#تمام وقت

[sarrah]

هبوط عالمستويين النفسي والجسدي الساعة سبعة الصبح!

[peyvandelha]

صیغه موقت ماهانه خانم 544 بوشهر

صیغه موقت ماهانه خانم 544 بوشهر ازدواج موقت ماهانه خانم 544 بوشهر ⏺ سن: 24⏺ قد : 154⏺ وزن: 52⏺ پوشش : آزاد⏺ وضعیت تأهل : مطلقه⏺ مهریه : 5،000،000 تومان ✅⏺ مکان ملاقات : خانم دارند ✅⏺ تعداد ملاقات در ماه : توافقی ✅ #صیغه #ازدواج #مطلقه #بیوه #مهریه #ماهیانه #دوستیابی #همسریابی #پیونددلها #پیوند_دلها #پیوند حق معرفی تمامی موارد 200 هزار تومان میباشد که قبل معرفی اخذ میگردد 👇👇 مشاوره و هماهنگی…

[imazikaty]

يمكن ‏من الحاجات اللي تصالحت معاها بقالي فترة من الزمن في الدنيا وارتاحت هي اني مش لازم ابقى احسن واحد في كل حاجة، مفيش وقت ولا طاقة ولا امكانيات اني اكون احسن واحد في كل الحاجات اللي بحبها او اللي بتهمني، دي عملية شبه مستحيلة، محتاجة سوبرمان وانا شخص عادي واقل من العادي كمان ، اعتقد اني كويس بس اكيد مش سوبرمان، ودي كمان تصالحت معاها من زمان بالتالي قدامي اختيارين، اما اني اسعى اكون احسن واحد في شئ واحد، او اني اكون كويس في اكتر من شئ

اختارت الاختيار التاني لاني مش عايز اهدر حياتي مسجون جوه فكرة واحدة او عالم واحد او مسار واحد وتفوتني باقي المسارات، انت اصغر والعالم اوسع من انك تعرف اصلا ايه هو احسن مسار ليا، انت كمان محتاج تعرفه وانت صغير عشان يبقى عندك وقت تمشيه، شبه مستحيل زي ما قلتلك، فاختارت اني احاول اكون كويس جدا في حاجة وكويس بس في حاجة تانية ومعقول في حاجة تالتة وعندي فكرة بسيطة عن حاجة رابعة وخلاص

مش لازم ولا بقيت عايز اكون الاحسن والافضل والاعظم، تحررت كمان من ضغط المصطلحات اللي السوشيال ميديا بقت ركبانا بيها دي من زمان يرضيني احس اني تمام، وكده تمام

ولو شايف كلامي ده قلة طموح فاتمنى لك حظ سعيد في عملية طحن حياتك ارضاءً للمصطلحات اللي اتصنعت عشان تتحكم فيك وتقررلك مصيرك وتحددلك رضاك عن حياتك

العب انت، انا مش لاعب ولا بقي فيا حيل

[nochnicht]

تفضل تغلوش تغلوش تغلوش على ضجيج دماغك وبعدين تغلوش تغلوش تغلوش على غلوشتك نفسها عشان متنساش انت كنت بتغلوش ليه من البداية، وتحاول تصدق الكدبة وتنفخ بالونة كبيرة، وتسكر وتتعمي وتضحك وتهلس وانت بتقنع نفسك انك مش سكران وكله تمام. بس بعدين بتيجي الحياة وبأكتر ابرة تافهة تفرقعلك كل ده في لحظة وتحطك قدام نفسك وتشمّت فيك كل أوهامك.. أتفه ابرة، أبسط ذكرى وأبسط موقف وأقل وقت فراغ.. ولو لمسك كمان تراك مزيكا حزين بيجيبك لمس اكتاف

مهما كنت حريف في الغلوشة، بكل أسف، مفيش مفر ليك منك.

[es-r-aa7]

باقي من الزمن ٤ أيام

عزيزي تمبلر ، اليوم من اوله لأخره ماشي بعشوائية بشعة :) .. من اول ما صحيت من نومي اكتر من مرة لحد ما قررت افكس للشغل والجيم عشان حقيقي مش قادرة.

حاولت امسك زمام الأمور قدر المستطاع ، لكن لا جدوى .. وزي اي بيت مصري مش بيستوعب معنى work from home ماما قررت تعمل شوية مشاوير وإسراء ف البيت هتعملكوا الغدا 😅 .. يعني مش كفاية اليوم معكوك + عليا المطبخ ! .. الله ! مانتي قاعدة يا بنتي م تعملي الاكل 🤦🏻‍♀️

بسبب اللي حصل ودا - ورسايل إسراء القديمة لاسراء دلوقتي - ونوتيفيكيشن من جوجل فوتو بصورة weekly planner اللي كنت بعملهم ايام الجامعة وكانت ملونة ومبهجة ، قررت ارجع تاني احط كل الحاجات اللي مفروض تخلص خلال الاسبوع ف ورقة وافقط الكلام دا على مدار الأسبوع.. بين ثوابت ومتغيرات .. أساسي وقابل للكسل 😀

المرة دي البلانر هتكون سادة ،structured اكتر وابيض وأسود- حياتي وكل حكاياتي - عشان مفيش وقت لمرقعة الالوان "))

عسى الانسان يقدر يحط نفسه ف التزام قصاد نفسه اكتر من كدة.

