#منتهى الحقيقة

[rana-abu-awad]

لا يليقُ بنا الوقوفُ بمنطقةِ الحيرةِ،، و نحنُ كلُّ الأكيدِ...!!!❣❣👌

[islamispeace9]

هناك سِرٌّ عجيبٌ في تسليم الأمور لله بعدما تنفذ كل المحاولات، في التَّسليم لله انتقال تام من العجز المفرط إلى كمال القدرة، ومن منتهى اليأس إلى وجوب الحقيقة، ومن خوف القلوب إلى رضا الأقدار.

[the-golden-eagle]

الحمار كان بيلف ويقول لكل سكان الغابة إن ورق الشجر لونه أزرق ومحدش وقفله غير النمر و قاله لأ على فكرة ورق الشجر لونه أخضر و بعد خناقة إتلم فيها الحمير على النمر و القرود جم و عملوا زيطة ...قرروا كلهم يروحوا للأسد ملك الغابة و يحكموه مبينهم

سمع الأسد المشكلة و بدون تردد حكم على النمر إنه يتعاقب

الحمار كان في منتهى السعادة و راح هو و أصحابه يعملوا حفلة بمناسبة انتصارهم على النمر و إنهم طلعوا صح

النمر إتصدم من الحكم و لكن مقدمهوش حل غير إنه ينفذ العقاب بس قبل ما يتعاقب قرر يسأل الأسد هو بجد ورق الشجر أزرق

الأسد رد و قاله لا طبعاً ورق الشجر أخضر بس إنت مش هتتعاقب عشان لون ورق الشجر إنت هتتعاقب عشان ميصحش إن حد قوي و عظيم زي النمر

يضيع وقته في إنه يقنع الحمير إنهم غلط هتكون بتضيع وقتك لما تناقش حمار مش فارق معاه الصح و الغلط ...مش فارق معاه الحقيقة كل اللي مهم عنده إنه يطلع هو صح

في ناس كتير كده مهما وريته بالادلة انه غلط برضو هايفضل مصمم علي رايه وهايفضل يدافع عن قناعاته باستماته حتي لو كانت غلط

غباء او غرور... مش هاتفرق .. زي نقاشك معاهم بالظبط مش هايفرق 👌👌

[imazikaty]

في حاجة لفتت انتباهي أوي الفترة دي إن لو في شخص بيمر بفترة صعبة في حياته، بس هو قافل على نفسه ومش بييجي يفتح معاك كلام ولا بيشركك في مشاكله ولا أي أي حاجة فعلًا، وانت اللي روحت تسأل عليه وخليته يحكيلك اللي بيمر بيه، فـ هو طبيعي هيحكي المأسويات اللي عنده لإن دي حياته في الوقت الراهن. انت بتشغل بالك ف بتسأله كل شوية وبتحاول تشاركه ف هو بيحكيلك لما انت بتطلب، لكنه لم يبادر بإنه يرمي عليك مشاكله. في الحالة دي هو مش شخص وحش ولا بيشيّل حد همه ولا هو شكاي ، هو قاعد في حاله انت اللي عمال تدخل نفسك فيها -ودا مش شيء وحش خالص بالعكس كتر خير كل الناس الطيبة في العالم- بس هو مطلبش. لما تعدي الفترة دي هو هيكون ممتن ليك جدًا ودايمًا شاكر فضلك، لكن هو مش شغوف بيك كـ شخص، ومش شرط يفضل يكلمك بعد ما الدنيا تروق معاه؛ لإنه من البداية هو مكانش بيحكيلك ولا بيجيلك، انت اللي كنت -مشكورًا- بتروح. ف يا جماعة لو بتساعد حد أو بتسمعه أو حتى بتسأل عليه، اخلِصوا النية الأول. يعني اسأل عشان انت مهتم لأمره أو بتحبه ف بتساعده ولو بمجرد الكلام والسمع من غير مخططات هو أصلًا معندوش علم بيها، من غير ما تبقى مستني إنك كدا تبقى شخصه المفضل، أو بعد كدا تقول (دا كان بيرميلي قرفه)! أقسم بالله دي منتهى قلة الأدب أصلًا الجملة دي. انت اللي داخل تساعده عشان وراك هدف من دا ولما متحققش فكرته شخص وحش واستغلالي وتطلع فيه القطط الفطسانة، بس الحقيقة إن الاستغلالي الوحيد في الموضوع دا والله هو انت.

