#بستعين

[mrvictive]

Help

مقسم وقت مذاكرتك ازاي في رمضان ؟ بتذاكر أمتى مثلاً بالنهار ولا بعد الفطار !

Okay,..

بذاكر بالنهار و بعد الفطار.

عامل Plan بذاكر بين الفرض والفرض . يعني بصلي و الاذكار والقران و بعد كدا نذاكر

بذاكر بين الضهر و العصر و بين العصر و المغرب و بين العشاء والفجر.

بحط deadlines بمعني ان لازم بين الضهر و العصر اخلص الجزء ده عشان من غير deadllines مش هخلص حاجه.

بذاكر وانا مش مركز وانا مصدع وانا بنام وانا مش فايق. مش مهم ايه ال pain اللي بمر فيه بستعين بالله و ب fight.

و بنام بين الفجر والضهر.

لما تحس انك مخنوق وانت بتذاكر صلي يا انون و قرب من ربنا النفسية هتبقي في مكان جميل

و بس كدا اعمل بلان وربنا يعينك و يوفقك

[m-anarrr]

الاسهل اني اجيب اي دوا عشان يسكن اللي يسكنة او يعالج اللي يعالجة

الاصعب اني اروح لدكتور زي الانسان الطبيعي يديني روشتة ويصرفلي دوا عشان علي الاقل اكون ضامنة الشئ اللي داخل جسمي اي ده

بدل ما بستعين بكل شئ كأنة دكتور الا الدكتور نفسه.

[rrrrrrrr-rrrrrrr]

لا انا بستعين بصديق يعنى نقرب ولا نهرب

قرب ي واد ولا يهمك هي كده كده بايظه

[nawarah7]

عارف لما شخص يأذيك ويظلمك وياكل حقك ويرجع عاوز يتعامل معاك عادي لانه عادي مفيش حاجه كبيره حصلت ولو حصلت فسوري يعني عديها ده إسمه بجاحه ووش مكشوف وببقي قاعده بسأل نفسي ايه ده فيه ايه لا بجد فيه ايه.

كوني بقي رغم الاذي بساعد او بسمع او بدي نصيحه لما تنطلب فانا منستش ولا سامحت انا حتي مبحبش اقابلكم صدفه ولاتيجوا ع بالي ولما بفتكركم بستعين بالله علي ظلمكم واذاكم بالبلدي بحسبن عليكم 🥲

[letters-in-a-notebook]

(بتاريخ ١٥ يونيو ٢٠٢٣)

حاجات اتغيرت:

- بقيت أكثر حسماً وأقل تردداً

- بقيت أقل قلقاً وأكثر هدوء بال

- بقيت بستعين بالله أكثر من الأول وأفضل

- بقيت أقدر على التخلي والتجاهل

- تفكيري قلّ

- بقيت أكثر حرية واستقلالية برأيي

(تعليق: التردد رجع بدرجة محدودة. أعتقد إنه ده كان مجرد أثر محدود فيما بعد المرحلة الصعبة إياها. الباقيين كلهم إلى حد ما ما زالوا موجودين.)

[ahmedalghk]

الناس حبت رانيا وسكينة ومش بستعين بدوبلير.. تصريحات مي عمر ببرنامج الحكاية

الناس حبت رانيا وسكينة ومش بستعين بدوبلير.. تصريحات مي عمر ببرنامج الحكاية

حلّت الفنانة مي عمر ضيفة حلقة الأمس من برنامج “الحكاية” الذي قدمه الإعلامي عمرو أديب في تمام الساعة العاشرة مساءً ، وأدلت بعدة تصريحات حول مسلسلها “رانيا وسكينة” وحوالي. حقيقة وجود جزء ثان منه. نبأ العرب ترصد لكم أبرز تصريحات مي عمر في برنامج الحكاية مع عمرو أديب خلال السطور القادمة. أبرز تصريحات مي عمر مع عمرو أديب هناك احتمال أن يكون هناك جزء آخر من مسلسل رانيا وسكينة – كنت في سوق سيارات…

[ahmednasseregy]

أول فصل في رحلتي

أحمد ناصر، 23 سنة، في سن ال19 أُصيبت بجنون و شغف صناعة الأفلام القصيرة و الجرافيكس.