وكعادة الأيام المكعبلة ، كان عندي ايميلات لازم اشيك عليها وايميلات محتاجة ارد عليها - رد بروفيشنال- عشان اقدر اخد free access على الsources اللي محتاجاها.

الجدير بالذكر ان وقت ما تم ترشيحي لتدريب الهيئة دا كان من ٥ شهور وانا كنت تمام عشان كدة لسة قدامي وقتي ") .. هما بدأو متأخر وبقيت ماشية بشد ف شعري بالتوازي بين البورد وبين الهيئة 🥺🥺

ماهي اما بتطربق بتجيب درفها كلها مرة واحدة فوق دماغي وانا المفروض مقولش اه وافضل مكملة 😀😅

حياتي مليانة بفرص بتيجي ف اوقات زبالة والحمدلله كنت بعرف احسن التصرف - بس باجي على نفسي - وشايفة ان الليفيل اللي الفرص بتحب بتحطني فيه ف تحدي مع نفسي بيعلى ٥ اضعاف اللي قبله كل مرة ليه كدة بجد 😂😂

عندي ٢ كويز يا دوب خلصت الصغير ولسة عندي واحد بتاع ٦٠ سؤال مش عارفة هحتاج قهوة للمرة ٥ بعد ١٢ بليل عشان اعرف اتجاوزه ولا هنشد بودرة ولا ايه "((

اعتقد مش هروح الشغل بكرة عشان اعوض مرقعة اني مروجتش الجيم النهاردة .. او حقيقي مش عارفة اعمل ايه.

حاسة قلبي مش مطارعني اشيلهم جرد الشهر لوحدهم وف نفس الوقت محتاجاهم بجد ميعتمدوش عليا وان في حد بيلم وراهم.

مش ��هم مش مهم .. المهم اني بانجو من غير بانجو سو فار ")

[al-hashimia]

من باب "الدّين النّصيحة" فهذه بعضُ النّصائح لكَ أنتَ كزوجٍ أو مقبلٍ على الزّواج، ولكِ أنت كزوجةٍ أو مقبلةٍ على الزّواج:

أنتَ: الزّواج له أركانٌ وشروط، وكلّ شرطٍ ليس في كتاب الله ولا سنّةِ نبيِّه ﷺ فهو باطل ولو كان مائة شرط، وعليه فإنّ المؤخَّر الذي يفرضونه عليكَ في حال طلاق ابنتِهم باطل إلّا ما كان من المهرِ يعني دفعت جزءًا وبقي عليك جزء مؤجّل فهذا من حقِّ الزّوجةِ، فلا تورّط نفسَك بمؤخَّر وشروطٍ يلزمونَك بها في القائمة "المهبّبة" والتي لم ينزل بها الله من سلطان.

إيّاك أن تنخدِع بأبيها أو أخيها وقد بدا لكَ بهديِه الظّاهر اللّحية والثّوب والصّلوات الخمس في المساجد، بل لو كان شيخًا لا تنخدع ولا تقل لا باين إنّهم ناس يخافون الله لأنّهم لو كانوا كذلك فعلًا لما وضعوكَ في موضع تعجيزيّ ولرضوا لابنتِهم بالقليلِ المبارَك، وخوفهم على مستقبلِ ابنتهم كما يدّعون ليس شرطًا من شروطِ الزّواج، فلا تكن طيّبًا حدّ العبط! لأنّك قد تُبتلى بابنتِهم فلا تكون لك كما تحبُّ وتشتهي، فإن أنت فاضت كأسك وأردت الفراق تذكّرت ما فعلتَه بنفسك يوم وافقتَ على ما اشترطوه عليك! فلا تجد حينها إلى الطّلاق سبيلًا! فأرجوك الطّيبة وحسن الظنّ شيء والعبط شيء ثانٍ!

أنتِ: قب��لكِ بشروط أهلكِ المجحفة والقايمة "الشّيطانيّة" بحجّة إنّ أهلك أدرى بمصلحتِك ينزع عنكِ صفة البركة المنشودة في الزّوجة المُسلمة!

لمّا يجلس معك زوجكِ قبل البناءِ جلسة خاصّة لعلّه يظفر منكِ المسكين بتنازلٍ عن شيء من قايمة أهلك، فتردّين عليه بأنّك لا حول لك ولا قوّة وإنّ لا قدرة لكِ على مجادلة أهلك اسمحي لي أن أقول لك بكلّ حبّ: أنت كذّابة! نعم، لأنّك لو كنتِ مسلمة مؤمنة حريصة على العهد والميثاق الغليظِ الذي جمعكِ بهذا الزّوج المحبّ الصّالح لكنتِ وقفتِ معه لا مع أهلك الظّلمة!

هو زوجك شرعًا يستطيعُ أن يمسككِ من يدِك ويأخذكِ إلى بيتِه ولا أحد يستطيع أن يوقفه -شرعًا طبعا-، ولا سُلطان لأبيكِ عليكِ أمام سلطان زوجك! ولكن زوجكِ لا يفعل ذلِك لأنّه باقي عالودّ.

تستطيعين الضّحك على أهلك إذا استعصوا مع زوجكِ -ولك الأجر إن شاء الله-، كأن تتّفقي مع زوجك أن يقبل بالمؤخّر كاسر الظّهر أمامهم فقط، وبعد الدّخول تروحي أنت يا مُسلمة يا مؤمنة يا من همّها إرضاء ربّها أوّلا ثمّ زوجها تتنازلين لزوجك عن المؤخّر وتقولين له: أنا مسامحتك يا زوجي يا حبيبي وربّنا شاهد 🩷

الزّبدة: تستطيعين مساعدةَ زوجِك إن أنتِ فعلًا أردتِ ذلك.

