#افتخار عارف

[urduchronicle]

اردو کانفرنس میں جوش ملیح آبادی پر سیشن، دستاویزی فلم بھی دکھائی گئی

آرٹس کونسل آف پاکستان کراچی کے زیر اہتمام چار روزہ سولہویں عالمی اردو کانفرنس 2023 کے تیسرے روز ”جوش ملیح آبادی۔ایک یاد“ (دستاویزی فلم۔اقبال حیدر) رونمائی محمل و جرس (آخری مجموعہ کلام) پر سیشن کا انعقاد آڈیٹوریم 2 میں کیاگیا۔ اس سیشن میں افتخارعارف اورہلال نقوی نے کی ،گفتگو کرنے والوں میں فراست رضوی، عقیل جعفری، عدیل زیدی اور حوری نورانی شامل تھے جبکہ نظامت کے فرائض محبوب ظفر نے انجام دیے۔ مقررین…

[aashufta-sar]

مٹی کی محبت میں ہم آشفتہ سروں نے وہ قرض اتارے ہیں کہ واجب بھی نہیں تھے

Mitti ki mohabbat mein hum ashufta saron nay Woh qarz utaare hain ke waajib bhi nahi thay

Iftikhar Aarif / افتخار عارف

[urdu-poetry-lover]

مرے خدا مجھے اتنا تو معتبر کر دے

میں جس مکان میں رہتا ہوں اس کو گھر کر دے

یہ روشنی کے تعاقب میں بھاگتا ہوا دن

جو تھک گیا ہے تو اب اس کو مختصر کر دے

ستارۂ سحری ڈوبنے کو آیا ہے

ذرا کوئی مرے سورج کو با خبر کر دے

قبیلہ وار کمانیں کڑکنے والی ہیں

مرے لہو کی گواہی مجھے نڈر کر دے

میں اپنے خواب سے کٹ کر جیوں تو میرا خدا

اجاڑ دے مری مٹی کو در بدر کر دے

مری زمین مرا آخری حوالہ ہے

سو میں رہوں نہ رہوں اس کو بارور کر دے

افتخار عارف

[qalbtalk]

ستمبر کی یاد

اور تو کچھ یاد نہیں بس اتنا یاد ہے

اس سال بہار ستمبر کے مہینے تک آ گئی تھی

اُس نے پوچھا

”افتخار! یہ تم نظمیں ادھوری کیوں چھوڑ دیتے ہو”

اب اُسے کون بتاتا کہ ادھوری نظمیں اور ادھوری کہانیاں

اور ادھورے خواب

یہی تو شاعر کا سرمایہ ہوتے ہیں

پورے ہو جائیں تو دل اندر سے خالی ہو جاتا ہے

پھر دھوپ ہی دھوپ میں اتنی برف پڑی کہ بہت اونچا

اُڑنے والے پرندے کے پِر اس کا تابوت بن گئے

اور تو کچھ یاد نہیں بس اتنا یاد ہے

اس سال بہار ستمبر کے مہینے تک آ گئی تھی

—افتخار عارف

september ki yaad

aur tou kuch yaad nahi bas itna yaad hai

iss saal bahar september k maheene tak aa gayi thi

uss ne pucha

“iftikhaar! yeh tum nazmain adhoori kyun chor dete ho?”

ab usse kon batata k adhoore nazmain aur adhoori kahaniyaan

aur adhoore khwaab

yehi tou shayar ka sarmaya hoti hain

poore ho jayen tou dil andar se khaali ho jata hai

phir dhoop hi dhoop main itni barf pari k bohat ooncha

urne wale parinde k par uska taboot ban gaye

aur tou kuch yaad nahi bas itna yaad hai

iss saal bahar september k maheene tak aa gayi thi

—iftikhaar arif

[my-urdu-soul]

