#keçirməklə

[huseynmammad]

Darıxarsan bəzən on saniyə də olsa səsini eşitmək üçün. Səsi bir yana, danışığı üçün. Hansısa hərfi özünə xas tərzdə deyilişi üçün. Bəzi sözlərin uzanan sonları, bəzi sözlərin əzilən tərəfləri üçün. Səs tellərinin azalan tonlarından artan tonlarına keçdikcə yaranan sevincini hiss etməyin və qəlbini bürüyən o məmnunluq hissi üçün. Yazanda yediyi hərfləri tələffüzdə qabartdığı üçün. Ən gözəl və özəl sözlər bir yana, adi salam'ı üçün, necəsən'i üçün. Hırçın gülüşü üçün, sanarsan ucsuz bucaqsız qızılgül bağındasan, bir gülüşün verdiyi o bihuş üçün. Bir də o ilk addımı yoxmu, ilk səni arayıb axtarması onun üçün. "Yuxudan oyanan kimi ilk səni düşündüm" kimi. "Ağlımdan heç çıxmırsan" kimi. Varlığını gərəkli, vacib, ən öndə hiss etdirən zamansızlıq içində ayırdığı zaman üçün. Bir əli qanda, bir əli səndə olan ruhu üçün. Darıxarsan, insan bir daha yaşaya bilməyəcəyi şeylər üçün pis darıxar. Ümidsiz darıxar. Köhnə, ama hələ də indi göndərilmiş kimi həyacan yaşadan səslərini dinləyərsən. Qərib olarsan sanki öz vətənində, məzlum olarsan. Küsərsən, qınayarsan, haqq qazandırmazsan, ama bu səni həsrətdən uzaq tuta bilməz ki, yenə də. Sənə nə vaxtsa ən əziz olan birinin ən yad birinə çevrilməsi sevginin "üç alma"yla sonlanmayan tərəfidir. Nağıl çoxdan əleyhinə bitmiş, sənsə hələ o qədim əyyamlarda ağ atı çapmaqla qalmısan. "Biri vardı, biri yoxdu" arasında keçən ömrünü gündən günə keçirməklə sətirlərdə məst qalmısan...

[politiciansstuff]

ƏMƏKDAŞLIQ: ÖLKƏDƏ YENİ SİYASİ KONFİQURASİYA FORMALAŞIR

Bu il keçirilən Prezident seçkilərindən sonra ölkə Prezidenti İlham Əliyev bütün sahələrdə olduğu kimi, ölkəmizin siyasi sistemində ciddi islahatların aparılması üçün öz iradəsini ortaya qoydu və bu istiqamətdə ciddi addımlar atılmağa başlandı.

Cəmiyyətin ictimai fəallığı, eləcə də müxalifət-iqtidar dialoqlarının tənzimlənməsi, yeni yaranmış siyasi partiyaların dövlət qeydiyyatının asanlaşdırılması, QHT-lərə verilən dövlət dəstəyi və illərdən bəri özünü gözləyən bir sıra problemlərin həlli istiqamətində də real addımlar atıldı.

Mövzu haqda Yenicag.az-a açıqlamasında Ana Vətən Partiyasının (AVP) sədri, Milli Məclisin deputatı Fəzail Ağamalı siyasi iqtidarın müxalifətlə daimi kontaktda olmasını müsbət qiymətləndirib.

“Bu gün Azərbaycanın siyasi mühitində konstruktiv əməkdaşlıq və normal münasibətlər müstəvisində siyasi proseslər gedir. Ancaq 26 siyasi partiya içərisində bir partiya – Azərbaycan Xalq Cəbhəsi Partiyası istisnalıq təşkil edir. Bu partiyanın yenə də ölkədə qarışıqlıq yaratmaq, əsası olmayan tələblərlə, şüarlarla küçələrə, meydanlara çıxıb, özünü ifadə etmək adı altında qarşıdurma törətmək niyyəti var. Onlar bir neçə dəfə mitinq keçirməklə bağlı müraciət ediblər. Lakin onların müraciətlərinə bəzi səbəblərə görə Bakı Şəhər İcra Hakimiyyəti tərəfindən haqlı olaraq razılıq verilməyib. Beləliklə, onlar yenə də öz fikirlərində qalırlar”, – deyə o bildirib.

AVP sədri xatırladıb ki, yeganə Azərbaycan Xalq Cəbhəsi Partiyası istisna olmaqla, digər siyasi partiyalarla bu gün iqtidar arasında normal, sivil, konstruktiv əməkdaşlıq mühiti mövcuddur:

“Bunun ən bariz nümunələrindən biri mayın əvvəllərində Prezident Administrasiyasının Siyasi partiyalar və qanunvericilik qurumu ilə iş şöbəsinin rəhbəri Ədalət Vəliyevin moderatorluğu ilə yüksək səviyyəli bir toplantının keçirilməsidir. Orada “Siyasi partiyalar haqqında” qanunun icrası ilə bağlı bütün partiyaların təkcə bu məsələ ətrafında deyil, həm də digər məsələlər ətrafında da açıq fikir mübadiləsi aparıldı, onların çıxışlarına, söyləmiş olduğu fikirlərə hər hansı bir məhdudiyyət, xüsusi irad bildirilmədi. Belə bir toplantı, belə bir görüş yüksək əhval-ruhiyə ilə keçdi. Bunun özü də hazırda Azərbaycanda siyasi mühitin göstəricisi kimi nəzərə alınmalıdır”.

F. Ağamalı diqqətə çatdırıb ki, qarşıdan parlament seçkiləri gəlir:

“Parlament seçkiləri bir qayda olaraq, siyasi proseslərə qaynarlıq verib, fəallıq gətirir. Ona görə də parlament seçkiləri elan olunan kimi, düşünürəm ki, bu fəallıq özünü bütün mənalarda göstərəcək və özünə inanan, güvənən, özündə güc tapan siyasi partiyalar namizədlərlə parlament seçkilərinə qatılacaq, proseslərdə fəal iştirak edəcək. Əminəm ki, bütün bu fəallıq Azərbaycan qanunları çərçivəsində keçəcək və Azərbaycanın siyasi mühiti üçün mühüm bir hadisə olan parlament seçkiləri yüksək səviyyədə başa çatacaq. Hazırkı dövrdə siyasi mühitdə ciddi qabarmalar yoxdur, siyasi mühitdə sabitlik hökm sürür və normal konstruktiv əməkdaşlıq davam edir”.

“Yenicag.az” saytı

Rafi Müslümov

06 iyun 2024-cü il

[metbuat]

İPL:

İngiltərə Premyer Liqasında VIII turunun oyunlarına start verilib.  Metbuat.org xəbər verir ki, ilk oyun günü iki qarşılaşma keçiriıib. Stiven Cerrardın başçılıq etdiyi “Aston Villa” “Southempton”un qapısından cəmi bir qol keçirməklə 3 xala yiyələnib. Ötən tur “Tottenhem”ə məğlub olan “Fulhem” isə səfərdə “Nottingem Forest”dən üstün olub – 3:2. Turun digər oyunları sabah və sentyabrın 18-i…

[yagubov]

Mən sadəcə nəfəs aldığım üçün pul almaq istəyirəm. Ömrümü işləyərək keçirməklə yox.