أنتَ: الزّواج من حقّك مثنَى وثلاث ورباع، حقّ كفله لك ربّ العالمين من فوق سبع سماوات، تحبّ زوجتَك الأولى وهي صاحبةُ فضلٍ، ولكنّك تريد الزّواج من ثانية -ولا تثريب عليك فأنت رجل والرّجال يحبّون النّساء، تلك جِبلّة فيهم، ومن قال لا أحبّ النّساء فلديه خلل في الهرمونات على أقلّ تقدير!

قدّر الله وتزوّجت سرًّا -وهذا لا أحبّه في الرّجل لأنّه قد يزيد الطّين بلّة-، ثم علمت زوجتك الأولى بأمرِ زواجك ولم تتقبّله وهذا حال أغلب النّساء، وحضرتك بتحبّ زوجتك الثّانية أيضًا، ولكن الأولَى شيطانها غلبَها وتكالبت عليها شياطين الإنس من حولها، وقالت قولتَها الشّهيرة: يا أنا يا هي!

ماذا ستفعل حضرتك؟ لديك أطفال من الأولى وتحبّها، وكذلك تحبّ الثّانية ولها عليك نفس ما للأولى عليك، فتروح حضرتك إن لزم الأمر وأبت الأولى أن تثوب وتؤوب إلى ربّها تطلّقها، نعم تطلّق الأولى لأنّها هي من ظلمت واعتدَت وليس أنت أو الثّانية! هي من طلبت الطّلاق وخيّرتك بينَها وبين الثّانية، فشرعًا حضرتك تحافظ على الثّانية والويل لك إن ظلمتها وطلّقتها إرضاءً للأولى ويوم الحساب لن تدافع عنك الأولى ولا أولادك منها!

أنتِ: بلغكِ من عصفورة بنت حلال -وما أكثرهنَّ- إنّ زوجك حبيبك الذي يُحبّك ويودّك ولو يطول يأتيك بالدّنيا راغمة قد تزوّج عليك سرًّا! لا تولولي لأنه ليس وقت الولولة أبدا، بل وقت ذكر الله، اي والله كما أقول لك تمام، ألستِ مسلمة مؤمنة بقضاء الله خيره وشرّه؟ يجب إذن أن تستحضري قول الله تعالى: ﴿وَبَشِّرِ الصَّابِرِينَ ۝ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ﴾، فاسترجعِي غاليتِي لأنّ الاسترجاع سيجعلك من أهل الآية التي تليها: ﴿أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمُ الْمُهْتَدُونَ﴾، بينما الولولة والسّباب والشّتيمة ستجعلكِ من حزبِ الشّيطان.

سأذكّركِ بشيء: تعدّد زوجك حقٌّ حتّى لو كنتِ أجمل النّساء، وأعلمهنّ، وأكثرهنّ أدبًا وطهارة في نفسك وفي بيتِك.

ليس من حقِّك أن يستشيرَك ولا أن يخبركِ -ولكنّي أرى أنّه عليه أن يفعل ذلك من بابِ المعروفِ وحسنِ العِشرة-.

تذكّري وأنت واقفة تولولين وتشتمين وطلّقني طلّقني أنّك تعاندين الله سبحانه وتعالى لسان حالك أنت يا ربّ أبحتَ له ذلك وأنا أعاندك ولا أقبله.

عبارة طلّقني طلّقني أمرها عظيم، أنتِ تطلبين الطّلاق لسبب غير شرعيٍّ، وفي الحديث: «أيّمَا امرأةٍ سألت زوجَها طلاقًا في غيرِ ما بأسٍ فحرامٌ عليها رائحةُ الجنّةِ»!

والويل ثمّ الويل لك إن تركتِ شرعَ الله واستعليتِ على زوجِك بقوانين الأسرة الوضعيّة الكفريّة، وتذكّري هي دنيَا وإن اتّسعت لكِ الآن فإنّها فانية.

وبس كده يا مؤمن.

[colored-entropy]

يوم في حياة بو حميد:

حاولت أقرب من اليمامة عشان أصورها خافت وطارت، استغليت الموقف عشان اتأكد انها حطّت بيضتين مش بيضة واحدة، وسقيت النعناع بحرص بدون ما البيض يتبلّ ويبوظ. تاني يوم كنت مسافر لأهلي، فسلمت عليها وحطّيت لها ميّة في برام صغير وقفلت البلكونة ومشيت. وصلت البيت، ببص ع النعناع بتاعي اللي أبويا وأمي مش عارفين يراعوه من يوم ما انا سِبت البيت، وكانت المفاجأة لما لقيت جوز حمام من حمام جارنا بايض ع النعناع! تاني. حاولت أصور الطيرة بس الحمام البلدي جبان، خافت وطارت بسرعة، اليمامة الاسكندرانية أجدع وأشجع.

الصورة الأولى لبيضتين اليمامة، التانية للحمامة اللي باضت في البيت، التالتة لجوزها قبل ما يطير بثانية. هما شبه بعض شوية وشكلهم كده شقلباظ، نوع حمام زينة بيتشقلب في الهوا، وغالبا عيونه بتكون ملونة، بيسموه السوريون بهلوان، ودي كلمة رقيقة على عادة السوريين يعني، لكني بحب كلمة شقلباظ/ شئلباظ. بالمناسبة، ذكور الحمام بترقد ع البيض حوالي 4 ساعة في اليوم من 10 صباحا ل 2 ظهرا، لحد ما الأم تاكل وتمشّي رجليها حبتين. أمّا اليمام فغالبا الأم هي اللي بتتولى رعاية البيض لوحدها.

