حسس

[timoon11]

أعشق أسكندريّة

واسكندريّة تعشق رائحة البحر

و البحر يعشق فاتنة في الضفاف البعيدة

كلّ أمسية ؛ تتسلّل من جانبي

تتجرّد من كلّ أثوابها

و تحلّ غدائرها

ثمّ تخرج عارية في الشوارع تحت المطر

فإذا اقتربت من سرير التنهّد و الزرقة

انطرحت في ملاءاته الرغويّة ؛

و انفتحت .. تنتظر

و تظلّ إلى الفجر

ممدودة - كالنداء

و مشدودة - كالوتر

و تظلّ .. وحيدة

[timoon11]

صباح الخير

انزل اتمشي الصبح بدري ف مكان بتحبه،شغل قرآن وانت قاعد ف البيت،افتح الشباك وخلي الشمس تدخل اوضتك،اسمع اغنيه بتحبها،اقرأ كتاب،اشتري لنفسك حاجات بتحبها،اتصور صور جميله،اقعد كده تأمل شكل السما الجميل،اعمل لنفسك اكله بتحبها،اشرب مياه كتير،استشعر كل النعم اللي ربنا محاوطك بيها،صلي واشكره،حب نفسك،ساعد حد محتاج،اعمل اي حاجه بس متسيبش نفسك للحزن يبلعك.

[timoon11]

الغلاوه محدش بيشتريها.. هي نعمه لطيفه..

لكن التراكمات صعبه .. وممكن تهد رصيد الغلاوة وسهل تكسر أجدع وامتن وأقدم علاقة..

[timoon11]

بناء علي الطلب المتكرر للسيدات والسادة الاصدقاء والمتابعين والذين اتشرف بهم علي صفحتي الخاصة اعيد نشر "البوست المجمع "الذي يضم معظم اسئلة ومشاكل حضراتكم الجلدية والإجابة عليها بأفضل وأنسب العلاجات الجديدة سعراً وفاعلية والتي تناسبكم جميعا وبكدة توفروا وقتكم والحجز في العيادة وفلوس الكشف :

أ- مشاكل الشعر :

---------------

١- امتي اقول اني بعاني من مشكلة سقوط شعر مرضية ؟ اذا وجدت يوميا علي المخدة الصبح اكثر من ١٢٠شعرة لان هذا يعني ان الشعر يتساقط تلقائيا دون اي شد .. طيب والشعر اللي بيقع في المشط والفرشاة وأثناء الغسيل ؟ لا خوف منه لانه بيقع علشان يطلع جديد مكانه ..

٢- اذن ماهو العلاج المناسب لسقوط الشعر ؟ ممكن كبسولات بانتوجار او اقراص برفكتيل او كبسولات Royal Vit G واحدة بعد الافطار يوميا من ثلاثة شهور ومعاها حمامات زيت مكونة من خليط متساوي من زيت اللوز الحلو وزيت الزيتون وزيت الجزر وزيت السمسم لتدليك فروة الرأس والشعر مرتين اسبوعيا .

٣- طيب ايه احسن شامبو ؟ كل انواع الشامبو تصلح ولكن في الانواع الجيدة الآتية coffee zinc shampoo او StrongVille Shampoo او plantofix Shampoo او Dr.skin shampoo ..

٤- واحسن حاجة للشعر الهايش ايه ؟ StrongVille hair cream اوBlue care hair cream او زيت اللوز الحلو كويس .. .

٥- وقشرة الشعر نعمل فيها ايه ؟ كل ما نغسل شعرنا ندهن فروة الرأس باي نوع من انواع شامبوهات القشرة ونتركه علي فروة الرأس حوالي عشر دقائق وبعدين نشطفه ؟ ممكن شامبو Clear او nizabex .

٦- هل كل كريمات فرد الشعر تحت مسمي فيللر او بروتين او كولاچين او اي اسماء غيرها فعلا خطيرة ؟ خطيرة جداً علي الصحة والشعر والجلد وممكن تأثيرها يبان بعد ثلاث او اربع مرات .. حتي لوكانت زيرو فورمالين ؟ نعم حتي لو كانت زيرو فورمالين .. طيب والنوع البرازيلي للفرد بيقولوا آمن ومش خطير ؟ البرازيلي زي الهندي زي الامريكاني كله خطير ضار علي الشعر ؟ طيب نعمل ايه علشان نفرد الشعر ؟ ممكن السشوار ولكن بمعدلات قليلة ..

