#Astaradan

[metbuat]

ABL: 

Azərbaycan Basketbol Liqasında IV tura yekun vurulub. Metbuat.org xəbər verir ki, son oyun günündə 2 qarşılaşma baş tutub. Hər iki görüş “Sərhədçi” İdman Mərkəzinin idman zalında keçirilib. Günün ilk matçında “Sabah” komandası “Gəncə”ni 81:70 hesabı ilə məğlub edib. Ən məhsuldar basketbolçular qərb qərb təmsilçisindən Kollin Törner (23 xal, 5 asist), paytaxt klubundan isə Entoni Patti (19 xal, 12…

[zaur]

Azerbaijan

Çox keçmişəm bu dağlardan, Durna gözlü bulaqlardan; Eşitmişəm uzaqlardan Sakit axan arazları; Sınamışam dostu, yarı... El bilir ki, sən mənimsən, Yurdum, yuvam, məskənimsən, Anam, doğma vətənimsən! Ayrılarmı könül candan? Azərbaycan, Azərbaycan! Mən bir uşaq, sən bir ana, Odur ki, bağlıyam sana, Hankı səmtə, hankı yana Hey uçsam da yuvam sənsən, Elim, günüm, obam sənsən! Fəqət səndən gen düşəndə, Ayrılıq məndən düşəndə, Saçlarıma dən düşəndə Boğar aylar, illər məni, Qınamasın ellər məni. Dağlarının başı qardır, Ağ örpəyin buludlardır. Böyük bir keçmişin vardır; Bilinməyir yaşın sənin, Nələr çəkmiş başın sənin. Düşdün uğursuz dillərə, Nəhs aylara, nəhs illərə, Nəsillərdən-nəsillərə Keçən bir şöhrətin vardır; Oğlun, qızın bəxtiyardır... Hey baxıram bu düzlərə, Alagözlü gündüzlərə, Qara xallı ağ üzlərə Könül istər şer yaza; Gəncləşirəm yaza-yaza... Bir tərəfin bəhri-Xəzər, Yaşılbaş sonalar gəzər; Xəyalım dolaşar gəzər Gah Muğanı, gah Eldarı. Mənzil uzaq, ömür yarı! Sıra dağlar, gen dərələr, Ürək açan mənzərələr... Ceyran qaçar, cüyür mələr, Nə çoxdur oylağın sənin! Aranın, yaylağın sənin. Keç bu dağdan, bu arandan, Astaradan, Lənkərandan. Afrikadan, Hindistandan Qonaq gəlir bizə quşlar, Zülm əlindən qurtulmuşlar... Bu yerlərdə limon sarı, Əyir, salır budaqları; Dağlarının dümağ qarı Yaranmışdır qarlı qışdan Bir səngərdir yaranışdan. Lənkəranın gülü rəng-rəng, Yurdumuzun qızları tək. Dəmlə çayı tök ver görək Anamın dilbər gəlini! Yadlara açma əlini. Sarı sünbül bizim çörək, Pambığımız çiçək-çiçək. Hər üzümdən bir şirə çək Səhər-səhər acqarına, Qüvvət olsun qollarına. Min Qazaxda köhlən ata, Yalmanına yata-yata, At qan-tərə bata-bata, Göy yaylaqlar belinə qalx, Kəpəz dağdan Göy gölə bax! Ey azad gün, azad insan, Doyunca iç bu bahardan! Bizim xallı xalçalardan Sər çinarlar kölgəsinə, Alqış günəş ölkəsinə! ************ Könlüm keçir Qarabağdan, Gah bu dağdan, gah o dağdan. Axşamüstü qoy uzaqdan Havalansın Xanın1 səsi, Qarabağın şikəstəsi. Gözəl vətən! Mənan dərin, Beşiyisən gözəllərin! Aşıq deyər sərin-sərin, Sən günəşin qucağısan, Şer, sənət ocağısan. Ölməz könül, ölməz əsər, Nizamilər, Füzulilər! Əlin qələm, sinən dəftər, De gəlsin hər nəyin vardır, Deyilən söz yadigardır. Bir dön bizim Bakıya bax, Sahilləri çıraq-çıraq, Buruqları hayqıraraq Nərə salır boz çöllərə, İşıqlanır hər dağ, dərə! Nazlandıqca sərin külək, Sahillərə sinə gərək. Bizim Bakı – bizim ürək! İşıqdadır qüvvət sözü, Səhərlərin ülkər gözü. Gözəl vətən! O gün ki sən Al bayraqlı bir səhərdən İlham aldın... yarandım mən. Gülür torpaq, gülür insan, Qoca Şərqin qapısısan!

Səməd Vurğun

[listeliyi]

via Azərbaycanda 10 xəstəxana BAĞLANDI http://ift.tt/eA8V8J Maliyyə Nazirliyinin 17 noyabr 2016-cı il tarixli məktubuna əsasən, yanvarın 1-dən "Azərbaycan Dəmir Yolları" Qapalı Səhmdar Cəmiyyətinin tibbi xidmət göstərən müəssisələri təsərrüfat hesabına keçib. Bu səbəbdən özünü təmin edə bilməyən xəstəxanaların fəaliyyəti dayandırılıb. Salyan Dəmir Yolu Xəstəxanasının bağlanması nəticəsində orada işləyən 40-a yaxın qadın işçi etiraz edib. Onlar Astaradan Bakıya gələn 59 saylı sərnişin qatarının hərəkətini Salyan stansiyasında dayandırıb və işə bərpa olunmalarını istəyiblər. "Azərbaycan Dəmir Yolları" QSC-nin İctimaiyyətlə əlaqələr şöbəsinin rəisi Sevinc Qədirova bildirib ki, Maliyyə Nazirliyinin məktubuna əsasən, bu müəssisələrin maliyyələşdirilməsinin dayandırılması və onların özünü təmin etmə prinsipinə keçidi haqqında qərar qəbul edilib. Həkim və sanitar xidmətələrə vəsait ayılmadığı üçün bəzi xəstəxanalar təsərüffat hesablı edilib, bəziləri is bağlanılıb. "Salyan Dəmiryol Xəstəxanasını da maliyyələşdirə bilmədiyimiz üçün bağladıq. Ona görə işçilər arasında belə ajiotaj yaranıb. Bu səbəbdən qatar 25 dəqiqə gecikib. Başqa bir problem olmayıb". S.Qədirova bildirib ki, "Azərbaycan Dəmir Yolları" QSC-nin rayonlarda 10 xəstəxana və tibbi məntəqəsi bağlanıb. "Bunlar Kürdəmir, Ucar, Lənkəran, Yevlax Dəmiryol Ambulatoriyası, Salyan Dəmiryol Xəstəxanası, Hacıqabul Dəmiryol Xəstəxanası, Mincivan Dəmiryol Xəstəxanası, Gəncə Dəmiryol Gigiyena və Epidemiologiya Mərkəzi, İmişli Gigiyena və Epidemiologiya Mərkəzi, Taun Əleyhinə Stansiyadır. Rayonlarda fəaliyyət göstərən xəstəxana və məntəqələrin hər birində ən azı 60 ştat olub".