[yooo-gehn]

ليه طبيعي جدًا بوست دار الإفتاء يتلقى موجة هجوم عاتية؟

المسألة مش مجرد الخناقة الأزلية بتاعة كل سنة. وإن موضوع زكاة الفطر فيه خلاف فقهي من أيام الأئمة الأربعة أصلاً، هل المفروض تخرج حبوب ولا فلوس؟ الإمام أبو حنيفة مثلاً (اللي المأذون بيجوزنا كلنا على مذهبه) بيجيز خروج القيمة. ابن تيمية نفسه يجيزها للحاجة.

طيب ليه بقى مئات التعليقات وصاحب البوست ده بيتكلم وكأنه بينقذ المسلمين من الخطيئة اللي بتحرضهم عليها دار الإفتاء؟

إحنا بنفضل نلف وندور حوالين نفسنا ولسه بنتخانق نفس الخناقة مع نفسنا بقالنا آلاف السنين! مدرسة بتقول إن لو الرسول كان عايز الزكاة تكون فلوس كان عمل كده، ومدرسة تانية بتدرس الأحوال نفسها وتطلّع منها الحكم المناسب ليها، وإن "المقصود الأعظم من الزكاة هو سَدُّ حاجة الفقراء والمحتاجين". وبرضه مش مهم دلوقتي مين فيهم الصح.

المهم الطريقة اللي بنتربى عليها في اعتناق الدين. الحياة من صغرنا كانت ممكن تتفهم بألف طريقة، لكننا بنتربى على إن أكيد كلهم بلا استثناء غلط ماعدا فكرة واحدة هي الحكمة المطلقة. مش بس دينك لكن كونك مسلم، سني، أشعري، وعلماء الدين بيختارولك من الفقه اللي شايفينه صحيح. خصوصًا أي شيخ بيطلع في القنوات الدينية. ولو تعارضت الحكمة المطلقة مع أبسط قواعد المنطق (بلد أغلبها فقرا محتاجين فلوس أكتر من كيلو رز)، فورًا نلجأ لحيلة الحكمة الربانية التي نعجز عن فهمها.

(ولن أمل من الإشارة لأنها حيلة فكرية في منتهى الخطورة، لأنها حيلة تصلح لسد أي فجوة على الإطلاق، حتى لو ارتكبت أشنع الجرائم وأفظع الموبقات، فأنت لو نجحت في سبغ غطاء ديني عليها، هاتقدر تبررها بالحكمة الربانية العاجزين عن فهمها، وإرتكابها هايحسسك بنوع من التقوى والورع، وكل واحد مسلِّم دماغه ليك هاينضم لك بحماس).

طيب إحنا ليه مستغربين أننا لما نعوِّد الفرد منذ نعومة أظافره على أنه مجرد تابع لرأي مقدس واحد، أنه بيتحول لشخص متعصب لهذا الرأي ومش شايف غيره؟ وعاجز عن مجرد تقبل وجود رأي آخر؟ حتى لو كان رأي جهة الإفتاء؟ ما أنت اللي ربيته يفكر بالشكل ده، وأنه يمشي وراك أنت بس (أيا كان أنت مين). إحنا هانضحك على نفسنا؟ المنظومة دي أساسها الفكري مايطلعش غير متعصبين، إلا اللي بيحرر نفسه منها.

طيب أنت تعرف أنك لو عايش في مصر تبقى أشعري تلقائيًا؟ تعرف يعني إيه مذهب أشعري أصلاً؟ الأشاعرة دول معتمدين على إجماع الأئمة الأربعة، وواخدين موقف وسطي بين العقل والنقل، بمعنى أنهم بيقدسوا النص مهما كان مضمونه، ولكنهم جعلوا العقل مدخلاً في فهمه. وعارف ليه بقى مؤخرًا دار الإفتاء آرائها تتعارض مع الآراء الدينية السائدة في المجتمع؟ لأن الآراء دي مستقاة من "صحوة" قادمة من السعودية بتتعامل مع النصوص بشكل مختلف، آراء مستوردة تم تصديرها ليك على أنها الحقيقة المطلقة واستخدام قداسة الدين لترهيبك بإن إختلافك معاها هو بالضرورة اختلاف مع الفهم الصحيح الوحيد للدين.

