#مفيش حاجة تنسي

[sarrah]

مفيش حاجة تنسيني الليلة اللي فاتت دي؟

[riva88]

الحنيه لما متجيش في وقتها مابيبقاش ليها لزمه مفيش أصعب من انك تلاقي رد فعل قاسي من انسان قريب منك في وقت كنت مستني فيه طبطبه مهما كنت قوي ، مهما كنت متماسك نفسياً بيجي عليك وقت بتستني الحنيه عليك ولو بكلمه طيبه كل حاجة ممكن تتنسي إلا انك تنسي القسوه عليك في وقت ضعفك

[yasser-yassoo]

‏الحنيه لما متجيش في وقتها مابيبقاش ليها لزمه مفيش أصعب من انك تلاقي رد فعل قاسي من انسان قريب منك في وقت كنت مستني فيه طبطبه مهما كنت قوي ، مهما كنت متماسك نفسياً بيجي عليك وقت بتستني الحنيه عليك ولو بكلمه طيبه كل حاجة ممكن تتنسي إلا انك تنسي القسوه عليك في وقت ضعفك

[shazamahmoud]

ريفيو

قهوة مانو 339 صحفه

لكاتبه أمانى العدوى ..

هي عباره عن مجموعة قصص بتناقش بها قضايا كتيره عن مجتمعنا بالواقع

صعب نحكى عنها ...

لكن خلينا نقول بعض الاشياء المستفادة من كل قصه اتكلمت عنها ..

** الانسان مش بيعرف قيمة الشخص اللى معاه إلا لما يروح منه ..

وده جزاءه اللى يستحقه ... هو الندم

** كثيرا منا يشعر بالضياع وعدم فهم مشاعرنا

وبنحس بضعف الايمان فى قلوبنا

وبنكون محتاجين حد ينور لينا بصيرتنا

لذلك قم صلى فالصلاة راحه لن تجدها عند اى انسان

قوى ايمانك بقربك من ربنا ...

** الخيانه من اقرب الناس لينا ليس لها دواء ..

** الحب كالميزان بيكون بين الاثنين لا تقلل من نفسك مع شخص لا يعرف قيمة قلبك ..

** التأخر في زواج البنت مهما طال العمر مش عيب فيكى كله رزق

وكدا كدا الناس بتتكلم ومش بترحم حد ...

قصة فاطمة بتحكى عن واقع ظالم لكن الاختلاف بين الزواج لا يفسد للود

قضية ..

لا تتسرعى في قرار الطلاق وحاولى تانى

علشان خاطر العيال 😄

** الحرية اللى اتكلمت عنها الكاتبة ما عجبتنى

فيها مبالغه كتير لا تنسي اننا في مجتمع شرقي ..

بأى حق اروح لرجل البيت لمجرد انه صديق

حتى لو مفيش حاجة بنهم ..

احنا مش في امريكا يا حجه امانى الله يكرمك اهدى علينا شوية 😇

بلاش تفتحى عيون الشباب على حاجات عيب ..🤓

** الصداقة كنز لا يفنى مفيش كلمات وصفت معنى الصداقه ..

[somelifeshitt]

طب ما يمكن عشان مفيش حاجه مخلياكي تنسي؟

مفيش حاجه جديدة يمكن اي حاجه توضل تندمجي فيها بداية جديدة ساعتها تحسي انك اصلا نسيتي بس انتي مكنتيش حاسه ومحتاجه حاجه جديدة تغير وضعك ده

لا منسيتش انا فاهمة نفسي كويسة وعارفة اني مش عارفه اعدي بسهولة

بس فعلا بحاوب اعمل اي حاجة مختلفة تنسيني

[mayyyam]

لو الاحساس ده نابع من ولا حاجة و مفيش حاجة تشكك حصلت يبقي حاولي تنسي الاحساس ده

مانا كنت بتجاهله بقالي فترة طويلة، بس حسيت ان ده مش صح

[abeerhosny]

رحلة إلي أرض الشوكولاتة

الشوكلاتة البلجيكي لها مذاق مختلف وشكل مختلف وتسويق مختلف ، ومحلات الشوكولاته هناك مختلفة تماما عن الشوكولاتة السويسري او الفرنسي

