راح فين المرتب
كاريكاتير بريشة نجلاء فوزي
View On WordPress
0 notes
الفرصة البديلة
فى الاستثمار لو انت عايز تدخل فى مشروع بتكلفة معينة و رسك معين و متوقع ارباح ما ، فانت لازم تدرس كل المشاريع الى بتحتاج نفس التكاليف و الرسك عشان تتاكد ان مشروعك بيحقق اعلى ربح
مثلا لو عندك شركة و عندك ڤكنسى مفتوحة بتعمل انترڤيو و حتى لو اول واحد كان ستسفاى بالنسبالك فانت مضطر تكمل عشان تتاكد ان مفيش حد بنفس المرتب اعلى منه
الكلام ده صح فشخ للاستثمار على المدى القصير لكن على المدى البعيد غلط
لو انا و انت فى شراكة مع بعد و بناخد قرار فاكيد هنحاول نحقق اعلى نسبة ربح السنة دى عشان نكسب و نقسم ، لكن ايه الى يخلينى اخد قرار يخلينى هاخد ارباحه كمان ١٠ سنين ، و انا اضمن منين انى هكون موجود اصلا ، ساعتها انا صرفت فلوس حرفياً فى الارض
لو اسقطنا الكلام ده على قرارات حياتنا الى دايماً بتحاول تحققلنا اعلى منفعة ، هنلاقى ان مش دايماً الفرصة البديلة بتكون الطريقة الافضل للتفكير لما نيجى ندرس القرارات دى عملت ايه فى حياتك على المدى البعيد
لما نيجى نقول على المدى البعيد ده معناه ان المعادلة بتاعة الفرصة البديلة محتاج يدخل عليها بعد الزمن ، الى قبل كده كان تقريباً نجلكتد عشان كده كانت المعادلة فعالة
نرجع للمثال بتاع الڤاكنسى الى كانت مفتوحة فى شركتك و الموظف الى انت اقتنعت بيه بس كملت عشان الفرصة الديلة ، تعالى نشوف الموظف ده بعد ٥ سنين فين
هديك شوية نتايج مختلفة :
*استعداده انه يطور نفسه مكنش كفاية خلاه يفضل فى مكانه
*كان ذكى جداً و اتعلم و استفاد من الشركة كويس جداً و بعد سنتين مشى
*ساعد كتير من الناس الى اشتغله معاه و علمهم و الناس دى كلها دلوقتى سابت الشركة و راحت مكان احسن
*كان امور و اتمسك معه السكرتيرة متلبس
لو بنتكلم مثلاً عن فرصة استثمارية تقريباً متساوية فى الملابس و فى قطع الغيار ، لما نيجى نشوف الى حصل بعد ١٠ سنين هنلاقى ان قطاع الملابس كان بيتطور اكتر و دخل فى الملابس حقق نتايج ٣ اضعاف الى حققها الى دخل فى قطع الغيار
فى حين ان ده مابقاش واضح لبتاع قطع الغيار الا بعد ٥ سنين و لو كان غيرالبيزنس بتاعه و بدا من الاول هيحقق بعد ٥ سنين نفس الى كان هيحققه لو كمل فى قطع الغيار ، فهيقول لا انا هكمل و خلاص و ده حصل معانا كلنا تقريباً
المستثمرين الى بيحطوا فلوسهم فى بيزنس لسه بيبدا بيعملوا حاجة لطيفة ، لو معاه ١٠ دولار بيحط دولار فى ١٠ مشاريع ، عشان احتمال ان ١٠ ينجحو ٢/١٠ ، و لو ٢ بس نجحوا كل دولار هيرجعله ٥٠ فيبقى على المدى البعيد دفع ١٠ و كسب ١٠٠ ، بس ده مينفعش نعمله فى حياتنا لو مطلوب منك تختار حاجة ١ بس
الاسمترارية ولا الانتصار ؟
تدخل فى معارك بهدف انك تسيطر و تحاول تنافس و تقضى على منافسينك و تحقق مكاسب مضاعفة
ولا تفضل انك تاخد قرار يسمح ببقائك اطول وقت ممكن حتى لو المنفعة اقل و الرسك يكاد يكون صفر
لو طبقنا الكلام الى فوق هنلاقى كلام عظيم والله
طبعاً الناس الطيبة هتقول الطيب احسن ، و الناس الشريرة هتقول نموت او ننتصر ، لكن النظرية متعرفش ان مين ، النظرية يهمها تحققلك اعلى منفعة
استمرارك طبعاً فرصة بديلة ممتازة لانك مهدرتش طاقة لكن على المدى البعيد حققت اعلى نتايج ؟ ، و انك تفضل المنافسة و الحرب ده ممكن يقضى عليك و تخرج من المنافسة اصلاً و الى اكيد على المدى البعيد هيكون الى اختار الاستمرارية احسن منك
الاجابة انك الاستمرارية للنقطة الى تخليك قادر على المنافسة و احتمال انك تكسب تكون اعلى من منافسينك ، فى اللحظة دى بس الانتصار هيكون الاجابة الصح عشان تحقق ارباح مضاعفة فى المدة الزمنية الى بقيالك
فى ناس بتوصل للنقطة دى و مع ذلك بتفضل انها متنافسش و تفضل فى حالها ، و بيكون راح عليها كل المكسب الى كانت هتحققه فى الفترة الى هتكون فيه منتصرة
نقطة التحول دى مش شرط يبقا ليها علاقة بيك ، ممكن تكون مرتبطة بظروف معينة ، لكن النقطة دى مهمة جداً جداً جدًا عشان دى اللحظة المناسبة الى هتنط فيها من السفينة قبل ما تغرق ، و الى دايماً مش بنعرف نحسبها
المشكلة ان دايماً و احنا بحسبها بنحسبها على السفينة و ده غلط ، مش مهم السفينة هتغرق و لا لا لكن لما الكيرڤ الى بيديك نتايج ينزل لمستوى معين لازم تفهم ان استمرارك فى السفينة غلط لانه فى فرصة بديلة على المدى البعيد هتكون افضل ليك ، انت ناسى ان الكيرڤ ده هياخد وقت عشان يرجع يطلع
مثلاً انك تسافر بره هيحققلك دخل كبير ترجع بيه بعد ١٠ سنين معاك مليون جنية ، لكن مش هتعرف تشتغل عشان سنة و لا هتقدر تفتح مشروع عشان مبتفهمش فى البيزنس ده ولا عندك علاقات هتحط الفلوس فى البنك هتجبلك مليون تانية على مدار ١٠ سنين تانين
لو قعدت فى البلد بعد ١٠ سنين هتقدر تنافس فى وظايف نفس الكرير و ده هيجبلك دخل سنوى فى السنة ال١١ حوالى ٢٠٠ الف و فى السنة ال٢٠ حوالى ٤٠٠ الف غير استثمارك فى بيزنس صغير غير الفرص الى وقعت ادامك و استغلتها
ممكن تكون بتلعب فى فريق كورة فى الاهلى مثلاً بس مش نجم الفريق و قعدت كده ١٠ سنين لكن لو كنت روحت المقاولين بعد السنة ال٢ كنت هتكون نجم الفريق و ده كان هيفتحلك فرصة للاحتراف برة
اول سنتين كانوا مهمين جداً عشان يجيلك عرض المقاولين ، لكن ال٨ سنين دول خسارة بالرغم انك اخترت الفرصة البديلة الصح فى الوقت ده ، على حساب مين ده بقى !!
0 notes