Ek baat batao
Yeh chand jo mujhe dekh kar raat bhar muskurata hai
Kya tumhari chhat se bhi nazar aata hai ?
Raat bhar palken jhapakne nhi deta
Meri aankhon ke samne niklta hai aur dhaljata hai
Main isse raat bhar tumhari baatein karta hun
Kya ye ek bhi baat tumhe batata hai ?
Yaafir mere saare raj badlon ke peeche chupata hai
Tumhari tareefen roz sunta hai fir bhi nikal aata hai
Yeh itna besharam hai yaa ye bhi tumhe chahata hai ?
Main bolta jaata hun bas bolta jaata hun
Bada mun laga kr sunta hai mujhe chup bhi kahan karata hai
Ek baat batao
Yeh chaand tumko aakh bharkar dekhta hai naa
Tabhi roz aur jyada sundar hojata hai
🌙 :- Tum yeh ghazlein yeh shayriyan kaise likh lete ho ??
Sach Mein Batana padega kya ??
🌙 :- Hannnnn
Accha suno...
Main jab tootte taare se tumhe maangne jaata hun
Chupke se kuch shabd chura kar tod Lata hun
Fir unko ek resham ke dhaage me pirota hun
Ese main Tumhari muskan par ek sher likh deta hun
Fir us shabdon ki mala raat bhar dukh me dubota hun
Upar se dheere dheere aansuon me bigota hun
Ese main tumhari aankhon par Ghazal likh deta hun
Dukh se nikli us Ghazal ko 'sehr' dhoop me sukha kar
Sham me ussi Ghazal ko yaadon se tarashne leaata hun
Dekhte dekhte pata hi nhi chalta kab raat aajati hai
Wo Ghazal udne ko tayar hai par barsaat aajati hai
Aadhi raat tak barsaat thamne ka intzaar karta hun
Jab tumhari yaad me mujhe saans nhi aati
Toh saari duniya ke samne chila chila ke Ghazal padhta hun
Ek aur ghazal mujhse Azad hojati hai
Fir tootte taaron tumhe wapas maange ki baari aati hai