[bilinmeyen-heqiqetler]

I Allah, dünyada maddi və mənəvi gözəlliklər verdiyi vicdanlı insanlara, ölümdən sonra əsl vətənləri olan cənnətlə müjdələyir. Cənnət, dünya tarixi boyunca içlərindəki “doğruya yönəldən səs”ə uymuş, vicdanı ən yüksək olan kəslərin bir yerə gəldikləri məkandır. Cənnətdə vicdana zidd nə bir söhbət, nə bir baxış, nə də bir rəftar olmayacaq. Cənnətdə, dünyada xeyir əməllərin qarşılığını ən gözəliylə almış olan insanların sevinci və xoşbəxtliyi hakim olacaq və bu mühit sonsuza qədər davam edəcək. Cənnətin gözəlliyi, Yasin surəsində belə izah edilir: Bu gün heç kəsə heç bir haqsızlıq edilməyəcəkdir. Siz ancaq etdiyiniz əməllərin qarşılığını alacaqsınız. Həqiqətən cənnətliklər bu gün nemətlər içində səfa sürərlər. Onlar və zövcələri kölgəliklər altındakı taxtlara söykənib oturarlar. Orada onlar üçün meyvə və istədikləri hər şey mövcuddur. Rəhmli Rəbb tərəfindən (onlara) “salam” deyilər. (Yasin surəsi, 54-58) İnsan dünya həyatında nəfsindəki fücura qalib gəlib ömrünü Allahın razı olacağı şəkildə keçirməklə məsuldur. Bunun üçünsə ona təxminən 60-70 il kimi çox az müddət verilmişdir. Allah, razılığını qazanan qulları üçün dünyadakı bu qısa həyatdan sonra sonsuz və bənzərsiz bir həyat yaratmışdır. Dünya həyatındakı bu ömür göz açıb bağlayana qədər sürətlə tükənib keçir. Bu müddət ərzində səbirli, həmişə gözəl əxlaqlı və Allahın səmimi bir qulu olan kəslər axirətdə çox böyük mükafatla, yəni sonsuz cənnət həyatı ilə qarşılaşacaqlar. Şübhəsiz ki, bu Rəbbimizin qullarına olan lütfkarlığının, rəhmətinin və sevgisinin çox əhəmiyyətli təcəllisidir. Rəbbinizin məğfirətinə və genişliyi göylər və yer qədər olub müttəqilər üçün hazırlanmış olan cənnətə tələsin! (Ali İmran surəsi, 133) Allah hər insanı, hər şeyin ən gözəlindən, ən mükəmməlindən zövq alacaq və bunları çox arzulayacaq bir ruh ilə yaratmışdır. Bu səbəblə də insan həyatı dərk etməyə başladığı andan etibarən bu mükəmməlliyə həmişə nail olmağı çox istəyər. Daimi gözəllik və nemət axtarar. (ardı rəydə) #quran #ayə #islam #iman #Allah #namaz #din #cənnət #cennet #vicdan https://www.instagram.com/p/CfRvGkgMWPR/?igshid=NGJjMDIxMWI=

[aliibrahimovofficial]

18 mart Çanaqqala Şəhidlərini Anma Günü olaraq elan edilmişdir. Allah bütün şəhidlərimizə rəhmət etsin inşallah! ✊🇦🇿🇹🇷 Çanaqqala Birinci Dünya müharibəsi zamanı, yəni, 1915-1916-ci illərdə Osmanlı dövləti ilə Antanta dövlətləri arasında baş vermiş dəniz və quru döyüşüdür. İttifaq dövlətləri Osmanlı dövlətinin paytaxtı İstanbulu almaq məqsədilə boğazlara nəzarəti ələ keçirmək, Rusiya ilə etibarlı ticarət yolu açmaq, Almaniyanın müttəfiqlərindən birini zəiflətmək məqsədləri ilə ilk hədəf olaraq Çanaqqala boğazına girmiş, ancaq hücumları müvəffəqiyyətsiz olmuş və iki tərəf də çox ağır itkilər vermişdir. 1915-ci il martın 18-dən 1916-cı il yanvarın 9-dək olan dövrdə baş verən bu döyüşün Türkiyə tarixi üçün çox böyük əhəmiyyəti var. Osmanlı dövlətinə məxsus boğazlar strateji baxımdan Antanta dövlətləri üçün ən əlverişli şans sayılırdı. Boğazları tutmaqla onların məqsədi Almaniya ilə Osmanlı Türkiyəsini bir-birindən təcrid etmək və İstanbulu ələ keçirməklə Osmanlı Türkiyəsinin Qara dənizdə hökmranlığına birdəfəlik son qoymaq idi. İstanbulu ələ keçirməyin ən real qapısı olan Çanaqqala boğazının təhlükəsizliyi hələ 1914-ci ilin avqustundan nəzarətə götürülmüşdü. 1914-cü il noyabrın 3-də ingilis və fransız qüvvələri boğazın ağzına doğru yaxınlaşdılar. İngilislər Seddülbahir və Ərtoğrul qalalarını, fransızlar da Anadolu yaxtasında Qumqala və Orhaniyə qalalarını topa tutdular. İngilis sualtı qayıqları dekabrın 2-də boğaza girdi və 750 metr irəlidə yerləşən “Mesudiye” zirehli gəmisinə mərmi ataraq gəmini batırdı. Bu iddialarla İngiltərə 1915-ci il yanvarın 28-də Osmanlı dövləti ilə döyüş qərarı verdi və bu qərara Fransa da qoşuldu. Fevralın 19-da düşmən döyüş gəmiləri amansız bombardmanla xeyli irəlilədi. Martın 18-də ingilis-fransız gəmiləri şiddətli atəşə başladılar. Mecidiyye və Hamidiyyə istehkamları ardıcıl atəşə tutuldu. Dünyanın böyük bir ərazisini ədalətlə idarə edən Osmanlı dövlətinin tənəzzülündən yararlanmağa çalışan Avropa dövlətlərinin məqsədi Türkiyəni İstanbuldan vurub çıxarmaq, ümumilikdə Anadolu ərazisini türk etnonimindən təmizləmək idi. Lakin azlıqda və çətinlikdə qalmasına baxmayaraq türk xalqı bu döyüşdən alnıaçıq və şərəflə çıxa bildi. Daha doğru https://www.instagram.com/p/CbOmcdyKWmj/?utm_medium=tumblr

[elnur]

Əfqanıstanda Taliban hakimiyyəti ələ aldıqdan sonra Fransaya evakuasiya olunan əfqanların sayı 2700-ə yaxındır. Hələ bu proses başlamadan, bu prosesi hansı yöndə və daha rahat həyata keçirməklə bağlı müxtəlif iclaslar, toplantılarımız oldu. Artıq bir neçə həftədir, Fransaya pənah gətirənlərin qeydiyyat və yerləşdirmə işlərinə başlamışıq. Burada bir neçə məqam var. Gələnlərin heç də hamısı Əfqanıstanda xidmət etmiş Fransa ordusuna tərcüməçilik yaxud digər administrativ işlərdə kömək edənlər deyil, yaxud Kabuldakı Fransa səfirliyində işləyən yaxud bu və ya digər formada səfirliklə əlaqəsi olanlar deyil. Pənah gətirənlər arasında, xeyli sayda əfqan incəsənət xadimi, musiqici, aktyor, aktrisa və s. var. Təəssüfləndirici haldır ki, öz ölkələrinin mədəniyyətinə misilsiz tövhə verən bu insanlar didərgin düşmək məcburiyyətində qalıblar. Dünən şəxsən xanım əfqan aktrisanı ailəsiylə birlikdə qəbul etdim. Azərbaycan kinosunda Nəsibə Zeynalova, Afaq Bəşirqızı, Amaliya Pənahova hansı yerə sahibdirsə, yaxud Marion Cotillard, Catherine Deneuve, Audrey Tautau fransız kinosunda hansı zirvədədirsə, bu xanım da əfqan kinosunda o yerdədir. Sadəcə Əfqanıstanda deyil, qonşu Özbəkistan, Tacikistan və İranda belə populyar olmuş biridir. Xarici telekanalların haqqında sənədli film çəkdiyi, müxtəlif xarici filmlərdə rol alan, fransız rejissorlar və kino xadimləriylə ortaq layihələri olan bu aktrisa xanım öz ölkəsindən 58 yaşında didərgin düşmək məcburiyyətində qalıb. Bu bir daha göstərir ki, Əfqanıstan bütün bu siyasi və hərbi qarışıqlıqla yanaşı, öz milli və mədəni faciəsini yaşayır. Öz incəsənəti olmayan bir xalqın milli kimlik kimi formalaşması mümkün deyil. https://www.instagram.com/p/CUFhOgnjSM8/?utm_medium=tumblr