مختلفة في الديكور ، في طريقة العرض وطبعا في الانتاج

ده المحل اللي اشتريت منه وهو فعلا مليان happiness, من أول ما تدخل بتحس بالسعادة تغمرك وتبقا محتار اجرب ايه ولا ايه ولا ايه 🥰

النجف كمان عامل جو فخم للمكان

تحس ان الشكولاتة البلجيكي صناعة يدوية مش مصانع لكن اكيد الانتاج ده كله مش يدوي ابدا

الشوكولاته كمان مش بتسيح من الحر 😄 ، العلب حكاية لوحدها

وهي فعلا تجربة لا تنسي

دي صاحية المحل وده جوزها بس دي صورة من الانترنيت لكن انا قابلت الست دي ودردشنا كتير واحنا بنشتري ونتفرج وحكيت لها عن إنزو الهاسكي بتاعي اللي واحشني اوي وتعاطفت معي جدا وقالت لي حاسه بك وخصوصا انك شايفه الكلاب واصحابها بتمشوا في بروج ☹️😢😭

وقالت لي I know this feeling 😔

طيب هل بلجيكا هي أرض الشوكولاتة فقط لا غير ، لا بلجيكا كمان أرض البطاطس

وخاصة البطاطس اللي عليها مايونيز 😋

مفيش صورة للاسف 😔

في خناقة كده ما بين فرنسا وبلجيكا علي البطاطس ، هل هي French fries ولا هي Belgian fries

عموما هي بطاطس محمرة 🤷🏻‍♀️

البطاطس في العصور الوسطي كانت طعام السحرة وبلجيكا وقتها كانت معروفة انها أرض السحرة ، هو مكنش في بلجيكا عموما ، كانت أرض كده قعد فيها الرومان وبعدين حصل حاجات تاريخية كتير ابقوا أقروا عنها

بلجيكا مشهورة كمان بالبيرة ، كانت البيرة تصنع في الاديرة والمضيفة صاحبتنا شرحت لنا ان البيرة كانت تصنع في الاديرة وتمشي في قنوات في شوارع بروج حتي تصل للمنازل ويتم تعبئتها ، ناس أصحاب مزاج ، وفي هناك متحف للبيرة مفيش صور عشان حرام

أكتر حاجة حلوة هناك بعد الشوكولاته الوافيلز

عجينة الوافيلز هناك هشه والفتحات بتاعتها عميقة وطبعا ده بيساعد انها تكون مليانة بالحشو اللذيذ

طبعا الامريكان معترضين علي موضوع ان الوافيلز البلجيكي أحلي من الوافيلز الامريكي

في بروج قابلت عربية ايس كريم زي اللي كنت بشوفها في الافلام زمان وأكلت أحلي أيس كريم عمري ما هنسي طعمه ، تحفففة

بروج مصنفة إنها أجمل قرية في أوروبا واليونسكو بتعتبرها مدينة تاريخية يجب الحفاظ عليها وهي فعلا كده

أول ما بتدخل بروج بتحس إنك وقعت في ثقب زمني وسافرت القرن ال ١٩

طيب هو أنا أكيد حبيت بلجيكا ؟!

الصراحة معرفش ، مقدرتش أفهمها ، بلد مملة ملل السنين بس أكلها حلو وفيها حاجات حلوه مقدرش أنكر ، بس مش فهماها ، حاسه انها بتتزحلق من الذاكرة بسرعة ، يمكن لانها بلد صامتة ، هادية ، ساكتة

يمكن 🤔

[hebabutterfly]

مفيش مشكلة تنزلي بس انا كنت بحاول اخرج شوية كبت جوايا 🖤🖤

فضفض براحتك انا فاتحه الاسك عشان كده..

انا عارفة انك مش مستني كلام مني يريحك او من اي حد.

بس هقولك حاجتين، اوعي تتواصل معاها بأي شكل م الاشكال تاني لان ده هيتعبها وبطل تراقبها لان ده هيتعبك.

اعتبر الامر اقدار مالهاش نفس الطريق وانسي..

