#फ्रॅक्चर… | Explore Tumblr Posts and Blogs

panortho123 · 3 years

Text

पेडियाट्रिक ऑपिडिक्स ( PEDIATRIC ORTHOPAEDICS ): लहान मुलांसाठी संजीवनी

डॉक्टर, गेल्या काही महिन्यांपासून हा लंगडतोय, नीट चालत नाही आणि खेळायला जायला पण तयार नाही. कधी कधी दुखतं. कारण काही समजत नाही. एक हताश आई मला सांगत होती. साधारतः ८-९ वर्षांचा मुलगा कोमेजलेला चेहरा घेऊन माझ्या समोर बसला होता. मी विचारले, पायाला काही लागलं होतं का? काही महिन्यांपूर्वी खेळताना पडल्यामुळे पायाला व घोट्याला सूज आली होती. पण लेप लावून मालीश केले व तो बरा झाला.

मुलाची पूर्ण तपासणी व एक्स-रे केल्यानंतर लक्षात आले की त्याच्या घोट्याजवळ वाढीच्या हाडाला फ्रेंक्चर झालं होत व योग्य वेळेत योग्य उपचार न मिळाल्यामुळे सांधा खराब झाला होता व वाढ खुंटली होती. त्याच्यावर अवघड शस्त्रक्रिया करून पाय सरळ करण्यात आला आणि काही महिन्यात तो व्यवस्थित चालू आणि खेळू लागला. परंतू जी गोष्ट वेळेत उपचार करून साध्य झाली असती तीच साध्य करण्यासाठी त्याला बऱ्याच त्रासातून जावे लागले. फ्रॅक्चर हा एक भाग झाला. परंतु लहान मुलांमध्ये अस्थिव्यंग चे अनेक कारणे असू शकतात. यामध्ये खालील प्रकार असतात.

जन्मजात व्यंग (CTEV, DDH इ.) सेरेब्रल पाल्सी, वाकडे हात/पाय (Deformity) हाडांतील व सांध्यातील इन्फेक्शन, वाढीच्या हाडांचे आजार, फ्रॅक्चर,

जीवनसत्वांच्या कमतरतेमुळे होणारे व्यंग.

लहान मूल म्हणजे पडणारंच, मुलं आपली आपण बरी होतात, वय वाढेल तसे ठीक होईल, लहान मुलांमध्ये शस्तक्रिया लागत नाहीत असे अनेक गैरसमज समाजात आहेत.

गेल्या १८ वर्षांत अनेकदा हा अनुभव आलाय, सुरुवातीला दुर्लक्ष करायचे व गुतागुंत वाढली किंवा मुलगी लग्नाच्या वयाची झाली की माझ्याकडे येतात.

वास��तविक मुलांच्या बाबतीत अधिक काळजी घेणे जरूरीचे आहे. त्यांच्या हाडांची वाढ पूर्ण झालेली नसते. लहान मुलांतील हाडांची फ्रेंक्चर ही मोठ्या माणसांच्या फ्रेंक्चर्स पेक्षा वेगळी असतात.

वाढीच्या हाडाला इजा होऊन त्यामुळे व्यंग येऊ शकते. त्यामुळे लहान मुलांना इजा झाल्यास त्यांना पेडियाट्रिक ऑर्थोपेडिक सर्जनकडे (Pediatric orthopedic doctor) नेणे ही गरजेची गोष्ट आहे.

जन्मजात व्यंग बरे होऊ शकत नाही हा अजून एक गैरसमज. बऱ्याचवेळा व्यंग असणारे, हात, पाय वाकडे असणारे मुलं जन्माला आल्याबद्दल आईला जबाबदार धरले जाते, हिणवले जाते. प्रत्यक्षात बरीचशी जन्मजात व्यंगे बरी होऊ शकतात. ती बरी झाल्याचा आनंद शेकडो आई-वडिलांच्या डोळ्यात मी पाहिला आहे.

नवजात अर्भकांमध्ये काही वेळा प्रतिकारशक्ती कमी असल्यामुळे हाडांमध्ये व सांध्यामध्ये जंतूसंसर्ग (infection ) होते. याला osteomyelitis वा Septic arthritis असे म्हणतात. अशा प्रसंगी वेळेत पू बाहेर काढून त्याचा निचरा न केल्यास सांधा कायमस्वरूपी खराब होऊ शकतो. अगदी ४ ते ५ दिवसांच्या अर्भकावर सुद्धा या शस्त्रक्रिया सुरक्षितरित्या करता येतात.

पेडियाट्रिक ऑर्थोपेडिक्स ही एक स्पेशालिटी आहे. योग्य निदान व योग्य उपचार मिळणे ही लहान मुलांसाठी अत्यंत गरजेची गोष्ट आहे. यासाठी निष्णात सर्जन, सुसज्ज ऑपेरशन थिएटर, फिजिओथेरपीची नितांत गरज आहे. हसरे खेळते बालपण प्रत्येक मुलाचा अधिकार आहे व प्रत्येक घराची गरजही आहे.

#Best pediatric orthopedic doctor in PCMC #Pediatric orthopedic doctor in pune #Orthopedic hospital near me #Shoulder specialist in pune #Sports injury doctor in pune #Arthroscopy surgeon in PCMC #Arthroscopy surgeon in pune #Wrist arthroscopic surgeon in pune #Orthopaedic Hand surgeon in Pune #Joint replacement surgery in pune #Best orthopedic doctor PCMC pune #knee replacement surgery in pune #Joint replacement in pune #Best orthopedic hopsital in PCMC #Orthopedic hospital In pune

1 note · View note

nileshpardeshicoach · 2 years

Text

रोजच्या दिनक्रमातील साध्या-साध्या गोष्टी करणंही अवघड जात असेल, तर एकदा स्नायूंची लवचिकता तपासायला हवी. वयाबरोबर ही लवचिकता कमी होते.