خواب دیکھنے والی آنکھیں پتھر ہوں گی تب سوچیں گے

سندر کومل دھیان تتلیاں بے پر ہوں گی تب سوچیں گے

رس برسانے والے بادل اور طرف کیوں اڑ جاتے ہیں

ہری بھری شاداب کھیتیاں بنجر ہوں گی تب سوچیں گے

بستی کی دیوار پہ کس نے ان ہونی باتیں لکھ دی ہیں

اس ان جانے ڈر کی باتیں گھر گھر ہوں گی تب سوچیں گے

مانگے کے پھولوں سے کب تک روپ سروپ کا مان بڑھے گا

اپنے آنگن کی مہکاریں بے گھر ہوں گی تب سوچیں گے

بیتی رت کی سب پہچانیں بھول گئے تو پھر کیا ہوگا

گئے دنوں کی یادیں جب بے منظر ہوں گی تب سوچیں گے

آنے والے کل کا سواگت کیسے ہوگا کون کرے گا

جلتے ہوئے سورج کی کرنیں سر پر ہوں گی تب سوچیں گے

- افتخار عارف

[moizkhan1967]

جاہ و جلال دام و درم اور کتنی دیر

ریگِ رواں پہ نقشِ قدم اور کتنی دیر

اب اور کتنی دیر یہ دہشت، یہ ڈر، یہ خوف

گرد و غبارِ عہدِ ستم اور کتنی دیر

اب اور کتنی دیر یہ طبل و علم کی دھوم

ذکرِ زوالِ لوح و قلم اور کتنی دیر

حلقہ بگوشوں، عرض گزاروں کے درمیان

یہ تمکنت، یہ زعمِ کرم اور کتنی دیر

پل بھر میں ہورہے گا حسابِ نبود و بود

پیچ و خمِ وجود و عدم اور کتنی دیر

دامن کے سارے چاک گریباں کے سارے چاک

ہو بھی گئے بہم تو بہم اور کتنی دیر

شام آ رہی ہے ڈوبتا سورج بتائے گا

تم اور کتنی دیر ہو ، ہم اور کتنی دیر

افتخار عارف

[emergingpakistan]

جسٹس قاضی فائز عیسیٰ کو کن چیلنجز کا سامنا ہو گا

جسٹس قاضی فائز عیسیٰ ملک کے 29 ویں چیف جسٹس بن گئے۔ جسٹس قاضی فائز عیسیٰ اب تک اس عہدہ پر فائز ہونے والے چیف جسٹس صاحبان سے اس بناء پر مختلف ہیں کہ انھیں عدلیہ سے باہر کرنے کی مسلسل کوشش ہوئی مگر جسٹس قاضی فائز عیسیٰ کی بہادری، ان کی اہلیہ کی مشکل حالات برداشت کرنے کی صلاحیت اور ان وکلاء اور سول سوسائٹی کی جدوجہد سے طالع آزما قوتوں کی سازش ناکام ہوئی۔ گزشتہ دس برسوں کی عدلیہ کی تاریخ کا جائزہ لیا جائے تو بہت سے حقائق آشکار ہوتے ہیں۔ جسٹس فائز عیسیٰ نے سپریم کورٹ کے سابق چیف جسٹس افتخار چوہدری کی بحالی کی تحریک میں بھرپور حصہ لیا تھا۔ ان کا تعلق کوئٹہ سے ہے مگر انھوں نے زیادہ تر وکالت کا وقت کراچی میں گزارا۔ وکلاء تحریک کے جلوسوں کو کور کرنے والے صحافی گواہی دیتے ہیں کہ فائز عیسیٰ ان جلوسوں میں اپنی اہلیہ اور بچوں کے ساتھ شریک ہوتے تھے، جب سابق صدر پرویز مشرف کے پی سی او کے تحت مقرر ہونے والے بلوچستان ہائی کورٹ کے جج صاحبان بشمول چیف جسٹس رخصت کر دیے گئے تو فائز عیسیٰ کو سپریم کورٹ کے چیف جسٹس افتخار چوہدری نے براہِ راست بلوچستان ہائی کورٹ کا چیف جسٹس مقرر کیا۔

