#ជីវិត សង្គម | Explore Tumblr posts and blogs

kingmindint · 7 years ago

Text

២ខែមុនជាកម្មករចិញ្ចឹមបង្កង ឥឡូវជាតារាចម្រៀង ឡើងឆាកជាមួយតារាសុទ្ធលំដាប់ប្រទេស

វាសនាមនុស្សពិតជាមើលមិនឃើញ ដូចករណីលោក ខេង គុយលី ដែលកាលពី២ខែមុន គឺជាកម្មករចិញ្ចឹមបង្កងនៅស្រុកថៃ តែឥឡូវនេះបានក្លាយជាតារាចម្រៀង ថែមទាំងត្រៀមឡើងឆាកជាមួយតារាចម្រៀងល្បីៗ ខេមរៈ សិរីមន្ត ខេម និងមាស សុខសោភា ជាដើម។

ខេង គុយលី និងឧកញ៉ា ឡេង ណាវ៉ាត្រា

ស្ថានភាពជីវិតប្រែប្រួល១៨០ដឺក្រេ ត្រឹមរយៈពេល២ខែនេះ សាមីខ្លួនបានប្រាប់ថា សូម្បីតែយល់សប្តិ ក៏នឹកមិនដល់ដែរ។ “អារម្មណ៍ខ្ញុំពេលនេះ មិនដឹងយកអីមកនិយាយឲ្យត្រូវទេបង ធ្លាប់តែធ្វើជាអ្នកឲ្យចំណីបង្កងនៅស្រុកថៃ ខ្ញុំមិនដែលគិតទេថា ថ្ងៃណាមួយនឹងបានទៅប្រទេសកូរ៉េ ហើយក៏រឹតតែមិនដែលស្រមៃថា បានឡើងឆាកច្រៀងជាមួយតារាល្បីៗដូចជាបង ខេមរៈ សិរីមន្ត ខេម និង មាស សុខសោភាទេ ដល់ឥឡូវក្លាយជាការពិត…និយាយទៅ ខ្ញុំដូចយល់សប្តិអីចឹងបង!”។

ស្ថានភាពជីវិតប្រែប្រួលរបស់លោក គឺដោយសារបានយឹតយោងរបស់ឧកញ៉ាម្នាក់ គឺឧកញ៉ា ឡេង ណាវ៉ាត្រា ដែលមានអតីតភាពជាពលករដូចលោកដែរ។ វិលទៅដំណើរដើមចមនៃការប្រែប្រួលជីវិតស្ទើរមិនគួរឲ្យជឿនេះ អ្នកស្រុកពោធិសាត់ បានរៀបរាប់ឲ្យដឹងថា ដំបូង��ឡើយ ដោយសារនិស្ស័យចូលចិត្តសិល្បៈ លោកតែងតែច្រៀង Cover បទរបស់តារាចម្រៀងផ្សេងៗ និងនិពន្ធថ្មីខ្លួនឯងខ្លះ បង្ហោះលើហ្វេសប៊ុក និងយូធូប។

គុយលី(រូបទី២រាប់ឆ្វេង) ក្នុងផ្ទាំងផ្សព្វផ្សាយតន្ត្រីនៅកូរ៉េខាងត្បូងជាមួយ តារាល្បីៗរបស់ប្រទេស

២ឆ្នាំ ជាមួយសកម្មភាពសិល្បៈលើបណ្ដាញទំនើប បាននាំឲ្យលោក ទទួលបានការចាប់អារម្មណ៍ជាច្រើនពីមិត្តភ័ក្ដិលើបណ្ដាញសង្គម ដែលលោកបានប្រើឈ្មោះថា “គុយលី ចម្រៀងពលករ”។ បទដែលធ្វើឲ្យមានគេស្គាល់លោកច្រើន មានបទ “បងក្រទើបគេទៅចោល” និងបទ “គេចូលស្ដី ស្រីការចុះ” ជាដើម។

ប៉ុន្តែភាពពេញនិយមគ្រានោះ មិនទាន់ដឹងដល់ឧកញ៉ា ឡេង ណាវ៉ាត្រា ទេ គឺទើបតែវេលាមុនបុណ្យភ្ជុំបិណ្ឌឆ្នាំមុននេះប៉ុណ្ណោះ ហើយរហូតដល់២ខែចុងក្រោយ ទើបអ្វីៗចាប់ផ្ដើមប្រែប្រួល។