حتى بوست دار الإفتاء نفسه مش بيقول رأيه على أنه رأي من بين آراء أخرى، مدرس الدين مش بيقول رأيه على أنه رأي، خطيب الجمعة مش بيقول رأيه على أنه رأي، حتى علماء الدين اللي بيوجهوا كلامهم للعامة مش بيقولوا رأيهم على أنه رأي. عمرك أخدت بالك من إن كل واحد فيهم عادةً بيسرد الرأي اللي هو بيميل ليه وكأنه هو الرأي الصحيح الوحيد المنطقي في الدين؟ حتى أكثرهم تحررًا؟ تفتكر ليه؟

في رأيي لأني مستحيل أحتفظ بسلطتي الدينية عليك وأنا بقولك بوضوح إن فيه مصادر غيري معتبرة للآراء، خصوصًا في المسائل الفقهية الخلافية، وأنك من حقك توزن الأمور بعقلك وتميل لرأي يختلف عني، ممكن ينفي احتياجك ليا أصلاً. يعني رغم إن رأي دار الإفتاء منحاز لرؤية متعقلة للدنيا، لكنه لازال مبني على نفس المدرسة الفكرية اللي بتؤدي للتعصب، أنه بيقول رأيه على أنه صحيح الدين، وبالتالي طبيعي جدًا الناس تتخانق معاه لأنها متعصبة لصحيح دين مختلف.

[ayazubaydi]

"في التَّسليم لله انتقال تام من العجز المفرط إلى كمال القدرة, ومن منتهى اليأس إلى وجوب الحقيقة, ومن خوف القلوب إلى رضا الأقدار“

[arabicprose]

ما إن تخرج الفكرة من حسابات الوعي الذاتي حتى تستحيل في نظر الفرد شيئاً لا وجود له، ليس في حساباته العقلية و الفكرية فقط بل وفي العالم كله، لا تغدو موجودة بعد ذلك، فهي مهمة بقدر ما هي موجودة في وعيه، ما الفائدة التي يمكن أن نخرج بها من هذا؟ عندما تشعر أن فكرة ما هي منتهى آمالك، وأن العالم كله متوقف عليها، حاول أن تُخرجها من نطاق عقلك وأنظر للعالم من جديد، هل ما زالت موجودة فيه؟ إن استطعت أن ترى العالم من دونها إذن الحياة يمكن أن تتحرر من إسارالأفكار والأوهام وحتى يتحقق ذلك لابد أن تتذكر هذه الحقيقة دوماً

[zahraa17]

صباح الخير،،

حبيباتي السيدات الجميلات

كنتِ مرتبطة مخطوبة متجوزة والشخص طلع مش كويس

سيبيه !!

سيبتيه؟

Let it hurt.

مش عيب عادي طبيعي الألم عادي الخذلان مُرْ وسؤال ليه طيب عشان طيب والكلام ده.

PLS don't search for a rebound relationship, do it by yourself.

المهم في الفترة دي متستخدميش شخص لملئ مشاعر واحتياجات وإسعاف لجروح قديمة من علاقة مشوهه، احنا عاوزين نوصل للسلام النفسي والنضج وده هيحمّلنا شعور بالذنب كبير وعدم مسامحة للذات والرحلة اللي هنقطعها للتعافي هتكون مأسوية أكتر ، خليكِ قوية واستعدي لمواجهة الألم لوحدك ومتهربيش.

Don't rush take your time to heal.

خدي كل وقتك ��ي الزعل لحد ما تقومي من النوم حاسة أنك فعلًا اتعافيتي وآه والله أنتِ في يوم هتصحي فيه وهتلاقي نفسك مش فاكرة لا حلو ولا وحش.

واوعي تفكري تنتقمي بأي أسلوب خلصنا؟ انتهى نقطة. مافيش فواصل مافيش هعمل كذا فيه وبعدها هنساه جامد اوعي، عزيزتي ارتقي وانضجي.

طب خلاص اللي فات مات واتنسى.

هتفضلي بقى تنزلي أنت خسرت جوهرة وأنا متعوضش ودور مش هتلاقيني ؟

خليني أكون صريحة أنتِ كنتِ معاه بالفعل يا عزيزتي وهو مشي فمتستنيش أنه يرجع ندمان وبيتأسف ويكون أخيرًا أدرك أنه غلط

بلاش أفكار من إني لازم اندمه لازم أروح وأجي وأسوي و و و .. مهو لازم يعرف حجم الخسارة !!!

