[2017.12.20] Traducción de la Carta de Taro a sus fans.
“ Taro ha regresado después de terminar THE UNIT💙 “
¿Esperaste mucho? A nuestros fanáticos, ¡yo quería verlos demasiado! ~ Esta vez, con Marco, los dos salieron a THE UNIT y trabajaron duro, pero desafortunadamente fui eliminado primero😢
Lamento mucho no haber podido mostrarles a mis fans más, por lo que estaba triste.
¡Todo es como la primera vez en THE UNIT, así que tenía miedo y creo que aprendí tanto, había un momento en que algo realmente no era fácil!
Antes que todo, no solo era la práctica sino también la preparación. No fue por mi mente. Cuando me sentía débil o cansado, realmente pensaba en los fanáticos. ¡No puedo olvidar esto ...!
!¿!¿Sabes que eres una de mis personas preciosas?!?! Siempre te agradezco tanto que no puedo expresarlo en palabras~ Gracias😘💕
Aquí está de repente ~ ~ ¡Hola Taro-ah! Soy una persona que es buena para expresarse. Este año no queda mucho, ¡así que terminalo bien!
Te daré muchos corazones en el nuevo año. Lucharemos felizmente juntos el próximo año. Te quiero. 💗×∞
(feat. ¡La imagen dice Feliz Navidad ~! ¡¡Fans que escribieron cartas a Kokka!! Lamento llegar tarde ㅠㅠ ¡¡Los amo. Rey de corazones ×∞!!
Cr. http://m.cafe.daum.net/officialhby/faWp/21?svc=cafeapp
3 notes
·
View notes
PRO FIGHT
Ka zanriah ei kham chu TV hmaa kawisawi deuh taka thu in ka uite ka chul hauh hauh a. Tlai lam dar thum vel a Formula One championship an tlan chu an la zo lo a, hmuhnawm pawh ti em em lo chuan ka lo thlir satliah mek a.
Khawngkapui a thianpa Lalzira rawn dak lut du du chu ka lo hmu vat a. “Chaw in ei tawh em?” a tih zawm zat a.
“Ei tawh e”
A bike helmet hlip phah chuan, “Bra, zanin chu Profight en ang u” tiin thuthleng seia ka bulah chuan a rawn thu kawisawi a, “A hmunah.” a tih zawm a.
“Kan pahnih in maw?” tiin awi vak lo chuan ka zawt a.
“Kan awm nual, khi kawmchhak traffic point ah in nghah khawm kan ti a.”
“Tun a taka profight i tih? I hmelhriat inhnek tur an awm em ni?”
“Awm lem lo e. Nuam ve mai mai a. Min sawm a, thian dang te’n” ka lama lo hawi tawh lo chuan TV chu a thlek vung vung a, “Mi dang te pawh an tel nual ang.”
“RV lamah te min down pui leh ange, in ruang hlawm a ngai ziah lehnghal...” ka tih lai mek chuan, “Bra, RV lam a ni lo. Richard-a hmelhriat hnek tur a awm a, supporter an mamawh alawm. Thingtlang mi an nia, tlawmngaia va support a ngai alawm. Bakah chiks an tam dawn a, a nuam ve alawm”
Chicks a sawi rik tak avang chuan ka thluak vei lam chu a che dawt a. Mut hma zawng tihtur ka neih ka hre lem lo bawk nen ka remti deuh ta mai a. “RV kal in rawt erawh chuan ka peih lo a nia.”
“Bra, lungngai hmarchate, RV chu kan kal hman chuang lo ang. Buai suh” a lo ti thuai thuai a.
Ka room-ah chuan ka insiam mawlh mawlh a. Ka kamis kilh mawlh mawlh pah chuan ka va chhuak a, “Bra, Lucy i hruai dawn lo em ni?” tiin ka zawt a.
“Vawiin ka chau deuh a tia a peih lo a niang” a lo ti mai a.
Ka Jovian perfume leithar chu ka in phuh thet thet a. Ka hairstyle erawh ka sam mehna a la rei loh avangin siam hleih theih a la ni lo a. Reilo teah ka hman mai a. Choka lama pheiin ka hmai ka phih leh zawk zawk a. Chaw ei khamah ka la inthiar loh avang chuan, “Bra, ka va inthiar lawk dawn mi, a hmanhmawh thlak viau em?” ka ti a.
“Chhuak viau ‘mi?” nur nang nang chuan a ti a, sana bih chhoh zauh phah chuan,”A chhuak over viau em? 1-10 in engtia chhuak nge?” tiin mi zawt let a.
“3 vel a niang.”
“A chhuah em em loh chu. Min nghak thup tawh a. A hmunah a inthiar theih tho alawm. Insum rih mai rawh” a ti a. Ka bike chu la chhuakin thianpa Lalzira nen chuan thian dangte min lo nghahna lamah chu kan pan ta nghal a.
