#ଦେଶବିଦେଶ

[newso-in]

ପାଟନା: ବିହାରରେ ବିରୋଧୀ ଦଳର ନେତା ତେଜସ୍ୱୀ ଯାଦବ ସମ୍ପ୍ରତି ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଲଗାତାର ଟାର୍ଗେଟ କରୁଛନ୍ତି। ରାଜ୍ୟରେ ଘଟୁଥିବା ଅପରାଧ ସମ୍ପର୍କରେ ସେ ବିଜେପି-ଜେଡିୟୁ ସରକାର ଉପରେ ପ୍ରଶ୍ନ ଉଠାଉଛନ୍ତି। ସେ ରବିବାର ସୋସିଆଲ ମିଡିଆରେ ଏକ ପୋଷ୍ଟ କରି ନୀତୀଶ ସରକାରଙ୍କୁ କଡ଼ା ସମାଲୋଚନା କରିଛନ୍ତି। ତେଜସ୍ୱୀ ପୋଷ୍ଟ କରି ପଚାରିଛନ୍ତି, ଆପଣ ସିଏମ୍ ନୀତୀଶ କୁମାର ପ୍ରତିଦିନ ଶହ ଶହ ମୃତଦେହ ଉପରେ ପଡ଼ିଥିବା ଏବଂ ବିହାରରେ ବ୍ରିଜ୍ ଭୁଶୁଡ଼ି ପଡ଼ିଥିବା କଥା ଶୁଣୁଛନ୍ତି କି ? ତେଜସ୍ୱୀ ପୋଷ୍ଟ କରି ଲେଖିଛନ୍ତି ବିଜେପି ଦ୍ୱାରା ଶାସିତ ଡବଲ ଇଞ୍ଜିନ ସରକାରରେ ବିହାରରେ ଅପରାଧ ରେକର୍ଡ କରିଛି। ରାଜ୍ୟରେ ଜଙ୍ଗଲ ଆଇନ ରେକର୍ଡ କରିଛି। ଆପଣ ରେକର୍ଡ ଭାଙ୍ଗିଥିବା ଅପରାଧ, ଅନିୟନ୍ତ୍ରିତ ଦୁର୍ନୀତି ଏବଂ ସେତୁ ଭୁଶୁଡ଼ିବା ବିଷୟରେ କିଛି ଶୁଣୁଛନ୍ତି ନା ନାହିଁ। 𝐁𝐉𝐏 शासित डबल इंजन सरकार में बिहार में ट्रबलिंग क्राइम रिकॉर्ड! क्या आपने 𝐂𝐌 नीतीश कुमार को रिकॉर्डतोड़ अपराध, अनियंत्रित भ्रष्टाचार तथा बिहार में प्रतिदिन गिरती सैंकड़ों लाशों और ढहते पुलों पर बोलते सुना? सुनेंगे भी नहीं? आपके सूचनार्थ और ध्यानार्थ पेश है विगत 𝟑-𝟒 दिनों…— Tejashwi Yadav (@yadavtejashwi) August 18, 2024 ଏହା ସହିତ ସେ ଗତ ୩-୪ ଦିନ ମଧ୍ୟରେ ସାରା ରାଜ୍ୟରେ ଘଟିଥିବା ୭୧ ଘଟଣା ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ସେଥିମଧ୍ୟରୁ ସିୱାନରେ ବିଜେପି କର୍ମୀଙ୍କୁ ହତ୍ୟା କରାଯାଇଥିବା ଘଟଣା ରହିଛି। ବିଜେପି ନେତା ଅଜୟ ସାହାଙ୍କୁ ପାଟନାରେ ହତ୍ୟା କରାଯାଇଥିଲା। ସେହିପରି ସହରସାଠାରେ ଜେଡିୟୁ ନେତାଙ୍କୁ ଗୁଳି କରି ହତ୍ୟା କରାଯାଇଥିଲା। ପାଟନାରେ ଅପରାଧୀମାନେ ଘରେ ପଶି ୩୦ ଲକ୍ଷ ଟଙ୍କା ମୂଲ୍ୟର ଅଳଙ୍କାର ଲୁଟି ନେଇଥିଲେ, ପରେ ଆଇନଜୀବୀଙ୍କୁ ଗଳା କାଟି ହତ୍ୟା କରିଥିଲେ। ବେଗୁସରାଇରେ ସ୍ୱାମୀ ଏବଂ ପିଲାମାନଙ୍କର ଗଳା କାଟି ହତ୍ୟା କରାଯାଇଥିଲା। ନାଳନ୍ଦାରେ ୧୬ ଜଣ ଅପରାଧୀ ଜଣେ ଯୁବକଙ୍କୁ ଅପହରଣ କରିନେଇ ତାଙ୍କୁ ନିର୍ଦ୍ଦୟ ଭାବରେ ପିଟିଥିଲେ ଏବଂ ଆଖି ବାହାର କରି ତାଙ୍କୁ ଅତି ନିର୍ମମ ଭାବରେ ହତ୍ୟା କରିଥିଲେ। ବୈଶାଳୀରେ ପୂର୍ବତନ ବିଧାୟକଙ୍କ ପେଟ୍ରୋଲ ପମ୍ପରେ ଲୁଟ୍। ତେଜସ୍ୱୀ ଯାଦବ ଏହି ତାଲିକାରେ ପ୍ରାୟ ଏଭଳି ଘଟଣା ସମ୍ପର୍କରେ ଉଲ୍ଲେଖ କରିଛନ୍ତି।

[newso-in]

ସୁକମା – ଛତିଶଗଡ଼ ସୁକମା ଜିଲ୍ଲାରେ ଜଣେ ଦଶମ ଶ୍ରେଣୀ ଛାତ୍ରଙ୍କୁ ମାଓବାଦୀମାନେ ପିଟି ପଟି ହତ୍ୟା କରିଛନ୍ତି । ପୁଲିସ ସୂଚନାଦାତା ଅଭିଯୋଗରେ ସେମାନେ ଏହି ନାବାଳକକୁ ହତ୍ୟା କରିଛନ୍ତି । ଏହା ପୂର୍ବରୁ ସପ୍ତାହକ ତଳେ ନାବାଳକଙ୍କ ୧୯ ବର୍ଷିୟ ଭାଇଙ୍କୁ ମାଓବାଦୀମାନେ ହତ୍ୟା କରିଥିଲେ । ସ୍ଥାନୀୟ ଲୋକଙ୍କ ମନରେ ସେମାନଙ୍କ ପ୍ରତି ଭୟ ସୃଷ୍ଟି କରିବା ପାଇଁ ମାଓବାଦୀମାନେ ଏପରି କରିଛନ୍ତି । ଛତିଶଗଡର ପୂଭାର୍ତ୍ତୀ ଗାଁ ଏହି ଘଟଣା ଘଟିଛି । ୧୬ ବର୍ଷର ଦଶମ ଶ୍ରେଣୀ ଛାତ୍ର ସ୍ୱୟମ ଶଙ୍କରକୁ ମାଓବାଦୀମାନେ ହତ୍ୟା କରିଥିବା ସୁକମା ଏସ୍‌ପି ପ୍ରକାଶ କରିଛନ୍ତି । ଶଙ୍କର ଏବଂ ତାଙ୍କ ବଡ ଭାଇ , ସେମାନଙ୍କର ଭଉଣୀଙ୍କର ମୃତ୍ୟୁ ହେବାରୁ ଗାଁକୁ ଆସିଥିଲେ । ମାଓବାଦୀମାନେ ସେମାନଙ୍କୁ ପୁଲିସ ସୂଚନାଦାତା ସନ୍ଦେହ କରିଥିଲେ । ପ୍ରଥମେ ସପ୍ତାହକ ତଳେ ବଡ ଭାଇକୁ ହତ୍ୟା କରିଥିଲେ । ମାତ୍ର ତାଙ୍କ ପରିବାର ଲୋକ ଭୟରେ ପୁଲିସକୁ କିଛି କହି ନଥିଲେ । ପରେ ସେମାନେ ତାଙ୍କ ସାନ ଭାଇ ୧୬ ବର୍ଷିୟ ଶଙ୍କରକୁ ହତ୍ୟା କରିଛନ୍ତି । ତିନି ସନ୍ତାନଙ୍କୁ ହରାଇବା ପରେ ସେମାନଙ୍କ ବାପା ମାଆ ଭୟରେ କେଉଁ ଆଡେ ଚାଲିଯାଇଥିବା ପୁଲିସ କହିଛି ।

