orietursicutsol

[orietursicutsol]

Dominica II post Pentecosten infra Octavam Sanctissimi Corporis Christi

Introitus (Factus est Dominus) Graduale (Ad Dominum) Alleluia (Domine Deus meus) Offertorium (Domine convertere) Communio (Cantabo Domino)

Introitus (Ps. 17: 19-20, 2-3) Factus est Dóminus protéctor meus, et edúxit me in latitúdinem: salvum me fecit, quóniam vóluit me. Ps. Díligam te. Dómine, virtus mea: Dóminus firmaméntum meum et refúgium meum et liberátor meus.

Graduale (Ps. 119: 1,2) Ad Dóminum, cum tribulárer, clamávi, et exaudívit me. V. Dómine, libera ánimam meam a lábiis iníquis, et a lingua dolósa. Allelúia, allelúia

Alleluia (Ps. 7:2) Dómine, Deus meus, in te sperávi: salvum me fac ex ómnibus persequéntibus me et líbera me. Allelúia.

Offertorium (Ps. 6:5) Dómine, convértere, et éripe ánimam meam: salvum me fac propter misericórdiam tuam.

Communio (Ps. 12:6) Cantábo Dómino, qui bona tríbuit mihi: et psallam nómini Dómini altíssimi.primum coram discípulis suis.

_

[orietursicutsol]

Dominica II Post Pentecosten

—Epistola —Evangelium

Léctio Epístolæ beáti Joánnis Apóstoli.

Caríssimi: Nolíte mirári, si odit vos mundus. Nos scimus quóniam transláti sumus de morte ad vitam, quóniam dilígimus fratres. Qui non díligit, manet in morte: omnis qui odit fratrem suum, homicída est. Et scitis quóniam omnis homicída non habet vitam ætérnam in semetípso manéntem. In hoc cognóvimus caritátem Dei, quóniam ille ánimam suam pro nobis pósuit: et nos debémus pro frátribus ánimas pónere. Qui habúerit substántiam hujus mundi, et víderit fratrem suum necessitátem habére et cláuserit víscera sua ab eo: quómodo cáritas Dei manet in eo? Filíoli mei, non diligámus verbo, neque lingua, sed ópere, et veritáte.

Sequéntia sancti Evangélii secúndum Lucam.

In illo témpore: Dixit Jesus Pharisǽis parábolam hanc: «Homo quidam fecit cœnam magnam, et vocávit multos. Et misit servum suum hora cœnæ dícere invitátis ut venírent, quia jam paráta sunt ómnia. Et cœpérunt simul omnes excusáre. Primus dixit ei: “Villam emi, et necésse hábeo exíre, et vidére illam: rogo te, habe me excusátum.” Et alter dixit: “Juga boum emi quinque, et eo probáre illa: rogo te, habe me excusátum.” Et álius dixit: “Uxórem duxi, et ídeo non possum veníre.” Et revérsus servus nuntiávit hæc dómino suo. Tunc irátus paterfamílias, dixit servo suo: “Exi cito in platéas, et vicos civitátis: et páuperes, ac débiles, et cæcos, et claudos íntroduc huc.” Et ait servus: “Dómine, factum est ut imperásti, et adhuc locus est.” Et ait dóminus servo: “Exi in vias et sepes: et compélle intráre, ut impleátur domus mea. Dico autem vobis, quod nemo virórum illórum, qui vocáti sunt, gustábit cœnam meam.”»

_

[orietursicutsol]

Feria quinta infra Octavam Sanctissimae Trinitatis in Festo Sanctissimi Corporis Christi

Introitus (Cibavit eos) Graduale (Oculi omnium) Alleluia (Caro mea) Sequentia (Lauda Sion Salvatorem) Offertorium (Portas caeli) Communio (Qui manducat)

Hymnus ad laudes (Verbum supernum) Hymnus ad procesionem (Pange Lingua)

Responsorium (Quam magna)

Introitus (Ps. 80, 17 et 2.3.11) Cibávit eos ex ádipe fruménti, allelúia: et de petra, melle saturávit eos, allelúia, allelúia, allelúia. Ps Exsultáte Deo, adiutóri nostro: iubiláte Deo Iacob.