٧- هل يوجد علاج للصلع الوراثي ؟ للاسف لايوجد علاج دوائي لسقوط الشعر

ب- مشاكل البشرة :

-----------------

١- ممكن كريم ايه كويس لترطيب البشرة ؟ epiderm cream اوJBC cream

٢- وواقي للشمس يناسب انواع البشرة المختلفة ؟ ممكن Bobai وفي منه للبشرة الدهنية وفي للبشرة الجافة او+ Dermabond cream 50 ..

٣-وايه كريم كويس لتفتيح البقع الغامقة في الوجه او اي اماكن في الجسم غامقة بما فيها الاماكن الحساسة وتحت الإبط والركب وغيرها ؟ممكن StarVille Whitening cream او Lit up cream او Cmix serum

٤- طيب ممكن كريم للهالات تحت العين ؟ Ageal eye contour .

٥- وايه افضل علاج للنمش ؟ الليزر هو العلاج الأمثل للنمش

٦- ..طيب هل يوجد فعلا كريم يمنع ظهور التجاعيد زي ما بنشوف في الإعلانات ؟ كلام غير حقيقي للاسف ولا يوجد شئ يمنع ظهورها ولكن يوجد علاجات لها زي البوتوكس والفيللرز

٧- طيب ايه حل مشكلة كعب القدمين الجاف واللي بيشقق خصوصا في الشتاء ؟ دهان يوميا مساء ب carbamide ..

٨- سؤال كمان التينيا اللي بتيجي في الأظافر خصوصا أظافر القدم وبتعمل لون اخضر علاجها ايه ؟ ندهن الأظافر مرتين يوميا بسائل Fungibacid Nail solution او Canesten اربعة شهور ..

٩- طيب نعمل ايه للوقاية من الحساسية اللي بتيجي في الايدين نتيجة صابون الغسيل ونعالجها ازاي ؟ لازم جوانتي اثناء الغسيل ولعلاجها ندهن بكريم Tarolimus مرتين يوميا ..

١٠-هل الصابون الذي يحتوي علي مواد مطهرة مثل الكبريت او الديتول او الفينيك خطر صحيح علي الجلد ؟ خطر جداً ..

١١-طيب ايه افضل صابون للاستحمام ؟ صابونة الجلسرين وخاصة اصحاب البشرة الحساسة ..

١٢- سؤال ايه احسن غسول للوجه يمنع ظهور حبوب الشباب وينظف الرؤوس السوداء ؟ نغسل الوجه صباحا ومساء بغسول يوضع علي الجلد لمدة خمس دقائق ثم يشطف مثل Synobar cleanser StarVille facial wash او او Akren cleanser

١٣- سؤال كمان ايه احسن علاج موضعي لحبوب الشباب نفسها ؟ ممكن StarVille acne cream اوAkren acne cream m ويوضع كدهان فقط للحبوب وليس للوجه مساء يوميا بعد غسول الوجه بساعة علي الاقل ولو كان الحبوب فيها صديد ناخد كبسولات Dalacin c 300 واحدة صباحا وواحدة مساء مع العلاج الموضعي

١٤- علاج التينيا بين أصابع القدم او اليدين ؟ كريم Daktacort

١٥ كريم للعناية بالبشرة ؟ Sanso collagen cream ١٦- ماهو علاج المسام الواسعة والشعر الابيض ومشكلة جلد الوزة التي تصيب البعض ؟ الاجابة للاسف لايوجد علاج لاي منهم ..

وتحياتي لحضراتكم جميعا د. هاني الناظر

[timoon11]

❞ أكبر أخطائنا فى حق أنفسنا هو القلق و الاستسلام للاكتئاب و الشعور بالاحباط و كثيراً ما نتعرض لهذه الأعراض إذا بدا لنا فجأة كأن الطريق قد أصبح مسدوداً أمامنا و أن المشكلة التى نواجهها جبل شاهق لن نستطيع أن نتسلقه لكى نهبط إلى طريق الأمان من الناحية الأخرى .. مع أن أكثر من شقوا طريقهم بنجاح فى الحياة قد اصطدموا بمثل هذه العقبات أو بأعتى منها .. فتخطاها البعض .. و تحل البعض الآخر عنها إلى طريق آخر فى الحياة لم يلبث أن حقق فيه أكثر مما كان يحلم به لو سار فى طريقه الأول .. أما من جلسوا يستشعرون العجز .. و يشكون سوء الحظ .. و يتحسرون على ما كانوا سيحققونه لو لم تصادفهم هذه العقبة، فلقد خسروا طموحهم .. و أعصابهم و صحتهم و قدرتهم على الاستمتاع بالحياة ،،، . ❝

⏤ عبدالوهاب مطاوع