कोणताही व्यायाम करताना आपली काही उद्दिष्टं किंवा हेतू असतात. त्यापैकी शारीरिक क्षमता वाढावी आणि मानसिक ताण दूर व्हावा हे मुख्य उद्दिष्ट असतं. शारीरिक क्षमतेच्या विकासामध्ये प्रामुख्यानं पुढील चार गोष्टी लक्षात घ्यायला हव्यात.

स्नायूंची ताकद (स्ट्रेंथ)

स्नायूंची दीर्घ वेळपर्यंत तग धरण्याची क्षमता (एंड्युरन्स)

हृदयाची आणि रक्तवाहिन्यांची काम करण्याची क्षमता (कार्डिओव्हस्क्यूलर एंड्युरन्स)

स्नायूंची लवचिकता (फ्लेक्झिबिलिटी)

अनेक लोकांचे व्यायामाचे प्रकार आणि वेळापत्रक बघता असं लक्षात येतं, की वर सांगितलेल्या पहिल्या तीन गोष्टींना प्राधान्य देऊनच व्यायाम केला जातो. स्नायूंच्या लवचिकतेकडे काही लोकांचे पूर्णपणे दुर्लक्ष होतं, तर काही लोक त्याला फारसं महत्त्वच देत नाही. आता स्नायूंची लवचिकता का महत्त्वाची आहे ते आपण पाहू.

आपण बघतो, की लहान मुलांचं शरीर खूप लवचिक असतं. त्यांना पाहिजे तसं अगदी सहजतेनं ते वळू शकतात. आपलं वय वाढतं तसं तशी शरीराची लवचिकता कमी व्हायला लागते आणि स्नायू आखाडायला लागतात. लहान मुलं खूप वेळा धडपडतात; पण तरी सुद्धा त्यांचे हात-पाय फ्रॅक्चर होण्याचं प्रमाण हे मोठ्या लोकांपेक्षा खूपच कमी असतं आणि त्याचं एक कारण ‘लवचिकता’ हे आहे.

ज्यांची लवचिकता जास्त असते, ते सहजपणे एखादी खाली पडलेली वस्तू उचलू शकतात, याउलट ज्यांचे स्नायू आखडलेले असतात त्यांना ही सोपी वाटणारी गोष्टसुद्धा खूपच अवघड जाते

लवचिकता नसेल, तर शारीरिक हालचालींवर मर्यादा येते. त्यामुळे अनेक आवडीच्या गोष्टी करायला आपण मुकू शकतो. मनात इच्छा असेल, तरी शरीर साथ देत नाही.

खाली बसणं, उठणं, वाकणं या गोष्टी दिवसभरात आपल्याला बऱ्याच वेळेला कराव्या लागतात. स्नायू लवचिक असतील, तर अगदी सहजतेने आपण हे करू शकतो.

स्नायूंच्या लवचिकतेचे हे आणि यांसारखे अनेक फायदे आपल्याला दिसून येतात. आपल्या शरीराची लवचिकता वाढवण्यासाठी आपण नक्कीच प्रयत्न करू शकतो. त्याला वयाची काहीही अट नाही. महत्त्वाचं म्हणजे, वेगळा वेळ काढण्याचीही गरज नाही. तुम्ही रोज एक तास व्यायाम करत असाल, तर त्यातली फक्त शेवटची १० मिनिटं स्नायूंचं स्ट्रेचिंग करणं गरजेचं आहे.

सोबतच तज्ज्ञांकडून आहाराबद्दल सल्ला घेणे आवश्यक आहे.

निलेश परदेशी

आहार व आरोग्य सल्लागार.

0 notes

ayurvedainitiative-blog · 3 years

Text

संधीवात

संधीवात:-

संधीवाताला सांधेदुखी असेही म्हणतात. सांध्यांमध्ये कार्टिलेज नावाचा घटक असतो. या कार्टिलेजमुळे सांध्यांची हालचाल योग्यरीत्या होत असते. कोणत्याही कारणास्तव कार्टिलेजची झीज झाली असता सांधेदुखी वाढते व या वेदना असह्य होतात. सांध्यांमधील हाडे एकमेकांना घासली जातात त्यामुळे गुडघ्यामध्ये सूज येऊ लागते. या स्थितीला सांधेदुखी किंवा ऑस्टिओआर्थरायटिस असे म्हटले जाते.

*सांधेदुखी ची करणे:-*

साधारणतः साठ वर्षानंतर हा त्रास वाढता असल्याचे दिसून येतो.

वाढलेल्या वजनाचा अतिरिक्त भार हा गुडघ्यावर, खुब्याच्या सांध्यावर पडत असतो.

- व्यायामाचा अभाव असल्यास कार्टिलेजची क्षमता कमी होते.

- हाडाचे फ्रॅक्चर असल्यास हा त्रास वाढतो.

- दोन सांध्यांमध्ये गॅप असल्यास ही स्थिती निर्माण होते.

- शरिरातील संप्रेरकातील (हार्मोनल) बदल, रजोनिवृत्ती यामुळे कॅल्शियमची कमतरता निर्माण होत असल्याने पुरुषांपेक्षा स्त्रियांमध्ये ऑस्टिओआर्थरायटिस होण्याची शक्यता अधिक असते.

