اليوم صوت أفكاري عالي برشا ونحس إلى عندي مرا ثرثارة عندها باااارشا ساكتة الداخل تحب تحكي برشا ومالقاتش شكون يسمعها
اكتشفت إلى قلبي
يرفرف كي واحدة من البنات الي نقري فيهم تغلط وتقلي ماما ههه ممكن خاطر كانجيت عرست في عمر أصغر كانت بنتي أو ولدي البكر في عمرهم
يوسف كل يوم يزيد يثبتلي انه في عام تنجم تحب من قلبك و ساعات كي نراه نقيس بيه البعد إلى بيني و بين شخص عزيز على قلبي
حاجة اخرى صوت المنشاوي اول يوم نسمعه في سورة الكهف وحسبت فيه سكون وهدوء وراحة مش طبيعية ماحسيتش متكلف في التلاوة ولا حاجة وصوته منالجنة والله
اي وقررت نشري بلوك نوت للطبخ نقسمه لأجزاء هو جزء المالكة الساهلة إلى ماتتطلبش جهد و تجي بنينة كي نطيبها
و نخليها للأيام إلى مانحبش نطيب فيها
لاحظت زادة إلى انا نتوتر برشا كيف تصير حاجة إلى و ديما نحط ورست كايس سيناريو و الي في مرض اي حد من العيلة تلقاني اما اول حد معاه كأنه مسؤوليتي شفاءهم ممكن خاطر لا اراديا جزء مني كان أم لخواتي الصغار بما اني اختهم الكبيرة و هنا ديما نلوم على روحي انه من كثرة مانحب كل شي يكون مثالي نتحمل المسؤولية وفي نفس الوقت يكون التوتر عالي لدرجة السذاجة من فلا��م نكون متحكمة أكثر و أهدأ.