“កាលហ្នុង បង ណាវ៉ាត្រា បានទាក់ទងទៅខ្ញុំហើយសួរខ្ញុំថា ស្គាល់គាត់អត់ ខ្ញុំថា អត់ស្គាល់ទេ។ គាត់ហៅឲ្យមកធ្វើការក្នុងផលិតកម្មគាត់ តែពេលនោះ ខ្ញុំមិនទាន់ឆ្លើយថាម៉េចទេ ព្រោះថាអារម្មណ៍មួយ…បងដឹងហើយ សង្គមយើងមានអ្នកបោកអីចឹងណាបង ខ្ញុំចេះតែគិតថា បោកហើយៗ…។ តែចៃដន្យខ្ញុំមានមិត្តភ័ក្ដិធ្វើការនៅកូរ៉េម្នាក់ សួរគេទៅ គេថា បើបានបង ណាវ៉ាត្រា យកមកនៅជាមួយ គុយលី ឯងសំណាងហើយ ព្រោះគាត់មិនងាយយកអ្នកណាមកនៅជាមួយទេ!”។

ក្រោយពីប្រាកដក្នុងចិត្តចំពោះការផ្ដល់របស់ឧកញ៉ាវ័យក្មេងខាងលើ គុយលី ប្រាប់ថា លោកសម្រេចថា នឹងចុះមកកម្ពុជា។ ប៉ុន្តែភ្លាមៗ ដោយសារថៅកែចិញ្ចឹមបង្កងរបស់លោក មិនទាន់អាចរកកម្មករថ្មីជំនួសបាន លោកមិនបានមកទេ គឺចាំរហូតដល់២ចុងក្រោយនេះ ទើបលោកអាចដកខ្លួនមកបាន។ បច្ចុប្បន្ន ខេង គុយលី បានស្នាក់នៅផ្ទះជាមួយឧកញ៉ា ឡេង ណាវ៉ាត្រា តែម្ដង ដោយជួយធ្វើការងារផ្ទះខ្លះ និងការងារខ្លះទៀតលើទំព័រហ្វេសប៊ុកផ្ទាល់របស់ឧកញ៉ា។

“ខ្ញុំចង់និយាយថា អរគុណបងណាវ៉ាត្រា ខ្លាំងណាស់ អ្វីៗដែលបានកើតឡើង គឺខ្ញុំដូចទើបភ្ញាក់ពីដេកអីចឹង របស់ដែលធ្លាប់តែនៅភក់ជ្រាំ ត្រូវគាត់រើសយកមកលាងទឹក ហើយតម្កល់ជារបស់សំខាន់ ខ្ញុំ ពិតជាមិនដែលស្រមៃទេ ហើយក៏រឹតមិនដែលគិតទៀតថា បានទៅប្រទេសកូរ៉េថែមទៀត។” គុយលី ថ្លែង។

វិលមកលោក ឡេង ណាវ៉ាត្រា ដែលទើបឡើងឧកញ៉ាថ្មីៗ ប្រាប់ជុំវិញរឿងរ៉ាវកើតឡើងលើ ខេង គុយលី ថា ក្រោយពីបានឃើញទេពកោស��្យ និងស្ថានភាពរបស់បុរសវ័យ ២៦ឆ្នាំរូបនេះ ខណៈលោកធ្លាប់ជាពលករដែរនោះ ធ្វើឲ្យលោកមានចិត្តអាណិត ស្រឡាញ់។ ដូច្នេះហើយ លោកក៏កើតគំនិតចង់ជួយ ទើបសម្រេចហៅគេឲ្យមកនៅជាមួយតែម្ដង។

ខេង គុយលី ខ្លួនប្រឡាក់ប្រឡូសនាមជាពលករ

“រាល់ថ្ងៃ គាត់នៅផ្ទះជាមួយខ្ញុំតែម្ដង…ហើយខ្ញុំមើលឃើញថា គាត់មានអត្តចរិត ឫកពាល្អ ទើបប្រគល់ការងារឲ្យធ្វើមួយចំនួន ក្នុងនោះមិនអោយធ្វើអីច្រើនទេ គឺគ្រាន់តែកាន់ Page របស់ខ្ញុំ និងការងារតិចតួចខ្លះទៀតក្នុងផលិតកម្ម”។

ក្រោមការផ្ចុងផ្ដើមពីឧកញ៉ាចិត្តបុណ្យ គុយលី ដែលមាននិស្ស័យសិល្បៈ តែងនិពន្ធ និងច្រៀង គុយលី ស្រាប់ ត្រូវបានឧកញ៉ាដាក់បញ្ចូលទៅក្នុងកម្មវិធីតន្ត្រីធំមួយនៅប្រទេសកូរ៉េខាងត្បូងពាក់កណ្ដាលខែក្រោយ ជាមួយតារាចម្រៀងល្បីៗរបស់កម្ពុជាច្រើន ហើយនោះ ជាបទពិសោធន៍ឡើងឆាកតន្ត្រីដំបូងបំផុតក្នុងជីវិតរបស់លោក។