Graduale (Ps. 144, 15 V 16) Oculi ómnium in te sperant, Dómine: et tu das illis escam in témpore opportúno, V. Aperis tu manum tuam: et imples omne animal benedictióne.

Alleluia (Io. 6, 56.57) Caro mea vere est cibus, et sanguis meus vere est potus: qui mandúcat meam carnem et bibit meum sánguinem, in me manet et ego in eo. Alleluia.

Sequentia Lauda, Sion, Salvatórem, lauda ducem et pastórem in hymnis et cánticis. Quantum potes, tantum aude: quia maior omni laude, nec laudáre súfficis. Laudis thema speciális, panis vivus et vitális hódie propónitur. Quem in sacræ mensa cenæ turbæ fratrum duodénæ datum non ambígitur. Sit laus plena, sit sonóra, sit iucúnda, sit decóra mentis iubilátio. Dies enim sollémnis agitur, in qua mensæ prima recólitur huius institútio. In hac mensa novi Regis, novum Pascha novæ legis Phase vetus términat. Vetustátem nóvitas, umbram fugat véritas, noctem lux elíminat. Quod in cœna Christus gessit, faciéndum hoc expréssit in sui memóriam. Docti sacris institútis, panem, vinum in salútis consecrámus hóstiam. Dogma datur Christiánis, quod in carnem transit panis et vinum in sánguinem. Quod non capis, quod non vides, animosa fírmat fides, præter rerum órdinem. Sub divérsis speciébus, signis tantum, et non rebus, latent res exímiæ. Caro cibus, sanguis potus: manet tamen Christus totus sub utráque spécie. A suménte non concísus, non confráctus, non divísus: ínteger accípitur. Sumit unus, sumunt mille: quantum isti, tantum ille: nec sumptus consúmitur. Sumunt boni, sumunt mali sorte tamen inæquáli, vitæ vel intéritus. Mors est malis, vita bonis: vide, paris sumptiónis quam sit dispar éxitus. Fracto demum sacraménto, ne vacílles, sed meménto, tantum esse sub fragménto, quantum toto tégitur. Nulla rei fit scissúra: signi tantum fit fractúra: qua nec status nec statúra signáti minúitur. Ecce panis Angelórum, factus cibus viatórum: vere panis filiórum, non mitténdus cánibus. In figúris præsignátur, cum Isaac immolátur: agnus paschæ deputátur: datur manna pátribus. Bone pastor, panis vere, Iesu, nostri miserére: tu nos pasce, nos tuére: tu nos bona fac vidére in terra vivéntium. Tu, qui cuncta scis et vales: qui nos pascis hic mortáles: tuos ibi commensáles, coherédes et sodáles fac sanctórum cívium. Amen. Allelúia.

Offertorium (Ps. 77: 23-25 / 1) Portas caeli aperuit Dominus: et pluit illis manna, ut ederent: panem caeli dedit illis: / panem angelorum manducavit homo. Allelúia. V./ Attendite popule meus legem meam: inclinate aurem vestram in verba oris mei. /

Communio Quotiescumque manducabitis panem hoc et calicem bibetis, mortem Domini annuntiabitis, donec veniat; itaque: quicumque manducaverit panem vel biberit calicem Domini indigne, reus erit corporis et sanguinis Domini.

Responsorium Quam magna multitudo dulcedinis tuae domine / quam abscondisti timentibus te V/ Perfecisti eis qui sperant in te in conspectu filiorum hominum /

Hymnus ad laudes Verbum supernum prodiens / Nec Patris linquens dexteram, / Ad opus suum exiens / Venit ad vitae vesperam. / In mortem a discipulo / Suis tradendus æmulis, / Prius in vitæ ferculo / Se tradidit discipulis. / Quibus sub bina specie / Carnem dedit et sanguinem; / Ut duplicis substantiæ / Totum cibaret hominem. / Se nascens dedit socium, / Convescens in edulium, / Se moriens in pretium, / Se regnans dat in præmium. / O salutaris hostia, / Quæ cæli pandis ostium, / Bella premunt hostilia; / Da robur, fer auxilium. / Uni trinoque Domino / Sit sempiterna gloria: / Qui vitam sine termino / Nobis donet in patria. / Amen.