*संधिवाताचा त्रास होऊ नये म्हणून काय करावे?*

- संतुलित आहार घ्यावा

- लठ्ठपणामुळे गुडघ्यासारख्या सांध्यावर अधिक ताण येतो. यासाठी वजन आटोक्यात ठेवणे

- नियमित व्यायाम, योगासने करावीत, चालणे, सायकलिंग, पोहणे असे व्यायाम करावेत.

- हाडांची झीज होत असल्यास कॅल्शियमचे हाडांपर्यंत शोषण होण्यासाठी ड जीवनसत्त्वाची गरज असते. त्यासाठी सकाळचे कोवळे ऊन अंगावर घ्यावे.

0 notes

nitinkandharkar · 3 years

Text

नि:शब्द...

कोविडच्या काळात प्रवास करायचे म्हणजे संकटच. पण काही कारणे असे असतात की टाळता येत नाहीत. मोठ्या मामीचे निधन झाल्याचे कळले आणि अचानक आजोळी भालकीला जायचे ठरले. सध्या ट्रेनला फारशी गर्दी नाही, पण ऐनवेळी ठरल्यामुळे तात्काळ कोट्यातून तिकिट बुक करावे लागले. रात्री साडेआठची ट्रेन होती. अर्धा तास आधी मी आणि मावसभाऊ स्टेशनवर पोहोचलो. जेवण करूनच निघालो होतो. तरी मावसभावाने एक मोठे क्रिम बिस्किटाचे पाकिट स्टेशनवरच्या स्टॉलवरून सोबत असू द्यावे म्हणून विकत घेतले.

काही वेळातच शिर्डी-काकीनाडा ट्रेन आली आणि आम्ही आत जावून बसलो. गर्दी फारशी नव्हती, तरी लोकांची आत चढण्याची चढाओढ सुरू होती. एकदाचे सर्वजण चढले आणि बोगीमध्ये जागेवर सेट होण्यापूर्वीच गाडी सुरू झाली. हा माझा बर्थ आहे, सामान काढा, पुढे सरका, रस्ता द्या असा नेहमीचा गोंधळ सुरू झाला. आम्ही आमच्या कंपार्टमेंटमध्ये गेलो. एक बर्थ मधला आणि एक वरचा होता. मधल्या बर्थवर चादर टाकलेली होती तर वरच्या बर्थवर सामान होते. तिथला माणूस येईपर्यंत आणि लोकांची सुरूवातीची घाई संपेपर्यंत आम्ही साईड बर्थवर बसलो.

‘ये हमारा बर्थ है’ असे म्हणत एकजण टपकलाच.

‘हां, ठिक है. हमारा बर्थ सामने है, वहां किसीका सामान है. वो लोग आयेंगे तो हम वहां जायेंगे. फिकर मत करो. तबतक बैठ जावो.’ असे म्हणून त्याला आमच्या बाजूला बसायला सांगितले.

आमच्या कंपार्टमेंटच्या लोअर बर्थवर एक लहान मुलगी झोपली होती व दुसर्‍या बर्थवर एक बाई, बहुतेक तिची आई असावी, पांघरून घेवून झोपली होती. तिच्या वरती मधल्या बर्थवर एक लहान मुलगा झोपला होता. बर्थखाली बरेच गाठोडे कोंबले होते. मुलांचे वडील बहुतेक टॉयलेटला गेले होते. ते आल्याशिवाय आमचे बर्थ रिकामे होणार नव्हते. आम्ही वाट पहात बसून राहिलो.

ट्रेनने आता गती पकडली होती. बाहेरच्या लाईट्स संपून अंधाराचे साम्राज्य सुरू झाले होते. तितक्यात त्या मुलांचे वडील आले. पस्तीस छत्तीस वर्षाचा माणूस होता तो. त्याला आम्ही आमचे बर्थ रिकामे करायला सांगितले. अतिशय साधा माणूस दिसत होता. चेहर्‍यावर कावरे बावरे हावभाव होते.

भीत भीत तो म्हणाला, ‘लेकरं झोपली आहेत. तुम्ही एकजण बाजूच्या भागात बर्थवर झोपता का? तिथे एक आमचाच बर्थ आहे, म्हणजे मला इथे मुलांजवळ झोपता येईल. इथला वरचा बर्थ मी रिकामा करून देतो.’

‘अरे भाऊ, आम्ही दोघेजण आहोत. एकजण तिकडे अन एकजण इकडे कसे झोपणार?’ मावसभाऊ म्हणाला.

काहीच न बोलता तो बिचारा बर्थवरचे सामान काढू लागला. तितक्यात डावीकडच्या अप्पर बर्थवरचा पॅसेंजर आला. त्याला आम्ही रिक्वेस्ट केली ‘आप अकेले है तो ये बाजूका अप्पर बर्थ लेलो. ये लोग फॅमिली है, हम उपरके दो बर्थपर सो जाते है.’

ट्रेनमध्ये बहुतेक वेळा अ‍ॅडजस्टमेंट करणारे पॅसेंजर असतात. अशा अडचणीच्या वेळी ते सहकार्य करतात. काही वेळा मात्र अ‍ॅडामेंट लोक असतात. कुणाच्या बापाचं ऐकत नाहीत!

त्या माणसाने बाजूच्या कंपार्टमेंटमध्ये वरचा बर्थ घेतला आणि आम्हाला एकाच ठिकाणी वरचे दोन बर्थ मिळाले. आम्ही बसलेल्या साईड बर्थवरच्या माणसाने सुटकेचा नि:श्वास सोडला.

सामान वरती टाकून आम्ही चढत होतो तितक्यात टिसी आला. त्याला मोबाईलमधले तिकिट दाखवत मी म्हणालो ‘ट्रेन तो खाली है, फिर तात्काल कोटेसे क्युं तिकीट देते है, देडसौ रुपये जादा लगे ना!’