[5mertebe]

Hansı tarixi qoruyuruq: Malakan məbədi, Radio binası, yoxsa Salaam Cinemanı? Və ya Liboşların Qeyri-Demokratik Mübarizəsi

Salaam Cinema məsələsi ilə yeni məlumatlar daxil olduqca, tərəflərin mövqeləri daha da aydınlaşmağa başladı. Məlum oldu ki əvvəlki yazıda hadisə yerindəki vəziyyətlə bağlı verilən sualların demək olar ki, hamısına cavab “yox” olub. Gəlin xırdalayaq:

1) Görəsən Salaam Cinemada sözügedən demokratik mühit varmı? 

- Yox imiş, bir qrup insan qərarvermə haqqına sahib olduğuna inanıb, başqalarını prosesdən kənarda tutublar. Bunun adı avtoritarizmdir və bu siyasi rejimi sınaqdan keçirməklə bağlı ölkəmizdə uzunmüddətli təcrübə var, avtoritarizm üçün Salaam Cinema-ya ehtiyac yoxdur.

2) Dəstək verən hamının düşüncəsi nəzərə alınırmı? Yoxsa hansısa aktiv altqrupun xoşuna gəlmir deyə mübarizədən kimlərsə kənarlaşdırılır? 

- Məlum oldu ki, başdan ayağa siyasi bir hərəkət olanda bu dirənişdə öz siyasi baxışlarını (KİTAB YOLU İLƏ!) təqdim və təbliğ edən bir qrup solçu nəzakətsiz formada hadisə yerindən qovulubmuş. Siyasi bir hadisədə insanların gəlib dəstək verməsi və eyni zamanda öz siyasi görüşlərini təbliğ etməyə çalışmasından təbii nə ola bilər? Harada paylamalıdırlar kitablarını, toyda, yoxsa yas məclisində? Kitab yazmağı, paylamağı qadağan edənlərin hakimiyyəti altında da uzunmüddətli təcrübəmiz var, bunun üçün də Salaam Cinemaya ehtiyac yoxdur. Fikirlərin sərbəst paylaşıldığı və müzakirə olunduğu sistemə demokratiya deyilir. Anti-demokratik idarəetməyə nümunə kimi Salaam Cinemaya ehtiyac yoxdur.

3) İnsanlar təşkilatlanıb, iş bölgüsü aparıblarmı? 

- Xeyr, çünki hələ də orada baş verənlər haqda məlumatı ondan-bundan alırıq, əli qələm tutan adamların arasından bir-iki nəfəri sırf məlumatlandırma işinə cəlb etməyiblər. Pərakəndəliyin nümunəsi kimi Salaam Cinemaya ehtiyac yox idi, bunun üçün 20 Yanvar dairəsinə getmək kifayət edir.

4) Mediya ilə münasibətlər necə tənzimlənir? Mediyanın klassik gedişini– etiraza lider istehsal etmə, ad qoyma cəhdlərini  necə dəf edəcəklərini bilirlərmi (Fransada sarı jiletlilərin etdiyi kimi) ? 

- Xeyr. Report.az-a verilən biabırçı müsahibə, konkret iki-üç nəfərin hamı adına danışması yoldaşların mediyanın klassik gedişlərindən xəbərdar olmadığının göstəricisidir. Gediş isə sadədir: mediya belə horizontal, tanımlanması çətin və tanımlanması çətin olduğuna görə idarəsi və susdurulması çətin olan etirazlara başçı təyin edir, başçını və ya qrupu danışıqlara cəlb edir (”ayə, başçınız kimdir, gəlin bir danışaq, həll edək də məsələni.”) və bir qrup şəxs danışıqlar zamanı mövqelərini və duruşlarını itirərək, kollektiv adından danışaraq hərəkəti çökdürür (əlbəttə əgər yaşıl jiletlilərdə olduğu kimi bu qondarma liderləri insanlar birbaşa olaraq hədəfə alıb, çox uçmadan yerə vurmasa). İnsanları təmsil etdiklərini iddia edib, öz maraqlarını və gələcəklərini irəli çəkən insanların mövcudluğuna misal olaraq Salaam Cinemaya ehtiyac yoxdur.

5) Kollektiv qərarvermə üçün müvafiq mexanizm hazırlanıbmı?

- Xeyr, kollektiv qərarvermə deyə bir şey olmayıb. Kiçik bir qrup qeyri-inklüziv və qeyri-demokratik şəkildə qərarlar verib.

Hər bir sosial hadisə mövqelərin aydınlaşması üçün bir imkandır. Bu gün gördük ki, gündüz vaxtı demokratiyadan, azadlıqdan, LGBT haqlarından, qadın haqlarından danışanların həqiqətdə nəyə inandıqları Salaam Cinema dirənişi zamanı ortaya çıxdı. Bütöv ölkədən tutmuş, kiçik və qısa bir zamanda yaranmış icmaya qədər hər bir ictimai quruluş müəyyən sosial müqaviləyə əsasən qurulur. Bizim müqaviləmizdə anti-demokratiya, avtoritarizm, yaltaqlıq yer almır. Kollektiv iradəyə hörmətsizlik edən bir dirəniş bizə lazım deyil. Sizin tarixiniz, bizim tariximiz deyil, sizin mübarizəniz, bizim mübarizəmiz deyil.