Hymnus ad procesionem Pange, lingua, gloriosi / Corporis mysterium, / Sanguinisque pretiosi, / Quem in mundi pretium / Fructus ventris generosi / Rex effudit gentium. Nobis datus, nobis natus / Ex intacta virgine, / Et in mundo conversatus, / Sparso verbi semine, / Sui moras incolatus / Miro clausit ordine. In supremae nocte coenae / Recumbens cum fratribus / Observata lege plene / Cibis in legalibus, / Cibum turbae duodenae / Se dat suis manibus. Verbum caro, panem verum / Verbo carnem efficit: / Fitque sanguis christi merum, / Et si sensus deficit, / Ad firmandum cor sincerum / Sola fides sufficit. Tantum ergo sacramentum / Veneremur cernui: / Et antiquum documentum / Novo cedat ritui: / Praestet fides supplementum / Sensuum defectui. Genitori, genitoque / Laus et jubilatio, / Salus, honor, virtus quoque / Sit et benedictio: / Procedenti ab utroque / Compar sit laudatio. / Amen.

Te laudamus Domine Te laudamus Domine omnipotens, / qui sedes super Cherubim et Seraphim. / Quem benedicunt Angeli, Arcangeli; / et laudant Prophetae et Apostoli. / Te laudamus Domine orando, / qui venisti peccata solvendo. / Te deprecamur magnum Redemptorem, / quem Pater misit ovium pastorem. / Tu es Christus Dominus Salvator, / qui de Maria Virgine es natus. / Hunc Sacrosanctum calicem sumentes, / ab omni culpa libera nos semper.

_ _

Canto-Gregoriano – Corpus Domini Cantori Gregoriani, Fulvio Rampi (1996, Paoline – PCD 021)

[orietursicutsol]

Feria quinta infra Octavam Sanctissimae Trinitatis in Festo Sanctissimi Corporis Christi

Introitus (Cibavit eos) Graduale (Oculi omnium) Alleluia (Caro mea) Offertorium (Sacerdotes Domini) Communio (Quotiescumque manducabitis) Te Deum

Introitus (Cibavit eos) Alleluia (O Iesu Pastor pie) Antiphona cum tropis (Melchisedech rex Salem)

Introitus (Ps. 80, 17 et 2.3.11) Cibávit eos ex ádipe fruménti, allelúia: et de petra, melle saturávit eos, allelúia. Ps Exsultáte Deo, adiutóri nostro: iubiláte Deo Iacob.

Graduale (Ps. 144, 15 V 16) Oculi ómnium in te sperant, Dómine: et tu das illis escam in témpore opportúno, V. Aperis tu manum tuam: et imples omne animal benedictióne.

Alleluia (Io. 6, 56.57) Caro mea vere est cibus, et sanguis meus vere est potus: qui mandúcat meam carnem et bibit meum sánguinem, in me manet et ego in eo. Alleluia.

Offertorium (Lv. 21, 6) Sacerdotes incensum Domini, et panes offerunt Deo, et ideo sancti erunt Deo suo, et non polluent nomen ejus, alleluja.

Communio Quotiescumque manducabitis panem hoc et calicem bibetis, mortem Domini annuntiabitis, donec veniat; itaque: quicumque manducaverit panem vel biberit calicem Domini indigne, reus erit corporis et sanguinis Domini.