អ្នកខេត្តពោធិសាត់ ឲ្យដឹងថា លោកនៅមានការបារម្ភខ្លះដែរពីព្រឹត្តិការណ៍នោះ ប៉ុន្តែលោកតាំងចិត្តថា នឹងធ្វើឲ្យបាន។ វិលមក ម្ចាស់សំណង់លំនៅដ្ឋាន ឡេង ណាវ៉ាត្រា ដែលជាម្ចាស់ឧបត្ថម្ភផ្ដាច់មុខព្រឹត្តិការខាងលើវិញ លើកឡើងថា លោកមានជំនឿចិត្តថា ខេង គុយលី នឹងអាចធ្វើបានដូចគ្នា៕

គុយលី កាលនៅជាកម្មករចិញ្ចឹមបង្កងនៅស្រុកថៃ

រូបថត៖ផ្ដល់ដោយឧកញ៉ា ឡេង ណាវ៉ាត្រា

Source news.sabay.com.kh

via Kingmind ២ខែមុនជាកម្មករចិញ្ចឹមបង្កង ឥឡូវជាតារាចម្រៀង ឡើងឆាកជាមួយតារាសុទ្ធលំដាប់ប្រទេស

#Kingmind #Kingmind International

0 notes

ummanonymous-blog · 7 years ago

Text

ស្រលាញ់ពាក្យ ១២ឃ្លា របស់លោកស្រីផឹង លីយាន ភរិយាប្រធានាធិបតីចិន ស៊ី ជីងពីង ទើបចង់ចែករំលែកបន្ត!

ទី១- កូនសម្លាញ់... កូនត្រូវរៀនធ្វើម្ហូបអាហារខ្លះ។ នេះមិនមែនដើម្បីយកទៅប្រណិប័តន៍អ្នកណាឡើយ ប៉ុន្តែនៅពេលដែលមនុស្សដែលស្រឡាញ់កូនមិននៅ កូនអាចរស់នៅមើលថែខ្លួនឯងបាន (រស់បានដោយខ្លួនឯង)។

ទី២- កូនសម្លាញ់... កូនត្រូវចេះបើកបរ។ នេះមិនពាក់ព័ន្ធនឹងតំណែង តួនាទីអ្វីនោះទេ ព្រោះបើកូនបើកឡានខ្លួនឯងបាន កូននឹងអាចទៅគ្រប់កន្លែងដែលកូនចង់ទៅបានគ្រប់ពេលគ្រប់វេលា ដោយមិនចាំបាច់សុំអង្វរអ្នកណា (មានឯករាជ្យ សិទ្ធិសេរី)

ទី៣- កូនសម្លាញ់... កូនត្រូវចូលរៀនមហាវិទ្យាល័យ និងត្រូវជាមហាវិទ្យាល័យដែលមានគុណភាព។ នេះមិនមែនរៀនដើម្បីយកក្រេឌីតនោះទេ ប៉ុន្តែក្នុងមួយជីវិតមនុស្សយើង ត្រូវឆ្លងកាត់ការសិក្សានៅមហាវិទ្យាល័យឲ្យបាន ៣ទៅ៤ឆ្នាំ ដែលជាជីវិតដែលគ្មានលក្ខខណ្ឌតវ៉ា និងជាជីវិតដែលបានទទួលការអប់រំឲ្យមានសតិបញ្ញា ការគិត និងប្រើហេតុផល (នៅពេលចូលប្រឡូកចូលក្នុងសង្គមវាក៏ប្រៀបដូចជាបានស្គាល់ពីជីវិតពិត)

ទី៤- កូនសម្លាញ់... កូនដឹងទេថា កូនទុកដានជើងបានឆ្ងាយប៉ុណ្ណា ចិត្តគំនិតរបស់កូននឹងទូលំទូលាយប៉ុននោះ។ នៅពេលមានចិត្តទូលំទូលាយហើយ ទើបកូនមានក្ដីសុខ ហើយបើដើរមិនបានឆ្ងាយទេ គឺត្រូវឲ្យសៀវភៅនាំកូនទៅ (ពង្រីកទស្សនវិស័យរបស់ខ្លួនឯងដោយពឹងផ្អែកលើចំណេះដឹង)

ទី៥- កូនសម្លាញ់... បើលោកន��ះនៅសល់តែទឹកពីរពែង កូនត្រូវទុកមួយពែងផឹក ចំណែកមួយពែងទៀតគឺត្រូវទុកប្រើសម្អាតផ្ទៃមុខ និងខោអាវក្នុងរបស់កូន (ការមើលឃើញតម្លៃខ្លួនឯង មិនពាក់ព័ន្ធនឹងការមាន ឬក្រនោះទេ)