خليني اتكلم معاكِ بلطف

اسألي نفسك السؤالين دول :

" هل أنا استحق شخص بذلت كل ده عشان بس يعرف قيمتي ويرجعلي؟"

" هل كرامتي هتكون راضية عن شئ توسلته عشان يرجع؟"

" هل احترامي لذاتي يسمح لي إني اتصرف التصرفات دي اساسًا؟ "

إجاباتك على الأسئلة هتعرفك قيمتك الحقيقة اللي أنتِ شايفة نفسك بيها وهي بتختلف من واحدة للتانية.

إدراكك لقيمة ذاتك شعور في منتهى الجمال بس إصرارك على توضيحه للناس للأسف بيعكس الصورة الحقيقية للقناع المزيف وهو أنك في الحقيقة " مش مدركة قيمة ذاتك من الأساس"

طب وبعدين؟

وبعدين الحياة سريعة ومستمرة ومتطورة وكذلك إحنا ،،

في chapter ممكن ميعجبكيش في قصة ما لكن الـ chapter اللي بعده قد يكون أكثر إثارة ويعجبك بس ده في حالة واحدة إنك تدي لنفسك فرصة حقيقية إنك تخرجي من الـ chapter اللي معجبكي�� وتكملي بعقل ناضج بدون أي judgement

الفرصة التانية جميلة جدًا بس لما تديها لنفسك عشان تدركي قيمتك الفعلية وتبدأي الـ chapter التاني وأنتِ أهدى وأعقل وأنضج والأكيد أنه في النهاية هتوصلي لحاجة مهمة وهي تواصل حقيقي مع الذات وقبول لنفسك وللي حواليكِ بكل سلام وهتبقي مستعدة لبدء قصة جديدة بشغف ونضج ووعي 🤍

-مريم محمد

[khloud-youssri]

"هناك سِرٌّ عجيبٌ في تسليم الأمور لله بعدما تنفذ كل المحاولات، في التَّسليم لله انتقال تام من العجز المفرط إلى كمال القدرة، ومن منتهى اليأس إلى وجوب الحقيقة، ومن خوف القلوب إلى رضا الأقدار."

[ammo--scar]

خلصت سيزون "١" من مسلسل ريفو، وحقيقي المسلسل دا بيلمس قلب الواحد بطريقة غريبة، وبيزود تعلقه بكايروكي وأمير عيد أكتر وأكتر.

منبهر الحقيقة من تمثيل حسن أبو الروس، والتحول بين شخصية باظو الجيتاريست المطرقع، للشيخ أباظة الشخص المتدين. منتهى الإقناع والسلاسة، ومفاجأة كبيرة بصراحة بالنسبة لي.

وتمثيل صدقي صخر "مروان" مش عارف ازاي أول مرة أشوفه، حتى أغاني زي على باب السيما والوقت فات وحكمة الأيام، لها طعم غريب وهي بتدور في أحداث المسلسل.

[ksalama71]

الحمار كان بيلف ويقول لكل سكان الغابة إن ورق الشجر لونه أزرق ومحدش وقفله غير النمر و قاله لأ على فكرة ورق الشجر لونه أخضر و بعد خناقة إتلم فيها الحمير على النمر و القرود جم و عملوا زيطة ...قرروا كلهم يروحوا للأسد ملك الغابة و يحكموه مبينهم

سمع الأسد المشكلة و بدون تردد حكم على النمر إنه يتعاقب

الحمار كان في منتهى السعادة و راح هو و أصحابه يعملوا حفلة بمناسبة انتصارهم على النمر و إنهم طلعوا صح

النمر إتصدم من الحكم و لكن مقدمهوش حل غير إنه ينفذ العقاب بس قبل ما يتعاقب قرر يسأل الأسد هو بجد ورق الشجر أزرق

الأسد رد و قاله لا طبعاً ورق الشجر أخضر بس إنت مش هتتعاقب عشان لون ورق الشجر إنت هتتعاقب عشان ميصحش إن حد قوي و عظيم زي النمر

يضيع وقته في إنه يقنع الحمير إنهم غلط هتكون بتضيع وقتك لما تناقش حمار مش فارق معاه الصح و الغلط ...مش فارق معاه الحقيقة كل اللي مهم عنده إنه يطلع هو صح

في ناس كتير كده مهما وريته بالادلة انه غلط برضو هايفضل مصمم علي رايه وهايفضل يدافع عن قناعاته باستماته حتي لو كانت غلط

غباء او غرور... مش هاتفرق .. زي نقاشك معاهم بالظبط مش هايفرق 👌👌

وعلي راي المثل مراضية الجحش ترحمك من كثر نهيقة

[ala-mhmd]

عاوز أحكيلكم على موقف حصل سببلي صدمة شديدة جدا !