كنت بدرس في كلية تجارة English جامعة القاهرة في يوم ما بالصدفة البحتة الغير مقصودة بالمرة شاركت في نشاط طلابي يتقسم الي فرق و اتحطيت في فريق، ناس اول مره اشوفها و كنا ضمن فرق كتير داخل النشاط الطلابي دا بيتنافسوا كل session من خلال "assignment" علي مين افضل فريق. كان نصيبي ان فريقي غير متفاعل و مش منسجم عكس باقي الteams و كل مره حتي مابنكونش مركز قبل الأخير.

و في مره حسيت باستفزاز شخصي و قولت للناس اللي ماعايا في الفريق اننا ليه مطلعناش و لو مره مركز اول ؟ او حتي من ضمن اول 3 اللي بيتكرموا كل مره؟

حقيقي مش عارف ايه الدافع ساعتها -يمكن الغيرة و حبي للتميز- اللي خلاني اقولهم احنا مش هنعمل برزنتيشن تقليدي باور بوينت ولا حد فينا هيتكلم لما يجي دورنا.. قالولي اومال هنعمل ايه؟ قولتلهم هنعمل فيديو هيوصل الرساله اللي مطلوب مننا توصيلها. سالوني هنعمل الفيديو ازاي قولتلهم انا اللي هعمله (و فعليا مش عارف هعمله ازاي).

روحت البيت قعدت اتفرج علي الانترنت كتير في أي حاجه تخص الtopic اللي هنتكلم عنه لحد ما لقيت فيديو عجبني اوي و اثر فيا كان امريكي عملتله إعادة صياغة في حوالي دقيقه و لقيت دماغي عماله تتخيل كل واحد فينا بحركة او بريأكشن معين في حته معينه في الجامعة (جامعة القاهرة) علي جملة ما في الفيديو مع الموسيقي التحفيزية في الباك جراوند و قولتلهم هنتجمع يوم كذا في الجامعة عشان نصور و كل دا طالع بتلقائية و عشوائية جدا. اتجمعنا و ابتديت اصور حتي بقول كلمة كدر و زاوية و انا مش عارف ولا دارس ايه هي أنواع الكادرات و هكذا من الاخر بصور بالاحساس..

صورنا بموبايل واحد صاحبنا بما انه كان احدث موبايل وقتها وخلصنا التصوير و اتصدمت بحاجه و هي: انا هعمل الحاجات دي فيديو ازاي؟ عرفت ان لازم اعمل للكلام دا مونتاج.. روحت البيت فتحت جوجل كتبت كدا بالحرف " برنامج مونتاج للمبتدئين" بعد عناء عثرت علي برنامج كدا لذيذ و بعد عناء تاني دورت علي كراك ليه و سطبته و بالفعل ابتديت اعمل مونتاج في صورة الطفل اللي لما بيلاقي حاجه مش فاهمها بيقعد يدوس علي كل الزراير و يحرك و يعمل و يلعب ��تي لو هتبوظ مايهمش!

عملت الفيديو و عملت عليه subtitle وبعد ما خلصت لقيت بكتب علي الفيديو Directed by : Ahmed Nasser !!

روحت افرجه للتيم بتاعي انبهر بيه و ازاي عملنا حاجه زي كدا و لما جيه يوم السيشن و الناس اتفاجأت اننا بنشغل فيديو و طفي النور عشان الشاشة و بعد ما الفيديو خلص لقيت تصقيف و اشادة من الجميع و اتقالتلي جمله من البنت المؤسسة للنشاط "الفيديو دا لمس قلبي" كان تأثير الجمله اكن طلعنى سابع سما.

و قالتلي ايه رايك تبقي معانا عضو من ضمن أعضاء النشاط!! مش بس ابقي مجرد منتدب، انا مش قادر اوصف اللي حسيت بيه يومها بس هو إحساس انك عايز تتنطط، و طبعا اتكرمنا و دا كان هدفي. و بكدا اقدر أقول انتهي act مهم جدا من رحلتي.