Thian dangte pawh an lo awm nual hlawm tawh. Chicks pawh a pawlh mawi tawkin an lo hruai hlawm a. Profight an khelhna R. Dengthuama Indoor Studium, Mualpui lam pan chuan kan in zui phei ta duah duah a. Chhim tur an tam viau aniang. A hmun thlen hma atang kan jam nasa mai.
A hmunah chuan mipui an lo au nuai nuai tawh a, kan bike te kan dah fel chu mipui nawlpui luh lohna lamah min luhpui a. Match hmasaber supporter tur kan ni e tiin kan tlang zung zung a. Chicks thutpui fuh tum takin ka mitmei kual dun dun a. A chhungah chuan an lo thum huk huk tawh a. Aurinna chuan, ‘Tun atanga minute reilo teah LPS Profight lightweight elimination round thawh 2-na match hmasa ber kan tan ang. Kan boxer te pawh an lo thleng tawh e’ an ti lauh lauh a.
Boxing ring atanga line hnihna thutna tlarah chuan thutna kan chang a. Thianpa Lalzira chu thu hman leklo chuan a che zung zung a, chhungkaw chhiatni that ni a makpa sur ber fel leh phur taka tih tur a ti zung zung ang mai hian greenroom lamah te chuan a va tei lut sek a. A nunphung chuan min ti hrilhhai deuh hlek a. Chuti taka a che fatu ta mai chuan ngaihte lam lam a titha lo dawn a.
Ka sira thutna awlah chuan nula pahnih hi an rawn thu ve chiah a. Chet! Chiks ka awk ta! Ka phur viau ta mai. An hmel te lah a tha phian a, an zangkhai a. An nui siar siar a. An phone chuan an in selfie kual vel a.
Ka bul zawka thu hmeltha ka tih zawk chu ka en zawk a, min lo en kal a. Keimah leh keimah chu ‘Hetiang a hmeltha hi a ni lawm ni Zawlkhaw tleitir ka zawn chu!’ tiin, a sirah chuan tlangval ka lo luangliam nghal nasa em em a. Han biak lum lam nan chuan “Khawilam nge in support dawn a?” tiin ka bialnu la ni mai tur chu ka zawt a.
“Chhanchhuaha. Kan veng pa a nia. Red corner niin ka hria” a ti a. A thiannu nen chuan engemaw an sawi a, rawn hawi phei leh in,”I ni ve tho em?” tiin mi zawt a.
“Ka chiang chiah lo. A ni lo a niang. Kei pawh ka thiante ka rawn zui a. Kan support tur kha chu thingtlang lam mi a niin ka hria” ka ti a.
Zawlkhawtleitiri chuan “A hming kha Johnny tih lam pang a niin ka hria” a ti a. Ka sap hming ang chiah a lo nei ve a nih chu.
A thiannu zawk chuan,”Lalruatsanga ni mai thei a Mizo hming kha” a lo ti ve bawk a.
Chhei! Zawngho chuan ka hriat lohin profight-ah ka hming an lo pe lut a nih chu!
Ka bing chuk a. Thlanfim a tla tan nghal mai. Chutih lai chuan Lalzira chu a rawn phei chawt chawt a. “Bra, lo kal lawk teh” tih phah chuan mi a rawn pawt tho hlawk mai a. Ka bulah chiks an thut avang chuan han tan tung kha a rem chiah lo, greenroom lamah chuan ka zui phei ve ta poh a. Ka hnungah chuan ka kalpui dang thiante chuan nui thaw in mi rawn zui ve nghal a.
Mi dang chu an lo ding tham a. Room chhung chu a hnawk deuh nuai mai, boxer dang te pawh an lo in siam mawlh mawlh a. A then exercise ti a lo in la fan vel te pawh an awm. Lalzira chuan insehruh nuihza bawk si, inthiamlo hmelpu tak chuan, “Bra, i lut dawn” a ti a, mi dang ho pawh chu an pum dawm chuan nuihza in sum tho si chuan an dir tlek tlek hlawm a. Ka vir muai muai ni maiin ka hria. Thu chungin ka lu dawm chuan ka kun a.
Chutih lai chuan LPS Pu Vana chuan “Khawii ber hi nge kan boxer chu?” a rawn ti a. Midang ho chuan a rual chuan min kawk nghal thup a. “Johnny maw? E. Lungdar a Tuichangral sport-ah pawh i che tha hle tawh niin ka lo hria a. Mi rawn telpui vang vang a kan lawm hle mai”
“Chutiang...” ka sawi tam hma chuan Lalzira chuan thil dang a lo sawi zung zung a.
