#بالزبدة

[jaunerevee]

اي حد يعرفني من زمان هيعرف اني اول ما استخدمت تمبلر في البلوج القديمة كنت بعمل اكل وبصوره وبنزل الطريقة والمكونات والطبخة اخدت قد ايه ومدى سهولتها .. لحد ٢٠١٨ اخدت بريك طويلة جدا من تمبلر ومن كل حاجة تقريبًا ورجعت تاني من ٤ سنين واول كونتنت كنت بنزله هنا كان عن الاكل برضه وحاسة ان ده الحاجة الوحيدة المفيدة اللي ممكن اقدمها لاي حد بحبه ( لقمة دافية ووصفة لذيذة)

انا بحب الاكل بشكل جميل جدًا وعلاقتي بيه مش مؤذيه لاني مابحبش اكل قد ما بحب الطبخ نفسه ..

المقدمة الطويلة دي عشان اقول ان النهاردة اول مرة في حياتي اعمل فطير مشلتت في الطاسة وكان احلى واسمن فطير اكلته بعد فطير مرات عمي

المكونات

كيلو دقيق

نص معلقة ملح

معلقة سكر

٣ كوبايات مياة

كوباية زبدة ونص كوباية سمنة

الطريقة

هننخل الدقيق في بو لك وهنحط الملح والسكر ونضيف المياة بالتدريج واحنا بنعجن لحد ما نوصل لعجينة ناعمة مابتلزقش خالص وسهل نلمها

هنغطي العجينة بكيس بلاستيك ونسيبها نص ساعة

هنرجع نفرد العجينة على ترابيزة او على سطح كبير على شكل مستطيل وهندهنا كلها بالزبدة والسمنة اللي احنا عاملينهم

هنبتدي نلف العينة ونبرمها كأننا بنلف سجارة (او بنعمل سويس رول )

هيتكون عندنا شيء مبروم ملفوف طويل هنقطعه قطع صغيرة متساوية ( غالبا الكمية دي هتعمل من ٨ ل ٩ قطع )

هناغد القطع دي نحطها على صينية بلاستيك مدهونة بالزيت ونغطيهم بكيس بلاستيك ونحطهم في التلاجة ساعة

هنطلعهم من التلاجة ونبتدي ناخد كل قطعة ونفردها وندهنا بالزبدة من جوه برضه وبعدين نطبقها ونحليها في شكل كوره (او بوئجة) ملمومة كده

هنعمل كده في كل القطع بعدين ناخدهم واحدة واح دة في الطاسة

هنرمي ح زبدة في الطاسة ونفرد القطعة هلى شكل دايرة مش سميكة ومش رفيعةونغطي الطاسة ونسيبها خمس دقايق تستوي على درجة حرارة مش عالية وبعدين نقلبها ونفضل كل شوية نقلبها فًوق وتحت لحد ما تستوي وتاخد اللون اللي عايزينه

وبالهنا والشفا 🤭♥️

[sarahtarek]

محتاجه اروح دهب اقعد قدام البحر واكل سندوتشات مربي بالزبدة

[mahmoud-abdelqader]

حسب قانون "مورفي" لسوء الحظ

لا تسقط قطعة التوست إلا على الوجه المدهون بالزبدة

وحسب هذا..

كان على قلبي

في كل مرة

أن يسقط

على الجانب

الذي لا أستطيع ترميمه

على الجانب الذي لم يتعافى بعد!

[t-redo]

الفطير اللي بالزبدة والسكر طلع جميل ازاي مكنتش بحبه🤍

[mydairys-blog]

٣١ يوليو ٢٠٢٣

اليوم بدا هادي جدا روحت شغلي وكان فيه زحمه وحاجات مش مترتبة بدات احاول اهندل الدنيا شوية شوية، سمعت خبرين وحشين زميلي عمل حادثة و والد صحبتي توفي، على هامش اليوم اتكلمت مع واحدة معايا ف الشغل وسالتها على الجواز وايه رايها لافت نظرى انها اتكلمت عن احلامها اللي كان نفسها تحققها قبل ما تتجوز وقد ايه الجواز حرمها من انها تعمل اللى هي عايزاه خلصت اليوم وكان نفسي اروح سينما زاوية عشان اتفرج على حاجه جديدة بس رجعت ف كلامي وروحت البيت عملت ملوخية ورز واكتشفت ان الرز بالزبدة احلي بكتير جدا من الرز بالزيت، بدات اشتغل على كام بروچيكت بكتب فيهم واتصل عليا احد الاصدقاء وفضلنا نتكلم كتير عن الناس وطباعهم وازاى ممكن يأثروا علينا غير مواقف كتير شكلت شخصيتنا وكبرتنا، الوقت أحيانًا كتير مش بيبقي فى صالحنا لكن حتي لو الدنيا مش منصفة ربنا عادل ومنصف جدا :)