[zuzu-cookbook-blog]

atom qurabiyəsi

125 qr.yumşalmış yag(kərə və ya marqarin) Yarım armudu st. duru yag 1 dolu armudu st.şəkər kirşanı(pudrası) 1ortaboy yumurta 2 x.q.bərk qatıq( durudursa süzün) 1 p.vanil,1p.qabartma 3,5 st.ələnmiş un(qeyd edim ki bu 3 stəkan yarım deməkdir.bəzi xanımlar bunu 3-5 bilib çox tökürlər) İçlik 6 ortaboy alma 1st.şəkər Xırdalanmış qoz (istəyə görə az çox sizə baglı) 1 ç.q.darçın

Xəmir üçün bütün ərzaqları bir qaba töküb yogurun ələ yapışmayan yumşaq xəmir olacaq. 10-15 dəq.soyuducuya qoyun. Almaları soyub sürtgəcin iri gözündən keçirin, suyu tamam çəkilincə qovurun, şəkər töküb yenə şirəsini çəkincə qovurub götürün, şəkər az da gedə bilər almanın şirinliyindən asılıdır özünüz tənzimləyin. Soyuduqdan sonra darçın qoz töküb qarışdırın. İstəyə görə limon rəndəsi və suyu ilə şəkər un qarışdırıraq, Xurma kişmiş qoz əzmələri ilə, kokos şəkər süd qarışımı ilə də içlik hazırlaya bilərsiniz. Və ya bərk şokalad pastasından, bərk cemdən( povidlo) istifadə edə bilərsiniz. Xəmirdən qozdan böyük 22-23 ədəd hissələr götürüb şəkillərdə gördüyünüz kimi limon suyu çıxaran qabın içinə streç keçirməklə bu cür hazırlayıb 180 dərəcədə az isinmiş sobada çox qızarymadan bişirin. Soyusun şəkər kirşanı səpin.

https://www.instagram.com/p/BspavmrH9RiQ0OlRdTBi4optE_K9J5xFCgRXWc0/

forma verme videosu basqasindan 

https://www.instagram.com/p/BnQ3hQNnbSm/

[alvinmediahouse]

SəninYerin 😋... Haput kəndi Baş Qafqaz silsiləsinin yamacındadır. Haputların ana dili haput dilidir. Əksər kəndlilər ilin yarısını yaylaqda, yarısını qışlaqda keçirməklə heyvandarlıqda məşğul olur.. 🌄.. (Haputlular çox mehriban və qonaqpərvərdir... Əgər yolçunun birşeyə ehtiyacı varsa, bacardıqları köməkliyi etməyə çalışırlar)..💛 Gəlin bura, mənzərəyə və insanlara aşiq olun)).. 💜 . * #SeninYerin #selfie #project #YourPosition #YourPlace #iloveyou #happy #trip #azerbaijan #caucasus #haput #extreme #summer #travel #tour #tourtheplanet #travelblogger #trekking #hiking #sport #sheeps #MuhammadAgha #directorOfPhotography #photographer #nikon #love #cometome #2017 #followme on #instagram

[politiciansstuff]

“İRANIN AZƏRBAYCANA QARŞI ARTMAQDA OLAN AQRESSİYASI BİZİ ƏLAVƏ EHTİYAT TƏDBİRLƏRİ GÖRMƏYƏ VADAR EDİR”

Xəbər verdiyimiz kimi, Türkiyə Silahlı Qüvvələri ilə Azərbaycan Silahlı Qüvvələri birgə hərbi təlimlərə başlayıb. Azərbaycan Ordusu və Türkiyə Silahlı Qüvvələrinin müxtəlif qoşun növlərinin şəxsi heyəti, döyüş və xüsusi təyinatlı mühəndis-istehkam texnikası, həmçinin hərbi aviasiya vasitələrinin cəlb olunması ilə keçirilən təlim Bakı şəhərini, eləcə də Astara, Cəbrayıl və İmişli rayonlarının ərazilərini əhatə edir.

Azərbaycanın müdafiə naziri general-polkovnik Zakir Həsənov və Türkiyənin milli müdafiə naziri Hulusi Akar da Azərbaycan-Türkiyə birgə təlimini izləyib. Təlimi izləyənlər arasında Türkiyənin Baş Qərargah rəisi ordu generalı Yaşar Güler, Quru Qoşunları komandanı ordu generalı Musa Avsever, Hərbi Hava Qüvvələri komandanı ordu generalı Atilla Gülan, Hərbi Dəniz Qüvvələri komandanı donanma admiralı Ercüment Tatlıoğlu və Azərbaycanın yüksək rütbəli zabitləri də olub.

Milli Məclisin deputatın Fəzail Ağamalı Azxeber.com-a açıqlamasında bildirib ki, İranın Azərbaycana qarşı artmaqda olan aqressiyası bizi əlavə ehtiyat tədbirləri görməyə vadar edir:

“Bəlli olduğu kimi qardaş Türkiyə ilə Azərbaycan Silahlı Qüvvələrinin birgə təlimlər keçirməsi artıq ənənəvi xarakter daşıyır. Bu günlərdə genişmiqyaslı hərbi təlimin keçirilməsi məhz bu ənənəyə söykənir. Nəzərə alsaq ki, İranın Azərbaycana qarşı artmaqda olan aqressiyası bizi əlavə ehtiyat tədbirləri görməyə vadar edir. İran molla rejimi İran ərazisində yaşayan xalqların ciddi təzyiqi altından çıxması üçün ən müxtəlif variantlara əl ata bilər. Başqa sözlə desək daxildəki iğtişaşları yatırtmaq və insanların diqqətini guya İrana qarşı hansısa bir ölkənin təcavüz etməsini önə çəkərək, ən gözlənilən variant onun Azərbaycan qarşı təcavüzü də istisna olunmur”.

Deputat həmçinin bildirib ki, görüntülər, səfərlər, aparılan təlimlər göstərir ki, biz ciddi proseslərə hazırlıq mərhələsindəyik:

“Məhz bu baxımdan bir tərəfdən Azərbaycan Müdafiə Nazirliyinin, Silahlı Qüvvələrinin Baş Qərargah rəisi Kərim Vəliyevin ABŞ-a səfəri, orada Pentaqonun ən yüksək səviyyəli şəxsləri ilə keçirdiyi görüşlər, apardığı müzakirələr, əldə olunan razılaşmalar oldu. Digər tərəfdən də məhz qardaş Mehmetçilərin geniş xarakter daşıyan iştirakı ilə Azərbaycanın İranla sərhəd boyu, yəni Cəbrayıl, İmişli, Astara ərazilərində təlimlərə başlaması onu göstərir ki, Azərbaycan və Türkiyə Şuşa Bəyannaməsinin prinsiplərinə, razılaşmalarına uyğun olaraq bu təlimləri keçirməklə İrana ciddi şəkildə xəbərdarlıq edir. Artıq təlimləri izləmək üçün qardaş Türkiyənin Müdafiə naziri özünün yüksək səviyyəli komandası ilə Azərbaycandadır. Cənab Prezident tərəfindən onun qəbul edilməsi, Müdafiə Nazirliyində aparılan danışıqlar, təbii ki, bunun detalları bizə bəlli deyil. Lakin bu görüntülər, səfərlər, aparılan təlimlər göstərir ki, biz ciddi proseslərə hazırlıq mərhələsindəyik”.

Deputat əlavə edib ki, İranın Azərbaycana qarşı aqressiyası, gözlənilən hücumunun qarşısını almaq üçün bütün tədbirlər görülür:

“Hətta bu təlimlər içərisində Bakı da yer alır. Burada Bakının bütün mənalarda hücumdan müdafiə sisteminin yaradılması da təlimin ən vacib şərtlərindən biridir. Beləliklə, "Qardaş yumruğu” adı altında keçirilən təlim hər kəsə Azərbaycana qarşı aqressiv münasibət bəsləyən hər kəsə ciddi xəbərdarlıqdır. Düşünürəm ki, bunun konkret mesaj kimi nəticələri olacaq və İran bundan nəticə çıxarmalıdır. Öz daxilində xalqın narazılıqlarını yatırtmaq üçün istifadə edə biləcəyi hər hansı bir dövlət və müharibə Azərbaycana yönələrsə, o, bundan olduqca ağır və sarsıdıcı zərbələr alar. Qardaş Türkiyə ilə bərabər Azərbaycan Ordusu artıq Təbrizin, Ərdəbilin, hətta Tehranın küçələrində görünə bilər”.