بعديها لقيت مخي بيفكر بشكل تلقائي كدا ايه الفيديو الجاي اللي هعمله ؟ بيتكلم عن ايه و هعمله ازاي ؟

عملت فيديو بعديه اقوي و أطول و جاب انبهار اكبر و اتنشر علي منصة النشاط الطلابي نفسها علي الفيسبوك و حبيت كلمة مخرج اللي كانت بتتقالي مجاملة و تشجيع.

بعديها لقيت نفسي بتعلم مونتاج بشكل اعمق -بهدف انها وسيله اقدر انتج بيها فيديوهاتي و افكاري- و بتعلم تصميم و فوتوشوب. كان الوقت يسرقني قدام اللابتوب لدرجة في مره قعدت 18 ساعه علي الفوتوشوب بلعب و بعمل حاجات بضحك عليها بحنين لما بشوفها دلوقت.

و قعدت فتره كبيرة اتعلم بشكل ذاتي 100% و اجرب و اشوف و اقلد و اعمل فيديوهات وريبورتاج في الشارع و تصوير علي كروما و اصمم تصميمات و فيه اللي كان بيبقي في الجون و فيه اللي كان مثير للضحك، و اتعمقت في موضوع البرامج اكتر و بدل البرنامج بقيت بشتغل علي اتنين ثم ثلاثه ثم خمسة و ابتديت اعرف الاختصاصات و كل حاجه ليها برنامجها التصميم له برنامجه و المونتاج و الصوت و الرسم الفيكتور والجرافيكس و هكذا.

و اتخرجت و انا مقرر اني باذن الله مش هشتغل في المحاسبة و كان قرار عكس التيار تماما.

و اللي قدرت أوصله لحد و انا بكتب البوست دا هو تحت مسميone man crew كاfull time و freelancer:

Filmmaker

علي قدي , بخرج أفلام قصيرة و وثائقية و انترفيوهات و إعلانات تجارية بكون انا الcopywritter بتاعها بداية من الفكرة و رسم ستوري بورد و سيناريو، و اخرجت بروموهات events اشبه بالميوزك فيديوز. و بستعين بناس كشخصيات للتصوير(مش ممثلين) معارف و زمايلي. و طبعا ببذل جهد كبير في توجيهم

و producer بشتغل علي البوست برودكشن بايدي و مصور camera man و Creative graphic designer بصمم سوشيال ميديا و مطبوعات و عملت branding لشركات كتير داخل مصر و خارجها ابرزهم لشركتين في نيوورك و ريبراندينج لشركة تالته في نيو يورك بردو و ألفت و انتجت اكثر من فيديو Motion Graphics رسوم متحركة.

و في اعمال مؤخرا فعليا بشتغل علي ديكور اللوكيشن بايدي و بنزل اشتريله الحاجه بنفسي و دا لان مش ماعايا فريق انتاج و معنديش رفاهية.

معظم الاعمال اللي عملتها ماتكلفتش انتاج خالص رمزي جدا و بكاميرا dslrواحده و فيه اللي بمجرد الموبايل و كله من غير اضاءة و أدوات بسيطه بدائية بصنعها بنفسي عشان اقدر استخدمها في التصوير زي شوت معين camera movement او تراك او hand held او stabilizer و الخ...

ابتديت فعلا ادرس سينما و دراما بردو بشكل ذاتي و ليا ايقونه و شخصية بستمد منها علم و شغف و الهام كبير اوي لان لما تابعته و عرفت قصته اكتشفت ان قصتي شبهه شوية في بدايته و ليا الفخر انها تكمل زيه، الشخصية دي -"عمرو سلامة"- Amr Salama مع حفظ لقب الـLegend.

حاجتين كانوا مؤشر اني ماشي صح:

ان اللي بعمله كنت بلاقي قبول عليه و اراء الغالب فيها ايجابي و فيه سلبي طبعا طبعا طبعا.

و الحاجه التانيه اني لما ابتديت ادرس سينما و دراما من خلال ورش اونلاين زي الافلامجية و مشروع فيلم عربي بالتعاون مع شركة كلينك (ارشحهم و بقوة) لقيت حاجات كتير مستر عمرو سلامة و صناع السينما بيتكلموا عنها و ليكن اساليب صفات عادات افكار اصلا انا بعملها بالسينس او بعملها من خلال التجربة و فاكر ان دا مش واقعي او دا مش الدارج في السينما الاحترافية.