من كام شهر واحد قريبي عنده 60 سنة تعب جدا ودخل العناية المركزة ! تقريبا كان واخد أدوية غلط بجرعات كبيرة فحالته اتلخبطت خالص !!

قبل ما الدكاترة يعرفوا ع��ده ايه بالظبط جاله حالات هلوسة وتخاريف ، كان بيفتكر مواقف قديمة جدا حصلت وهو صغير ويقعد يصرخ ويعيط عليها !!!

جاله طبيب نفسي في المستشفى وحاول يتكلم معاه ، وقال له هات ورقة وقلم واكتب كل حاجة مضايقاك بالتفصيل والمرة الجاية نتناقش فيها !!

سهر الليلة كلها يكتب ، وبعدين بدأ يبعت رسائل صوتية لاخواته على الوتس اب ، بيتكلم على مواقف حصلت من 56 سنة لما كان لسة طفل !!! كل موقف حصل فيه تنمر عليه ، أو موقف حد من اخواته الكبار شتمه أو استهزأ بيه كان بيتكلم عنه وهو بيعيط بحرقة في الفويس نوت وكإن الموقف ده حصل امبارح 😧

الغريب إن المواقف دي قديمة جدا جدا ، وكانت في مرحلة معينة من الطفولة ولم تستمر !! بعدها بفترة الشخص ده اتغير تماما وبقا ناجح في حياته والناس بتحبه وبتتمنى رضاه !! وعنده أصحاب كتير وعلاقات في كل حتة ، وعنده شركة ناجحة جدا وبيطلع في الأخبار والنت وحاجة في منتهى الجمال !! سبحان الله !!

اتصدمت إن المواقف دي لسة وجعاه رغم مرور العمر ده كله !! ورغم إن علاقته بأهله واخواته رائعة ومافيهاش أي مشكلة !! ورغم إنه إنسان ناجح جدا ومحبوب ، ومفيش حاجة من المشاكل دي اتكررت تاني على مدار 50 سنة مثلا !! سبحان الله !!

ازاي جرح في الماضي كدة يفضل مسبب ألم في أعماق وأغوار النفس ويظهر بعد العمر ده كله بالشكل الغريب ده !!!

في الحقيقة الموضوع ده صدمني جدا ، عشان كل اللي حكيته ده ، وعشان حاجة أخطر من كل ده تخصني أنا للأسف 😔 أنا زمان كنت شخصية متنمرة جدا جدا للأسف !! حياتي كلها وهزاري كله كان عبارة عن سخرية من الناس وتريقة عليهم !! طول الوقت أألف قصص وأسخر من الناس حتى من أصحابي !! ولما ربنا أكرمني بالهداية والتدين من 20 سنة ، بطلت كل ده بفضل الله ، والناس اللي كنت بتنمر عليهم في الجامعة بشكل واضح روحت صالحتهم كلهم وفضلت وراهم لحد ما سامحوني بفضل الله … لكن يا ترى هل الكل فعلا سامح ؟؟؟

بعد لما الموقف ده حصل مع قريبي ، فضلت طول الليل أفكر في الناس اللي ممكن أكون أذيتهم بكلمة أو بهزار أو بسخرية !! فضلت أحصر كل الأسماء في دماغي لحد ما صفوا على 5 أفراد تقريبا اللي فاكرهم !! منهم 2 من أقرب الناس ليا !! أخويا الصغير ، وواحد قريبي !!

قريبي ده كان أصغر مننا ، وكنا كلنا في العيلة أكبر منه ودايما نسخر منه ونتريق عليه ونهرب منه ، وسبحان الله برضه لما كبر بقا شخص ناجح جدا ومليونير ماشاء الله ، لدرجة إن أي حد في العيلة محتاج حاجة نقول له : روح اطلبها من فلان !! عادي جدا يجيب لحد هدية بـ 50 أو 100 ألف جنيه !! في جيبه زي الفكة !!