Te Deum Te Deum laudamus: / te Dominum confitemur. / Te aeternum patrem, / omnis terra veneratur. / Tibi omnes angeli, / tibi caeli et universae potestates: / tibi cherubim et seraphim, / incessabili voce proclamant: / "Sanctus, Sanctus, Sanctus / / Dominus Deus Sabaoth. / Pleni sunt caeli et terra / majestatis gloriae tuae." / Te gloriosus Apostolorum chorus, / te prophetarum laudabilis numerus, / te martyrum candidatus laudat exercitus. / Te per orbem terrarum sancta confitetur Ecclesia, / Patrem immensae maiestatis; / venerandum tuum verum et unicum Filium; / Sanctum quoque Paraclitum Spiritum./ Tu rex gloriae, Christe. / Tu Patris sempiternus es Filius. / Tu, ad liberandum suscepturus hominem, / non horruisti Virginis uterum. / Tu, devicto mortis aculeo, / aperuisti credentibus regna caelorum. / Tu ad dexteram Dei sedes, in gloria Patris. / Iudex crederis esse venturus./ Te ergo quaesumus, tuis famulis subveni, / quos pretioso sanguine redemisti. / Aeterna fac cum sanctis tuis in gloria numerari. / Salvum fac populum tuum, Domine, et benedic hereditati tuae. Et rege eos, et extolle illos usque in aeternum. Per singulos dies benedicimus te; / et laudamus nomen tuum in saeculum, et in saeculum saeculi. Dignare, Domine, die isto sine peccato nos custodire. Miserere nostri, Domine, miserere nostri. Fiat misericordia tua, Domine, super nos, quem ad modum speravimus in te. / In te, Domine, speravi: non confundar in aeternum.

_

Delectamentum Schola Hungarica · László Dobszay (2008, BMC Records - BMCCD140)

Introitus: Cibavit Eos

Alleluia Alleluia O Jesu pastor pie te laudantes hodie nos pio vultu respice et de pane vitae refice

Antiphona Cum Tropis Melchisedech rex Salem proferens panem et vinum erat enim sacerdos dei summus benedixit Abrahae et ait benedictus Abraham deo excelso qui creavit caelum et terram

_

Plainchant From Prague Schola Hungarica – László Dobszay, Janka Szendrei (1989, Hungaroton – HCD 31085)

[orietursicutsol]

CORPUS CHISTI

—Epistola —Evangelium

Léctio Epístolæ beáti Pauli Apóstoli ad Corínthios.

Fratres: Ego enim accépi a Dómino quod et trádidi vobis; quóniam Dóminus Jesus in qua nocte tradebátur, accépit panem, et grátias agens fregit, et dixit: Accipite, et manducáte: hoc est corpus meum, quod pro vobis tradétur: hoc fácite in meam commemoratiónem. Simíliter et cálicem, postquam cœnavit, dicens: Hic calix novum testaméntum est in meo sánguine. Hoc fácite, quotiescúmque bibétis, in meam commemoratiónem. Quotiescúmque enim manducábitis panem hunc, et cálicem bibétis, mortem Dómini annuntiábitis donec veniat. Itaque quicúmque manducáverit panem hunc, vel bíberit cálicem Dómini indigne, reus erit córporis et sánguinis Dómini. Probet autem seípsum homo: et sic de pane illo edat, et de cálice bibat. Qui enim mandúcat, et bibit indígne, judícium sibi mandúcat, et bibit: non dijúdicans corpus Dómini.

Sequéntia sancti Evangélii secúndum Joannem.

In illo témpore: Dixit Jesus turbis Judæórum: «Caro enim mea vere est cibus, et sanguis meus vere est potus. Qui mandúcat meam carnem, et bibit meum sánguinem, in me manet, et ego in illo. Sicut misit me vivens Pater, et ego vivo propter Patrem: et qui mandúcat me, et ipse vivet propter me. Hic est panis qui de cælo descéndit. Non sicut manducavérunt patres vestri manna, et mortui sunt. Qui mandúcat hunc panem, vivet in ætérnum.»

_

[orietursicutsol]

In festo Sanctissimi Trinitatis

Introitus (Benedicta sit) Graduale (Benedictus es, Domine) Alleluia (Benedictus es, Domine) Offertorium (Benedictus sit) Communio (Benedicimus Deum)

Introitus (Tob. 12, 6; Ps 8:2) Benedícta sit sancta Trínitas atque indivísa Unitas: confitébimur ei, quia fecit nobíscum misericórdiam suam. Dómine, Dóminus noster, quam admirábile est nomen tuum in univérsa terra!

Graduale (Dan. 3, 55-56) Benedíctus es, Dómine, qui intuéris abýssos, et sedes super Chérubim, V. Benedíctus es, Dómine, in firmaménto cæli, et laudábilis in saecula. Allelúia, allelúia.