مش عارف ايه معنى ان اليمام والحمام ييجوا يبيضوا عندي، أنا متعود على ده في البيت، والحمام بتاع الجيران ده مش اول مرة ييجي يبيض في المكان ده. بس اليمامة هي اللي عزيزة عليا عشان جت في وقت ومكان مكنتش عامل حساب حاجة جميلة زي دي تحصل فيهم، وكمان عشان شجاعة وجريئة، مطارتش مني إلا لما قربت لها جدا جدا. أتمنى الأحوال الجوية ترأف بيها لحد ما زغاليلها يكبروا ويطلعوا ريش ويبقوا كويسين.

حد قالي الكلام بتاع البركة والرزق والحاجات دي، وناس بتفضل تقول دي علامات وحركات، وانا لا بتاع ده ولا ده، بس مبسوط بالحدثين وخلاص، وحاسس ان البلكونة بقت مكان طيب من ساعة ما زارتها اليمامة.

المهم اني وصلت البيت، وصورت الحمامة في طريقي للسطوح صاعدا لأطمئن على الصبار والريحان، مجهَد فشخ الريحان. من ساعة ما سِبت البيت وكل الزرع نفسيته مش تمام. كنت واعد صديقتي المفضلة بزرعة ريحان حلوة تحطها عندها في البلكونة، وكل مرة بكسل أو بنسى أو ببقى شايل كتير. بس المرادي قلت هحاول بجد، طلعت أمسك فرع أقطعه وأحطه في مية وأجهزه عشان أخده معايا لصديقتي المفضلة، لقيت الريحان مليان نحل ودبابير. آااخ، ده الموسم بتاعه صحيح. سألت أمي هو احنا بنشتري العسل امتى؟ قالتلي في شهر خمسة، قلت اه يبقى ده الموسم بتاع النحل فعلا. فكرت ألوم أمي عشان مقصقصتش ورد الريحان، بس قلت هنبهّها بس عشان متتقرصش من النحل، ونسيب النحل يتغذى براحته ع الورد، بس أمي أبت إلا أن تقصقص فروع الريحان وقضت عليها تماما. لكني كنت فلَتّ بفوتوسيشن جميلة قبل موقعة القصقصة.

النحلة العسولة دي انا حبيتها جدا.

الدبور ده كان نفسي أصوره عن قرب بس كنت خايف منه جدا، لسعته والقبر فعلا. فقررت أندمج في تصوير النحلة لحد ما لقيته بيقتحم الكادر تلقائيا، وسمح لي أصوره بعد كده. ومن ساعتها خطف الأضواء من النحلة. أظنه من نوع الفنانين اللي بيحتاج وقت لحد ما ياخد ع الكاميرا.

ليه بصوّر وبشارك الحجات دي؟ بأمانة مش عارف، بس هي جميلة، وأنا كنت مبسوط وأنا بصوّر النحل رغم اني ممكن أتقرص، وبفتكر مغامرات الطفولة لصيد عشرات الكائنات المختلفة، وأحلام الطفولة بتاعة يارب أطلع أدفينشرر ولا إكسبلورر زي المواطن الأبيض اللي بيطلع في أفلام ناشيونال جيوجرافيك وعالم الحيوان بتاع يوم الجمعة الساعة اتنين الضهر ده. صحيح ده محصلش، والإنسان مبقاش أدفنشرر ولا حاجة، بس ستيل فيه يمام بييجي يسكن في بلكونته وفيه نحل كيوت بيسمحله -مش بيسمحله اوي يعني- يصوره وهو بيتغدا على وجبة دسمة من رحيق الريحان.

بكرا هقطع فرع ريحان أزرعه وأخده معايا وانا مسافر .

[ebrahimsharabash]

كثيرًا ما يسأل المرءُ نفسَه كيف كانت الأمور ستسير لو أن الدعوة هبطت على سيدنا النبي فى مصر؟

نسيتُ السؤال لفترةٍ ثم تذكرته من جديد إثر رواية شائعة عن إحدى العائدات من عمرة لقصة السيدة المصرية التي كانت تزور قبر النبي، وأطالت الوقوف إلى جوار مقامه في تبتّل وخشوع أزعج حارسات المقام، فأبعدنها بقدر من الخشونة التي لا تشبه المكان أبدا، فما كان من السيدة المصرية إلا أن نظرت باتجاه قبر سيدنا النبي قائلة: «إنت إيه اللى جابك عند الناس دي.. إنت لو كنت عندنا كنا شلناك إنت وضيوفك في عنينا من جوه».

هذه السيدة التى قد ترى أنها تجاوزت حدود الأدب هي محبة بالفطرة لسيدنا النبي مثل عامة المصريين، هي التي تهدهد حفيدتها على أنغام «ميتى أشوفك يا نبي.. ياللي بلادك بعيدة» فتضع في لا وعي حفيدتها أول حجر في بناء المحبة لسيدنا النبي، وتحصنها بـ«اسم النبي حارسها»، هي التي تستقبل ضيفها الغالي بابتسامة بشوش «إحنا زارنا النبي»، وف نفس الوقت تعاتب على قلة الكرم وسوء الاستقبال بـ«ده النبي فرش عبايته لنسيبه»، وهي التي تفض مشاجرات تكبر أو تصغر بجملة سحرية «صلوا على النبي يا جماعة».