[ibrahimshoukri]

توست بالمربي بالزبدة ده جااامد التوست بصراحة بيحلي اي حاجة

[nourr-9]

شاي بالزبدة ازاي؟

بتحط زبدة في الكوباية وتضيف عليها الشاي وهو سخن وكدا بقا معانا شاي بالزبدة ، لذيذ جدا ☺️

[conciouso9]

قوانين #مورفي 🔴🌬..

1..كل شيء يتعطل في الوقت نفسه.

2.. يستحيل تحصين أي أمر ضد الأغبياء لأن غباءهم مبدع.

3.. لو سار كل شيء على ما يرام، فأنت لم تلحظ الخطأ فقط

.

4.. الكون ليس غير مبالٍ بالعلماء فقط، إنه ضدهم على طول الخط.

5.. أي سلك تقطعه حسب طول معين هو أقصر من اللازم.

6.. قطعة الخبز تسقط دائماً على الجانب المدهون بالزبدة.

7.. الأمر يستغرق وقتاً أكثر مما توقعت له.. مهما فعلت.

8..قانون الذاكرة: فرصة نسيان شيء مهم تتناسب طردياً مع أهميته.

9.. كل حل يخلق مشاكل جديدة.

10.. الشيء الذي يسقط.. يسقط في المكان الذي يسبب فيه أكبر ضرر ممكن.

11.. بعد ما تشتري بديلاً للشيء الذي بحثت عنه في كل مكان ولم تجده.. يظهر الشيء الأصلي.

12.. بمجرد شراء تلك السلعة النادرة، سوف تجدها معروضة في كل مكان وبأرخص مما اشتريتها.

13.. كل شيء ممتع في الحياة غير قانوني أو غير أخلاقي

14.. كل شيء يقع في الحمام لا بد أن يسقط في المرحاض تحديداً.

15.. الأفكار العظيمة لا نتذكرها أبداً، والأفكار الغبية لا ننساها أبداً.

16.. الرجل الذي يسبقك مباشرة في الطابور يقوم بأعقد إجراءات ممكنة.

17.. إذا أخبرت رئيسك -كذباً- بأن انفجار إطار سيارتك قد سبب قدومك متأخراً، فسوف ينفجر إطار سيارتك في اليوم التالي.

18.. المسار الآخر للسيارات يتحرك دائماً أسرع من الذي تسير فيه.

19.. إذا كنت تقف في طابور بطيء وقمت بتغييره، فطابورك الأول فجأة سيتحرك بشكل أسرع.

20.. من الخطأ جعل أي أداة ميكانيكية تلاحظ أنك مستعجل، فساعتها لن تعمل معك كما ينبغي.

21.. إذا وصلت إلى المحطة باكراً تأخر القطار، وإذا كنت مستعجلاً فاتك القطار.

22.. لا يمكنك الاتصال برقم خاطئ وتجده مشغولاً.

23..إذا وقع من يدك شيء دقيق، فتأكد أنه سيتدحرج إلى أن يصل إلى ألعن مكان لا يمكنك الوصول إليه.

24.. بمجرد أن تمتلئ يدك بالدهن، سوف تحتاج إلى حك أنفك.

25.. إذا ذهبت بجهاز تالف لا يعمل إلى الفني لتصليحه، فإنه ساعتها سيعمل.

[nosta002]

شَاحب الوجهِ|••

بعدما استيقض من نومه توجه للحمام وكله كسل ..نظر في المرآة بعدما غسل وجهه ليجد العبوس يملؤه.. لم يبالي فقد تعود على هذه الملامح الباهتة، تناول فطوره الذي كان عبارة عن قطعة خبز مدهونة بالزبدة وفنجان قهوة نصف فارغ...

ارتدى معطفه و كالعادة توجه للمدينة للبحث عن عمل..هذه المرة عزم على عدم العودة للمنزل الا وقد حصل على وظيفة يتقوت منها حلاً طيباً..وبعد ساعات طويلة من البحث و المحاولات الفاشله في ايجاد وظيفه، جلس قرب نافورة وسط المدينة ليروي عطشه وهو كله لوم لنفسه و استحقاراً بحاله..رفع نظره فإذا به يلمح من مسافة قريبة رجل عجوز على كرسي متحرك رفقة صبي صغير...

