#عاوز ابقي سعيد

[mwrath]

مش عاوز ابقي فان بوي اوي بس دي كانت اخر و تالت 10 wishes

انا سعيد والله

[esraathehobbit]

(1) أنا طالبة بالمجال الطبي، ولا أعرف كيفية التفكير بمستقبلي: سفر، زواج، أم العمل وحسب؟ ماذا أفعل؟ (فتاة)

ج / تجاهلي ما يفكّر فيه الناس وينصحون به.

وأيًّا ما كان اختيارك كوني على استعداد لتقبُّل التبِعات التالية:

نصيحتي إليك: فليكن مسعاك ومقصدك ما هو أفضل لدينِك وآخرتك.

لا تتبعي هراء "سافر حول العالم، وعِش حلمك".

بافتراض أنكِ مسلمة بالطبع.

........

(2) نعم، أنا مسلمة. ونصحتني صديقتي بالاهتمام بحياتي العملية وترك الزواج، لكنني أشعر أنني أرغب في تكوين أسرة صغيرة، فهل هنالك تعارُض؟

ج / طيب

أول جزء من الإجابة هيكون موجه للبنات اللي بتكلمك دي، وتاني جزء هيكون موجه ليكي ولبقية البنات.

.

الجزء الأول:

يا جماعة الخير، لو أنتِ ليكي تفضيل معين في حياتك، مليش دعوة وصلتيله إزاي أو هو صح أو غلط، أنتي مستعدة تتحملي نتائجه وتعيشي تبعات اختيارك، فده جميل وكويس وكل حاجة، بس بالله عليكي بلاش تفرضيه على الناس، بلاش تتكلمي بيه وتنصحي بقية البنات، وتعتبري أن اللي ما وصلتش لنفس نتيجة القرار بتاعك ضعيفة ياعيني أو ساذجة أو عبيطة أو قرارها غلط، في حين أن ممكن يكون قرارك أنتي اللي غلط، فبلاش نثق في نفسنا لدرجة أننا ندي نصائح في حاجات مالناش فيها أدنى خبرة..

هتسأليني "طيب أعرف إزاي الحاجات اللي ما عنديش فيها خبرة؟" وهأجاوبك " طالما سألتي سؤال زي ده يبقى ما عندكيش خبرة، وطالما ماجربتيش الحاجة يبقى ما عندكيش خبرة، وطالما مش مدركة الفروق الشخصية، وما عندكيش اعتبارات دينية واجتماعية مبنية على حقائق يبقى ما عندكيش خبرة، إحساسك مش مهم، تربيتك مش مهمة، صاحبتك اللي تعرفيها من بعيد وحكتلك مش مهمة، أقولك؟ اعتبري نفسك ما عندكيش خبرة في أي حاجة خااااالص :D".

ممكن تتكلمي عن تجربتك الشخصية، لو أنتي تزوجتي واتطلقتي، بعدين تزوجتي وعيشتي حياة سعيدة= اتكلمي عن تجربتك.

لو أنتي سافرتي وفشلتي، بعدين سافرتي ونجحتي= ابقي اتكلمي عن تجربتك..

وتتكلمي وأنتي عارفة كمان أن دي تجربة سيادتك الشخصية وغير ملزمة إطلاقًا لحد تاني.. وممكن شخص تاني يرفضها بسهولة وهيكون له كل الحق، ومفيش لحضرتك أي وجه للاعتراض.. لأنها تجربتك الشخصية..

.

للبنات العادية بقه اللي بجد مسحولين في الدوامة القذرة دي، خلونا نبدأ بالبداية خااااالص:

في الأول ربنا خلق الأرض.. وبعدين.. أقولك؟ لا خلينا نقدم شوية بتاع كام مليون سنة كده :D

في القرن العشرين.. حلو القرن العشرين.. نشر فرويد نظريته عن نفس الإنسان والحاجات اللي بتتحكم في دوافعه، اللي هي كانت باختصار أن الإنسان فيه ٣ جوانب لشخصيته "هو - أنا - أنا أعلى".. ده طبعًا بإخلال فظيع علشان مش ده المهم عندنا دلوقت..