تاني حاجه مترتبطش بحد تاني عشان عند او عشان تنسي او يلا عشان ابقي زي الناس وخلاص، ارتبط باللي لما تفكر فيها تحس "اه هي دي اللي عايز اعيش معاها بقيت حياتي" والدنيا واسعة اكبر من اننا نحصر نفسنا ف علاقة انتهت، لسه فيها كتير وحلو..

عارفة ان الكلام سهل وتنفيذه صعب وساعات يبان مستحيل بس عموما الحقيقة المؤكده ان الزمن كفيل بكل حاجة ادي نفسك وقلبك وقته يتجاوز وفي لحظة ما هتلاقي نفسك بتفتكرها وانت هادي لا حزين ولا فرحان مجرد ذكري..

[sama-totta]

مرض التفكير ، و ربط التفاصيل ، مرض الإنتِظار ، إنتظار إللي ما بيجوش ، إنتظار إللي مُش راجعين، إنتظار المُعجزات إللي ما بتحصلش ، مرض القلق علي بُكرة ، القلق المجهول ، القلق في النوم ، القلق مِن حد بيعاملك كويس !

مرض النوم ، النوم وانت تعبان ، النوم عشان زهقان ، النوم الهروب ، النوم عشان اليوم يخلص ، النوم عشان زعلت إن اليوم خلص و إنت ما لحقتش تعمِل كُل اللي كان وراك ، النوم عشان هتعمِل ايه تاني يعني ، النوم عشان مفيش حد مُهم ، و لا حاجة تِستاهل صحيانك !

مرض السهر ، مرض إنك ما تِتعبش حد معاك ، و تعمِل كُل الشُغل لوحدك ، مرض السكوت وقت ما تكتر جواك الهموم ،

مرض إنك كُل يوم تبتدي معاهُم بداية جديدة و تنسي إنك كُنت بتبكي بسببهُم مِن ساعتين !

مرض الفُرصة التانية إللي بتمنحها كُل ساعة للناس إللي ما تِستاهلش نُص فرصة أولانية حتي، مرض إنك تخبي مشاعرك عشان كُل مرة كُنت بتقولها، مكنش بيحصل حاجة، مرض إنك عارف كُل ده !

- الخُلاصة !

محدش يعرف ايه إللى حصلك ، محدش يعرف ايه هى معركتك الخاصة مع الحياة ، محدش عارف ايه إللى وصلك لعدم الافراط فى العاطفة ، ايه إللى قَتل عفويتك ، ايه إللى خلاك ماتمسكش فى حد ، محدش عارف قد ايه إنت تعبت ، محدش عارف إنت خسرت ايه ، محدش عارف فعليًا إنت مين !

[elephant-out-of-a-fly]

الحنين للأشخاص الخاطئة تماما، هو الذي يربكني، لا يربكني الحنين ولا الماضي، يربكني الحنين لسقطاته وقت ما ايييه؟ حدثت، كيف احب ما لم يكن/يعد خيرا، خالص، وكيف يغالي الواحد منا في التماهي مع الأشياء حتى تنعدم الأصالة بشكل تام، لعب بس.. أو لأ، مفيش حاجة ليها وش واحد وحيد بس. كانت الفكرة اكثر وضوحا في رأسي، رضوخا. كنت أري كنت احب، والعكس، احببت أن أراك وأحبك. كل ما أفكر في حاجة ألاقي اننا يوما ما فكرنا في نفس الحاجة سوا، وأحس يعني خلاص نفذت كل الأشياء مني؟ فكرنا وقولنا كل حاجة؟ لحد ما تتتسلل من العدم فكرة يتيمة جديدة عليا، وأحس اها اهو، هنالك ما هو جديد تحت الشمس، فتفكرني الشمس بينا، واحس انه مش عايزة الفكرة تتشمس، عشان مفتكرش، بس انا بحب النور والضلمة، الضوء والضل، ف أقول ممكن اضلل الفكرة، من الضل مش الضلال، عشان نأمن نفسنا، فييجي ابن الكلب في دماغي يفكرني ب"حبيت جميل ياريتني ضله" وأقول مش مشكلة، نخبي الفكرة جوا سحارة.. ونستخبى معاها ونبقى شطار من غير نضارة _لسه_ وأفكر انه افضل طريقة لتجاوز الشخص هي محاولة تجاوزه فعلا تهيهيهي، لأ افضل طريقة انه اخلي شيء دائم ملازمني لما افتكر، انه خلاص خالص خلصت يا بشر، او نسمي الناس بحاجات تانية، متخلهومش غراب ومتخلوهمش قراب لسه، تخليهم مثلا "خطط تانية" عشان كل ما اتغافل عن السلمة المكسورة/المفشوخة، ال"خطط تانية" تقولي اوعي تنسي نفسك يا أمورة، ملكيش مكان ما بينا هنا، سو جو اون ويز يور لايف، وكل حاجة كل حاجة بتصبح أخف يوم بيوم