[newso-in]

ନୂଆଦିଲ୍ଲୀ: ଆସାମରେ ପ୍ରଳୟଙ୍କରୀ ବନ୍ୟା। ଚଳିତବର୍ଷ ଶୀଘ୍ର ମୌସୁମୀ ପ୍ରବେଶ କରିବାରୁ ଆସାମରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ବ୍ରହ୍ମପୁତ୍ର, ବରାକ, କୋପିଲି ଭଳି ପ୍ରମୂଖ ନଦୀରେ ବନ୍ୟା ଜଳ ଉଛୁଳୁଥିବାରୁ ଉତ୍ତରପୂର୍ବ ରାଜ୍ୟର  ପ୍ରାୟ ୧୮ ଜିଲ୍ଲାରେ ଭୟଙ୍କର ବନ୍ୟା ପରିସ୍ଥିତି ସୃଷ୍ଟି ହୋଇଛି। ଶନିବାର ସୁଦ୍ଧା ୩୦ ଜିଲ୍ଲାର ପ୍ରାୟ ୨୪ଲକ୍ଷରୁ ଅଧିକ ଲୋକ ଏଥିରେ ପ୍ରଭାବିତ ହୋଇଥିବା ସୂଚନା ମିଳିଛି। ୫୨ରୁ ଉର୍ଦ୍ଧ୍ବ ଲୋକଙ୍କର ମୃତ୍ୟୁ ଘଟିଛି। ସବୁଠାରୁ ଅଧିକ ପ୍ରଭାବିତ ହୋଇଛି ଧୁବ୍ରି। ଭାରତୀୟ ପାଣିପାଗ ବିଭାଗର ସୂଚନା ଅନୁଯାୟୀ ଆସାମରେ ସ୍ଵାଭାବିକଠାରୁ ୮୫ ପ୍ରତିଶତ ଅଧିକ ବର୍ଷା ହୋଇଛି। ୩୫୦୦ ଗାଁ ପ୍ରଭାବିତ ହୋଇଥିବାବେଳେ ୬୩ ହଜାରରୁ ଅଧିକ ଚାଷ ଜମି ଜଳମଗ୍ନ ହୋଇଛି। ସେପଟେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ଵଶର୍ମା ଘଟଣାସ୍ଥଳକୁ ଯାଇ ବିଭିନ୍ନ ଅଞ୍ଚଳ ପରିଦର୍ଶନ କରି ସ୍ଥିତି ଅନୁଧ୍ୟାନ କରିଥିବା ଜଣାପଡିଛି। ଆଇଏମଡିର ଆକଳନ ଅନୁଯାୟୀ ୬ ତାରିଖରୁ ୯ ତାରିଖ ପର୍ଯ୍ୟନ୍ତ ଆସାମ, ଅରୁଣାଞ୍ଚଳ ପ୍ରଦେଶ, ମେଘାଳୟ ଏବଂ ଆଖପାଖ ଅଞ୍ଚଳରେ ପ୍ରବଳ ବର୍ଷା ହେବାର ସମ୍ଭାବନା ରହିଛି।

[newso-in]

ପାଟନା: ବଲିଉଡ଼ ଅଭିନେତ୍ରୀ ନେହା ଶର୍ମା  ବିହାରରେ ଏକ ରୋଡ୍‌ ଶୋରେ ଭାଗ ନେଇଥିବା ଦେଖିବାକୁ ମିଳିଛି। ନେହା ତାଙ୍କ ପିତା ଅଜିତ ଶର୍ମାଙ୍କ ସମର୍ଥନରେ ରୋଡ୍‌ ଶୋ କରିଛନ୍ତି, ଯିଏ କି କଂଗ୍ରେସ ଟିକେଟରେ ଭାଗଲପୁର ଲୋକସଭା ଆସନରୁ ନିର୍ବାଚନ ଲଢୁଛନ୍ତି। ରାଜନୀତିରେ ପ୍ରବେଶ କରିବାର ଚର୍ଚ୍ଚା ମଧ୍ୟରେ ନେହା ସ୍ପଷ୍ଟ କରିଛନ୍ତି ଯେ, ସେ କେବଳ ତାଙ୍କ ପିତାଙ୍କ ପାଇଁ ପ୍ରଚାର କରୁଛନ୍ତି। ନେହା ଶର୍ମା ଇନଷ୍ଟାଗ୍ରାମରେ ବାଙ୍କା, କିଶନଗଞ୍ଜ, କଟିହର ଏବଂ ପୂର୍ଣ୍ଣିୟା ସମେତ ବିହାରର ବିଭିନ୍ନ ଜିଲାରେ ନିଜ ଯାତ୍ରାର ଏକ ଭିଡିଓ ଶେୟାର କରିଛନ୍ତି। ସେ ପାରମ୍ପରିକ ସାଲୱାର କମିଜ୍‌ ପିନ୍ଧିଥିଲେ ଏବଂ ଜନସାଧାରଣଙ୍କୁ ଅଭିବାଦନ ଜଣାଇବା ସହ ସେମାନଙ୍କୁ ଭୋଟ୍ ଦେବାକୁ ଉତ୍ସାହିତ କରୁଥିବା ଦେଖାବାକୁ ମିଳିଛି। ରୋଡ୍ ଶୋ ସମୟରେ ଅଭିନେତ୍ରୀଙ୍କୁ ପେରପୈନ୍ତି ଏବଂ କହଲଗାଓଁରେ ବହୁ ସଂଖ୍ୟକ ଲୋକ ତାଙ୍କୁ ସ୍ୱାଗତ କରିଥିଲେ। ଅନ୍ୟ ଏକ ଭିଡିଓରେ ଅଭିନେତ୍ରୀ ଭାଗଲପୁରରେ ତାଙ୍କ ପିତାଙ୍କ ନିର୍ବାଚନ ପ୍ରଚାରରେ ସକ୍ରିୟ ଭାବେ ଅଂଶଗ୍ରହଣ କରିଥିବା ଦେଖାଯାଇଛି।

[newso-in]