ទី៦- កូនសម្លាញ់... បើមេឃរលំធ្លាក់មក កូនកុំបាច់យំស្រែក និងមិនបាច់ថ្ងូររអ៊ូថាយ៉ាងណានោះទេ ព្រោះវានឹងធ្វើឲ្យមនុស្សដែលស្រឡាញ់កូនកាន់តែឈឺចាប់ ចំណែកមនុស្សដែលស្អប់កូនកាន់តែបានចិត្ត (ព្រមទទួលជតាកម្មយ៉ាងស្ងប់ មនុស្សដែលយើងស្រឡាញ់នឹងមានក្ដីសុខ)

ទី៧- កូនសម្លាញ់... ទោះបីហូបបាយជាមួយទឹកស៊ីអ៊ីវ ក៏ត្រូវជូតតុ ក្រាលកម្រាលឲ្យបានស្អាត ហើយអង្គុយហូបឲ្យមានរបៀបរៀបរយ។ រស់នៅតាមបែបធម្មតាៗ ប៉ុន្តែរក្សាឲ្យបានភាពថ្លៃថ្នូរ សមរម្យ (ឥរិយា មារយាទ និងស្ថានភាពមិនមែនជារឿងពាក់ព័ន្ធគ្នានោះទេ)។

ទី៨- កូនសម្លាញ់... នៅពេលកូនទៅកន្លែងឆ្ងាយៗ ត្រូវចាំទុកថា ក្រៅពីត្រូវយកកាមេរ៉ាថតរូបទៅជាមួយ គឺត្រូវយកប៊ិចនិងក្រដាសទៅផង ព្រោះទេសភាពអាចដូចគ្នា ប៉ុន្តែអារម្មណ៍ដែលមើលទេសភាពនោះមិនប្រាកដថាអាចត្រលប់មកបានដូចដើមវិញនោះទេ។ Xu Xia Ke អាចក្លាយជាភូមិវិទូដ៏ល្បីនៅប្រទេសចិន មិនមែនដោយសារគាត់បានធ្វើដំណើរច្រើនបំផុតនោះទេ ប៉ុន្តែដោយសារគាត់បានកត់ត្រារឿងរ៉ាវ និងបទពិសោធន៍យ៉ាងល្អិតល្អន់ពីការធ្វើដំណើ��របស់គាត់ ដើម្បីបន្សល់ទុកឲ្យក្មេងៗជំនាន់ក្រោយ។

ទី៩- កូនសម្លាញ់... កូនត្រូវមានផ្ទះមួយរបស់ខ្លួនឯង ទោះបីត្រឹមតែ ៥ម៉ែត្របួនជ្រុងក៏ដោយ ព្រោះនៅពេលកូនឈ្លោះគ្នាជាមួយមនុស្សដែលកូនស្រឡាញ់ ដល់បែកបាក់ក៏មិនដល់ថ្នាក់ត្រូវរកកន្លែងដេកមិនបាន។ អ្វីដែលសំខាន់ជាងនេះទៅទៀត គឺនៅពេលដែលកូនមានចិត្តក្ដៅ នោះក៏មានកន្លែងដែលអាចធ្វើឲ្យកូនចិត្តត្រជាក់វិញបាននៅទីនោះ (ឧបនិស្ស័យបែបឯករាជ្យ)

ទី១០- កូនសម្លាញ់... ពេលនៅក្មេង ត្រូវមានចំណេះដឹង នៅពេលធំឡើងត្រូវមានបទពិសោធន៍ ទើបកូនមានជីវិតដែលរីកចម្រើនយ៉ាងមានគុណភាព (អានបទពិសោធន៍របស់អ្នកដទៃ និងស្វែងរកបទពិសោធន៍សម្រាប់ខ្លួនឯង)

ទី១១- កូនសម្លាញ់... មិនថាពេលណាក៏ដោយ គឺត្រូវធ្វើជាមនុស្សដែលមានមេត្តា។ ត្រូវចាំទុកថា ការមានសន្ដានចិត្តល្អ នឹងធ្វើឲ្យកូនជាក្លាយជាមនុស្សដែលទទួលបានការឃុំគ្រងមើលថែល្អបំផុតពីអ្នកផង និងវត្ថុសក្ដិសិទ្ធទាំងឡាយ (ការឃុំគ្រងមើលថែនេះមិនមែនដោយភាពមានបាន និងអំណាចនោះទេ គឺធ្វើល្អ យើងនឹងបានអ្វីល្អមកវិញ)

ទី១២- កូនសម្លាញ់... ស្��ាមញញឹម ភាពស្រស់ស្អាត និងភាពជឿជាក់ នេះហើយគឺជាទ្រព្យ៕

Jan 28 18

0 notes

rkunyou-blog · 8 years ago

Text

ពិតជាគួរអោយសរសើរទឹកចិត្ដ និងទង្វើរប្អូនស្រីមែន!