तो म्हणाला ‘ये डिब्बे का छोडो, बाजूका डिब्बा तो पुरा खाली है. एक भरा हुवा और एक खाली डिब्बा ऐसी मजा है पुरे ट्रेन मे.’

‘लोगोंका सोशल डिस्टंसिंग है या डिब्बोंका?’ मावसभाऊ म्हणाला आणि आजुबाजूचे सर्वजण हसले.

‘बाजूका डिब्बा खाली है तो वहां जाकर सोये तो चेलेगा ना?’ आम्ही विचारले.

‘क्युं नही. जाव आरामसे सो जाव’ असे म्हणून टिसी निघून गेला.

टिसी निघून गेल्यावर बाजूच्या बोगीत जाऊन पाहिले. संपूर्ण बोगी रिकामी होती. दोन पोलीस फक्त एका कंपार्टमेंटमध्ये मोबाईल पहात बसले होते. मी लगेच ठरवले की इकडे येवून झोपायचे. कोविडच्या काळात सोशल डिस्टंसिंग पाळायची ही चांगली संधी होती.

परत येवून मावसभावाला तसे सांगितले. आम्ही सामान घेण्यासाठी उठत होतो तितक्यात समोरची मुलगी रडत उठली. तिला बहुतेक बाथरूमला जायचे होते. तिच्या वडलांनी तिचे पांघरून सावकाश काढले. अलगद तिला दोन्ही हातावर झोळीसारखे उचलून घेतले आणि टॉयलेटकडे गेला. त्या छोट्या मुलीच्या अंगावर फक्त चड्डी होती आणि छातीवर मोठे मेडिकल बेल्ट बांधलेले होतेे. बहुतेक फ्रॅक्चर झाले असावे.

आमच्या बाजूला बसलेला माणूस त्याच्या ओळखीच्या लोकांशी गप्पा मारत बाजूच्या कंपार्टमेंटमध्ये बसला होता. पॅसेजमध्ये अजून काही लोक उभे होते त्यामुळे घाई न करता आम्ही तिथेच बसून राहिलो.

काही वेळाने समोरचा माणूस मुलीला हातावर घेवून परत आला. आल्हाद तिला बर्थवर झोपवले. बायकोच्या पायाशी वरचा बर्थ लागू नये याची काळजी घेत वाकून बसत त्याने तंबाखू चोळली अन फक्की तोंडात टाकून खाली मान करून बसला.

टाईमपास म्हणून त्याला कुठे चाललात, कुठून आलात वगैरे बोलत सहज मुलीला काय झाले असे विचारले. यावर त्याने जे सांगितले ते ऐकून आमच्या काळजाचा ठोकाच चुकला!

परळीला मजूरकाम करणारा तो एक गरीब माणूस होता. नवरा अन बायको मोलमजूरी करून मुलांना वाढवत होते. मुलगा दहा वर्षाचा अन मुलगी आ�� वर्षाची. खाण्यापिण्याची आबाळ होवू नये म्हणून मुलीला त्याने आपल्या बहिणीकडे आंबेजोगाईला ठेवले होते. एक दिवस त्याच्या बहिणीला लक्षात आले की मुलीला नेहमी धाप लागते व लवकर थकवा येतो. कितीही खाल्ले तरी तब्येत सुधारत नाही. म्हणून तिने तिला सरकारी दवाखान्यात दाखवले. सर्व तपासणी करून डॉक्टरांनी सांगितले की मुलीच्या हृदयाला छिद्र आहे आणि लवकरात लवकर ऑपरेशन करावे लागेल!

बहिणीने भावाला कळवले तसा तो घाबरून गेला. घरात खायची मारामार, अन त्यात ऑपरेशनचा खर्च कसा करणार? हा प्रश्न भेडसावू लागला. मुलगा आणि बायकोला घेवून तो ताबडतोब आंबेजोगाईला गेला. डॉक्टरांना परिस्थितीची जाणीव करून दिली. त्यांनी त्याला सर्व समजावून सांगितले आणि घाबरायचे कारण नाही, सर्व व्यवस्थित होईल ही खात्री दिली.

पण इथेच त्याचे दुर्भाग्य संपले नव्हते! त्याच्या मुलाला कसलाही त्रास होत नव्हता, पण धाप मात्र नेहमी लागायची. डॉक्टरांना त्याने भीतभीत याबद्दलही सहज सांगितले. त्यांनी मुलाला तपासले तेंव्हा त्यांनाही धक्का बसला! मुलाच्या हृदयालाही छिद्र होते! दोन्ही मुलांच्या हृदयाला छिद्र असण्याची ही दुर्मिळ घटना पाहून डॉक्टरांनाही आश्चर्य वाटले होते.

डॉक्टर कळवळले आणि दोघांचेही ऑपरेशन तात्काळ करणे आवश्यक आहे असे त्याला सांगितले. त्याच्यासमोर मोठा प्रश्न होता पैशाचा. सरकारी दवाखाना असला तरी औषधपाणी, जेवण हा खर्च लागणार होता. पण गरीब लोकांत समजदारी, आत्मियता आणि एकी खूप असते याचे प्रत्यंतर आले. सर्व नातेवाईक जमले आणि किडुक मिडुक गोळा करून त्याच्याकडे दिले.