انھوں نے بلوچستان ہائی کورٹ کے چیف جسٹس کی حیثیت سے اخبارات میں کالعدم تنظیموں کی خبروں کی اشاعت پر پابندی عائد کر دی تھی۔ کوئٹہ میں 8 اگست 2016 کو مرکزی شاہراہ پر بلوچستان بار ایسوسی ایشن کے صدر بلال انور کانسی کو دہشت گردوں نے فائرنگ کر کے قتل کر دیا تھا تو بلال انور کانسی کی میت سول اسپتال لے جائی گئی تو کوئٹہ کے وکیل سول اسپتال پہنچ گئے تھے۔ دہشت گردوں نے سول اسپتال کوئٹہ پر خودکش حملہ کیا۔ اس حملہ میں 70 کے قریب وکلاء شہید ہوئے تھے۔ سپریم کورٹ کے چیف جسٹس نے جسٹس فائز عیسیٰ پر مشتمل ٹریبونل اس معاملہ کی تحقیقات کے لیے قائم کیا تھا۔ جسٹس قاضی فائز عیسیٰ نے اس خودکش دھماکے کے تمام محرکات کا گہرائی سے جائزہ لیا تھا اور رپورٹ تیار کی۔ اس رپورٹ میں سوال اٹھایا گیا تھا کہ افغانستان کی سرحد عبور کر کے خودکش حملہ آور کس طرح کوئٹہ میں اپنا ہدف پورا کرتے ہیں؟ اس وقت کے وزیر داخلہ چوہدری نثارکو جسٹس فائز عیسیٰ کی اس رپورٹ سے شدید صدمہ ہوا تھا۔ انھوں نے اس رپورٹ پر عملدرآمد میں کوئی دلچسپی نہیں لی اور ذرایع ابلاغ پر رپورٹ کو تنقید کا نشانہ بنایا گیا۔

2018 میں ایک مذہبی تنظیم نے انتخابی قوانین میں ہونے والی ترمیم کے خلاف راولپنڈی اور اسلام آباد کے سنگم فیض آباد چوک پر دھرنا دیا، یہ دھرنا کئی ہفتوں جاری رہا۔ اس دھرنا کے مقاصد واضح نہیں تھے۔ ایک معاہدہ کے بعد دھرنے کے شرکاء منتشر ہو گئے۔ سپریم کورٹ کے چیف جسٹس نے جسٹس قاضی فائز عیسیٰ کو اس غیر قانونی اجتماع کے بارے میں ازخود نوٹس کی سماعت کے لیے مقرر کیا۔ جسٹس قاضی فائز عیسیٰ نے 6 فروری 2019 کو ایک جامع رپورٹ تیار کی۔ اس رپورٹ میں دھرنے کے ذمے داروں کا تعین کیا تھا۔ اس رپورٹ میں آزادئ صحافت اور آئین کے آرٹیکل 19 پر لگنے والی پابندیوں کا بھی حوالہ دیا گیا تھا۔ جسٹس قاضی فائز عیسیٰ نے لکھا تھا کہ آئین کے آرٹیکل 19 کے مطابق اظہارِ رائے اور پریس کی آزادی بنیادی حقوق میں شامل ہے۔ جسٹس قاضی فائز عیسیٰ کے ان معرکتہ الآراء فیصلوں پر سپریم کورٹ نے عملدرآمد پیدا کرنے میں کسی نے دلچسپی نہیں لی۔ صدر عارف علوی نے جسٹس قاضی فائز عیسیٰ کے خلاف ریفرنس سپریم جوڈیشل کونسل میں پیش کیا۔ ان پر اپنی اہلیہ اور بچوں کے گوشوارے انکم ٹیکس میں جمع نہ کرانے کا الزام لگایا گیا۔