هناك نكتة لم أكن أحب أن أستخدمها -لأن الحديث ليس موضعا للنكات- لكنها تلخص أمورا كثيرة، تقول إنه فى خطبة الجمعة وقف الخطيب على المنبر يقول «خد بالك من جيل هذه الأيام، فإذا قالت لك ابنتك إنها رايحة الدرس فلا تصدقها، فهي ذاهبة للقاء الحبييييييييب» فقال المصلون خلفه «عليه الصلاة والسلام»، هذه النكتة تكشف لنا من جانب حال كثيرين يجلسون في خطبة الجمعة أذهانهم مشغولة بأمور أخرى غير الخطبة، لكن من جانب آخر تشرح كيف أن الانتباه كله يحدث إذا ما مرَّ اسم سيدنا النبي بكل تجلياته «طه وأحمد والحبيب».. حالة يقع فيها الانتباه لا إراديا، لأنه فعلا الحبيب بالفطرة فى قلوب المصريين، ويعملون ألف خاطر لاسمه ويتجاوزون في ذلك حدود المقبول أحيانا بحكم «الأڤورة»، فيسمون «عبد النبي»، ويتغزلون بـ«يا جمال النبي»، ويقسمون بـ«وحياة من نبّا النبي»، أى من جعله نبيًّا «من الممكن أن يقسموا بالله مباشرة لكنهم يعرّجون على الحبيب فى الطريق».

«النبي وصى على سابع جار».. تمام، ويفكون تكشيرة عالم الدين بـ«النبي تبسم يا مولانا».. تمام جدا، ويطلبون من كل شخص أن يعامل نبيه بالطريقة نفسها «وكل من له نبي يصلي عليه».. عين العقل، لكن كاد صديقى يجن عندما قالت له والدته البسيطة فى طفولته «سيدنا النبي قال ماحدش يشرب من الإزازة» عندما ضبطته يفعل ذلك أمام الثلاجة، فانصرف يبرطم، بعد سنوات كان صديقي يضرب كفا بكف وهو يقرأ فى كتب الأحاديث، قال أبو هريرة رضي الله عنه «نهى الرسول صلى الله عليه وسلم أن يُشرب من في السقاء أو القربة» -متفق عليه- أى نهى عن الشرب من حافة الإناء حفاظا على نظافة وعاء شرب جماعي «يعنى ماحدش يشرب من الإزازة». هذه السيدة البسيطة ربما استمعت إلى المعلومة فى إذاعة القرآن الكريم، وعندما حان وقت تنفيذها لم تخاطب ابنها بلغة التربية والعيب والصحة والمنظر العام واللي يصح واللي مايصحش لكنها خاطبته بلغة قانون المحبين «سيدنا النبي قال».

ينتظر المصريون كل مناسبة تخص سيدنا النبي ليحتفلوا بها، حتى يوم مولده الذي حرم بعض المتشددين الاحتفال به، لم تلقَ دعوتهم أي قبول لدى أي شخص تجري فى دمائه جينات مصرية، ربما لو كان النبي أقام بدعوته في مصر لأصبحت السنة كلها احتفالات، كنا سنحتفل بذكرى كل التفَاتَةٍ من حضرته، وكل مكان زاره، وكل يوم نزلت فيه آية، وكل زيجة له، كنا سنقدس كل شارع مرّ به، وكل إناء أكل فيه، وكل بقعة من النيل مدّ سيدنا النبي يده فيها ليشرب منها.

عقب حادث قطار البدرشين وقف أحد الجنود الناجين أمام الكاميرا يشكو سوء الوضع داخل القطار أصلا، وفى نهاية كلامه قال «مش معاملة دي، إحنا صعايدة ونعرفوا الرسول».

وقبل أن يتوقف الدوري ذهب أحد أصدقائي المولعين بكرة القدم إلى الاستاد فى عز الفوضى، حيث لم تكن هناك تذاكر دخول، مجرد موظف أمن على البوابة قال له صديقي: «صحافة» فدخل، ثم سأل آخر كان قريبا منه «وانت تبع إيه»، فقال له «أنا تبع سيدنا النبى» فقال الموظف «عليه الصلاة وال��لام اتفضل».

وكنت أجلس مع صديقٍ آخر فى سيارته بينما أم كلثوم تغني «ولما أشوف حد يحبك يحلالى أجيب سيرتك وياه»، فتنهد قائلًا «عليه الصلاة والسلام»، ثم نظر لى قائلًا «أحلى سيرة في الدنيا».

كنت أتمنى أن أولد على التراب الذى حطّ عليه سيدنا النبي بقدمه الشريف، لكن لله حكمة فى ذلك، فنشأة الدعوة فى محيط الكفار قساة القلب شدّ أزر الدعوة وجعلها تشب صلبة وعفية، وهذا ما كان ليتحقق لو كانت الدعوة قد شبت فى محيط المحبين.. المجاذيب.

نفعنا الله بحبنا لسيدنا النبي وآل بيته، ورزقنا الاعتدال في هذا الحب، وغفر لنا عفويتنا التي تجعلنا بحسن نية قد نتجاوز حدود اللياقة أحيانا من فرط المحبة، لدرجة أننا أحيانا نتجرأ فنوسط النبي بطفولة شديدة فى أصغر الأشياء.. «اللي يحب النبي يصقف».