त्याचवेळी कुणीतरी सुचवले की शिर्डी देवस्थानाच्या हॉस्पीटलमध्ये अशा प्रकारचे ऑपरेशन होतात. तिथे दवापाणी, दवाखान्याचा खर्च, जेवणखान सर्वकाही फुकटात मिळते. लगेच सर्व तयारी झाली आणि दोन्ही मुलांना घेवून ते मायबाप शिर्डीला गेले. डॉक्टरांनी मुलांना अ‍ॅडमिट करून घेतले. कोविडमुळे त्या दोघांना मुक्कामाची परवानगी नव्हती. त्यात अन्नछत्रही बंद होते. म्हणून बसस्टँडच्या बाजूच्या मोकळ्या जागेवर चूल मांडून ते दोघे स्वैपाक करून खात होते आणि ‘मुलांना बरे कर’ अशी साई बाबाला प्रार्थना करत बसस्टँडवरच झोपत होते. ऑपरेशन व्यवस्थित झाले आणि बावीस दिवसानंतर सुट्टी मिळाली, तसे दोन्ही मुलांना घेवून ते परळीला परत निघाले होते!

हे सर्व तो घडाघडा सांगत होता अन आम्ही सुन्न होवून ऐकत होतो. आश्चर्य म्हणजे सांगतांना त्याच्या चेहर्‍यावर मंद हास्य होते, कुठेही सहानुभूतीचा भाव नव्हता. बिचारा बिगारी काम करणारा माणूस, त्याच्यावर किती मोठे संकट ओढवले होते, तरी त्याने या भयानक संकटाचा हसतमुखाने सामना केला होता आणि दोन्ही मुलांना पुनर्जन्म दिला होता!

त्याची कथा ऐकून जगात किती प्रकारचे दु:ख आहेत आणि आपण मात्र आपल्याच दु:खाला कवटाळत बसतो याचे भान आले. नि:शब्द होवून आम्ही उठलो. नकळत मावसभावाने बॅगमधून क्रिम बिस्किटाचे पाकिट काढले व त्या माणसाकडे देत म्हणाला ‘मुलांना दे खायला’.

बापाच्या हातातले बिस्किटाचे पाकिट पाहून वेदनेने ग्रासलेल्या त्या चिमुरड्या पोरीच्या चेहर्‍यावर झळकलेले निरागस हास्य पहात जड अंत:करणाने आम्ही बाजूच्या बोगीकडे गेलो...

नितीन म. कंधारकर

औरंगाबाद.

0 notes

kokannow · 3 years

Text

हाडांची ठिसूळता मोजण्यासाठी मोफत बोन डेन्सीटी कॅम्पचे नियोजन

रोटरी क्लब मालवण व लिमये हॉस्पिटल यांचा पुढाकार मालवण : रोटरी क्लब मालवण व लिमये हॉस्पिटल यांच्या संयुक्त विद्यमाने महिला दिनाचे औचित्य साधून शनिवार दिनांक ६ मार्च २०२१ रोजी हाडांची ठिसूळता मोजण्यासाठी मोफत बोन डेन्सीटी कॅम्पचे नियोजन लिमये हॉस्पिटल मालवण याठिकाणी करण्यात आले आहे. हाडांची ठिसूळता कमी झाल्यामुळे छोट्याशा धक्क्याने फ्रॅक्चर होण्याची शक्यता असते. महिलांमध्ये याची…

View On WordPress

#sindhudurg #कोकण नाऊ #ब्युरो न्यूज #मालवण.#सिंधुदुर्ग

0 notes

bharatlivenewsmedia · 2 years

Text

‘फ्रॅक्चर फ्रीडम’ वाद सरकारशी आला अंगलट, हा वादावर नेमकं मंत्री महोदयाचं स्पष्टीकरण काय…

‘फ्रॅक्चर फ्रीडम’ वाद सरकारशी आला अंगलट, हा वादावर नेमकं मंत्री महोदयाचं स्पष्टीकरण काय… मुंबईः साहित्य विश्वातील वेगवेगळ्या पुस्तकांना पुरस्कार जाहीर झाले होते. त्यानंतर कोबाड गांधी यांच्या ‘फ्रॅक्चर्ड फ्रीडम’ या मूळ इंग्रजी पुस्तकाच्या अनघा लेले यांनी मराठी अनुवाद केला आहे. त्या पुस्तकाला तर्कतीर्थ लक्ष्मणशास्त्री जोशी पुरस्कार जाहीर झाला होता. त्यानंतर राज्य सरकारनं तो पुरस्कार अचानकपणे रद्द…

View On WordPress

0 notes

loksutra · 2 years

Text

IND vs ENG: जोफ्रा आर्चरला उर्वरित हंगामासाठी वगळण्यात आले आहे, इंग्लंड आणि मुंबई इंडियन्सला मोठा धक्का बसला आहे.

भारताविरुद्धच्या पाच सामन्यांच्या मालिकेतील शेवटच्या कसोटीपूर्वी इंग्लंडला मोठा धक्का बसला आहे. इंग्लंडचा वेगवान गोलंदाज जोफ्रा आर्चरला पुन्हा दुखापत झाली आहे. त्याच्या पाठीच्या खालच्या भागात स्ट्रेस फ्रॅक्चर झाले आहे. या कारणास्तव तो आगामी इंग्रजी उन्हाळी हंगामातून बाहेर पडला आहे. गेल्या वर्षी कोरोनामुळे भारत आणि इंग्लंड यांच्यातील पाच सामन्यांच्या मालिकेतील शेवटची कसोटी होऊ शकली नाही. ती कसोटी…