Alleluia (Dan. 3, 52) V. Benedíctus es, Dómine, Deus patrum nostrórum, et laudábilis in saecula. Allelúia.

Offertorium (Tob 12, 6) Benedíctus sit Deus Pater, unigenitúsque Dei Fílius, Sanctus quoque Spíritus: quia fecit nobíscum misericórdiam suam.

Communio (Tob 12, 6) Benedícimus Deum coeli et coram ómnibus vivéntibus confitébimur ei: quia fecit nobíscum misericórdiam suam.

_

[orietursicutsol]

In festo Sanctissimi Trinitatis

—Epistola —Evangelium

LÉCTIO EPÍSTOLÆ BEÁTI PAULI APÓSTOLI AD ROMANOS.

O Altitúdo divitiárum sapiéntiæ et sciéntiæ Dei: quam inconprehensi-bília sunt judicia ejus, et investigábiles viæ ejus! Quis enim cognóvit sensum Dómini? Aut quis consiliárius ejus fuit? Aut quis prior dedit illi, et retribuétur ei? Quóniam ex ipso, et per ipsum, et in ipso sunt ómnia: ipsi glória in sǽcula. Amen.

Sequentia sancti Evangelii secundum Matthǽum.

IN ILLO TÉMPORE: Dixit Jesus discípulis suis: «Data est mihi omnis potéstas in cælo, et in terra. Eúntes ergo docéte omnes gentes, baptizántes eos in nómine Patris, et Fílii, et Spíritus Sancti: docéntes eos serváre ómnia quæcúmque mandávi vobis. Et ecce ego vobíscum sum ómnibus diébus, usque ad consummatiónem sǽculi.»

[orietursicutsol]

Feria V infra octavam Pentecostes

Magyar Gregoriánum 2 – Gregorian Chants From Hungary

Schola Hungarica. Janka Szendrei / László Dobszay

(1979, Hungaroton – SLPX 12048)

[orietursicutsol]

Feria IV infra octavam Pentecostes

_

Gregorianische Gesänge - Gregorian Chants - Chant Grégorien Anthology

Capella antiqua München. Konrad Ruhland

(1974, MPS Records – 78 21985-2, BASF – 78 21985-2)

[orietursicutsol]

Feria III infra octavam Pentecostes

Alleluia._Emitte_Spiritum_tuum

Responsorium (Gn 1:1-2,31 / Gn 2:1)

In principio Deus creavit caelum et terram : et Spiritus Domini ferebatur super aquas : et vidit Deus cuncta quae fecerat : et erant valde bona.

V/ Igitur perfecti sunt caeli et terra et omnis ornatus eorum.

Hymnus (Iam_Christus

Iam Christus astra ascenderat, / regressus unde venerat, / promissa Patris munera, / Sanctum daturus Spiritum. //

Cum hora felix tertia / repente mundo intonat, / Apostolis orantibus / Deum venisse nuntians. //

Introitus Caritas_Dei

Caritas Dei diffúsa est in córdibus nostris, allelúia: per inhabitántem Spíritum ejus in nobis, allelúia, allelúia.

Ps/ Bénedic ánima mea Dómino: et ómnia quae intra me sunt, nómini sancto ejus.

Domine Deus salutis meae,

in die clamavi et nocte coram te:

intret oratio mea in conspectu tuo, Domine.

Hymnus

Veni Creator Spiritus, / Mentes tuorum visita: / Imple superna gratia / Quae tu creasti pectora. //

Qui diceris Paraclitus, / Altissimi donum Dei, / Fons vivus, ignis, caritas, / Et spiritalis unctio. //

Tu septiformis munere, / Digitus paternae dexterae, / Tu rite promissum Patris, / Sermone ditans guttura. //

Accende lumen sensibus, / Infunde amorem cordibus, / Infirma nostri corporis / Virtute firmans perpeti. //

Hostem repellas longius, / Pacemque dones protinus, / Ductore sic te praevio / Vitemus omne noxium. //

Per te sciamus da Patrem / Noscamus atque Filium, / Teque utriusque Spiritum / Credamus omni tempore. //

Deo Patri sit gloria, / Et Filio, qui a mortuis / Surrexit, ac Paraclito / In saeculorum saecula. ///

Offertorium (Ps 103:30)

Emitte Spiritum tuum, et creabuntur et renovabis faciem terrae. Sit gloria Domini in saecula.

