charlesfathy

[charlesfathy]

#vector #face #illustrator #photoshop #artwork #digitalart #Phase1Complete

[charlesfathy]

نضارة الحاج .. هنحتفظ بيها ذكرى في حالة قررت أقتله ولا حاجة #Art #MobilePhotography #BW #Photography #Mobile #Glasses

[charlesfathy]

مش المذيع ينكمش بالحرارة و يتبربر بالبرورة؟!

سعيد صالح

[charlesfathy]

When I say "I understand" it doesn't mean I understand, it doesn't mean I agree, it doesn't even mean I'm listening.

Charlie Harper (from Two and a half men)

[charlesfathy]

من هو الله

" من هو الله "  هل فكرت يوماً ما في هذا السؤال ؟  أنا أعلم جيداً أن الكثير من الناس سوف يقولون ما هذا المُلحد ؟ الكافر الفاسق ولكن تريث قليلاً وإقراء  الكثير والكثير من الناس يؤمنون بـ ” الله ” وكل شخص له فكره الخاص وطريقة عبادتة الخاصة .. لكن أتعلم ماهي النكبة الكبري ؟  أن تعبُد ” الله “  وأنت لا تعلم لماذا تعبده .. أو لأنك تعلم أنه صاحب القوة الذي سوف يقوم بتعذيبك وبهذا لا يكون لديك خيار أخر  عزيزي الساذج .. عزيزتي الساذجة  سوف نوضح لكم بعض الأمور الرائعة اليوم وفي النهاية سوف نصل إلي تعريف  حتي لا أُصبح من الناس الـ بتفتي  أنا هاتكلم في الأكثر عن الدين ” الأسلامي ” لأني مُلم بالدين الأسلامي  بحكم أنه ديني ..  وهندخل كل المـُعتقدات في النص  " الرحمن الرحيم "  أتعجب كثيراً .. أه والله كثيراً لما يهل علينا أحد المشايخ العظماء ويقول لك :  أن الله هو الرحمن الرحيم ؟ لا تيأس من رحمة الله .. أتعلم من هو الله ؟ هو الرحمن الرحيم  وفي منتصف خطابة .. وسوف يأكلك الثعبان في قبرك وتشم رائحة الجيفة النتنة وتظل طيلة عمرك في النار إن لم تتبع تعاليم الدين  ياااه ؟ هو ده مفهومك علي الرحمه ؟  هل تعلم أن هُناك أحد النمور قام بتربية قرد صغير بعد أن أكل والدته  هذه رحمة أحد مخلوقات الرحمن الرحيم  ما هذا عايز أسألك سؤال أنا واثق من إجابته  كام واحد في اليوم بيستخدم رب العباد كسلاح حتي يقوم بتروعيك ؟!  مثلاً والدتك .. لو عايز تعمل حاجة سواء صح أو غلط بس بتتعارض معاها  وقتي هاتقولك ربنا مش هيسامحك ومش هايغفرلك ومنك لله وكأنها بتستخدم ربنا كسلاح أنك تنفذ كلامها حتي لو كان بيتعارض معاك حتي لو مكانش صح بالنسبالك المُهم أنك تطيع وخلاص  سؤال تاني ؟ كام واحد بيديلك وعود بحسنات مٌقابل أعمالك ؟!  مثلاً أعمل شير وهتاخد مليون حسنه .. لو معملتش لايك ربنا هايغضب عليك  كأن كل الناس دي معاها مفاتيح من ربنا بيقدروا يجيبوا بيها الرزق والصحه والحسنات  طب سؤال تاني . كام واحد بيقتل ناس أبرياء بأسم الدين ؟!  بتوع داعش !!  هل أنتا كُمسلم مسيحي يهودي .. شايف أن قتل إنسان عند ربنا شئ سهل  هل فعلاً ربنا الـ أمرك بكدا !؟ هل هي دي وجهة نظرك ��ن الله ؟!  أنا بتعجب كثيراً من كل تلك المواقف بتعجب من ناس كتير بيتكلموا أحسن الكلام عن الله وبيعملوا كل فعل يسيئ إلي هذا الكلام !  يعني 99% من الناس حافظين أسماء الله الحسني والـ مش حافظها عارف الرحمن الرحيم وفي النهاية بيفتروا علي الله الكذب وبيعملوا أعمال بأسمه لا تمت له بأي صله  لك أن تتخيل واحد بيدعي علي أبنه بيقوله يارب تعمي أو تموت أو أي شئ من ده هل فعلاً الدعوة دي أنتا بتكون مُقتنع بيها ؟  واثق أن الرحمن الرحيم ممكن يعمي شخص أو يأخذ عمره عشان غلط في التفكير أو غلط في إستيعاب بعض الأمور بينك وبينه ؟!  طب أنتا واثق أن الرحمن الرحيم علي أقل شئ هايدخلك النار وهايولع فيك وهايوريك ؟ وأن موعد التوبة خلاص قرب علي الإنتهاء مثلما يقول كل المشايخ ؟!  يا أخي أنتا عارف يعني أيه رحمتة وسعت كل شئ ؟  ياخي ده لو واحد بيعبد الأصنام متقدرش تقوله أنه هايدخل النار لأنك متعرفش حكمة ربنا هو الـ خلقة وقادر يهديه في لحظة !  كل حياتنا إفتراء وكذب وتناقض .. أسم من أسماء الله الرحمن كيف للرحمن أن يُصبح سلاح نخيف البشر منه ؟ كيف يُعقل هذا !!  كيف لك أن تحكم وتتحكم وتتكلم وتقول وتفتري علي الله كذباً ؟!  يا أخي أقسملك بالله 99% من أصدقائي مُلحدين وعمري ما حاولت مٌجرد محاولة أني أتناقش معاه في دين أو أقوله أنتا في النار أو في الجنة  لية ؟!  لأني مش ربنا ! هو الهادي ولست أنا هو من يُحاسب البشر ولست أنا  النصيحه واجبه ولكن قبل أن يتبين الرشد من الغي .. كل إنسان وله حرية الأختيار يا سادة !  وفي النهاية أحُب أن أقول :  لو كان الله في الأسلام يأمر بالقتل فأنا لست مُسلم  لو كان الله في الأسلام يتوعد دائماً بالجحيم ولا وجود للرحمة فأنا لست مٌسلم  لو كان الله يأمرنا في الأسلام بالتفرقة العنصرية فأنا لست مٌسلم  لو كان الله في الأسلام أعطانا مفاتيح الجنه والحسنات فأنا لست مٌسلم  لو كان الله بصورته التي يصورها بعد المشايخ والدعاه والمخابيل بالسلطة والقوة فأنا لست مؤمن بهذا أنا مؤمن أن الله لا يستطيع بشر أن يتخيل مقدار رحمته ولا روعته ولا إبداعه في المغفرة ..  الله ليس بهذا القبح يا سادة أنتم القبيحون  الله هو الجميل الرحيم الغفور ..