[escapzarzory]

انا دايماً مش عارف وتايه اعمل اى

عارف انت يا انون المثل اللي بيقول اتلم المتعوس على خايب الرجا بيفكرني بالموقف اللي انت حطيتني فيه دلوقتي😂

يازين ما اخترت بصراحه😂

بص يا انون انا لما بوصل للمرحله ديه زيك كده بحاول اهدى خالص واتجنب اني احس بأي مشاعر وحشه ولو حسيت بحاول افهم ايه سبب المشاعر ديه لان التوهه اللي بتيجي بتبقى مصدرها مشاعر مزعجه بنحس بيها ولو لقيت مثلاً حاجة معينه حتى لو كان بني ادم مسببلي ده بقيت ببعد عنه على طول

انا مكنتش كده الاول بصراحه وكنت بفضل متمسكه حتى لو كانت الحاجة بتأذيني

بعدين لما عرفت قيمة نفسي وقدرتها صح استوعبت ومع الوقت بقى التوهان بيقل هو اه بيجي لحد دلوقتي بس قليل ولاسباب كتير في الحياة بس بالنسبالي السبب الرئيسي كان بسبب علاقاتي بالبشر واني بحط الناس في مكانه مش حاطني فيها وبديهم اكبر من حجمهم

بقيت اهدى لما عرفت اميز بين كل اللخبطه والدوامة اللي كنت فيها

بستعين بربنا وبدعيه انه يدلني للصح ويهدي ضالة قلبي وعقلي يعني

ف برتاح وبهدى

مش هضحك عليك واقولك اني على طول هادية وكله تمام لا

بس انت افضل حاول كتير مع نفسك لحد ما توصل ان جواك يبقى هادي

[ibnmega]

ردك عجبني 🌸... انا كنت اقصد ان الفلسفه مبتقدمش اوقات حلول عمليه ...كتير بتفتح الجرح تفرجك عليه تنتعش فكريا و تلقى نفسك قاعد جنبه مستنيه يخف من غير وصفه ... بس هو في الآخر الموضوع ممتع للغاوي و منهم من تفلسف على عذابه حتى كاد يحبه و كفايه فلسفه لحد هنا :D... يسعد مساك

صلاح جاهين اللي علطول بستعين بيه وبعتبر كلماته تبسيط لكل عقد العالم، بيقولك:

"الفيلسوف قاعد يفكر.. سيبوه، لا تعملوه سلطان ولا تصلبوه، ماتعرفوش إن الفلاسفة يا هوه، اللي يقولوه بيرجعوا يكدبوه!". 😂

[sweetygirlm]

تفتكري أيه الغرض من الحياة؟

مممم دعنا نبدأ بـ ان مفيش إجابة نموذجية.....

لكن من وجهة نظري المتواضعة، غرضي من الحياة ان يكون ليا بصمة في الحياة قبل ما اسيبها ، افيد الناس والناس تستفيد مني وتفتكرني بعد ما اموت بالخير.

الحياة عبارة عن ممر او طريق هنخلصه شئنا ام ابينا الغرض اننا نموت علي طريق ده واحنا سايبين أثر كويس سواء الطريق ده طويل او قصير حَبَه يكون الطريق ده نهايته كويسة وهي الجنة ان شاء الله.

اكيد في عقابات كتير وحُفر ، هقع هكتئب وهعيط هحزن وهيأس بس في المقابل هقوم وهتفائل وهفرح وهسعد وهقاوم وهيبقي عندي امل وكل ده هكون بستعين بالله هسئله انه يثبتني وانه يسترها معايا في طريق ويحسن خاتمة الطريق ده

وانا في طريقي في الحياة وانا في طريقي لصناعة بصمة وان يكون ليا دور واثر، هكون ببحث عن صفات الله وجمال ربنا ، ببعد عنه شوية بس هطلب منه عفوه و قربه ومايبعدنيش عنه.