“Azxeber.com” saytı

Aydın Nuri

06 dekabr 2022-ci il

[metbuat]

FOTO

Qaçış üzrə səkkizqat olimpiya çempionu Useyn Bolt yarışlarda qələbə qazanandan sonra verdiyi pozanı ticarət nişanı kimi qeydiyyatdan keçirməkdə qərarlıdır. Metbuat.org BBC-yə istinadən xəbər verir ki, ticarət nişanı həmin pozanın qara siluetinin ağ fonda təsviri olacaq. Veteran sprinterin planı barədə ticarət nişanları üzrə mütəxəssis Coş Qerben belə danışıb: “Onun qələbə pozası bütün dünyada…

[qumrral]

Biriylə zaman keçirməklə,birinə zaman ayırmaq çox fərqli bişeylərdi.

[listeliyi]

via Dağlıq Qarabağda qondarma "referendum" keçirməklə separatçı rejim həm də müharibəyə hazırlaşır — Politoloq rəyi http://ift.tt/eA8V8J Ermənilər Dağlıq Qarabağda qondarma "referendum" keçirəcəyini bəyan edib Qondarma referendum məsələsi Azərbaycanla yanaşı beynəlxalq aləm tərəfindən də tənqid edilib. ATƏT-in Minsk qrupu, Avropa Birliyi, Rusiya, İran, Türkiyə və digər dövlətlər bu "referendum"u qanunsuz saydıqlarını və Azərbaycanın ərazi bütövlüyünü tanıdıqlarını bəyan ediblər. Ermənilərin növbəti oyununu politoloq Mübariz Əhmədoğlu şərh edib: "Dağlıq Qarabağda ermənilər referendum addımı atmaqla əks-effekt yaratdılar. ATƏT-in Minsk qrupunun həmsədrləri, Avropa Birliyi, Rusiya, Türkiyə, İran Ermənistanın əleyhinə bəyanat verdilər. İranın bəyanatı dolğun bir bəyanat idi. İran ilk dəfə idi ki, Dağlıq Qarabağ probleminin Azərbaycanın ərazi bütövlüyü prinsipləri çərçivəsində həllinin mümkün olduğunu bəyan etdi. Əsas məsələlərdən biri ATƏT-in Minsk qrupunun həmsədrlərinin verdiyi bəyanatdadır. Bu referendum Dağlıq Qarabağın hüquqi statusunu müəyyən edə bilməz. Bu o deməkdir ki, ATƏT-in Minsk qrupu Ermənistan və Dağlıq Qarabağ ermənilərinin təkbaşına Dağlıq Qarabağın statusunu müəyyən edə bilməyəcəklərini bildirdi. Dağlıq Qarabağın statusunun müəyyən olunması üçün hökmən Dağlıq Qarabağ Azərbaycanlıları da iştirak etməlidir. Dağlıq Qarabağ azərbaycanlılarının iştirakı olmadan Dağlıq Qarabağın qanuni statusu müəyən edilə bilməz". Ermənilərin bu addımla yanaşı müharibə hazırlığı da gördüyünü də deyən politoloq bildirdi ki, Dağlıq Qarabağda prezident üsul-idarəli respublikaya keçməklə hakimiyyəti bir əldə cəmləşdirmək istəyirlər: "Qondarma Dağlıq Qarabağ ordusnunun 2 minə yaxın şəxsi heyəti var. Separatçı rejimin əsgərləri ilə yanaşı orada 20 minə qədər Ermənistan əsgəri də Qarabağ ərazisindədir. Ermənistan ordusuna da əmr verə bilmək üçün Qondarma Dağlıq Qarabağ prezidentinə səlahiyyət vermək istəyirlər. Bu onu göstərir ki, ermənilər müharibəyə hazılaşırlar. Referendumda separatçı rejim Dağlıq Qarabağın adını da dəyişir. Bəlli olur ki, Dağlıq Qarabağ adı ilə separatçı rejimin müstəqilliyini tanıda bilmədilər. Ona görə Dağlıq Qarabağın adın dəyişib Artsax qoyurlar ki, bəlkə bu yolla Beynəlxalq ictimaiyyəti aldada bilsinlər. Azərbaycanın gücü bəllidir. Ermənilər təxribat etsələr Azərbaycan onlara çox kəskin cavab verəcək. Azərbaycan diplomatiyası da çox güclüdür. Ermənilərin 20 dövlətdə normal səfirlikləri var. Onların da 4-5-i çox güclüdür. Yerdə qalan dövlətlərdəki səfirliklərin heyəti 3-4 nəfərdən ibarətdir. Belə diplomatiya ilə ermənilərin Artsax adı ilə Dağlıq Qarabağı tanıtdırması da mümkün deyil".

[bilinmeyen-heqiqetler]

I İsraf dedikdə insanın ağlına əvvəlcə mal, mülk və ya pul israfı gəlir. Halbuki, israf təkcə mal ilə olmur. Allahın verdiyi hər nemətin Allah rizasını güdmədən boş yerə sərf edilməsi israfdır. Allah insanların onlara verilən nemətləri necə dəyərləndirdikləri ilə bağlı axirətdə sorğu-sual ediləcəklərini “Sonra da həmin gün nemətlər barəsində mütləq sorğu-sual olunacaqsınız!” (Təkasur surəsi, 8) ayəsi ilə xəbər verilmişdir. Zaman israfı Zaman Allahın insanlara verdiyi çox böyük nemətdir. İnsanların hədəfi dünya həyatında onlara verilən möhlət ərzində Allahı ən çox razı edən əməllər etmək və axirətdəki sonsuz cənnət nemətlərinə qovuşmaqdır. Bunun üçün Allah rizasının ən çoxunu nəzərə alıb dəyərləndirilməli mühüm nemətlərdən biri zamandır. Əgər insan vaxtını Allah rizası üçün işlər görmək əvəzinə ağlını və qəlbini Allahı anmaqdan uzaq tutub boş işlərlə keçirirsə, bu böyük neməti israf etmiş olur. Buna görə, zaman kimi nemət israf edilməməli, hər saniyəsi Allah rizasına uyğun düşüncə və davranışlarla dəyərləndirilməlidir. Bilik israfı Allah bəzi insanlara müəyyən sahələrdə bacarıq vermiş və onlara dərgahından bilik üstünlüyü bəxş etmişdir. Məsələn, Allah lütf olaraq bəzilərinə xarici dil öyrənmə imkanı vermiş, bəzilərini kompyuter və ya mühəndislik kimi texniki sahələrdə bilik sahibi etmiş, bəzilərinə isə geniş dünyagörüşü bəxş etmişdir. İnsanlar onlara verilən bu nemətlərdən və bunları Allah rizasına uyğun olaraq Onun varlığının və üstün gücünün insanlara təbliğdə sərf etməkdən məsuldurlar. Əks təqdirdə, sahib olduqları biliyi israf edərlər. Sağlamlığın israfı Sağlamlıq da Allahın insanlara bəxş etdiyi böyük nemətdir. İnsan Allahın dünya həyatında ona əmanət kimi verdiyi bədənə ən yaxşı şəkildə qulluq etməklə və Allah rizası üçün ömrünü keçirməklə məsuldur. Əlbəttə, sağlamlığı verən Allahdır. Ancaq insan bu bədəni sağlam saxlamaq üçün təmiz və sağlamlığa faydalı yeməklər yeyərək səbəblərə sarılır, bu, onun feili duasıdır. Bədəninə lazımınca qulluq etməmək, səhhətinə zərər verən qida və içkilərdən istifadə etmək bir növ sağlamlığın israfıdır... (ardı rəydə) #quran #ayə #surə #ixlas #islam #iman #əxlaq #hzəli #tövbə #təqva #dinipaylasimlar #israf #Allah https://www.instagram.com/p/CYTYawlMVKG/?utm_medium=tumblr

[politiciansstuff]

Fəzail Ağamalı: “Fövqəladə rejim elan olunmalı, komendant saatı tətbiq ediməlidir” - MÜSAHİBƏ

Deputat Fəzail Ağamalının APA-ya müsahibəsi

- Pandemiya ilə mübarizənin ilkin mərhələsində ölkəmiz ciddi uğurlar əldə etmişdi. Bu gün isə vəziyyət dəyişib, yoluxma pik həddədir. Sizcə, buna səbəb nə oldu?