ଇମ୍ଫାଲ: ଲୋକସଭା ନିର୍ବାଚନ ପାଇଁ ମଣିପୁରରେ ସୋମବାର ସାନି ମତଦାନ ଆରମ୍ଭ ହୋଇଛି। ଗତ ୧୯ ତାରିଖରେ ଭୋଟଗ୍ରହଣ ସମୟରେ କେତେକ ନିର୍ବାଚନମଣ୍ଡଳୀରେ ହିଂସା ଦେଖିବାକୁ ମିଳିଥିଲା। ଇଭିଏମ ଟ୍ୟାମ୍ପରିଂ ଅଭିଯୋଗରେ ଅନେକ ବୁଥରେ ସଂଘର୍ଷ ହେବା ସାଙ୍ଗକୁ ଗୁଳିମାଡ଼ ମଧ୍ୟ ହୋଇଥିଲା। ଖୁରେଇ ନିର୍ବାଚନମଣ୍ଡଳୀର ମୋଇରାଙ୍ଗକାମ୍ପୁ ସାଜେବ ଓ ଥୋଙ୍ଗମ ଲେକାଇ, କ୍ଷେତ୍ରିଗାଓରେ ୪ଟି ବୁଥ, ପୂର୍ବ ଇମ୍ଫାଲ ଜିଲାର ଗୋଟିଏ ବୁଥ, ଉରିପକ୍‌ର ୩ଟି ବୁଥ୍‌ ଏବଂ ପଶ୍ଚିମ ଇମ୍ଫାଲ ଜିଲାର ଗୋଟିଏ ବୁଥରେ ଏହି ସାନି ମତଦାନ ପ୍ରକ୍ରିୟା ଜାରି ରହିଛି। ଏସବୁ ବୁଥ୍‌ରେ ଗତ ୧୯ ତାରିଖରେ ଭୋଟ ବେଳେ ହିଂସା ଦେଖିବାକୁ ମିଳିଥିଲା। ତେଣୁ ଏଠାରେ ପୁଣି ଥରେ ଭୋଟଗ୍ରହଣ ବ୍ୟବସ୍ଥା କରିବାକୁ ନିର୍ବାଚନ ଆୟୋଗ ମଣିପୁର ମୁଖ୍ୟ ନିର୍ବାଚନ ଅଧିକାରୀଙ୍କୁ ନିର୍ଦେଶ ଦେଇଥିଲେ। ସୂଚନାଯୋଗ୍ୟ, ଗତ ଶୁକ୍ରବାର ଚଳିତ ଲୋକସଭା ନିର୍ବାଚନର ପ୍ରଥମ ପର୍ଯ୍ୟାୟ ଭୋଟଗ୍ରହଣ ଅନୁଷ୍ଠିତ ହୋଇଥିଲା। ଏହି ଦିନ ମଣିପୁରର ୧୧ ବୁଥରେ ଇଭିଏମ ଭଙ୍ଗାରୁଜା ହେବା ସହିତ ବୁଥ୍‌ କ୍ୟାପ୍‌ଚରିଂ ଘଟଣା ସାମ୍ନାକୁ ଆସିଥିଲା। ଏପରି କି ଗଣ୍ଡଗୋଳକାରୀମାନେ ଗୁଳିମାଡ଼ କରି ଭୋଟରଙ୍କୁ ଭୟଭୀତ କରାଇଥିଲେ।

[newso-in]

ଡେସ୍କ: ମଦ ନୀତି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ୱାରା ଗିରଫ ହୋଇଥିବା ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ନେତା ଅରବିନ୍ଦ କେଜ୍ରିଓ୍ଵାଲଙ୍କ ଆବେଦନର ଶୁଣାଣି ସୋମବାର ସୁପ୍ରିମକୋର୍ଟରେ ହେବ। ଜଷ୍ଟିସ ସଞ୍ଜୀବ ଖାନ୍ନା ଏବଂ ଜଷ୍ଟିସ ଦୀପଙ୍କର ଦତ୍ତଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରିବେ। ଚଳିତ ମାସ ୯ ତାରିଖରେ ଦିଲ୍ଲୀ ହାଇକୋର୍ଟ ଆପ୍ ନେତାଙ୍କ ଗିରଫଦାରୀକୁ ଚ୍ୟାଲେଞ୍ଜ କରିଥିବା ଆବେଦନକୁ ଖାରଜ କରିଦେଇଥିଲେ। ଆବେଦନ ଖାରଜ କରି ଦିଲ୍ଲୀ ହାଇକୋର୍ଟ କହିଛନ୍ତି ଯେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପାଖରେ ପର୍ଯ୍ୟାପ୍ତ ପ୍ରମାଣ ଥିବାରୁ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଗିରଫ କରାଯାଇଥିଲା। ଦିଲ୍ଲୀ ଅବକାରୀ ନୀତି ଦୁର୍ନୀତି ସହ ଜଡିତ ଅର୍ଥ ଠକେଇ ମାମଲାରେ ଆପ୍ ନେତାଙ୍କୁ ଇଡି ମାର୍ଚ୍ଚ ୨୧ ତାରିଖରେ ଗିରଫ କରିଥିଲା। ଏପ୍ରିଲ ପହିଲାରେ କୋର୍ଟ ଏହି ମାମଲାରେ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଚଳିତ ମାସ ୧୫ ତାରିଖ ପର୍ଯ୍ୟନ୍ତ ବିଚାର ବିଭାଗୀୟ ହାଜତକୁ ପଠାଇ ଦେଇଥିଲେ।

[newso-in]

ନୂଆଦିଲ୍ଲୀ: ଏଲନ୍ ମସ୍କଙ୍କ ସୋସିଆଲ୍ ମିଡିଆ କମ୍ପାନି ଏକ୍ସ କୃଷକଙ୍କ ଆନ୍ଦୋଳନ ସହ ଜଡିତ ଅନେକ ଆକାଉଣ୍ଟ୍ ଏବଂ ଫ୍ୟାନ୍ ପେଜକୁ ଅଚଳ କରିଛି। ଅଚଳ ହୋଇଥିବା ଆକାଉଣ୍ଟଗୁଡିକ ମଧ୍ୟରେ ବହୁ ବିଶିଷ୍ଟ କୃଷକ ନେତା ଏବଂ ସେମାନଙ୍କ ସମର୍ଥକଙ୍କ ଆକାଉଣ୍ଟ ମଧ୍ୟ ଅଛି। ଭାରତ ସରକାର କୃଷକଙ୍କ ଆନ୍ଦୋଳନ ସହ ଜଡିତ ଆକାଉଣ୍ଟ ଏବଂ ପୋଷ୍ଟକୁ ଅଚଳ ରଖିବାକୁ ନିର୍ଦ୍ଦେଶ ଦେବା ପରେ ଏକ୍ସ ଏଭଳି କରିଥିବା ସ୍ପଷ୍ଟ କରିଛି। ଏକ୍ସ ପକ୍ଷରୁ କୁହାଯାଇଛି ଯେ, “ଭାର��� ସରକାରଙ୍କ ନିର୍ଦ୍ଦେଶ ଅନୁଯାୟୀ କମ୍ପାନି କୃଷକଙ୍କ ଆନ୍ଦୋଳନ ସହ ଜଡିତ ଆକାଉଣ୍ଟ ଏବଂ ପୋଷ୍ଟଗୁଡ଼ିକୁ କେବଳ ଭାରତରେ ଅବରୋଧ କରିଛି। ଏଭଳି କାମକୁ ଆମେ ସମର୍ଥନ କରୁନାହୁଁ। କିନ୍ତୁ ଭାରତ ସରକାରଙ୍କ ନିର୍ଦ୍ଦେଶ ପାଇଁ ଆମକୁ ଏଭଳି କରିବାକୁ ପଡ଼ିଛି। ଅଚଳ ହୋଇଥିବା ଆକଉଣ୍ଟଧାରୀଙ୍କ ପାଖକୁ ଆମେ ଆମ ପଲିସି ବିଷୟରେ ଜଣାଇ ଏଭଳି କାହିଁକି କରାଯାଇଛି, ତାହା ଜଣାଇ ଦେଇଛୁ।” ଉଲ୍ଲେଖଯୋଗ୍ୟ, ଗୃହ ମନ୍ତ୍ରାଳୟର ଅନୁରୋଧ କ୍ରମେ ଶାନ୍ତି ବଜାୟ ରଖିବା ପାଇଁ ୧୭୭ସୋସିଆଲ ମିଡିଆ ଆକାଉଣ୍ଟ ଏବଂ ୱେବ ଲିଙ୍କକୁ ସାମୟିକ ଭାବେ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିଲା। ଫେସବୁକ୍, ଇନଷ୍ଟାଗ୍ରାମ, ଟ୍ୱିଟର, ସ୍ନାପଚାଟ ଏବଂ ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟଫର୍ମର ଆକାଉଣ୍ଟ ଏବଂ ଲିଙ୍କକୁ ବ୍ଲକ କରିବା ପାଇଁ କେନ୍ଦ୍ର ସରକାର ନିର୍ଦ୍ଦେଶ ଜାରି କରିଥିଲେ।