[fozdoaa]

بقالى 3 مرات بتمرن مع مساعده جديده للكابتن بتاعتى انا معرفهاش ولا هى تعرفنى ولا سبق واتعاملنا سوا غير هما ال3 مرات دول ،لقيتها بتقولى ايه رايك نجرب كذا فقولتلها تمام اللى انتى عيزاه بس عرفينى وانا معاكى لقيتها بتقولى على فكره انتى مُريحه جدا فأنا بصتلها بحاول افهم تقصد ايه !

قالتلى انى بعمل اللى هى طلباه منى ولما بخلص بناديها علشان اعرف اللى بعده وانى مش بشترط وقوفها فوق راسي وانى مبسألش كتير ولا بتململ والأهم انى فعلا زى ما الكابتن قالتلها اول مره تشتغل معايا انى لو قولتلها عملت يبقى عملت فعلا وانى مبكذبش وانها راقبتنى واتاكدت فعلا انى بعمل ومبخمش فى العد.

اول الأسبوع كنت فى الفيتنج ودخل بنتين معانا وكانوا ميعرفوش ان حد موجود وبيتكلموا وسيرتى جت واحده فيهم لقيتها بتقول بس فذدق دى محترمه قوى ردت التانيه عليها وقالتلها لاءه دى مؤدبه فوق الأدب بأدب .

واحنا بنتمرن بنت معانا عملت التمرين غلط اتفاجأنا بصرخه منها ومكنتش قادره تتنفس من الوجع الغريب ان البنات اعتبروا دا وقت ريست ووقفوا يتكلموا ومحدش قرب منها جريت عليها أنا والكابتن وبدأت الكابتن تشوف المشكله كانت فى كتفها فأنا ادركت ان كتفها كده اتخلع هى مكانتش قادره من الوجع خالص فضلت على ركبتى قدامها وعينى مع الكابتن مع انى اصلا بترعب من الوجع وصوتها وهى بتصرخ وقولت للكابتن هى كده العضمه متحركه محتاجه تترد لمكانها وفعلا الكابتن قدرت تظبط الدنيا قومتها وقعدت ع جنب وجبتلها مايتها وقولتلها تطلعى حاجه لله وانتى ماشيه علشان ربنا فداكى لقيتها عماله تشكرنى انى فضلت جنبها وفضلت تدعيلى .

طبعا كالعاده رمضان بطيخه معرفش يرد واديتها واحده متشكره خالص ربنا يخليكى

نفسي ابطل العاده المتخلفه بتاعتى انى مبعرفش استوعب الشكر او الكلام الحلو المتوجه ليا .

[t-ablog]

‏🔁🔁🔁🔁🔁

🔴🔴🔴🔴🔴

انشر … لتطمئن القلوب …

🔴ماينشره الاعلام العبري من ان الجيش قد بدأ بعمليه مليء الانفاق بالماء …

اقول لكم هو من باب الحرب النفسيه فلا تصدقوا اعلامهم ولاتنشروا لهم اكاذيبهم لبث الرعب والخوف في القلوب …

🔴الجيش الاسرائيلي يعلم تمام اليقين ان طريقة بناء الانفاق هي طريقه معقده هندسيا فالانفاق على ثلاث مستويات هجوميه ودفاعيه ولوجستيه وان الانفاق ليست متصله بجميعها الا من مداخل داخليه محكمه الاغلاق …

🔴وهناك انفاق وهميه وهي التي يتم تفجيرها بالعدو ككمائن … والعدو لايستطيع التمييز بينها ….

🔴كما ان عمليه الاغراق للانفاق تحتاج لبحيره بحجم غزه والى اشهر …

🔴والأهم من ذلك ان العدو ومن معه من اعداء لهم شهرين لم يستطيعوا تحديد مكان نفق واحد .. غير تلك الانفاق الوهميه التي يُستدرج اليها لقتلهم..

🔴مايثير جنون العدو وامريكا وبريطانيا وبطائراتها التجسسيه واستخبارهتها انها عجزت عن تحديد هذه الانفاق …

🔴 لماذا ألان بدأوا ينشرون ذلك ؟لماذا لم يقوموا بذلك منذ وقت ؟.. لانهم عاجزون ….يظنون ان حماس يرعبهم ذلك ..

🔴 مدينه تحت مدينة تحت مدينه ….

فالانفاق ليست كما يتخيلها البعض بانها مسار واحد…

اطمئنوا … ولاتساعدوا في نشر اكاذيبهم

د . ايسر منصة x

_____ _____

T

[imazikaty]

يمكن ‏من الحاجات اللي تصالحت معاها بقالي فترة من الزمن في الدنيا وارتاحت هي اني مش لازم ابقى احسن واحد في كل حاجة، مفيش وقت ولا طاقة ولا امكانيات اني اكون احسن واحد في كل الحاجات اللي بحبها او بتهمني، دي عملية شبه مستحيلة، محتاجة سوبرمان وانا شخص عادي واقل من العادي كمان ، اعتقد اني كويس بس اكيد مش سوبرمان، ودي كمان تصالحت معاها من زمان

بالتالي قدامي اختيارين، اما اني اسعى اكون احسن واحد في شئ واحد، او اني اكون كويس في اكتر من شئ