- Virusun dünya miqyasında yayıldığı ilk anlarda Azərbaycan dövləti çox operativ, çevik və kompleks tədbirlər həyata keçirməklə virusun ölkəmizdə geniş yayılmasına imkan vermədi. Dərhal təşkilati tədbirlər həyata keçirildi, qadağalar tətbiq olundu, kütləvi tədbirlərin keçirilməsi dayandırıldı. Digər tərəfdən maarifləndirmə işləri də geniş miqyas almağa başladı. Müəyyən zaman kəsiyində bu tədbirlər öz effektini göstərdi. Lakin sonradan vətəndaşlarımızın məsələyə ciddi yanaşmaması virusun yayılma miqyasını artırmağa başladı. Vəziyyətin geniş miqyas almaması üçün Operativ Qərargah sərt karantin rejimi tətbiq etdi. Həqiqətən bir tərəfdən sərt karantin rejiminin tətbiqi, digər tərəfdən maarifləndirmə işinin geniş vüsət alması Azərbaycanda yoluxmanın sayını demək olar ki, minimuma, 20-yə endirdi. Sağalanların sayı iki qat artdı və ölüm faktı qeydə alınmadı. Bununla bağlı keçirilən tədbirlərin müsbət nəticə verməsi nəzərə alınaraq, Operativ Qərargah tədricən yumşalma taktikasını seçdi. Operativ Qərargah vətəndaşlara bununla belə yenə də bütün qaydalara əməl etməsini tövsiyə etdi. Təbii ki, insanlar da normal həyatına qayıtmalı idi, uzun müddət karantin rejimində yaşamaq mümkün deyil. İş yerləri açılmalı, istehsal fəaliyyəti bərpa olunmalı idi. Yəni Operativ Qərargahın yanaşması bütün mənalarda əslində doğru idi. Lakin bununla bərabər eyni zamanda Milli Məclis İnzibati Xətalar Məcəlləsinə yeni maddə əlavə etdi. Bu maddədə tibbi maskalardan istifadə, sosial məsafənin gözlənilməsi və gigiyena qaydalarına əməl edilməsini xüsusi olaraq önə çəkildi. Qapalı məkanlarda maskalardan istifadə etməyənlər üçün cərimələr müəyyənləşdi. Biz belə düşündük ki, Operativ Qərargahın yumşalma ilə bağlı qərarı ilə yanaşı, bu qanunla maskalardan istifadənin vacibliyi önə çəkilsin. Milli Məclisin və Operativ Qərargahın paralel addımları əslində vətəndaşlarımızı qaydaları pozmaqdan çəkindirməli idi. Ancaq bu, baş vermədi. İnsanlar kütləvi şəkildə maskasız gəzintilərə başladılar, sosial məsafə ilə bağlı qadağa pozuldu, parklarda vətəndaşların kütləvi şəkildə toplanması müşahidə edildi. Digər tərəfdən, bəzi insanlar vəziyyətin kifayət qədər ciddi olduğunu anlamır və hətta təhsili olmayanlar belə ekspert kimi çıxış edərək, baş verənləri oyun kimi qiymətləndirir, bu inamsızlığı sosial şəbəkələrdə bütün vətəndaşlarımıza yoluxdururdular. Həmçinin, antimilli qüvvələrin dövləti ittiham etməsi, onların da sosial şəbəkələrdə vətəndaşların koronavirusa inamsızlığını stimullaşdırmaq üçün şərhlər vermələri, müxtəlif fikirlər ifadə etmələri koronavirusun ölkəmizdə daha geniş yayılmasında ciddi rol oynadı.

Beləliklə, hazırda biz kifayət qədər ciddi situasiya ilə qarşı-qarşıyayıq. Azərbaycanda təəssüflər olsun ki, koronavirusa yoluxmanın və ölümün sayı kəskin artır, sağalanların sayı isə azalır. Artıq verilən rəsmi məlumatlara görə, xəstələrin yerləşdirilməsi və müalicəsi ilə bağlı müəyyən problemlər yaranır. Bu da ciddi məqamlardan xəbər verir.

- Azərbaycanın 8 şəhər və rayonlarında yenidən sərt karantin rejimi tətbiq edildi. Yenidən xüsusi sərt karantin rejiminin tətbiq edilməsi nə dərəcədə effektli olacaq?

- Düşünürəm ki, bu, ciddi şəkildə davam etdirilməlidir. Bununla kifayətlənmək olmaz. Pandemiyanın Azərbaycanın digər rayonlarına, yaşayış məntəqələrinə yayılmasının qarşısını almaq üçün daha ciddi xarakter daşıyan tədbirlər həyata keçirilməlidir. Heç bir halda insanlara güzəşt olunmalı deyil. Vətəndaşların hərəkətinə və fəaliyyətinə ciddi şəkildə qadağalar qoymaq lazımdır. Hökmən maskalardan istifadə insanlar tərəfindən qəbul edilməli, sosial məsafənin gözlənilməsinin virusa yoluxmanın azalmasına səbəb olması reallığı dərk edilməlidir. Bununla yanaşı, hər kəs gigiyena qaydalarına əməl etməlidir.

Karantin rejimi daha da sərtləşdirilməlidir. Hətta dəfələrlə cərimə edilməsinə baxmayaraq, ən müxtəlif bəhanələrlə qaydaları pozan şəxslər hətta cinayət məsuliyyətinə cəlb edilməlidir.

Digər tərəfdən, cərimələrin miqdarı artırılmalıdır. Görünür ki, 50-200 manat cərimə bəzi insanlar üçün çəkindirici xarakter daşımır. Təsadüfi deyil ki, Prezident İlham Əliyev Gəncədə səsləndirdiyi fikirlər bu gün öz aktuallığını göstərməkdədir. Prezidentin də qeyd etdiyi kimi, bir sıra nazirliklərdə, qapalı məkanlarda insanların maska taxmamasına göz yumurlar. Eyni zamanda belə fikir də irəli sürüldü ki, bəzi imkanlı adamlar cərimənin miqdarının az olmasından istifadə edərək, öz işləri ilə məşğul olurlar. Bu insanlar bu gün virusun yayılmasında ciddi rol oynayırlar. Ona görə də bu məntiqlə çıxış edərək, cərimələrin miqdarının xeyli artırılmasının vacib olmasını düşünürəm. İnsanlar anlamalıdır ki, bu addım onların sağlamlığına xidmət edir. Bu, vətəndaşların pul qabının zəifləməsinə xidmət edən addım deyil. Onlar sağlam olmalıdır ki, özlərinin gələcək həyatlarını yüksək səviyyədə qura bilsinlər. Bu, olmursa, maariflənməyə əhəmiyyət verilmirsə, Operativ Qərargahın tövsiyələri, tapşırıqları nəzərə alınmırsa, sərt tədbirlər həyata keçirilməlidir. Pandemiyanın genişlənməsində bu və ya digər şəkildə rol oynayan şəxslər haqqında ciddi cəzalar tətbiq edilməlidir. Sərt rejim daha da sərtləşdirilməli, paralel olaraq maarifləndirmə işi genişləndirilməlidir. Bunun nəticəsində yaranmış olan kritik situasiyadan tezliklə xilas ola bilərik.