គួរអោយសសើរទឹកចិត្ដប្អូនស្រី ម្នាក់នេះមែនដែលគាត់បានបង្ហាញនៅលើគណនេយ្យ Facebook របស់គាត់។ ដែលក្នុងនោះផងដែរគាត់បានសរសេរយ៉ាងដូច្នេះថាៈ

ថាខ្ញុំរិៈលុយក៏បាន ហេីយខ្ញុំក៏មិនសំបូរធនធានអីដែរ😔 មិនដឹងមួយលីត្រ អ៊ុំចំណេញបានប៉ុន្មានទេ? ហេីយមួយថ្ងៃលក់បានប៉ុន្មានលីត្រទៅ ? ខ្ញុំឈប់ញាំអីក្បែរនឹង បណ្តេាយផ្លូវ 95 កែងផ្លូវ360 ក្បែរ កន្លែងលក់គ្រឿងសមុទ្រ ឈ្មេាះចរណៃ ឃេីញគាត់អង្គុយលក់សាំង…

View On WordPress

#ជីវិត #ជីវិត សង្គម #ផ្សេងៗ

0 notes

rkunyou-blog · 8 years ago

Text

ជាម្តាយដ៍ល្អផង និងបុគ្គលិកឆ្នើមផង វិធីសាស្រ្ត១០យ៉ាងនេះអាចជួយបាន

បន្ទាប់ពីសម្រាលកូនរួច អ្នកម្តាយថ្មោងថ្មីត្រូវប្រឈមមុខនឹងការងារជាច្រើន មិនថាការងារផ្ទះ ការថែទាំកូន និងស្វាមី ជាពិសេសគឺកន្លែងការងារតែម្តង។ បើទោះជាមើលដូចជាមិនសូវយុត្តិធម៌សម្រាប់ស្រ្តី តែក៏មានស្រ្តីខ្លះនៅ��ែអាចកែខៃស្ថានការណ៍ទាំងការងារផ្ទះ និងខាងក្រៅឲ្យមានតុល្យភាពបាន។