في الوقت ده كانت العالم خارج من الحرب العالمية الأولى وأمريكا الحالة معاها كانت إشطة أوي ومزقططة، المصانع شغالة وبتنتج، الثورة الصناعية اللي كانت في القرن السابق خلت آلات بتعمل اللي كان بيعمله الإنسان بصعوبة ووقت طويل في وقت قصير جدًا.. والناس كانت بتشتغل وتشتري والدنيا زالفل..

بس كان فيه تخوف كبير من الناس اللي شغالة في الاقتصاد.. لما الشعب كله يوصل أن يكون عنده عربيات، وبيوت، وهدوم.. مين هيشتري إنتاج المصانع المستمر ده؟ المصانع دي هتعمل إيه لما الناس تبطل شراء لأنها استكفت؟ -خلوا بالكم أن الناس لحد الوقت ده كانت بتشتري الحاجة لأنها "محتاجاها" مش "عاوزاها".

جه واحد ظريف قريب من فرويد من ناحية الأم "ابن أخته".. وقال طيب ما احنا نغير تفكير الناس.. نخليهم ما "يحتاجوش".. نخليهم "يعوزوا يشتروا"..

وبدأ حاجة اسمها progragnda. يغير بيها فكر الناس، وبدأ يعمل الحملات الإعلانية، ويروج للحاجات بأسلوب مختلف شوية.

مثلًا: السجائر كان اللي بيدخنها الرجال فقط، يعني نص السكان بس، صاحبنا جه بفكرة شيطانية أنه يخلي تدخين السجائر هو رمز لقوة الرجل، وبعدين في فعالية كبيرة في الولايات المتحدة، اتفق مع مجموعة من البنات الأرستقراطية أنهم ييجوا في وسط الفعالية ويطلعوا سجائر ويدخنوها كلهم وهم ماشيين، وتاني يوم كانت الصحف بتقول أن البنات دي كانت بتعمل كده كرمز للتحرر.

النظرة للسجائر بدأت تختلف شوية وبدأ الناس اللي عاوزين يظهروا بمظهر أنهم أقوياء يجربوها، وبدأت إعلاناتها تبقى في صورة رعاة بقر أو أي صورة بتظهر الرجولة والقوة.. وبكده قدر الشيطان ده أنه ينشر ثقافة التدخين وسط النساء باعتبار أن الرجال مش عاوزينهم يدخنوا علشان ما يبقوش أقوياء هما كمان، وكان ده طبعًا لمصلحة شركات التبغ العملاقة اللي أمطرت الوغد ده بالفلوس..

وبدأت الفكرة دي.. فكرة توجيه عقليات الناس أو بناء وعي أو "تحريك الجماهير"..

.

بدأ الشياطين دول كمان في حاجة خطيرة جدًا وهي "بيع السعادة" بمعنى أن الإعلانات قبل كده كانت بتقولك "اشتري العربية بتاعتنا.. العربية بتاعتنا قوية.. العربية بتاعتنا بتستهلك بنزين أقل.. العربية بتاعتنا بتعيش كتير.. العربية بتاعتنا هتوصلك مشاويرك البعيدة بسهولة" ودي حاجات كلها بتركز على "الحاجة"..

جم الناس دول وقدموا فكرة تانية في الإعلانات، فكرة الرغبة.. فبقيت تشتري الموبايل علشان "فخامة التفاحة تكفي" بدل من الجودة.. بقيت أنت المدافع عن التليفون كأن بيل جيتس كان صاحب تختة في المدرسة أو كأنك شريك في شركة آبل..

بقيت تدافع عن مرسيدس علشان هي مرسيدس.. وبقا "اللوجو" أهم من المنتج.. علشان تحس أنك منتمي لمجموعة من النخبة، تحس أنك سعيد..

بقوا يركزوا على "إحساسك إيه وأنت سايق عربية كذا" بدل من المزايا..

لحد هنا احنا بنتكلم عن المنتجات بس.. خلونا بقه نتكلم عن الثقافة.

.

الأسرة.. في أي مجتمع قوي هتلاقي الأساس بتاعه هو أسرة قوية متماسكة، الشخص اللي بتكون أسرته هي رقم واحد عنده بيبقى مهتم أنه يكون family man.. شخص بيمضي مع عائلته أكبر وقت، شخص مهتم بتربية أولاده، شخص مهتم أن أولاده يطلعوا ناس كويسين.. وعلشان كده كان لها فضل عظيم سواء في الإسلام أو في أي ثقافة بتقدر قوتها..

