es-r-aa7

[es-r-aa7]

لسة عارفة خبر وفاة ابن الشيخ اللي كان بيحفظني قران زمان - موتة مش طبيعية - ومن ساعة ما وعيت كدة وانا كنت بسأل ازاي دا يكون ابن الراجل دا، مع الوقت بقيت شايفة ابتلاء شيخي ف ابنه وفكرني بسيدنا نوح

من ساعة ما عرفت الخبر وانا بدعي ربنا يربط على قلبه هو وامه ويصبرهم وبحاول مستنكرش فعل الولد وارهاقه لاهله بشكل رهيب لان كل مستنكر مُبتلى وانا والله عندي عيوب وذنوب الله يغفرها لي برحمته .. ساعات بشوف اني بردو غير بارة بأهلي ومرهقة ليهم ف حاجات كتير والانسان خايف يكون ف يوم من الايام ابتلاء اهله او اي حد

الله يرزقنا الحسن فالقول والعمل والبر و حسن الختام

[es-r-aa7]

يارب الارق يموت

[es-r-aa7]

من ذا يستطيع ان ينفصل عن كآبته ووحدته من غير أن يتألم في قلبه؟

[es-r-aa7]

هالوووز 🤓

[es-r-aa7]

ال inbody خلاني ماشية اتنطط ف الشارع 😂😂

وقومت شوحت ب ايدي كدة وقولت دا هيبقى leg day خطيييير بقى .. انا حالياً مش عارفة امشي وانا لسة ف الجيم 😂😂😂

ادي اخرة اللي يتحمس بزيادة 🤦🏻‍♀️

[es-r-aa7]

يا مسهل الحال يارب

[es-r-aa7]

[es-r-aa7]

صباح الخير

عندي مشوار للنيابة ف التجمع .. بما اني مجبورة اروح ف هل في اي اقتراحات للخروج ف سكة السفر دي عشان محسش اني روحت مشوار ع الفاضي 🤦🏻‍♀️!

[es-r-aa7]

مكنش ليا مزاج انزل الشغل بعد العيد عشان في شوية حوارات ي دوب نزلت التلات كسرت فاصل بين اجازتي واجازة العيد، ولسة راجعة النهاردة

صحابي بيحاولوا يقولولي بالطريقة انهم عايزني ف النيابة الادارية .. ف راحوا قالولي مدام عبير - مديرة الشئون عندنا - سألت عليكي وعيزاكس تعدي عليها ، انا بيني وبين الشئون طار بايت عموماً ف لو هي عايزاني ف حاجة يبقى هي اللي تدور عليا، قولتلهم طالما مقالتش عايزة ايه ف هفكس .. راحت نورا قالتلي طب بصي بقى هما عايزينك ف النيابة ومش عارفين نقولك ازاي ، انتي عملتي ايه يا بنتي ! 😅😅😅

الحقيقة كنت نايمة ف بيتنا والله ي شبب وباكل لحمة عادي

اضطريت اعصر ليمون كتير واروح اشوف ايه الحوار .. طلعت مديرة الشئون نفسها مش عارفة في ايه 😂😂😂

لماذا نحن هنا بجد ، يعني حتى لو في مشكلة ما ف بتحول لمكتب الشئون القانونية عندنا مش نيابة حتة واحدة

اضطريت اتمحلس شوية عشان اخد رقم المستشار ة اللي طلباني عشان اعرف الكلام ع ايه

طلع عشان شكوى كنت مقدماها - معرفش انهي واحدة بالظبط 😂- ليها علاقة بان المرضى بياخدوا جرعات غلط و missing doses وبتقول اني قدمتها للهيئة- والله م حصل 😂- والهيئة حولتها ليها

كل دا معنديش مع��ه مشكلة

مشكلتي انه نفس اليوم اللي بقالنا اسبوعين انا وصحابي بنحاول نظبط ونتقابل فيه 🤷🏻‍♀️🤦🏻‍♀️

وبعدين ليه اروح التجمع 🤦🏻‍♀️🤦🏻‍♀️ ليه بجد

[es-r-aa7]

عاوزة امشي ٥٠ ألف متر

[es-r-aa7]

اي الحاجة الي بتحببك فى الشخص الي قدامك لو لسه عارفين بعض

يبقى ع طبيعته بدون تصنع

[es-r-aa7]

ask me anonymously?

[es-r-aa7]

[es-r-aa7]

طب ع فكرة بقى انا والله مبسوطة كدة واتمنى يفضل عقيم كدة 😂💖💖

Will Tumblr ever add voice notes???

[es-r-aa7]

لما تضيقي بتعملي اي

حسب ايه اللي مضايقني، لو عارفة السبب ببدأ احله لو مش عارفة - غالباً هرمونات - ف بعمل قهوة/ بروح الجيم وبلعب كارديو وحقيقي برجع حياتي احسن كتير / باكل فاست فود/ برجع اظبط فيتامين دال / بكتب / بتمشى كتير فشخ / بخرج مع نفسي واتكلم انا وهي بصوت عالي عشان اوصل لحل .. ومن الاوقات القليلة اللي الظروف بتسمح واسافر اقعدلي يومين ع البحر واعيد حساباتي واستمتع باللحظة وانسى اني مضايقة فعلاً

من يومين مكنتش تمام - وانا عارفة السبب - مرحتش الشغل بقالي حبة 😂

[es-r-aa7]

هنرجع للچيم وفيتامين دال تاني وكله هيبقى تحت السيطرة

[es-r-aa7]

لا معرفهاش كان صالونات و اتقدمت و وقتها كان اول مره اقعد قاعده زاي دي و كنت متلغبط مش عارف اتكلم

طب زي الفل

كلم باباها تاني وصلي استخارة، لو مكنش في قبول من ناحيتها هتلاقي باباها بيقفل الموضوع بشياكة ، لو في نصيب هتلاقي الدنيا بتفتح تاني

وربنا يرزقك الخير ف امورك ان شاء الله