#şəxsiyyət

[elcibeyyolu]

Elçibəy Sobaya Odun qoyarkən bu qədər sadə prezidentin qədrini bilməyən xalqa 100 ildə belə prezident gəlsə yenə qədrini bilməyəcəklər... Ehh dünya...

[aysusydzde]

Axır ki həm şəxsiyyət vəsiqəsi həm də müvəqqəti giriş kartı göstərməkdən canımız qutardı

[aiselibrahim]

İlk dəfə sevəndə eləbilirsən ki, ömrünün sonunadək onu sevəssən, heç vaxt unutmayassan və hətta onunla evlənəssən. Bu bir hissədə doğrudur, çünki ilk dəfə sevdiyin insanı unutmursan, ona görə yox ki, dəyərlidir, ona görə ki, ilk dəfə sevmək duyğusunu onunla kəşf etmisən. Sonra biraz yaş alıb həyata üsyan bayrağı qaldırdığın perioda çatanda başa düşürsənki həyat yeni başlayır və yenidən sevə bilərsən. Yeniyetmə dövrünün sevgisi biraz da özünə dərd axtarmaq və melanxoliyanı ən dərindən hiss etmək üçün vasitə olur sanki, öz mövcudluğunu kədərsiz təsəvvür etmək mümkün olmur. Ya xəyanət olur, ya qarşılıqsızlıq, ya da şərtləri imkansız edən hər nəsə. Həm özünlə savaşma, həm də toksik münasibətlərdən qurtulma dövrünə gəldikdə yenə də yaşın öz sözünü deyir, təcrübələrin və yaşadıqların sənə tələsməməyi, həyata qarşı səbirli olmağı və heç kəsdən heçnə gözləməməyi öyrədir. Xoş bir gülümsəmə görəndə onu sevə biləcəyini bilirsən, amma eyni zamanda bu cür gözəl təbəssümə sahib insanın nəzakətsizlik sahibi də ola bilmə potensialı hər zaman nəzərində olur, insanların fövqəlbəşər varlıqlar olmadığının fərqində olursan. Ruhunun və həyatın sənə nə demək istədiyini anladıqdan sonra yaşadığın münasibəti digər yaşadığın və ya hiss etdiyin hər şeydən fərqli edən əsas bir nüans olur, o da 2 insanın öz bəsitliyində xoşbəxtliyini tapmasının olduqca sadə və tapılmasının nadir olduğunu biləcək qədər müqəddəs bir duyğu olduğunu kəşf etmək. Yəni həm kimisə bütləşdirmirsən, həm də bilirsən ki, onun sənə verdiyi sadə və saf duyğuları heç kəs eynilə sənə bəxş edə bilməz. Bu bilirsiniz nə deməkdir? İnsanın şəxsiyyət olaraq dəyərini anlamaqda. Özünü anladığında və bir insan olaraq özünün timsalında varllığın təbiətini qavradığında birini digərindən fərqli edən əsas işığın nə olduğunu da dərk edirsən.

[rftdamir]

Sərhədlər

Hər insanın öz xarakteri və dəyərləri vardır. Bu dəyərlər özünü qoruma mexanizmaları tərəfindən qorunur. Bu mexanizmaları və dəyərləri sərhədlər təyin edir. Bu sərhədlər müxtəlif olur. Bəzi sərhədlər pozulduğu zaman fərd şəxsiyyət olaraq itir . Bu növ sərdhədləri olan xarakterlər, özünü müdafiə reaksiyası olaraq sərhdəddə təhlükə yaradanı məhv edir. . Məhs bu yox etmə qırmızı sərhədli xarakterə məxsusdur. Bu sərhəd növü ən çox cəsarət tələb edəni və ən təhlükəlisidir .

[psixologiyaze]

Sizə Zərər Verən münasibətlərdən uzaq qala bilmirsinizsə, Psixologiyada "Travma Canlandırması"na sahib ola bilərsiniz!

Psixologiyada "Reenactment" kimi tanınan termin, zərərli davranışların təkrar-təkrar, əsasən də şüursuz şəkildə təkrarlanmasını ehtiva edir. Bu, ona zərər verəcəyini bildiyi bir tərəfdaşa cəlb olunmağa qədər uzana bilər. Şüursuz olmaq bu dövrandan çıxmağı çox çətinləşdirir.

Bu insanlar tez-tez keçmiş travmalarını və erkən təcrübələrini yenidən yaşamaq istəyirlər. Onların niyə belə bir şey etdikləri və onun necə qorunduğu ilə bağlı tapıntılar həqiqətən maraqlıdır.