ألمانيا النازية -اللي كانت بتسعى أنها تخلي أمتها قوية بغض النظر عن الطرق البشعة اللي اتبعوها- كانت بتكافئ جدًا وتشجع الزواج والإنجاب.. ومازالت ألمانيا بتعمل كده لحد دلوقت.. بس فيه هنا مشكلة كبيرة، الإنسان غالبًا حياته بتدور في فلك أهم حاجة عنده.. يعني لو أنت مهتم بأسرتك، فالشغل هياخد رقم ٢ عندك مثلًا.. بس ده مش مقبول بالنسبة لناس عاوزاك تشتغل ٢٤ ساعة لهم، لأن أنت بالنسبة لهم "مورد" أو "مصدر" علشان كده اسمها "الموارد البشرية Human Resources HR" واللي بتركز أنها تطلع أقصى إنتاجية من الشخص ده.. تحلبه يعني.

فطلع حاجة حلوة أوي عندنا اسمها "الشغف".. أنا عاوز يكون عندي شغف بالحاجة اللي بأعملها.. عاوز أكون فرحان.. عاوز أكون أفضل واحد في الشركة.. وبدأ تسويق فكرة أن الشغف ده هو طريقك لإيه؟ هه؟ لإيه؟ للسعادة.. أيوة كده خليك مركز معايا..

رجعنا للسعادة تاني ولبيعها..

.

حاجة مهمة كمان، الشخص الأسري مهتم بأسرته الأولى، فهو بيرشد استهلاكه، وبيحافظ أنه ما يكونش مبذر علشان يقدر يوفر لأسرته.. ده مش بيأكل عيش.. الناس دي عاوزاك تصرف.. عاوازك تدفع ٢٠٠٠٠ جنيه في تليفون بدون تفكير في عقبات.. هو ده أكل عيشهم، ��بقى نقولك "لف وعيش" "ابدأ وسافر" "خليك سعيد أنت مش شجرة" "كلب البحر مش أفضل منك"..

صناعة السعادة.. صناعة الوهم.

على صعيد تاني ولو بصينا للحاجة اللي فعلًا بتخلي الناس سعداء، وبتأثر في مزاجهم للأفضل أو الأسوأ هي العلاقات الإنسانية.. دولة زي اليابان الناس فيها بتشتغل لدرجة بتوصلهم للانتحار لما يحسوا أنهم فشلوا..

بس فيه حاجة تانية:

مش كل الناس هتسمع الفكرة وتمشي وراها، إعلاناتنا مش هتوصل للكل، نعمل إيه طيب؟

نزود شوية الضغط المجتمعي.. الناس هي اللي تبقى بتحرك بعض.. احنا نعمل شوية إعلانات عن تليفون بايفون الجديد، ونخلق cultأو طائفة من الناس هي اللي تشجع انتشار منتجنا، فتلاقي حاجة اسمها Jeep owners in Egypt.. فخامة البرتقانة تكفي.. إلخ.

دي حاجة اسمها peer pressure وبتؤدي لظاهرة اسمها social proof أو "العقل الجمعي" ودي تعريفها أن "طالما كل الناس بتعمل كذا.. فكذا لازم يكون صح".

كل البنات بتفكر في السفر والكارير "ولسه من شوية متكلمين عن السفر والكارير وصناعة السعادة والحاجات دي" يبقى أكيد ده الصح، وتيجي البنت تشوف نفسها مختلفة أو منبوذة أو صاحباتها يتريقوا عليها علشان عاوزة تبني أسرة "اللي هو العادي والطبيعي في فطرة الإنسان.. وأحد مسببات السعادة الحقيقية"

للأسف البنات هما أول فريسة سهلة للحاجات دي، وأول ناس بيقعوا فيها.. والتنافس بينهم بيبقى عظيم فيها، لأنها ما بتكتفيش أنها تعمل ده.. لازم إما تحقر من اللي حواليها لأنهم مش فاهمين زيها، أو تغير منهم لأنها فاكرة أنهم أفضل منها..ما تقعوش في الفخ ده..

طيب نعمل إيه؟

تخلي عندك عقل واعي، يشوف الغلط ويعرف أنه منتشر في المجتمع لكن ما يتبعوش، ياخد الكلام اللي زي ده ويا إما يناقشه بعقل لو شايف اللي قدامه هيفهمه أو يطنشه ويعديه لو عارف أنه مش هيوصل لحاجة..