ខាងក្រោមនេះគឺជាវិធីសាស្ត្រ១០យ៉ាងឲ្យអ្នកម្តាយគ្រប់រូបមានភាពប៉ិនប្រសប់…

View On WordPress

#ជីវិត សង្គម

0 notes

patricktola · 6 years ago

Photo

ពេលវេលាគឺជាអាយុជីវិត...✍️ ពេលវេលាពិតជាដើរលឿនណាស់ ធ្មេចបើកៗ ខ្ញុំក៏ចាស់ដោយមិនដឹងខ្លួន ថ្ងៃមុនទើបតែ១៩សោះ តែថ្ងៃនេះហៀរកម្លោះទៅហើយ ជីវិតអើយជីវិត ពិតជា��្រែប្រួលទៅតាមពេលវេលាមែន បើសិនជាអាចវិលទៅរកពេលវេលាកាលដែលនៅពីក្មេងវិញបាន មិនដឹងជាល្អយ៉ាងណាទេ ព្រោះនៅពីក្មេងចូលចិត្តលេងសប្បាយ មិនខ្វល់ខ្វាយរឿងអ្វីទាំងអស់ ជីវិតគឺមានតែភាពរីករាយ មិនចេះខូចចិត្ត មិនចេះកើតទុក្ខ មិនដូចពេលនេះឡើយ ទុក្ខអើយសែនទុក្ខ ទុក្ខឥតល្ហែល្ហើយ រឿងរ៉ាវចូលមកក្នុងជីវិតនេះស្ទើររាល់ថ្ងៃ ទាំងរឿងល្អ ទាំងរឿងអាក្រក់ សុខនិងទុក្ខ ច្របូកច្របល់គ្នា ពេលវេលាក៏ទំពាស៊ីអាយុជីវិតបន្តិចម្តងៗ ភាពចាស់ជរាក៏រំកិលចូលមកបន្តិចម្តងៗដូចគ្នា ហើយមិនយូរមិនឆាប់ ជីវិតនឹងលាពិភពលោកនេះ ទៅកាន់ពិភពលោកមួយថ្មីទៀតមិនខានឡើយ ដូច្នេះហើយ ពេលវេលាគឺមិនមែនជាមាសប្រាក់ តែពេលវេលាគឺជាអាយុជីវិត...។ ក្នុងខណៈពេលដែលជីវិតនៅមាន ត្រូវប្រញាប់ធ្វើអ្វីដែលមានប្រយោជន៍ ដល់ខ្លួនឯង និងមនុស្សជាតិឲ្យហើយ កុំឲ្យស្តាយក្រោយពេលធ្វើអ្វីលែងកើត រវល់ច្រណែនគ្នា រវល់ឈ្នានីសគ្នា រវល់ប្រកាន់គ្នា បានប្រយោជន៍អ្វី តើជីវិតយើងមាន១០ឆ្នាំប៉ុន្មានដងទៀត ឆ្លៀតធ្វើសេចក្តីល្អបានក៏ឆ្លៀតទៅ យើងប្រណាំងប្រជែងគ្នាធ្វើការងារមនុស្សធម៌ ឬសប្បុរសធម៌នៅក្នុងសង្គម ប្រសើរជាងប្រណាំងប្រជែងគ្នារឿងសំភារៈនិយម កុំព្រោះតែដើម្បីខ្លួនឯង ធ្វើអ្វីមិនក្រែងដល់មនុស្សនៅក្នុងសង្គមឲ្យសោះណា...។ ត្រូវចេះរស់នៅជាមួយនឹងសង្គមមនុស្សល្អ ធ្វើអ្វីៗត្រូវមានគុណធម៌ កុំតែៗ ស្ករៗ បង្កតែភាពចលាចល បំពុលសង្គម ឲ្យច្របូកច្របល់ ត្រូវចេះខ្វល់ខ្វាយ ចេះយកចិត្តទុកដាក់ជួយសង្គម ទើបឈ្មោះថា ជីវិតរស់នៅមិនខាតពេលវេលា ឬរស់នៅមិនខាតប្រយោជន៍...៕ អ្នកនិពន្ធ ប៊ុនឆា (at សហគមន៍ទេសចរណ៏ធម្មជាតិចំបក់-ទឹកធ្លាក់ទី២) https://www.instagram.com/p/BzcBG6oBp7U/?igshid=7qgpi4mz6n6m

0 notes

patricktola · 6 years ago

Photo

[...] ជីវិតបង ប្រឡាក់លម្អងអតីតកាល ។ ព្រលឹមខ្លះ បងភ្ញាក់ ឡើងជាមួយតំណក់សន្សើមក្នុងកែវភ្នែក ។ អតីតកាលបងមិន ល្អទេ បងធ្លាប់មានសង្សារពីរនាក់រួចហើយ ។ បបូរមាត់បងក៏មិន បរិសុទ្ធ បងធ្លាប់ទុកស្នាមថើបលើមនុស្សអតីត ។ អូនស្រឡាញ់ បងទេ បើបងប្រាប់អូនថា បងជាជនក្រៅសង្គម ជនដែលរស់ លេងៗ គ្មានទិសដៅជីវិតអ្វីទាំងអស់ ។ ដកស្រង់ចេញពីរឿងខ្លីមួយរបស់ ស៊ូ ខេមរិន្ទ កវីនិពន្ធខ្មែរ https://www.instagram.com/p/BvjKCoRB5o2/?utm_source=ig_tumblr_share&igshid=as5i5jcdj4lm