[newso-in]

ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ କଂଗ୍ରେସକୁ ଝଟକା ଦେଇପାରନ୍ତି ଦଳର ବରିଷ୍ଠ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥ। ସେ ବିଜେପିରେ ଯୋଗ ଦେଇପାରନ୍ତି ବୋଲି ଚର୍ଚ୍ଚା ଚାଲିଛି। ଏହାରି ଭିତରେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଦିଗବିଜୟ ସିଂ କହିଛନ୍ତି ଯେ କମଲନାଥ କଂଗ୍ରେସ ଛାଡି ବିଜେପିରେ ଯୋଗଦେବା ନେଇ କଳ୍ପନାଜଳ୍ପନା କରାଯାଉଛି | ମୁଁ ତାଙ୍କ ସହ ନିରନ୍ତର କଥାବାର୍ତ୍ତା କରୁଛି। ସେ କଂଗ୍ରେସ ନେତୃତ୍ୱଙ୍କ ସହ ମଧ୍ୟ କଥାବାର୍ତ୍ତା କରୁଛନ୍ତି। ଦିଗବିଜୟ ସିଂ ଆହୁରି ମଧ୍ୟ ଦାବି କରିଛନ୍ତି ଯେ କମଲନାଥଙ୍କ ପରି ଜଣେ ବ୍ୟକ୍ତି (ଯାହାକୁ ଆମେ ଇନ୍ଦିରା ଗାନ୍ଧୀଙ୍କ ତୃତୀୟ ପୁତ୍ର ବୋଲି କହୁ) ସର୍ବଦା କଂଗ୍ରେସକୁ ସମର୍ଥନ କରିଆସୁଛନ୍ତି। ଦଳ ତାଙ୍କୁ ସମସ୍ତ ପଦପଦବୀ ଦେଇଥିଲା। ମୁଁ ଭାବୁନାହିଁ ସେ ଦଳ ଛାଡିବେ। ସେ ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି), ଇନକମ ଟ୍ୟାକ୍ସ (ଆଇଟି), ସେଣ୍ଟ୍ରାଲ ଇନଭେଷ୍ଟିଗେସନ୍ ବ୍ୟୁରୋ (ସିବିଆଇ) ଙ୍କ ଚାପରେ ମଧ୍ୟ ଅଛନ୍ତି କିନ୍ତୁ ତାଙ୍କ ଚରିତ୍ର ଚାପରେ ଆସିବ ନାହିଁ। କମଲନାଥ ଆଜି ବିଜେପିର ବରିଷ୍ଠ ନେତାଙ୍କୁ ଭେଟି ପାରନ୍ତି ବୋଲି କଳ୍ପନାଜଳ୍ପନା ଚାଲିଛି। ଏହି ସମୟରେ କଂଗ୍ରେସ ବିଧାୟକ ଏବଂ ଅନ୍ୟ ନେତାମାନେ ମଧ୍ୟ ଦିଲ୍ଲୀରେ ପହଞ୍ଚିବେ ବୋଲି ଆଶା କରାଯାଉଛି। ସୂଚନାଯୋଗ୍ୟ ଯେ କମଲ ନାଥଙ୍କ ନେତୃତ୍ୱରେ କଂଗ୍ରେସ ୨୦୨୩ ବିଧାନସଭା ନିର୍ବାଚନ ଲଢ଼ିଥିଲେ । ଆଲୋଚନା ହେଉଛି ଯେ କମଲନାଥଙ୍କ ସହ ୨୨ରୁ ଅଧିକ ବିଧାୟକ ବିଜେପିରେ ଯୋଗଦେଇପାରନ୍ତି । ସଂଖ୍ୟା ୨୨ ରୁ ଅଧିକ ହେଲେ ଦଲବଦଳ ଆଇନ ଲାଗୁ ହେବ ନାହିଁ |

[newso-in]

ନୂଆଦିଲ୍ଲୀ: ପ୍ରାୟ ୨୦୦ କୃଷକ ସଂଗଠନ ସର୍ବନିମ୍ନ ସହାୟକ ମୂଲ୍ୟ (ଏମ୍‌ଏସ୍‌ପି) ନିଶ୍ଚିତ କରୁଥିବା ଆଇନ ଲାଗୁ କରାଯିବା ଓ ଅନ୍ୟ ଦାବି ନେଇ କେନ୍ଦ୍ର ସରକାର ବିରୋଧରେ ରଣହୁଙ୍କାର ଦେଇଛନ୍ତି। ଫେବ୍ରୁଆରି ୧୩, ୨୦୨୪ରେ ‘ଦିଲ୍ଲୀ ଚଲୋ’ ପଦଯାତ୍ରା ଘୋଷଣା ହୋଇଥିବାରୁ ଏହାର ମୁକାବିଲା ପାଇଁ ପ୍ରଶାସନ ବ୍ୟାପକ ପ୍ରସ୍ତୁତି କରିଛି। ଚାଷୀ ବିକ୍ଷୋଭକୁ ଦୃଷ୍ଟିରେ ରଖି ଦିଲ୍ଲୀ-ୟୁପି ସୀମା ଏବଂ ଆଖପାଖ ଅଞ୍ଚଳରେ ୧୪୪ ଧାରା ଜାରି କରାଯାଇଛି । ଏହା ସହିତ ପଞ୍ଜାବ-ହରିଆଣା ସୀମା ସିଲ୍‌ କରାଯାଇଛି । ବଶେଷ କରି ଉତ୍ତରପ୍ରଦେଶ, ହରିଆଣା ଏବଂ ପଞ୍ଜାବର କୃଷକ ସଙ୍ଗଠନମାନେ ଫେବ୍ରୁଆରି ୧୩ ତାରିଖରେ ନୂଆଦିଲ୍ଲୀରେ ଏହି ପଦଯାତ୍ରା ପାଇଁ ଆହ୍ବାନ କରିଛନ୍ତି। ଆଜି କେନ୍ଦ୍ର ସହ କୃଷକମାନଙ୍କର ଏ ସଂକ୍ରାନ୍ତରେ ଆଲୋଚନା ହେବ। ଗଣମାଧ୍ୟମରେ ସୂଚନା ଦେଇ କେନ୍ଦ୍ର କୃଷି ମନ୍ତ୍ରୀ ଅର୍���ୁନ ମୁଣ୍ଡା କହିଛନ୍ତି, ‘‘ପ୍ରଥମ ରାଉଣ୍ଡ୍‌ ଆଲୋଚନା ହୋଇସାରିଛି। ଏକ ଭଲ ଆଲୋଚନା ‌ହୋଇଛି। ଆଗକୁ ହେବାକୁ ଥିବା ଆଲୋଚନାରେ ସମାଧାନର ବାଟ ଫିଟିବ।’’ ଚାଷୀଙ୍କ ପ୍ରମୁଖ ଦାବି ଫସଲ ପାଇଁ ସର୍ବନିମ୍ନ ସହାୟକ ମୂଲ୍ୟ (ଏମ୍ଏସ୍‌ପି) ପାଇଁ ଆଇନଗତ ଗ୍ୟାରେଣ୍ଟି ସ୍ବାମୀନାଥନ କମିସନଙ୍କ ସୁପାରିସ କାର୍ଯ୍ୟକାରୀ କରିବା କୃଷକ ଓ କୃଷି ଶ୍ରମିକଙ୍କୁ ପେନସନ, କୃଷି ଋଣ ଛାଡ଼ ଚାଷୀଙ୍କ ବିରୋଧରେ ପୁଲିସ ମାମଲା ପ୍ରତ୍ୟାହାର ଏବଂ ନିର୍ଦ୍ଦିଷ୍ଟ ଘଟଣାର ପୀଡ଼ିତଙ୍କୁ ନ୍ୟାୟ ପ୍ରଦାନ ଧାନ, ଗହମ ଏବଂ ଆଖୁ ବ୍ୟତୀତ ଅନ୍ୟ ଫସଲ ପାଇଁ ଚାଷୀମାନେ ସମ୍ମୁଖୀନ ହେଉଥିବା ଉତ୍ପାଦନ ବିପଦକୁ ହ୍ରାସ କରିବା