سپریم کورٹ نے جسٹس قاضی فائز عیسیٰ کو ان الزامات سے بری کر دیا مگر ان کی اہلیہ کے خلاف ایف بی آر کو تحقیقات کا حکم دیا لیکن ان پر بھی کوئی الزام ثابت نہیں ہوا۔ جسٹس فائز عیسیٰ کے خلاف تحریک انصاف کے جیالوں نے سوشل میڈیا پر حقائق کے منافی بہت سی وڈیوز وائرل کیں۔ سپریم کورٹ نے قاضی فائز عیسیٰ کیس میں صدر عارف علوی کے خلاف یہ فیصلہ تحریر کیا کہ انھوں نے ریفرنس بھیجتے وقت اپنا ذہن استعمال نہیں کیا۔ تحریک انصاف کے سربراہ نے اقتدار سے محروم ہونے کے بعد جسٹس قاضی فائز عیسیٰ کے خلاف ریفرنس بھیجنے کو غلطی قرار دیا اور اس کی ذمے داری سابق وزیر قانون ڈاکٹر فروغ نسیم پر عائد کی۔ بہر حال جسٹس قاضی فائز عیسیٰ بحال تو ہوئے مگر چیف جسٹس، ریٹائرڈ عمر عطاء بندیال نے کسی بھی اہم مقدمہ میں انھیں بنچ میں شامل نہیں کیا۔ جسٹس عطاء بندیال نے عدالتی تاریخ کی ایسی مثالیں قائم کیں کہ وہ ایک متنازعہ جج کی حیثیت سے تاریخ کا حصہ بن گئے۔

جسٹس عطاء بندیال نے تو اپنی ساس اور سینئر وکیل خواجہ طارق رحیم کی گفتگو کے آڈیو اور دیگر رہنماؤں کی گفتگو پر مشتمل آڈیوز کی تحقیقات کے لیے جسٹس فائز عیسیٰ پر مشتمل کمیشن کو تحقیقات سے روک دیا تھا۔ بہرحال اب جسٹس عطاء بندیال کا دور تو ختم ہوا اور قاضی فائز عیسیٰ صاحب کا امتحان شروع ہورہا ہے۔ انھوں نے حلف اٹھاتے ہوئے اپنی اہلیہ کو ساتھ کھڑا کر کے صنفی مساوات کی ایک نئی مثال قائم کی۔ اس وقت سپریم کورٹ میں 50 ہزار سے زائد مقدمات زیرِ التواء ہیں۔ گزشتہ دنوں جڑانوالہ میں مسیحی برادری کے گھروں پر حملے ہوئے۔ ان کے گھر جلائے گئے۔ اس برادری کے اکثر افراد کا تعلق غریب گھرانوں سے ہے۔ قاضی فائز عیسیٰ اپنی اہلیہ کے ساتھ مسیحی برادری کے ساتھ یکجہتی کے لیے جڑانوالہ گئے، یوں مظلوم طبقات سے یکجہتی کی ایک اعلیٰ مثال قائم کی مگر معاملہ یہ ہے کہ سپریم کورٹ کے سابق چیف جسٹس تصدیق حسین جیلانی نے اقلیتوں کے حالات کار کو بہتر بنانے کے لیے ایک معرکتہ الآراء فیصلہ دیا تھا۔

سپریم کورٹ نے اس فیصلہ پر عملدرآمد کے لیے ڈاکٹر شعیب سڈل پر مشتمل ایک کمیشن قائم کیا تھا۔ کمیشن نے اقلیتوں سے امتیازی سلوک ختم کرنے کے لیے اہم تجاویز پیش کی تھیں مگر ان تجاویز پر بھی مکمل طور پر عملدرآمد نہیں ہوا۔ چیف جسٹس قاضی فائز عیسیٰ سے امید کی جاتی ہے کہ وہ اس فیصلہ پر مکمل طور پر عملدرآمد کے لیے فوری اقدامات کریں گے۔ گزشتہ 23 برسوں سے لاپتہ افراد کا معاملہ کسی صورت حل نہیں ہو پایا۔ سابق چیف جسٹس افتخار چوہدری نے جسٹس ریٹائرڈ جاوید اقبال کی قیادت میں ایک کمیشن قائم کیا تھا۔ یہ کمیشن اپنی افادیت کھو چکا ہے۔ انسانی حقوق کی تنظیموں کا مسلسل یہ مطالبہ ہے کہ کسی اور غیر جانبدار اور بہادر جج کو اس کمیشن کا سربراہ مقرر کیا جائے۔