0 notes

patricktola · 6 years ago

Photo

ការបរិច្ចាគឈាម មានប្រយោជន៍អ្វីខ្លះ? ពលរដ្ឋខ្មែរបច្ចុប្បន្នទទួលការយល់ដឹង ពីការបិរច្ចាគឈាមដោយមានអ្នកចូលរួមយ៉ាងច្រើនក្នុងមួយឆ្នាំៗ។ ការបរិច្ចាគឈាមត្រឹមត្រូវ មិនត្រឹមតែមិនប៉ះពាល់ដល់សុខភាពទេ ផ្ទុយទៅវិញអ្នកផ្ដល់នឹងទទួលអត្ថប្រយោជន៍ច្រើន ពីសកម្មភាពស្ម័គ្រចិត្តមួយនេះ។ សប្បុរសជននឹងទទួលអត្ថប្រយោជន៍ដូចជា ដឹងពីសុខភាពថាតើពួកយើងមានផ្ទុក មេរោគរលាកថ្លើម B និង C កាមរោគ និងជំងឺអេដស៍ឬយ៉ាងណា។ ម្យ៉ាងពួកយើងនឹងរួមចំណែកសំខាន់ក្នុងការជួយជីវិតមនុស្ស ធ្វើអំពើមនុស្សធម៌ និងជាពលរដ្ឋម្នាក់ដែលឆ្លើយតបទៅនឹងសង្គមយ៉ាងពិតប្រាកដ។ ចំណុចពិសេសមួយទៀតនោះ នៅពេលបងប្អូនសាច់ញាតិមានគ្រោះថ្នាក់ ឬមានជំងឺ ដែលត្រូវការឈាមបន្ទាន់ អ្នកផ្ដល់ឈាមអាចបង្��ាញសៀវភៅ ឬប័ណ្ណបញ្ជាក់ពីការផ្ដល់ឈាមរបស់ខ្លួន ដល់មជ្ឈមណ្ឌលជាតិផ្ដល់ឈាម នោះពួកយើងនឹងទទួលបានឈាមស្វ័យប្រវត្តិ ដោយមិនបាច់បរិច្ចាគទៀតក៏បាន (ប័ណ្ណមួយបានមួយប្លោក)។ ការបរិច្ចាគឈាមគឺធ្វើឡើងស្ម័គ្រចិត្ត គ្មានការបង្ខិតបង្ខំ ហើយមុននឹងគេអនុញ្ញាតឱ្យផ្ដល់ អ្នកបរិច្ចាគត្រូវគោរពលក្ខខណ្ឌបី៖ ១. ត្រូវមានអាយុ ១៨ ឆ្នាំឡើងទៅ ២. ត្រូវមានទម្ងន់ ៤៥ គីឡូក្រាមឡើងទៅ ៣. ត្រូវមានសុខភាពល្អ (ល្អផ្លូវចិត្ត ល្អផ្លូវកាយ និងល្អផ្លូវសង្គម)។ បើមិនគោរពលក្ខខណ្ឌទាំងនេះទេ នោះអ្នកស្ម័គ្រចិត្តមិនត្រូវអនុញ្ញាតឱ្យផ្ដល់នោះឡើយ។ ឈាមជាសម្បត្តិធម្មជាតិ ដូច្នេះក្រោយបរិច្ចាគ សប្បុរសជនគ្រាន់តែញ៉ាំទឹកឱ្យបានច្រើន នំចំណី ផ្លែឈើទឹកក្រូចទៀតសោត នោះឈាមនឹងដូចធម្មតាវិញ។ ឈាមនឹងត្រូវបានគេធ្វើតេស្តរកមេរោគ ថ្លើម B, C កាមរោគ និងអេដស៍ ហើយលទ្ធផលនឹងបង្ហាញជូនឱ្យសាមីខ្លួនដឹងដោយសម្ងាត់ បើសិនជាអ្នកណាម្នាក់មានផ្ទុកមេរោគណាមួយ (ថ្លើម B, C កាមរោគ និងអេដស៍)។ សូមបញ្ជាក់ថា ឈាមដែលមានផ្ទុកមេរោគណាមួយក្នុងចំណោមនេះ នឹងត្រូវដុតចោល (ប្រើការមិនកើត)។ ដើម្បីអរគុណដល់សប្បុរសជន ដែលបានបរិច្ចាគឈាម សូមឱ្យអ្នកធ្លាប់បរិច្ចាគបន្តការបរិច្ចាគ សូមឱ្យអ្នកមិនទាន់បរិច្ចាគចូលរួមបរិច្ចាគ និងចុងក្រោយអរគុណដល់លោក Karl Landsteiner ដែលបានរកឃើញក្រុមឈាមប្រភេទ A, B និង O។ បើសិនស្ថាប័នអ្នកចង់ស្ម័គ្រចិត្តបរិច្ចាគឈាម សូមទាក់ទង មជ្ឈមណ្ឌលជាតិផ្ដល់ឈាម #ទីតាំង: មហាវិថីយោធពលខេមរភូមិន្ទ (ផ្លូវ២៧១) កែងផ្លូវ ១៨៧ សង្កាត់ទំនប់ទឹក ខណ្ឌចំការមន រាជធានីភ្នំពេញ។ https://www.instagram.com/p/Bt-zSEwBpvW/?utm_source=ig_tumblr_share&igshid=s3f8nrumlrep

#ទ

0 notes

patricktola · 7 years ago

Photo

ជីវិតផ្សារភ្ជាប់និងសង្គមស៊ីវិល័យ យើងត្រូវចេះឆ្នៃ… រសជាតិជីវិតអោយប្រសើរ ថ្ងៃនេះលំបាក ថ្ងៃក្រោយមិនប្រាកដថា ត្រូវលំបាកទៀតទេ។ យើងត្រូវចេះកំណត់គោលដៅមួយអោយច្បាស់លាស់ គួបផ្សំនិងសេចក្ដីស្រលាញ់ចេញពីចិត្ត បណ្ដុះគំនិត និងព្យាយាមតស៊ូ ប្រើប្រាស់សមត្ថភាពស្មារតីដែលខ្លួនមាន ដើម្បីសំរេចគោលដៅជីវិតយ៉ាងប្រសើរ។ 😍 #ជីវិត #ជំនះ #ឧបសគ្គ #ប្តូរយុទ្ធសាស្រ្ត #មិនប្ដូរគោលដៅ https://www.instagram.com/p/Bq9tUqAh4qY/?utm_source=ig_tumblr_share&igshid=gcyp5daxfbt5

