Vittorio V Zollo - ‘A Cunfessione
“Trasite Don Gaetà fate attenzione.
S' avessa nfonne 'a tunica qua fore?!
Siete qui per la Santa Confessione
pe ce levà sti fitte 'a dint 'u core.
Mo vui 'u sapiti i' so' 'na vecchiarella
ca nun tene chiù forza e camminà,
ma int'a nuttata prev' 'a Madunnella
e 'a croce ancora m'a riesco a fa'.
Perciò parliamo come fossi ancora
quella du terzo banc' ngropp' a destra
quella che la domenica non vede l'ora
c'u Papa po' s'affaccia da finestra
e lo so che voi portate un sacco pressa
e i mo rallent' u giro cunfession'
però a jurnata mia è semp a stess'
vi prego abbiate un po' di comprensione
...E prima d'abbià stu rito santo,
faciteve dui cunti insiem a me!
Me ditt' a nora du frato d'Armando
ca 'a Messa mo se dice sul' i tre!
C'u vesper è cagnata 'a recitazio,
e nun purtati a messa a Padre Pij
zi prè ma vui fosseve asciuto pazz'
io m'addimann e dico Maronn mij!
Che qua avete cambiato anche l'usanza
du santo ca passava p'i cuntrade
e so normali sti duluri e panza
s' sa c'a gente parla dint' i strade!
Pr'esempio il giorno della processione
chi mette i soldi c'eta da ' u santin
e pò pecché scippate a tradizion'
'ssì 'a gente vol' u sant int'i cunfin?!
Zi abbate state attento alla morale
che predicate un quarto d'ora e più,
alla celebrazione domenicale
vediti ca nun vene nisciuno chiù?!
Io mo nun sacc' si v'addimannate
"pecché sti pecurelle so' smarrite?"
Ma vuij trattate a chi v'è criticat'
come a nu diapul, come a nu prurit'!
E questo non è giusto padre caro.
Perché dovete aprirvi col paesano,
sennò fate la fine e Don Gennaro
e del suo fidatissimo sacrestano;
armati per far la rivoluzione,
stammo parlenn' du quarantatre,
qua s è campat semp tradizione
a messa, a cimitero e u campo i tre!
Comunque si videro sconfitti e a tasta bassa
lasciarono il paese pa città,
du terremoto fu la prima scossa,
ahhh quanta prieut' eggiu vist' e passà!
Quindi vi do un consiglio spassionato:
calmat'v ca cap Don Gaetà!
faciti u preuto e no l'esagerato
c'a gente dopo a mess, comunque va a mangià!
... E quant' eggiù parlato, che stanchezz',
m'arraccumanno 'n v' pigliati collera,
almeno mo prego ca cuntentezz'
e 'u cor' 'mbretto forse nun accellera.
Nu me diciti niente, me scusat',
s'è fatt tardi, m'eggia ripusà.
Si vulit salmà, prego cantat'
ca io m'addormo si sent e cantà.
Prima diciamo n'atto di dolore
pò c' facimmo 'a croce tutti quant',
acussì a penitenza piglià culor'
Padre, Figliuolo e Spiritu Sant’.
Ricurdateve però da tradizione:
La Chiesa è del pastore, non è un trono.
Quindi dichiaro chiusa ' a Confessione,
andate Don Gaetà, io vi perdono”
0 notes