[yasser-yassoo]

‏الحنيه لما متجيش في وقتها مابيبقاش ليها لزمه مفيش أصعب من انك تلاقي رد فعل قاسي من انسان قريب منك في وقت كنت مستني فيه طبطبه مهما كنت قوي ، مهما كنت متماسك نفسياً بيجي عليك وقت بتستني الحنيه عليك ولو بكلمه طيبه كل حاجة ممكن تتنسي إلا انك تنسي القسوه عليك في وقت ضعفك

[petrified-clouds]

مفيش مانع تقصي شعرك بعد م كنتِ بتطوليه و تصرفي عليه علشان يطول .. مفيش مانع تعملي خرمين و تلاتة و اربعة ف ودنك و تستحملي ألم لا يُطاق علشان انتِ حابة شكله بس ! .. مفيش مانع تخرجي و تتأخري برة للساعة ١٢ و تقفلي تليفونك و م ترديش ع اتصالاتهم .. مفيش مانع تشغلي اغاني بصوت عالي فالعربية انتِ و اصحابك و ماتهتموش بنظرة الناس ال هياخدوها عنكم گ بنات .. مفيش مانع كمان تهزري و تضحكي فالشارع و لو شوفتي حاجة لطيفة او مُحزِنة تتوجهي للشخص ده و تقوليله كلام حلو او كلمتين يواسوه .. مفيش مانع تاكلي الكريب مثلا فالشارع و انتِ بتتمشي ! مفيش مانع تغني بصوت عالي بدون م تكترثي لنظرات الناس .. مفيش مانع تقفلي عليكي باب اوضتك و تحطي الهاند و تعلي المزيكا و تنغمسي فالرقص ! او تكوني تعبانة بعد يوم شغل ممل و تعملي تمارينك هتفرغي كل الطاقة السلبية و تنسي التعب .. مفيش مانع تقفلي تليفونك يومين كاملين بدون تواصل مع اي شخص بأي وسيلة .. مفيش مانع تلبسي لبس مش متناسق و الوان غريبة مع بعض ! و هو حد ليه عندي حاجة !

امتى م قدرتي تعملي كل ده بدون تفكير . ف انتِ وصلتي لاقصى مراحل اللامبالة و التخلي عن اي شئ و كل شئ .. تهانيّا 🖤✌🏻

• 8:32 pm

• Thu , oct 1

#قصاصات قابلة للحرق .

[sacredsadsong]

١٠٠ احساس خرا و مفيش حاجة تهون او تنسي تعبت يارب عايز اوصل للاخر بقي

[light-intothedarkness]

انتِ زعلانة ليه دلوقتي؟ مش قولتي خلاص بقيتي كويسة و كل حاجة عدت و عرفتي تنسي؟ ليه لما جت سيرة اللي حصل معاكِ اتضايقتي و قعدتي تفكري انك لا مش قوية للدرجة دي...

هو اه مفيش مانع من الحزن لانك مش هتعرفي تقاوميه او تخبيه عشان ميكبرش جواكِ، بس ليه اصلا الحزن من الاساس، ما كل شوية عادي انت نفسك بتتكلمي عن الموضوع بكل راحة اشمعنى المرّه دي؟ و ليه تحسي الاحساس ده انت بقالك شهور محستيش كده..

