eijilab

[eijilab]

"Ang Boses"

Sa dilim ako'y nag-iisa

Puno ng lungkot, takot, walang saya

Pakiramdam na di mawawala, di matatakasan

Pagsubok na walang katapusan

Sa madaling araw ako'y nagising

Saya at kapayapaan saaking puso lamang ang aking hiling

Sa kasamaang palad ako'y dapat bumalik

Sa mundong kinatatakutan, aking maskara muli kong ikinabit

Mga huni ng ibon, tunog ng bisikleta sa umaga Mga tao sa paligid o' kay payapa

"Kaya mo yan anak" sabi ng aking ina sabay halik sa aking pisngi

Ngunit bakit may namumuong pangamba sa aking dibdib?

Nandito nanaman ako

Mabilis na pag-tibok ng aking puso dinig ko

Nanlalamig, kamay ay pawisan

Makakatakas pa ba ako sa aking kulungan?

Kahit saan, kahit kailan

Mga bulong niya'y laging nandiyan

Walang saysay ang aking mga pakikiusap

Mapapaisip na lang ako at mapapatingin sa mga ulap

Sa maskarang ito ako'y puno ng saya at tawa

Ngunit sa ilalim nito'y isang taong pagod na pagod na

Kaibigan ko, naririnig mo ba ang mga hinaing sa puso ko?

Hindi ko maunawaan

Ang puso kong puno ng takot na walang kabuluhan

Parang malakas na pag-patak ng ulan

Maingay at hindi ko kayang pigilan

Sa bawat galaw ko

Mga tingin ng tao ramdam ko

Takot, hiya, pagkabalisa

Diyos ko tulungan mo ako!

Sa bawat araw na dumaraan

Pag-asa koy nababawasan

Pang-habang buhay na yata 'to

Kung sinong nakakarinig sa'king saloobin, maaari niyo ba akong pakawalan sa pagdurusang ito?

Natapos ang mahabang araw

"Salamat sa Diyos!" gusto kong mapahiyaw

Halik ang salubong ko kay ina at ama

"Okay ka lang ba?" tanong nila

Ngunit ang araw ay puno ng pagdurusa't hirap

Ngumiti ako at sinabing, "Opo" at bakas ng lungkot nawala sa isang iglap

Sa wakas, ako'y makakahinga na

Sa aking kwarto, gusto kong mapag-isa

Ngunit, sa pagpikit ng aking mga mata

Narinig ko ang boses niya

Sabi niya, "Bukas magkikita ulit tayo."

Walang iba kundi ang boses sa aking ulo

[eijilab]

"Kapatid"

Noong tayo'y bata pa

Tayo'y magkasama na

Bawat laro at tawa

Aking naaalala

Mga kwento't pagkanta

Lahat puno ng saya

Sa hirap at ginhawa

Tayo ay magkasama