- Hazırda 15 günlük sərt karantin rejiminin tətbiq edilməsi ilə bağlı qərar verilib. Bundan sonra hansı addımlar atılmalıdır?

- Yoluxmanın səviyyəsinin azalmasının şahidi olmayacağıqsa, virusa yoluxanların və ölüm sayının azalması, sağalanların sayının çoxalması tendensiyasını görsək belə, yumşalmaya keçmək lazım deyil. Tədricən bunu etmək olar. Azərbaycanda hər gün yoluxma sayı artmaqdadır. Görünən budur ki, 1 həftə - 10 günə bunun azalma səviyyəsi olmayacaq. Ona görə də təklif edirəm ki, iyulun 5-dən sonra da sərt karantin rejimi tətbiq olunmalı və əlavə sərt elementlər də daxil edilməlidir.

- Sərt elementlər dedikdə nəyi nəzərdə tutursunuz?

- Yoluxma bu sürətlə gedərsə, fövqəladə rejim və ya komendant saatı tətbiq edilə bilər. Bu rejimlərdə artıq tələbləri pozan şəxslər birbaşa cinayət məsuliyyətinə cəlb edilir. Artıq bu rejimlərdə cərimə yoxdur. Bu, daha sərt yanaşmadır. Ona görə də xalqımızı bu bəladan qorumaq və dövlətimizi də xilas etmək üçün buna getmək olar. Baş verənlər dövlətimizin dayaqlarına ciddi zərbələr vurur. Artıq Azərbaycanda iqtisadi geriləmə rəsmi şəkildə açıqlanıb. Belə getsə, biz çox ciddi problemlərlə qarşılaşa bilərik. Bunun qarşısını almaq üçün addımlar atılmalıdır. Harada yoluxma sayı çoxdursa, bu tendensiyanın ardıcıl xarakter daşıdığı yerlərdə komendant saatı və fövqəladə rejim tətbiq olunmalıdır. Qardaş Türkiyədə 20 bölgədə komendant saatı tətbiq edildi və bu rejim özünün müsbət nəticələrini verdi. Halbuki bu rejim tətbiq edilməsi barədə qərar vətəndaşlar arasında birmənalı qarşılanmamışdı və Daxili İşlər Naziri Süleyman Soylu istefa ərizəsi yazmışdı.

Ona görə də biz bir qrup məsuliyyətsiz insanların avantürasının içərisində yaşamalı deyilik.

Avantürist, düşüncəsiz insanların qarşısı alınmasa, onlara qarşı sərt tədbirlər həyata keçirilməsə, biz bu bəlanın içərisindən çıxa bilməyəcəyik. Nəticədə bu, uzun sürən prosesə çevrilə bilər. Çünki dünyanın ayrı-ayrı ölkələrində bunun artıq ikinci dalğasının başlandığı göz önündədir. Pandemiya bu gün böyük bəladır və bu bəlanın qarşısını almaq üçün hər hansı güzəşt və yumşaq münasibət inkar olunmalı və ortadan qalxmalıdır. Bunun başqa variantını deputat kimi görmürəm.

- Fəzail müəllim, Prezident İlham Əliyev, I Vitse-Prezident Mehriban Əliyeva qapalı məkanlarda maska taxır. Hökumət ilk dövrdən başlayaraq, Nazirlər Kabineti yanında Operativ Qərargahın mətbuat konfransı təşkil edilir, insanları maraqlandıran suallar cavablandırılır. Koronaviruslu xəstələrin müalicə aldığı xəstəxanalardan reportajlar edilir. Bunlar təbliğat və təşviqat yönündə atılmış addımlardır. Maarifləndirmə yönündə başqa hansı addımlar atılmalıdır?

- Ölkə Prezidenti və I Vitse-prezident səviyyəsində ciddi nümunələr ortadadır. Ölkə Prezidenti səviyyəsində qoruyucu maskadan istifadə etməyin vacibliyi, zəruriliyi dəfələrlə önə çəkilib. Ölkə başçısı və I Vitse-prezident qapalı məkanlarda maskadan istifadə edirlər və nümunə ortaya qoyurlar. Yəni maarifləndirmə işi aparılır. Televiziya və mətbuat işçiləri bu maarifləndirmə prosesinin içərisində xüsusi fəallığı ilə seçilir. Eyni zamanda hər zaman olduğu kimi Azərbaycan xalqı ilə bərabər olan polis cərimələrin tətbiqi ilə paralel olaraq, maarifləndirmə işi ilə məşğul olur. Bizim hər birimiz millət vəkilləri olaraq maskadan istifadənin vacibliyinin nümunəsini göstəririk. KİV-də xalqa müraciətlər edirik. Ancaq bir qrup insan maarifləndirmə işinin mahiyyətini başa düşmür, qəbul etmir. Çünki bu insanların dünyagörüşü fərqlidir. Bu insanlara qarşı sərt rejim tətbiq edilməlidir. Bu insanlar cinayət məsuliyyətinə cəlb edilməlidir. Dəfələrlə şahidi olmuşam yolboyu gedəndə ticarət mərkəzlərinin, böyük marketlərin çölündə və içərisində kifayət qədər maskasız insanlar var. Supermarketlərdə insanlar sosial məsafəni gözləmir. Bu cür insanlar təhlükənin böyüklüyünü dərk etmirlər. Azərbaycan qanunlarının tətbiqinə bu insanların qarşısını almaq üçün fikir verilməlidir. Elə düşünmək lazım deyil ki, o insanlar narazı qalacaq.

Bununla bərabər, vətənpərvər, xalqına böyük sevgi ilə yaşayan, dövlətinə qayğı ilə xidmət edən vətəndaşlarımız sosial şəbəkələrdə inamsızlığa qarşı ciddi müharibə elan etməlidirlər. Bu prosesdə pozucu rol oynayan insanlara qarşı ciddi mübarizə aparılmalı, Azərbaycan xalqı tərəfindən kütləvi şəkildə sosial şəbəkələrdə ifşa edilməlidir. Sosial şəbəkələrdə də işi yüksək səviyyədə qurmaq lazımdır.

- Son günlər polisdə yorğunluq olması ilə bağlı fikirlər səsləndirilir. Artıq əvvəlki kimi nəzarət tədbirlərinin effektiv şəkildə həyata keçirilməməsi fikri formalaşmaqdadır. Bununla razılaşırsınızmı?