#ជ #ឧបសគ #ប #ម

0 notes

kingmindint · 8 years ago

Text

សម្ពាធ ៣ យ៉ាងដែលយុវជនភាគច្រើនតែងជួបប្រទះ!

ជាការពិត មិនអាចប្រកែកបាននោះទេ អាយុកាន់តែច្រើន ទំនួលខុសត្រូវក៏កាន់តែច្រើនដែរ។ ទំនួលខុសត្រូវកាន់តែច្រើន ការចំណាយក៏កាន់កើនឡើងផងដែរ។ អ្វីដែលសង្កេតយើងអាចសង្កេតឃើញជាក់ស្ដែង គឺ ក្មេងជំទង់មួយចំនួនពុំបានត្រៀមខ្លួនរួចរាល់សម្រាប់ជីវិតបែបមនុស្សធំនោះទេ។ ខាងក្រោមនេះ គឺជាអ្វីដែលក្មេងវ័យជំទង់ច្រើនតែជួបប្រទះ៖

១) សម្ពាធពីឪពុកម្ដាយ៖ ក្មេងជំទង់មួយចំនួនប្រហែលជាកំពុងសិក្សាកម្រិតថ្នាក់ឧត្ដមសិក្សា ដូច្នេះហើយមានន័យថា ពួកគេនឹងបញ្ចប់ការសិក្សានាពេលដ៏ខ្លីខាងមុខនេះ។ ឪពុកម្ដាយមួយចំនួនបានរំពឹងខ្ពស់ទៅលើកូនរបស់ពួកគាត់ ដោយសង្ឃឹមថា កូនរបស់ពួកគាត់អាចរកការងារល្អបាន និងទទួលបានប្រាក់កម្រៃខ្ពស់។ ជាក់ស្ដែង ទីផ្សារការងារឥឡូវមានការប្រកួតប្រជែងខ្លាំង ដែលធ្វើឲ្យកូនមានសម្ពាធខ្លាំង ដោយខ្លាចមិនអាចធ្វើបានដូចអ្វីដែលឪពុកម្ដាយបានរំពឹងទុក និងខិតខំចំណាយឱ្យខ្លួនបានរៀនសូត្រ។

២) សម្ពាធពីមិត្តភ័ក្ដិ៖ ជាការពិត ពេលយុវជនឈានដល់ វ័យខ្ទង់ម្ភៃ គួរណាតែឈប់ចាយលុយឪពុកម្ដាយទៀតហើយ។ យុវជននិងក្មេងជំទង់ខ្លះ បានរកការងារ��្វើឬចាប់ផ្ដើមជំនួញដោយខ្លួនឯង។ ចំពោះមនុស្សដែលពុំមានការងារធ្វើនិងជំនួញផ្ទាល់ខ្លួនធ្វើឲ្យពួកគាត់មានសម្ពាធហើយគិតថាខ្លួនឯងគ្មានប្រយោជន៍។

៣) សម្ពាធពីសាច់ញាតិ៖ ចំពោះយុវជនខ្លះបើទោះបីជាមានការងារឬអាចរកប្រាក់ចំណូលបានតិចតួចក៏ពិតមែន តែដោយសារតែសាច់ញាតិអាចរកលុយបានច្រើន អាចជួយឪពុកម្ដាយរបស់ពួកគេប្រចាំខែឬចេញលុយឲ្យឪពុកម្ដាយរបស់ពួកគេទៅដើរលេងនៅក្រៅប្រទេសជាដើម ចំណុចទាំងនេះក៏អាចធ្វើឲ្យយុវជនខ្លះមានសម្ពាធផងដែរព្រោះនៅសង្គមយើង ឪពុកម្ដាយមួយចំនួនក៏ចូលចិត្តប្រៀបធៀបកូនរបស់គាត់ ទៅនឹងអ្នកដទៃណាស់៕

Source @ www.bizkhmer.com

The post សម្ពាធ ៣ យ៉ាងដែលយុវជនភាគច្រើនតែងជួបប្រទះ! appeared first on Entrepreneur.

from WordPress http://ift.tt/2f6LrJn

#IFTTT #WordPress

0 notes