ارجعي لنفسك و عقلك تاني و فكري ان بكل الاحوال مكنتيش هتبقي مبسوطة لو كل حاجة كانت عكس اللي حصل، خليكِ فاهمة انك دلوقتي في حالة تسمحلك دايما ببدايات جديدة مع نفسك و غيرك و عندك الوقت الكافي انك تعيدي ترتيب حياتِك زي مانتِ عايزه مش زي ما اي حد تاني عايز، ارجعي زي زمان و احسن و خليني فخورة بيكِ زي مانا دايماً ببقى فخورة.

[ayabluegirl]

صباح الخير في أول أيام 2019

حقيقي مش عارفة ليه بقيت حاسة انه الكتابة رفاهية أنا لا أمتلكها، وإني أقدر أفتح الساوند كلاود وأنقي أغنية مناسبة أو مش مناسبة، وأسلي نفسي بيها، ولو صعبت غليا نفسي بقول طيب هو حد هيفهم؟ طيب هو إيه الداعي من المشاركة؟ طيب هو مش كفاية بني آدمين؟ الحجة الأقوى إني ببقى مؤمنة إني أول ما هسيب لنفسي مساحة أكتب هعيط والحياة لازم تستمر، أنا بزق نفسي يوميًا إني مدخلش في نوبات انهيار، لما بزعل مع أي حد وييجي نتكلم بكمل كلام عادي وأقول ما هي الحياة مش مستحملة والدنيا لازم تستمر، عبيطة أنا ومفكرة ان الدنيا هتديني بريك تقولي يلا اقعدي احكي كل الحكايات اللي قطمتيها عشان الوقت مش مناسب، معرفش إنه الحق دا بيُتنزع، زي كل حقوقي في الدنيا اللي مفيش حاجة منهم بتيجي سهلة أبدًا، وكلها بحروب، حقي في الحب وفي التجربة وفي الزعل وفي الخناق، حقي في إني ممكن أتعب، كل الحقوق دي مبتجيش بالساهل، حقي في المساحة الآمنة، هل من المعقول إنه المساحة الآمنة محتاجة حرب عشان آخدها، طيب ما هي كدا مبقيتش آمنة، ماهو كدا معادش فينا حيل لبعض، طيب انا قلت من الأول لازم أشد نفسي وأتعلم أعيش لوحدي، مش عشان بحب ولا هحب إني أحب، بس عشان أوقات التعب دي، يلا نخلق لنفسنا روتين نعرف نعمله لوحدنا ويحسسنا بإننا بنعرف نكون وحدنا وبننجز، يلا أشتغل، أديني عرفت أشتغل، أديني عرفت أبقى وحدي، أديني بقيت بحب الوقت اللي ببقى فيه وحدي، ها محدش هيصقفلي؟ لا للأسف المساحات الآمنة ضاقت وانكمشت والمساحات اللي مش آمنة بتلومك طول الوقت، انتي ازاي تسيبينا وتشتغلي، ازاي تبقي لوحدك، ازاي تعملي حاجة من غير ما نبقى احنا اللي فكرنالك فيها، طيب خلاص مش مهم، مش مستنية تصقيف، مستنية بس حقي في بقية يومي، يبقى فيه أي تواصل مع بني آدمين، يبقى فيه حاجة بعملها لنفسي التايهة، حاجة بتوصلها للي هي عايزاه، ممكن؟ لا مش ممكن، بس أنا تعبت، ومحتاجة أشتكي زي مانتو بتشتكوا طول الوقت؟ لا ما هوانتي معودتيناش على كدا منك يبقى انتي كدا بتتغيري وهنضغطك اكتر، يا جماعة انتو بتعملوا كدا ليه؟ طيب رجعولي مساحاتي الآمنة والناس اللي شايفاني، رجعوهم من غير مشاكل، من غير ضغط، من غير حواجز، ،.بس انتي عارفة عشان ترجعي كل حاجة زي الأول، لازم تنسي كل حزنك، وتختاري الحب ولا شئ غير الحب، بدون ضمانات، وتسمعي كلام الشيخ إمام ويبقى كل أملك في الحب هو الحب وبس، متستنيش أي نقطة أبعد، دي حاجة نبيلة جدًا يا آية، نبيلة آه والله بس أنا تعبانة أوي ومحتاجة القرب..