في النهاية اللهم استخدمني ولا تستبدلني 💙🌸

[light-intothedarkness]

عايزة أشاركك حاجة. أنا كنت زمان بعتمد على الأشخاص اللي حواليا جدًا وأي موقف يحصل كنت بروح أحكيه لحد من دايرتي المقربة، مؤخرًا يقيت بستعين بربنا وبحطه قبل أي شيء، والأيام دي أنا مش كويسة وبعيط كتير، بس بروح اصلي وبعيط لربنا وبطلب يساعدني، حاسة إنها نعمة كبيرة أوي إني أول ما اقف قدامي الاقيني بعيط، وبتمني متروحش :')

ربنا يقربِك منه أكتر و دايماً تلاقي إحساس الراحة و الأمان في معيته و يرفع مقامك عنده، و حتى لو راحت و بقيتي كويسة و ده بإذن الله هيحصل عشان انتِ في أعلى درجات استعانتك بيه دلوقتي، صدقيني مش هتنسي الأيام دي و كل فترة هتحبي تروحي تحكيله كده لما تكوني عايزة، ربنا يبشرك بفرحة تفضلي تحمديه عليها.

[a-crack]

بستعين ب٣ كتب ل٣ مواد سابقة بتعتمد عليها مادة ماخداها هالفصل، وحاسة إنه كرسي مغبر على سطح بيت مهجور أنفع من ذاكرتي الرديئة.

[esraam449]

هبارك لنفسى وافرحلها جدا..عارفه ان ناس كتير زعلت..الناس اللى بيحبونى بجد وكانوا معايا طول الوقت شكرا ليكم بجد بس اطمنوا لسه فيا نفس ولسه قلبى مليان ايمان بربنا..وعارفه كمان ان ف ناس شمتانه...بس كل دا مش فارق عندى الحقيقه لانى انا لوحدى تعبت ولوحدى بكيت..تشهد اوضتى ع كمية الخنقة اللى كانت فيا من اول السنه لاخرها..تشهد كتبى ومخدتى ع كل دمعه نزلت من عنيا..يشهد جسمى ع كل الم حسيته وكل كلمة آآه اتقالت من كتر الوجع..يشهدوا اهلى على تعبى وان اكتر سنه تعبت فيها من كل حاجه..يشهدوا صحابى ع كل زعيق وعصبيه ع اقل حاجه..اكتر سنه تعبت فيها نفسيا وجسديا..اكتر سنه اتحملت فيها مشاكل فوق طاقتى واكبر من سنى بكتير..سنه خلتنى اتغير بطريقة بشعه بعنى الكلمه..وخسرت ناس كتير كانوا معايا بسبب انهم كرهونى ومستحملوش عصبيتى وتعبى ومكانوش مقدرين اللى بمر فيه..وف نفس الوقت كسبت ناس وقفوا جمبوا ومسبونيش لحظه واحدة..انا السنه كلها كل يوم فيها كان مليان مطبات تقصف رقاب..وعديت كل دا لوحدى محدش كان معايا

الحقيقة انا مش ببرر لنفسى حاجه..بالعكس انا فخورة بنفسى جدا..لانى مريت بكل دا لوحدى من غير ما اشيل حد همى ولا انتحرت زى ما كتير عملوا..عديت كل دا بقوة ولسه هعدى اللى جاى ونفسى راضيه بكل اللى ربنا كتبهولى..وواثقة ومتأكدة ان كل اللى عند ربنا خير ليا وهو احسن حاجة ليا..يكفينى ان طول الوقت كنت بستعين بيه..وكان بيقوينى..وانه ربنا هو اللى عالم قد ايه انا تعبت وهو اللى كان معايا كل ثانية..فالحمد لله دائما وأبدا..

"متزعلوش يا جماعه ..وارضوا بنصيبكوا بكرة تعرفوا حكمة ربنا ف كل اللى حصلكوا..لو علمتم الغيب لرضيتم بالواقع..آمنوا بالقدر خيره وشره..واحمدوه واشكروه ومتستعجلوش ومتشلوش الهم ربنا قريب هيفرحنا كلنا ويبدل كل دمعه نزلت مننا حزن و ألم بدموع فرح وهنا..وهيزرع ورد بين كسور قلوبنا..وهيجبر خواطرنا ويراضينا..ربنا رحمته واسعه..وعطاءه اكبر..احمدوه واشكروه طول الوقت..ملناش غيره..هو اللى عالم بينا..اوعوا تيأسوا مش نهاية العالم..وافتخروا بنفسكم وباركولها ومتستسلموش مهما وقعتوا.."💙🌸