View On WordPress

#इंग्लंड #इंग्लंड क्रिकेट #इंग्लंड क्रिकेट संघ #इंग्लंड क्रिकेट समर २०२२ सामने #इंग्लंड जोफ्रा आर्चर #क्रीडा बातम्या #जोफ्रा आर्चर #जोफ्रा आर्चर 2022 इंग्लिश उन्हाळ्यात पाठीच्या खालच्या भागात तणावग्रस्त फ्रॅक्चरसह #जोफ्रा आर्चर दुखापत #जोफ्रा आर्चरने 2022 च्या इंग्लिश उन्हाळ्यात पाठीच्या खालच्या भागाच्या ताण फ्रॅक्चरमधून बाहेर प #जोफ्रा तिरंदाज #भारत विरुद्ध इंग्लंड वेळापत्रक #भारत विरुद्ध इंग्लंडचे वेळापत्रक

0 notes

marathinewslive · 2 years

Text

14 वर्षीय मुलीला बलात्काराचा प्रतिकार केल्याने बेदम मारहाण, पाय फ्रॅक्चर: पोलीस

मुलीने तिचे पाय रस्त्यापर्यंत ओढले आणि लोकांना मदतीचे आवाहन केले, असे पोलिसांनी सांगितले दुमका: झारखंडच्या दुमका जिल्ह्यात एका ऑटो-रिक्षा चालकाने केलेल्या बलात्काराच्या प्रयत्नाचा प्रतिकार केल्यावर एका 14 वर्षीय मुलीला निर्दयीपणे मारहाण करून अर्ध-बेशुद्ध अवस्थेत एका निर्जनस्थळी फेकून देण्यात आले, असे पोलिसांनी रविवारी सांगितले. मुलीचा उजवा पाय फ्रॅक्चर झाला. तिच्या चेहऱ्यावर अनेक जखमांच्या…

View On WordPress

#किशोरला मारहाण केली #तरुणीवर बलात्कार झाला #दुमका

0 notes

khabarbharat · 4 years

Text

संसारात सासूची लुडबूड?; रागाच्या भरात सुनेने काय केले पाहा...

संसारात सासूची लुडबूड?; रागाच्या भरात सुनेने काय केले पाहा…

Pune Crime सासू आणि सुनेमध्ये घरात किरकोळ कारणावरून भांडणे होतात आणि काही क्षणांत ती मिटतातही. पुण्यात मात्र या नात्याला जबर हादरा देणारी घटना घडली आहे. येथे सासूला फ्रॅक्टर करेपर्यंत सूनेची मजल गेली आहे. पुणे: संसारात होत असलेली सासूची लुडबूड सहन न झाल्याने एका सुनेने आपल्या सासूलाच बदडले. या मारहाणीमुळे सासूचा गुडघा फ्रॅक्चर झाला आहे. विश्रांतवाडी परिसरात हा धक्कादायक प्रकार घडला.

वाचा: युपीत…

View On WordPress

0 notes

ayurvedainitiative-blog · 3 years

Text

कॅल्शियम म्हणजे काय तसेच कॅल्शियम कमतरता दूर करण्यासाठी फॉलो करा 'या' टीप्स*

*कॅल्शियम म्हणजे काय तसेच कॅल्शियम कमतरता दूर करण्यासाठी फॉलो करा 'या' टीप्स*

मानवी शरीर निरोगी राहण्यासाठी शरीराला योग्य प्रमाणात पोषकतत्व नियमित मिळणे फार गरजेचे आहे. कॅल्शियम हे एक असे रासायनिक तत्व ज्यामुळे माणसाच्या शरीरातील हाडे मजबूत राहतात. आहारातील अनेक पदार्थांमधून तुमच्या शरीराला कॅल्शियमचा पूरवठा होत असतो. माणसाप्रमाणेच इतर प्राणीमात्रांनादेखील कॅल्शियमची आवशक्ता असते. कॅल्शियमच्या अभावामुळे माणसाला निरनिराळ्या आरोग्य समस्यांना तोंड द्यावे लागते.

जर तुम्हाला सतत अंग दुखणे

अथवा थकवा जाणवत असेल तर तुमच्यामध्ये कॅल्शियमची कमतरता असू शकते.

यासाठीच कॅल्शियम युक्त आहार घेणे आपल्या शरीरासाठी का महत्त्वाचा आहे ते आपण पाहणार आहोत. मात्र अनेकजणी अशी अंगदुखी अंगावर काढतात किंवा कोणत्या आहारातून कॅलशियमचा पूरवठा होतो हे माहीत नसल्यामुळे केवळ कॅल्शियम सप्लीमेंटच्या आधारावर दुखणं बरं करण्याचा प्रयत्न करतात. आपल्या भारतीय आहारात असे अनेक खाद्यपदार्थ आहेत ज्यामुळे तुम्हाला भरपूर कॅलशियम मिळू शकते. शिवाय यासाठी प्रत्येकाला दररोज किती प्रमाणात कॅल्शियमची गरज आहे हेदेखील माहीत असायला हवे. म्हणूनच आम्ही तुम्हाला कॅल्शियमयुक्त आहार आणि कॅल्शियमच्या कमतरतेबाबत सर्व काही सांगत आहोत. ज्याचा तुम्हाला नक्कीच चांगला फायदा होऊ शकेल.

*क्रॅल्शियम शरीरासाठी कसे महत्त्वाचे आहे-*

*हाडांच्या मजबूतीसाठी*

मानवी शरीरातील हाडे आणि दातांमध्ये 99 टक्के कॅल्शियम असते. सहाजिकच हाडांचा विकास आणि मजबूतीसाठी शरीराला मुबलक कॅलशिमची गरज असते. वीस ते पंचवीस वयापर्यंत बोन डेसिंटी चांगली असल्यामुळे माणसाची हाडे नैसर्गिक पद्धतीने मजबूत असतात. मात्र जसे जसे तुमचे वय वाढू लागते तसे शरीरातील बोन डेसिंटी कमी होऊ लागते. त्यामुळे पंचविसीनंतर तुमच्या शरीराला कॅल्शियम योग्य प्रमाणात मिळणे गरजेचे असते. कॅलशियमच्या अभावामुळे हाडांचे विकार होण्याची दाट शक्यता असते. शिवाय उतारवयात हाडांमधील कॅल्शियम कमी झाल्यामुळे फ्रॅक्चर आणि अंगदुखीचा त्रास होऊ शकतो.