الحياة عبارة عن سلسلة من الاختيارات، ما تخليش حد يقنعك تختاري حياته "لأنه شايف أنها هتبقى أحسن رغم أنه لسه ما عملش حاجة أصلًا فيها".. يعني هي مش حياته دلوقت، هو اختار حياة حد تاني، والحد التاني ده اختارها لأن حد تاني قاله.. والتاني لأن تالت قاله.. وسلسلة من الخراف بتروح طواعية نحو حبل تقيد بيه رقبتها، وتسخر ممن رقبته عارية.

نمي نفسك علشان تكوني واثقة، لأنك جاية وحابة أن يكون ليكي أسرة، يعني هيكون عليكي مسؤولية أنك تطلعيهم فاهمين، علشان لما حد يعرض عليهم لجام في يوم من الأيام باعتباره الطريق الوحيد "للسعادة".. يقوله "شكرًا.. أنا بأفضّل أني أختار طريقي بنفسي".

د.أحمد عبد الفتاح

[ahmednasser118]

السادسه  مساًء

لو كان الحب بانك تشوف الشخص القدامك مبسوطه و مستريح و تحاول تسعي لسعادته يبقي انا بحبك و ان كان الحب باهتمامك للشخص و معرفة تفاصيل شخصيته و يومه يبقي انا بحبك و لو كان الحب بانك تحترم و تقدر الشخص يبقي انا بحبك و لو الحب انك تفتخر بالشخص ده اي ان كان ماضيه و تتمني تعيش معاه الحاضر و المستقبل يبقي انا بحبك و لو الحب انك تكون عايز تشارك الشخص ف تفاصيل يومك و بيوحشك لو غاب عنك شويه يبقي انا بحبك و لو الحب انك تدعي من قلبك للشخص قبل اما تدعي لنفسك يبقي انا بحبك و لو الحب انك بتحب تتامل ملامحه طول ما انت قدامه او ف صوره ليه يبقي انا بحبك و لو الحب انك كل اما تسمع كلمه حب انتي البتيجي علي بالي و قلبي بيدق و ما تمناش غيره يبقي انا بحبك و لو الحب انك مزاجي يتعكنن لمجرد تعب او ارهاق الشخص ده و تكون عايز تاخد من طاقتك و صحتك و تديه يبقي انا بحبك و لو الحب انك تشوف الشخص ده شريك حياتك و زوجتي المستقبليه و عايزها تبقي معايا ف بيت واحد النهارده قبل بكره يبقي انا بحبك و لو الحب فانك ممكن تضحي بكل احلامك في سبيل انه يكون مع واحده بيحبها و بتحبه و سعيد يبقي انا بحبك و لو الحب عباره عن اغاني و جوابات فاليك كل جواباتي و اغاني الحب ال تغنيت في كل الازمنه حتي الان علشان بحبك…

عارف ده معناه ايه …و لا حاجه غير ان اشتياقي ليك فاق الحد .........انا فاكر الفتره دي كانت عنيا بتلمع لمجرد اني اشوف رساله منك او اسمع صوتك او افتكرك…كانت ابتسامتي مش عاديه مفضوحه و بتقول ان ف كلام كتير مكتوم، كنت بحبني اكتر اما بيكون اثرك باين عاليا اما شخص يلاحظه لزمه ف كلام بقيت جديد و انا منك 🤭…كنت ببقي عايزك معايا ع طول علشان اعرفك ع كل الناس الغاليه عندي…بس ........ لما سمعت صوتك فالفديوهات ال نزلتيها من كام يوم و اتختفت كأني اول مره بسمعه…فضلت سرحان هي انتي ازاي تأثيرك عاليا كده ها……شايفاك ف كل حاجه حواليا…قلت لعبدوا اليوم ده لوتعرف هيا اي بالنسبالي وانا شايفها اذاي ……حسيت اني بحبك اوي و ده شعور بقاله فتره لدرجه ان مفيهوش جنون و تهور الحب و لكن ف سكينه…عارف قعده ع قلبك و مربعه اهو انتي كده قاعد جوه ف هدوء…اشتياقك بس بيعمل ربكه ف جسمي كله و وجودك قدامي بيشبع حواسي منك…