يبقى خلاص سيبوني لوحدي تماما، انسوني في كهف مجهور، سيبوني أبدأ بدايات جديدة، مش بحب اكدب على نفسي أنا بقول بدايات جديدة عشان أنا بقاوم نفسي وبطلت أفكر في الانتحار، بقول لنفسي مينفعش أكون يائسة، والحياة لازم تستمر، بس انا من جوايا عارفة ان دا مش الحل عشات المساحات اللي مش آمنة في يوم ما كانت آمنة، والمساحات الآمنة بتتحول لمساحات مش آمنة، وابتديت أؤمن إن دا حال الدنيا.. يبقى مش كفاية كتابة؟ مش قلنا الكتابة بتجيب وجع قلب؟

[ahmednasser118]

المساواة بين الرجل والمرأة

العلاقة بين ربنا عز وجل وبين المخلوقات هي علاقة بين رب وعبد. ربنا سمّاك في القرآن عبد وسمى طاعتك له عبودية مش علاقة شراكة ولا ندية.

فكرت قبل كده في الأمر اللي رفضه إبليس؟ إبليس ما رفضش يسجد لله، إبليس رفض الأمر الإلهي بالسجود لآدم. طب ما ده مخلوق وده مخلوق! ليه ده يسجد لده؟ فين المساواة؟ طب أنا معترف إنك ربي وهحلف بعزتك كمان وهاطيعك في كل حاجة بس بلاش السجود لآدم.

آدم مخلوق زيك صحيح، لكن الأمر جه من الخالق، فالموضوع مابقاش متعلق بمين اللي هاتسجد له لكن متعلق بالإيمان بحكمة الآمر سبحانه وتعالى، يبقى اسجد ونفذ ولو ماسمعتش الكلام تبقى ماحققتش العبودية وهاتدخل النار. مش عشان آدم، لكن عشان عصيان أمر ربك ورب آدم.. عشان العلاقة عبودية مش شراكة ولا ندية.

ومن ساعتها وربنا بيعلمنا. كوني ربكم وكونكم عبيدي مش معناه إنكم تسمعوا كلامي في الأمر المباشر بس زي الصلاة والزكاة والصيام، لكن تسمعوا وتطيعوا للي أأمركم إنكم تطيعوه. وده جزء من اختبار عبوديتكم في الدنيا. اختبار عظيم هاشوفكم هاتنجحوا فيه ولا هاتقولوا زي إبليس نطيعك ماشي لكن نطيع اللي أمرتنا بطاعته لا. عشان كده الكبر كان طريق للكفر. فسجدوا إلا إبليس أبى واستكبر وكان من الكافرين.

وتيجي الشريعة تقول لنا إن كل واحد له دور مختلف عن الآخر. امتيازات للذكر مش عند الأنثى وامتيازات للأنثى مش عند الذكر.

ربنا يؤمرك كابن ذكر تطيع أمك الأنثى وتخفض لها جناح الذل من الرحمة. والنبي يقول لك الزم قدميها فثم الجنة. ذل والزم قدميها؟ أيوة. نفذ من غير ما تعترض.

ربنا يؤمرك كأنثى تطيعي زوجك الذكر قال رسول الله صلى الله عليه وسلم: إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت. يأمرك ماتخرجيش غير بإذنه وماتصوميش نوافل وهو موجود إلا بإذنه. قال رسول الله صلى الله عليه وسلم لا يحل للمرأة أن تصوم وزوجها شاهد إلا بإذنه، ولا تأذن في بيته إلا بإذنه.

وقال صلى الله عليه وسلم إذا استأذنكم نساؤكم بالليل إلى المسجد فأذنوا لهن.

يعني واجب عليكي تستأذنيه لما تخرجي وواجب عليه لو استأذنتيه عشان تروحي المسجد يأذن لك. هو ينفذ وانتي تنفذي. مفيش حد يقول ليه؟ واشمعنى.