*स्नायू बळकट करण्यासाठी*

कॅल्शियममुळे तुमचे स्नायू बळकट राहण्यास मदत होते. यामध्ये ह्रदयातील स्नायूंचादेखील समावेश असतो. मांसपेशींना आकुंचन आणि प्रसरण पावण्यासाठी कॅलशियम गरजेचे असते.

*ब्लड क्लॉटिंगसाठी*

रक्ताच्या दाटपणासाठी कॅलशियम महत्त्वाची भूमिका बजावते. क्लॉटिंग प्रक्रियेमध्ये विविध केमिकल्सचा समावेश असते.कॅल्शिमय त्यामधील एक महत्त्वाचा घटक आहे.

*कॅल्शियमची कमतरता*

कॅल्शियम अभाव त्या लोकांमध्ये जास्तप्रमाणात आढळून येतो जे लोक आहारातून पूरेसे कॅल्शियम घेत नाहीत. आजकाल अनेक माणसे घर अथवा ऑफिसमधील कामांमध्ये व्यस्त असतात. सहाजिकच सकाळचे कोवळे ऊन अंगावर घेण्यासाठी कोणाकडेही वेळ नसतो. शिवाय आहारातूनदेखील कॅलशियम फारच कमी प्रमाणात घेतले जाते. सतत चहा-कॉफीचे सेवन करणे, सोडीयमयुक्त पदार्थ खाणे यामुळे कॅल्शियमचा अभाव निर्माण होऊ शकतो. कॅलशियमची कमतरता ही पुरूषांपेक्षा महिलांमध्ये जास्त प्रमाणात दिसून येते. याचे महत्त्वाचे कारण महिलांना त्यांच्या जीवनात मासिकपाळी, प्रेगन्सी, ब्रेस्टफिडींग, मॅनोपॉज अशा विविध टप्प्यांमधून जावे लागते. या गोष्टींमुळे हाडांची झीज झाल्यामुळे त्यांच्या शरीरातील कॅल्शियमचे प्रमाण कमी होते.

*कॅल्शियमच्या अभावाची लक्षणे*

▪️ कॅल्शियमचा अभाव* असल्यास हाडे दुखू लागतात. ज्यामुळे अशा लोकांना उठता-बसताना त्रास होतो. सांधे जखडण्याची समस्यादेखील जाणवते. कधी कधी हा त्रास इतका वाढतो की त्या व्यक्तीला हॉस्पिटलमध्ये जावून उपचार घ्यावे लागतात.

▪️ कॅल्शियम कमी असल्यास लवकर थकवा येतो.*

▪️ कॅल्शियमच्या कमतरतेमुळे दात दुखतात आणि नखे लवकर तुटतात.

▪️ शरीरात कॅल्शियमचे प्रमाण कमी असल्यास त्या व्यक्तीचा कमरेखालील भाग वाकतो

▪️ केस मोठ्या प्रमाणावर गळतात.

▪️हाता-पायांना मुंग्या येतात.(बधीरपणा येणे)

▪️ झोप लागत नाही.

▪️ सतत भिती वाटते आणि ताण-तणाव जाणवतो

▪️ स्मरणशक्ती कमी होते

*दररोज शरीरराला किती प्रमाणात कॅल्शियमची गरज असते*

वयानुसार कोणी किती प्रमाणात कॅल्शियमचे सेवन करावे हे जरूर जाणून घ्या.

1 ते 3 वर्ष - दररोज 700 मिलीग्रॅम

4 ते 8 वर्ष - दररोज 1,000 मिलीग्रॅम

9 ते 18 वर्ष - दररोज 1,300 मिलीग्रॅम

19 ते 50 वर्ष - दररोज 1,000 मिलीग्रॅम

स्तनपान देणाऱ्या अथवा गरोदर महिला - दररोज 1,000 मिलीग्रॅम

51 ते 70 वर्षाचे पुरूष - दररोज 1,000 मिलीग्रॅम

51 ते 70 वर्षाच्या महिला - दररोज 1,200 मिलीग्रॅम

70 वर्षांच्या वरील माणसे - दररोज 1,200 मिलीग्रॅम

*कॅल्शियमयुक्त आहार*

कॅल्शियमची कमतरता असेल तर ती आहारातून नक्कीच दूर करता येऊ शकते. यासाठी तुम्हाला तुमच्या दैनंदिन आहारावर पुरेसे लक्ष द्यावे लागेल. काही पदार्थांना आवर्जून तुमच्या आहारात सामिल करा आणि कॅल्शियमची कमतरता दूर करा.

*बीया*

खसखस, तीळ,ओवा, अळशी अशा अनेक प्रकारच्या बीयांना तुमच्या आहारात समाविष्ठ करा. ज्यामुळे तुमच्या शरीराला पुरेसे कॅल्शियम मिळू शकेल. एक चमचा खसखसमध्ये जवळजवळ 125 मिलीग्रॅम कॅल्शियम असते. या बियांमध्ये प्रोटीन आणि हेल्दी फॅट्स असतात. अळशीच्या बियांमध्ये भरपूर प्रमाणात ओमेगा 3 फॅटी अॅसिड्स असतात.