Communio (Jn 7:37-39)

Ultimo festivitatis die dicebat Iesus: qui in me credit, flumina de ventre eius fluent aquae vivae. Hoc autem dixit de Spiritu, quem accepturi erant credentes in eum.

_

Spiritus Domini - Solennità Di Pentecoste.

Cantori Gregoriani, Fulvio Rampi

(1996, Documents / Soli Deo Gloria – 220749-207)

[orietursicutsol]

Feria II infra octavam Pentecostes

Pentecôte - Chant grégorien Choeur des moines de l'abbaye de Fontgombault (1993, Art & Musique - 107/39301)

[orietursicutsol]

Dominica Pentecostes

Introitus (Spiritus Domini) Alleluia prima (Emitte Spiritum Tuum) Alleluia secunda (Veni Sancte Spiritus) Sequentia (Veni Sancte Spiritus) Offertorium (Confirma hoc Deus) Communio (Factus est repente)

Introitus (Sap 1:7 / Ps 67:2) Spíritus Dómini replévit orbem terrárum, allelúia: et hoc quod cóntinet ómnia, sciéntiam habet vocis, allelúia. Ps.Exsúrgat Deus, et dissipéntur inimíci eius: et fúgiant, qui odérunt eum, a fácie eius.

Alleluia prima (Ps 103:30) Emítte Spíritum tuum, et creabúntur, et renovábis fáciem terræ. Allelúia.

Alleluia secunda Veni, Sancte Spíritus, reple tuórum corda fidélium: et tui amóris in eis ignem accénde.

Sequentia Veni, Sancte Spíritus, / et emítte caelitus / lucis tuæ rádium. // Veni, pater páuperum; / veni, dator múnerum; / veni, lumen córdium. // Consolátor óptime, / dulcis hospes ánimæ, / dulce refrigérium. // In labóre réquies, / in æstu tempéries, / in fletu solácium. // O lux beatíssima, / reple cordis íntima / tuórum fidélium. // Sine tuo númine / nihil est in hómine, / nihil est innóxium. // Lava quod est sórdidum, / riga quod est áridum, / sana quod est sáucium. // Flecte quod est rígidum, / fove quod est frigidum, / rege quod est dévium. // Da tuis fidélibus, / in te confidéntibus, / sacrum septenárium. // Da virtútis méritum, / da salútis éxitum, / da perénne gáudium. / Amen. Allelúia.

Offertorium (Ps 67:29-30) Confírma hoc, Deus, quod operátus es in nobis: a templo tuo, quod est in Ierúsalem, tibi ófferent reges múnera, allelúia.

Communio (Acts 2:2; 2:4) Factus est repénte de coelo sonus, tamquam adveniéntis spíritus veheméntis, ubi erant sedéntes, allelúia: et repléti sunt omnes Spíritu Sancto, loquéntes magnália Dei, allelúia.

_

[orietursicutsol]

Dominica Pentecostes

—Epistola —Evangelium

Léctio Actuum Apostolórum.

Cum conpleréntur dies Pentecóstes, erant omnes discípuli pariter in eódem loco: et factus est repénte de cælo sonus, tamquam adveniéntis spíritus veheméntis: et replévit totam domum ubi erant sedéntes. Et apparuérunt illis dispertítæ linguæ tamquam ignis, sedítque supra síngulos eórum: et repléti sunt omnes Spíritu Sancto, et cœperunt loqui váriis linguis, prout Spíritus Sanctus dabat éloqui illis. Erant autem in Jerúsalem habitántes Judǽi, viri religiósi ex omni natióne quæ sub cælo est. Facta autem hac voce, convénit multitúdo, et mente confúsa est quóniam audiébat unusquísque lingua sua illos loquéntes. Stupébant autem omnes et mirabántur, dicéntes: «Nonne ecce omnes isti, qui loquúntur, Galilǽi sunt? Et quómodo nos audívimus unusquísque linguam nostram, in qua nati sumus? Parthi, et Medi et Ælamítae, et qui hábitant Mesopotámiam, Judǽam, et Cappadóciam, Pontum, et Asiam, Phrýgiam, et Pamphýliam, Ægýptum, et partes Líbiæ, quæ est circa Cyrénen, et ádvenæ Románi, Judǽi quoque, et Prosélyti, Cretes et Arabes: audívimus loquéntes nostris linguis magnália Dei.»