لكن انا مضايق منك جداًْ ، زعلان و اول مره ازعل منك كده……ال فكره ان زعلي مخاليني مفصول بتكلم و بضحك و بعدها اما ابقي لوحدي ارجع تاني من غير ابتسامه اصل ذنب الناس ايه يشوفوا التكشيره و انت احق منهم بيها لانك سببها فبرجع اعيط لوحدي جوايا تعب رهيب …كنت عايز اسمع حجه اي حاجه بس مش و لا كأنك هنا…

كأني ورقه ف ��ورجك مركونه…كأني كتاب قرائت فيه و توقعت نهاية ف سيبتيه…بطلتي تحبي ابطاله و لا احداثه…مليتي و الدنيا تلهي…ممكن تكون شديتك روايه تانيه بابطال جدد…او اعتزلتي القرائه مثلا…يمكن تكون محركتش اي ذره جواك فسيبتها…مش عارف

قبل اما اقوم اصلي احب اقولك حاجتين بس اول حاجه، اني كنت مع اول كل آذان ما بيخلص بدعيلك من غير ما اتردد لحظه و اتمني ربنا يجمعيني بيكي ف الحلال و اجري اصلي علشان اعيط بين ايد ربنا و اقوله يا رب احببته و انت اعلم بقلبي فان كُنت اصلح له فاجمعني بيها و ان كُنت شراً فافاصلحه للي…. تاني حاجه بقي ان طول عمري بقول الحب لازم يكون من الطرفين و لو مكنش يبقي بيضر صاحبه و انا مش عايز اضر نفسي …ما استحقش احب و ما تحبش بصراحه ، انت اه احلي ست ف عيوني و الشخص الوحيد الخطف قلبي بس انا مش عايز اخسرك ابداً… كنت بحب كل تفاصيلك عارفه كنت بحبك عشان حركات وشك عارف كل حركه وبحب كل حركه ...عارف الحركة إلي بتعمليها لما بتبقى زهقانة: بترفعي شفتهك الي تحت وبتنزلي حواجبك هههههههههههههه تافه صح عارفه وانتي مهتمه طيب وانتي مهتمة بتبرئ أحلى تبريئة فالدنيا. لما تبقى عايزة تبهري حد أو تخلي حد يحبك بتصغر شفايفك، وبتتكلمي بنص ابتسامة كده طب عارفه لما بتبقي كذابه بتعملي اي ايه بتفضلي تنفخي ومش طايقه حد جنبك وبتفضلي تقولي انا مخنوقه مخنوقه ...... طيب عارفه لما بتبقي عاوزه تقولي خاجه ليا او جيبالي حاجه بتحوري فكلام وتفضلي تقولي حجج غريبه عشان تقوليها طيب عاررفه عندك كام ضحكه عندك اربعه وحده لما بتبقي مصطنعه ضحكه كدخ بتحكي شفايفك الاتنين مع تضيق عينك شويه عندك ضحكه تاني ال هيا صوتك بيقي سافل فيها وبتفضحيني بس ببقي فرحان جدا وعندك ضحكه صفره ال هيا امتداد شفايفك كده وخلاص اجمل ضحكه بقي لما كنتي بشوفيني كانت عينك ال بتضحك وقلبك هما ال بيضحكو في كتير حركات ايدك وانتي بتتكلمي وايدك ال طويله ال كانت بتتمد عليا مع ان عمري مسمحت لحد بكده بس كنت بقول انا ليها هيا انا سندها وضهرها سيبهاا تتدلع عليا ............................... انا هقف هنا هكمل بعد صلااه ....

بقالي يومين بتكتبلك الرساله و مش عارف اكمل كل اما اكتب حاجه امسحها او بكون اضعف من اني اكمل وصف مشاعري…مع ان الحب قوه مش ضعف بس احساس اني ممكن اكون كائن غير مرغوب فيه و مش متشاف قاتل وجع جوايا وجع وجع مج\ش حاسس بيه .............