Read More

[charlesfathy]

These before-and-after shots demonstrate the incredible power of visual effects on screen.

[charlesfathy]

Just a road. #BW #MobilePhotography

[charlesfathy]

مفيش فايدة - الحلقة الخامسة - الآراء

[charlesfathy]

صباح الخير يا منصورة

[charlesfathy]

Mobile Shot by me #SDuos #MobilePhotography #coffee #night #photography

[charlesfathy]

Mobile shot be me. Before Sunset #SDuos #mobile_photography #photography #nocrop #landscape

[charlesfathy]

Super Moon in Cairo .. Photo by Me 

[charlesfathy]

Memories? They're useless if you just mourn them.

Ahmed Fathy (elly howa ana ya3ni)

[charlesfathy]

Just got into my room and I found this. Thanks, bro. This made my day. #HappyBirthdayToMe a few days ago 26June

[charlesfathy]

تفاصيل أي موسم زيطة

1-ينزل الإعلان أو أيا كان موضوع الزيطة

2-الناس كلها تزيط و تفشخ الفيسبوك و تويتر و إنستاجرام صور و تويتات و بوستات

3- بعد كده يظهر كام حاجة حلوين و يضحكوا بجد "كوكاكولا أحلى مع أمك" و ناس بتحاول و بيبقوا بضان

4-بعد كده يطلع تريقة عالناس اللى بتزيط و ممكن يكون الشخص اللي بيتريق ده زاط في الموضوع قبل كده

5-التريقة بتتطور و تبقى كوميكس و في الغالب بيكون الكوميك بتاع "في إيه يا ولاد الوثخة"

6- الموضوع بيهدى تدريجيا لحد ما يختفى و أو أي حد بيعمله بيتحط في الInternet Explorer zone

[charlesfathy]

شعار المرحلة..