[newso-in]

ଋଷ-ୟୁକ୍ରେନ ଏବଂ ଇସ୍ରାଏଲ-ହାମାସ ମଧ୍ୟରେ ଚାଲିଥିବା ଯୁଦ୍ଧ ଏପର୍ଯ୍ୟନ୍ତ ଶେଷ ହୋଇନାହିଁ । ଏପଟେ ଆମେରିକା ମଧ୍ୟ ଯୁଦ୍ଧ ଆରମ୍ଭ କରିଦେଇଛି । ସେ ଇରାନଠୁ ପ୍ରତିଶୋଧ ନେବା ଆରମ୍ଭ କରିଛି । ଏହି ଯୁଦ୍ଧ ମଧ୍ୟ ଦୀର୍ଘ ସମୟ ପର୍ଯ୍ୟନ୍ତ ଚାଲିପାରେ ବୋଲି ଆଶଙ୍କା କରାଯାଉଛି । ଆମେରିକାର ରାଷ୍ଟ୍ରପତି ଜୋ ବିଡେନ ଇରାକ ଏବଂ ସିରିଆର ଆତଙ୍କବାଦୀ ଗୋଷ୍ଠୀକୁ ଦୃଢ଼ ଚେତାବନୀ ଦେଇଛନ୍ତି । ଏହି ଗୋଷ୍ଠୀଗୁଡିକ ଆମେରିକା ସେନା ଉପରେ ଆକ୍ରମଣ କରୁଥିବା କହିଛନ୍ତି ଆମେରିକା ରାଷ୍ଟ୍ରପତି । ଆଉ ଏହି ସବୁ ଭିତରେ ନିଜ ସେନା ଉପରେ ଆକ୍ରମଣ ପରେ ରକ୍ତମୁଖା ହୋଇ ଉଠିଛି ଆମେରିକା । ସିରିଆ ଓ ଇରାକ ସମର୍ଥୀତ ଆତଙ୍କୀ ସଗଂଠନ ମିଲିସିଆ ଏବଂ ଇରାନୀ ରିଭିଲ୍ୟୁସନାରୀ ଗାର୍ଡର ଉପରେ ଅତର୍କିତ ଆକ୍ରମଣ କରିଛି ଆମେରିକା ସେନା । ୮୫ ଟି ଠିକଣା ଉପରେ ମିସାଇଲ ଓ ଡ୍ରୋନ ଆକ୍ରମଣ କରି କଡ଼ା ଜବାବ ଦିଆଯାଇଛି । ଆମେରିକା କୌଣସି ପ୍ରକାର ସଂଘର୍ଷ ଚାହେଁନି । କିନ୍ତୁ ଦେଶ ଉପରେ ଯିଏ ଆକ୍ରମଣ କରିବ ତାକୁ କଡ଼ା ଜବାବ ଦିଆଯିବ ବୋଲି ଜୋ ବାଇଡେନ କହିଛନ୍ତି ।

[newso-in]

ମୁମ୍ବାଇ: ବିଜେପି ବିଧାୟକଙ୍କ ଗୁଳିମାଡ଼ରେ ଏକନାଥ ସିନ୍ଦେ ନେତୃତ୍ବାଧୀନ ଶିବସେନା ନେତା ଗୁରୁତର । ଜମି ବିବାଦକୁ ନେଇ ମୁମ୍ବାଇ ନିକଟରେ ଘଟିଛି ରକ୍ତାକ୍ତ ପରିଣତି । ବିଧାୟକ ଗଣପତ ଗାଏକଓ୍ବାଡଙ୍କ ଗୁଳିରେ ଆହତ ହୋଇଛନ୍ତି ଶିବସେନା ନେତା ମହେଶ ଗାଏକଓ୍ବାଡ । ଖୋଦ୍ ପୋଲିସ ଷ୍ଟେସନରେ ଘଟିଛି ଏହି ଅଭାବନୀୟ କାଣ୍ଡ । ଘଟଣା ପରେ ବିଜେପି ନେତା ଗଣପତି ଗାଏକଓ୍ବାଡଙ୍କୁ ଗିରଫ କରିଛି ପୋଲିସ । ଉଭୟ ବିଜେପି ଓ ଏକନାଥ ସିନ୍ଦେ ନେତୃତ୍ବାଧୀନ ଶିବସେନା ମେଣ୍ଟ ସରକାରରେ ଥିବା ସତ୍ତ୍ବେ ଏହି ଗୁଳିମାଡ ଘଟଣା ଚର୍ଚ୍ଚାର କାରଣ ହୋଇଛି । କଲ୍ୟାଣ ଇଷ୍ଟ ନିର୍ବାଚନ ମଣ୍ଡଳୀରୁ ବର୍ତ୍ତମାନ ବିଧାୟକ ଅଛନ୍ତି ଗଣପତ । ଏହି ଘଟଣାରେ ୨ ଜଣ ଆହତ ହୋଇଛନ୍ତି ବୋଲି କହିଛନ୍ତି ଡିସିପି ସୁଧାକର ପଥାରେ । ଜମି ବିବାଦ ଘନୀଭୂତ ହେବା ପରେ ଉଭୟ ପକ୍ଷ ମୁମ୍ବାଇ ନିକଟସ୍ଥ ହିଲ୍ ଲାଇନ ପୋଲିସ ଷ୍ଟେସନକୁ ଆସିଥିଲେ । ତେବେ ଥାନା ପରିସରରେ ଉଭୟ ପକ୍ଷଙ୍କ ମଧ୍ୟରେ କଥା କଟାକଟି ହୋଇଥିଲା । ଉତ୍ତେଜିତ ହୋଇ ମହେଶଙ୍କ ଉପରକୁ ଗୁଳି ଚଳାଇଥିଲେ ଗଣପତ । ଗୁଳିମାଡରେ ଆହତ ମହେଶ ଓ ତାଙ୍କର ଜଣେ ସହଯୋଗୀପଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ମହେଶଙ୍କ ଦେହରୁ ୫ଟି ଗୁଳି ବାହାର କରାଯାଇଥିବା ସୂଚନା ମିଳିଛି । ଗଣପତ କହିଛନ୍ତି ତାଙ୍କର ଏକ ଜମିକୁ ମହେଶ ଜବରଦଖଲ କରିଥିଲେ । ଥାନା ପରିସରରେ ଗଣ୍ଡଗୋଳ ହେବାରୁ ସେ ଆତ୍ମରକ୍ଷା ଲାଗି ଗୁଳିଚାଳନା କରିଥିଲେ । ସେପଟେ ଆଇନ ଶୃଙ୍ଖଳା ପରିସ୍ଥିତି ନେଇ ରାଜ୍ଯ ସରକାରଙ୍କ ଉପରେ ବର୍ଷିଛି ଉଦ୍ଧବ ଠାକରେ ନେତୃତ୍ବାଧୀନ ଶିବସେନା ।