بعتله رسالة طويلة ، وقلتله أنا عارف إني تنمرت عليك كتير واحنا صغيرين (من 30 سنة) لكن أنا والله بحبك جدا جدا وعمري ما كنت أقصد أضايقك ، لكن انت عارف طيش الشباب وقلة الدين والأدب ، أنا عارف إن الموضوع فات عليه سنين ، لكن أتمنى تكون مسامحني !!!

تخيلوا رد قال ايه ؟؟؟

قال لي : بالعكس يا عمدة ، ده انا استفدت جدا من اللي عملته ده !! لولا تنمرك عليّ وسخريتك مني ، واضطهادك ليا دايما وسط الناس وانك دايما كنت محسسني إن أقل منكم ومش عاوزني ألعب معاكم ، كل ده أثر عليا جدا فخلاني أتحدى الواقع وأشتغل على نفسي جامد عشان أوريكم إني ممكن أنجح وأبقى إنسان كويس !! لولا كدة مكنتش وصلت للي أنا فيه ده !!!

أقسم بالله كلامه ده موتني 😨 موتني !! ده لسة فاكر كل تفصيلة حصلت من 30 سنة !! شوفتوا بيوصف الموضوع بالتفصيل ازاي !!!!! 💔

فضلت أعتذرله أكتير وأطلب منه يسامح ، وهو بيضحك عادي وبيقول ياعم مسامح !!

بس انا كنت بموت !!

التاني بقا أخويا الصغير !! أصغر مني بـ 9 سنين !!

اخويا ده كنت معتبره زي ابني !! كنت بحبه جدا جدا ودايما شايله وهو صغير وببوسه وألعب معاه ، ولما كبر كنت دايما في ظهره ، بوجهه وأساعده في اختيارات حياته وأقف جمبه في شغله ، وقفت جمبه كتير فعلا وهفضل جمبه لحد ما اموت !! لكن برضه كنت كتير بتتريق عليه أدام الناس ، الغلاسة بتاعت الاخوات المعروفة ، لكن انا كنت متقل العيار حبتين ! وكنت بألف عليه قصص ومغامرات ونقعد في كل اجتماع عائلي نحكيها ونضحك عليه !!!

بعتله رسالة طويلة أطلب منه يسامحني ، رد رد صعب جدا برضه

قال يا عماد انت عارف انا بحبك قد ايه ، لكن انا الحمد لله تجاوزت كل ده من زمان ومسامحك ، بس حكى برضه شوية تفاصيل موتتني !!

لاحول ولا قوة الا بالله 😓

طب انا بالصدفة اكتشفت الموضوع ده ، وبحاول دلوقتي أصلح أخطاء عملتها من 20 و 30 سنة !! واقسم بالله كل أعمال الخير اللي بعملها دلوقتي ومساعدتي للناس عشان أكفر بيها عن الذنوب القديمة دي !!

طيب ولو مكنتش اكتشفت كنت هعمل ايه ؟؟ يا ترى الواحد هيتفاجيء بكام حاجة يوم القيامة ؟؟؟ وكام واحد ممكن يمسكوا في رقبته وقت الحساب !!

الواحد لو كان بيعمل ذنب معين وبطله ، لكن ما مسحش أثره !! هل كدة الذنب ده اتغفر ؟! مش معنى انك بطلت ذنب انه راح أو اتمسح !!

يعني واحد (مثلا) كان بيشرب خمرة ، وبعدين بطل لأي سبب .. هو دلوقتي مش بيشرب صح ؟ لكن سنين الشرب في الماضي دي اتمسحت ؟؟ مش هاتتمسح غير لما يتوب منها ويطلب من ربنا الغفران !

طيب والذنوب اللي في حق الناس ؟؟

ركز معايا كدة :

-اتريقت على واحد وسط الناس ، اتحرج واتجرح ، سكت وعداها واليوم عدى وخلاص ، وقابلته بعديها ميت مرة .. لكن يا ترى هو سامح ؟ ولا هياخد حقه منك يوم القيامة ؟

-وانت في ثانوي عملت صوت والمدرس واقف وضحّكت عليه الفصل كله ، وهو راجل كبير في السن وعنده أولاد أكبر منك ، لكن اضطر يبلعها ويعمل نفسه ماسمعش عشان منظره أدام نفسه وأدام الطلبة !!