واجب على الذكر إنه يطيع الأنثى زي حالة الأم، وواجب على الأنثى إنها تطيع الذكر زي حالة الزوج. ساعتها طاعة المخلوق مش هتكون لذاته.. هتكون طاعة لربنا سبحانه وتعالى. طبعا فيه ضوابط لطاعة الزوج هانعمل عنها حلقة زي حلقة ضوابط طاعة الوالدين اللي عملناها من كام شهر.

الشرع يقول للأب الذكر إن زوجتك الأنثى أحق منك ببر أولادها ثلاث مرات. ما تقولش اشمعنى.

لو انت راقد في السرير من السرطان أو مشلول مش معفي من الصلاة. لو مش قادر تصلي واقف تصلي قاعد. لو مش قادر تتحرك خالص تصلي إن شا الله بعينيك. لكن المرأة يجيلها الحيض تريح من الصلاة تماما حتى لو مش حاسة بأي آلام وماتقضيش الصلاة كمان. أجازة شهرية بتوصل لأسبوع في الشهر وأكتر. مش عاجبك وهاتقول لي فين المساواة؟ إن شا الله ما عجبك. ما اللي هيعجبك مش هيعجب غيرك ، ولو الأمر موافق لهوى كل الناس يبقى فين الاختبار؟ انت عبد تسمع وتطيع.

ربنا يقول لك يا أنثى انت هاتاخدي نصف نصيب أخوكي الذكر في الميراث. تسمعي وتطيعي. والراجل ياخد في حالات كتير أقل من قريبته الأنثى في الميراث ومالوش حق يعترض أو يحرم البنات من الميراث زي ما بيعمل بعض المتخلفين الظلمة.

وربنا يقول للمسلمين وَلا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَى بَعْضٍ لِلرِّجَالِ نَصِيبٌ مِمَّا اكْتَسَبُوا وَلِلنِّسَاءِ نَصِيبٌ مِمَّا اكْتَسَبْنَ.

ربنا يوجب عليك كراجل تدفع مهر لزوجتك وما يوجبش عليها تدفع لك جنيه. يفرض عليك تجيب شقة وهي مش مطلوب منها تدفع إيجارها أو ثمنها. يفرض عليك تشتغل وتصرف عليها وعلى أولادك وما يفرضش عليها تحط مليم في البيت حتى لو معاها مليون جنيه.

وهنا نقطة مهمة جدا. أنا ماليش دعوة بالمجتمع المصري أو أي مجتمع تاني بيعمل ايه. أعراف المجتمع فيه كتير منها مخالف للشرع ولازم تغييره. أنا جاي قول لكم اللي الشرع بيقوله بس المجتمع ما بينفذش كتير منه.

أنا برد على اللي معترضين على الشرع وبيقولوا الشرع ظالم عشان مافيهوش مساواة. آه الشرع مافيهوش مساواة. لأن الشرع فيه عدل، والعدل غير المساواة.

ربنا يأمر الرجل بأمرين قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ.. في الآية اللي بعدها يأمر المرأة بالأمرين وعليهم أوامر تانية موجهة لها لوحدها مش للرجال زي الخمار وإخفاء الزينة.

الشرع أوجب على الرجل الجهاد. يبقى الراجل رايح يقاتل وعارف إنه احتمال ما يرجعش أو احتمال تطير رجله أو ايده لدرجة إن ربنا قال للمؤمنين كتب عليكم القتال وهو كره لكم. كل ده والست قاعدة في ببيتها وماعليهاش جهاد. اسمع وأطع.

واجب عليكي تتجوزي واحد ومباح له يتجوز أربعة. تسمعي وتطيعي.

واجب على الرجل يصلي الجمعة في المسجد والست صلاتها في بيتها أفضل من صلاتها في المسجد.

مسموح ليكي تلبسي ذهب وحرير، وحرام عليه يلبسهم. اسمع وأطع.

عورتك أكتر من عورته. هو يكشف شعره وصدره وانتي حرام عليكي تكشفيهم. اسمعي وأطيعي.

الزوج له حق تأديب الزوجة الناشز بالضرب غير المبرح زي ما بنسميها الزغدة والأم الأنثى لها حق ضرب الابن الذكر على الصلاة من سن عشر سنين. فالقضية مش قضية ذكورة وأنوثة. قضية أدوار ومسؤوليات وضعها الحكيم الخبير.