عارفه نفسي كنت اسمع جمله ذي دي وسط زحمتك رغم من ان يومي امبارح كان مشغول ع اخره بس كنت ف بالي…ف فيلم كان عجبني زمان اوي لمدرس بيحب طالبه اوي بس مش ده العجبني كل العجبني انه كان قريب ف البدايه و بداء يبعد بعد كده علشان يكرهها فيه و لكن هي اتجرحت ف الاول بس بعد سنه راحت له علشان تقوله ع ملعومه عرفتها تهمه و ليها علاقه ب طفولته المهم ساعاتها سئلها انت مكرهتنيش قالت له انا عارفه اني لسه ما نضجتش و بحاول اخلص دراستي و اتعلم الطبخ و المسؤاليه علشان اكون مناسبه ليك…و بعد تفكير كتير قولت اني هصبر لحد اما انضج اكتر و اتحمل المسؤاليه و اكون مناسبه ليك بس عندي سؤال او هو طلب صغير ممكن تعاملني من غير جفاء او برود او مش عرفه اسمها ايه بصراحه بس زي ما بقيت بتعمل اخر شهرين بغض النظر عن تشبيه بس ممكن مع اختلاف الاماكن والزمان ممكن اختلاف الادوار بس ده شبه حال .................

غابت ابتسامتي بغيابك… بس ف حاجه انا ماقدرش اسمي دي تجربة حب ف الحقيقه…ده حب حب عمري ما تبادلته مع حد حب حقيقي ............. هفضل احكي عنك هنا و هناك هقولك انك الوحيده ال اتسرسبتي جوايا…ال سيبت حته من قلبي معاه…العقلي و قلبي اتفقوا عاليه…ال دعيت ربي بيها و الاتمنيتها…

يمكن دي رساله مش هقدر ادونهالك لاني مش هحب اشوفني بالشكل ده تاني بس لازم ابعتها عشان تفهمي كل شئ يمكن بعرفش اتكلم علي قد ما بكتب

انا حالياً من ف اضعف حالاتي ع الاطلاق و كثرهم سواد

بعيط بقالي ساعتين او اكتر تقريباً، و رغم يقيني بربنا بس مره دي كانت فيها تعري لكل كلمة نهشت حته من ثقتي ف ذاتي