İnsan psixologiyasının nə qədər mürəkkəb və gözlənilməz olduğunu bir daha sübut edən bu məzmunu oxuyaraq “Yenidən canlandırma” anlayışı haqqında daha çox məlumat əldə etdikdə anlayacaqsınız ki, bəlkə siz də eyni nümunəni nümayiş etdirirsiniz və hərəkətə keçməlisiniz.

“Travma canlandırması” olaraq da təyin edə biləcəyimiz “Reenactment” anlayışı ilk dəfə Freyd tərəfindən irəli sürülmüşdür.

Freyd

Yaşadıqları mənfi nəticələrə baxmayaraq travmalarını xatırladan şeylər axtarmağa davam edən bir insan olaraq ümumiləşdirə biləcəyimiz travma canlandırması, psixoanaliz üsulu ilə tanınan məşhur həkim Ziqmund Freyd tərəfindən adlandırılmışdır.

Onun sözlərinə görə, bu vəziyyətin yaranmasına səbəb insanlarda olan ölüm instinkti olub. Onlar təkrar özlərinə zərər vurmaq cəhdləri ilə ölüm instinktini yaşayırdılar.

Tək və aydın bir səbəb olmasa da, bir neçə səbəbə görə baş verə bilər. Bunlardan birincisi bağlanma problemləridir. Xüsusilə valideynlərinin laqeydliyi və ya travması səbəbiylə erkən yaşda bağlanma problemi yaşayan insanlar yetkinlik dövründə qeyri-sağlam münasibətlər axtara bilərlər.

Bəzən, dürtüsellik və ya mükəmməllik kimi müəyyən şəxsiyyət xüsusiyyətləri bir insanın travma reenaktasiyası ilə məşğul olma ehtimalını artıra bilər.

Əlavə olaraq; Stress və travma çox vaxt bu cür davranışın əsas səbəbi olur. İnsanlar tez-tez riskli davranışlar göstərərək və ya travmaya bənzər vəziyyətlər axtararaq vəziyyətə daha çox nəzarət edirlər.

Bundan əlavə, insanlar potensial riskləri bilsələr də, sərxoş halda avtomobil idarə etmək kimi riskli hərəkətlərlə məşğul ola bilərlər. Bu, keçmiş təcrübəni yenidən yaratmaq və ya ağrı hisslərindən yayındırmaq üçün bir yol ola bilər.

Travmanın təkrar canlandırılmasının üç növü var: revictimization, laqeyd reenaksiya və əlavə travma reenaktasiyası.

ayrılıq

Yenidən qurbanlıq tipində şəxs şüursuz olaraq; Narsist impulsiv, gözlənilməz və ya emosional olaraq dəyişkən tərəfdaşları "təhlükəsiz" kimi qəbul edə bilər, çünki onlar erkən bağlanma travmalarını əks etdirir. Onun tərəfdaşının emosional vəziyyəti gözlənilməzliyi ilə proqnozlaşdırıla bilər.

Laqeydlik aktlarında, bir şəxs uşaqlıqda tərk edilmə travması keçirsə, tərəfdaşını tərk etməkdə maraqlı ola bilər. Çünki tərk etmə hissləri tətiklənir və partnyordan impulsiv şəkildə imtina etməklə və ya bu əlaqəni dərhal yenisinə dəyişdirməklə özünü məğlub edə bilər.

Bağlanma travmasının canlandırılmasında həmin şəxsin valideynləri öz travmalarından xəbərsiz olduqları üçün oxşar travmaları uşaqlarına da keçirlər. Bu, travma dövrlərinə səbəb ola bilər və nəsildən-nəslə ötürülür.

[petr1chorr]

İnsanın ən çox qorxduğu şey özünü tanımasıdır. Çünki insan başqalarında gördüyü yanlışları özündə görə biləcək qədər cəsarətli deyil. Özü ilə üzləşən insan, özünü tanımağı seçir. Özünü tanıyan insan isə özünü hər anlamı ilə qəbul edir. Özü ilə barışıq insan isə mükəmməl, sağlam bir şəxsiyyət deməkdir.

[muttefiq]

Bu gün, 10 may bütün türk dünyasının iftixarı, dünya şöhrətli müdrik siyasi şəxsiyyət və görkəmli dövlət xadimi, Ümummilli Lider Heydər Əliyevin anadan olmasının 101-ci ildönümüdür.

