Fyrsta ljóðabókin mín, Orð, er loksins tilbúin. Þeir sem kunna að hafa áhuga á henni geta skoðað linkinn hér fyrir neðan:
My first poetry book, entitled Orð (Words), is finally ready. Those who might be interested can look at the link below:
http://www.facebook.com/groups/1431641447052180/
5 notes
·
View notes
Hafið
Fátt er eins fagurt
og hafið
hyldýpi sortans
sem þó á sér ljós
Er geislar sólar
ljúka því upp
sem hvað dýpst var grafið
og regnbogi myndast
við hinn hverfula ós
21 notes
·
View notes
Heimsálfur
Sá er aldrei skoðað hefur heiminn
í hjarta sínu ekki nema hálfur
Einmanna hann eilíflega er sjálfur
og ekki nema í besta falli dreyminn
En þar sem ber af göldrum kvöldið keiminn
og kynleg elskast strönd og öldugjálfur
Einn þar stendur hnarreistur heimsálfur
og horfir upp í stjörnubjartan geiminn
2 notes
·
View notes
Undir hulu tímans
Ef tímann ég kynni að temja,
við tröllvaxna krafta að semja,
og alheimsins helju að hemja
í hjartanu finndi þá trú
Við endimörk sjávar og stjarna
svartnættis, sólar og varna
Við sál minnar kviku og kjarna,
kynlegir tónar og þú
2 notes
·
View notes
Öldurót
Aldan mót himni sig hífir
er hafið sig urrandi ýfir
En mjallhvítum mávinum hlífir
máninn þá heldimmu nótt
Í margbrotið myrkrið þér dýfir
þó meinlega skuggana klífir
og hátt yfir hugsun þú svífir
himintungl veita þér þrótt
3 notes
·
View notes
Myrkur
Undir sólinni
er skuggi
sem tælir mig
til sín
og ég fell
í myrkrið
til þín
0 notes
Your poems are lovely. It's perfect.
Thank you, I appreciate the compliment.
0 notes
Regnskógur
Taumlausir draumar og trylltir
Takturinn hrifsar öll völd
Skuggarnir skrumskældir, villtir
Skrímslin þau ráða í kvöld
Í hjartanu draugarnir dansa
í dimmunni kyrja þeir hljótt
Heitar á holdinu glansa
hrímhvítar perlur í nótt
3 notes
·
View notes
Hyldýpi
Myrkrið mjúka smýgur
mitt í hjartans gjá
Hugsun hærra flýgur,
hvísl um gamla þrá
Hærra, hamra klífur
hverfur, fellur hljótt
Fugl í fjarska svífur
Feigðar kalda nótt
2 notes
·
View notes
Bak við augnaráð alheimsins
Orðin örvuð sveima
eirðarlaus og dreyma
enn um holdsins heima
heit um nætur streyma
1 note
·
View note
Skúffan
Í lítilli skúffu
í miðju hjartans
geymi ég drauma
Í lítilli skúffu
í miðju hjartans
geymi ég þrá
Í lítilli skúffu
í miðju hjartans
geymi ég orðin
sem ég átti
en mátti ekki sjá
26 notes
·
View notes
Hret
Stormar arga, skeykir hríð
stofna, þök og glugga
Himintunglin herja stríð
hrekja burtu skugga
0 notes
II
Ef ég hvísla harmakvein
hljótt í skjóli nætur
Skjótt þá vinna skrímslin mein
við sálarinnar rætur
"Tunglið, tunglið, taktu mig,"
tryllt í næturhúmi
"Ég skal ætíð finna þig,"
ást í tíma og rúmi
5 notes
·
View notes
Takk
Lífið
er afskaplega
langvarandi ljóð
Eins og í öllum ljóðum
sem eitthvað er varið í
eru stormar
og bylir
en stundum
styttir upp
Þú færðir mér sólina
5 notes
·
View notes
Straumar
Undir enda regnbogans
ennþá leynast draumar
Hjarta rekur rogastans
Rísa hafsins straumar
Fuglinn stígur feigðardans,
faldir vangans taumar
Grimm er girndin, nóttin hans,
glóð í hjarta kraumar
3 notes
·
View notes
IV
Ljúfir draumar leyna
lymsku gleymdra daga
Þyrnar rósa reyna
rándýrið að aga
Löng er brautin beina
beygð um grýtta haga
En sól má sífellt greina
og skugga burtu draga
Það er lífsins saga
7 notes
·
View notes
New ink!
Vegvísir:
"Ber staf þennan þá þú ferðast og munt þú trauðla villast, hvorki í roki né vonskuveðrum. Eins munt þú ávallt rata þó á ókunna slóð farir. Þú gifturíka ferð munt gjöra. Þér ferðin gagnast vel og þú góðrar heimkomu njóta"
Guide post (Viking compass):
"Carry this rune when you travel, and you won't get lost, neither in storms nor bad weathers. You will always find your way even while travelling through unknown places. You will have a pleasant journey. Your journey will prove successful and your return will be good"
19 notes
·
View notes