ليس اجمل الرجال و لا اذكاهم بس اكيد عندي ميزه تانيه مش موجوده عند حد تاني

الفكره اني…عندي عيب واحد صحيح لكن لو بطلته مش هيبقى عندي أي ميزة ومتفتكرشي إني خايف أو مُرَفَّه أو ضعيف أنا ياما عديت من ميدان احلامي لكن مبقاش في حاجه طيبة غيرعيبي بترجعي وف كل مرة تسيبي أنا مش مُخاطر بس شكلي بيدي وبخوض لأخر المعركة لوحدي حتى إسألي مين اللي ممكن تسأليه معرفش لكن للقصيدة أصول لو كنت أعرفها كنت أبقى غير مكاني كنت ابقي اكبر مخادع فالكون بس عاوز اقولك موقفي معاكي تقريبا منتهي انا كنت فاشد لحظات حياتي من تعب بالامس تعب تعب فاهمه تعب نفسي كان نفسي تبقي معايا جنبي كنت بعيط بحرقه كنت منهار وكانت الاجابه علي موقف ده انه انتي رايحه تنامي قبل نوم قولت اعمل ايه نصيبي حسيت قد اي انا قليل جدا حسيت قد اي انك مستكتره نفسك عليه مستكتره واحد ذي جي لامه بيبكي لاول مره بحيات بشكل ده حاسس بضغوط كتير حوليه جي ورامي وري ضهره منظره وكرامته ورجولته رميت كل ده عشان الاقل تعرفي مدي صدقي مدي شعوري مدي وجعي انتي صحيتي صبح مهنش حتي ترد علي اي حاجه ولا تبعتي ولا ترني كنتي زمان فاي وقت بترني عليه وتبعتلي اول متصحي قولتي جمله غريبه هعمل ال انت عاوزه هاجي علي نفسي عشان اريحك ده مفهوم الراحه بالنسبالك انك تيجي علي نفسك ده راحه يعني انا هبقي فرحان وانتي بتقولي يلا الحمد الله نصيبي ...... كلمه صعبه جدا كلمه ودتني لحاله انهيار اكتر منمتش اخدت نفسي ونزلت وقفت علي كبري واخدت نفس كبير وكنت لحظات فعلا محتاج حد جنبي كنت ممكن ارمي نفسي فالنيل بس قولت هظلم ناس كتير معايا مكنتيش تعرفي قد اي امباررح كنت راجع وكنت هنفذ كل حاجه عشان الانسانه الوحيده ال حبتها بكل ما تبقي مني وكل ما املك كنت عايش عشان هدف ..............روحت فضلت صاحي صداع هيموتني حسيت بوجع فجنبي وكتفي لحظات ان هتشل والله العظيم كنت هتشل من تعب بس الحمد الله بابا لحقني وفضل جنبي لنه صحي علي صوت نفسي ودخل الاوضه وفضل جنبي كنتش اعرف ان قليل اوووووي كده مكنتش عارف مدي قله حيليتي معاكي عاوز اكلمك وافضل ازعق ازعق واقولك لييييييييييييييييه ليه يا ميار ليه ليه دانا بقولك محتاجلك تنامي كده انتي قبل متنامي كنت منهار منهار وانتي مهنتش عليكي وجالك النوم مش حابه حته تقولي عامل اي حاسس بايه انا جنبك اي كلمه اي حاجه تحسسني ان ليه اي خاطر او حتي لو مزيف يطلعني من حالتي دي ...................... بس انا من تعب ال حسيته نمت نمت علي 9 وصحيت 11 من وجع فراسي بس قايم بفتح علي امل اي حاجه علي اي حاجه ترجعني بس حسبت لااااء فووووق فوق يابني فوووووق فوووووووووووووووووووق انت ولا حاجه انت عايش فوهم انت محدش بيحبك انت محدش بيفتكرلك الحلو انت دورك انتهي اتكرهت حبك المفرط حبك غبي للناس حبك بيوثل الناس تكرهك انا هيجي يوم وهيفتكروك بيفتكككروك بالوحش لان الحلو ال عملته مبيلزمهمش الوحش بس حتي لو نيتك كانت غير متتوقع برضوا انت وحش ............................يمكن طلعت كل ال جوايا دي ممكن جزء حابب اوصلهولك بس عاوز اقولك ان لا خمتك ولا كذبت عليكي فحاجه ولا عمري كنت ذي مانتي شيفاني وصورتك ليه وحسبي الله ونعمه الوكيل فكل واحد حب يوقع بنا ............... حسبي الله فكل واحد قواكي عليه ........... حسبي الله فكل واحد خلاكي تشوفيني وحش.................. قبل مانهي رساله دي هقول حاجه اخيره .....

انا كتبت الرسالة ديي عشانك ولكي أن تصدق أو متصدقيش ولگن هذه هي الحقيقة ’ وأردت أن أعتذرلك عن الخطأ الذي أرتگبته في حقك ‘لما توصلك الرسالة ‏اعلمي أنني أحبك گثيراً ’ لأنك عندماً تغيبي، تغيبي وتظلي بالخاطر والقلب❣️❣️

[semnatv2]

هرمون السعاده/ اغذية ومعادن تزيد الشعور بالسعادة / مضادات الأكتئاب من الطبيعه

هرمون السعاده/ اغذية ومعادن تزيد الشعور بالسعادة / مضادات الأكتئاب من الطبيعه

[item_title] [item_description]

[item_published_at] [item_published_at_formated] [item_likes]

برعايه http://semnatv.com/ تليفزيون السمنه http://capsule.dratef.net/ كبسوله طبيه http://ymarryme.com/ موقع تزوجيني المجاني http://dratef.net/ موقع د عاطف http://shoppingdealer.com/ موقع دليل التسوق المجاني   تابعونا Facebook Twitter

رمضان #2019 مسلسلات,رمضان #2019 امريكا,رمضان #2019 مصر,رمضان…

[felbarbary]