[newso-in]

ମୁମ୍ବାଇ: ଶିବସେନା ବିଧାୟକଙ୍କ ଅଯୋଗ୍ୟତା ଆବେଦନ ଉପରେ ବିଧାନସଭା ବାଚସ୍ପତି ରାହୁଲ ନାର୍ବେକର ବୁଧବାର ସିନ୍ଦେ ଗୋଷ୍ଠୀ ସପକ୍ଷରେ ରାୟ ଶୁଣାଇଥିବା ବେଳେ ଏହି ରାୟର ପ୍ରଭାବ ମହାରାଷ୍ଟ୍ରର ରାଜନୈତିକ ଦୃଶ୍ୟପଟ ଉପରେ କ’ଣ ପଡ଼ିବ ତାହାକୁ ନେଇ କଳ୍ପନାଜଳ୍ପନା ଜୋର ଧରିଛି। ବିଜେପିର କିଛି ବରିଷ୍ଠ ନେତା ଦାବି କରିଛନ୍ତି ଯେ, ୧୫-୨୦ ଦିନ ମଧ୍ୟରେ କଂଗ୍ରେସର ଅନେକ ବିଧାୟକ ବିଜେପିକୁ ଯିବାକୁ ଅପେକ୍ଷା କରିଛନ୍ତି। ସେମାନଙ୍କ ମଧ୍ୟରେ ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଚୌହ୍ୱାନ ଏବଂ ବିଧାନସଭାରେ ବିରୋଧୀ ଦଳ ନେତା ବିଜୟ ୱାଡେଟ୍ଟିବର ଥିବା କୁହାଯଉଛି। ଶରଦ ପାୱାରଙ୍କ ନେତୃତ୍ୱାଧୀନ ଏନ୍‌ସିପିରେ ଥିବା ଜୟନ୍ତ ପାଟିଲଙ୍କ ନାମ ମଧ୍ୟ ରହିଛି। ତେବେ ସମସ୍ତେ ଏହି ଖବରକୁ ଦୃଢ଼ ଭାବେ ଖଣ୍ଡନ କରିଛନ୍ତି ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ଘନିଷ୍ଠ କୁହାଯାଉଥିବା ବିଜେପି ମନ୍ତ୍ରୀ ଗିରିଶ ମହାଜନ। ପ୍ରଥମେ ଜାନୁଆରି ୬ ତାରିଖରେ ନାସିକରେ ‘ରାଜନୈତିକ ଭୂମିକମ୍ପ’ ବିଷୟରେ କହିଥିଲେ। ପରଦିନ ରାଜ୍ୟ ବିଜେପି ସଭାପତି ଚନ୍ଦ୍ରଶେଖର ବାୱନକୁଲେ ପୁଣେରେ ଦଳୀୟ ବୈଠକରେ ସମାନ ଭବିଷ୍ୟବାଣୀ କରିଥିଲେ। ବିଜେପିରେ ଯୋଗ ଦେବା ପାଇଁ ଅନ୍ୟ ରାଜନୈତିକ ଦଳର ସଦସ୍ୟଙ୍କ ଲମ୍ବା ଧାଡ଼ି ଲାଗିଛି ବୋଲି ବାୱନକୁଲେ କହିଛନ୍ତି। ମିଳିଥିବା ସୂଚନା ଅନୁଯାୟୀ, ଅନେକ ଲୋକ ଅଛନ୍ତି ଯେଉଁମାନେ ଲୋକସଭା କିମ୍ବା ବିଧାନସଭା ନିର୍ବାଚନ ଲଢ଼ିବା ପାଇଁ ଟିକେଟ୍ ନିଶ୍ଚିତ ହେଲେ ବିଜେପି ଏବଂ ଏହାର ସହଯୋଗୀ ଦଳରେ ଯୋଗ ଦେବାକୁ ଅପେକ୍ଷା କରିଛନ୍ତି। ସେମାନେ ଦଳ ଛାଡ଼ିବେ ବୋଲି କେହି ଘୋଷଣା କରୁନାହାନ୍ତି। ସେମାନେ ଦଳ ପରିବର୍ତ୍ତନ କରିବା ପରେ ହିଁ ଏ ବିଷୟରେ ଘୋଷଣା କରିବେ। ତେବେ ବିଜେପି ନିଜର କୌଣସି ସହଯୋଗୀ ଦଳକୁ ଲୋକସଭା ଆସନ ପ୍ରଦାନ କରିବାର ସମ୍ଭାବନା ନାହିଁ, ଯଦି ସେମାନେ ଦଳର କେନ୍ଦ୍ରୀୟ ନେତୃତ୍ୱଙ୍କୁ ସେହି ଆସନରେ ଜିତିବା ପାଇଁ ସେମାନଙ୍କ ପ୍ରାର୍ଥୀଙ୍କ ଦକ୍ଷତା ବିଷୟରେ ବୁଝାଇବାରେ ସକ୍ଷମ ନ ହୁଅନ୍ତି। ଏହା ପୂର୍ବରୁ ବାୱନକୁଲେ କହିଥିଲେ ଯେ ବିଜେପି ୫୧% ଭୋଟ୍ ସହ ୪୫ଟି ଆସନ ପାଇଁ ଲକ୍ଷ୍ୟ ରଖିଛି। ୨୦୧୯ ଲୋକସଭା ନିର୍ବାଚନରେ ବିଜେପିର ଭୋଟ୍ ପ୍ରତିଶତ ୨୭.୮୪% ଥିଲା ଏବଂ ଏହାର ପୂର୍ବ ସହଯୋଗୀ ଅବିଭକ୍ତ ଶିବସେନାର ଭୋଟ୍ ପ୍ରତିଶତ ଥିଲା ୨୩.୫%। ଅବିଭକ୍ତ ଏନ୍‌ସିପିକୁ ୧୫.୬୬% ଓ କଂଗ୍ରେସକୁ ୧୬.୪୧% ଭୋଟ୍ ମିଳିଥିଲା।

[newso-in]