- İki sahənin əməkdaşları böyük fədakarlıq göstəriblər və göstərməkdə də davam edirlər. Bunlardan biri səhiyyə işçiləri, digəri isə hüquq-mühafizə orqanlarının əməkdaşlarıdır. Onlar bu günə qədər öz üzərlərinə düşən vəzifəni yüksək səviyyədə həyata keçirirlər. Bu şəxslərin yorulması da tamamilə mümkün olan haldır. Saatlarla onlar ayaq üstündə günün altında dururlar. Pozucu insanlara qarşı yüksək təmkinlə xidmət göstərmək insanı fiziki cəhətdən yora bilər. Ancaq bütün bunlara baxmayaraq, polislərimiz bu gün də üzərlərinə düşən vəzifəni yerinə yetirməkdədirlər. Öz övladlarımız olan tibb işçilərinə, polislərə qarşı mərhəmətli və məsuliyyətli olmaq lazımdır. Bu insanlar fədakarcasına insanları bu bəladan xilas etmək üçün çalışır. Bunu nəzərə almalı və məsuliyyətli olmalıyıq. Karantin rejiminin qaydalarına əməl etməyənlərin qarşısı Azərbaycan qanunları çərçivəsində alınanda yuxarıdan yaramazlar, tərbiyə, əxlaq kimi keyfiyyətlərə malik olmayanlar polisin başına zibil atdılar. Polis öz vəzifəsini yerinə yetirəndə onu ittiham etdilər. Təbii ki, o görüntülərdə təxribatların izlərini də mən özüm üçün müəyyənləşdirdim. Antimilli qüvvələr, avantürist insanlar bu görüntülərin ətrafında müxtəlif manipulyasiyalar apardılar. Lakin DİN rəhbərliyinin çox yüksək səviyyədə ağıllı və düşünülmüş şəkildə davranışları, çox az sayda deputatın bu baxımdan sosial şəbəkələrdə fəallıq göstərməsi bu avantüranın axıra kimi getməsinə mane oldu. Biz bu insanların qarşısında dayandıq. Baxmayaraq ki, bizi söydülər, təhqir etdilər, ancaq geri çəkilmədik.

Biz polisi də, həkimlərimizi də qorumalıyıq. Bunun üçün məsuliyyətli olmaq və karantin rejiminin şərtlərinə əməl etmək lazımdır. Ehtiyac olmadan çölə çıxmaq lazım deyil. Əgər çıxmısansa, tibbi maskadan mütləq istifadə etməli və sosial məsafəni qorumalısan. Başqa ölkələrdə olan görüntülərə baxanda həm ictimai nəqliyyatda, həm küçələrdə, həm marketlərdə - hər yerdə insanlar maskadan istifadə edir, qaydalara əməl edirlər. Yəni onlar maskanı çənəsinə, qoluna taxmır, cibində saxlamır. Bizimkilər isə uşaq kimi bəhanələr gətirməkdə israr edirlər.

Bizdə məsuliyyət artmalı, nizam-intizam güclənməli, Operativ Qərargahın dediklərinə əməl edilməli, bütün bəhanələr kənara atılmalıdır. Nəhayət biz xalq olaraq dərk etməliyik ki, bu virusa yoluxaraq biz tək özümüz üçün deyil, ətrafımızdakı hər kəs üçün təhlükə mənbəyinə çevrilirik. Bu virusdan ölənləri heç islam qaydalarına uyğun olaraq dəfn edə bilmir, ölüm ayağında olan yaxınları ilə vidalaşa bilmirlər. Belə ölüm kimə lazımdır?! Bu gün koronavirus hər birimizin evinin içərisindədir. Bunu çıxartmaq üçün deyilən üç şərtə əməl edilməlidir. Belə olan halda polislərimizin də işləri yüngülləşər.

- Bu prosesdə parlamentin rolunu necə görürsünüz? Milli Məclisin rolunu artırmaq mümkündürmü?

- Parlament özündən asılı olan vəzifəni yerinə yetirir. Milli Məclis olaraq, prosesi çox ciddi şəkildə izləyirik. Parlamentin sədri Sahibə Qafarova səviyyəsində, eyni zamanda deputatlar səviyyəsində məsuliyyət başa düşülür və buna uyğun addımlar atılır. İlk olaraq parlamentin deputatlarının maarifləndirmə prosesində iştirakı göz önündədir. Ancaq etiraf edim ki, bundan o qədər də razı deyiləm. Çünki maarifləndirmə prosesində millət vəkillərinin hamısı fəal şəkildə iştiraklarını ortaya qoymayıb.

Eyni zamanda, antimilli qüvvələrə, pandemiyanın ölkəmizdə yayılmasında maraqlı olan avantüristlərə qarşı da deputatların heç də hamısı öz iradələrini nümayiş etdirmir, çəkinir. Belədirsə, onda düşmən Ermənistan Azərbaycana hücum edəndə və hər birimizin həyatı təhlükə qarşısında qalanda biz qaçıb evin küncündə gizlənməliyik?! Ermənilərin gülləsi ilə avantürist qüvvələrin söz gülləsindən söhbət gedir. Bu gün o söz gülləsinin qarşısından qaçanların sabah erməni gülləsinin qarşısında dura biləcəyinə mənim əminliyim yoxdur. Ona görə də hər zaman dediyimi təkrar edirəm ki, millət vəkilləri təkcə bu adı daşımaqla kifayətlənməli deyillər, özlərini gündəlikdə saxlamaq üçün bəzən bir mövzunu şişirdərək, özlərini xalqın gözündə saxlamalı deyillər. Millət vəkillərinin hamısı bu gün müsəlləh əsgər kimi xalqımızın pandemiyadan az itki verməklə çıxması üçün özünün fədakarlığını ortaya qoymalıdır. Maarifləndirmə işində, sosial şəbəkələrdə fəallıq göstərməliyik. Bu situasiyadan istifadə edib dövlətimizə qarşı onu zəiflətməyə yönəlmiş olan pozucu qüvvələrlə mübarizəmizi kəskinləşdirməliyik.

Digər sahələrdə millət vəkilləri qanunvericiliyin təkmilləşməsində, pandemiya ilə bağlı ayrı-ayrı qanunların işlənib hazırlanmasında, müzakirəsində və qəbulunda öz üzərinə düşən vəzifəni yerinə yetirirlər.

- Deputat Sahib Alıyev koronavirusa yoluxdu, bunu özü bəyan etdi. Həm də bununla maarifləndirmə işi apardı. Ancaq parlamentdə son testlərdən sonra sanki qapanma oldu. Sanki tanınmış şəxslər bu və ya digər səbəbdən yoluxduğunu deməkdən çəkinir. Fərqli meyl hiss olunur. Sahib Alıyev nümunəsindən sonra bu meyllər niyə yarandı?

- Həmkarım Sahib Alıyevin göstərdiyi nümunəni çox yüksək qiymətləndirirəm. O, doğrudan da böyük vətəndaşlıq mövqeyini ortaya qoydu, yoluxmanın əsas səbəbini önə çəkdi. Baxmayaraq ki, mən həmkarımı Milli Məclisdə hər zaman tibbi maskada görürdüm. O, kifayət qədər məsuliyyətli, intizamlı adamdır. Ancaq bazarlarda, marketlərdə bu və ya digər səbəbdən ehtiyatsızlıq ucbatından məsuliyyətli insanlar da virusa yoluxur. Tanınmış insanlar bu virusa yoluxduğunu gizlətməli deyil. Kimsə bunu gizlətməli deyil, dərhal həkimlərə müraciət etməlidir.

"Apa.az" saytı Firuze Vahid 26 İyun 2020-ci il

https://apa.az/…/Fzail-Agamali-Fovqlad-rejim-elan-olunmali-…