#egyptsmuseum

[nohabasiouny]

المتحف الحيواني بحديقة الحيوان - الجيزة أتأسس سنة ١٩١٤ وتم تجديده وافتتاحه ٣ مرات آخرها كان في أغسطس ٢٠١٥ بعد ما قعد ١٨ سنة مقفول. المتحف كبير نسبياً وموجود على ٣ أدوار كل منها بتصنيف مختلف. المتحف عموماً فيه أعداد كبيرة جداً تصل للآلآف من الحيوانات المحنطة والهياكل العظمية والطيور والفراشات موجودة كلها داخل فاترينات زجاجية زائد بعض المقتنيات اللي بتحكي تاريخ الجنينة وتأسيس المتحف ورؤساءه وكمان الزيارات الملكية والمهمة. تصميم المتحف بياخد الزائر بداية من باب الدخول لممرات تخليه يتفرج على كل العينات لحد ما يلاقي نفسه قدام الباب تاني. الدور الأول بيضم الثدييات وبعض الحيوانات البحرية وفي منتصف قاعة العرض الأرضية فيه هياكل عظمية لحيوانات مختلفة. الدور التاني فيه الزواحف والتالت فيه الطيور. على كل العينات فيه بطاقات تعريفية مكتوبة بالعربي والإنجليزي وعلى الجدران فيه لوحات بتشرح معلومات أكتر عن الحيوانات الموجودة في كل دور. المتحف جميل جداً ومُعتنى بيه كويس أوي والعينات ممتازة. موجود داخل حديقة الحيوان. تذكرة دخوله ١٠ جنيه ومسموح فيه بالتصوير من غير أي رسم إضافي. مفتوح من ١٠ صباحاً حتى ٣ العصر. #المتحف_الحيواني #استكشاف_متاحف_القاهرة #كل_خميس_متحف #يجنن #تاريخ #حديقة_الحيوان #روحوا_زوروه #museum #egyptsmuseum #zoological #zoologicalmuseum #gizazoo #zoo #zoology #animals #history #dayoff (at المتحف الحيواني بحديقة الحيوان بالجيزة)

[nohabasiouny]

متحف السكة الحديد بمحطة مصر - رمسيس. المتحف أتأسس بأمر من الملك فؤاد الأول في ٢٦ أكتوبر ١٩٣٢ وتم الانتهاء منه وافتتاحه في ١٥ يناير ١٩٣٢. تم تجديد المتحف وافتتاحه من تاني في ١ مارس ٢٠١٦. المتحف مساحته معقولة وموجود على دورين فيهم معروضات بتحكي تاريخ السكة الحديد في مصر من أول إنشاؤها عام ١٨٥٤ وفي مدخل المتحف فيه معروضات بتتكلم عن تاريخ النقل في مصر القديمة بشكل عام. المعروضات عبارة عن نماذج مصغرة لقاطرات كتير بأنواع مختلفة وكل حاجة تقريباً ليها علاقة بالسكة الحديد. حاجات زي عربات القطار نفسها الملكية منها وعربات النوم والأكل وعربات الدرجات التانية والتالتة وعربات البضائع، المحركات والقضبان وأجهزة التحكم وكلوبات الإضاءة وحتى شنطة الكمسري ونماذج مصغرة لمحطات السكة الحديد القديمة في القاهرة والأقاليم. في الدور الأول فيه قاطرتين ملكيتين بالحجم الطبيعي شكلهم فخم جداً (جداً) وفي فاترينات زجاجية فيه بعض الكتب والمراجع ووثائق قديمة، أوامر ملكية وتذاكر. المتحف جميل ونضيف جداً والمعروضات حالتها ممتازة. موجود داخل حرم محطة مصر. رسم دخوله ٥ جنيه وللتصوير فيه تذكرة إضافية قيمتها ١٠. المتحف مفتوح من ٩ صباحاً حتى ٢ ظهراً. #متحف_السكة_الحديد #استكشاف_متاحف_القاهرة #كل_خميس_متحف #rail #railwaymuseum #history #railhistory #egyptsmuseum (at متحف السكك الحديد)

[nohabasiouny]