Sequéntia sancti Evangélii secúndum Joánnem.

In illo témpore: dixit Jesus discípulis suis: «Si quis díligit me sermónem meum servábit, et Pater meus díliget eum, et ad eum veniémus, et mansiónem apud eum faciémus: qui non díligit me, sermones meos non servat. Et sermónem quem audístis, non est meus, sed ejus qui misit me, Patris. Hæc locútus sum vobis, apud vos manens. Paráclitus autem Spíritus Sanctus, quem mittet Pater in nómine meo, ille vos docébit ómnia, et súggeret vobis ómnia quæcúmque dixero vobis. Pacem relínquo vobis, pacem meam do vobis: non quómodo mundus dat, ego do vobis. Non turbétur cor vestrum neque formídet. Audístis quia ego dixi vobis: Vado et vénio ad vos. Si diligerétis me gauderétis útique, quia vado ad Patrem: quia Pater major me est. Et nunc dixi vobis priúsquam fiat: ut cum factum fúerit, credátis. Jam non multa loquar vobíscum. Venit enim princeps mundi hujus, et in me non habet quidquam. Sed ut cognóscat mundus, quia díligo Patrem, et sicut mandátum dedit mihi Pater, sic facio.»

_ _

[orietursicutsol]

In Vigilia Pentecostes

—Epistola —Evangelium

LÉCTIO ACTUUM APOSTOLORUM.    

In diébus illis: Factum est, cum Apóllo esset Corínthi, ut Paulus, peragrátis superióribus pártibus, veníret Ephesum et inveníret quosdam discípulos: dixítque ad eos: Si Spíritum Sanctum accepístis credéntes? At illi dixérunt ad eum: Sed neque, si Spíritus Sanctus est, audívimus. Ille vero ait: In quo ergo baptizáti estis? Qui dixérunt: In Ioannis baptísmate. Dixit autem Paulus: Ioánnes baptizávit baptísmo pœniténtiæ pópulum, dicens: In eum, qui ventúrus esset post ipsum, ut créderent, hoc est in Iesum. His audítis, baptizáti sunt in nómine Dómini Iesu. Et cum ímposuísset illis manus Paulus, venit Spíritus Sanctus super eos, et loquebántur linguis, et prophetábant. Erant autem omnes viri fere duódecim. Introgréssus autem synagógam, cum fidúcia loquebátur per tres menses, dísputans et suádens de regno Dei.

SEQUÉNTIA SANCTI EVANGÉLII SECÚNDUM IOÁNNEM.    

In illo témpore: Dixit Iesus discípulis suis: Si dilígitis me, mandáta mea serváte. Et ego rogábo Patrem, et alium Paráclitum dabit vobis, ut máneat vobíscum in ætérnum, Spíritum veritátis, quem mundus non potest accípere, quia non videt eum nec scit eum. Vos autem cognoscétis eum: quia apud vos manébit et in vobis erit. Non relínquam vos órphanos: véniam ad vos. Adhuc módicum: et mundus me iam non videt. Vos autem vidétis me, quia ego vivo, et vos vivétis, In illo die vos cognoscétis, quia ego sum in Patre meo, et vos in me, et ego in vobis. Qui habet mandáta mea et servat ea: ille est, qui díligit me. Qui autem díligit me, diligétur a Patre meo: et ego díligam eum, et manifestábo ei meípsum.

[orietursicutsol]

In Vigilia Pentecostes

Introitus (Dum sanctificatus fuero) Alleluia (Confitemini Domino) Tractus (Laudate Dominum) Offertorium (Emitte Spiritum tuum) Communio (Ultimo festivitatis die)

Introitus (Ez 36:23-26/Ps 33:2) Dum sanctificatus fuero in vobis, congregabo vos de universis terris: et effundam super vos aquam mundam, et mundabimini ab omnibus inquinamentis vestris : et dabo vobis spiritum novum. Ps. Benedicam Dominum in omne tempore Semper laus eius in ore meo.