[lumiiiereee]

مش قادرة انكر ان الفترة دى أنا نوعا ما تايهة بزيادة لان كان فيه قرارات كتير عشان ماكنتش بعرف اشوف كل جوانبها لوحدى فكنت بستعين بصديق يسهل عليا ويساعدنى فيا ويورارينى الصح إللى نوعا ما بحكم الموقف ماكنتش ببقى قادرة اشوفوا، الصديق مابقاش موجود بقيت لوحدى والموضوع بقى صعب بقيت باردة بزيادة ومابقتش بعرف احكم قلبى أصلا في حاجة لانى بوهم نفسى انه كده بحمينى خلاصته I miss having someone around

[mohmdgamal]

مسودّة 2

دايماً لما بكون بقرأ في حاجة وتيجي كلمة مش عارف معناها، أقف، لازم بقف، أدخل أدور عن معنى الكلمة دي في كل قاموس معاني، مش بس فلغة غير العربي، بالعكس، دا أكتر الكلام إلّي بدور على معناه غالباً ما بتكون اللغة بتاعته العربي.. وكل مدى ما بكتشف، وبالرغم من كوني عربي وبتكلم عربي إلّا إني مفهومي فقير جداً جداً جداً من معاني الكلام في اللغة دي، حقيقي، إلّي هو كلام بقوله وبقراه وبكتب بيه، لكن من خلال "مفهومي أنا إلّي إتكّون عن معنى الكلام ده" مش من خلال معناه هو.

(2)

كل يوم الإنسان هنا مثلاً بيسمع حاجة بتقول:

الله أكبر الله أكبر

-يعني إيه "أكبر"، إيه معنى إنه أكبر

أشهد أن لا إله إلّا الله

-إيه معنى إني أكون بأشهد إنه لا إله إلّا الله

وهل ده معناه "فعلياً" فحياتي ،ولا شئ خالي من معناه

أشهد أن محمّد رسول الله

-إيه معنى إني أكون بأشهد بأنه محمّد رسول الله

وهل ده معناه "فعلياً" فحياتي

.....

إلّي بيصلي هنا وملتزم بالصلاة، بيقرا سورة الفاتحة على الأقل 19 مرة في اليوم..

بسم الله الرحمن الرحيم

-إيه معنى كلمة الله ،إيه معنى إنه الرحمن/ الرحيم ، ومعناها إيه الآية بقى على بعضها، بإدخال "بسم" عليها..

الحمد لله رب العالمين

-يعني إيه الحمد لله، ويعني إيه إنه "رب العالمين"

الرحمن الرحيم

-تاني

مالك يوم الدين

-يعني إيه

بتقول:

إياك نعبد وإياك نستعين

-يعني إيه عبادة ، ويعني إيه إستعانة

طب و "فعلياً" أنا معنى إلّي بعمله إنّي "إياك بعبد" مش مدخل/مُشرك فده أبويا وأمي والمجتمع والزمن والعالم والموبايل وصحابي ونفسي ، وهل أنا "إياك بستعين" مش مدخل فده كل كل كل حاجة وقاعد قلقان ومتوتر على طول الخط مع إني مستعين بيك

إهدنا الصراط المستقيم

-يعني إيه يهدي ، ومعناه إيه الصراط المستقيم "في الدنيا" قبل الأخرة. .

صراط الذين أنعمت عليهم

-مين دول، صفاتهم إيه، وهل صفاتهم دي فيّ ومعناها "فعلياً في حياتي..

غير المغضوب عليهم ولا الضآلين.

-مين دول، وإيه صفاتهم، يعني من الصغر كل إلّي بيقرا الآية دي الترجمة فدماغه إلّي بتيجي فباله على طول هم اليهود والنصارى، تمام ماشي، مش موضوعنا، الحوار إنه بيكون باعد نفسه عن دايرة المغضوب عليهم والضالين، فحين إنه معناهم وصفاتهم "فعلياً" فيّ وفحياتي، وعايش مش بعمل شئ حيال ده..

.....