بشکریہ روزنامہ جنگ

[urduclassic]

دن گزارا ہے سزا کی صورت

دن گزارا ہے سزا کی صورت رات آئی شبِ یلدا کی طرح

صحن کی آگ میں جلتے ہوئے شعلوں کی تپش منجمد ہوتے ہوئے خون میں در آئی ہے

یادیں یخ بستہ ہواؤں کی طرح آتی ہیں آتشِ رفتہ و آئندہ میں رخشاں چہرے

برف پاروں کی طرح دل کے آئینے میں لو دیتے ہیں، بجھ جاتے ہیں

پسِ دیوار ہے خورشیدِ تمنا کا قیام ختم یہ سلسلۂ رقصِ شرر ہونا ہے

شبِ یلدا کا مقدر ہے سحر ہونا ہے

افتخار عارف

[marketingstrategy1]

پاکستان لٹریچر فیسٹیول میں امجد اسلام امجد کیلئے تعزیتی ریفرنس  

امجد اسلام امجد (فائل فوٹو) لاہور: پاکستان لٹریچر فیسٹیول کے آخری روز معروف شاعر امجد اسلام امجد کی یاد میں تعزیتی ریفرنس کا انعقاد کیا گیا۔ معروف شاعر افتخار عارف نے کہا کہ آج کے معاشرے میں چالیس سال تک ادب کے ساتھ جڑے رہنا بہت مشکل کام ہے لیکن امجد اسلام امجد نے یہ مشکل کام کیا، بہت سارے شاعر ادیب درباری ہوتے ہیں لیکن امجد اسلام امجد کو کبھی ایسا نہیں دیکھا، نوجوان اس کی کتاب ’نئے پرانے چراغ‘…

[azharniaz]

عبید اللہ بیگ پیدائش 1 اکتوبر

عبید اللہ بیگ پیدائش 1 اکتوبر

عبید اللہ بیگ ، پاکستان کے صوبے سندھ میں کراچی سے تعلق رکھنے والے ایک معروف دانشور، اردو ادیب، ناول نگار اور کالم نگار تھے۔ آپ 1936ء میں پیدا ہوئے، اپنے خاندان کے ہمراہ بھارت کے علاقے رام پور سے ہجرت کر کے پاکستان آئے اور کراچی میں سکونت اختیار کی۔ عبید اللہ بیگ نے 1970ء کی دہائی میں افتخار عارف اور بعد ازاں 1990ء کی دہائی میں غازی صلاح الدین کے ہمراہ پاکستان ٹیلی ویژن کے مشہور پروگرام “کسوٹی“…

[urduchronicle]

اردو ادب کے فروغ میں جتنا حصہ غزل کا ہے، کسی اور صنف کا نہیں، افتخار عارف

آرٹس کونسل آف پاکستان کراچی کے زیر اہتمام چار روزہ سولہویں عالمی اردوکانفرنس 2023 کے تیسرے روز ”اردو غزل کے مشاہیر“ کے عنوان سے سیشن منعقد کیاگیا، جس کی صدارت معروف شاعر افتخار عارف اور افضال احمد سید نے کی۔ جن مشاہیر پر گفتگو کی گئی ان میں منیر نیازی ، جگر مرادآبادی، ادا جعفری، پروین شاکر، ناصر کاظمی، احمد فراز ، اطہر نفیس، جون ایلیا، شکیل جلالی اور عرفان صدیقی شامل تھے۔ غزل کے ان مشاہیر پر…

[iloveurdu]