Alleluia (Ps 105:1) Confitemini Domino, quoniam bonus : quoniam in saeculum misericordia eius.

Tractus (Ps 116:1-2) Laudate Dominum, omnes gentes. Et collaudate eum, omnes populi. V. Quoniam confirmata est super nos misericordia eius: et veritas Domini manet in aeternum.

Offertorium (Ps 103:30) Emitte Spiritum tuum, et creabuntur et renovabis faciem terrae. Sit gloria Domini in saecula.

Communio (Jn 7:37-39) Ultimo festivitatis die dicebat Iesus: qui in me credit, flumina de ventre eius fluent aquae vivae. Hoc autem dixit de Spiritu, quem accepturi erant credentes in eum.

_

Pentecôte - Chant grégorien Choeur des moines de l'abbaye de Fontgombault (1993, Art & Musique - 107/39301)

_

Chant Gregorien – Messes Du Temps Pascal Choeur des moines de l'Abbaye de Saint-Pierre de Solesmes. Dom Joseph Gajard (1961, Disques Decca – 173.956)

[orietursicutsol]

Dominica infra Octavam Ascensionis

Introitus (Exaudi Domine) Alleluia prima (Regnavit Dominus) Alleluia secunda (Non vos relinquam) Offertorium (Ascendit Deus) Communio (Pater cum essem)

Introitus (Ps. 26: 7-9 / Ps.26:1 ) Exáudi, Dómine, vocem meam, qua clamávi ad te, allelúia: tibi dixit cor meum, quæsívi vultum tuum, vultum tuum, Dómine, requíram: ne avértas fáciem tuam a me, allelúia. Ps.Dóminus illuminátio mea et salus mea: quem timébo?

Alleluia (Ps. 46: 9 ) Regnávit Dóminus super omnes gentes: Deus sedet super sedem sanctam suam. Allelúia.

Alleluia (Io. 14:18) V. Non vos relínquam órphanos: vado, et vénio ad vos, et gaudébit cor vestrum. Allelúia.

Offertorium (Ps. 46:6) Ascéndit Deus in iubilatióne, et Dóminus in voce tubæ, allelúia.

Communio (Io. 17:12,13,15) Pater, cum essem cum eis, ego servábam eos, quos dedísti mihi, allelúia: nunc autem ad te vénio: non rogo, ut tollas eos de mundo, sed ut serves eos a malo, allelúia.

_ _

[orietursicutsol]

Dominica post Ascensionem

—Epistola —Evangelium

Léctio Epístolæ beáti Petri Apóstoli.

Caríssimi: Estóte prudéntes, et vigiláte in oratiónibus. Ante ómnia autem mútuam in vosmetípsis caritátem continuam habéntes: quia cáritas óperit multitúdinem peccatórum. Hospitáles ínvicem sine murmuratióne: unusquísque, sicut accépit grátiam in altérutrum illam administrántes sicut boni dispensatóres multifórmis gratiæ Dei. Si quis lóquitur, quasi sermónes Dei: si quis minístrat, tamquam ex virtúte, quam adminístrat Deus: ut in ómnibus honorificétur Deus per Jesum Christum Dóminum nostrum.

Sequéntia sancti Evangélii secúndum Joánnem.

In illo témpore: Dixit Jesus discípulis suis: «Cum venerit Parácletus, quem ego mittam vobis a Patre, Spíritum veritátis, qui a Patre procédit, ille testimónium perhibébit de me: et vos testimónium perhibétis quia ab inítio mecum estis. Hæc locútus sum vobis, ut non scandalizémini. Absque synagógis fácient vos: sed venit hora, ut omnis, qui intérficit vos arbitrátur obséquium se præstáre Deo. Et hæc fácient vobis, quia non novérunt Patrem, neque me. Sed hæc locútus sum vobis: ut cum vénerit hora eórum reminiscámini, quia ego dixi vobis.»