اختارت الاختيار التاني لاني مش عايز اهدر حياتي مسجون جوه فكرة واحدة او عالم واحد او مسار واحد وتفوتني باقي المسارات، انت اصغر والعالم اوسع من انك تعرف اصلا ايه هو احسن مسار ليا، انت كمان محتاج تعرفه وانت صغير عشان يبقى عندك وقت تمشيه، شبه مستحيل زي ما قلتلك، فاختارت اني احاول اكون كويس جدا في حاجة وكويس بس في حاجة تانية ومعقول في حاجة تالتة وعندي فكرة بسيطة عن حاجة رابعة وخلاص

مش لازم ولا بقيت عايز اكون الاحسن والافضل والاعظم، تحررت كمان من ضغط المصطلحات اللي السوشيال ميديا بقت ركبانا بيها دي من زمان

يرضيني احس اني تمام، وكده تمام

لو شايف كلامي ده قلة طموح فاتمنى لك حظ سعيد في عملية طحن حياتك ارضاءً للمصطلحات اللي اتصنعت عشان تتحكم فيك وتقررلك مصيرك وتحددلك رضاك عن حياتك

العب انت، انا مش لاعب ولا بقي فيا حيل

[mrvictive]

Act VII

Day 23

My Legacy, My Thrones,...

I was running Like A wolf Haunting for His Life...

Today is A Land Mark 🚩🚩

خلصت Module كمان في ال Js ودخلت ف Module جديد.

النهاردة وانا بجري حسيت اني بجري for my life, حطيت كل شيء في حياتي قدامي كل موقف مش منتهي كل شيء بحاول اوصله كل حاجه هتحصل لو فشلت ولقيتني بجري بكل ما عندي

جريت المسافة المعتادة و انا بجري العامل بتاع الملعب قالي اطفي النور ولا اسيبه شوية ليك. قولتله لا اطفيه

Darkness is My Ally...

النهاردة في الشغل ذاكرت بردو في البريك واستغليت كل لحظة اني انجز اللي ورايا عشان انا قدامي طريق طويل.

في الشغل علي قد ما هو مرهق ومتعب وانا ضيعت طاقة كتير في الشغل الا اني كملت علي قد ماقدر.

بعد الشغل كل حاجه بتقولي ارتاح. كل شيء بيقولي خد بريك لحظة. بس لا كملت. علي قد ما اقدر.

حد النهاردة قالي انت خسارة في بتروجيت و زعلتني لما رفضت عرض شركة مرسيدس وجيت هنا؟ قولتله كل واحد وقتها بيحسبها علي حسب كام حاجة معينة وانا حسبتها علي حاجة معينة.

النهاردة تاني يوم ف الشيفت والحمد لله كل شيء تمام. يارب يعدي باقي الايام علي خير..

تقييم اليوم كدا اننا ذاكرنا كويس واشتغلنا كويس وعملنا workouts كويس وصلينا كل حاجة وقرات الورد والاذكار ومضيعتش وقت وممتن ان اليوم كويس.

كان قرار كويس اني مضيعتش الوقت مع اصحاب الشغل واشتغلت علي نفسي.

To Be Royally Continued

Mr. Act V

[smallbutkindcouch]

١٦ أكتوبر

أنا وبابا

قبل ما بابا يتوفى كنا بنجدد شقتنا، غيرنا كل حاجة حتى العفش، فاكرة كل حتة في بيتنا نقيناها إزاي، وفاكرة إن بابا قالنا اختاروا الحاجات كلها على ذوقكم، وفيه وقت البيت كان كله رمل، والعفش متكربس في اوضتين واحنا بننام ع الرملة، ونصحى على بابا وهو بيرش علينا رملة، وبيضحك، وانا بقوله بطل رخامة بقى يا بابا..

في المراحل النهائية للشقة، كان بابا دخل المستشفى لآخر مرة، وكان بيسألنا طول الوقت عملتوا إيه في الكهربا، السباكة، خلي بالكم من كذا.. عملتوا الدهانات ألوانها إيه؟ …

فيه كرسي في الصالة عندنا كنا عاملين حسابنا إن دا بتاع بابا، وحتى الآن الكرسي دا محدش بيقعد عليه أبدًا.. بابا كان عايز يطلع من المستشفى ليوم واحد يشوف البيت بقى عامل ازاي، بس كان بيتراجع عشان خايف يموت في البيت ودا شيء يجيبلنا كلنا أزمة نفسية

بعد موت بابا، ماما علقت صورته فوق الكرسي اللي كان هيقعد عليه، كنت ببص للصورة بالساعات.. وماما مرة سمعتني بكلم الصورة، ومرة بغبائي قولتلها إن الصورة بتضحكلي لما بكون فرحانة.. ساعتها ماما شالت كل صور بابا من البيت وخبتهم عشان خافت عليا عقلي يجراله حاجة

وهكذا في عزا بابا.. البيت كان كله جديد، وكإن الحياة بتدينا هينت إن كل شيء هيتغير.. البيت بقى شكله أحلى بس من غير بابا، كل دا ملوش أي معنى.. مع الوقت اكتشفت إن كل حد فينا كان كاره البيت بشكله الجديد.. لإنه التغيير دا بقى مرتبط بفقدان عمود البيت نفسه.. مش بس البيت اللي اتغير.. فيه حاجة مهمة تغييرها عملي أنا شخصيًا مشكلة، بيتنا عمره ما كان ليه ترباس، طول ما بابا عايش،.. أول لمحة حسستني بالخوف بعد موت بابا، إن ماما ركبت ٣ ترابيس.. حتى الآن وأنا بقفل الباب بالترباس بعد ما أرجع البيت بحس بقبضة قلب رهيبة..