دیارِ نور میں تیرہ شبوں کا ساتھی ہو

دیارِ نور میں تیرہ شبوں کا ساتھی ہو

کوئی تو ہو جو مری وحشتوں کا ساتھی ہو

میں اس سے جھوٹ بھی بولوں تو مجھ سے سچ بولے

مرے مزاج کے سب موسموں کا ساتھی ہو

میں اس کے ہاتھ نہ آؤں وہ میرا ہو کہ رہے

میں گر پڑوں تو میری پستیوں کا ساتھی ہو

وہ میرے نام کی نسبت سے معتبر ٹھرے

گلی گلی میری رسوائیوں کا ساتھی ہو

کرے کلام جو مجھ سے تو میرے لہجے میں

میں چپ رہوں تو میرے تیوروں کا ساتھی ہو

میں اپنے آپ کو دیکھوں وہ مجھ کو دیکھے جائے

وہ میرے نفس کی گمراہیوں کا ساتھی ہو

وہ خواب دیکھے تو دیکھے میرے حوالے سے

مرے خیال کے سب منظروں کا ساتھی ہو

[urdu-poetry-lover]

گھر کی وحشت سے لرزتا ہوں مگر جانے کیوں

شام ہوتی ہے تو گھر جانے کو جی چاہتا ہے

افتخار عارف​

[bazmeurdu]

سمجھ رہے ہیں اور بولنے کا یارا نہیں

سمجھ رہے ہیں اور بولنے کا یارا نہیں جو ہم سے مل کے بچھڑ جائے وہ ہمارا نہیں ابھی سے برف اُلجھنے لگی ہے بالوں سے ابھی تو قرضِ ماہ و سال بھی اُتارا نہیں سمندروں کو بھی حیرت ہوئی کہ ڈوبتے وقت کسی کو ہم نے مدد کی لئے پکارا نہیں جو ہم نہیں تھے تو پھر کون تھا سرِ بازار جو کہہ رہا تھا کہ بکنا ہمیں گوارا نہیں ہم اہلِ دل ہیں محبت کی نِسبتوں کے امیں ہمارے پاس زمینوں کا گوشوارہ نہیں افتخار عارف

[my-urdu-soul]

ہم نہ ہوئے تو کوئی افق مہتاب نہیں دیکھے گا ایسی نیند اُڑے گی پھر کوئی خواب نہیں دیکھے گا نرمی اور مٹھاس میں ڈوبا یہی مہذب لہجہ تلخ ہوا تو محفل کے آداب نہیں دیکھے گا پیش لفظ سے اختتام تک پڑھنے والا قاری جس میں ہم تحریر ہیں بس وہی باب نہیں دیکھے گا لہو رُلاتے، خاک اُڑاتے موسم کی سفّاکی دیکھتے ہیں کب تک یہ شہرِ گُلاب نہیں دیکھے گا بپھرے ہوئے دریا کو ہوا کا ایک اشارہ کافی کوئی گھر، کوئی بھی گھر سیلاب نہیں دیکھے گا بے معنی بے مصرف عمر کی آخری شام کا آنسو ایک سبب دیکھے گا سب اسباب نہیں دیکھے گا اک ہجرت اور ایک مسلسل دربدری کا قصّہ سب تعبیریں دیکھیں گے کوئی خواب نہیں دیکھے گا

افتخار عارف

[moizkhan1967]

جاہ و جلال دام و درم اور کتنی دیر

ریگِ رواں پہ نقشِ قدم اور کتنی دیر

اب اور کتنی دیر یہ دہشت، یہ ڈر، یہ خوف

گرد و غبارِ عہدِ ستم اور کتنی دیر

اب اور کتنی دیر یہ طبل و علم کی دھوم

ذکرِ زوالِ لوح و قلم اور کتنی دیر

حلقہ بگوشوں، عرض گزاروں کے درمیان

یہ تمکنت، یہ زعمِ کرم اور کتنی دیر

پل بھر میں ہورہے گا حسابِ نبود و بود

پیچ و خمِ وجود و عدم اور کتنی دیر

دامن کے سارے چاک گریباں کے سارے چاک

ہو بھی گئے بہم تو بہم اور کتنی دیر

شام آ رہی ہے ڈوبتا سورج بتائے گا

تم اور کتنی دیر ہو ، ہم اور کتنی دیر

افتخار عارف