taha-ali-hassan

[taha-ali-hassan]

- ايه يابني القبول الي بينط من وشك ده ♥️

- زمايله في الكليه بيقولو انه دايما كان واقف معاهم ومبيتأخرش عنهم في معلومه او اي سؤال وشخص محترم وف حاله.. فاقررو يعملو ده معاه في اخر يوم امتحانات، ‎كفايه فرحته الي مفارقتش وشه طول الفيديو باين عليه ‎انسان طيب ، واكيد الموقف ده هيفضل مأثر معاه طول عمره ❤

[taha-ali-hassan]

- طالب ثانوية عامة في امتحان النهارده استلم نموذج الاسئلة متأخر وبعد ما حل الاسئلة فيها بدأ ينقل الاجابات في نموذج الإجابة الوقت كان خلص والمراقب رفض يسيبله وقت بدل الوقت اللي ضاع منه في أول اللجنة ؛ الكارثة أنه الولد منهار لأنه حل وعارف الاجابات وعايز بس ٥ دقائق ينقل الحل بتاعه .

- هو ده معقول مستقبل طالب مجتهد ينتهي بالشكل ده بسبب مراقب هو السبب في المشكلة اصلا وكمان مرضيش يخليه ينقل إجاباته في دقايق !!

[taha-ali-hassan]

مشكله إنك عايش فى قريه ده لا عارف تتفسح فى اى وقت ولا تخرج تتمشى فى الشارع بدون سبب ، حتى عشان تروح جيم لازم تركب مواصلات وحوار فبتكسل تعمل اى حاجه وبتقضى حياتك حبيس القريه

وحديث القريه برضو عشان محدش بيسيب حد فى حاله هنا

[taha-ali-hassan]

نتائج تربيه افلام البلطجه والسلاح جيل كامل طالع بالشكل ده حسبى الله ونعم الوكيل 💔

[taha-ali-hassan]

‏‏هختم آخر ايام العيد بأمنيه وهي : إن ربنا يديم علينا ستره ويريح بالنا , ويراضي قلوبنا, ويقربلنا الناس اللي تحبنا وتتمنالنا الخير وبس .‏

[taha-ali-hassan]

واكتمل المشهد. ❤️

[taha-ali-hassan]

ذلك الموقف وذلك اليوم وذلك الشعور ❤️

[taha-ali-hassan]

#Memories

[taha-ali-hassan]

عامر راح المطار عشان يسافر الحج لكن في وسط إجراءات المطار لقي عنده مشكله امنيه تخص اسمه الأمن قالوله هنحاول نحلهالك لكن محتاج تستني وقت شويه .. وباقي الحجاج خلصو إجراءاتهم وركبوا الطياره والباب اتقفل وبعد ما المشكله اتحلت .. للأسف الطيار رفض يفتحله ومشيو من غيره بالفعل ظابط الأمن الموجود في المطار قاله : الله غالب .. ما اتقسمتلك الحج .. ومع ذالك عامر رفض يمشي من المطاروفجأة جالهم بلاغ إن الطيارة فيها عطل وراجعة تانيرجعت الطيارة واتعملها صيانة وبردو الطيار رفض يفتح الباب .. الظابط قاله مش مكتوبالك وعامر بكل يقين رد عليه بيقوله النية حج وإن شاء الله هروحالطيارة اتحركت تاني وبعد شوية جه بلاغ إنها حصل فيها عطل ورجعت بردو .. وساعتها الطيار قال: "مش هطير إلا لما عامر يركب".. عامر عمل ڤيديو من مطار السعودية وهو مبسوط جداً

[taha-ali-hassan]

يا الله وكأنه فيلم سينمائي والله! الشاب اللي في الصورة دا الاختلال اتصل بيه قاله اطلع اقف في مكان بعيد عشان يتم قصفك بمفردك أفضل من أن يتم قصف عائلتك بأكملها داخل الخيمة، الشاب على الفور طلع يجري ووقف بعيد وفعلا تم قصفه بمفرده! فدائية غير مسيوقة يصحبها ذل وعار غير مسبوقين أيضاً..الله يرحمك ويتقبلك يابطل وينتقم من قاتلك أشد انتقام..

[taha-ali-hassan]

كارثة حصلت النهاردة في كلية العلوم - جامعة الزقازيق

بنت وقعت من الدور الرابع جوا مبنى الكلية، والكارثة الأكبر إنها فضلت مرمية على الأرض أكتر من نص ساعة… ومحدش حاول ينقذها، لا دكتور اتحرك، ولا حد ��سعفها، ولا حتى الأمن فكر يعمل حاجة غير إنه يمسح الدم من على الأرض!