ربنا يقول لك تطيعي زوجك يبقى تسمعي الكلام. زوجك مش قائم بواجباته كراعي أو نازل فيكي ضرب كل شوية؟ ربنا جعل لك مخرج في الطلاق للضرر وتاخدي حقوقك وتتجوزي واحد تاني يديكي مهر جديد ويصرف عليكي. هاتقولي لي المجتمع والقانون. نرجع تاني نقول لك كده مشكلتك مع القانون مش مع الشرع فما تقوليش الشرع ظلمك. تعرضك لتجربة شخصية أو احتكاكك بتجارب كان بعض الأطراف فيها مابيلزموش بالشرع أصلا ما يسمحكليش تقولي الشرع ظالم.

فالمسألة مش حرب يا ست الاسترونج انبدندت وومن. ماتبقيش مستعدة تشتغلي سكرتيرة وتاخدي الأوامر وتنفذيها وانتي ساكتة عشان مرتب وتيجي تقولي طاعة الزوج استعباد وذل. اعتبري الفلوس اللي بيصرفها زوجك مرتبك واعتبريه رئيسك في العمل، ما الزوج برضه بيستحمل كتير عشان المرتب اللي هيوفي به حقوقكم عليه.

هم كام سنة عايشينها على الأرض. كل واحد له ورقة امتحان مختلفة عن زميله. الورقة دي فيها ابتلاءات عنده مش عند زميله. أوامر له ومش لزميله. حاجات مباحة له ومش مباحة لزميله. ولا يظلم ربك أحدا.. لا يظلم لأن كل ورقة تكليفاتها في حدود تكوين صاحبها النفسي والجسدي وأدواره ومسؤولياته، ولا يظلم لأن كله بثوابه. بصي في ورقتك وحليها صح عشان تنجحي وتدخلي نعيم دائم لا ينتهي. لكن لو قعدتي تحقدي على زميلك الوقت هايسرقك ومش هاتفوقي إلا والورقة بتتسحب منك.

طب ايه اللي يخليكي تستحملي كل ده؟ اللي يخليكي تستحملي هو نفس اللي يخلي الراجل يستحمل التكليفات اللي ربنا عافاكي منها.. اللي يخليكم تستحملوا إن ربنا يقول: أَعْدَدْتُ لِعِبَادِيَ الصَّالِحِينَ مَا لا عَيْنٌ رَأَتْ وَلا أُذُنٌ سَمِعَتْ وَلا خَطَرَ عَلَى قَلْبِ بَشَرٍ. إنك تدخلي جنة موضع السوط فيها يساوي الدنيا بعربياتها وقصورها ودهبها ومصايفها. إنك بعد حر الحجاب وطاعتك لزوجك وصبرك في الدنيا تدخلي جنة تحلفي من نعيمها لربنا إنك ما رأيت في الدنيا بؤسا قط. تنسي كل ألم وكل تعب عشتيه في الدنيا.

عَنْ أَبِي سَعِيدٍ الْخُدْرِيِّ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِنَّ اللَّهَ تَبَارَكَ وَتَعَالَى يَقُولُ لِأَهْلِ الْجَنَّةِ : " يَا أَهْلَ الْجَنَّةِ " ، فَيَقُولُونَ : لَبَّيْكَ رَبَّنَا وَسَعْدَيْكَ ، فَيَقُولُ : " هَلْ رَضِيتُمْ " ، فَيَقُولُونَ : وَمَا لَنَا لَا نَرْضَى ، وَقَدْ أَعْطَيْتَنَا مَا لَمْ تُعْطِ أَحَدًا مِنْ خَلْقِكَ ، فَيَقُولُ : " أَنَا أُعْطِيكُمْ أَفْضَلَ مِنْ ذَلِكَ " ، قَالُوا : يَا رَبِّ ، وَأَيُّ شَيْءٍ أَفْضَلُ مِنْ ذَلِكَ ، فَيَقُولُ : " أُحِلُّ عَلَيْكُمْ رِضْوَانِي فَلَا أَسْخَطُ عَلَيْكُمْ بَعْدَهُ أَبَدًا

وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا.