#takleef

[hinsaa-paramo-dharma]

Choon choon ke saare prajati ke ghatiya bande bhagwaan ji mere pichhe hi lagate hain 😭

[hey-ranjhaan]

Ajeeb hai yaar, when I literally hear foreigners coming and embracing and talking about Hindu culture so beautifully and proudly, aur yahan same generation ke unfirangi hindu khoon ko mandir jaane mein sharam aati hai.

[unsiyat]

Jab hum kisi se mohobbat krte hai toh Hum baar baar apne phone ko dekhte hai, ghar ke darvaze ko takte rehte hai aur phone ki ring bajne ka intezar krte hai ya fir kisi ke dusre mulk se laut kr aane ka intezar krte hai..hame intezar karna padta hai na?

Magar Allah intezar nahi karwate. Vo chahte hai jab mere Bande ka dil bhaari ho vo mere saamne aake yunh sajde mei gir jaye aur mai uska dil halka kar dunga, uske gham ko kam kar dunga, uske gunah maaf kardunga aur use apni mohobbat mei mubtala kar lunga. Yeh hai Mera Allah❤️

Allah ke taraf bhaago Bhale tum bohot thake ho,takleef mei ho,bimar ho,musibat mei ho,dunya se haar chuke ho..tumhari manzil Allah hai aur jiski manzil Allah hai vo kabhi ruswa nahi hota!

Allah apko din mei 5 dafa bulata hai aur 1 dafa hai jab aap itni uski mohobbat mei gir jate hai ki vo apko apna khaas banda bana leta hai aur apko tahajjud padhne ka sharf ata kar deta hai.

Ap jisse mohobbat karte hai uske saath apne taaluq bachane ke liye har cheez kar guzarne ko raazi rehte hai magar Allah toh kuch nahi maangta bas itna kehta hai

"mere Bande tu mujhe yaad kar mai tujhe yaad karunga aur mera shukr ada kar aur meri na shukri mat karna."

فَٱذْكُرُونِىٓ أَذْكُرْكُمْ وَٱشْكُرُوا۟ لِى وَلَا تَكْفُرُونِ ١٥٢

remember Me; I will remember you. And thank Me, and never be ungrateful.

Uthein! Get up! Go talk to Allah! Pray! Cry! Beg! Call upon him! Ask him for his love and forgiveness! Send lots of salawat on our Beloved Prophet ﷺ (Allah's peace and blessings upon him)

[blogbyameera]

Read it somewhere “ Puri dunya aapko takleef deygi aur ek shakhs aapko khush kar deyga .. lekin agar wo ek shakhs aapko takleef de toh puri dunya bhi mil kar aapko khush nahi kar sakti ”

[qalbtalk]

kabhi kabhi halaat pe aansu nahi rukte. jaanti hoon k har museebat mein koi na koi hikmat hoti hai. iss tangi, is thakan bhari ladai mein bhi koi sabq zaroor ho ga. lekin itne saalon ki iss jang ne mere sabr ko bilkul khatum kar diya hai. puri jawani sirf aik hi dard main guzar gayi. itna kuch kho diya. itna kuch badal gaya.

duniya ka nuqsaan chahe phir bhi bhool jaon, lekin aakhirat ki pakar ka khauf raaton ki neend cheen leta hai. barson se niyyat, himmat, aur aqal ka sahara lene ki koshish ki lekin jab apne aas paas ke logon ko hi na bacha saki, tou sab ka kya faida. har raasta apna k daikha, har soorat azma li… par sab kuch rayegaan gaya. sirf aik ki sangg dili ki saza sab ko mili aur jabr ka tou koi hisaab hi nahi.

Surah Nahl ki woh ayaat yaad aati hain jahan Allah ne diloon pe mohr laga dene ki saza di hai. iss se bari bad-qismati kya ho gi k sach saamne hote hue bhi nazar na aaye, ya dil pe asar na kare. warna itne saloon ki duain aur qurbaaniyaan kuch tou rangg lateen. phir sochti hoon shayad iss takleef ka ajar akhrat main likh diya gaya hai… lekin ab ka kya?

[pyaariposting]

Mujhe unn logon se hasad hoti hai jo aasani se aage badh jaate hain, Jo bhool jaate hain, Jo apne ghamo ko dil se lgaye nahi baitha karte, Jinke paas sarmaye ke naam pr apne paale hue gham nahi hote. Jinke liye aasani mantakhib karna, apne aap ka nafa dekhna aasan hota hai. Jo bs aage badh jaate hain. Jinhe hnsne ke liye takleef nahi uthani pdti. Jinhe adakari nahi krni padti ki. Jo apne dil ka haal kisi se bhi keh sakte hain. Jinki dunya kisi ke bichadhne se ruk nahi jaati.

Aur dusri taraf maiñ hu, jo wahi khade reh jaate hain, Jiske liye bhoolna maut se zyada mushkil, Jiske liye uske gham hi uska sarmaya hai, Jiske samne aasani hote hue wo aasani mantakhib nahi krskte, Apna nuksaan krna aasan hota hai. Jo bas wahi ruk jaate hain. Jisey hansne pr bhi takleef hoti hai. Jo adakari krte hue hi zindagi basar karte hain. Jo chahe dunya ke sabhi alfaazon ko jod bhi lein tab bhi apna haal bayan nahi karskte.

[mashriqiyyah]

Kya ye aapne mehsoos kiya hai kabhi? Jab kisi maqbooliyat ki sa'at me aap Allah ke aagay haath phailayen baithe hote hain....khaas waqt...jaise Jumuah ke din Asr ke baad wali ghari...jaise Mataaf me baithe, baarishon me bhigte hue aapki nazrein kaaba par ruki hon, aapki hatheliyan aapke Rabb ki baargah me uthi hain, yun ke aapko yaqeen hai, iss waqt aapke zuban se nikalne wali har iltija aapke liye unn phaili hathrliyon me puri karke daal di jayegi...? Uss lamha e qubooliyat me aap har wo Dua karlete hain, jo aapki ruh me muqeed hai. Aap har uss insan ka naam le lete hain, jo aapke liye khaas hai. Har wo insan jo aapki zindagi me hai ya guzar chuka. Lekin chand naam yun chalay aate hain, jaise mehman hon koi. Na dosti ka talluq na koi qurabatdari. Lekin unke naam yun aajate hain aapki duaon me jaise parinda pani par udti machhli ko jhapak ke ek lamhe me apna rizq utha le jaye. Lekin kuch naam, kuch naam aise hote hain, jo aapke dil ki dehliz par aakar thehar jate hain...shanasa se wo naam, jinke lene se shayad qarb umad aaye ya shayad koi bhi tassur na ho...lekin wo naam bas wahin tak ruk jate hain, na unka hissa duaon me aa paata hai na zehn koi alfaz jabran bhi unke liye bunta hai. Bas Yun jaise unn naamon par aapki duaon ko chup lag gayi ho. Aap unhe yun uss dil ki dehliz se utar ke kisi aur khane me undel dete hain, laparwahi se...ke haram me bitayi uss sa'at ke ikhtitam tak wo naam aapko bhul jate hain, daraz me ghum kisi shay ki manind. Mai sochti hun, ke dil itna behiss to nh tha unke liye, to phir ek saada si dua bhi hum kyun na maang paaye unke liye....lekin phir ek udaas karne wali sargoshi me koi kehta hai, ke dil ko takleef pahonchane walay logo'n ki saza yahi hoti hai, ke aapki duaon se unka rizq utha diya jaata hai.

~ mashriqiyyah | umm taimiyyah

[krrishnaofficial]

🍁|| Tumhein Bhi Saans Lene Mein takleef Ho,

Tumhein Bhi Zindgi Thukra Jaaye || 🍁

[zeh-e-aashiqui]

insaan zindagi mai bhale kitna bhi ameer kyun na ho jayee, par takleef bech nahi sakta, aur sukoon kharid nahi sakta 🤍

[limusss]

When Mirza Ghalib said:

“Dil-e-nadaan tujhe hua kya hai,

aakhir is dard ki dawa kya hai?”

And Jaun Elia wrote:

“Dil takleef mein hai aur,

takleef dene wala dil mein”.

[anirregularperson]

Nhi bhai mujhe kyu takleef hogi..🙂

[uroldhomie]

Mein ny aik chez ju zindagi sy sekhi hai

Ap bohat sary logo ko janty hongy, bohat sary log apky contact lists mein hogy , bohat sy logo sy rasmi slam duaa hogi magar gham aur takleef k waqt insan ko bary kaam log yaad aty hain. Koi 520 contact list ki lambi qitar mein sy aik 2 . Jinhen insan call karky batata hai k dil ka haal bura hai, aj jeena mushkil horaha hai, ab dil mutmyn hai ab zindagi achy waqton me sy guzar rahi hai. "Dil ki dard , zindagi ki takleefen har aik sy nahi banti ja sakti"

Kisi ny sahi kaha hai "insaan wohi hai jisy ghaam mein awaz dena asaan hu"

[unsiyat]

Surah Al - Anfal (8:30)

وَيَمْكُرُونَ وَيَمْكُرُ ٱللَّهُ ۖ وَٱللَّهُ خَيْرُ ٱلْمَـٰكِرِينَ ٣٠

They planned, but Allah also planned. And Allah is the best of planners.

- Hum yeh baat samajhte nahi ya fir samajhna nahi chahte ki aik hamari planning hoti hai aur ek Allah ki hoti hai. Ek rasta hum apne liye chahte hai aur ek rasta Allah hamare liye chunta hai. Hamare liye kahan kitna khair aur kahan kitna shar hai, Allah yeh dekh kar faisla karta hai taake vo hame bari takleef se bacha sake. Aur hame hamare sabr ke badle kuch behtareen ata kar sake!

I have seen so many instances in my life where I have made and my family has done plannings for so many different things but then they got denied only for us to be given something better in return. Allah has never had me deprived of anything Alhamdulillah and he has always given better than before so trust Allah and In Sha Allah, you will always get the best of everything in this world and the hereafter!

[divyasitara]

गुलजार series P- 15,16,17

This one is my favorite

Tum laut kar aane ki

takleef mat karna,

Hum ek hi mohabbat

do baar nhi kiya karte.

[blogbyameera]

When someone said :

" some sleep to forget , some forget to sleep : i do everything but i fail to forget "

But this quote in Aks describes this situation best :

" Zindagi mei ek goli aesi bhi honi chahiye jisey khane ke baad insaan uss shakhs , cheez aur yaad ko fauri taur par bhool jaye jisey wo bhoolna chahta hai .. aap usey khaa kar soyein aur jaagein toh aap ke purey wajood aur zehn ke system mei se sirf wo shakhs , wo cheez wo yaad nikal chuki ho jissey aap jaan churana chahte ho .. jo aap ke liye takleef ka bais ho "

[qalbtalk]

mama 35 saal ki theen jab hum Canada shift hue. aur jis aurat ne ghar se bahar kabhi kadam nahi rakha tha maine uss aurat ko aik anjaan mulk ko apna ghar banate daikha. apne abba k saath kadam se kadam mila k chalte daikha. na zubaan apni thi, na log apne thay laikin meri mama ne sab apnaya. mama ka taluq Lahore ki bohat bari businessman family se hai, laikin mere nana k achanak inteqaal k baad unhoon ne mehroomi bhi daikhi. woh ghar main sab se bari theen, isi liye chote behn bhaiyoon aur meri nani jaan ka sahara ban gayeen. bohat choti umr main apne hisse se ziyada zimedaariyaan sambhaal leen. merit pe parha aur top bhi kiya. laikin iss mulk main aa kar sab jaise dobara naaye sirre se shuru karna para. bachoon k peeche bhaagne wali mama, unse kadam se kadam mila k chalni wali mama kab umr k iss hisse main aa gayeen pata hi nahi chala.

meri mama ko ghoomne phirne ka bohat shauq hai. mere saath Sweden aur Norway ki sayr ya Japan jaane k mansuube banane wali aurat main mujhe woh dost mili jis ki mujhe hamaisha talaash thi. meri mama bohat kam bolti hain. balke kabhi kabhi tou apne haq k liye bhi awaaz nahi uthati. poochti hoon tou kehti hain: “apni beti ko strong bana diya hai. mere liye itna hi kaafi hai.” mujhe iss baat pe ghussa aata tha. aur main kaafi saal isi kashmakash se bahar hi nahi nikal saki. mujhe unke sabr se takleef nahi thi. mujhe jabr sehne se masla tha. unse pochti tou kehteen “humara waqt aur tha beta. abbu pehle hi chor gaye, aur ammi ne yehi sikhaya k ghar aurat banati hai. aur mujhe ghar banana tha. aapka aur hasan ka khayal rakhna tha.”

kya mard wakye sirf makaan khara kharta hai? iss sawaal ka jawab main apne aane wale humsafar main dhoodhti hoon. har tarhaan k lagoon se wabastagi rahi hai. mujhe bahir kaam karte aur khudh kamate hue 10 saal ho chuke hain. apne aas paas bohat ache mard bhi daikhe hain aur bohat bure bhi. aur yeh achai aur burai sirf aik cheez se juri hai: Allah se taaluq. agar koi mard apne Rabb ko samjhta hai aur Uss se darta hai tou aik acha shauhar, aik acha baap, aik acha bhai sabit hota hai. baqi sab tou har insaan ki khoobiyaan aur khamiyaan hain. koi waqt ka paband hai tou koi chup chapeta. kisi ko logoon k hujoom main zindagi basr karna acha lagta hai tou koi apni hi duniya main khush hai. aur yeh sab cheezain tou waise bhi zindagi aur waqt k saath badalti hain. preferences, you know. par jo cheez nahi sikhai ja sakti woh imaan hai. aur woh Rabb hi ata karta hai. Uss Zaat main imaan aur khudh apne aap par yaqeen. mujhe apne rabb se ache k nahi, bohat ache ki umeed hai. woh mera dil kisi aise shaqs k haath main nahi de ga jisko iski qadar na ho. aur agar yehi mera imtehaan hai tou mujhe iss main qamyaab hone ki salahiyat bhi de ga.

aur jahan tak baat ghar banane ki hai tou aurat ki zindagi isi aik cheez main guzarti hai. zindagi banate ya sawaarte. ya tou apni ya aane wali nasl ki. tabhi shayad maa ka parha likha hona bohat zaroori hai. main apni mama ko daikhti hoon tou sochti hoon kya main unki achaiyaan apnane main kamyaab rahi hoon? main tou bohat kamzoor hoon. woh thora peeche reh gayi hain phir. meri zindagi ki raftar itni tez ho chuki hai k unke boorhe qadam ab muqaabla nahi kar sakte. “mama thak tou nahi gayeen? does mama want to sit down?” main dosri baar poochti hoon. “nahi beta main theek hoon.” laikin kuch hi dayr baad aik bench k paas aa kar kehti hain, “yeh achi jagah hai.” main muskura dayti hoon. jab woh kehti hain k “main boorhi ho gayi hoon” tou main kehti hoon, “ho hi nahi sakta. kyun k main tou abhi bhi bachi hoon.” laikin sach baat tou yeh hai k unn main ab woh himat nahi rahi. ab bhi woh mere se ziyada sabr ki salahiyat rakhti hain. aur yeh Allah ka unpe karam hai. imaan ki woh pukhtagi hai jis k liye main haath phailaye khari hoon.

aik waqt tha jab iss duniya ki race main mujhe sab chahiye tha. degree pe degree. credential pe credential. honor roll. akhbaar main naam. sab k peeche pagal thi. maa baap ki khushi k liye sab kiya bhi. unke “immigrant sacrifice” ki qeemat iss race main number laane se wusool ki. lekin bohat bara khamiyaza bhi bhugta. log aur rishte peeche reh gaye. isi liye ab jab main apni mama k kaampte haath daikhti hoon, kamzoor nazar daikhti hoon tou koi medal, koi aizaaz mujhe itna azeez nahi lagta jitna unki khushi. main apne aap ko aik achi beti nahi maanti. main apni khamiyoon se khoob waqif hoon. isi liye apni aane wali zindagi se sirf aik hi cheez chahti hoon: apni mama ki khushi. baqi sab chalta rahe ga. Allah se umeed hai. ghar ban jaye ga. kamai ho jaye gi. laikin jo cheezain meri mama ne sacrifice ki hain, unke badle main inn akhri kuch saal unko wapis lautana chahti hoon. kyun k jab woh kehti hain, “I’m proud of my daughter” tou unka ishara mere medals ki taraf nahi hota. unka ishara meri himat aur mere sabr ki taraf hota hai. wohi himat aur sabr jo shayad woh mujhe hamaisha sikhana chahti theen aur jo meri zindagi ka sab se keemti asaasa hain.