#HeydarAliyev #HeydərƏliyev #Ümummillilider #101il #Azerbaijan

[ruslandavidof]

Bəzi valideynlər uşağına öz layihəsi, özünün ikinci həyatı, özünün xilaskarı kimi baxır. Gerçəkləşdirə bilmədiyi xəyalları onun boynuna yükləyir. “Camaat nə deyər” qınağına onu sipər edir. Başqalarının gözündə nüfuz qazanmaq, təkəbbür göstərmək üçün uşaqdan barrikada düzəldir. Araq məclisində, qadın salonunda öyünmək üçün uşağı ilə qeyri-insani rəftar edir, onu pisikdirir. Uşağın nə istədiyi soruşmadan, onun imkanlarının fərqinə varmadan, arzularını bilmədən, istedadının, qabiliyyətinin istiqamətini axtarmadan, uşağın insan olduğunu, şüura, ruha, ürəyə və diləyə sahib olduğunu unudaraq qab-qacaq dükanına girən fil kimi uşağın mənəvi aləmini darmadağın edirlər. Halbuki insan öz arzularını reallaşdıranda xoşbəxt olur. İnsan özü olanda ucalır, öz istəklərini gerçəkləşdirdikcə bütövləşir, möhkəmlənir... İnsan özünü dərk etdikcə insan olur, şəxsiyyət olur. Ancaq bu cür valideynlər uşaqlarının arzularını ürəklərində boğurlar. Bu şəxsiyyətə qarşı törədilən cinayətdir, insanın qətlidir, repressiyadır.

[icantlivedabrat]

Müəyyən bir təbəqə var ki düşüncələrini gördükcə dəli oluram, heç nə başa sala bilmirsən, içindəkini deyə bilmirsən, desən də anlamırlar, qışqırıb səni səhv çıxaracaqlarını düşünürlər, problem də budu, özlərindəkini qəbul etmirlər, dəyişmək istəmirlər. Bizim vaxtımızda belə idisə indi də belə olmalıdı, axı indi sizin vaxtınız deyil. Bizim vaxtımız dedikləri şey də bilirsiniz nədi? "Kişi" yoldaşına bərəkəti qaçar deyə saymadığı sayda qadınlarla xəyanət edəcək, döyəcək, söyəcək, hörmət etməyəcək, şəxsiyyət kimi görməyəcək amma o boşanmayacaq. Çünki boşanmaq ayıb bir şeydi və indi insanlar öz ayaqları üstündə durduqları, boşandıqları üçün əxlaqsız olmağa başlayıb. Bu gənclərin axrı hara gedir, çünki gənclər valdeynlərinin seçimlərinin yox öz seçimlərinin arxasınca gedirlər. Çünki gənclər müəyyən bir döngünü qırmaq üçün çabalayırlar, bu istər istəməz belə olur, çünki o düçüncələrlə, o sistemlə yaşamaq istəmirlər, buna məcbur da deyillər. Düşünməyi bacarsalar və "öz zamanlarına" görə deyil də, indiki zamana görə düşünsələr görəcəklər ki, etdiklərinin düzəltmək üçün olduğunu düşünürlər, amma daha da bərbad hala salırlar. Sürü psixologiyasından çıxmaq istəyən hər gəncin sonu ya intahar olur, ya da başqa ölkə. Lənət olsun ki, yenə də yaxalarını buraxmırlar, yenə də nəsə bir söz tapıb danışırlar. İyrəncsiniz.

[aytaan]

nədənsə,həmişə mənə Hitlerin əməlləri nə qədər qəddar görünsə də,sirli gəlib.sonra həyatını araşdıranda gördümki,yaxşı rəssamlıq bacarığı olsa da,yəhudi müəllimi "səndən heç vaxt rəssam olmayacaq"deyir və daha sonra akademiyaya müraciəti qəbul olunmur .13 yaşında atasını ,18 yaşında uzun sürən xəstəlikdən sonra anasını itirir.memarlıq sahəsini seçmək istəyir ,amma maddi durumu buna icazə vermir və rəsm əsərləri çəkib satmağa başlayır. Avstriya-Macarıstan ordusuna yazılmaq istəsə də fiziki qüsurlarına görə ,orduya götrülmür.yaşadığı sarsıntılar onda ağır dərəcəli şəxsiyyət pozuntularının yaranmasına səbəb olur.beləcə milyonlarla insanın ölümünə səbəb olaraq sonda intihar edir.əməllərinə haqq qazandırmasamda,düşünəndə anlayırsan ki,heç kim qaniçən olaraq dünyaya gəlmir,ruhu ,xəyalları öldürülərək ən amansız qatil kimi yetişdirilir.

[starkmrjavad]

Müəllimlik ayrıca bir şəxsiyyət növü olmalıdır. Bir ölkənin müəllimlərinə baxaraq onun yaxın gələcəyi haqqında fikir yürüdə bilərsiniz.

[leilayist]

İxtisasıma qarşı çox həssasam. Bilmirəm, bunu ixtisasımlamı əlaqələndirməliyəm yoxsa öz uşaqlığım və bu qısa həyati təcrübələrimləmi əlaqələndirməliyəm. Ümumiyyətlə, yarım, hüzünlü, dərdlərlə, kədərlərlə əhatələnmiş bir uşaqlıq keçirdiyim üçün uşaqlara qarşı çox həssasam. Ancaq daimi uşaqları sevmədiyim, hətta onlarla işləməyəcəyimi deyirəm. Bəlkə də insanların uşaqlara qarşı olan marağımı, sevgimi, həssalığımı görməsini istəmirəm.