ضمن مقتنيات المتحف البيولوجي المصري فيه فاترينة زجاجية جواها صخرة محفوظة داخل كرة اكريليك وعلم مصر القديم ونص تحته بيقول "وضع علم بلادكم على القمر خلال رحلة أبوللو ١٧ التي استمرت من السابع حتى التاسع عشر من ديسمبر ١٩٧٢. هذه التحية مقدمة إلى شعب مصر من الشعب الأمريكي. إمضاء ريتشارد نيكسون ١٩٧٣." خلال رحلة أبوللو ١٧ للقمر ، وجه رواد الفضاء يوجين سيرنان وهاريسون شميت دعوة لإحلال السلام والتوافق بين بلاد العالم في خطاب اتذاع من القمر قبل ما ينهوا جولتهم القمرية ويرجعوا للأرض. اختار يوجين صخرة متوسطة الحجم نسبياً وقال "تتكون هذه الصخرة من قطع كثيرة جداً بأحجام وأشكال مختلفة وجدت ربما منذ ملايين السنين وتعايشت معاً في سلام. تلاحمت لتكوّن تلك الصخرة المتماسكة التي فاقت طبيعة الفضاء الممتد. عندما نعود بهذه الصخرة وصخور أخرى مثلها إلى الأرض سوف نشارك قطعاً منها مع كل بلاد العالم لتكون رمزاً لما نشعر به وما يكنه برنامج أبوللو الفضائي.. لتكون رمزاً للبشرية.. بأن في إمكاننا العيش في سلام وتناغم في المستقبل." بعد ٣ شهور من عودة رحلة أبوللو ١٧ تم تقسيم الصخرة إلى قطع صغيرة وتوزيعها عى روؤساء ١٣٥ دولة (وده كان نفس عدد الدول الأعضاء في منظمة الأمم المتحدة عام ١٩٧٣) ، الولايات الأمريكية جميعها وأقاليمها. وضعت كل صخرة في كرة من حمض الأكريليك وأرسلت إلى الدول المعنية مع العلم ، اللي تم وضعه على القمر ، وخطاب قصير من الرئيس الأمريكي ريتشارد نيكسون. أبوللو ١٧ هي الرحلة الأخيرة من أصل ٦ رحلات ناجحة قامت بيهم ناسا للقمر خلال ٣ سنوات من ١٩٦٩ حتى ١٩٧٢. المصدر: https://goo.gl/bs1BMX فيديو خطاب يوجين سيرنان من القمر: https://goo.gl/wLPLiY #goodwillmoonrock #apollo17 #nasa #space #themoon #worldpeace #eugenecernan #harrisonschmitt #moonlanding #egypt #egyptsmuseum #egyptiangeologicalmuseum #goodwill (at Egyptian Geological Museum)

[nohabasiouny]

المتحف الجيولوجي المصري بالمعادي. المتحف عبارة عن قاعة واحدة كبيرة نسبياً مدخلها حديقة فيها عينات لصخور مختلفة والقاعة نفسها مقسمة إلى ثلاث أقسام فيها عينات كتيرة جداً (جداً!) لحفريات حيوانات وأسماك ورخويات وونباتات وصخور وحتى بعض الأجرام السماوية - النيازك - اللي اصطدمت بالأرض موجودة كلها ضمن فاترينات عرض زجاجية. هياكل الحيوانات الموجودة كلها تقريباً وُجدت في مدينة الفيوم في مطلع القرن العشرين من خلال رحلات استكشافية ترأسها علماء أجانب موجودة صورهم على ��دران المتحف. غير الحيوانات الشبيهه بالديناصورات دي في نماذج ضخمة العدد من الصخور وتكوينات التربة اللي كانت هتشرح قلب أي جيولوجي متخصص.موجود في المتحف كمان النيزك اللي وقع في منطقة جبل كامل من ٥٠٠٠ سنة ولم يتم اكتشافه حتى عام ٢٠١٠ بواسطة جوجل ايرث! وكمان النيزك اللي وقع في محافظة البحيرة عام ١٩٠٨. على كل العينات فيه بطاقات تعريفية فيها اسم العينة بالعربي والانجليزي ونبذة عنه. في جوانب المتحف فيه عماويد دوارة فيها شرح مفصل أكتر عن الأقسام وتاريخ النماذج الموجودة. مش كل العينات الموجودة في المتحف مصرية ولكن فيه كتير منها أصلها بلاد تانية، عينات مهداة من متاحف جيولوجية أخرى وعينات اُهدت للمتحف من جيولوجيين مصريين. غير قاعة العرض فيه مكتبة عتيقة فيها مراجع كتيرة أظنها مفيدة للمتخصصين فقط وكلها تقريباً باللغتين الإنجليزية والفرنسية. المتحف موجود على كورنيش المعادي ممكن بسهولة يتراحله بميكروباص من موقف عبد المنعم رياض المواجه للكورنيش. رسم دخول المتحف ٢ جنيه. مسموح فيه بالتصوير الفوتوغرافي لكن تصوير الفيديو ممنوع. #المتحف_الجيولوجي_المصري #استكشاف_متاحف_القاهرة #كل_خميس_متحف #التاريخ العتيق #ثقافة #اعرف #museum #egyptsmuseum #culture #information #geology #history #history_through_geology #geological_museum #dinasour #fossils (at Egyptian Geological Museum)