الكلام إن الأب ضهر وسند كلام حقيقي تمامًا.. اللي بيفقد والده في أي سن، فاهم الموضوع دا، فيه شعور عام بافتقاد الأمان والحماية بحسه كل يوم.. مع إني كبيرة وعاقلة وراشدة دلوقتي وفيه ناس دخلوا في نطاق إني لازم أحميهم وابقى رمز الأمان ليهم، إلا إني حقيقي عمري ما حسيت بالأمان مع أي إنسان غير بابا.. كل الأحاسيس التانية شغالة عادي، بس الأمان لاء.. والحقيقة إني مبدورش عليه، بدلته بأحاسيس تانية زي الراحة والهدوء.. بس ببقى عارفة تمام المعرفة، إن مفيش وضع ثابت، وإن أي حاجة ممكن تحصل تخليني أفقد كل حاجة، وكل حد.

ربنا يرحمك يا بابا 🤍

[urdu-poetry-lover]

‏امجد اسلام امجد

حسابِ عمر کا اتنا سا گوشوارا ہے

تمہیں نکال کے دیکھا تو سب خسارا ہے

کسی چراغ میں ہم ہیں کسی کنول میں تم

کہیں جمال ہمارا کہیں تمہارا ہے

وہ کیا وصال کا لمحہ تھا جس کے نشے میں

تمام عمر کی فرقت ہمیں گوارا ہے

ہر اک صدا جو ہمیں باز گشت لگتی ہے

نجانے ہم ہیں دوبارہ کہ یہ دوبارہ ہے

وہ منکشف مری آنکھوں میں ہو کہ جلوے میں

ہر ایک حُسن کسی حُسن کا اشارہ ہے

عجب اصول ہیں اس کاروبارِ دُنیا کے

کسی کا قرض کسی اور نے اُتارا ہے

کہیں پہ ہے کوئی خُوشبو کہ جس کے ہونے کا

تمام عالمِ موجود استعارا ہے

نجانے کب تھا! کہاں تھا مگر یہ لگتا ہے

یہ وقت پہلے بھی ہم نے کبھی گزارا ہے

یہ دو کنارے تو دریا کے ہو گئے ، ہم تم!

مگر وہ کون ہے جو تیسرا کنارا ہے

۔۔۔۔۔۔۔۔

[g-lamia-khalil]

عندك حق يابني والله

ياجماعة الخير وحدوا نفسكم مش وقت فُرقة ولا تنظير على بعض

اللي قادر على شيء ولو كلمة طيبة نقول له احسنت ولانعلي على بعض ولانشق الصف

مش عاجبك موقف؟

تمام اعمل انت اللي احسن منه

ربنا اللي مطلع على قلوبنا وهيحاسبنا فرادى

فاللي يقدر يتحرك ويجاهد واكتفى بالكلام ربنا هيحاسبه

واللي يقدر يبذل مال وبخل

ربنا ليه بالمرصاد

فكل واحد يبذل جهده ولايحقرن من المعروف شيئا ولو كان لايملك سوى دموعه والدعاء

احنا في محنة والله العظيم وما فيش حد فوقه سقف كلنا في العراء ننتظر رحمة الله بنا

والفُرقة دي اللي مستفاد منها اعداء الله

نسأل الله ان يتغمدنا برحمته ويهيء لنا من أمرنا رشدا ولايؤاخذنا بذنب السفهاء فينا.

_لمياء

[lsd-l]

على وشَك التفكير بجديّة في الخطة الأكثر جنوناً على الإطلاق،

شوية تقكير على شوية تكتكة صح على حبة خناق من هنا مع دول و دول، وبعد كام شهر هيطلع عليا كلام بإني (خالفت العادات والتقاليد، قواعد الدين والدولة، وبعِدت تمام البُعد عن رضا الوالدين وهينزل عليا غضب إلٰهي)، بس أنا مش هينفع للأسف أعمل غير كدة، كل يوم بستنى علامة تحنن قلبي وتخلّيني أتراجع عن قرار زي ده بس دايماً بيحصل العكس، بيحصل اللي يخليني أقول أنا لازم أعمل ده في أسرع وقت، رغم الرعب والخوف اللي متملّكني .. بس أنا لو سلّمت نفسي لحياتهم وليهم أنا هندم باقي عمري، وأنا من أنصار جملة العمر مش هنعيشه غير مرة واحدة،

ومعنديش إستعداد المرة الواحدة دي أعيشها متدمرة نفسياً ومش عارفة أعيش ولا أفكر طبيعي زي باقي الناس لأجل شوية مُسلّمات أنا شخصياً مش مقتنعة بيهم،

أنا عارفة إني هتحمّل نتيجة قراراتي لوحدي وبطولي وعارفة إن إحتمالية الندم موجودة بنسبة مش قليلة، وعارفة إن محدش هيقف معايا منهم بعد كدة لو إيه،

بس أنا تعبت، وإستحملت كتير ومعنديش إستعداد أقضي الباقي من عمري زي اللي فات، ولا حابّة أفكّر في إني مش حابة أعيش زيادة وكفاية عليا كدة زي زمان،

تعِبت من الضلمة .. نفسي أشوف النور .