كلام في الجون

حماتي من الستات اللي تحب تسمعهم و تتكلم معاهم ، ست كده خليط ... خبرة رهيبة في الحياه علي حكمه شديده في التصرفات  علي خفة دم علي طيبة  علي تدين  .... يعني تركيبه نادره جدا بصراحة.. تحس و انت قاعد بتسمعها انك عاوز  تقولها بصوت سعيد صالح اييييه الحلاوة دي! مكنتش لحقت من الخطوبة للجواز احدد انا هاقولها ايه (يا طنط و لا يا ماما) و بعدين قررت اقدم السبت و اقول (يا ماما) و انا جوايا خايفة و مرعوبة لا تطلع زي حماوات الافلام و ابقي لبست في الحيط.. بعد اسبوع كده من  يا ماما .. يا ماما .. يا ماما  لقيتها خدتني علي جنب و قالتلي انا مبسوطة أوي انك بتقوليلي يا ماما  بس (يا ماما) دي كبيرة أوي و من حق انسانة واحدة بس هي مامتك و انا عاوزة اقولك كلمتين : اولا جايز مامتك تضايق و دي حاجه انا مش هاكون مبسوطه منها اكيد و في نفس الوقت لو قلتيلي (يا طنط) بعد شويه مش هتحسي اننا صحاب و لا قريبين من بعض  و بالتالي لا تفتحيلي قلبك و لا تحكيلي حاجة لو احتجتي في يوم من الايام. قوليلي (يا دقدق) زي كل اخواتي و كبار العيله ما بيقولوا. عشان نسيب مامتك في مكانها و مالناش دعوة بالطنطات  نفضل احنا صحاب و حبايب. و باستني و هي بتقولي الجواز بيزود العيلات واحد مش بينقصهم واحد.. و قامت و انا مفيش جوايا غير صوت سعيد صالح.. 

صحيح! الكلام ده فن فعلا ، يعني كلمتين مخدوش ثواني غيروا علاقه بين 2 تغيير كامل مدي الحياة.

عشان ابقي فنان في الكلام فيه حاجات كتير اوي لازم اراعيها: الغريبة انه اهم حاجه فيهم هي لغة الجسد، جسمي و حركاتي و اشارات عيني هما اللي بيوصلوا  المعني الحقيقي للكلام قبل لساني و لو ال2 مش متوافقين مع بعض اللي ادامك بيصدق من جواه لغه جسمك. عشان أبقي فنان في الكلام ..لازم مقاطعش حد و هو بيتكلم حتي لو كنت رافض كلامه و اطمن مش معني انك ساكت انك موافق لا لا خااالص ، انت ساكت عشان انت فنان فاهم كويس تسكت امتي و تتكلم امتي. كتير بيبقي كلامنا صح لكن ميعاده غلط تلاقي الميعاد الغلط ده بوظلك كل حاجه. كونك تبقي صح ده ذكاء لكن كونك تعرف امتي الصح ده يتقال، هي دي الحكمة. عشان ابقي فنان في الكلام لازم اتعلم افصل بين الانسان و سلوكه في كلامي، خصوصا لو السلوك ده سلوك وحش؛ الانسان احسن مخلوق خلقه الله عز و جل و سخرله الكون كله  مش من حقي اني اصف مخلوق من مخلوقات الله بصفه ذميمة لمجرد انه اتصرف تصرف سيء، لكن ببساطه اوصف السلوك  و بس؛ السلوك هو اللي وحش مش انت اللي وحش. عشان ابقي فنان في الكلام لازم اعرف افرق كويس بين الجدل و النقاش - عمرك فكرت ايه هو الجدل وايه هو النقاش؟ النقاش ببساطة بحث عن الحقيقة، محاولات للوصول ليها  من خلال كلامي معاك. اما الجدل فهو بحث عن الذات، انا عاوز اؤكد ذاتي و اقاوح و افرض رأيي بغض النظر عن كون ده هو الحقيقة او الصح و لا لا. عشان ابقي فنان في الكلام  لازم أركز انه اللي باتكلم معاه شخص تاني غيري، معتقدات تانية ، فكر تاني ، أفكار تانيه ، مش كل حاجه مقاسها مظبوط عندي بالضرورة يبقي مقاسها مظبوط عنده - ركز دايما انه ادراكك مختلف عن ادراكه. و أخيراً.. عشان تبقي فنان في الكلام درب نفسك علي شكر الناس  خصوصا اقرب الناس ليك مش عشان هما حبايبك و معارفك و قرايبك يبقوا مش مهم شكرهم؛ الشكر امتنان و نوع من انواع تهذيب النفس: من لم يشكر الناس لم يشكر الله. اما انا فالشكر الوحيد اللي ممكن يوصل لحماتي الجميلة دلوقتي هو الدعاء لها بالرحمة و انه ربنا يجازيها عنا خير الجزاء لانها كانت دايما لما بتتكلم معايا بيبقي كل كلامها.. كلام في الجون.