Pu Vana chuan duhsakna min hlan zawh chuan a kal ta a. Match tan hma in minute 10 tha chauh a awm tawh. Lalzira chuan bag a mi vawm phah chuan “Dress pawh kan keng vek” a ti a, a nui thaw a.
Profight-ah ka tel emaw tello emaw ka mualpho tho tho tawh. Ka pian ahnu lamah boxing hi ka la khel chhin lo a. A glove hi chu vawi khat vel ka bun chhin ve tawh ang. A dan pawh ka hre hek lo. Ka naupan lai atang insual hi ka ti mi lo a, tumah ka sual pawh ka hre hek lo. Ka tlangval hnuin ka kut tum a mi ka hnek tak an awm pawh ka hre lo. Ka rilruah Zawlkhawtleitiri kha a lo lang thut a, ti fuh intih ve tawh tehlul nen min va nuihzat dawn em! Nge ka thianten min prank mai mai tih a hre ve tho ang em?!
Fiamthu ang reng a khelh a, round khatna tan chiah second 5 a towel vawm luha tlawm kan rel ta a!
Ka beih tur pa lah chu experience ngah tawh tak a lo ni si a. Ring chhungah rei awmpui chi a ni lo. Duhai tam kuttum ka dawng dawn tih a chiang reng.
Red corner te chu an chhuak hmasa a. Mipui chu an au hulh hulh a. Boxing lo khel hrep tawh a nih avangin tan tu leh kalpui tu pawh a ngah hle reng a ni.
Kan chhuah hun a thleng a. Muang chang chuan kan chhuak phei a, kan chhuah lai chuan Future rap Mask Off kha background atang an rawn play a. Ropui hmel tak kan ni. Gum-seal thlenga ka hmuam ve avang chuan kan awm ang ve viau a, ka hak tura an kekawr bul ken ka tawt deuh avang erawh chuan hreawm thamin min phuar a. Ring ka luh chuan umpire chuan checking a nei a, chutia min endik vel lai chuan ka chanchin, ka boxing history phuahchawp chu ringman chuan a puang dum dum a. “...Tuichangral boxing champion title vawi 2 la tawh, E. Lungdar tlangval Jooohnyy Laaaaal ruaaat saaaaaaaaaangaa!!!!” Lalzira ei phei chung chuan “Zawnga! Tuichangral vawi 2 champion a!” a ti mah mah a ni thianpa hian.
Ka lo thut zawk tawhna lam chu ka en phei a, ka Zawlkhawtleitiri te thiandun chuan ka ho hian mi lo en a. Ka va nuih ringawt a. Mi a lo nuih let ve mai bawk a.
Umpire lukawlh lul chuan tih leh tih loh tur a sawi mawlh mawlh a. Kan boxing glove ve ve chu kan in sik tir a. Match chu kan tan ta!
Kan in bei thei tih umpire in a a signal zo chiah chu, ka beih pa chuan a kut vei lam a rawn thun zauh a. Ka lo nam sawn a, kawlphe anga rangin thil tek zawk hian ka bek veilam hi a rawn vua niin ka hria. Khawvel hi a thim deuh mup mup a, ka chakna zawng zawng hi ka thluak hian sawm khawm in, nikhua min hriat tir a tum ni mai hian ka hria. Ka chhia leh tha hriatna a kir leh meuh chuan ka hmai zawnah towel var hi a lo let ngat a.
Vur hlawm a ka bek veilam dep hauh hauh phah chuan pawn thli thawah chuan ka ding a. Harsa ti takin ka cigarette chu ka tan a. Ka lu chu a la vir muai muai hian ka hria a. Ka hnung lamah chuan mipui thawm a tha hum hum hle mai. Ka cigarette chu duh thawh takin ka fawp kawk a.
“Thianpa, i tha em?” ka leh hawi thuai a. Zawlkhawtleitiri a lo ni a.
“Ooo...” ka beisei loh deuh ka hmuh thut avang chuan ka hamhaih hle mai a. “Tha e” ka ti bah nuaih a. Ka bula ding chuan ka bek ka deh chu a thlek reuh reuh a. “A zahthlak hle...” ka tih mek lai chuan,
“I thianpa in min hrilh alawm.” nui sen sen hian a ti a. “A hnek na viau che em?”
“Na lem lo e.” fiamthu chuan ka ti hak a, “A bon khawp mai professional boxer pawh kan che hman hlei nem” ka tih zawm a.
Zawlkhawtleitiri chu a nui seih seih a. A jacket ipte zen chuan ka sira dingin thlanglam kan thlir dun vang vang a. Han sawi mai tur ka haihchham riau a, ka han indap khawm vel ngial lai chuan amah zawk chuan “Ti daih ila, Muani ka nia. Muanmuani min ti thin” a ti a.
“Johnny!”
####
0 notes