الطلبة شغالة تصوير، واتحاد الطلبة بيمنعهم من التصوير

البنات واقفة بتحكي وقعت إزاي، وفيه اللي بيتريق

والشباب واقفين يتفرجوا ومفيش روح إنسانية

الإسعاف وصل بعد أكتر من 30 دقيقة، رغم إن المسافة 5 دقايق، ولما وصل رفض يشيل البنت قبل ما يشوف بطاقتها!

والمستشفى رفضت تستقبلها إلا لما ييجي حد يضمنها…

مع إن البنت كانت اتوفّت قبل ما توصل أصلاً.

حسبي الله ونعم الوكيل

في كل شخص قصّر أو طنّش أو استرخص روحها

وعند ربنا هيتحاسبوا… وكلنا هنقف قدّامه في يوم الحق

[taha-ali-hassan]

غزّةُ تنزِفُ، والدُّجى يبكي،

والظُّلمُ في الأفقِ العَميقِ يَشكي،

أشلاءُ أطفالٍ، ودمعُ أُمّ،

صَوتُ الأذانِ يُخنَقُ مِن وُجْدِ الغُمّةِ.

صُوَرٌ من نارٍ، لا من بشر،

كأنَّ القيامةَ قامتْ في البَشَر،

والقُبرُ بابٌ مفتوحٌ على الديار،

والموتُ يُوزِّعُ دونَ اختيار.

وأمَّةٌ صَمَتتْ... كأنَّها ما كانت لم و لن تكون.......،

خانَت دمَ الشُّهداءِ، خانَت أمانات،

لا حولَ فيها، لا صدى، لا كَلمة،

كأنها شبحٌ يعيشُ بلا هِمَّة.

باعوا القضيَّةَ في سُكونِ وجوهِهم،

وغفَوا، وناموا في سريرِ عُيونِهم،

فلا حُضورٌ، لا حياء، لا كرامة،

كأنَّها أُمَّةٌ... قد ماتتْ بالسلامة !

لكنَّ في السماءِ كتابٌ لا يُحرَّف،

وفي يومٍ قريبٍ... كُلُّ جانيٍ سيُعرَّف،

من باعَ، من خانَ، من أغضَّ البصر،

سيُوقَفونَ جميعًا للحَسَابِ، بلا مَفر..............

(الحكّامُ العرب؟ صَنائعُ العار، عبيدُ الكراسي، ملوكُ الصمت المُخزي. باعوا فلسطينَ في المزاداتِ السرّية، ووشّحوا خيانتَهم بربطاتِ عنقٍ أنيقة. جبناءُ أمام العدوّ، شجعانٌ فقط في قمع شعوبهم. هم كلاب حراسة و خدم مصالح لا أكثر .

[taha-ali-hassan]

من قوة الانفجار الناس طارت لحد السما ونزلوا تاني علي الارض ده مشهد حقيقي من أرض الواقع مش فيلم في هوليوود

[taha-ali-hassan]

- عيدكم مبارك ❤️

#عيد_فطر_مُبارك #ثانوية_عامة #اكسبلور

[taha-ali-hassan]

في خبر منتشر دلوقتي اتمنى يكون صح ان فيه ناس اجانب شافوا فيديوهات سامح حسين وبرنامجه بتاع قطايف وترجموا كل الفيديوهات وفي ناس دخلوا الاسلام بسبب شرحه البسيط ، سبحان الله سامح حسين كان بيمثل افلام ومسلسلات ربنا جعله سبب ف هداية ناس كتير بسبب انه عنده قبول وشخصيته محبوبة، دي الناس اللى تستاهل نتكلم عنها ربنا يجازيك خير ياسامح❤❤

[taha-ali-hassan]

طول مانت مقتنع إنَّها مش هتتحل هي فعلًا مش هتتحل !

وطول ما انت مقتنع إنَّها صعبة هي فعلاً حتفضل صعبة !

سيدنا عبد الله بن مسعود يقول "البلاء مُعلَّق بالنُطق به"

وافتكِر إن "كُل مُتوَقَّع آتٍ"

ربنا سبحانه و تعالى يقول (فَمَا ظَنّكم بِرَبّ العَالمِين)

خلّي ظنك بربنا خير مهما كانت الأمور مُعقَّدة وتأكد تمامًا إن ربنا هيراضيك فالوقت الصح بالحاجة اللي نفسك فيها.