Həmişə düşünürdüm: böyük bir balaca uşaqlardan ibarət qrupum, sinifim olsun, onlara analıq, bacılıq edə bilim. Sahib çıxım, qoruyum, sevim, oynayım, oxşayım. Çox gözəl olmazdı mı? Artıq nə qədər təmiz qəlbə mənsub olmuşam ki, istəyim qəbul olub :D

Bununla yanaşı, körpələri mükəmməl tərbiyləndirəcəyimdən, onların gələcəkdə normal şəxsiyyət kimi yetişməsində mühüm rol oynayacağımı fikirləşəndə istər-istəməz içimdə kəpənəklər uçur. Balaca qızlarıma, oğlanlarıma, o zamanda övladım deyəcək körpə fidanlara həm müəllimlik, həm də qismən analıq etmək hissi o qədər gözəldir ki..

[nesirov]

Həyatdan bir şey öyrənmişəmsə, o da budur : “ Hərkəs hər şeyin fərqindədir və kimsə heç birşeyi yalnışlıqla etməyib... ”

© Şəxsiyyət 🎬

[psixologiyaze]

Bilirsiniz, qadın həm əşya, həm də şəxsiyyət ola bilər.

Qadın şəxsiyyətdir – əgər o, sevdiyi kişidən öz müstəqilliyini qoruyursa; əgər öz baxışlarında və planlarını qurmaqda tam sərbəstdirsə və əgər öz bədəninin ağası, öz düşüncələrinin sahibidirsə.

Qadın əşyadır – əgər özüylə əşya kimi davranmağa icazə verirsə; lap ən gözəl və qiymətli bir əşya olsa da, şəxsi iradədən məhrumdursa; öz sahibinin istək və şıltaqlıqlarına itaətkarcasına tabedirsə və yalnız iştaha gələndə ortaya gətirilən dadlı bir yeməyə bənzəyirsə.

[onsrabloggg]

Evində sevgi ilə böyüyən qızlar daha özgüvənli və daha ruhu dolu olurlar. Başına sığal çəkilmiş bir qız əsla çöldəkinin sığalını sehrli hesab eləmir və aldanmır.Davamlı tənqid edilərək böyüdülən qız isə qorxaq olur. Bacara bilməmək qorxusu onda bacardığı şeyi belə kiçiltmə kompleksi yaradır. Ata danlayır, ana danlayır, ixtiyarı olmadığı halda qardaş danlayır, ərə gedir ǝr danlayır, qayınana danlayır, baldız danlayır və sınmış bir şəxsiyyət olaraq gözü qorxaq halda özü kimi uşaq böyüdür. Anası necə qorxurdusa qızı da elə qorxur, çünki anaya demişdilər "sus" ana da qızına deyir "sus". Zaman dəyişdikcə yeni nəsil daha özgüvənli olsa da onların zehnindəki ana obrazı təəssüf ki nümunə deyildir. Daha doğrusu olması lazım olanın nümunəsi deyildir. Ana qızına "mənim kimi olma" deyir, qızın da ən böyük qorxusu anası kimi olmaq olur. Bu zəncirvari xəstə şüurdan sağlam qadın təfəkkürü yetişmir.

[feride11]

Evində sevgi ilə böyüyən qızlar daha özgüvənli və daha ruhu dolu olurlar. Başına sığal çəkilmiş bir qız əsla çöldəkinin sığalını sehrli hesab eləmir və aldanmır.Davamlı tənqid edilərək böyüdülən qız isə qorxaq olur. Bacara bilməmək qorxusu onda bacardığı şeyi belə kiçiltmə kompleksi yaradır. Ata danlayır, ana danlayır, ixtiyarı olmadığı halda qardaş danlayır, ərə gedir ǝr danlayır, qayınana danlayır, baldız danlayır və sınmış bir şəxsiyyət olaraq gözü qorxaq halda özü kimi uşaq böyüdür. Anası necə qorxurdusa qızı da elə qorxur, çünki anaya demişdilər "sus" ana da qızına deyir "sus". Zaman dəyişdikcə yeni nəsil daha özgüvənli olsa da onların zehnindəki ana obrazı təəssüf ki nümunə deyildir. Daha doğrusu olması lazım olanın nümunəsi deyildir. Ana qızına "mənim kimi olma" deyir, qızın da ən böyük qorxusu anası kimi olmaq olur. Bu zəncirvari xəstə şüurdan sağlam qadın təfəkkürü yetişmir.👥