ୱାଶିଂଟନ୍‌: ଆମେରିକାର ଲସ୍ ଭେଗାସ୍‌ସ୍ଥିତ ଅଦାଲତରେ ଶୁଣାଣି ସମୟରେ ଜଣେ ଅଭିଯୁକ୍ତ ମହିଳା ବିଚାରପତିଙ୍କ ଉପରେ ଆକ୍ରମଣ କରିଛି। ଅଭିଯୁକ୍ତ ଜଣକ ହଠାତ୍ ଟେବୁଲରୁ ଉପରକୁ ଡେଇଁପଡି ମହିଳା ବିଚାରପତିଙ୍କୁ ଆକ୍ରମଣ କରି ତାଙ୍କୁ ମାଡ ମାରିଥିଲା। ସବୁକିଛି ଏତେ ଶୀଘ୍ର ଘଟିଥିଲା ଯେ କୋର୍ଟରେ ଉପସ୍ଥିତ ସୁରକ୍ଷାକର୍ମୀ ଏବଂ ଅନ୍ୟ ଲୋକମାନେ ମହିଳା ବିଚାରପତିଙ୍କୁ ରକ୍ଷା କରିପାରିଲେ ନାହିଁ। କୌଣସି ପ୍ରକାରେ ସୁରକ୍ଷାକର୍ମୀ ଅଭିଯୁକ୍ତକୁ କାବୁ କରିଥିଲେ ଏବଂ ପରବର୍ତ୍ତୀ ସମରେ ତାକୁ ଜେଲକୁ ପଠାଇ ଦିଆଯାଇଛି। ସମ୍ପୂର୍ଣ୍ଣ ଘଟଣା କୋର୍ଟରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି। କୋର୍ଟରେ ଜଜ୍‌ଙ୍କ ଉପରେ ଆକ୍ରମଣ#lasvegas #lasvegasjudge #felonattackedjudge #LasVegasjudge pic.twitter.com/ayGh2zD4HN— Newso (@newso_india) January 4, 2024 ଏହି ଘଟଣା ଲସ୍ ଭେଗାସର ରିଜନାଲ୍‌ ଜଷ୍ଟିସ୍‌ ସେଣ୍ଟରରେ ଘଟିଛି। ବୁଧବାର ଲସ୍‌ ଭେଗାସ୍‌ ନିବାସୀ ଅଭିଯୁକ୍ତ ଡିୟୋବ୍ରା ଡେଲୋନ ରେଡ୍ଡେନ୍‌(୩୦)କୁ ଏକ ମାମଲାର ଶୁଣାଣି ପାଇଁ ଅଦାଲତରେ ହାଜର କରାଯାଇଥିଲା। କ୍ଲାର୍କ କାଉଣ୍ଟି ଜିଲ୍ଲା ଜଜ୍ ମ୍ୟାରୀ ମାମଲାର ଶୁଣାଣି କରୁଥିଲେ। ବିଚାରପତି ଅଭିଯୁକ୍ତ ଡିୟୋବ୍ରାକୁ ଦୋଷୀ ସାବ୍ୟସ୍ତ କରି ଜେଲ୍‌ ପଠାଇବାକୁ ନିର୍ଦ୍ଦେଶ ଦେଇଥିଲେ। ଏହି କାରଣରୁ ଅଭିଯୁକ୍ତ ଡିୟୋବ୍ରା ଏତେ ରାଗି ଯାଇଥିଲା ଯେ, ସେ ହଠାତ୍ ମହିଳା ବିଚାରପତିଙ୍କ ଚୌକି ଉପରକୁ ଡେଇଁ ତାଙ୍କୁ ଅତର୍କିତ ଆକ୍ରମଣ କରିଥିଲା।

[newso-in]

ତେହରାନ, : ଇରାନର କେରମାନ ସହରରେ ଆତଙ୍କବାଦୀଙ୍କ ବୋମା ବିସ୍ଫୋରଣରେ ବୁଧବାର ଶତାଧିକ ଲୋକଙ୍କ ମୃତ୍ୟୁ ଘଟିଥିବାବେଳେ ଅନେକ ଆହତ ହୋଇଛନ୍ତି। ଇରାନର ଦିବଂଗତ ସାମରିକ ନେତା ମେଜର ଜେନେରାଲ କାସିମ୍ ସୁଲେମାନିଙ୍କ ଶ୍ରଦ୍ଧାଞ୍ଜଳି ସଭା ନିମନ୍ତେ ସାଧାରଣ ଲୋକେ ଏକାଠି ହୋଇଥିବାବେଳେ ସେଠାରେ ବିସ୍ଫୋରଣ ହୋଇଥିଲା। ଗଣମାଧ୍ୟମ ରିପୋର୍ଟ ମୁତାବକ ଲୋକଙ୍କ ଭିଡ ମଧ୍ୟରେ ଅଳ୍ପ ସମୟର ବ୍ୟବଧାନରେ ଦୁଇଟି ବିସ୍ଫୋରଣ ଘଟିଥିଲା। ସୁଲେମାନି ୨୦୨୦ରେ ଇରାକର ବାଗଦାଦରେ ଆମେରିକାର ​‌େ​‌ଡ୍ରାନ ଆକ୍ରମଣରେ ପ୍ରାଣ ହରାଇଥିଲେ। ସୁଲେମାନିଙ୍କ ୪ର୍ଥ ଶ୍ରାଦ୍ଧ ଦିବସରେ ଦେଶବାସୀ ତାଙ୍କ କବରସ୍ଥଳ ନିକଟରେ ଏକାଠି ହୋଇ ଶ୍ରଦ୍ଧାଞ୍ଜଳି ଜଣାଉଥିଲେ। ଏହି ସମୟରେ ଆତଙ୍କବାଦୀମାନେ ବିସ୍ଫୋରଣ ଘଟାଇଥିଲେ। ବିସ୍ଫୋରଣରେ ୧୦୩ଜଣଙ୍କର ମୃତ୍ୟୁ ହୋଇଥିବାବେଳେ ୧୮୮ଜଣ ଆହତ ହୋଇଛନ୍ତି। କେରମାନ ସହରର ଡେପୁଟି ଗଭର୍ଣ୍ଣର ରହେମାନ ଜଲାଲା ଏହାକୁ ଏକ ଆତଙ୍କବାଦୀ ଆକ୍ରମଣ ବୋଲି କହିଛନ୍ତି। ଇରାନର ସରକାରୀ ଗଣମାଧ୍ୟମ ଇସଲାମିକ ରିପବ୍ଲିକ ନ୍ୟୁଜ୍ ଏଜେନ୍ସି ରିପୋର୍ଟ ମୁତାବକ ସୁଲେମାନିଙ୍କ କବରସ୍ଥଳ ଠାରୁ ଅଧ ମାଇଲ ଦୂରରେ ଏହି ବିସ୍ଫୋରଣ ଘଟିଛି। କବରସ୍ଥଳକୁ ସଂଯୋଗ କରୁଥିବା ଅଧ ମାଇଲ ରାସ୍ତାରେ ହଜାର ହଜାର ସଂଖ୍ୟାରେ ଲୋକେ ଏକାଠି ହୋଇଥିଲେ। ଏହି ଆତଙ୍କବାଦୀ ଆକ୍ରମଣ ପାଇଁ କୌଣସି ସଂଗଠନ ନିଜକୁ ଦାୟୀ କରି ନାହାନ୍ତି। ତେବେ ବେରୁଟ୍‌ରେ ହମାସ ଆତଙ୍କବାଦୀ ସଂଗଠନର ନେତା ସାଲେହ ଅଲ୍‌ ଆରୌରି ଡ୍ରୋନ ଆକ୍ରମଣରେ ପ୍ରାଣ ହରାଇବାର ଦିନକ ପରେ ଏହି ଆକ୍ରମଣ ଘଟିଛି। ଆରୌରିର ହତ୍ୟା ପାଇଁ ଇସ୍ରାଏଲକୁ ଦାୟୀ କରାଯାଇଛି। ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ ରିମୋଟ୍‌ କ‌େଣ୍ଟ୍ରାଲ ଯୋଗେ ଏହି ବିସ୍ଫୋରଣ ଘଟାଯାଇଛି। ଡଷ୍ଟବିନ୍ ମଧ୍ୟରେ ବୋମାକୁ ଲୁଚାଇ ରଖାଯାଇଥିବାବେଳେ ରିମୋଟ୍ ଦ୍ବାରା ଏହାକୁ ବିସ୍ଫୋରଣ କରାଯାଇଥିଲା। ଆକ୍ରମଣକାରୀମାନେ ଏକ କାର୍ ଯୋଗେ ଆସି ରିମୋଟ୍ ଦ୍ବାରା ବିସ୍ଫୋରଣ ଘଟାଇଥିଲେ। ଇରାନରେ ବୋମା…

[newso-in]