[charlesfathy]

إنت كأخواني أو منتمي للتيار الإسلامي، ماعنديش مشكلة إنك تقول عني “علماني” أو “كاره للشريعة” أو أى حاجة، ما دام دي قناعتك اللي مريحاك في الحياة، إنت حر.. وإنت كفلول أو منتمي لنظام مبارك/السيسي، ماعنديش مشكلة إنك تقول عني “عميل”، أو “متمول”، ما دام دي قناعتك اللي مريحاك في الحياة لكن حقي عليك، أياً كان إنتمائك، إنه يبقى في عدالة في البلد، عشان لما إتحاكم بتهمة الإضرار بمصر أقدر أدافع عن نفسي، ولما اتبرأ أو اتحبس يبقى بناءً على حُكم موضوعي مش بأوامر السُلطة.. حقي عليك، أياً كان انتمائك، إنه يبقى لي مساحة في المجال العام، عشان أشرح أفكاري ومواقفي اللي إنت بتفسرها بمزاجك إنه ضد الدين! حقي عليك، أياً كان انتمائك، إنك ماتطلبش مني أبقى نسخة كربون منك.. إنت عايز ‫#‏مرسي‬ يرجع، إنت حر، بس ده مش رئيسي.. إنت عايز ‫#‏السيسي‬ يُحكم إنت حر، بس ده مش رئيسي! وحقك عليا.. إن كُنت مع الثورة أو ضدها.. إن كنت مؤيد لي أو معارض.. حاببني أو كارهني.. إنك أفضل أدافع عنك، ضد “القتل” و”التعذيب” و”إنتهاك كرامتك”.. حقك عليا، إن موقفك السياسي مايكونش مبرر لسحقك كإنسان.. حقك عليا، إني أفكّر نفسي كل ما أنسى، إنه مهما كانت دماغك، أو تصرفاتك، فـ دي بلدك زى ما هى بلدي، ولازم نعيش فيها سوا.. حقك عليا إني أحاربك وإنت في السُلطة وظالم، حتى لو كنت أيدتك.. وإني أنصرك وإنت معارض ومظلوم، حتى لو كنت عارضتك! حقك عليا، إني ماسمحش لفكرة جامدة أو رمز أنا بقدره يخلوني عبد في قطيع بيتحرك دايماً ضدك.. إني أحاول طول الوقت أفهمك وأبني بيني وبينك جسر، وإني أطور قناعاتي وأعدلها عشان تبقى الحياة لينا كلنا في بلدنا محتملة! وإنت قاهر أنا هاسميك بإسمك سواء مبارك أو إخوان أو سيساوي، بس لو مقهور، فإنت بالنسبة لي “إنسان” وبس! ونصرتك جزء من مبادئي! لما مصر يكون فيها جيش محترف بعيد عن السياسة.. وأجهزة أمنية مستقلة مهمتها الدفاع عن حياة الإنسان وكرامته.. حط مليار خط تحت “كرامته” دي.. كل الناس هاترتاح، مؤيد مرسي واللي بيعارضه، مؤيد السيسي واللي بيعارضه.. لأنه هايبقى عارف إن في فرق بين الدولة وبين السلطة.. إنتماء الدولة للإنسان وده مفروض مايتغيرش.. وإنتماء السُلطة للحزب أو الفصيل اللي حاز ثقة الناس ليوصلها..كل الناس هاتبقى مرتاحة ومش خايفة، لانها عارفة إن لما الدنيا تدور وتتبدل المقاعد.. العدالة والحرية والكرامة هايبقوا متصانين في كل الأحوال.. غير كده، الغابة اللي عايشين فيها، والحقد والكراهية والخبل الجماعي والهستيريا اللي مظاهرهم في كل شىء حوالينا.. هايخلوا البلد من سىء لاسوأ! دافع عن “الإنسان” وكرامته.. تدافع عن مصر وتنصرها

(via awesomehebarasheduniverse)