*चीज*

चीजमध्ये भरपूर प्रमाणात कॅलशियम असते. इतर पदार्थांपेक्षा दुग्धजन्य पदार्थांपासून मिळणारे कॅल्शियम शरीर लवकर शोषून घेते.काही संशोधनानुसार दुधाच्या पदार्थांमध्ये अधिक निरोगी घटक असतात. एका संशोधनानुसार दुग्धजन्य पदार्थांमुळे ह्रदयरोगाचा धोका कमी होतो.

*दही*

एक कप दह्यामध्ये 175 मिलीग्रॅम कॅल्शियम असते. शिवाय यामध्ये फॉस्��रस, पोटॅशियम, व्हिटॅमिन बी 2, व्हिटॅमिन बी 12 देखील असते. संशोधनानुसार जे लोक नियमित दही खातात त्यांना टाईप 2 मधूमेह, ह्रदयरोगासारखे मेटाबॉलिक विकार होण्याचा धोका कमी असतो.

*दूध*

सर्वात स्वस्त आणि कॅल्शियम भरपूर प्रमाणात असणारा पदार्थ म्हणजे दूध, एक कप दुधामध्ये 276 ते 352 मिलीग्रॅम कॅलशियम असते. दूध फुल फॅट आहे की कमी फॅटचे यावर हे प्रमाण अवलंबून असू शकते. दुधामधील कॅलशियम शरीर चांगल्या पद्धतीने शोषून घेते. शिवाय दुधामध्ये प्रोटीन,व्हिटॅमिन ए आणि डी देखील मुबलक प्रमाणात असते. बकरीच्या दूधामध्ये सर्वात जास्त कॅलशियम आढळते.

*कडधान्ये आणि डाळी*

डाळी आणि कडधान्ये कॅलशियमचा एक उत्तम स्त्रोत आहेत. शिवाय यांच्यामध्ये फायबर,प्रोटिन्स,मायक्रो न्युट्रिएंट्स, लोह, झिंक, फॉलिक अॅसिड, मॅग्नेशियम, पोटॅशियमदेखील भरपूर असतात.

*बदाम*

सर्वच प्रकारच्या सुकामेव्यामध्ये कॅलशियम असते. मात्र बदामामध्ये ते भरपूर प्रमाणात आढळते. 28 ग्रॅम बदामामध्ये तीन ग्रॅम फायबर, हेल्दी फॅट्स, प्रोटिन्स असतात. बदामामध्ये भरपूर प्रमाणाक मॅग्नेशियम, व्हिटॅमिन ई देखील असते. बदाम नियमित खाल्यास रक्तदाब, बॉडी फॅट वाढणे आणि मेटॉबॉलिक विकारांचा त्रास कमी होतो.

*अंजीर*

सुकलेल्या अंजीरमध्ये अॅंटिऑक्सिडंट आणि फायबर मोठ्या प्रमाणावर असतात. शिवाय यामध्ये कॅल्शियम,पोटॅशियम आणि व्हिटॅमिन केदेखील असते.

*व्हे प्रोटिन*

व्हे प्रोटिन्समधून कॅलशियम चांगल्या प्रमाणात मिळू शकते. याबाबत अनेक संशोधने करण्यात आलेली आहेत. वजन कमी करण्यासाठी आणि रक्तदाबावर नियंत्रण ठेवण्यासाठी व्हे प्रोटिनला आहारात समाविष्ठ करा. 28 ग्रॅम व्हे प्रोटिनमध्ये 200 ग्रॅम कॅलशियम उपलब्ध असते. व्हे प्रोटिन तुम्हाला ऑनलाईन विकत घेता येते.

*गुळ* *(सेंद्रिय)*

गुळामध्ये भरपूर प्रमाणात कॅल्शियम असते. मात्र कॅलशियम यासाठी भरपूर गुळ खाऊ नका. कधी कधी चणे आणि गुळ खाणे फायद्याचे ठरू शकते.

*सोयाबीन*

सोयाबीनमध्ये भरपूर प्रमाणात कॅल्शियम असून ते पौष्टिकदेखील असते.

*ताज्या हिरव्या पालेभाज्या*

हिरव्या पालेभाज्यांचा आहारात जरूर समावेश करा. कारण त्यामध्ये मोठ्या कॅल्शियम असते. पालक कॅल्शियमचा एक चांगला स्त्रोत आहे. यासाठी दररोज भरपूर पालेभाज्या खा.

*टोफू* - (Tofu)

टोफूमध्येदखील चांगल्या कॅल्शियम असते. यासाठी दिवसभरामध्ये आहारातकमीतकमी एक कप टोफू जरूर घ्या.

*दररोजच्या आहारात कॅल्शियमचा समावेश करण्यासाठी कराल*

▪️एक ग्लास उकळत्या पाण्यामध्ये एक चमचा जिरे मिळावं. पाणी थंड झाल्यावर दिवसभरात दोनदा प्या. ज्यामुळे तुमच्या शरीरातील कॅल्शियमची पातळी वाढेल.

▪️ नाचणीच्या भाकरीचा आहारात समावेश करा. नाचणीमध्ये खूप मोठ्या प्रमाणात कॅल्शियम असते.

▪️ तीळाच्या तेलाचा स्वयंपाकात वापर करा. सूप, सलाडमध्ये तुम्ही तिळाचे तेल टाकू शकता.

▪️ आवळ्यामध्ये भरपूर कॅलशियम असते. शिवाय आवळ्यामुळे रोग प्रतिकारशक्तीदेखील वाढते. दररोज ताज्या आवळ्यांचा रस घेतल्यास तुम्हाला चांगला फायदा होऊ शकतो.

*आहारातून कॅल्शियम कमी प्रमाणात सप्लीमेंटच्या माध्यमातून कॅलशियम घ्यावे लागते.

0 notes