ନୂଆଦିଲ୍ଲୀ: ମଦ ଦୁର୍ନୀତି ମାମଲାରେ ଇଡିର ଜେରା ପ୍ରସଙ୍ଗରେ ମୁହଁ ଖୋଲିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ସେ କହିଛନ୍ତି ଯେ କୌଣସି ଘୋଟାଲା ହୋଇନାହିଁ। ଏହି ସମନ ବେଆଇନ ଅଟେ । ‘ମୋ ଓକିଲ ମୋତେ ଏହା କହିଛନ୍ତି। ସିଏମ କେଜ୍ରିୱାଲ ବିଜେପି ଉପରେ ଆକ୍ରମଣ କରି କହିଛନ୍ତି ଯେ ବିଜେପିର ଉଦ୍ଦେଶ୍ୟ ତଦନ୍ତ ନୁହେଁ। ବିଜେପି ମୋତେ ବଦନାମ କରିବାକୁ ଚାହୁଁଛି। ସେ ମୋର ସଚ୍ଚୋଟତା ଉପରେ ଆକ୍ରମଣ କରିବାକୁ ଚାହୁଁଛି । ମୁଁ ଇଡିକୁ କହିଥିଲି ଯେ ସମନ ବେଆଇନ ଅଟେ। ମୁଁ କାହିଁକି ବେଆଇନ ଡାକରା ପାଳନ କରିବି? ଯଦି ଆଇନଗତ ହାଜର ହେବାକୁ ପଡେ ନିଶ୍ଚିତ ସହଯୋଗ କରିବି ବୋଲି କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ । ସେ କହିଛନ୍ତି ଯେ ‘‘ଲୋକସଭା ନିର୍ବାଚନ ପୂର୍ବରୁ ମୋତେ ଡକାଯାଉଛି। ସିବିଆଇ ମୋତେ ୮ ମାସ ପୂର୍ବରୁ ଡାକିଥିଲା, ମୁଁ ଯାଇଥିଲି । ଏବେ ଲୋକସଭା ନିର୍ବାଚନ ପୂର୍ବରୁ ଡାକରା ଦେଇଛନ୍ତି। ବିଜେପିର ଉଦ୍ଦେଶ୍ୟ ହେଉଛି ପ୍ରଶ୍ନର ବାହାନା କରି ମୋତେ ଡାକିବା ଏବଂ ଗିରଫ କରିବା । ଯାହାଫଳରେ ମୁଁ ଲୋକସଭା ନିର୍ବାଚନରେ ​​ପ୍ରଚାର କରିପାରିବି ନାହିଁ।’’ ଦିଲ୍ଲୀ ସିଏମ କହିଛନ୍ତି ଯେ ବିଜେପି ଅନ୍ୟ ଦଳର ନେତାଙ୍କ ବିରୋଧରେ ଇଡି ଏବଂ ସିବିଆଇ ତଦନ୍ତ କରାଉଛନ୍ତି । ପରେ ସେମାନଙ୍କୁ ବିଜେପିରେ ସାମିଲ କରି ଦିଆଯାଉଛି । ଯିଏ ବିଜେପିରେ ଯୋଗ ଦେଉନାହାଁନ୍ତି ସେ ଜେଲକୁ ��ାଆନ୍ତି। ଯଦି ମନୀଷ ସିସୋଦିଆ, ସଞ୍ଜୟ ସିଂ ଏବଂ ବିଜୟ ନାୟାର ବିଜେପିରେ ଯୋଗ ଦେଉ ନାହାଁନ୍ତି ବୋଲି ଏବେ ଜେଲରେ ଅଛନ୍ତି। ‘ଆମେ ଦୁର୍ନୀତି କରିନାହୁଁ। ଏପରି ଦେଶ ଅଗ୍ରଗତି କରିପାରିବ ନାହିଁ । କଣ ଚାଲିଛି? ଗଣତନ୍ତ୍ର ପାଇଁ ଏହା ଭୁଲ ଅଟେ । ଏହାକୁ ବନ୍ଦ କରିବାକୁ ହେବ । ମୋର ଶରୀର, ମନ ଏବଂ ଧନ ଦେଶ ପାଇଁ ମୋର ନିଶ୍ୱାସ ଏବଂ ରକ୍ତର ପ୍ରତ୍ୟେକ ବୁନ୍ଦା ଦେଶ ପାଇଁ । ମୁଁ ଦେଶବାସୀଙ୍କ ସମର୍ଥନ ଆବଶ୍ୟକ କରେ’ ବୋଲି ଗଣମାଧ୍ୟମରେ ନିବେଦନ କରିଛନ୍ତି କେଜ୍ରିୱାଲ ।

[newso-in]

ନୂଆଦିଲ୍ଲୀ : ଦେଶରେ ବିଭିନ୍ନ ସ୍ଥାନରେ ଟ୍ରକ ଧର୍ମଘଟ ହୋଇଛି। ନୂଆ ହିଟ୍ ଆଣ୍ଡ ରନ୍ ଆଇନର ଟ୍ରକ ଓ ଡମ୍ଫର ଚାଳକ ବିରୋଧ କରିଛନ୍ତି। ନୂଆ ଆଇନ ଅନୁଯାୟୀ, ଏବେ ଟ୍ରକ ଏବଂ ବସ୍ କାହକୁ ଧକ୍କା ଦେଇ ଫେରାର ହେଲେ ଚାଳକଙ୍କୁ ୧୦ ବର୍ଷ ଜେଲ୍ ଏବଂ ୭ ଲକ୍ଷ ଟଙ୍କା ଜୋରିମାନା ଦେବାକୁ ପଡିବ। ଉତ୍ତରପ୍ରଦେଶ ସମେତ ସମଗ୍ର ଦେଶରେ କେନ୍ଦ୍ର ସରକାରଙ୍କ ନୂତନ ହିଟ୍ ଆଣ୍ଡ ରନ୍‌‌ ଆଇନକୁ ତୀବ୍ର ବିରୋଧ କରାଯାଇଛି। ଏହି ନିୟମକୁ ବିରୋଧ କରିବାକୁ ଅନେକ ସଂଗଠନ ରାସ୍ତାକୁ ଓହ୍ଲାଇଛନ୍ତି। ଏହି ଆଇନକୁ ବିରୋଧ କରି ସାରା ଦେଶରେ ଟ୍ରକ ଓ ଡମ୍ଫର ଚାଳକ ଚକା ଜାମ୍‌‌ କରିଛନ୍ତି। ଏହି ଆଇନକୁ ଫେରାଇ ନେବା ପାଇଁ ଦାବି କରିବା ସହ ମୁମ୍ବଇ, ଇନ୍ଦୋର ଠାରୁ ଆରମ୍ଭ କରି ଦିଲ୍ଲୀ, ହରିୟାଣା, ଉତ୍ତରପ୍ରଦେଶ ସମେତ ଅନେକ ସ୍ଥାନରେ ଚାଳକ ମାନେ ଟ୍ରକକୁ ରାସ୍ତା ଉପରେ ରଖି ବିକ୍ଷୋଭ କରିଛନ୍ତି। କେନ୍ଦ୍ର ସରକାରଙ୍କ ଦ୍ୱାରା ପ୍ରଣୟନ ହୋଇଥିବା ୩ ନୂଆ ଅପରାଧ ଆଇନ ମଧ୍ୟରେ ଟ୍ରକ କିମ୍ବା ଡମ୍ଫର ଚାଳକ ଦୁର୍ଘଟଣା ଘଟାଇ ଫେରାର ହେଲେ ୧୦ ବର୍ଷ ଜେଲ ଦଣ୍ଡ, ୭ ଲକ୍ଷ ଟଙ୍କା ଜୋରିମାନା ଦେବାକୁ ରହିଛି। ପୂର୍ବରୁ ଥିବା ଆଇନ ଅନୁଯାୟୀ, ହିଟ୍‌‌ ଆଣ୍ଡ ରନ୍‌‌ ମାମଲାରେ ଫସିଥିବା ଚାଳକ ଖୁବ କମ୍‌‌ ଦିନରେ ଜାମିନ୍‌‌ ମିଳିଯାଉଥିଲା। ଜେଲ୍‌‌ ଦଣ୍ଡ ମଧ୍ୟ ୨ ବର୍ଷ ପାଇଁ ବ୍ୟବସ୍ଥା ଥିଲା।