أنا مسلم

-إيه معنى كلمة مُسلم، وهل معناها "فعلياً في حياتي.. هل أنا مُستسلم له -سبحانه- فعلاً..

إزاي هكون مُستسلم لحاجة أنا أصلاً "فعلياً" على جهل بمعناها..

أنا مؤمن بالله.

مين هو، هو معرف نفسه، الواحد، الحي، القيوم، الرحمن، الرحيم، المالك، الرزّاق، الحفيظ.. إلخ من التسعة وتسعين إسم إلّي نعرّف بيهم نفسه سبحانه بس في الدنيا.

إيه معنى كل إسم وصفة، وهل "فعلياً" في حياتي وأفعالي ومواقغي وحركاتي أنا مؤمن بده، مُسلم ولّا أنا بعيد أوي فعلاً..

(3)

لما باجي أسمع أغنية، إنجليزي مثلاً، مش بعرف أيمعها غير لما أعرف "معنى" كلماتها إيه، غير كدة بحسب إني سمعتها..

في حديث عن النبي بيقول في معناه إن صلاة المرء هي ما "عقل" منها، الصلاة هي إنقطاع عن الكل للإتصال بشئ واحد، هل ده فعلياً بيحصل، طب بالرجوع للحديث وصلاتنا، بالرجوع لما نعقل منها، فإحنا "فعلياً" عقلنا منها إيه وإحنا أصلاً بنكون في الصلاة دماغنا داير فيها كل حاجة في الدنيا، وعقلنا منها إيه وإحنا أبعد ما يكون عن "معنى" ما نقول فيها..

فمرة حد كان بيقولي فحديث داير بينّا إنه يهودي عمل بحث ونتيجته كانت المرأة المسلمة أطهر نساء الأرض، بغض النظر عن نقاط كتير في النقطة دي، لكنّي رديت قلتله تمام، دا لو معناها مُسلمة!، يعنى دلوقتي فعالم أمسى فيه الشئ خالي من معناه، بيشوف مسلمة "إسماً"، فعلاً ومضموناً أبعد ما يكون عن المعنى من فكرة الإسلام مثلاً، والخلط هنا بينهم مميت حقيقي والفصل واجب..

حد بيكون كريم جداً برة مع صحابه، مع أهل بيته مثلاً بخيل فعلاً، ده شخص بالنسبالي مش كريم، لأنه معنى الكريم إنه كريم عموماً، كريم طول الوقت ومع أي حد، حتى نفسه..

(4)

أنا دايماً بتعامل بالمعنى، وبدوّر على عمق أكثر لنفس المعنى فنفس الوقت، من الحاجات إلّي تفوق أهميتها عندي الأكل والشرب والهوا فعلاً. حقيقي، ممكن مانمش قصاد شئ بدوّر عن معناه، ممكن أبذل مجهود خرافي قصاد إني أوصل لمعنى غايب عني. إيه معنى الكلام ده، معنى الحدث ده، معنى الحياة، معنى وجودي فيها، معنى الله، الحب، الكفر، الإيمان، الوطن، الدنيا، الحياة، الأخرة، الموت، الروح، النفس، القلب، العقل، الإنسان إلخ..

(5)

مافيش شئ هنا مهما صغر حرفياً مالوش معنى، العبث ما هو إلا ضياع المعنى، العبث ما هو إلّا عدم قدرة العقل على ترجمة ما يحدث أمامه، مش لأنه عبثي أو لا يُترجم أو مش مفهوم، بل لإنه ماعهندهوش المعلومات/المعرفة إلّي يقدر بيها يترجم ده، ودي مش مشكلة في العقل لأنه بيدخله المعلومات عن طري�� إلّي الشخص بيورهوله أو بيقرهوله أو بيعيشهوله/بيغذيه بيه يعني، ولا عبثية فيما يحدث براه/حتى لو هو مش طبيعي، إنما مشكلة الشخص ذاته حقيقي..

[tfanin-blog]

النهارده يوم غريب صاحيه وكا حزن العالم كله متجمع جوه قلبى ليه وعلشان ايه بحاول اعمل نفسي مش عارفه يمكن اكون عارفه السبب بس بنتجاهله او اعمل نفسي مش واخده بالي ... بستعين بيك يارب مليش غيرك