-استلفت فلوس من واحد وطنشت ، مبلغ صغير مش فارقة ، الناس لبعضيها !! وهو عداها على مضض لكن مش مسامح !!! هتعمل ايه ؟ هاتقدر تسددها من حسناتك يوم القيامة ؟؟

-صاحبك اشترى حاجة جديدة عجبتك ، قلتله ياريس البتاع دي تلزمني ، واخدتها منه بسيف الحياء وهو مش مسامح ، لكن عداها وخلاص عشان شخصيته أضعف منك شوية وعشان الخروجة تعدى مع الشباب !! ايه رأيك ؟ تفتكر سامح ؟؟

-دبست واحد في عزومة بالعافية وهو كان محتاج الفلوس ، لكن عداها عشان منظره أدام الناس ، لكن من جواه مش مسامح .. ايه رأيك ؟؟

"لا يَحِلُّ مالُ امرِيءٍ مُسلمٍ إلَّا بِطِيبِ نفسٍ مِنه"

"ما اخذ بسيف الحياء فهو حرام"

-واحد سألك عن حاجة تخص الشغل مع واحد ، روحت ناقل إشاعات أو أي كلام سمعته وخلاص من غير ما تستوثق منه ، فكنت سبب في وقف حال الشخص ده أو وقف خير وشغل كان هايجيله ، ايه رأيك ؟ يا ترى سامح ؟

-دخلت في تجارة مع شخص ، وبعدين حصل خسارة ، قلتله مليش دعوة أنا عاوز فلوسي ، فاضطر يتصرف في فلوس عشان ماتقولش عليه نصاب ، لكن هو مش مسامح فيها !! ايه رأيك ؟ هتقدر تسدد يوم القيامة ؟

-واحدة اتقدم لها عريس وبعدين هو اللي اعتذر ، فقررت هي وأصحابها يعاقبوه ويطلعوا عليه كلام لحد ما سوقه وقف وسنه كبر وماعرفش يتجوز !!

احسب بقا في علاقتنا الشخصية دي فيه كم مظالم قد ايه ، وافتكر إن يوم القيامة الحساب هايبقى بالحسنات والسيئات !! في عز ما انت ملهوف على حسنة واحدة تعادل ميزانك عشان تتعق بيها من نار جهنم ، تلاقي واحد جاي يقولك : اسف ، انت استهزأت بيا وضحّكت عليا الدفعة كلها ، عاوز حقي !! هات الحسنات دي !! طيب مفيش حسنات ؟؟ خير وبركة ، خد سيئاتي دي اتفضل !!!

شوف كام موقف من دول عدى وكنت فاكر الموضوع بسيط ، واستحضر وصف ربنا للناس يوم الحساب وهم بيقولوا : "ياويلتنا مالِ هذا الكتاب لا يُغادر صغيرة ولا كبيرة إلا أحصاها ، ووجدوا ما عملوا حاضرًا ، ولا يظلم ربك أحدا"

وقول الله تعالى : أحصاه الله ونسوه !! انت عملت الذنب ونسيت ، لكن ربنا مانسيش سبحانه وتعالى !

نسأل الله العفو والعافية !

انا وجعت قلوبكم معلش ، لكن الواحد لازم يراجع حساباته كويس قبل ما ييجي يوم هتتحاسب فيه بمثقال الذرة "فمن يعمل مثقال (ذرة) شرًا يره" !!

راجع معايا شروط التوبة :

-الإقلاع عن الذنب والندم عليه

-العزم على عدم العودة

-رد المظالم إلى أهلها !

طيب ماعرفتش توصل للي ظلمته : تصدق عنه وادعيله في كل صلاة ، وادعي ربنا انه يقبل منك لعله يسامحك يوم القيامة!

وربنا يتولانا برحمته 😢

[elandalosz]

هناك سِرٌّ عجيبٌ في تسليم الأمور لله بعد نفاد كلّ المحاولات، في التَّسليم لله انتقال تامّ من العجز المفرط إلى كمال القدرة، ومن منتهى اليأس إلى وجوب الحقيقة، ومن خوف القلوب إلى رضا الأقدار.