كان العجوز كلما اقترب احد المارة يهمس للصبي بكلمات تكاد لا تسمع فيبدأ بالأنين ويميل رأسه على كتفه و يرخي عضلات وجهه كأن به علة..!!

اما العجوز فكان يعدل جلسته على الكرسي ويحرص كل الحرص على أن يغطي نصفه السفلي بلحاف متسخ... وبطبيعة الحال يلقي شخص ديناراً والآخر ديناراً آخر من هناك شفقة و عطفاً بحال هاد الشيخ الذي ابتلي بطفل معاق اضافة لحاله الذي يبكي الحجر..

أثارت هذه التصرفات المريبة فضول الرجل فجلس لساعات يراقب وضع هذان الاثنين، ضل العجوز و الصبي على هذا الوضع حتى حين غروب الشمس فجأة اخرج العجوز رجليه من تحت اللحاف بعد ما كانت تبدوان وكأنهما مقطوعتان حد الركب..ليندهش بالصبي يعدل رأسه..ومع ذالك لم يكن الشيخ مصرور بالغلة رغم كل هذه الدراما...

وقف الرجل مذهولاً من ما رأى و تعجب كيف للانسان أن يهين نفسه بهذا الشكل لدرجة أن يستغل طفلاً صغير او كأن يفاول على صحته و يذل نفسه و يتلقى كلمات ونظرات الشفقة والرأفة فقط من أجل دنانير لا تغني و لا حتى تسد حاجيات يومه، بعد كل هذا رفع رأسه للسماء شاكراً ربه على حاله رغم ظروفه الصعبة و��لى قناعته رغم حاجته  وقطع لنفسه امام ربه أن لا ينظر لذاته نظرة نقص أو عجز مهما كانت ظروف حياته...

[foodsultan]

السمك بالزبدة و البرتقال طعم ولا في الخيال

[meem8]

تايهه في المطبخ وعمالة افتكر وانا بحضر أول طبق فول بعد رمضان آخر مرة عملته ازاي وعجبهم؟ وبعدين افتكرت إني مبحبوش بأي طريقة غير بالزبدة والكمون وارش عليه شطة وزيت على وشه وبس كده.

وصفة ستي.

[yassen-world]

اكيد مافيش انسان طبيعي عاقل يبقي نفسه ياكل حتة استيك بالزبدة والروزماري الساعة 12 ونص في رمضان 🙇🏻‍♂️

ايه الافكار الغريبة دي 🤷🏻‍♂️

[alta2r]

تبقى قاعد في امان الله لابيك ولا عليك وتلاقي حد داخل عليك بصينية فطير مشلت بالزبدة وعسل أسود .

[t-redo]

انا اتعشيت اه.. بس ده ميمنعش ان اكل فطير بالزبدة

[maria91sworld]

النهاردة كنت جايبة أخري فالكورس اللي باخده وكنت بطلع طاقتي المهيبرة على ال instructor اللي بيدينا..

وكان جايب معاه علبة شكولاتة بتاعت زمان دي ( العلبة العتيقة)

ف قولتله ايه يا مستر..جبت شكولاتة المرة دي..

قالي لا ..قولتله بونبوني برضو !!

وقرر انه يديه النهاردة للي هيجاوب صح..

و بعد فترة ليست بطويلة ..جاوبت صح.. قام قالي انتي جاوبتي صح بس عشان صوتك عالي ملكيش (بونبوني).. !

استأذنته وخرجت برة أتنفس الصعداء وأسيطر على تنفسي وأعصابي الداخلية اللي كانت قالبة ب ضحك غير مبرر حرفياً..

ولما دخلت تاني لقيت العلبة مفتوحة..ف مديت إيدي وانا رايحة لمكاني أخدت بونبوني وقلتله شكراً..عشان انا جاوبت صح بس ..و كمان دي بالزبدة اصلا..(اللي هو انا اخدت النوع الرديء مش الجديد اللي حاطه فالعلبة)..

و ضحكت وقعدت ف مكاني مع ابتسامة ( انتصار داخلي)..

مع ان البونبوني ولا يفرق معايا حاجة إطلاقاً..انا كبرت عالحركات دي والله..

بس حبيت أعمل حركة نص كم كدهوو 🤭😏😌

[nourr-9]

أحلي كوباية شاي بالزبدة البلدي 🥰❤️