[ra7el07]

‏"هناك سِرٌّ عجيبٌ في تسليم الأمور لله بعدما تنفذ كل المحاولات، في التَّسليم لله انتقال تام من العجز المفرط إلى كمال القدرة، ومن منتهى اليأس إلى وجوب الحقيقة، ومن خوف القلوب إلى رضا الأقدار."

[imazikaty]

في حاجة لفتت انتباهي أوي اليومين دول أن لو في شخص بيمر بفترة صعبة في حياته، بس هو قافل على نفسه ومش بييجي يفتح معاك كلام ولا بيشركك في مشاكله ولا أي أي حاجة فعلًا، وانت اللي روحت تسأل عليه وخليته يحكيلك اللي بيمر بيه، ف هو طبيعي هيحكي المأسويات اللي عنده لإن دي حياته في الوقت الراهن. انت بتشغل بالك ف بتسأله كل شوية وبتحاول تشاركه ف هو بيحكيلك لما انت بتطلب، لكنه لم يبادر بإنه يرمي عليك مشاكله.

في الحالة دي هو مش شخص وحش ولا بيشيّل حد همه، ولا هوا اتنشن هو قاعد في حاله انت اللي عمال تدخل نفسك فيها -ودا مش شيء وحش خالص بالعكس كتر خير كل الناس الطيبة في العالم- بس هو مطلبش.

لما تعدي الفترة دي هو هيكون ممتن ليك جدًا ودايمًا شاكر فضلك، لكن هو مش شغوف بيك كـ شخص، ومش شرط يفضل يكلمك بعد ما الدنيا تروق معاه؛ لإنه من البداية هو مكانش بيحكيلك ولا بيجيلك، انت اللي كنت -مشكورًا- بتروح.

ف لو بتساعد حد أو بتسمعه أو حتى بتسأل عليه، اخلِص النية الأول. يعني اسأل عشان انت مهتم لأمره أو بتحبه ف بتساعده ولو بمجرد الكلام والسمع من غير مخططات هو أصلًا معندوش علم بيها، من غير ما تبقى مستني إنك كدا تبقى شخصه المفضل، أو بعد كدا تقول (دا كان بيرميلي قرفه ومستحمله في قرفه واحزانه وبلا بلا بلا )! يعني أقسم بالله دي حاجة فـ منتهى قلة الأدب أصلًا الجملة دي يعني.

انت اللي داخل تساعده عشان وراك هدف من دا ولما متحققش فكرته شخص وحش واستغلالي، بس الحقيقة إن الاستغلالي الوحيد في الموضوع دا والله هو انت.

[yooo-gehn]

لو وقفت طول اليوم هاتتعب، لو قعدت طول اليوم هاتتعب، لو اتحركت طول اليوم هاتتعب، لو نمت طول اليوم هاتتعب، ودي كلها حاجات تبدو وكأنها بديهيات، لكن اللي بننساه إن كل واحد فينا بيحتاج نسب خاصة بيه هو بالذات من كل ده، حسب طبيعة جسمه وصحته وظروف حياته. وهي دي بكل بساطة معنى الفردية، أنك تعرف طبيعتك وتعيش حياتك بما يناسبها. سهلة وبسيطة، لكن المجتمع متصمم بحيث يفرض معيار متحجر واحد على الجميع وهو بيتجاهل العوامل الفردية لكل شخص، تخيل مثلا إمتحان في السباحة بين السمك والكلاب، ولما الكلاب تغرق نلومها على ضعفها من غير ولا كلمة على اعتباطية أننا بنغرق كلب في المية، وبنهني السمك على شطارته في العوم، وإحنا عاملين نفسنا مش واخدين بالنا إن هي دي طبيعته. أي قاعدة سواء كانت تعليمية أو إقتصادية أو مجتمعية مفروضة بالشكل ده على كل الناس، في الحقيقة بتضحي بأفرادها في سبيل أفكار في منتهى الهبل لا يحميها إلا القبول الجماعي ليها. زي إن الهندسة والطب يبقوا "كليات قمة"، أو إن المدير يقبض 100 ضعف الموظفين، أو النظام التعليمي المصمم كله بحيث يختبر قدرتك على استرجاع المعلومات بدون ذرة اهتمام بالاكتساب الحقيقي للمعرفة.